ليالى الامتياز

[nabilprofelgen]

مرحب بيكو

عنوانه غريب
عشان معظم شفتاتى كنت بخده بالليل

ارحم بكتير من الصبح

المهم اللى انا فاكره : اول ليلة فى الطوارى ا
الشغل كان مريح
روحت قعدت مع زمايللى فى الباطنة
و جيه عيان هيماتيميسس
و زمايللى قالولى تعالى اعمله ستوماك وااش
قلت ماشى اهو فى الحركة بركة
روحت و ركبت رايل
و اخلصت اول ازازة سالين و حطيت اليورين باج
مفيش
النايب بيقول فاضى ازازة تانية و بعدها برده مفيش
النايب قال فاضى التالتة
خلصت التالتة
و بعدها حاجة غريبة حصلت
اليورين باج بدأت تتملى هوا
وهوا و الكيس لوحده بدأ يطلع لفوق و بئا عامل زى البالونه اللى طالعة من بق الراجل
و اهل الراجل مبسوطين مووت
و لما الكيس اتملى روحت فاصله من الرايل
و بعدها الراجل طلع كمية غازات من بئه
و بعدها قام وقف على رجليه و قال الف شكر يادكاترة ريحتوننى من الانتفاخ

و الراجل نط من على السرير
و نزل و باس راس كل واحد فينا و مشى

و يجعله عامر
لما حكون فاضى هبأ اكتبلكو المغامرات

[kalamntena]

نعم؟؟؟؟؟

يعني ايه السؤال؟


:bold:



متقولش ان ده حقيقي

[nabilprofelgen]

حقيقى ياكلمنتينا

و لسه فى مغامرات غريبة
هروح بس اشترى شوية حاجات لمااما من البقاال و ارجع اكمل حبة حكايات



و يجعله عامر

[nabilprofelgen]

المرة دى و انا فى معهد الاورام

عيان عنده
recurrent squamous cell carcinoma invading maxilla and temporal bone and invading the dura.
و كانت ال maxillary cavity
فاتحة على الشارع
ليلة العملية
كنا 3 نواب و 2 امتياز بنفهم المريض ايه اللى هيحصل فيه فى العملية
و اللى على لسان المريض ماشى موافق موافق
فى الاخر النايب قاله انت هتكتب اقرار انك حتموت
الراجل مضى على الاقرار
و تانى يوم العملية
كان الجراح قال العيان لازم ياخد فرصته
نام العيان
و كان الاستاذ و النايب و انا فى العملية
الجراح شال :
left maxilla
left temporal bone
ellips from the dura
cover the defeect in the dura by temporalis muscle

و المنظر بالظبط
hemifaciectomy
oropharynx على الشارع

حط سفرادوول و دريسسينج
و فى قعدة تانية نعملله فلاب

المهم العيان نزل الرعاية و تانى يوم العيان كان ماشى على رجليه
رابع يوم العيان جالنا القسم
جات اجازة عيد الفطر
العيان اخد انتىديبرسينت
و حتى الان لم يظهر


يذكر ان العملية دى اتعملت من سنوات فى المعهد و لما المريض شاف نفسه فى المراية اتجهة الى النافذة و رمى نفسه


و يجعله عامر

[brightgalaxy5]

ايه ياعم افلام الرعب دي

[nabilprofelgen]

موش رعب و لا حاجة

بس دى ذكريات لا تنسى

و يجعله عامر

[أبو المعاطى شمروخ]

بصراحة المغامرة الاولى عشرة على عشرة
بس حضرتك متاكد ان
الراجل قام متسلطن و بيبوس فيكم و مزاجه عنب
يمكن
بس ده يبقى كان عنده ايه؟

[فيرون]

واد عنده 18 سنه
جه في غيبوبة سكر قسم 19 باطنه
مافيش عنده أورده للسوائل قلنا نركبله خط وريدي رئيسي
استنينا شويه عليه و أول مافاق فهمناه احنا هانعمله إيه ... قام قايم و ماشي

[مصباح]

دماااااااااااااااااااااااااااااااااااااااغ

عيانين دماغ

[nabilprofelgen]

فى شيفت ميد فى الباطنة
داخل الاوضة
النايب بيضحك
قلتله فى ايه؟
قاللى : مطلوب منك انك تركب رايل لراجل و مش اى راجل
دا قدك بتاع 50 مرة
روحت شفت الراجل
لقيته بسم الله ما شاء الله طول بعرض
حاجة كده عايزة 2 سرير عشان يعرف يلاقى مكان ينام فيه
يالا ياجماعة
الستات تطلع بره شوية و الرجالة يجوللى
و خليت حوالى 10 رجالة يمسكوه
و اللى قاعد على رجله و الدنيا جاهزة
ركبت الرايل و ثبتها و عملت وواش و طلع كليير
روحت سايب الرايل و لما وصلت لباب القاعة قلت للرجالة سيبوه خلاص
و جريت
و تانى يوم عرفت لما الراجل نزل المناظير و شاف الخرطوم بتاع المنظار قال خروج حسب الطلب
و خرج حسب الطلب


و يجعله عامر

[kalamntena]

:smiley18:

[فيرون]

أنا باأقعد اقنع فيهم ربع ساعه قبل ماركبلهم رايل ..و الحمد لله بيركب بعدها في دقيقتين.. واللي مش عاوز .. مابركبلوش وباسيب اهله يقنعوه .. و بتنفع
طبعا فيما عدا اللي في غيبوبة

[kalamntena]

ليالي الامتياز

هم 3 ليالي
بلاش حقد


اتنين جراحة وواحدة انتداب غدد فى الاطفال



الليلة الاولى جراحة

انا وواحدة صاحبتي
فضلنا سهرنانين لحد الساعة 3
معانا نايب ووزميلنا في الوحدة
كنا بنقفل التذاكر
و على 3 ونص
النايب دخل اوضة النواب
وزميلنا دخل قاعة الدرس
و احنا في اوضة الاستاذ
طبعا مفيش نوم
طفينا النور بس احساسك انك نايم بره بيتكو مزعج جدا
الساعة 5 الباب خبط
فتحنا لقينا مسؤول الكافيتيريا
د. محمد هنا
لا مش هنا
طبعا مفيش نوم لتاني يوم


اليوم التاني كنت لوحدي
القسم كان هايل
العيانين ماناموش الا الساعة 3 ونص
وانا رايحة جاية عليهم
لا وضحك ونكت
كانوا ملعلعين
و قعدوا يحكولي حواديت
وازاي ان واحد منهم جزح من على السرير عشان اللى جنبه عنده انفلونزا والهواء جلاب
فخاف يجلب عليه ويجيله هو كمان
لا كانت ليلة

و كان فيه عيانين ليهم هيبارين
هبرنتهم لان التمريض كانت في سابع نومة


و عدا اليوم ده ولسة بافتكره لحد دلوقتي
و دي كانت احلى ليلة



اخر ليلة
نمت في عنبر لوحدي وحطيت سرير ورا الباب عشان كان فيه عامل في الدور
و على الساعة 1 الباب خبط
العامل بيقول دكتور الرعاية عايز اي دكتور
السلام عليكم
وعليكم السلام
ايوه؟
د. نجلاء ؟
لا يا دكتور انا ..... د. الامتياز
طيب كنا عايزين جهاز السكر
حاضر
بس نزلتهوله وطلعت نمت شوية لحد الفجر صحيت صليت ونمت تاني
و خلصت الليلة الاخيرة

ربنا يستر بقى فى ليالي الطوارئ

[nabilprofelgen]

هىهىهىهى

انا بئا دلوقتى قاعد فى الوحدة
بكتب الستلفف رووند
الموبيل بتاعى لقط ويرلس


قلت امسى
و يجعله عامر

[kalamntena]

ماشي يا سيدي

:icon_mrgr
مساء الخير
:maaamaaa:

[الكحكي]

آه من الامتياز و لياليه
الكثير من الأحداث الطريفة حدثت لي خلال هذه السنة
سوف أذكرها تباعا إن شاء الله

نبدأ بقصة حدثت في استقبال الأنف و الأذن
حيث كنا نتلقى يوميا العديد من الحالات لفتيات بلعن دبابيس الطرحة
نفس القصة المأساوية
تقف الفتاة أمام المرآة لتربط الطرحة
تضع الدبابيس في فمها
تثني رقبتها إبى الخلف حتى تحم الرباط ... مما يجعل الفم و الحنجرة و القصبة الهوائية على استقامة واحدة
و إذا بها تشهق .. و ينفلت الدبوس ليدخل في مجراها التنفسي
و يهرع بها الأهل على المستشفى

أغلب هذه الحالات إما أن يكون الدبوس في المعدة و هذا لا خطورة منه فقط متابعة
أو أن يدخل عميقا في القصبة الهوائية أو إحدى الشعبتين الهوائيتين ( غالبا اليمنى ) . وهذه الحالات كنا نخولها إلى جراحة القلب و الصدر

في إحدى الأيام دخلت علينا أسرة بأكملها ... معهم فتاة في الرابعة عشرة من العمر قد ابتلعت دبوسا
طلبنا لها أشعة فإذا بالدبوس في منطقة عالية في الرقبة
قام النائب بفحصها باستخدام منظار التخدير ( و هو مؤلم جدا عندما يكون المريض غير مخدر ) .. فوجد الدبوس معلقا في الحنجرة بين الحبلين الصوتيين
و كلن رأس الدبوس لأسفل
و لا يستطيع أن يمسكه إلا من رأسه
فأخذ يحاول و يحاول
كل هذا و الفتاة تصرخ و تتحرك و تسعل و تتفل
أما والدها فقد خرج من الغرفة حتى لا يرى هذا المنظر
فما كان من النائب إلا أن استدعى النائب السينيور و الذي يبدو أنه كان متمرسا في هذه الأمور
و ما هي إلا محاولة واحدة .. أدخل النائب السينيور آلة اللقط إلى الحنجرة .. و أمسك برأس الدبوس من أسفل ... ثم قلبه رأسا على عقب حتى يستطيع إخراجه
و الفتاة تصرخ و تصرخ و تصرخ
و خرج الدبوس مثنيا و ملطخا بالدماء بعدما جرح العديد من الأنسجة في حنجرة الفتاة و فمها

و كانت لحظة خروجه أشبه بلحظة خروج مولود جديد للدنيا .. إذ اندفع الأهل فرحين و مهللين يشكرون النائب و يحمدون الله

طلبنا من الأهل أن يشتروا بيتادين غسول حلقي حتى تتغرغر به الفتاة لكي لا تلتهب الجروح التي صنعها الدبوس أثناء خروجه
و طلبنا منها أن تبقى معنا لمدة نصف ساعة لنطمئن عليها فقد كنا نخشى من حدوث سباسم أو تشنج في الأحبال الصوتية نتيجة ما حصل مما يؤدي إلى الاختناق
و خلال هذه النصف ساعة أخذت أشرح للفتاة و أهلاها خطورة و ضع الدبابيس في الفم و كيف أن هذه المرة عدت على خير و لا أحد يعلم ماذا يمكن أن يحدث في المرة القادمة

و بعد أن اطمأننا على الفتاة
و حان وقت الانصراف
و أمسكت الفتاة بطرحتها لكي ترتديها
إذا بها تضع الدبابيس في فمها مرة أخرى
فصرخت بها : ( تاني .. انتي ما حرمتيش ؟؟ ) .. فإذا بها تقذف بالدبوس من فمها و تلقيه على الأرض في خوف و هي تتذكر الآلام التي مرت بها و تتمنى ألا تعود

إذا هي عادة
عادة قد اعتادت عليها الكثيرات من أخواتنا و زميلاتنا و أهلنا
عادة ينبغي أن يتخلصوا منها قبل أن يحدث مالا يُحمد يعقباه
و قبل أن يزوروا كشك الأنف و الأذن

و إلى اللقاء في ليلة أخرى من ليالي الامتياز

[الكحكي]

بالمناسبة
هناك العديد من الأحداث مرت بي أثناء تواجدي في قسم الأندرولوجي
يمكنني أن أسردها هنا
فما مدى قبول الأعضاء لسرد قصص من هذا القسم ؟؟؟

[مصباح]

هات عينة
---------

[nabilprofelgen]

رايل بئالها 15 يوم متركبة


الساعة كانت حوالى الساعة 11:30
بالليل
و ام طفل جات بتخبط على الاوضة و بتقوللى الرايل مسدودة يادكتور
روحت
سألتها الرايل دى متركبة من امتى؟
قالت من 15 يوم
قلتلها ابعتى العامل يشتريللك رايل عشان نغيرها
و بعد نوص ساعة العامل جابللى الرايل
و انا بشيل الرايل القديمة لئيتها سودة زى الفحم
ركبت الجديدة و فلت للام تتغير كل اربع ايام
قالتلى حاضر يادكتور
النهاردة يوم 5 هغيرها يوم 20

و يجعله عامر

[kalamntena]

من كام يوم في كشك الجراحة
جالنا دكتور صغنون في سنة اولى
:twins:
متعور
:smiley18:
اصله حب يهرب من المحاضرة
مخدش باله وهو خارج اتخبط في الباب والنتيجة 6 غرز
:look up:

و النهاردة جالنا دكتور تاني صغنون برضه في سنة اولى برضه عنده هبوط في الدورة الدموية
اصله كان بيحضر محاضرة
:smiley18:

لا كده نافع ولا كده نافع
:icon_mrgr


المهم لما روحت باحكي لوالدي قالي اكيد كانت محاضرة كميونتي

:icon_mrgr
:maaamaaa:

قلتله لو ماكنوش في اولى كنت قلت كده
:peace:

[أبو المعاطى شمروخ]

هو والدك عارف الكوميونينى؟
ايه حكاية الكوميونيتى دى
حاجة عجب والله

[kalamntena]

هو والدك عارف الكوميونينى؟



المفاجأة
ان
ان
ان
تش
والدي استاذ فارما في طب بيطري
:tamtam: :tamtam: :tamtam: :tamtam: :tamtam:

[brightgalaxy5]

حكاياتكو جميلة
:)

[sameh_ig]

اغرب حاجة شوفتها و انا فى بداية الامتياز شاب فى العشرين من عمرة دخل الاستقبال و عايز علاج لى حب الشباب اللى فى وشة طبعا ايامها ولا كنت اعرف حاجة عن الموضوع دة

فا طبيب امتياز متفهمش دة خلص ازاى اصلا قالة حاضر تعالى معاية و خد الولد و جاب مشرط و حضر غرز و بدا يفتح الحبوب فى وش الشاب و بعدين ياخدها غرزة لك ان تتخيل وش الشاب دة بعد ما خلص بقى عامل ازاى

و اية الشاب طبعا مش فاهم حاجة و اللة بيعملة الكلام دة دكتور مش اسكافى
اللة الوكيل الولد طلع من الاستقبال وشة عامل زى اللحاف متنجد حتة تنجيدة عجب

و الدكتور واقف مبسوط بقة عالج الحبوب كلها مرة واحدة و زوق و ش الشاب

[rabab gamal]

انت متائكد انى اللى عمل كده كان دكتور

[brightgalaxy5]

صعب اوي يا دكتور
هو ماكنش فيه نواب ساعتها

[أبو المعاطى شمروخ]

اللة الوكيل الولد طلع من الاستقبال وشة عامل زى اللحاف متنجد حتة تنجيدة عجب

تحصل والله ليه لا
بس جميلة بجد

[مصباح]

اللي يعيش ياما يشوف

[sameh_ig]

واللة العظيم حصلت و فى مستشفى الجامعة كمان

[Dr.ElFiky]

فييييييييييييييييييين باقى الحكايات الرائعه....؟؟

[ekm86]

إيه ده؟؟
مش ممكن

ده حتى لو كان ما يعرفش حاجة في طب ما كانش عمل في وش الواد كده

[kalamntena]

انا اعرف دكتور كبير عمل شبه كده
بس مش خياطة

تقريبا متهيألهم ان
ttt of abscess is evacuation !!!!!!!

[ekm86]

على فكرة الحكايات دي بتخليني أقلق على نفسي من نفسي
باخاف جدا إني أتسبب بسبب جهلي بنقطة معينة إني أضر المريض اللي جايلي
وأدخله في متاهات.. أنا وهو في غنى عنها

ربنا يسترها معانا

[لذيذه]

السلام عليكم
ممكن تشاركو معانا بكل تخخص لكل دكتور فى حملات التوعية الصحية و دى لسة على ادنا ممكن الافاده :union: :union: