زميلي العزيز .... اتركوا لنا كليتنا .......... [الأرشيف] - قصر العيني

مشاهدة النسخة كاملة : زميلي العزيز .... اتركوا لنا كليتنا ..........

فيرون

17-03-2003, 01:16 PM

إلى كل زملائنا أبناء المقتدرين....
إلى كل أبناء الناس اللي دخلوهم أي جي سي إس أي .......
إلى كل أبناء الناس اللي سفروهم بلاد بره علشان يتعلموا .......
نحن أبناء الطبقة المتوسطة أبناء المواطنين اللي مايقدروش يوفرولنا اللي يقدر أهلكوا يوفروه لكم ....

اتركوا لنا كليتنا ..
اتركوا لنا فرصة التعيين فيها ...
لماذا الطمع في المزيد ....
عاوز تتعين في كلية الطب البشري .... عندك الكليات اللي بفلوس ... عندك أمريكا ... و غيرها و غيرها ...
سيبولنا الكلية اللي مصاريفنا فيها 40 جنيه و بالعافية بنجيب فلوس الكتب ...
حرام ،،،

داحنا غلابة قوي ...
بابا جابلك عربية ..
بتسافر لبابا في الأجازات ..
بتصيف في الساحل الغربي ... (لأمريكا طبعاً) :D
بتتسلى مع الجيرل فريند بتاعتك فتعزمها في كنتاكي و لا هارديز ..
سيبولنا المؤمن و التابعي بتوع الفول و الطعمية .. .. سيبولنا شارع د. حندوسه ... سيبولنا الكلية اللي نفسنا نتعلم في بدرومها تشريح ...
سيبولنا العيان بتاع الهيباتايتيس و دوالي المرئ ....
عند ك فلوس كتير ... روح أمريكا ... روح بلد تانية ....
سيبولنا بلد الغلابة ... مانتا كده كده هاتعمل معادلة و تسافر ....
سيبولنا بلدنا
سيبولنا بلد الغلابة ..

مدنجي

17-03-2003, 02:20 PM

يكتب اليكم تلك الرسالة : محمد مدنجى.
زى ما انتو عارفين ان انا فى سكشن من اشهر سكشنين فى الكلية كلها الا و هما سكشن "محمد" و "احمد".
تلك السكاشن الى يعرفها الدكتور من اول نظرة.
فبمجرد دخوله لاول مرة الراوند. يصاب بحالة من الـ"searching nystegmus".
و بعد كدة يهمهم و يقول : مممم.... انتو محمد و لا احمد ؟
نقوله محمد.
يسمع الكلمة دى و يروح ضاحك ضحكة خبيثة و قايل : يعنى انتو مفيش معاكو اى females ?
و ما ان يسال الدكتور هذا السؤال حتى تدب فى الراوند همهمة و دوشة , ماتلبث ان تهدأ بكلمة واحدة من الدكتور : "بطّل كلام يا محمد".

المهم مش دا موضوعنا.
الموضوع و ما فيه ان فى حوالى خمس ست طلاب من بتوع الآى جى عمو الدكتور "....." حولهم معانا.
بس كانو زينا برده بس ما اسمهومش محمد.
لكن ايه... ايه الروشنة دى...
اضرب السجاير الحمرة...
و اضرب شعرك جل...
و اضرب القميص المكرمش قبل ما تنزل...
و اضرب النضارة الحمرة...
لكن مش دى المشكلة.
من حق اى واحد انه يتروشن.
لكن ايه المشكلة...:confused: :confused:
المشكلة ان الناس دى اتعودت انها اما تعوز اى حاجة فى اى وقت تطلبها و تلاقيها فى التو و اللحظة.
يعنى نظام تطلب معاه سيجارة... يضرب سيجارة.
و الى تطلب معاه اى سؤال... يسأل(مثال:دكتور احنا ممكن نعرف من الـslides اذا كان صاحبها راجل و لا ست؟؟!!)
و الى تطلب معاه يهزر... يهزر.
و الى تطلب معاه......... يـ....

الدكاترة اخدو عننا فكرة زى الـ.......
و كل ده عشان سيادة البشاوات بتوع الآى جى.
الدكاتترة ناويين لنا نيه مش و لا بد فى الامتحان.
و ربنا يستر...
علينا بس طبعا...
لان سعادة البشاوات بتليفون من ماما او من بابا لعمو الدكتور"....." الى عاندنا فى الوحدة , و انتهى كل شيء.....

نراجع تانى ايه الى حصل:
سكشن محمد.
جالنا ناسIG.
مزهقينّا بدعاباتهم السمجة.
مزهقين الدكاترة بشغبهم.
الدكاترة اخدت عننا فكرة مش و لا بد.
النتيجة:
الدكاترة هيقطعونا فى الامتحان.
سعادة الباشا هيتظبط فى المتحان.

و ما تنساش تسلملى على بابا.. (http://www.kasralainy.com/vb/showthread.php?threadid=53)

دى..

kalamntena

05-09-2007, 10:17 PM

لقيت الموضوع ده و دي بصراحة اول مرة اقراه

الحمد لله اني ماضطرتش احتك بحد من خريجي الاي جي

اي حد يحب يعلق
اي حد يحب يقول لفيرون و مدنجي و كلمنتينا انتو غلطانين

HOSSAM ELDIEB

05-09-2007, 10:26 PM

طيب احنا ممكن نطالب الوزارة انها تمنع قبول طلاب الاي جي في الجامعات الحكومية

STROMA

05-09-2007, 10:37 PM

من اهم اسباب خلو مدرجنا العزيز من الطلبه

ان فيه عدد كبير من بتوع الاى جى

عايشين على الدروس والكورسات البرايفت وهكذا

انما لو انتقلنا لمدرج اخر مثلا مدرج سته

هتلاقيه مليان على طول

ليه؟

يكاد يخلو من طلاب الاى جى

ملئ بطلاب الاقاليم وابناء الطبقه المتوسطه الكادحين اللى بيعتمدوا اعتماد اساسى على المحاضرات

فرق كبير بين هذا وذاك

على فكره انا مش شايفه مشكله فى بتوع الاى جى

انما المشكله الاكبر فى الامريكان دبلومه

أبو المعاطى شمروخ

05-09-2007, 10:41 PM

هبعت اللينك لدكتور سامح اى جى
وهو هيرد على الموضوع

Dr.Ahmed Ragab

05-09-2007, 11:23 PM

احنا بقى فى المنصورة
عملو نظام يعنى حلو وحش
نظام المنصورة مانشيستر الطبى
ب20الف فى السنة
الحمد لله بعدو عننا
بس طبعا هيضربونا فى التعيينات بعد كده

وصحيح مين الدكتور حندوسة؟؟؟؟؟؟
اصل احنا عندنا مدرج باسم الدكتور احمد هندوسة

وشكرا على طرح الموضوع الشائك ده

HOSSAM ELDIEB

05-09-2007, 11:40 PM

بصراحة وعشان اكون محايد
انا مش حاسس باي مشكلة من دول

winner

06-09-2007, 12:33 AM

سبحان الله الواحد لما يسمع كلمة اي جي بيحس بمشاعر بغيضة في صدره و كانه سامع كلمة الموساد.

بس المشكلة مش مشكلة اي جي و لا فلوس .. دي مشكلة افراد .. انا اعرف واحد اي جي محترم بدرجة عالية .. لكن برضه في الزمان ده اللي معاه قرش يسوى قرش ..

و في النهاية بقول اللهم لا اعتراض .. و الحمد لله .. و حسبي الله و نعم الوكيل.

Dr Hania

06-09-2007, 01:08 AM

يا جماعة المشكلة مش فى حكاية اى جى او ثانوية يعنى انا شايفة الموضوع مشكلة اشخاص يعنى مثلا انا هكلمكوا عن تجربة شخصية انا فى سنة اولى اتعرفت مرة على بنت معانا اى جى و بدانا نتكلم مع بعض لقيتها واللة عادى جدا احنا ساكنين قريب من بعض اوى و شفتها بعد كدة كتير و احنا مروحين لكن كانت فعلا مغرورة اوى و عايزة تثبت انها احسن من اللى بيتكلم معاها و خلاص و لما معرفتش تتعامل بالطريقة دى معايا بقت مش بتحب تكلمنى بس بردة برغم الموقف دة انا بردة شايفة ان الموضوع مشكلة اشخاص لان فى ناس لا هى اى جى ولا حاجة و بتتعامل بنفس الطريقة لكن ممكن تكون المشكلة فى الناس اللى ليهم اهلهم فى الكلية بس واللة بس فى ناس منهم متواضعين جدا و فى ناس لا طبعا.

sameh_ig

06-09-2007, 02:03 AM

ماشى يا موحا على شان خطرك بس :smiley2::smiley2::smiley2::smiley2:

طلبة el igcse مفيش حد بيختلف عليهم انهم من اول وهلة فى الكلية و العيون كلها بتتجة عليهم
مين دول ؟ اية العيال النظيفة دية و اللى ماشين فى جمعات و مكتوب عليها ممنوع الاقتراب او التصوير

الناس دية ولاد ناس و احنا ولاد ناس برضة

حقهم انهم يتعلموا ذى وزيك يمكن انا شايف انهم هيفيدوا الناس اكتر منى ومنك و هيبدعوا فى مجالهم ان توفرت النية لى كدة

تخيل نفسك طالب بيدفعلك فى السنة ايام المدارس ما يقرب من 50 الف جنية بل ميت كدة يعنى هتعوز اية تانى
دية ناس مش شايلة هم بكرة من النواحى المادية مش شايل هم جواز ولا سفر ولا اى حاجة حتى اسلوب تفكيرهم هيختلف كتير و هتعتبرة انتا هايف من وجهة نظرك

دة فى حد ذاتة انا شايف ان ربنا بيدلة الفرصة انة يقدر يبدع فى مجالة سواء ان كان طبيب او مهندس لانة بيعمل من اجل العمل مش من اجل الفلوس

طلبة ال igcse
اللى كنت من الد اعداءهم ايام الكلية الى ان اصطدمت بيهم و عرفتهم كويس جدا

الناس دية غير ما انتا ممكن تتخيل تماما فيهم الحلو وفيهم الوحش

لكن بى كل امانة الحلو فيهم حلو بجد بدون وجهة مصلحة ناس فعلا محترمين و على خلق و دين غير ما ممكن تتخيل

و مش معنى انة معاة فلوس انة يسبنا و يهاجر او يترك لنا فرص تانية دة بل عكس حقة اللى ربنا رزقة انة يستخدم امكانيتة اللى بتفوقنا بمراحل و مش عيب انة يستغلها سواء فى دروس او اى شى

اما موضوع الواسطة فا دة موجود بطلبة الا جى و غيرهم و مش هعتبر الموضوع مقصور عليهم فى زيهم و اكتر من ابناء الدكاترة و غيرة و كلنااااااااااااااااااا عارفين دة

بل مناسبة طلبة الاجى بيدخلوا الكلية بى مجهدهم مش بل واسطة يعنى ناس بتذاكر و حقها انها تلاقى نتيجة

المجتمع الطبى فية ابن الوزير و ابن الغنى و ابن الفقير و ابن اللى مش لاقى ياكل

فقط اعمل اللى عليك و تاكد ان ابن الغنى و ابن الوزير مش هياخد رزقك اللى مكتوبلك حتى لو كان اى جى هااااوى

HOSSAM ELDIEB

06-09-2007, 02:08 AM

هو ده الكلام الوحيد اللي عجبني
لانه كلام منطقي
انا كنت فاكر انهم مش بيحلو في الامتحانات ويجيبو امتيازات كده
انما كان فيه ناس بتمتحن معايا ولقيت ورقهم كله ازرق مفهوش حتة بيضة
يعني فعلا هما يستحقو كده لانه بمجهودهم
دول كمان كانو جدعان اوي وقالولي علي كذا سؤال
المشكلة ان الناس بتتكلم بعواطفها مش بعقليتها
لو واحد بيكره ناس يقعد يطلع البدع اللي فيهم
ولو واحد بيحب ناس يقولك بس هما دول ومفيش بعدهم

STROMA

06-09-2007, 02:12 AM

انا قولت من الاول المشكله مش فى بتوع الاى جى انما بتوع الامريكان دبلومه

لانهم دول فعلا اللى ما يستحقوش انهم يدخلوا لانهم يقعدوا سنه واحده ويخشوا بمجموع اقل من التنسيق العادى

فيه ناس من بتوع الاى جى ما شاء الله عليهم شاطرين جداااا وطلعوا من الاوائل ويستاهلوها عشان كانوا معايا فى الدروس وشوفت شطارتهم بعنيا

اللى عايز يختلط بكل فئات الكليه لازم يكون شخص اجتماعى اوى وروحه خفيفه عشان يقدر يندمج مع اى حد

mazen

06-09-2007, 03:16 AM

بصوا يا جماعه انا هاقول رأي بصراحه
والله ولاد الناس بتوع igهما بيتطنطوا علي الفاضي
زهما مش حاجه اصلا هما بفلوس ابوهم
يعني اباهاتم يخدوا فلوس الغلابه ويركبوا ولادهم عربيات اخر موديل
واشيك لبس وكمان يعنوهم مكانا كمان دا ايه الذل ده
ويرجعوا يقولوا باباي وماماي
ارجع واقووووووووووووووووووووووووووول
تـــــــــــــــــــــحيا مصــــــــــــــــــــــــــــــــــــــــر
:tom&jery::tom&jery::tom&jery::tom&jery:

dr_pattoot

06-09-2007, 03:57 AM

أنا آخر مرة شاركت في المنتدى كانت في 2006
بس المرة دي مش قادر ماشاركش
لأن الكلام أحيانا يستفذك
:smiley7.::smiley7.:
وتلاقي نفسك مش عارف تحط لسانك في بقك وتسكت
:tom&jery:
الموضوع مش حكاية آي جي ولا دببلومة ولا حاجة
لكن الفكرة في
الأحكام العمومية
اللي بنصدرها على الناس
:close fri
بمعنى
كل ........ حلو أو كل ..... وحش
مثلا
لو قابلت دكتور كويس يبقى كل الدكاترة مية مية
و لو قابلت دكتور وحش يبقى كل الدكاترة زي الزفت

يا ناااااس يا هووووو
ده اسمه تعصب
إنك بتحكم على الإنسان بسبب أي حاجة غير نفسه
:aiaiai:
وده اللي بنعمله كل يوم لما بنقول
الوزراء دول كلهم حرامية
الأمريكان دول كذا و كذا

و ده بسبب اللي أهلنا علموهلنا و هو غلط في غلط
وأقولها بأه وأخلص
لأنها كلمة واقفة في زوري
:mmmm mmmm:mmmm mmmm
الأم تعلم بنتها إن الولاد كلهم ذئاب
والأب يعلم إبنه إن البنات كلهم كدابين
المسلم بيعلم إبنه إن المسيحيين كلهم وحشين
والمسيحي يقول إبنه المسلمين كلهم زفت

ومتهيألي الموضوع ده مالوش حل
و لو حد عنده حل يقول

drnino

06-09-2007, 03:58 AM

sameh_ig

06-09-2007, 04:05 AM

عودا حميداا للثقافى يا بطوط :smiley4.:

نقول الكلام دة يقولك لا هما وحشين يا خى مش عارف اية الحقد الطبقى دة

STROMA

06-09-2007, 04:08 AM

الطبقات الفقيرة الدنيا تحقد على الطبقات الغنيه العليا

ههههههههههههههههههههه

dr_pattoot

06-09-2007, 04:27 AM

مش حكاية صراع طبقي
ده اسمه صراع الأختلاف
:black::black:
مع إن الكل حافظ إن الإختلاف في الرأي لا يفسد للود قضية
لكن شكله كلام على ورق
:black::black:
مع إن صورابعك مش زي بعضها
فيها التخين والقوي زي ال thumb
وفيها صاحب السلطة و الأوامر زي ال Index
وفيها الطويل اللي طالع لفوق زي ال middle
وفيها الغني المتريش زي ال Ring
و فيها الغلبان الرفيع الضعيف زي ال Little
بس دي صوابعك وماينفعش تقطع واحد منك ترميه
حتى لو كان تاعبك و مش عاجبك
:smiley21::smiley21::smiley21::smiley21:
أتمنى تكون الرسالة وصلت
اللي بيدي إيدك شكلها و فايدتها إختلاف صوابعك
الإختلاااااااااااااااااااااااااااااف
:twins::twins::twins::twins::twins:

HOSSAM ELDIEB

06-09-2007, 11:23 PM

مظبوط يا بطوط
محدش يصدر حكم علي فئة عامة من الناس لسبب شخصي
الحكم بيكون من المعاملة

vvvip

06-09-2007, 11:35 PM

تمام
:smiley20:
الاختلاف سر الجمال
والله بتوع الاي جي بيدوا للكليه نوع من النضافه كده
بس المشكله في الحقد اللي ملي قلوب الناس
حقد طبقي
يلا منها لله مجانيه التعليم

وكلمتي الاخيره
اثبت نفسك بنفسك وماترميش عقدك ع الناس
والله الموفق

dr.Savannah

07-09-2007, 12:27 AM

بتوع الاى جى ناس شاطرة و مناهج الاى جى مناهج صعبة
على الرغم من انى مبحبش نسبة كبيرة فيهم
لكن اللى فعلا ناس متستاهلش تدخل الكلية الاميريكان دبلومة
اللى ممكن واحد ياخدها فى سنة بفلوسه بمجموع عالى

ssskkk

09-09-2007, 09:48 AM

:mmmm::mmmm::mmmm::mmmm::mmmm::mmmm::mmmm::mmmm::m mmm::mmmm:

انا زعلانة اوى على ان دة رايكم فى بتوع الاى جى لية كل الهجوم الفظيع دة

ياجماعة الناس دى ناس عادية جدااا جداااااا جداااااا كل الحكاية وما فيها ان اهلهم حبوا يخلوهوم متميزين دفعوا دم قلبهم عشان يوصلوا لكدة فى الاول وخلاص ميقدروش يدفعوا اكثر من كدة قدموا ليهم اساس سليم عشان يطلعوا اقوية وبعد كدة ربنا يسهلهم قدام مش معنى كدة ان فلوسهم مش بتخلص وانهم مدلعين وان وان وانهم بيسرقوا من الغلابة الى اخره

فى ناس كثير جدا منهم بيموتوا من التعب والحسابات والمصاريف ويجيلهم ضغط وسكر والى اخره من قلقهم على الاولاد.
بيميزوهوم فى الاول ويسيبوهوم يكملوا مع باقى الناس زى بالضبط مااهل اى واحد فى الثانوية بيهيئوا لدخول احسن حاجة ويكعوا دم قلبهم فى المصاريف على الدروس عشان يدخل اعلى كلية ويبقى هو المميز من كل مثلا اصحابه او اقريبه والى اخره وبعد كدة الولد بئة وشترته.

دلوقتى مفيش حد فى مصر غير بتوع الIG هو الى بيلبس المكرمش ويتروشن ويحط السيجارة وخلاص دى مظاهر الغنى والرفاهية والموضة

لا طبعا الى يفكر كدة يبقى تفكيره محدود الشوارع مليانة قمصان مكرمشة وسجاير ومش شرط يكون IG يعنى
المظهر الخارجى دة الانسان هو الى يحدده مش اى حد تاااانى على الاطلاق لا ماما ولا بابا ولاعربية ولا حاجة خالص سواء غنى وعايز يلبس كذا هيلبس او فقير وعايز يلبس كذا هيلبس حتى لو موت نفسه عشان يجيب الفلوس ومحدش اتولد فى بقه معلقة ذهب ولا حتى فضة:mmmm mmmm:mmmm mmmm:mmmm mmmm:mmmm mmmm

تنوية اخير:

ان اهل الناس دول مبيسرقوش من الغلابة الكلام دة ظلم وافترى دى ناس بتموت من التعب لدرجة ان الولد او البنت الى انت شايفها او شايفه لابس دة وبتقول بيعمل ويسوى محروم حتى من انه يقول لوالده صباح الخير او حتى ازيك لانه مش بيشوفه من الاساس

طبعا انا مش بقول الكل لا فى ناس بتسرق وبتنهب وكل حاجة بس دة مش تعميم حتى ممكن تلاقى برده الناس بتوع الشهادة العادية بيسرقوا ولا اية
الوحش وحش والى طباعه سيئة سيئ سواء كان شهادة عربية شهادة مصرية IG او حتى مش شهادة اصلا