MR.KHELLA
19-02-2003, 02:12 AM
انا هاحكى حكاية مش عارف صح انى احكيها هنا و لا اية
المهم......طبعا كلكم عانيتم من حكاية تبويييظ الاجازة اياها
و انا كان عندى رمد و اكيد انتم عارفين انة يعتبر اصعب روند فى سنة 4
و طبعا بعد اسبوعين مذاكرة فى البيت و انا اساسا كنت مذاكر كويس طول الروند يعنى من الاخر كنت مقفل بمعنى الكلمة
مقفل فهم و حفظ
و ما كنتش حاسس بأى قلق قبل الامتحان و كان عندى امل كبير انى ممكن اقفل الامتحان خصوصا انة امتحان مش نظرى
المهم لبست البدلة و اتشيكت و رحت الامتحان
و كان الامتحان لجنتين
اللجنة الاولى كانت دكتورة سألتنى اسئلة كتيييير اوى فى كل المنهج و الحمد للة جاوبتها كلها
و قالتلى شاطر و ادتنى الفل مارك
اللجنة التانية كان دكتوور معروف انة غلس اوى اوى
بس انا قلت لنفسى مايهمكش يا واد مادام انت مذاكر هاجاوب كويس و اخرها سؤال و لا اتنييين اللى مش هاعرف اجاوب عليهم
اول ما اعدت قلت السلام عليكم
قاللى ازيك الكارنية
ا دتهولو و كانت الصورة قديمة شوية اعد بشتم فى الصورة شوية
و بعدين ابتدا يسال و كان لية سؤال مجصوص هو مشهور انة بيسأله
المهم جاوبتة و كنا قاعدييين فى عنبر كبير فيه دكاترة كتير قاعدين بيمتحنوا لاقيت الدكتور دة مرة واحدة بعد ما جاوبت السؤال راح رافع ايدية و راسه و زعق بعلو صوته و قال (سكت دهرا و تكلم جهرا) و كان صوتة عالى لدرجة ان الطلبة برة العنبر سمعوه المهم انا افتكرت انى جاوبت غلط
السؤال التانى كان عن علاج)mucopurulent conjunctivitis( و كانت اول كلمة فية lotion زى boric acind و NAHCO3 قلتلة كدة لقيته اعد يزعق و يعمل حاجات غريبة الغريب ان نفس السؤال دة كان فى اللجنة التانية و جاوبت نفس الاجابة و الدكتورة قالتلى شاطر!!!!!
و بعدين سألنى boric acid تركيزة كام قلتلة(3% لا اسف 4% ) راح بنفس الطريقه و بعلو صوتة قال ( 3 ..4 مين يزود)
المهم اعد يسال اسئلة تانية و انا اجاوب اجابة كلملة و ساعات بزود يقوللى ها كمل او غلط
و بعديين طلعت و كنت ناسى كتبى فى الباكونة بتاعت العنبر فاستئذنت منة اخش اجيبها قاللى اتفضل و انا خارج النايب قاللى كلم الدكتور رحتلة قالى انت ناقص درجتين و انت اساسا مش ناقص تنقص اكتر مانت ناقص
و بعد ما خرجت فتحت الكتاب و اللة لقيت ان كل اللى جاوبتة كان صح
طب بالذمة دة عدل او دة اساسا امتحان شفوى
اعتقد انة عدة معايا مرحلة الامتحان الشفوى لان هو كل اللى ليه عندى هو الدرجات و بس مش لكتر من كدة لدرجة انة يعلى صوتة علية و لدرجة التهزيئ
انا تقريبا مفيش مادة كنت مزاكرها زى ما كنت مزاكر الرمد
دة حتى فية بنت معانا امتحنت مع نفس الدكتور قالتلة دة اشطر منى بكتير و عملت معاة كدة انا بأة هتعمل معايا اية قالها على فكرةتنين ساقطين
بعد الامتحان خرجت صليت الظهر و دعيت علية دعاوى تودى فى داهية
انا واللة بعد الامتحان دة قرفان من الكلية و اللى فيها و مش عارف اذاكر لانى حاسس ان المذاكرة خلاص بقت من غير فايدة
المهم......طبعا كلكم عانيتم من حكاية تبويييظ الاجازة اياها
و انا كان عندى رمد و اكيد انتم عارفين انة يعتبر اصعب روند فى سنة 4
و طبعا بعد اسبوعين مذاكرة فى البيت و انا اساسا كنت مذاكر كويس طول الروند يعنى من الاخر كنت مقفل بمعنى الكلمة
مقفل فهم و حفظ
و ما كنتش حاسس بأى قلق قبل الامتحان و كان عندى امل كبير انى ممكن اقفل الامتحان خصوصا انة امتحان مش نظرى
المهم لبست البدلة و اتشيكت و رحت الامتحان
و كان الامتحان لجنتين
اللجنة الاولى كانت دكتورة سألتنى اسئلة كتيييير اوى فى كل المنهج و الحمد للة جاوبتها كلها
و قالتلى شاطر و ادتنى الفل مارك
اللجنة التانية كان دكتوور معروف انة غلس اوى اوى
بس انا قلت لنفسى مايهمكش يا واد مادام انت مذاكر هاجاوب كويس و اخرها سؤال و لا اتنييين اللى مش هاعرف اجاوب عليهم
اول ما اعدت قلت السلام عليكم
قاللى ازيك الكارنية
ا دتهولو و كانت الصورة قديمة شوية اعد بشتم فى الصورة شوية
و بعدين ابتدا يسال و كان لية سؤال مجصوص هو مشهور انة بيسأله
المهم جاوبتة و كنا قاعدييين فى عنبر كبير فيه دكاترة كتير قاعدين بيمتحنوا لاقيت الدكتور دة مرة واحدة بعد ما جاوبت السؤال راح رافع ايدية و راسه و زعق بعلو صوته و قال (سكت دهرا و تكلم جهرا) و كان صوتة عالى لدرجة ان الطلبة برة العنبر سمعوه المهم انا افتكرت انى جاوبت غلط
السؤال التانى كان عن علاج)mucopurulent conjunctivitis( و كانت اول كلمة فية lotion زى boric acind و NAHCO3 قلتلة كدة لقيته اعد يزعق و يعمل حاجات غريبة الغريب ان نفس السؤال دة كان فى اللجنة التانية و جاوبت نفس الاجابة و الدكتورة قالتلى شاطر!!!!!
و بعدين سألنى boric acid تركيزة كام قلتلة(3% لا اسف 4% ) راح بنفس الطريقه و بعلو صوتة قال ( 3 ..4 مين يزود)
المهم اعد يسال اسئلة تانية و انا اجاوب اجابة كلملة و ساعات بزود يقوللى ها كمل او غلط
و بعديين طلعت و كنت ناسى كتبى فى الباكونة بتاعت العنبر فاستئذنت منة اخش اجيبها قاللى اتفضل و انا خارج النايب قاللى كلم الدكتور رحتلة قالى انت ناقص درجتين و انت اساسا مش ناقص تنقص اكتر مانت ناقص
و بعد ما خرجت فتحت الكتاب و اللة لقيت ان كل اللى جاوبتة كان صح
طب بالذمة دة عدل او دة اساسا امتحان شفوى
اعتقد انة عدة معايا مرحلة الامتحان الشفوى لان هو كل اللى ليه عندى هو الدرجات و بس مش لكتر من كدة لدرجة انة يعلى صوتة علية و لدرجة التهزيئ
انا تقريبا مفيش مادة كنت مزاكرها زى ما كنت مزاكر الرمد
دة حتى فية بنت معانا امتحنت مع نفس الدكتور قالتلة دة اشطر منى بكتير و عملت معاة كدة انا بأة هتعمل معايا اية قالها على فكرةتنين ساقطين
بعد الامتحان خرجت صليت الظهر و دعيت علية دعاوى تودى فى داهية
انا واللة بعد الامتحان دة قرفان من الكلية و اللى فيها و مش عارف اذاكر لانى حاسس ان المذاكرة خلاص بقت من غير فايدة