كتب الكلية !

[amr2003]

لا ينكر أحد أبدا أن ثمن الكتب في كلية الطب القصر العيني ، وأعني بطبيعة الحال كتب الأقسام ، لا يتناسب ثمنها أبدا مع طباعة وتغليف هذه الكتب . .

فإذا رضينا بثمنها الغالي ، فإننا لا نرضى أبدا أن ندفع أموالنا فيما لا يستحقه ، أو أن ندفع أكثر مما يستحقه . .

الكتب تغليفها زي الزفت ، وتتقطع مع أول استعمال ، سواء كان هذا الاستعمال آدميا أم لا ! بالإضافة إلى أن الرسومات غير واضحة في بعض الأحيان . . وبالتالي فإن هذا لا يتناسب أبدا مع ثمنها . .

ما رأيكم ؟!

[Dr.Soccer]

أما تشترى الكتب من مدرج ألف أو من سور الأزبكيه أو من الرصيف اللى أمام الجامعه أولو كنت مدنجى ومش فارقه معاك ممكن تعمل دعم من الرعايه أو لو مشفارقه معاك خالص ماتشتريش كتب من أساسه!!!:D

[amr2003]

بصراحة لأنني لست من مجانيين الدروس الخصوصية ، كما أن ربنا مسهلة لي ، فإنني اشتري الكتب وأمري لله !

[ابن الحصري]

هل يذكر أحد سعر كتاب قسم الباطنة في مقابل كتاب Davidson أو Kumar ???????????????????




أما كتاب طب المجتمع <العظيم> فحدث ولا حرج
وطبعا كلنا يذكر بابا سيد شلبي و كتبه الراااااائعة

بلاش كلام عشان دمي ما يتحرقش
:mad: :mad: :mad: :mad: :mad: :mad: :mad: :mad:

[Alasmar]

اضغط على الرابط التالى
مناقشات سابقة لاعضاء المنتدى عن كتب الكلية (http://www.kasralainy.com/vb/showthread.php?threadid=80)

[مدنجي]

نرجع تانى و نتكلم عن موضوع الكتب فى الكلية.
و الله انا جاتلى فكرة او شوية افكار بالنسبة لموضوع الكتب و موضوع نظام الدراسة.
اولا اسمحولى ان اطرح عليكم بعض التساؤلات:
- ليه الطلبة اتجهو للدروس؟
- ليه الطلبة اتجهت للمذاكرة من مذكرات الدروس و سابت كتب الكلية؟
- ليه الدكاترة من حيث المبدا مبيعترفوش باى مصدر تانى غير كتاب الكلية لمجرد ان الى كاتبه بيدى دروس بالرغم من ان المصدر ده ممكن يكون احسن من كتاب القسم(آسف دى الحقيقة).؟
- ليه دائماً مذكرات الدروس بتبقى احسن من كتب القسم بالرغم من ان الى كاتبينها -كتب الكلية- مستواهم العلمى اعلى بكثير من مدرسين الدروس؟
- ليه ديماً كتب طب المجتمع سعرها عجيب و غريب؟

دى كلها تساؤلات ملهاش اجابة.
لكن لو فكرنا فيها شويه ممكن نلاقيلها اجابة.

لكن ايه هى الفكرة الى جت لى؟:confused: :confused: ؟؟؟

ان كل قسم من اقسام الكلية يشترك الدكاترة الى فيه فى عمل كتاب محترم يمكن استخدامه كمرجع للطلبه و يكتب كل دكتور فى موضوع تخصصه و يقوم رئيس القسم او احد الدكاترة فى النهاية بتجميع الكتاب و تنظيمه بحيث تكون موضوعاته مكتوبه على نفس النمط و على نفس النظام و حتى يزيل بعض نقاط التناقض و الاختلاف بين مدارس الطب المختلفة التى استقى منها السادة الدكاترة موضوعاتهم.
و فى نفس الوقت يقوم احد دكاترة القسم او مجموعة من الدكاترة بعمل ملخص بسيط شامل لكل النقاط الهامة فى صورة بسيطة اقرب ما تكون من الــdiagrams حتى يستطيع الطالب حفظها و فهمها ببساطة.

و يكون الطالب مطالب فقط بما هو موجود فى هذا الملخص فى الامتحان النظرى.
و يكون مطالب بالكتاب الاصلى الكبير فى امتحان الشفوى و الاختيار المتعدد MCQ's .
و بذلك نكون ضمنا ان الطالب فهم كل حاجة و حفظ النقاط الاساسية.

و لكن ان ليا بعض الملاحظات على الكتب دى:
- الكتاب لازم يكون متناسق بحيث ان اطالب ميحسش ان الى كاتبه عشرين واحد كل واحد عاوز يطلع التانى غلطان.
- الكتاب لازم يكون مليان بالرسومات التوضيحية "الــdiagrams" و الصور الطبيعية .
- المفروض انه -الملخص بالذات- يكون مكتوب على شكل نقاط مش فقرات.
- المفروض ان كل ماييجى رئيس قسم جديد-او كل سنة- يغير فى الكتاب مش يغير الكتاب.

دا بالنسبة لرايى فى موضوع الكتب.



دى..

[d.m.d]

الموضوع ده عجبنى فكره مناقشته
يا ريت لو نتناقش فيه تانى

[Nettawy]

هههههههههههههههه
ماتفكرونيش بكتاب البايو اللى ب 55 جنيه على ايه مش عارف وفي النهايه ضاع مني

[rony]

هو فعلا موضوع حلو
بس للأسف دلوقتى الكلية مش بتسيبلنا خيار تانى غير اننا نشترى كتاب القسم
لان فى كتب زى الهستولوجى مثلا بيبقى معاه كراسة العملى ......
ومع انى مبحبش كتب القسم خالص لانها بتشرح باستفاضة وبتوهنى فى المذاكرة...بس بصراحة انا بخاف اذاكر من اى مصدر تانى غيرها ...وانتو شايفين رؤساء الاقسام بيستنولنا اى غلطة.......

اما بالنسبة لموضوع التغليف والتمن فانا شايفة ان السعر مناسب....يعنى واحنا فى ثانوية عامية (بالياء)كنا بنشترى كتب خارجية باكتر من كده...
وعلى فكرة والموضوع ده من سنة 2003 ...فاكيد شكل الكتب اتغيرت واعتقد ان جودة الكتب برضه اتغيرت وبقت كويسة عن الاول...

[d.m.d]

انى رايى ان كت الكليه غاليه جدا
والمشكله مش فى كده
المشكله فعلا فى الجوده
يعنى مثلا كتاب الهستولوجى
تحس انك بتقرى جرنان
الصفحه ورقتها ضعيفه جدا والطباعه مش على مستوى التمن
وكتب الاناتومى ليه ما تبقاش بالالوان الرسومات اللى فيها
والفسيولوجى ليه ما تبقاش منظمه
هاكمل الباقى فى الموضوع ده بعدين

[Hamoksha]

لا كله كوم وكتاب الاناتومي ده كوم تاني !!

مفيش حد كتابه متفصصش 30 حته !!

مش عارف ليه كدا !

ولا كتاب الثوراكس برضه نفس النظام تغليف ضعيف جدا جدا

انما الفسيولوجي والبايو اعتقد ان الكتب الي حد ما جودتها كويسة
بس حكاية السعر انا مش عارف بصراحة !

كجودة .. الاناتومي هو الاسوء بلا منافس
اما الفسيولوجي والبايو والهستولوجي فجودتهم تكفي لحفظ ماء الوجه

مجرد رأي

[HAYAH]

انا عندي كتاب الابر والثوراكس متفتحوش

فمقدرش احكم

[noona]

لا بقى يا جماعة
محدش فيكم شاف كتاب الشرعى بتاع سنة رابعة ولا ايه
:smiley29:
ولا كتب الكوميونتى 110 جنية وبالامر
:mmmm mmmm

[Hamoksha]

لسا بدري على ما نشوف الكتب دي

بس ان شاء الله نشوفها

[broken nonna]

كتب الكلية
أفتكر في سنة تالتة
انهم نزلوا كتب للفارما و الباثولوجي
و البكتيريا و البارا

في الفارما الكتب كانت منظمة ومرتبة وكل حاجة بس اول ما نزلت المجموعة كاملة
استغلتها و مش فاكرة فعلا كانت كام يمكن كانت حاجة وتمانين جنيه

شفت ورق دكتور علاء فارما عجبني اكتر
اشتريته بالكامل بمبلغ اكتر من تمن الكتب
و بعدين الخط طلع مش عاجبني في 6 شباتر الادرينيرجيك و الكولي نيرجيك و مش فاكرة الباقيين
فاكرة انهم ستة كتب
لاني روحت وديتهم مكتب كمبيوتر
عدلهملي
فبقى عندى في 6 فصول 6 نسخ
الستة اللي ماكانوش عاجبني بصراحة اديتهم لواحدة بدل ما تشتريهم


الباثولوجي
جبت ورق درس في الجينيرال
ولما بدأ سيستيماتيك
روحت اشتريت كتاب القسم
اللي كان احسن وافضل
و ارخص

البكتيريا
كنت حلفت يمين ما هجيب ورق دروس
كفاية بهدلة في الفارما و الباثولوجي
جبت كتاب القسم
غاااااااااالي
ومن جوة حاجة سيئة
بس مجبرة اصلا
لان القسم كان فارضه علينا

البارا
جبت كتاب القسم القديم بتاع سنتين قبل السنة بتاعتي وصورته ب 15 جنيه
_شامل التكعيب_
كتاب القسم بتاع نفس السنة كان بحاجة واربعين
بس كانت صوره حلوة بصراحة
اعتقد انه كان سعر رخيص مقابل شكل الكتاب
اما عن المحتوى
وطريقة عرض المنهج
كانت سيئة جداااااااااااااا



في رابعة الكوميونيتي
فاكرة القسم اصروا اننا نشتري الكتب بتاعتهم
اشتريتها
الكتب غبية جداااااااااااااااااا
و عاملين طباعة في النص غامقة ما تعرفش تقرا منها
كانوا تلات كتب او اربعة
كل كتاب بينزل على فترة
عملوا 150 يمكن او اكتر

انا اشتريته
بس صورته لانى بحب اذاكر واكتب الاضافات في الصفحة الفاضية
صورتهم بخمسين جنيه كلهم
و السنة اللي بعدها
اديته المجموعة بحالها اللي اشتريتها
لواحدة في سنة خامسة
لانهم ما كانوش ملزمين بشرائه زي دفعتي

الاطفال الكتاب بخمسين جنيه
ضخم فيه صور مالهاش لازمة
مش عاجبني م الاخر
ومع ذلك اعتقد انه مناسب لسعره

يعني بصراحة انا مش عاجباني الكتب الدراسية
نهاااائي
بحس انها مكلفة جدا
و مش حلوة لا شكلا ولا طريقة العرض

فين ايام الكتب الخارجية
المثالي ولو ميتر:icon_mrgr

[mr_azygos]

كتاب ال
bio ب 55 جنيه
و lippencotte
ب 20 جنيه بالرغم من ان كتاب القسم تقريبا 1/10 lippencotte

[ابن الحصري]

من الظريف جدا أن أقرأ موضوعا للمرة الأولى لأجد أن قد قمت بالتصويت فيه من قبل

وهنا أكتشف أني قد اشتركت فيه من سنواتٍ عديدة (غالبا في سنة خامسة)


عموما
إحقاقا للحق..
كتاب القسم للجراحة كتاب راااااااااااائع
أظن الأسمر والأدمن يشاركونني الرأى

د.عمرو محسن عمل فيه شغل كويس جدا جدا جدا
كنت باشوفه كل فترة (الطبعة الأولى , الثانية, أظن فيه ثالثة كمان دلوقتي)
شكرا د.عمرو محسن .. جزاك الله خيرا