سؤال مهم بالنسبة لي .. الرجاء المساعدة ممن لديهم المعلومات

[Noura]

مرحبا ...

هل يوجد أي موقع تن أو مجموعة للتواصل مع طلاب الطب في جامعة 6 أكتوبر ؟؟؟؟؟؟

ربما أضطر للانتقال للدراسة في هذه الجامعة .. وأحتاج أن أعرف آراء الطلاب فيها قبل أن أقرر ...

شكرا جزيلا سلفا

[mad man]

مع احترامي طب ايه اللي في 6 اكتوبر؟؟؟؟؟؟؟؟؟؟

مفيش هناك الا عزبه بيقولوا عليها جامعه ومبيتخرجش منها الا شويه صيع

ده التعليم الطبي في سوريا احسن منها !! شفتي قد ايه

ببساطه دي اسم فقط عملوها لسببين...دعايه يضحكوابيها على الناس و يقولوا عندنا تعليم خاص محترف مستقل-؟؟؟؟؟- والسبب التاني لحصد اكبر قدر من اموال المصرين والعرب اللي عاوزين شهاده ومستواهم لا يتخطى الابتدائيه


مش معنى كده كل اللي هناك كده بس الاغلبيه فعلا كده


وعلشان الناس هنا عارفه يعني اليه تعليم خاص او بالاصح "هجص" خاص يمكن شرائه بسهوله وباسلوب قانوني-اقساط الجامعات الخاصه والكورسات الخاصه والمواصلات الخاصه- لا يوجد ادنى احترام لخريجين الجامعات الخاصه


ببساطه جامعه 6" تشرين"مجمع مباني في صحراء القاهره-او الجيزه محدش فاهم التقسيمه هنا- لدعم السياحه ومحاطه بقدر لا يستهان به من الاماكن اللي عيب نتكلم عليها هنا

والمصيبه ان مشاكلهم بتأثر علينا في التعليم الحكومي...عارفه ازاي


وزاره اللاتربيةواللاتعليم ومن وراها حكومتنا الرشيده وفرت

لنا اسوأ مستويات التعليم الحكومي من اول الروضه الى المستوى الجامعي لتطفيش اكبر قدر ممكن من الطلاب من التعليم الحكومي العام-الشبه مجاني- للتسجيل في التعليم الحكومي الخاص-افراد النظام التعليمي الحكومي الفاشل يملكوا وبيدرسوا جميع الجامعات الخاصه-يعني خسرانه خسرانه


من الاخر واحتراما لدماغك وتفكيرك اما تختاري نظام تعليمي حكومي في بلدك يكفر الواحد في عيشته-بس له مصداقيته عند الناس بسبب البهدله او خلينا نسميه الكفاح-او تختاري نظام خاص تقدري تشتري بيه شهادتك بس هتسقطتي من عيون الناس الغلابه وهيقولوا اشترت شهاده بفلوس ابوها


كل الكلام اللي فوق موجه لكي ده لو اهلك مش من اعيان النظام البعثي لانك لو منهم يبقى يا خساره النص ساعه اللي قعدت اكتب فيها


عاوزه تيجي سياحه في الصيف يا هلا وسهلا وعلى عينا وراسنا-بالرغم اني مش عارف مين اللي عاوز يجي في الزحمه اللي عندنا دي


ولو عاوزه مكان تسألي فيه عن جامعه 6 اكتوبر اسألي عن كافيه المزاج العالي بتاع التعليم العالي

[Alasmar]

للأسف لا اعرف طريقة للتواصل مع طلبة جامعة 6 اكتوبر
و آسف مرة تانية لأنى لم احذف رد الأخ
(mad man)
لكنى آثرت ان اتركه فترة ليكون شاهد عليه او لعله يعدله
و انا عن نفسى ارحب بك فى مصر فى كليتنا او فى كلية طب 6 اكتوبر
و ادعو لك بالتوفيق
فالمسافر فى طلب العلم فى سبيل الله حتى يرجع
و الرسول عليه الصلاة والسلام امرنا بطلب العلم ولو فى الصين
و الصين كما تعرفى بلد وثنيين
مش فما بالك و انتى تطلبيه من مصر


اهلاً..

[مصباح]

في الحقيقة كنت أتمنى أن يكون هناك وسيلة للتواصل مع طلاب 6 أكتوبر ..
لكن يبدو أنه ليس لديهم مثل هذه الوسيلة في الوقت الحالي

[mad man]

السيد رئيس الوزراء


لو الكلام اللي انا كتبته شهاده علي فأنعم بها شهاده

مش مهم توافقني في رأيي او تعارضه

المصيبه انه يمر في بالك فكره الغاء مشاركتي-التي لم تخرج عن حدود الادب- لمجرد ان رأيي مختلف

عارف حضرتك ليه الامريكان بكل مصايبهم أفضل مننا على مستوى الحريات المدنيه

علشان دستورهم يكفل لأي شخص التعبير عن رأيه ويجرم اي شخص يحاول يمنعه

وبالرغم من كل المصايب والاخطاء اللي بيرتكبوها حق التعبير عن الرأي مكفول هناك وعلشان كده سمعنا ولسه بنسمع عن قصص الكفاح المدني في المجتمع الامريكي لمنع اي محاوله لسلب ذلك الحق


يمكن تقول علي اني مبهور بالحلم الامريكي

وهاقول لك انه يجب احترام فضائل الاخر سواء كان حليف او عدو


ومع ذلك شكرا لعقلك الحر الذي لم يرتضي كبت ومنع اراء الاخرين حتى ولو ل"فترة"من الزمن

[mad man]

يبدو ان الموضوع هيكبر حبتين


ايه حكايه ان الصين بلد وثنيين ويبقى لازم اطلب العلم من بلد مسلم

طيب لو العلم اللي عندنا ميسدش بنكله يبقى نعمل ايه

ليه دايما بنحاول ننظر للبشر بالاسلوب ده

مش معنى كلامي اني اتخلى عن هويتي الدينيه والقوميه

لكن معناه -وتطبيقا لكلام القران الكريم- لما ربنا يقول انما جعلناكم شعوبا وقبائل لتعارفوا



يعني تعارفوا مش نقعد نقول لازم ننعزل عنهم ونهرب منهم..طيب ازاي هنعلمهم ونوصل ليهم رساله الله



وللي مش عارف.. العلوم اللي احنا بندرسها دلوقت مش نتيجه لابحاث المسلمين بس يعني وان قبلهم ماكنش فيه لا علم ولا اخلاق بالرغم من الجاهليه والكفر

مش الرسول عليه الصلاه والسلام بيقول انما بعثت "لأتمم" مكارم الاخلاق



الاسلام ظهر واخذ بعض العلوم اللي طورها الرومان والاغريق وغيرهم واضاف عليها وبعدين سلم الرايه -رايه العلم-لشعوب اخرى وان شاء الله هيستلمها تاني يعني في تدافع وتداول في حياتنا



الدين الاسلامي لم يأتي لعزلنا عن البشر بل لأتمام مكارم أخلاقهم ومحاربه شرهم



لو انته مكان الصينيين الوثنيين دول ولقيت واحد بيحتقرك كده ازاي هتقبل او حتى تسمع عن دين اللي بيهاجمك كده



وزي ما كلنا عارفين ان الدين دخل اندونيسيا-اكبر تعداد للمسلمين- بأخلاق المسلمين مش بسلاحهم


يعني من الاخر لازم نحترم غيرنا-حتى ولو مش موجودين-علشان نلاقي الاحترام والمصداقيه الكافيه لسماع ديننا وحضارتنا عندهم ويبقى عندنا الاحترام الكافي لانفسنا



معلش يمكن كبرتها شويه بس لو بدأنا نعرف اخطاءنا يمكن حالنا يتغير

[Alasmar]

كمدير فى المنتدى اقول لك:
انا احييك على تحليك بفضيلة الرجوع لحق و تعديلك لردك
و احب اوضح ليك انى من مسئولياتى هنا الحفاظ على روح الحوار بحرية بشرط ان يكون بعيد عن اى تجريح او اى الفاظ جارحة
و بقولك انه مش عيب ابدا انى احذف رد او موضوع انا شايف انه غير لائق لأن دا من مسؤولياتى و دى امانة
و انت شايف ان انا ملمستش كلامك الا من بعد ما وجهت نظرك لبعض الاخطاء الى فيه و انت تفضلت مشكورا بتعديلها


كعضو فى المنتدى من حقى اقول رأيى برده:
انا بصراحة اختلف معاك فى اغلب وجهات نظرك و بالرغم من كدا انا احترمها
و مبسوط انك هتدفعنى تانى للدخول فى حوارات ان شاء اله هتكون بنّاءة و مفيدة على ساحات منتدانا
لكنى اعتذر لك ل"فترة"لأن الامتحانات على الابواب
ادعولنا بالتوفيق.


و انا بعتذر للأخت نورا لان الموضوع انحرف خالص عن هدفه لكن اوعدها اول ما نعرف طريقى للتواصل مع طلبة 6 اتوبر ان شاء الله هنقول لك

[القصرعينية]

www.o6u.edu.eg (http://www.o6u.edu.eg)
this is the site of the university as a whole

[Noura]

شكرا لكم جميعا ...
وجزاكم الله كل خير