المساعد الشخصي الرقمي

مشاهدة النسخة كاملة : أنواع الطلاب و الطالبات


مدنجي
23-01-2003, 04:42 AM
يصنف الطلاب او الطالبات الى مجموعات لها اسماء متعدده


يا ترى انت او انتِ من مين فيهم؟؟

(1)- مجموووعه الدايخين :

مساكين..
ما لهمش هم الا انهم يستعدون بدسته اقلام ملونه و يسجلو المحاضرة من.........
إلى........
حتى الكحه ما تفوتش..
ما يغيبوش ابدا و لا يتاخروش عن المحاضرة..
واول ما يطلع الاستاذ على طوووووووووووول وراه...........ممكن سؤال استاذ؟؟؟؟؟؟؟؟؟.......
لكن الذكاء نعمه
واخر السنه شايلين يا عينى شايلين..


(2)- مجموعه بوجهين(((((المنافقين))))) :

يموتو ويخدمو الاستاذ خدمات مجانيه طول السنة
لزق......
يا كثر اسئلتهم للاستاذ....
بس علشان يتلزقو....
ويا حبهم للمدح ....
واخر السنة على الحظ وضمير الاستاذ!!!!!!


(3)- مجموعه طنش تعش تنتعش:

طبعا بدون مناقشه مكانهم الرسمي اخررررررررر المدرج-دا لو فيها مدرج-
وان كان فيه مكان ورا الحيطة قعدو فيه...
بس عليهم سعه الصدر....
و كتير اوى تلاقيهم بيهزو راسهم .......طبعا قصدهم..يعني انهم فاهمين...
وعلى الحظ........بعضهم حظهم يكسر الصخر وينجحو
و الباقى الحظ معاندهم.......


(4)- مجموعه شايلين يا حبيبى شايلين:

حاطط في باله انه شايل شايل قبل ما تبدا الدراسه...
و المصيبة انه مجهز كمان سبب الشيل....
كانه عالم بالغيب....
بس نفسه يجتهد....
ياما بتمر عليه اجيااااال واجياااال
و يدخل الامتحان .......هو مش مذاكر!!!!!!!
ايه ؟؟؟؟
مهو شايل شايل...


(5)-مجموعه البس نظاره قاعة البطل :

ان قلت شطارة....................فيا سلااااااااااام
وان قلت ثقاله دم.......................برضه يا سلااااااااااااااااام
نظريتهم((((اموووووووت ولا اعطي جهدي لاحد))))
علاقتهم مع الجميع مش ولا بد إلا من ندر..........
بس اخر السنه نتايج ترفع الراااااااس......
لكن!!!!......غالبا بيتخرجو من الكلية من غير ذكرياااااااااات جميييييييييله...
لان حياتهم كانت على المنافسه و المناحسه و المقاهره!!!!!!!!!!!!!!!
DrStorm
24-01-2003, 12:09 AM
قوي بجد قوي

دا إنت جبت الطلبة كلهم

معلم
Alasmar
07-09-2003, 08:30 PM
الموضوع ده فكرنى بأول يوم لسنة اولى..
الى لسه عليه اسبوع و كام يوم..
بالفعل انا بلاحظ النوعيات دى فيهم..

و فكرنى برده بالاخ ستورم و الاخ مدنجى..
amr2003
09-09-2003, 05:33 PM
<P>بصراحة يا أخ مدنجي - بفتح الميم وليس كما كنت أعتقد بضمها - أنا ما لاقيتش نفسي في وسط المجموعات دية . . </P>
<P>الحمد لله أنا ال 22 على الدفعة ، لكن كنت فعلا بغيب كثير ، وكنت مش بكتب كثير في المحاضرات&nbsp;.. .والحمد لله كنت بلاقي وقت للكمبيوتر كثير جدا ، ففي أي مجموعة تتضعني ؟!&nbsp;</P>
مدنجي
10-09-2003, 12:05 AM
<P><FONT face="Tahoma, Arial, Helvetica, sans-serif">بصراحة و لا انا..</FONT></P>
<P><FONT face=Tahoma>انا معرفش انا من اى نوع فيهم..</FONT></P>
<P><FONT face=Tahoma><STRONG>بس لعلمك انت لا يمكن تعرف انت من اى نوع فيهم بنفسك</STRONG>..</FONT></P>
<P><FONT face=Tahoma><FONT color=#cc0000><STRONG>لازم تسأل حد يعرفك كويس و هو يقولك</STRONG>&nbsp;(بشرط اوعده الاول انك مش هتزعل منه)</FONT>..</FONT></P>
<P><FONT face=Tahoma><STRONG>لكن تأكد انك اكيد واحد منهم</STRONG>..</FONT></P>
<P><FONT face="Tahoma, Arial, Helvetica, sans-serif">او لو فكرت شوية كويس ممكن تعرف انت فى اى مجموعة منهم..</FONT></P>
<P><FONT face=Tahoma>و لو حصل(مش هيحصل) و ملقيتلكش مجموعة نفصلك واحدة..&nbsp; انت بس تأمر..</FONT></P>
<P><FONT face=Tahoma></FONT>&nbsp;</P>
<P><FONT face=Tahoma>حاجة تانية:</FONT></P>
<P><FONT face=Tahoma>انا بصراحة انا مش متخيل انك كل ده فاكر ان اسمى بضم الميم..</FONT></P>
<P><FONT face=Tahoma>انا مش فاهمها بصراحة..</FONT></P>
<P><FONT face=Tahoma>بالذات و ان الاسم ده دلوقتى و الحمد لله على كل لسان..</FONT></P>
<P><FONT face=Tahoma></FONT>&nbsp;</P>
<P><FONT face=Tahoma><EM>و ربنا يوفقك و يعينك و مزيد من التقدم ان شاء الله (انت الــ22 على الدفعة -ما شاء الله-)</EM></FONT></P>
<P><FONT face=Tahoma></FONT>&nbsp;</P>
<P><FONT face=Tahoma></FONT>&nbsp;</P>
<P><FONT face=Tahoma></FONT>&nbsp;</P>
<P><FONT face=Tahoma><EM>دى..</EM></FONT></P>
amr2003
10-09-2003, 01:54 AM
<P>أنا ماكنتش سمعت كلمة ( مدنجي ) دية قبل كده ، وبالتالي ماكنتش عارف أنطقها ولا معناها . . لغاية لما قبلت مصباح وقلي على الاسم ! </P>
<P>أما بخصوص تصنيف الطلبة والطالبات ، فأنا لا أميل إلى تصنيف من هذا النوع ، لأنه قد يكون هناك حسد أو اغفال لبعض الحقوق ، واضفاء بعض الصفات غير الحقيقة . .</P>
مدنجي
10-09-2003, 02:06 AM
<P><FONT face="Tahoma, Arial, Helvetica, sans-serif">ماشى يا عم ولا يهمك.. اديك عرفت مدنجى..</FONT></P>
<P><FONT face=Tahoma>و بالنسبة للتصنيف فلكل واحد و جهة نظر و كل واحد بيبص للناس من منظاره الخاص..</FONT></P>
<P><FONT face=Tahoma>و للعلم بصراحة الموضوع ده "ممصر" يعنى منقول من موقع مش مصرى و انا حولته و غيرت فيه لغاية لما بقى كده.(ملحوظة: الموضوع ده بس هو الى ممصر الباقى كله و الحمد لله&nbsp; من تأليف العبد لله مدنجى)</FONT></P>
<P><FONT face=Tahoma>انا بصراحة لاقيته جميل جداً و شامل من وجهة نظرى و غيرى برده شايفينه كده لذلك انا قررت اعرضه عليكو..</FONT></P>
<P><FONT face=Tahoma></FONT>&nbsp;</P>
<P><FONT face=Tahoma></FONT>&nbsp;</P>
<P><FONT face=Tahoma>دى..</FONT></P>
فيرون
12-09-2003, 06:21 PM
<P><FONT face="Tahoma, Arial, Helvetica, sans-serif">بصراحة ياعم مدنجي .... المجموعات دي مش كل الطلبه .... صراحة مالقيتشي ناس كتيره أعرفهم فيها ....&nbsp;ياريت إن كل واحد ملقاش ناس يعرفهم في المجموعات دي يصنف لهم مجموعة : مثلاً ...</FONT></P>
<P><FONT face="Tahoma, Arial, Helvetica, sans-serif">عندك مثلا مجموعة أمير حنا بولس <FONT size=1>:smiley1: <STRONG>الكينج</STRONG> :smiley29:</FONT></FONT></P>
<P><FONT face="Tahoma, Arial, Helvetica, sans-serif">أو مجموعة اللي بيدي و مايلقيش ...</FONT></P>
<P><FONT face="Tahoma, Arial, Helvetica, sans-serif">مش كده برضه .... انتا معايا ولا إيه ؟؟! <FONT size=1>:smiley13:</FONT></FONT></P>
nasharty
12-09-2003, 10:43 PM
<P>يا اخ مدنجى انت قسمت الطلبة تقريبا تناولتهم كلهم لكنى مختلف معاك فى بعض الصفات فالمجموعة الاولى ليسوا شايلين بل معظمهم جيد حدا ولكنى متفق معك ان الذكاء نعمة وبعدين مين قالك ان المحموعة الخامسة مالهاش ذكريات ولكن لها مع الناس اللى زيها فمينفعش تقول كده على ناس هم نفسهم ذكرى وقدوة لناس كتير والطلبة دول لهم اصحابهم اللىلهم معاهم ذكريات بس بصراحة بياخدوا وقت على ما يلاقى الاصحاب المناسبين:bombom: </P>
مدنجي
17-09-2003, 02:01 PM
<P>انا اؤكد ان المجموعات دى تمثل على الاقل نسبة 99.99% من الطلبة..</P>
<P>لكن&nbsp;اكيد الى اعترضو على التقسيم ده يكونو من 0,01% الباقيين..</P>
<P>مش مشكلة</P>
<P>نقول تانى:</P>
<P><FONT face=Tahoma><STRONG>بس لعلمك انت لا يمكن تعرف انت من اى نوع فيهم بنفسك</STRONG>..</FONT></P>
<P><FONT face=Tahoma><FONT color=#cc0000><STRONG>لازم تسأل حد يعرفك كويس و هو يقولك</STRONG>&nbsp;(بشرط اوعده الاول انك مش هتزعل منه)</FONT>..</FONT></P>
<P><FONT face=Tahoma><STRONG>لكن تأكد انك اكيد واحد منهم</STRONG>..</FONT></P>
<P>&nbsp;</P>
<P>&nbsp;</P>
<P>دى..</P>
<P>&nbsp;</P>
نعناعة
18-09-2003, 03:40 AM
<P>يا أخ مدنجي انا عاملة تشكيلة من كل المجاميع اللي انت كاتبها </P>
<P>يعني أول أسبوع من السنة كنت اسجل المحاضرة من أولها لآخرها حتى بالعطسة</P>
<P>وبعدين بقيت من اللي بيعدوا في آخر المدرج يهزوا راسهم انهم فاهمين وانا حاسة اني في مولد ابن العمدة&nbsp;</P>
<P>وقبل امتحان البايو باسبوع اعلنت للجميع اني حشيل بايو وفعلا مرجعتش في كلامي وكنت قد كلامي</P>
<P>ركز شوية وقول انا ابقى تبع مين بالضبط واللا أحول من الكلية واريح دماغي:smiley31: </P>
مدنجي
18-09-2003, 02:31 PM
<P>و الله واضح بالفعل انك خليط بين المجاميع..</P>
<P>زيى..</P>
<P>شوفيلنا حد يعرف حنا من اى نوع..</P>
<P>&nbsp;</P>
<P>&nbsp;</P>
<P>دى..</P>
walaa
18-09-2003, 03:00 PM
<P><FONT size=4>يا أخ مدنجي,,,,,,,,, في مجموعة انت نسيتها ,, هي صحيح نادرة لكن موجودة هي مجموعة عيش ليك و لغيرك!!!!!!!!!!:smiley20: </FONT></P>
<P><FONT size=4>بمعنى انه انسان طيب (و للأسف بلغة العصر ,, أهبل)بيذاكر و بيجتهد و متفائل و دمه خفيف و بيساعد غيره يعني شخصية عنكبوتية ليها في كله..... و أعتقد أنها أفضل من غيرها :smiley2: :smiley2: :smiley2: </FONT></P>
<P><FONT size=4>و الحمد لله أنا أصحابي كلهم كدة&nbsp; يعني معتدلين بنحضر محاضرات :smiley20:&nbsp; و كثير بنزوغ:smiley21: و الحمد لله كلنا جبنا امتياز و مقربين جدا من أوائل الدفعة بس هو الحظ!!!!!!!!:smiley3: يعني لا أنانية و لا انطواء و لا استهبال بينفعوا و مع ذلك كل واحد مهما اختلفت&nbsp;مجموعته له ذكريات سواء كانت سعيدة أو تعيسة&nbsp; و دي حاجة بايده!!!!!!!:smiley31: </FONT></P>
<P><FONT size=4>و بعدين أنا عايزة أعرف يعني ايه مدنجي؟؟؟؟؟؟؟؟؟؟(بجد و الله):smiley2: </FONT></P>
فيرون
19-09-2003, 12:15 AM
<P><STRONG>ميس نعناعة ....</STRONG></P>
<P>أحيي فيكي روح البطولة ....&nbsp; والشعور بالمسئولية ...</P>
<P>و طبعاً الالتزام بالكلمة ...</P>
<P>:smiley4.: </P>
<P>&nbsp;</P>
<P><STRONG>مستر مدنجي</STRONG> </P>
<P>المفروض إنك عارف انتا من أي مجموعه .... </P>
<P>طب انتا حسبت نفسك فين ؟؟</P>
<P><STRONG></STRONG>&nbsp;</P>
<P><STRONG>ميس &nbsp;<FONT face="MS Sans Serif">walaa</FONT></STRONG></P>
<P><FONT face="Tahoma, Arial, Helvetica, sans-serif">تبرعاً مني شخصياً أشرح يعني إيه مدنجي ....</FONT></P>
<P><FONT face="Tahoma, Arial, Helvetica, sans-serif">مدنجي في اللغة تعني خريجوا المدينة الجامعية .... و من اتصف بصفاتهم و تتطبع بطبعهم ... و التزم زيهم ... و أتى فعلهم .... و أكل أكلهم .... (&nbsp;المعجم المنجز طبعة 2003 &nbsp;)</FONT></P>
<P><FONT face=Tahoma>طبعاً مش بفرض إن المدينه دي عبارة عن دمل أو خراج كبير في وجه التعليم المصري ....</FONT></P>
<P><FONT face=Tahoma>Inflamatory Condition</FONT></P>
<P><STRONG><FONT face="MS Sans Serif"></FONT></STRONG>&nbsp;</P>
مدنجي
26-09-2003, 02:00 AM
<FONT face=Tahoma><STRONG>فيرون</STRONG></FONT>
<P><FONT face=Tahoma size=2>لقد قام الاخ فيرون مشكورا بعريف ماهية كلمة مدنجى, لكنه فى الآخر اضاف ملاحظة انا مش فاهمها بصراحة لكن انا عاوز افكره ان "مدينتنا حتة سكرة الشمس فيها منورة"</FONT></P>
<P><FONT face=Tahoma size=2>يا اخ فيرون مدينتنا مش خراج مدينتنا عين فى وجه التعليم المصرى و وجه مصر كلها ممكن من خلالها النظر للمجتمع ككل ففيها صورة مصغرة لكل طوائف الشعب و يمكنك من خلالها التعامل و الاحتكاك معهم كلهم..</FONT></P>
<P><FONT face=Tahoma size=2>اما بخصوص حكاية التصنيف تانى انا هقول ان كل واحد له وجهة نظره و طبعا من حقه التعبير عنها..</FONT></P>
<P><FONT face=Tahoma size=2>و اعتقد انت عارف انا فى اى مجموعة..</FONT></P>
<P><SPAN id=glowtext><FONT face="arial, helvetica,verdana" size=2><B>walaa</B></FONT></SPAN></P>
<P><FONT face=Tahoma size=2>انا بصراحه اول مرة اسمع عن المجموعة دى و بصراحة دى مجموعة جميله جداً لكن انا عاوزك تلاحظى ان المجموعة دى من المجموعات الفرعية (<SPAN lang=en-us>subtypes</SPAN>)الى توجد تحت المجموعة التالتة <SPAN lang=en-us><FONT color=#000066>"</FONT></SPAN></FONT><FONT face="tahoma,ms sans serif,verdana, arial, helvetica" size=2><FONT color=#000066><STRONG>مجموعه طنش تعش تنتعش</STRONG> </FONT><SPAN lang=en-us><FONT color=#000066>"</FONT> </SPAN>الى <U>انا واحد منها</U> بس انا من المجموعة الفرعية <U>"المنحوسة"</U> و المجموعة دى سببها هو اليأس من المحاضرات و من الواقع كله و دا الى خلها تطنش لكى تعش فانتعشت و المجموعة دى اندفن فيها ناس كتير كان ممكن يبقو فى مجموعة تانية جديدة مش موجودة فى التصنيف السابق اتمنى لو كانت موجودة..</FONT></P>
<P><FONT face=Tahoma></FONT>&nbsp;</P>
<P><FONT face=Tahoma>دى..</FONT></P>
مدنجي
01-04-2004, 10:49 AM
<p>اسمحولى هنا اضيف مجموعتين فرعيتين لكنهم تابعين للمجموعة الاولى (مجموعة الدايخين)..</p><p>الا و هما شيتوس و فامبير (مصاصى الدماء)..</p><p>طبعا مش فاهمين..</p><p>طيب نشرح...</p><p>الطالب الشيتوس:</p><p>اولا هو مش وائل رياض لاعب الأهلى الشهير</p><p>بل_هو الطالب الذى يعشق ضرب الشيتات و فين ما تروح اى راوند تلاقيه عمال ياخد شيتات عمال على بطال..</p><p>و هو طالب مفيد جداً لنفسه ولغيره , لنفسه عشان بيتعلم ضرب الشيتات, و لغيره عشان بيرحمهم من الشيتات..</p><p>و من الممكن ان يكون الطالب الشيتوس فامبير(فى هذه الحالة مش هيكون مفيد) و من الممكن الا يكون..</p><p>و ما هو الطالب الفامبير؟؟؟؟</p><p>الطالب الفامبير هو الطالب الذى يتلذذ بامتصاص دماء المرضى و زمايله..</p><p>فهو يتعامل مع المريض ذى الفامبير الى بيتعامل مع فريسته, و ساعات زى الميكانيكى الى بيتعامل مع عربية..</p><p>و هو يتلذذ ايضاً بالتفعيص و التعجين والتخبيط فى المريض و مهما صوت المريض وتألم فهو لا يهمه..</p><p>طيب وكيف يمتص حقوق زمايله؟؟؟</p><p>ما ان يقول الدكتور قوموا شوفوا الحالة دى حتى ينقض هو وامثاله عليها و يلتفو حولها حتى لا يعطو الفرصة لزمايلهم الغلابة انهم يشوفوهم وهم بيفترسو العيان..</p><p>انا ملاخظتش الطالب الفامبير دا الا ما دخلت راوند الاطفال..</p><p>حرام عليكو العيال ايها الفامبيرز (المرضى واحنا)</p><p>.</p><p>.</p><p>دى..</p>
maramero2004200
05-05-2005, 03:02 PM
انت نسيت مجموعه مهمه وهي مجموعه الدروس اللي مايحضروش ولا محاضره ولا سيكشن وبينجاحوا من اوائل الدفعه
مصباح
06-05-2005, 04:57 PM
دول المجموعة الخفية اللي مابتشوفهمش الا في الامتحانات و يوم توزيع النيابات
!!
زينة
09-09-2006, 10:13 PM
مدنجى
الموضوع حلو طحن
بس مقولتلناش ليه الدايخين دول على طول شايلين مدام بيذاكروا و بيحضروا؟

ميرسى على الموضوع الجميل
precious soul
10-09-2006, 11:47 AM
وصلت متأخرةةةةةة

بس الموضوع جاااااااااااااامد جداااااااا:smiley20:

و ده فعلا موجود في معظم الكليات

الا مجموعة الفامبير (مصاصي الدماء)عشان مش بيبقى في مرضى نفعص فيهم :icon_mrgr

تسلم ايديك على الموضوع :tamtam:
drwesamgouda
17-10-2006, 09:18 AM
ههههههههههههه
موضوع جامد اوي
zoro3027
22-10-2006, 01:07 AM
:sleepy: :tamtam: :baloo:
بصراحة و لا انا..





انا معرفش انا من اى نوع فيهم..





بس لعلمك انت لا يمكن تعرف انت من اى نوع فيهم بنفسك..





لازم تسأل حد يعرفك كويس و هو يقولك (بشرط اوعده الاول انك مش هتزعل منه)..





لكن تأكد انك اكيد واحد منهم..





او لو فكرت شوية كويس ممكن تعرف انت فى اى مجموعة منهم..





و لو حصل(مش هيحصل) و ملقيتلكش مجموعة نفصلك واحدة.. انت بس تأمر..











حاجة تانية:





انا بصراحة انا مش متخيل انك كل ده فاكر ان اسمى بضم الميم..





انا مش فاهمها بصراحة..





بالذات و ان الاسم ده دلوقتى و الحمد لله على كل لسان..











و ربنا يوفقك و يعينك و مزيد من التقدم ان شاء الله (انت الــ22 على الدفعة -ما شاء الله-)

















انت باين عليك من الطلبة اللى حاضرة كل يوم و مبتفوتش محاضرة





دى..
zoro3027
22-10-2006, 01:10 AM
:baloo: انا مصرية و بدرس الطب فى كلية الطب - جامعة قاريونس بنغازى وعاجبنى المنتدى بتعاكم قوى
مصباح
22-10-2006, 01:35 PM
أهلا و سهلا بيكي
كل عام و انت بخير
M.keshka
26-10-2006, 09:31 PM
جامد اوي يا باشا فعلا هما كده كلهم انا في اولى لسة وشوفت كل الانواااع دي هههه تسلم يا باشا
osama saad
05-11-2006, 01:10 AM
مع احترامي ليكم كلكم ومدنجي بالذات لكن مش ملاحظين ان تعليقاتنا علي الموضوع ده كتيره ليه دايما الشعب المصري بصفتكم منه مشغول بغيره من الناس وده خنيق وده كويس وده وحش ==== وعلي فكره انا كمان كده بس مش عاجبني الحال
mahmoud basiony
20-11-2006, 09:32 PM
:welcome: :welcome: :welcome: :welcome: نعناعة انت رحتك حلوة جدا لكني بكرها

تاني حاجة مابحبش اشربةتالت حاجة ورابع وخامس حاجة مش فاكرهم:bold: :bold: :bold:
KatKoOoT
22-11-2006, 08:05 PM
:baloo: انا مصرية و بدرس الطب فى كلية الطب - جامعة قاريونس بنغازى وعاجبنى المنتدى بتعاكم قوى

جامعة ايه؟ مين؟ فين؟ حصل امتى ده؟
ع العموم نورتى مصر والمنتدى وجنينة الأسماك
rabab gamal
12-01-2007, 05:06 AM
fe no3 men elltalba bykn so cherrfull we de haga kweisa gden
rabab gamal
12-01-2007, 05:08 AM
هاااااااااااى على الشباب الروشه انا بكره الطب جداااااااا
dr_waleed
13-01-2007, 02:30 PM
الموضوع شيق جدا لكن خلاص ولااد الدكاتره وموضوع الكوسه بقو ظاهره منتشره ومش هتفرق انت انهى نوع لاان ف الاول والاخر مصيرنا وزاره الصحه واهلا بولااد الدكاتره ف نشر العلم ف الجامعه ههههههههههه
Dr.Sweet
08-02-2007, 11:25 PM
مجموعه طنش تعش تنتعش:

طبعا بدون مناقشه مكانهم الرسمي اخررررررررر المدرج-دا لو فيها مدرج-
وان كان فيه مكان ورا الحيطة قعدو فيه...
بس عليهم سعه الصدر....
و كتير اوى تلاقيهم بيهزو راسهم .......طبعا قصدهم..يعني انهم فاهمين...
وعلى الحظ........بعضهم حظهم يكسر الصخر وينجحو
و الباقى الحظ معاندهم.......
Dr.Sweet
08-02-2007, 11:30 PM
بالنسبة ليا انا من مجموعة
(مجموعه طنش تعش تنتعش)
طبعا بدون مناقشه مكانهم الرسمي اخررررررررر المدرج-دا لو فيها مدرج-
وان كان فيه مكان ورا الحيطة قعدو فيه...
بس عليهم سعه الصدر....
و كتير اوى تلاقيهم بيهزو راسهم .......طبعا قصدهم..يعني انهم فاهمين...
وعلى الحظ........بعضهم حظهم يكسر الصخر وينجحو
و الباقى الحظ معاندهم....... :smiley16:
Dr.T.M
09-03-2007, 10:07 PM
انا متفق معاك يا مدنجى فى معظم اللى انت قلته :smiley32: لكن احب اقول حاجه:

ممكن ال واحد يبقى فى اكثر من نوع واحد... ده كمان ممكن يبقى نوع فى أول السنه و نوع تانى فى وسطها و ثالث فى آخرها و أنا واحد من الناس دى.

وفى تقسيمه تانيه للطلبه منقوله عن أحد الدكاتره و هى 3 انواع:أول نوع اسمه (la vach qui rit):tamtam: :و ده بيكون عليه معظم الناس فى أول السنه(إلا الناس اللى ناويه ترتًب عالدفعه)و في هذا النوع يجلس الطلبه امام الكافيتيريا فرحانين:smiley17: انهم فى كلية طب(مع ان دى متفرحش اوى كده) وكل واحد فسهم نفسه يظبط :smiley27. بنات الكليه كلهم لانه فاكر نفسه طرزان:health: عصره.

اما تانى نوع (اللخبطه) :بيبقى الواحد تايه و مش ملاحق يذاكر حاجة و كل حاجه داخله فى بعضها.



طبعا النوع التالت هو نوع (كله ألسطه):smiley14: لكن معظم الطلبه مبتوصلش للنوع ده.



ملاحيظ:

الناس اللى بتطول فى النوع الأول:surrender بتبقى بتحب الكليه أوى عشان كده بتقرر انها تعيد السنه عشان تاخد الخبره.

اما الناس اللى بتبدأ بالنوع التالت على طول ف دول بيرتبوا عالدفعه وش.

وسلاموووووووووز:icon_mrgr
ekm86
17-05-2007, 02:53 PM
موضوع جامد

تسلم إيدك
roseangle
17-05-2007, 04:47 PM
احب اهنيك يا دك علي ده موضوع و دايما فاضحنا يا رب عالنت كده..

الواحد ممكن يكون كوكتيل اللي انت قلته ...
لو تسمحلي

انا بجلس علي طول ورا في المدرج و عمري ما جريت ورا دكتور بعد المحاضره علشان بحس ان هم بيجروا و الطلبه بتجري وراهم


و عمري ما قلت لحد طلب مني حاجه لا حتي لو من سنه اولي



و علي طول بجيب درجات كويسه بس مكدبش عليك بتكون علي حسب نفسيه الدك


غير كده دمي خفيف مش تقيل خالص
Dr.Rana
13-07-2007, 03:00 PM
فعلا اناا بأيدك ياولاء بكلامك .... بالفعل في حلقة ناقصة من الحلقات الي ذكرتهاا يادكتور وهي انه بالفعل في مجموعة معتدلة ... تجمع بين الطيبة وحب الكل ... وبعيدة عن الانانية ... وتحضر محاضرات وتزوغ كمان ... وتجيب مجاميع حلوة بنفس الوقت .... فانا وصحباتي بنعمل كده ...بس مابنزوغ كتير ناادر لما نزوغ.. مع انه للاسف المجموعة هااي ناادرة ... وفي نفس الوقت احياناا بتلاقيهاا بتبحث عن المثالية في عالم لا يعرف مامعناه ... لانه دفعتي معظمهاا من المجموعة الاخيرة .... عنوانهاا الانانية ... اما باقي المجموعات الي ذكرتهااا مو موجودة عندناا خالص .... احنااا كلية الطب عندنا التزام محااضرات وانضباط اصلا كليتناا كلهاا على بعضهاا اقل كل السنوات اقل من دفعة وحدة في سنة معينة عندكم ... عاملين متل العيلة الوحدة ... وهيداا اجمل شي ...



الله يوفقكم يااااارب ... وبلاش تزوغواا لانه هيداا مستقبلكم ... ولازم تبنوه صح ... وماتضيعواا بعد كده في ظلمات الضيااع والندم ....وحاولوا تستفيدواا من كل لحظة ... ذاكرواا استفيدوا من الاكبر منكم خبرة ... وبنفس الوقت لونوا حياتكم بالضحكة الجميلة والجوالجميل والامل .. بالمستقبل ...:smiley17: رح تقولواا عني متفائلة جدا .... تعرفواا يمكن بعيش بأصعب اللحظات وأصعب الظروف ببلدي بس من غير الامل مش رح اعدي ولا امشي بطريقي .... :smiley1:



بتمنالكم التوفيق ...
Dr.DaWaMaH
14-07-2007, 02:53 PM
انا مش لاقي اي وصف للوافدين من هالانواع
alzheimer
17-07-2009, 02:02 AM
سحر ما فات في كنوز المنتديات - مشاركة للتذكير
kalamntena
17-07-2009, 02:06 AM
انت هتجرينا وراك في الفورم يا الزهايمر
انا نفسي اتقطع
onion15
alzheimer
17-07-2009, 02:10 AM
انت هتجرينا وراك في الفورم يا الزهايمر
انا نفسي اتقطع
onion15


Looooooooooooool

Nostalgia Frenzy
kalamntena
17-07-2009, 02:11 AM
67onion


افندم؟
alzheimer
17-07-2009, 02:15 AM
67onion


افندم؟




نوبة جنونية من الحنين إلى الماضي .. ههههههههههههه
kalamntena
17-07-2009, 02:26 AM
حرام عليك يا الزهايمر
يعنى هو انا بافهم العربي بتاعك عشان تكلمنى يونانى