العيد ..

[القصرعينية]

أعلن مجلس القضاء الأعلى في السعودية أن الوقوف بعرفة سيكون يوم الأربعاء القادم وأن الخميس الموافق 20 يناير/ كانون الثاني هو أول أيام عيد الأضحى المبارك



المصدر: الجزيرة.نت



كل سنة وانتوا طيبيين

:tamtam:

[the life]

:baloo: [IMG]
وانتى طيبة كمان
وعقبال السنة الجاية اما نحتفل بالعيد واحنا مخلصين امتحناتنا :union: :mmmm mmmm
ويارب يكون ده على خير لكل طلاب الفرقة .,.............؟؟؟؟ :bye:
:tamtam:

[فيرون]

كل سنة و إنتوا طيبين
عقبال كده ما شوفكوا في الجيش إن شاء الله

[kalamntena]

كل سنة وانتو طيبين

اكيد يا فيرون هاتشوفنا فى الجيش لما نيجيي نجيبللك العيش والحلاوة
امال
هى عشرة يوم
:tamtam:

اى خدمة يا فندم

[مصباح]

كل سنة وانتم طيبين
بما أن القصر عينية هية اللي فتحت الموضوع ..
يبقى اللحمة عليها
!!

[nabilprofelgen]

Happy feast.
I think this is the second big feast in our forum.
ok. Meat on Kasrainia"do not worry this is in the new movie i will write its story next friday" cause i missed writing stories.but i will try
Happy feast

[القصرعينية]

بما أن القصر عينية هية اللي فتحت الموضوع ..
يبقى اللحمة عليها
ايه ده؟ علمناهم المش عارف ايه سبقونا على ايه:yadmaghy: –مش مهم-<?xml:namespace prefix = o ns = "urn:schemas-microsoft-com:office:office" /><o:p></o:p>

طب بالمناسبة بقى اتفقنا في أسرة رسالةعلى ان أي حد حيدبح في العيد، يحجز حبة من لحمة التفريق عشان نفرقها وذلك بعد فشل تجميع ثمن عجل للدبح والتفريق<o:p></o:p>


Meat on Kasrainia"do not worry this is in the new movie i will write its story next friday" cause i missed writing stories.but i will try
waiting..

[Alasmar]

اهلاً و سهلاً و كل سنة وانتو طيبين جميعاً

[الكحكي]

كل سنة و أنتم جميعا بخير
لكن ايه اللي خلى السعودية ترجع عن رأيها و تغير ميعاد العيد؟
الموضوع ده هييجي بالضرر على طلبة سادسة القديمة اللي هيضطروا ينزلوا امتحان يوم الوقفة
يلله .... أهم خلصوا خلاص ........ الدور و الباقي علينا اللي لسة بقي لنا ســــــــــــــــــــــــــــنــــــــــــــــــــ ــــــــــــــــــــــــــــة بحالها لحد مانخلص
ربنا يعديها على خير

[فيرون]

وصلتني رسالة على المحمول
بتقول:
قالوا العيد الجمعه و رجعوا قالو الخميس
قلت ألحق أهني قبل مايقولوا مافيش

[nabilprofelgen]

جزارة قوت القلوب اعلنت عن بيع بقر و خرفان بمناسبة العيد
و القصر عينية قررت تجيب بقرة عشان تضحى موش عشانكم
و استلمت البقرة و لسه على العيد 3 يوم
راحت واخداها و ربطتها فى الجنينة اللى تحت بيت دوت شى
و البقرة عمالة تنعر تنعر تنعر
و دوت شى موش عارفة تركز فى كتاب بالعربى للعقاد
ياترى دوت شى عملت ايه فى البقرة؟




هتقوللى يادوت شى و لا احكى الحكاية؟



و يجعاه عامر

[she.]

ييييه مش قلتا بلاش فضايح يانبيل اخص عليك
هقول انا مع حزف او حذف الحاجات الى ليها دعوى بالرقابه
بس ممكن كمان 8 ساعات بس علشان رايحه اكل دلوقتى حاجات من بتاعه العيد ديه وبعدين هقول كل حاجه



الاستاذ فيرون باشا بيه من فضلك تصلح الغلطه الفظيعه الى غلطها فى موضوع صناع الحياه وبسرعه
يابيه انا مؤنث اتصرف بقى والا هرفع عليك قضيه شتيمه علنيه وكل الناس شاهدين

[مصراوى]

عزومة
ايوه كده

فين الحاجات دى من زمان

والله و ليكوا وحشة

الى كل الأعضاء الشرسين
سنوا اسنانكوا
العيد ان شاء الله عند القصر عينية

ممكن اجيب معايا عوضين؟

[القصرعينية]

ايه ده؟ مفيش حاجة بتستخبى في البلد دي؟!!بس على فكرة احنا بقرتنا مبتنعرش دى بت.....مووووووووووووووو
والحمد لله ، دبحنا وفرقنا:tamtam:
واللي عاوز يلحق حاجة يجي بسرعة أحسن مش عارفة أحوش شي دوت

[فيرون]

حكايه صغيره
كلمنا صديق عزيز علشان نودي حاجه لرساله
قاللي ماشي عشر دقايق و هاكلمكو تنزللولي
فاتت خمس ساعات
أنا شبعت فيهم نوم
المهم
ألو يادكتووووووور مش كنا متفقين ننزل
- ده أنا باكلمه بعد ما صحيت-
خلاص يافيرو انا أسف جدا بس اتشغلت انتا عارف العيد
و مش هاعرف انزل
طيب يابن ما كنت تقول من بدري
الحاجه هاتبوظ عند صاحبنا لأن مالهاش مكان في التلاجه
ألو رساله
ممكن تبعتولنا حد يجي يشيل
أسف يافندم ... مافيش مندوبين
نزلت أنا و صاحبنا و شلنا من عنده الحاجه
لفيييينا على كل الناس اللي عارفين إن هما محتاجين في الجيزة
وكلهم مش موجودين في بيوتهم !!!!
حاجه غريبه
والدنيا برررررررد باليل
طب نجرب نديها لحد مش محتاج
ياباشا الناس اللي بتسأل عليهم نقلوا من هنا منا زمان
اييييي
و اضح إن الشيلة مكتوب عليها رزق أيتام رسالة
طب نروح بكره رسالة
و نشوف
نوافيكم بالأخبار تباعا

[she.]

ياجماعه واللهى معملتش اى حاجه للبقره واهى القصر عينيه هانم قالت انها دبحتها وخلاص يعنى انا معملتش اى حاجه
وبعدين سبونى فى حالى انا مسكينه وجعانه اوى
ومش عارفه اكل رجلين البقر الى بيعملوها ديه
هموت من الجوع وكمان مش عارفه اققعد فى البيت البيت رحته صعب خالص
انقزونى الحقونى

وكمان الاستاز فيرون يروح يقول عليا اخى شى

والهى كده كتير اوى
حرام عليكوا بقى

[مصراوى]

رجلين بق
ر
اسمها
كوارع يا حاجة :smiley23: :smiley23: :smiley23:

[nabilprofelgen]

موش قادر انسى عين الخروف و الجزار داخل عليه
قلت فى نفسى
اكيد الخروف فاكروه دراكولا - السفاح- الجزار
اوعى السفاح

[she.]

الله يكرمك كده يابيه وتعلمنى كمان وكمان
بكره انشاء الله هتعلم اسماء بقيت المكونات على ايدين سيادتك

وبعدين انا حاجه؟

يلا مقبوله منك علشان العيد
يسمع من بقك ربنا

ياحرام يانبيل تلاقى دلوقتى بيجيلك كوابيس
معلش
معلش شويه وهتنسى


وبعدين عماله اقول الحقونى وانقزونى وجعانه
ومحدش سال ولا قال تعالى اعزمك ولا اى حاجه


هيا الدنيا جرى فيها

[فيرون]

شباب تيجوا نلحق بكرة و نعمل زيارة لدار للمعاقين ذهنيا في زينهم
موافقين
لو موافقين حددوا الميعاد ونتقابل و نرحلهم
مممم ؟

[القصرعينية]

طب متخلوها يوم الاثنين

عشان احنا رايحيين نودي لحمة، فبالمرة نزور الأيتام معاكم ونكسب ثواب
ايه رأيكم؟

[فيرون]

أنا نفسي حتى يبقى إسمها بنعيد عليهم
ممكن تحددوا بسرعة؟؟

[Eman Samir]

بالنسبة لى عندى حظر تجول لحد يوم الخميس

[القصرعينية]

it won't work for me..