كتاب موجود في خيالك - تتمنى أن يؤلفه أحد (!)

[مصباح]

دي دعوة مني للتفكير

لو كانت المناهج اللي بنذاكرها محتاجة تتعرض بطريقة معينة في كتاب .. الكتاب دا له تصور معين في دماغك
ايه هوا التصور دا ؟


أنا ممكن أبدأ
في الأمراض الباطنة مثلاً كان نفسي يكون عندنا كتاب زي كتاب
Pediatric clinical diagnosis
بتاع الدكتور محمد النجار
كان نفسي يكون في كتب زيه في باقي التخصصات
أنا باعتبر ان الكتاب دا ( و باقي سلسلة كتبه ) ليها دور كبير في ان فيه في مصر دكاترة بتفهم في طب الأطفال.
الكتاب الوحيد اللي شفته عندنا في القصر بيحط العنوان الكبير عَرَض مش مَرَض .. و بعدين ياخدك خطوة بخطوة لغاية ما توصل للتشخيص ... وهوا دا المنطقي
مش تحط لي العنوان pneumonia و بعدبن تقولي دي فيه منها عشرتاشر نوع و ليها عُشرُميت سبب ...
طب و أنا مالي بالتقسيمات النظري دي
أنا عايز أعرف هاعمل ايه للعيان لما يجيلي بشكوى معينة .
مفيش عيان بييجي يشتكي من التهاب رئوي و لا عيانة هتيجي تشتكي من سرطان عنق الرحم ، و لا عيل هايشتكي من التهاب في أذنه الوسطى (!) .
نفسي في فكرة كتاب ال diagnosis في كل التخصصات

[Dr.Medicine]

الموضوع ده كنت لسه بفكر فيه خاصة اني كنت لسه بمتحن اطفال امبارح و اكيد كنت بزاكر differential من كتاب دكتور محمد النجار

كتاب النجار !!!

هو في زي كتاب النجار ؟!!

ممتاااااااااااااااااااااااز فعلا

كان في دكتور عندنا قال ان دكتور النجار اصلا ناقل من كتاب دكتور تاني كده ...بس كان قديم ...
بس الكتاب رائع فعلا

فعلا ما فيش كتب في باقي التخصصات زيه

انا فعلا كان نفسي يبقي في زيه للباطنة ...لان المهم نفهم او نعرف ازاي نفكر للdiagnosis

انا عندي اقتناع ان مش المشكلة اني ازاكر المواضيع بتاعة الباطنة ....المهم ازاي اوصل للdiagnosis و الكتاب موجود

عايزين يبقي في كتاب يوضح فيه approach لكل حاجة

للاسف حتي الان لم اجد تاب مثله ما فيش اي كتاب اجنبي زيه

[kalamntena]

انا عايزة كتاب بيقولنا زي ما كان دكتور حسين بيعلمنا

[مصباح]

برضه دكتور حسين كان بيعمل لنا خرائط تدفق flow charts نفكر بيها في الخطوة اللي جاية اللي هانعملها للعيان
نفس الفكرة