المساعد الشخصي الرقمي

مشاهدة النسخة كاملة : ناس لسه بيحسوا


kalamntena
04-04-2006, 10:14 PM
ثلاثة اطباء وعامل
الساعة حوالى عشرة الصبح الدور التالت فى القصر القديم النهارده
كانوا بينقلوا واحدة للعناية المركزة على امبو باج
مين هم انا ما اعرفش او بالاصح مالحقتش اشوفهم
لانهم كانوا بيزقوا السرير وبيجروا بسرعة خلت كل اللى كان واقف متسمر فى مكانه بيراقب المنظر اللى الله اعلم هيتكرر تانى امتى

الكلام ده ليه
عشان نبقى زيهم ومنبقاش مجرد تروس فى ماكينة الاهمال واللامبالاه
ثانيا عشان ندعيلهم
ربنا يجازيهم عنا وعن المرضى خير ويثبتهم ويدخلهم الجنة بغير سابقة عذاب ولا مناقشة حساب
مصباح
05-04-2006, 01:36 AM
عارفة دة بيفكرني بإيه ؟ ـ



نظرية القرود الخمسة (http://www.kasralainy.edu.eg/english/students/forum/showthread.php?goto=newpost&t=1473)

احنا محتاجين نختلف شوية عن القرود الخمسة
internal-master
05-04-2006, 02:08 AM
ربنا يجعله في ميزان حسناتهم
فيرون
05-04-2006, 10:30 AM
طيب ما نخلي ده العادي؟
من استقبال الحوادث لأي مكان في المستشفى الزمن ممكن يبقى دقيقتين!
kalamntena
05-04-2006, 11:52 PM
طيب ما نخلي ده العادي؟
من استقبال الحوادث لأي مكان في المستشفى الزمن ممكن يبقى دقيقتين!




الرد:

احنا محتاجين نختلف شوية عن القرود الخمسة

ده اولا وبعد كده نقدر نعمل اى حاجة





عشان كده باقول

دول ناس لسه بيحسوا



بمعنى اخر لسه ما اتأثروش بالجو الملوث اللى بنشتغل فيه

ال ايه بيعلمونا نشتغل تحت

STRESS

طب يعلمونا الاول وبعدين يبقوا يحطوا

STRESS

براحتهم

ماتخلونيش ابعبع بقى

المهم مانبقاش صور مكررة

ونحط فى دماغنا المرضى اولا

و نفترض ان اذا احنا ماعملناش محدش غيرنا هيعمل









بمناسبة الموضوع

برده عايزين ندعى لواحد زميلنا مش هاقول اسمه

كانت معايا مريضة هتدخل فى

DKA



ولما رحت بيها للرعاية لقيت الباب مقفول !!!!!!!!!و العامل مش موجود



لفيت من بره عشان اشوف حد يفتحلى

قابللته لسه باقوله عايزه حد يفتح الباب معايا حالة

ماستناش يسمع باقية الكلمة وجرى للكنترول روم عشان ينادى على العامل وبعدها جرى على الباب وماسبش المريضة الا بعد ما وصلها لغرفة الانعاش فى الرعاية واطمن عليها

وبعد ما نادوا عليه من الكنترول عشان شغل

ربنا يكرمه ويجازيه عنا وعنها خيرا كثيرا وثبته وادخله الجنة بغير سابقة عذاب ولا مناقشة حساب