انقذوا طلبة القصر العينى

[saroman]

يا جماعة فى مشكلة انا مستغرب ليه ما تناقشيتش لغاية دلوقتى.

انت مش ملاحظين ات نسبة الطلبه اللى بدخن فى كليتنا زادت جدآ....

ومش بس الطلبه لكن الدكاترة كمان.......

يا جماعة نسبة التدخين فى كليتنا بقت أعلى من اى كليه تانيه......

هى الدنيا ماشيه بالعكس ولا انا اللى غلط....

انا عايز حد من المدخنين يعرفنى فايدة التدخين ......او يقولى سبب

واحد مقنع يخليه يشرب سجاير.........

المشكلة ان اغلبهم معتقد ان التدخين ده نوع من الرجوله.........

لا يا جماعة عمر السجارة ما كانت مظهر من مظاهر الرجولة......

بالعكس دى بتقلل من قيمة صاحبها........

اكيد انكوا عارفين بغض النظر عن اضرار التدخين ......انه حرام.....

يا جماعه لازم ناخد وقفه مع نفسنا.....والبذات طلبة كلية الطب ......

لأنهم يعتبروا قدوه لباقى الطلبه.......

ارجوا من الله العون .................

[amr2003]

هذه فعلا مشكلة اشمأزت منها نفسي ، لم أكن أتخيل أن طلبة من الأوائل على الثانوية العامة ويدرسون ( الطب ) أنهم يدخنون !!!!

على العموم الحل بسيط جدا ، وهو في يد وكيل أو عميدة الكلية وهو منع التدخين داخل الكلية ، وتحديد عقوبة لمن يخالف ذلك سواء من الطلبة أو الموظفين أو الأطباء . .

ولكن هذا الحل لا يغني عن الحل الفردي ، وهو أن يقتنع ويبدأ كل مدخن بالاقتلاع عن هذه العادة السيئة . .

[مدنجي]

طبعا مش محتاج اقول لكو انا بشرب سجاير لا دا واضح قدامكو..
لكن الى انا محتاج اقوله ليكو هو ايه الى خلانى اشرب سجاير و شيشة و تتفاحة و قص و سلوم و ............ . و الله اعلم هشرب ايه تانى.

اولا انا مكنتش اتخيل انا و لا حد من الى حوليا انه هييجى اليوم الى هحط فيه سيجارة فى بقى..
لكن.. اهه حصل..

ليييييييييييييييه؟؟

انا واحد جايب امجموع الفلانى فى الثانوية العامة و كل الناس فى بلدنا بيحترمونى و يقدرونى و رمانى القدر على كلية القصر العينى.
لكن فى شويه حاجات حصلت او اتغيرت.
ايه هى؟؟

- الغربة: لاول مرة انفصل عن العيله و اعتمد على نفسى ااكل نفسى اشرب نفسى انظم مصروفاتى بنفسى.
امشى فى الشارع و اركب مواصلات لاول مره اركبها واشوف ناس غريبه عجيبه اول مرة اتعلمل معاهم.
زحام فى كل مكان. دخان فى كل مكان.
روحت بعد اول يوم مش شايف قدامى..
تعب... احباط... مافيش حد يطبطب عليك...
ناس منتاش عارفهم..
دى كانت اول صدمة........الغربة..

-فى الكلية: انت واحد زى 1500 واحد تانى زيى.
انا فين......؟
لا شيء..
مجرد 1500/1 من حاجة اسمها الدفعة..
واقف فى طابور طوله بطول الكلية من ساعة الصبح عشان تدفع المصاريف..
دى كانت تانى صدمة......... انا لا شيء..

-دخلت اول محاضرة: مش فاهم حاجة. الدكاترة بتتكلم بالانجليزى و بتشرح بيه .هم متعودين على كده.
بس انا مش متعود على كده.
ميهمش بكرة تتعود.
بس فى ناس قاعدة و فاهمة-بتوع الــIG- انا مش متعود على كده .
انا متعود ان انا بس الى فاهم مش انا بس الى جاهل..
و دى كانت تالت صدمة..........الاحساس بالجهل..

-اذاكر منين: تخرج من المحاضرة تلاقى الدُفع الى اكبر منك مستنيينك بره تحاول تساله و تستفسر منه..
اذاكر منين؟؟ مش فاهم حاجة؟؟ مش عارف حاجة؟؟
انا هضيييييييع......
يقولك عاندى ليك شرايط انما ايه كدة . و عاندى ليك كمان اسكيليتون و مذكرات و ....و... و..و..و... :confused: :confused: :confused:
اييييه ده مين دول..؟ ايه دول..؟
و دى كانت رابع صدمة...........الاحساس بالضياع..

-الان حان الوقت للتسكين فى المدينة: شوف بقا انت هتقعد مع مين في الغرفة..
هل هو واحد يمارس الاتجار ولا التعاطى بس؟؟
انت و حظك..
لكن ماتحولش تفهمنى انك مش هتفكر فى يوم من الايام انك تجرب..
و دى الخامسة........اصدقاء السوق-ق- و الفضول..

و الان...
القشة التى قصمت ظهر البعير -الى هو انا يعنى-
نتيجة امتحانات اعمال السنة..
بعد ماكنت من الاوائل دلوقتى بقيت من الى شايلين..
يادى المصيبة..
الواد بتاع الشرايط ضحك عليا و ادانى شرايط مضروبة و ادى الشرايط الكويسة للبت الحلوة الى كانت قاعدة جانبى فى المدرج..
اه.... ما انا هنفعه فى ايه؟؟
و الست الدكتورة رئيسة قسم الطحنولوجى جايبالنا امتحان عجيب..غريب..رهيب..مريب..............يب

كلهم اتفقو عليا..
عاوز اولع فى نفسى..
و فى وسط كل دة تسمع صوت من جنبك يقولك:
ولا يهمك.. خد.. خد يا راجل.. هدى اعصابك..
هات.. ايًكش تولع..

اخدت السيحارة و ولعت و خدت اول نفس..
محدش قاللى: انت بتعمل ايه؟؟
محدش قاللى: انت اتهبلت؟؟
محدش قاللى: ارمى الى فى ايدك دة..

لكن انا للاسف مسمعتش كلام "محدش".
و سمعت كلام كل الى حوليا .
لان صوت محدش كان واطى اوى.
و الدوشة كانت مليا المكان.

دى تقريباً كانت البداية..
و كل الى انا قلته ده مش مبرر.
دى اسباب كانت نتيجتها الى حصل.

لكن ايه هو المبرر؟؟
بيقولو ان شرب السجاير غلط و مضر للصحة.
اقولك تمام دا الى انا عاوزه بالظبط.
عاوز اعمل غلط و عاوز اضر صحتى.
ليه؟
ادينى الفرصة ان انا اعمل حاجة صح و انا اعمل.
ادينى حاجة استخدم فيها صحتى و انا احافظ عليها.
دا هو المبرر..

و دائماً نتذكر الحكمة الخالدة "التدخين ضار جداً بالصحة و يسبب الوفاة".
و شكراً لوزارة الصحة..

و للحديث بقية.. ان شاء الله...

دى..

[Dr.Soccer]

أنت قطعت قلبى يا مدنجى!!:(
ولكن نسيت يامدنجى تقول أهم سبب اللى خلاك تشرب سجاير وهو "..... زميلك" ونسيت كمان الهجمه المرتده "زى الأعلان":D

[مدنجي]

بالفعل ستظل اسطورة الرفيق خالدة الى الابد.
الى ان تقوم الساعة.
بس متلومش عليه.
ممكن.. لا اكيد طحنوه زى ما طحنونى..
بس هو سبقنى فى الطحن..
و عِرف الى فيها. و حَب يجيبلى من الآخر.

والله اعلم ممكن ييجى اليوم الى احنا هنكون فيه السابقون و انتم اللاحقون.
اتمنى من قلبى انى ماشوفش اليوم ده.


دى..

[فيرون]

الحمدلله ان كل الناس عارفه ان التدخين عاده سيئه
ده مصيبه كبيره يا جدعان ان كل ما أروح لأى مطعم أو مكان عام
ألاقى بنات صغيره هيا اللى بتخن
اللهم أهدنا جميعا