المساعد الشخصي الرقمي

مشاهدة النسخة كاملة : إشاعات :


فيرون
13-02-2003, 03:34 AM
بيقولو جداول اخر السنة نزلت
بيقولو اللاب توب نازل على فاتورة التليفون
بيقولو إن أسرة إبداع إتلغت (واللي يعرف يقوللي ليه )
بيقولو إن دي أخر سنة لدكتورة نجاة يونان .
بيقولو إن عدد اللي أجلوا امتحان راوند المجتمع أكتر من اللي دخلوه (واللي يعرف يقوللي ليه )
بيقولو إن الدروس لسة شغالة (واللي ما يعرفش يقول بمبم )
بيقولو إن طلبة كلية الطب هم أكثر الطلبة شعورا بالقهر (لييييه ؟؟)
بيقولو إن رواد المدينة أكثر طلبة كلية الطب شعورا بالقهر (لييييه ؟؟)
بيقولو إن فيه طلبة بتوصل الراوند كل يوم الساعة تسعة ... أنا أقوللك ليه ... بياخدو رمد عند مسعد
بيقولو إن عدد زملاء د.شتا في العزوبية يتزايد يوميا‌ بين طلبة كلية الطب و ذلك نظرا لارتفاع أسعار الدولار و بالتالي أسعار الذهب دون زيادة حقيقية على المستوى العالمي في أسعاره .
بيقولو الجنيه لبس مايوه قطعة واحدة ونزل يستحمى طلعوه ناقص جنيه ...
مدنجي
13-02-2003, 05:53 AM
بيقولو انهم هيسكنو الصبيان مدينة البنات و هيسكنو البنات فى مدينة الصبيان(يا دى الفضايح)..
بيقولو ان فى واحد من سنة سادسة رمى نفسة من مبنى واحد بعد امتحان الباطنة..
بيقولو ان الفراخ بتاعة المدينة بتاخد هرمونات و ربنا يستر على رجالة البلد..
بيقولو انهم بطلو يحطو زيت كافور فى الاكل و ربنا يستر على بنات البلد..
بيقولو ان احنا هنفضل قاعدين فى المدينة لغاية ميحصلنا فيها اولاد زميلنا الى دخلو كليات تانية-غير الطب-..
بيقولو انهم هيعملو مدينة مشتركة -صبيان على بنات- و هيعينو فيها بدل المشرفين مأزون شرعى..
بيقولو ان طلبة المدينة هم الوحيدين الى بيتميزو بانهم معندهمش واسطة و مبياخدوش درس رمد..

و من الكلية:
بيقولو ان 65% من طلبة الروند الى فات جابو فى مادة الصحة العامة من 3-6 من20 فى امتحان الراوند -و اكيد الباقى جاب اقل من3-..
بيقولو ان الدكتورة رئيسة القسم جابت سؤال عليه 7 درجات من حتة الدكاترة كانو لغينها فى المحاضرات..
بيقولو ان السؤال الى جه فى امتحان راوند الصحة العامة و بيسال عن رايك و ايه الى شوفته فى مستشفى الحميات بامبابة محدش عرف يجاوبه كويس-و الكلام ده كله على لسان رئيسة القسم- الظاهر الطلبة شافو هناك حاجات كده ولا كده(استغفر الله)..

بيقولو ان فى ناس ممكن متصدقش الكلام ده..
و بيقولو برده ان فى ناس ممكن تصدقه كله..

و بيقولو ان ربنا يستر على مدنجى من الحاجات الى بيكتبها..



دى...
broken nonna
13-01-2008, 03:52 AM
بيقولوا انى بدأت سنة سادتة من يوم واحد واحد 2008 وانا مش مصدقة عشان كدة ماروحتش


بيقولوا ان راوند المسالك اللي بدا يوم واحد واحد 2008 اللي ولا روحته ولا مرة هيخلص يوم التلات الجاي


بيقولوا ان يوم الاربع بعد التلات اللي هيخلص فيه راوند المسالك اللي بدأ يوم واحد واحد 2008 و ماروحتوش خالص هيبقى بداية راوند العظام


بيقولوا ان راوند العظام اللي هيبدأ يوم الاربع اللي بعد التلات اللي هيخلص فيه راوند المسالك اللي بدأ يوم واحد واحد 2008 و ماروحتوش خالص هيقعد اربع ايام او خمسة فقط عشان تبدأ اجازة نصف العام


بيقولوا ان اجازة نصف العام اللي هتقطع راوند العظام اللي بعد راوند المسالك اللي بدأ يوم واحد واحد 2008 وما روحتوش خالص هتقعد اسبوعين بس


بيقولوا ان الاجازة ده طالع فيها رحلات الى شرم الشيخ و الاقصر و اسوان


بيقولوا ان رحلات نص العام الجاية الى شرم الشيخ و الاقصر واسوان هتتضبط عشان طلبة الاتحاد و عشيرة الجوالة


بيقولوا ان بعد اجازة النص السنة هنرجع الكلية تاني ...معقولة!!!

بيقولوا ان اول راوند بعد اجازة نصف العام هو راوند العظام اللي هيقعد 7 ايام و يخلص بامتحان الراوند...
رضا احنا هننهب!!!
wgh_el2mr
13-01-2008, 03:59 AM
بيقولوا ان بعد اجازة النص السنة هنرجع الكلية تاني ...معقولة!!!


تصدقى غريبة دى
اول مرة تحص ان بعد الاجازة نروح دراسة تانى
HAYAH
22-01-2008, 08:41 PM
كلكوا جامدين قوي بجد
winner
23-01-2008, 12:38 PM
..
طب تعرفوا اننا في كليتنا بناخد اجازة نص السنة و بعدين ناخد امتحانات نص السنة ...!!!

تعرفوا اني امبارح اتخانقت مع دكتور كميونيتي كبير قبل ما ادخل امتحان الكميونيتي .. و خد اسمي و قالي هوصي عليك .. و برضه نجحت و جبت حوالي 95% او اكتر ..!!

تعرفوا ان كيلو السمسم بقى ب 12 جنية او اكتر .. و كانوا بيقولوا زمان دا احنا ناكلها بدقة .. اهي الدقة غلي كمان ..

كيلو العدس ب 7 جنية .. الناس هتموت خلاص ..

بيقولوا اني خلصت امتحانات .. مع اني بعد اسبوعين همتحن اطفال و نسا و فاميلي و كميونيتي .. الامتحانات النظري ..!!
Dr.Medicine
23-01-2008, 01:19 PM
تعرفوا اني امبارح اتخانقت مع دكتور كميونيتي كبير قبل ما ادخل امتحان الكميونيتي .. و خد اسمي و قالي هوصي عليك .. و برضه نجحت و جبت حوالي 95% او اكتر ..!!



و حضرتك تتخانق مع دكتور ليه؟؟؟؟؟؟؟؟؟؟؟؟؟؟؟؟؟
بس خد بالك هو ممكن ما يكونش وصي عليك المرة دي .......بس اسمك عنده و الايام جاية كتير
و ده طبعا هيختلف علي حسب الموقف نفسه:mmmm mmmm

امال فين يا دكتور الهدوء ؟؟؟؟و الصبر؟؟؟؟ و التفكير؟؟؟؟؟؟؟؟؟؟

شكلك اتحسدت او اتعديت من حد عصبي :smiley1:

علي العموم ابقي خد بالك المرة الجاية و ما تديش لحد فرصة يمسك من ايدك اللي بتوجعك