يعني إيه إمتياز؟؟!

[Mohamed_kadi]

الليونة السلبية و فقدان العزيمة ممكن تجتمع مع قسوة القلب و تبلد الاحساس
الاثنين ممكن يحصلوا لطبيب امتياز في قصر العيني زي حالاتي


بشرة خير طبعا

أنا ماشي بمبدأ إنى ما أسألش عن حاجة جاية؟

بس من يوم ما دخلت الكلية والناس بتسألني بتعملوا إيه ف الإمتياز ؟

يا ريت تحكولنا عن يوميات طبيب إمتياز :aiaiai:

[Mohamed_kadi]

الإقتباس من كلام مصباح

[مصباح]

فتح كلام :
سنة الامتياز هيا السنة اللي بتبدأ فيها تبقا دكتور مش طالب
بس من غير ما تكون مسئول رسمياً عن حاجة لأنك المفروض إنك بتشتغل تحت ملاحظة الطبيب النائب المسئول


أول حاجة بتتعلمها .. بتتعلم التعامل مع العيانين ..
انت كطبيب امتياز متعرفش كتير
بس بتاخد العيان كأنه قريبك و تعرف إيه المطلوب له و تعمله له ..
كدة انت بتتعلم
لأن الحاجات اللي هيطلبوا منك تعملها بنفسك م الأول وهتكون عارف تعملها .. على الأقل أديك عرفت إيه مناسبتها
و الحاجات اللي مش هتكون أنت اللي بتعملها .. على الأقل عرفت إزاي بتتعمل عشان تدريجياً تعمل اللي تقدر عليه منها
ما لم يكن تعدياً على اخنصاص أحد

باختصار مخل :
في الامتياز بتتعلم بعض المهارات
و بتشوف كثير من الحالات
و بتتعلم حيثيات صنع القرار في كثير من الأوقات

و أنا في انتظار مزيد من التفاصيل من زمايلنا

[kalamntena]

يوميات طبيب امتياز<?xml:namespace prefix = o ns = "urn:schemas-microsoft-com:office:office" /><o:p></o:p>




تمارين الصباح بالجرى عشان تلحق الامضاء وفى بعض الاحيان ب(تسلق السلام ) مع بعض الشقلبزات عشان تحاول تعمل اذن او استثناء<o:p></o:p>



باطلع الوحدة اسلم على الناس اللى موجودين اللى غالبا بيكونوا ما بين نعسان عشان كان بايت نايت او بيقول يا رب مشاوير النهارده تكون مهاوده<o:p></o:p>



عقبال ما يجمعوا المشاوير والشغل بادخل اصبح على المرضى وممكن اهبرن كام واحد وقعت منهم جرعات هيبارين لان الممرضة كانت نايمة او مكسلة <o:p></o:p>



وتبدأ المشاوير والغيار والفيتلة لمرضى ما بعد العمليات وكله اى حاجة فى اى حتة مش تقصير ولكن قصر موارد<o:p></o:p>



ويا بختك لو عرفت تسرق كام دقيقة تاكل فيها لقمتين يسندوك باقى اليوم _ انا دلوقتى باتكلم عن يوميات طبيب امتياز مش ( مزوغاتى)<o:p></o:p>



ويا بختك برضه لو عرفت تهرب من وقت الزيارة لا لشئ غير ان للصبر حدود <o:p></o:p>



وبعد كده تروح تمضى انصراف ( انا باتكلم عن امضاء بحرى ) و تحاول توصل بيتكو قبل المغرب عشان غالبا الدنيا بتبقى زحمة فى الوقت ده <o:p></o:p>

<o:p> </o:p>


<o:p> </o:p>

<o:p></o:p>

عموما شيفتات الامتياز بتتقسم تلاته مورنينج وميد ونايت والامضاء بتختلف من مكان للتانى افضلها اللى بيكون فيها الامضاء على الشيفت <o:p></o:p>




غالبا الجدول بتتفق عليه انت وزمايلك اللى معاك فى الوحدة الا اذا اتخانقتوا ساعتها بيتدخل النائب وفى الطوارئ الجدول اجبارى<o:p></o:p>



المشاوير ( اللى هو شغلك الاساسى ) كتير وفى اماكن مختلفة هتعرفها مع الوقت و عادة بتتوزع على الناس اللى فى الوحدة <o:p></o:p>



الغيار فى وحدات الجراحة حاجة اساسية على الرغم من ان برضه المرضى بيجيلهم تلوث فى الجرح و نسبة تلوث الجروح بعد العملية تقريبا 90% فى القصر العينى عموما <o:p></o:p>

<o:p> </o:p>


<o:p> </o:p>


اهم النصائح فى الامتياز <o:p></o:p>


<o:p> </o:p>



استحضار النية من اول يوم زي ما بنعمل فى اول يوم فى رمضان



لازم لازم لازم تمر على المرضى كلهم كل يوم اولا بنية عيادة مريض و ثانيا عشان تتابع حالتهم بصراحة احنا فى امس الحاجة لدعوه بجد من واحد فى شده زى المريض



نظم وقتك<o:p></o:p>



لازم تعرف واجباتك وحقوقك عشان محدش يستغلك



خلى علاقتك بالتمريض كويسة



ما تحاولش ترخم على زمايلك او النايب عشان هيه العملية مش ناقصه خناقات



حاول تكون موجود فى كل حتة يعنى ما تخليش دكتور يقوللك انت مين او انت مابتجيش



لو فاضى حاول تقف فى كل العيادات وماتقتصرش على التخصص اللى انت عايزه



خلى بالك طويل مع المرضى واهلهم ولو مش هاتقدر زوغ وقت الزيارة عشان ماتخدش ذنوب ( بكرة هاتعرف انا اقصد ايه )



خليك مؤثر فى المرضى وزمايلك ووحدتك و حاول توصل لدرجة ان

المرضى يسألوا عليك بالاسم لان ده معناه كبير قوى _ هتحسه بعدين _



تابع مرضاك بعد خروجهم من المستشفى بالتليفون ( و ماتستغربش لو حد منهم كلمك فى العيد يسلم عليك )



حاول تخلى فى جيبك شوية حاجان مهمة ( فلوسك وموبايلك و جوانتى ونيتروجلسرين تحت اللسان و مسكن للحقن وانابيب لعينات الدم المختلفة و شيكولاتية او بومبوناية )



خد تطعيم الالتهاب الكبدى الوبائى بى و بلاش التعامل العشوائى مع الدم يعن مادمت بتعرف تسحب و تدى مافيش داعى تتجدعن وكل مرة تسحب انت خلى الموضوع ده للتمريض هم اقدر منا على ده



كن دبلوماسي



صاحب ناس كويسين والزق فيهم لان الامتياز بيشغل الواحد

<o:p> </o:p>

<o:p></o:p>

<o:p></o:p>

معلش بقى طولت عليك و برضه ماقلتش كل اللى عندى <o:p></o:p>


المهم دلوقتى ركز فى المذاكرة والامتحانات والملازم و ساعتها يحلها حلال

[kalamntena]

الحياة كل مدى بتغمق فى الكلية

لا خالص
الامتياز مرحلة لابد منها بحلوها ومرها
انا عن نفسى بعد مرور 7اسابيع سعيدة باللى عملناه
ونفسى كنت اعمل اكتر من كده فى الوقت اللى قضيته ده


دى المرحلة اللى هتبدأ فيها تبقى طبيب




ملاحظة على الماشى
انا ضد فكرة
انا عايزة اتجوز واقعد فى البيت
تماما

[مصباح]

انا حاسس إن بعض نصائح كلمنتينا محتاج احطها في الاعتبار انا كمان

[مصباح]

مفيش حد مجبر/ملزم إنه يعلم طالب الامتياز

و دي مشكلة قد تنتهي إن طالب الامتياز ميتعلمش حاجة طالما مش عاوز يتعلم



أما اللي عايز يتعلم فمضطر يكافح عشان يأدي ال"ديرتي وورك" و في نفس الوقت يلاقي وقت و روقان بال - و مهم قوي روقان البال - عشان يتعلم

لازم كل طبيب امتياز يدخل الستة من أولها و هوة عارف إنه هيعلم نفسه بنفسه

مش بس كدة ..

لأ .. و لازم يتعاون مع زمايله على كدة مش يقضوها ضحك و تهريج

يعاونو بأنهم ينادو لبعض لما يكون فيه حاجة مهمة تتشاف أو تتعمل

يعرفو كل مواعيد المرور عشان ميفوتهمش مناقشات مع الاستاف الدكاترة

و

و

و



و حاجات كتير ممكن تخلي السنة دي كنز جبار و نقطة انطلاق رائعة لطبيب فاهم شغله بجد



ادعولنا

[kalamntena]

مش عارفة بقى

يمكن عشان الحمد لله ربنا اكرمنى بوحدة كويسة
النواب و الدكاترة الحقيقة مش مخليين فى وسعهم جهد عشان يعلمونا

وخصوصا دكتور حسين خيرى عاملنا مرور للامتياز كل يوم واحد يمر معاه




ديرتي وورك
مش قوى يا مصباح بص لها من ناحية تانية:smiley2:



فى امتياز انت صبى الوحدة اللى انت فيها ودى عينات وهات عينات اعمل ايه فين واعمل ايه لمين
بصوا لها من ناحية تانية يا ناس :confused:



بس السؤال هنا هل فعلاالسنة دى بتفرق فى الحصيلة العلمية كتير ولا هى مشورة وخلاص؟
اكيد بتفرق يا بسمة

[Alasmar]

يا جماعة انا بفكر نعمل
Kasr alainy handbook for house officers
written by house officers to house officers
and revised by residents and other staff members
و دا عن طريق عمل جماعى
collaborative work
نكتب فيه خبرتنا و الى احنا المفروض نتعلمة فى سنة الامتياز
قولولى رأيكو فى الفكرة
و ياريت الى عايز يساعدنى يبدا يكتب الى هو اتعلمة و استفادة من كل دورة من دورات الامتياز الى هو قضاها
و ان شاء الله لو الفكرة لاقت قبول و صدى جيد ممكن ننشئ ليها موقع على الانترنت تابع لموقع القصر العينى
و الله الموفق

[Mohamed_kadi]

]من كلامكم كده
أعتقد إن سنة الإمتياز لازم تكون بتفرق
لكن مفيش نظام معين للإستفادة
وإنت وشطارتك أو إنت ومؤهلاتك الشخصية
:smiley29:
مصباح

ياريت تفهمني المقصود بال

"ديرتي وورك"
"من أي ناحية تعجبك"
لو سؤال غبي توه وأنا هاسكت
احم......

وربنا يوفقكوا كلكوا


مفيش حد مجبر/ملزم إنه يعلم طالب الامتياز
أفتكر مش الإمتياز بس
كلية الطب لا تعلم الطب
حسبى الله ونعم الوكيل

كلمنتينا


اهم النصائح فى الامتياز
كلام جميل جدا
هأحتفظ بيهم

أكبر مشكلة بالنسبة لي إن التعامل مع الناس مش سهل أبدا خصوصا لو مفيش نظام
بيكون مفيش حاجة إسمها واجبات وحقوق


الأسمر

Kasr alainy handbook for house officers

لو مسكته ف إيدي
هأبقى لأول مرة عارف مطلوب مني أعمل إيه وأتعلم إيه
ويمكن أدعي ساعتها إني طالب !!!!

*ملحوظة مالهاش دعوة بأي حاجة
في أحد الإمتحانات شفت بعيني أستاذ وهو بيضرب النايب !!ده إلى جانب بعض الألفاظ الخارجة
:close fri :smiley21:
دى أول مرة أشوف المنظر ده "في حالة إذا كان ده عادي"

ربنا يوفقنا جميعا وبأشكركم

[internal-master]

انا زميلكم امتياز في عين شمس
ودلوقتي تقريبا خلصت النسا وعلى مشارف الباطنة
اللي اقدر اقوله ان الوضع مشابه لحد كبير لما هو عندكم في القصر
بس مع فروقات بسيطة
الشيقت عندنا 12 ساعة ودي حاجة مرهقة نوعا ما
المشاوير بيسموها عندنا ريكوستات requests
والاستفادة برضه للي عاوز يتعلم ...ماحدش هياخدك من ايدك ويعلمك

[kalamntena]

اسمر


ان شاء الله هاحاول اخلص ورق الجراحة واجيبهولك





محمد

أكبر مشكلة بالنسبة لي إن التعامل مع الناس مش سهل أبدا خصوصا لو مفيش نظام
بيكون مفيش حاجة إسمها واجبات وحقوق

طول ما انت بتتعامل مع الناس يبقى تفتكر دايما انك انسان و انهم بنى ادمين
وتعاملهم على الاساس ده
هو ده النظام

اما غير كده
فده محتاج
:smiley2: كده
:smiley15: و كده
:aiaiai: وساعات كده

:close friبس اوعى تعمل كده

لانك ببساطة لسه انسان






من الاخر خليك دبلوماسى بدون تنازلات

[Mohamed_kadi]

تمام كلمنتينا

بسمة

ساعتها كنت بقالى نص ساعة قاعد مع دكتور تاني بيمتحني كان ماينفعش أركز قوي ف الموضوع
بس واضح إن الموضوع عادة يومية وبيكون في إطار الفكاهه

فلاش باك
مرة الأسطى مش عارف مين بعد ما لطش الصبى بتاعة قلم تمام إتبرع وقاللى إنه لولا كدة مش ممكن هيتعلم!!