ايها النائمون تحت الثرى....

[مدنجي]

هذه رسالة لكل النائمين تحت الثرى..
كل الى بيقول:
و انا مالى....
و انا اعمل ايه....
يا عم بلاش وجع قلب و وجع ....

احنا معندناش نشاط ليه ؟؟
ليه ما بنطالبش بحقوقنا ؟؟
ليه مش راضيين نتكلم مع الى اكبر مننا ؟؟
ليه حتى ما بنتكلمش مع بعض ؟؟

انا لما لقيت الكلية مشكورة عملت لينا موقع و عملت لينا فيه منتدى كمان فرحت جداً..

و قولت اخيراً هلاقى المكان الى هقدر اقول فيه رايى و اتكلم مع زمايلى و اكون صداقات جديدة فى الكلية.

لكن مش عارف ليه الناس نايمة..

يا جماعة اصحو... فوقو...

لازم نتكلم مع بعض ...
لازم نفهم بعض ...
بكره هنوقف مع بعض فى غرفة عمليات واحده و هتبقى فى ايدينا ارواح ناس..

دى دعوة من مدنجى لاعضاء المنتدى عشان منبقاش زى الاخوة الى اتفقو على الا يتفقوا..

لازم نتكلم و نقول راينا فى كل حاجة...
مش لازم نخاف من حد مادام احنا متاكدين ان احنا صح...

لكن على راى المثل "اتكلم و دوس و ابتعد عن الدبوس"
:D :D :D :D
و احنا خدامين جزم سعادة الباشا. :D :D :D :D :D ...



دى...

[saroman]

يا عم مدنجى نتكلم نقول ايه انت مش عارف ان اصحابك عايزينا نفضل خرس .وما نعبرش عن اى اراء لينا

هو انت مش عارف اللى بيتكلم فى الزمن ده بيعملوا فيه ايه......

طب هم عاملين العمبوكه ليه .....طبعآ عشان اللى بيتكلموا.....

ياعم والنبى خلينا جمب الحيط بدل ما نبقى جمب الشمس........

[broken nonna]

بيتهيالي الناس صاحية كويس اهى اليومين دول

ياترى بتتكلموا هناك فى الجيش يا دكتور ؟:icon_mrgr

[أبو المعاطى شمروخ]

ليه مش راضيين نتكلم مع الى اكبر مننا


صف الضابط
يا خوفى يا مدنجى هههههههههههههههه

[broken nonna]

مش عارفة اعتقد انهم هيتكلموا
و امة لا اله الا الله هتسمعهم
و تشوفهم:icon_mrgr
و تضرب بيهم الامثال و العبر للدفعات اللي بعدهم
ربنا يستر عليهم بقى