المساعد الشخصي الرقمي

مشاهدة النسخة كاملة : saromanبراحه يا بني ...ضغطك!


الجدى
14-02-2003, 03:24 AM
لو مش بتحبوا بلدكم في أحسن منكم بيحبوها!
يا بني أنت فاكر ده برنامج سينما الأطفال؟ولا فيلم الرصاصه لا تزال في جيبي؟يا بني ضغطك...وكمان مين قال لك ان أحنا ما بنحبش البلد..يعني علشان بقول أن هما أحسن وهما صح أبقي مبحبهاش..ولا لازم اتظعت أوي وأغني لها..أن ميلتي كده الدنيا تميل؟
يا بني مصر اللي أنا بحبها حاجه تانيه...مصر اللي أنا بحبها تشوفها في طشه الماوخيه اللي أمي بتطبخها..وصوت الشيخ الشعراوي جاي من التليفزيون..فى النيل ساعه عصريه..في بنت الجيران الشقيه...في لمتي أنا وصحابي...فى ماتش أهلي وزمالك..أقعد أشجع فيه الأهلي لحد ما أطق وأموت...دي مصر اللي أنا أعرفها وأحبها...
علشان كده أنا اما بقول أنهم أحسن مننا بقولها غيره يا بني...
وكمان أساس أيه اللي صح يا asmar?اساس أيه...هوا فين الأساس الصح ده؟العيد لسه شغال أنزل البلد وشوف الأساس اللي أنت بتتكلم عليه!هتشوف أساس م...ولا بلاش ده منتدي محترم...أبقي تعالي أقولك علي جنب:D
يا أعني أقول أيه الكلآم عيب.....هقول بس حكمه الأم رشيده...
ماء
اه بالحق يا saromanبالراحه علي صحتك...كده مش هتعمر!;) :) :eek:
Alasmar
14-02-2003, 03:59 AM
مازلت اؤكد ان الاساس صح..
بس احنا مبنطبقوش..
احنا ناسيينه..
لان احنا لو بنطبقه مكانش حالنا بقى كده..

بس هو موجود جوانا..
و هو نفسه الى بيحرك قلبك لما بتشم الملوخية او بتسمع الشيخ الشعراوى..
و هو نفسه الى بيحرق دمك لما تشوف الاطفال بتموت كل يوم فى فلسطين..
و هو نفسه الى مخليك معانا هنا نتناقش و نتحاور من اجل بعثه من جديد..

انا عارف العالم حوالينا مش كويس و دا لانه ناسى..
و مش معنى كده نحكم عليه بالجهل و الموت..
لا.....
لازم نفكّره..
نفكّره بالاساس..
الاساس الى موجود جواه الى هو بيحسه زى ما انت بتحسه بالظبط..

و عشان كده احنا هنا...
الجدى
14-02-2003, 02:41 PM
أنت صح يا alasmar منطقك غلبني.....كويس أوي أن ليه في ناس بتفكر كده:) أهلا بيك فى نادي(اللي بيحبوا بلدهم...صح)ولا إيه يا saroman?
saroman
15-02-2003, 03:13 PM
يا بنى ملوخية ايه و بامية ايه الى انت جاى تتكلم عليها عمال اكلمك عن الوطنية و انت جاى تكلمنى عن الطبيخ..
يابنى انت عايش فى مصر و لا عايش فى مطبخ..
و ايه يابنى الضغط الى بتتكلم عليه ده..
انت فرحان بنفسك عشان هتبقى دكتور ولا ايه؟؟
و مين عرفك ان ضغطى عالى.. يابنى مش جدى اللى زيك هيعليهولى..
مش واحد بيكره بلده اللى هيعلى ضغطى ........

وروح يالا كفايه عليك كده زمان الملوخية وحشتك.

:D :D :D :D :D
Alasmar
15-02-2003, 03:32 PM
كلاكيت تانى مرة:
بنائاً على طلب saroman :

ياريت تكون ردودك بعيدة عن العصبية و التعصب
lincolen
15-02-2003, 07:02 PM
يا جدعان عيب كده...كل واحد هيعمل جدع ويقول أنا بحب مصر يا جدعان كلنا بنحبها...أحنا برده مش ولاد حرام!كلامنا وأختلافنا أكبر دليل أننا بنحبها...كل واحد يحب بأسلوبه لكن أدينا بنحب وخلاص مش مهم أزاي....SAROMANبيحب بعصبيه..والجدي بيحب بدماغ‍‍!dr soccer بيحبها علشان كده زعل من الجمهور اللي بيشجع غلط‍‍!فيرون برده بيحبها علي الرغم من أنه عايز يطلع تاجر مخدرات!مدنجي برده بيحبها رغم اني متوقع أنه هيتشد قريب!
وفضونا سيره من الموضوع ده بقه...
الله يخرب بيت بتوع راديو سوا...ويهدك ياalasmar!زي ما فتحت الحوار البيزنطي ده!:(
saroman
19-02-2003, 01:31 AM
ردك منطقى يا lincolenوبحييك عليه........

لكن ميصحش انك تغلط فى اخونا الأ سمر.......

ده كان مجرد بيناقش موضوع.......واعتقد انه موضوع مهم....