في يوم من الأيام.... كـــــان.... ليا عقل ...

[فيرون]

دخلت كلية الطب ..... كنت باحب التفكير ... كنت باحب أجرب .... قلت إن كلية الطب هي اللي ممكن تطور تفكيري .... كنت فاكر إن الطب هو اللي يخلليني أشتغل بإيدي بس المشكلة بدأت مع الفسيولوجي ....
أنا دائما متفائل .... و إلى الآن ...
لكن يبدو إن العلم قرر التوقف لمدة أربع سنوات . و أصبح التركيز على الامتحان وليس التدريس ... الأساتذة أصبحوا ينامون و يستيقظون على السئوال الذي سوف يضعونه في امتحان اخر العام ... كيف يكون ملائما بحيث لايحله إلا الطالب الحافظ لما بين ضلفتي عشر كتب لمادة واحدة ... عايزين يعملولها قيمة .... بدل ما تبقى كتابين مختصرين ، لازم تبقى زي الباطنة ولا الجراحة . ويسألونك عن معادلة التدفق و اللزوجة (اخر سؤال في امتحان سنة أولى بتاعنا ) ... قل هي في الفيزياء ... وخبرعن و عن و عن ....
حاجات مايستفيدش منها إلا واحد في كلية جنب المترو ... أو الأخ العزيز محمد النشائي ... أستاذ الفيزياء بألمانيا -الدمياطي سابقا ... بتاع الغوابين .. و المرشح لنوبل حاليا -
يعني أنا اعتقد إن اختصار المواضيع كويس .. وخصوصاً إن المادة ضرورتها في أساسياتها مش تعقيدها .. يعني كمثال .. المفروض الطالب ياخد السؤال على شكل حالة و ياخد القيم الطبيعية للقياسات ( NORMAL VALUES ) و قياسات المريض ( PATIANT OWN VALUES ) و يحل المسألة بالطريقة دي .
مش ياخد عنوان و يرص تحته سبع صفح حلوين حواليهم ورد زي سؤال الـ ( KIDNEY ) إياه والعبد لله الي تعب و حاول يفهم و ربنا شاهد .. كتبت المضمون ... المعلومة في سطر بدون أي تحلية لغوية ... و دبيت صفحتين ليهم العجب و أخدت معاهم الجيد المضمون (ده تقدير الفسيولوجي) . الأساتذة المحترمين المفروض يحطوا في بالهم في أسئلة السنتين بتوع أولى و تانية شوية معايير .... نورد بعضها فيما يلي من أنباء :

* مش كل الطلبة أولاد ناس كبارة و مدخلينهم أي جي سي إس إي
* مش كل الطلبة أولاد الـ ..... بيكتبو انجليزي بنفس سرعة قرائتهم له
* مش كل الطلبة أولاد الناس الكبارة و أولاد الـ ...... بياخدو دروس
* مش كل الطلبة أولاد الـ ..... من القاهرة و يقدروا يتابعوا المحاضرات
* في النظام القديم كانت أول سنة عبارة عن تمهيد لمرحلة استخدام الإنجليزية و بعد كده كانو بيحاسبوهم .
* و من الأخر كده و على سيراميك ( سلامة مقام سيادتك ) مش كل الدكاترة عندهم ملَكة الشرح و إيصال المعلومة .
* المفروض الطالب يشارك في وضع أسئلة الامتحان .. و مش الطالب الأول على الدفعة .. الطالب الأخير على الدفعة و الساقطين ... لأن دول كان ليهم أسباب و ليهم و جهة نظر .. الطالب مش هايخرج من الكلية موسوعة ... المستقبل جاي شايل كمبيوتر لاب توب ، و احنا بنطعم الطلبة ضد الفهم من أول سنتين ...

حكاية ...

مرة فهمت ... فهمت قوي .. حضرت محاضرة في الـ ( CVS ) و عملت معادلة على الكمبيوتر فيها 3 متغيرات أو 2 وقياس زاوية بس .. بيقوم الكمبيوتر على أساسها برسم المتجه المعبر عن القوى الكهربية للقلب ( VECTOR ) و القياسات دي بتتاخد من جهز رسم القلب و تتدخل على IC تاني في نفس الجهاز ياخد المتغيرات و يطبق المعادلة وير سم المتجه ...
و جهزت الموضوع .. و رحت للدكتور .. عرضت عليه المعادلة و الفكرة .. تصوروا كان إيه الرد .. برافو مثلاً .. تشجيع يعني ؟؟‍‍‍‍‍‍‍‍‌‍‌‍‍‍‍‍!! لأ ... الدكتور قال لي إحنا عندنا جداول معلقينها على الحيطة بنعرف منها الحاجات دي ماتتعبش نفسك ...
أنا أكلت القلم على وشي و سكت .... سكت 3 سنين .. بطلت أفكر .. بطلت أفهم و تقوقعت أصبحت زي البيومفلاريا ألكسندرينا .

نصيحة من أخ ... لو كنت في سنة أولى حول أي كلية تانية .... لو كنت في أي سنة غيرها ... فإنا لله و إنا إليه راجعون ... كان ليك عقل و داب ..
شاب ... ساب ... تاب ...

[مدنجي]

رجعت تانى للاحلام و الاوهام..

انت ليه عاوز تفهم؟؟
يا بنى..
.....الجهل نعمة.....
دا اولاً.


انت بتدن فى مالطة..
ليه؟؟
خليك معايا..
مش الى حافظ هيجيب امتياز.
و الى هيجيب امتياز هيتعين.
و الى هيتعين هيبقى استاذ.
و الاستاذ هيبقى رئيس قسم.
و رئيس القسم هيحط الامتحان.
و القمحة عند الفرخة و البيضة عند الفلاح و الفلاح عاوز الفرخة و....

يبقى ازاى عاوز امتحان للى فاهم مش للى حافظ؟؟؟
ازاى؟؟
دا ثانياً.


نقولها تانى..
الى حافظ هيجيب امتياز.
و الى هيجيب امتياز هيتعين.
و الى هيتعين هيبقى استاذ.
و الاستاذ هيفتح عيادة.
و العيادة هتجيب فلوس.
و الفلوس هتدخل العيال IG.
و الـ IG هتدخل العيال طب.
و الاستاذ له حبايب.
و الحبايب بتحب تخدم. -فى النظرى والشفوى-
و الفرخة عند البيضة و الفلاح عند القمحة و القمحة عاوزة البيضة و....

يبقى ليه عاوزهم يراعو الى كانو فى مدارس حكومية؟
دا ثالثاً.

نقولها تانى؟؟
و لا انتو فهمتوها؟؟





دى

[الجدى]

دا أنت أحلامك كانت علي قدك يا فيرون با بني!!
أنت اما دخلت الكليه كنت عايز تطور تفكيرك!
أنا لما دخلتها كنت مفكر نفسي هبقي زي بتوع مسلسل E R تعرفه ولا نسيته؟ولك بقي أن تتخيل الصدمه!أمال أحنا بقينا جديان من قليل
(لتهيش عمق الكون المتفلطح...وأضغام البعد المتسطح)
الميثاق الأول


لذا ف...

[Alasmar]

هذا الموقف حدث لى فى اول درس فى راوند الرمد..

قعدنا ننتظر حضور الدكتور لغايه الساعة عشرة..
دخل علينا بطلعته البهية..
و بدأ يشرح..
و فى وسط ما هو بيشرح و جه لينا سؤال و فى عينه نظرة التحدى المعهودة: حد فيكو يعرف الضغط الجوى كام ؟؟
اتهفيت فى عقلى و حظى العسِر فكرنى بأيام مجدى فى الفيزياء و تجاسرت و قولت ارد عليه.
و قولت فى فخر: 760mm زئبق.
ها ها ها افحمته..
ابتسم الدكتور و صاح: هه... لا طبعاً..!!!!!!!
تضاءلت فى مكانى و قولت فى نفسى بس انا نسيت و لا ايه.. كل دا حصلى.. شكلى بقى مش و لابد قدام الناس.. و وشى ضرب الوان..
و فى وسط ما انا قاعد افكر فى منظرى الى بقى مش ولابد.. عاجلنى الدكتور و اطلق القذيفة... اه... القذيفة...
فاذا به يصيح صيحة المنتصر: صفر...!!!! الضغط الجوى قيمته صفر...!!!
تلك القذيفة التى استقرت فى مخى مباشرةً و دمرت او حاولت تدمير البرج الى لسه فاضل فيه..
صفر...!!! الضغط الجوى صفر...!!؟؟؟؟؟
لقد دمر بهذه الكلمة كل قوانين الفزياء..
ايه الى قاله ده..
اتهفيت فى عقلى مرة تانية و استجمعت اسلحتى الفزيائية و قلت:حضرتك قاصدك فرق الضغط لكن الضغط هو 760mm زئبق.
فمثلا فرق الضغط بين مقلة العين و الضغط الجوى يتراوح مابين 12-20 mmزئبق-على ما اتذكر من الفسيولوجى-
تتوقعو ايه يكون رد الفعل..
بصّلى من فوق لتحت.. بصّة قرف.. بصّة احتقار..
اه..... انا عارفها البصّة دى ياما بصوهالى من يوم مادخلت الكلية..
ياما احتقرونا..
ليه..؟؟
هم الدكاترة.. هم الى عارفين كل حاجة..
احنا الطلبة.. احنا الى مش عارفين اى حاجة..

المعلومة عاوزينّا ناخدها من الكتاب زى ما هى..
منفكرش فيها..
مش مطلوب مننا نعرف يعنى ايه ضغط العين+12..
المطلوب مننا نعرف الرقم و خلاص..
لكن الدكتور مشكوراً.. استنتج لنا ان مادام الضغط جوّا العين 12 يبقى الضغط الجوى صفر...!!!
اه.. اكيد سمعتوه و هو بيقول: وجدتها..!! وجدتها..!!
بالفعل لقد وجدها...
وجدها و احنا فقدناها...

[walaa]

<p>معلش يا جماعة ,, أنا فتحت موضوع قديم بقاله يجي سنة ,,,, لكن و أنا بقلب في الموضوعات القديمة لقيته بيعبر عن كل حاجة جوايا و لقيت كمان انه من العدل اني أشكر مدنجي و الجدي و الأسمر و فيرون ,,,,, بجد حطيتوا ايديكوا على الجرح و أحسن حل هو البتر و لا ايه رأيكو يا دكاترة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟</p><p>:smiley19::smiley19::smiley19:</p>

[MR.KHELLA]

<p align="right">انا مش عارف كلامى كلة مقتنع بية ولا لأ بس انا متأكد مية المية ان اللى هيتعب هيجيب امتياز واللى ربنا كاتبلة يجيب امتياز هيجيب و كلنا كنا عارفين ان الكلية دية عايزة طاقات حفظ قوية جدا</p><p align="right">و ان الحفظ دة نوع من انواع الذكاء</p>

[مصباح]

بس اما اشوفك يا خلة !

[MR.KHELLA]

<p align="right">ماعة متفهموش من كدة ان انا بحفظ من اول نظرة بس انا مؤمن ان القدرة على الحفظ دية من انواع الذكاء:icon_eek:</p>

[admin]

<p>على فكره ....</p><p>أخدنا في تالته_إعدادي ... -اللي كانت دي من 9 سنين- .. والله وعجزت ياد ...</p><p>إن الضغط الجوي ممكن اعتباره 1 بدون تعريف</p><p>أو 760 مم زئبق</p><p>أو حاجه كده زي 1012 مللي بار</p><p>تقدر تقول كده زي 1 بار </p><p>معلهشي .... أنا باطلع المعلومات من قاع الجمجمة ... فلو سمحتم ... اعذروني لو لقيتو في الوسط أي تلافيف ..</p><p />

[Alasmar]

<p>بالنسبة لموضوع الحفظ انا لا انكر انه نوع من انواع الذكاء و يعتبر نعمة..</p><p>لكن انا رايي ان احنا ممكن نستغنى عن مية واحد خافظين مليون كتاب بهارد 80 جيجا و تحط علية كمان افلام و العاب و تستب عليه كمان سيستم..</p><p>بالنسبة لموضوع الضعط الجوى:</p><p>انا اعتراضى الاساسى فى القصة دى كان على كلمة &quot;لا طبعا&quot; الى الدكتور رد عليا بيها.. انا عارف انه يقصد فرق الضغط_ بس الموقف يدل انه مش فاهم و لا عارف هو بقصد ايه..</p>

[ذو عين واحدة]

طيب ما دام أنا استخرجت الموضوع ده من قعر القفة

يبقى حسأل سؤال

حد يعرف يقولي ايه دلالة حرف ال a
في القيم التالية في ريبورت ال blood gases

PaO2 = 90
PaCO2 = 40

مثلا يعني
لأن أنا فاهمها بطريقة وعايز أشوف أنا صح والا لا
ولأنه اتسال فيها سؤال قدامي وانا صعقت فعايز أشوف ممكن أطلع أنا اللي ما بفهمش

وبعد ما حد يقولي

ممكن نناقش الموضوع ده تاني

[ekm86]

هو دكتور محمد هشام كان قال إنها تدل على arterial يعني.. لحد هنا مقنعة
لكن قال إن الورقة بتطبع كده في كل الحالات حتى لو كانت venous.. وإحنا نكتب عليها هي منين
فده طبعا بيخلي في شك في التفسير ده شوية..
لكن ممكن ندور ونعرف

[ekm86]

http://en.wikipedia.org/wiki/Hypoxic_Training_Index
تاني فقرة

---
http://acronyms.thefreedictionary.com/PAO2
http://medical-dictionary.thefreedictionary.com/PAO2

هتلاقي
PaO, n partial pressure of oxygen in the blood
Pao₂
symbol for partial pressure of oxygen in arterial blood


وأحيانا بتستخدم للتعبير عن الـpartial pressure في الـAlveolar

شوف ده
http://medical-dictionary.thefreedictionary.com/blood+gas+analysis

متهيألي إنها اختصار لـPartial مش لـPressure & arterial