لو عاد بيك الزمن للوراء

[sameh_ig]

سؤال لو عاد بيك الزمن للوراء هتخش كلية الطب تانى ؟

طيب معلش خليها عليك كمان مرة

لو مش دكتور تحب تشتغل اية ؟

[أبو المعاطى شمروخ]

لا لالالالالالالالالالالالالا للصبح
دى طلعت مقلب يا جدع

انا كان نفسى ابقى طيار مدنى بس الخيرة فيما اختاره الله

[mino500]

والله ياعم سامح استحاله الواحد هيفكر تانى فى دخول الكليه علشان دى موش كليه دى سجن تعذيب

[مصباح]

أولاً
الثمان سنين مكانوش كلهم عذاب صرف

ثانياً
محدش عارف ايه اللي جاي بعدهم


الله أعلى و أعلم

[kalamntena]

سؤال لو عاد بيك الزمن للوراء هتخش كلية الطب تانى

yes
& nothing else



لو مش دكتور تحب تشتغل اية
geologist


sa7 keda?

[brightgalaxy5]

انا دخلت طب بمزاجي ومش ندمان ابدا اني دخلتها
لو كنت دخلت علمي رياضة كنت هخش هندسة. بس صعبة عليا بردو

[internal-master]

زمان ايام ثانوي كنت مجموعة شاملة وكنت بجد
محتار بين طب وهندسة
فمشيت في الطريق ده باختياري
الله اعلم الخير فين

[darkangel1]

اعتقد اني كنت هافكر اخش علم رياضة وادخل هندسة

بس زي ما قال سامح


الخيرة فيما اختاره الله

[Eman Samir]

طب رغم العذاب

تانى فكرة كانت فى بالى كانت حاسبات و معلومات

[salsabeel]

يا دكتور انتا لسة جاى تسال بعد لما باقيلنا كام شهر ونتخرج اجمل حاجة بقى انى لما كنت بسال اى حد فى الثانوى كان يقول لا بلاش اوعى والواحد كان فرحان بنفسة بقى والمجموع الكبير بس انا هقولك على حاجة شوف الموضوع من الجانب المضىء شوف احترام الناس ليك شوف اللى اهم من كدة مليون مرة واللى فعلا مش يخليك تندم هو الثواب اللى بتخدة من ربنا مع كل مريض بتشفية على اعتبار يعنى ان حد فينا هينفع:smiley14: وبعدين حتى وانت بتذاكر بتاخد ثواب فعشان تبقى مستفيد من الناحيتين خلى نيتك وانت بتذاكر ارضاء اللة وكانك بتقول يارب اجعلنى سبب فى شفاء الناس وبعدين انت مش سمعت عن الاشاعة اللى بتقول انهم زودة المرتبات يالا بدل متاخد المدام على الكورنيش ولب وترمس والجو دة هتترقى وتعزمها فى جونينة وربنا يعدلنا الكام شهر دول بس على خير

[rabab gamal]

:health: لو خيرونى برضو هاختار طب اصلى غاوية بهدلة :waaaaawaa

[mino500]

اجمل شىء فى الدنيا البهدله
ومفيش حاجه تبهدل اكنر من الطب
علشان كده دخلت طب

[dr randa]

لو رجع الزمن لورا كنت دخلت اقتصاد و علوم سياسية,بس خلاص الى حصل حصل و المكتوووب على الجبين لازم تشوفه العين,بس احنا :waaaaawaaالعين عندنا شافت كتيرررر اوى كفاية لحد كده :smiley1:

[REEMY]

انا بشوف كليه طب جنبنا بحس انهم عيشه عن صيدله انا شايفه ان صيدله دي افزع واكتر كليه تبهدل الواحد وتعقدو في عيشتو:smiley19: دا رايي وعن نفسي يعيني واكيد معظم الناس شايفه كليتها اصعب كليه بس بجد انا من قبل ما ادخل صيدله مكنتش عايزه ادخلها لاني شيفاها صعبه موووووووووت بس الخيره فيما اختاره الله
هوه طبعا صيدله تعتبر كليه كويسه عشان 5سنين بس وفي الاخر بنبقى دكاتره ولو مش هتشتغل في شركه وفتحت صيدليه هيبقى شغلها سهل بس كنت بفكر مش بقى لو رجعت لورا ادخل ايه بفكر لما اخلص صيدله ان شاء الله على خير وسلام سنه بسنه كدا يا رب:takh: يعني ادخل تجاره انجلش وربنا يعين ان شاء الله

[أبو المعاطى شمروخ]

اول مرة اعرف ان كلية صيدلة فززززيعة للدرجادى

[The end]

لو رجع بيا الزمن
لو هيموتوني مش هدخل طب تاني

و كنت هحب اشتغل رسامة او في مجال الكومبيوتر

[crimson _hero]

بصراحة انا لما دخلت الكلية دي كان نفسي ابأه دكتور كان حلم يعني:peace:بس يا خسارة بعد ما شفت الكلية علي حقيقيتها:aiaiai::aiaiai: فضلت اني ادخل اي حاجة حتي لو دار علوم لو ينفع بس ده كان من سنتين بس دلوقتي الحمد لله العملية استقرت بعد اما عرفت انه لا مفر وبقيت بحب الكلية ............والحمد لله

[snow]

هندسه طيران أنا طير في السما**********

[d.m.d]

لو كان رجع بى العمر كنت
دخلت كليه علوم

[HAYAH]

لو رجع بيا الزمن<<هو مامشيش قوي>

كنت هدخل طب

مش عشان بحبها

او اني مرتاحة فيها

بس انا اتربيت على اساس اني هكون فيها

مش متخيلة نفسي في حتة تانية

حتى لو فاشلة فيها

[ekm86]

تعرف إني سألت نفسي السؤال ده كتيييييييييييير
يا ترى لو رجع الزمن هادخلها تاني؟
أحيانا باقول كنت هادخل هندسة أو أي حاجة خاصة بالكومبيوتر
وبعدين أرجع أقول أكيد اللي أنا فيه ده هو الخير
لأن كان قدامي إني أدخل علمي رياضة أو علوم بمزاجي..
فمادام ربنا قدر لي إني أدخل طب.. يبقى ده الصح

[HOSSAM ELDIEB]

لو رجع الزمن الف مرة هختار الطب عشان الاسم

[roseangle]

انا بأه لو مكنتش دخلت طب



كنت احب اكون حاجات كتير اوي

منها




هندسه

و احيانا كتير .....اعلام



بس و انا صغيره كنت بحب اوي اكون مدرسه فرنساوي



اختاروا اللي يعجبكوا

[Dr.ElFiky]

لو مكنتش دخلت طب

كنت ممكن ادخل بيزنس او media

يالا

البقاء لله

[XxXxLOSTXxXx]

طبعا طبعا طبعا هندسة من غير كلاااام
بس قول للزمان ارجع يا زمان :smiley6:

[sandy]

انا مش عندي حاجه اقولها غير ان ربنا يكون في عونكم ...
يا دكاترة احتسبوا اجركم عند ربنا وهو ان شاء هيساعدكم ويعينكم عليها !
انا بقي نفسي ادخل كليه لغات وترجمه فوريه واستفيد من لغني عشان افيد ديني
بس انتم ادعولي :smiley1: ....:smiley27.

[dr_esawy]

انا بقى كانت امنية حياتى اكون طبيب
هيييييييييييييييييييييه ادينى بقيت طبيب
الحمد لله

[ahmedrs]

بالنسبة إلى؛ لو -و كلمة "لو" تفتح عمل الشيطان و العياذ بالله- كنت أعلم الغيب و ان اللى جرالى ده هيجرالى ما كنتش فكرت أبدا فى طب .. فبعد 21 شهر فى كلية الطب اكتشفت ان الطب ده مش المجال المناسب لى و انى اخر واحد كان مفروض يدخل طب... أنا أحب أدرس اداب قسم فلسفة أو اقتصاد و علوم سياسية... أى حاجه أدبى... و مع ذلك " الخيرة فيما اختاره الله" و أنا واثق ان ده هو الخير حتى لو مش بأحبه... على الأقل الكلية دى هتكون سبب فى التكفير عن كتير من سيئاتنا...
اللهم اجعلنا من الصابرين و نخرج من الكلية دى على رجلينا يااااااااارب

[ابن الحصري]

لو رجع بي الزمان

بجد مش عارف
كنت هافضل في نفس الحيرة بتاعة زمان

ده لأني كنت داخل طب بإرادتي وعارف اني هاخلصها وارجع ادرس برمجة
واديني لسة ماشي في طريقي وما بانش لسة إذا كنت استفدت ببكالوريوس الطب ولا لأ

حاسبات ومعلومات طبعا
أنا زمايلي معيدين ومدرسين مساعدين في حاسبات دلوقتي
قدر الله وما شاء فعل

[broken nonna]

سلام عليكم

معلش سؤال دكتور ابن الحصري
هو حضرتك بعد طب دخلت حاسبات ومعلومات
4 سنين كمان؟

[broken nonna]

فضولي يقتلني معلش دكتور ابن الحصري:icon_mrgr

الفضول وحش:smiley9.:

هو حضرتك ما اشتغلتش بالطب خالص؟!!

[ابن الحصري]

سلام عليكم

معلش سؤال دكتور ابن الحصري
هو حضرتك بعد طب دخلت حاسبات ومعلومات
4 سنين كمان؟



لأ
دخلت I T I (سنة واحدة : وليها قيمتها العالية جدا)
ولما جيت أسجل ماستر في حاسبات قالولي لازم تعمل دبلومة الأول
أنا الترم ده آخر ترم لي في الدبلومة
والتمهيدي إن شاء الله الترم القادم

كنت في يوم من الأيام فكرت أدخل حاسبات (undergraduate)
بس رجعت أوقفت الفكرة فهي لن تكون أساسية لو حضرت ماستر ودكتوراة


بس بيني وبينك
لقيتها بتفرق
لأن بعض الأماكن بتسأل : "ماذا كانت درجتك الجامعية الأولى؟"

[ابن الحصري]

فضولي يقتلني معلش دكتور ابن الحصري:icon_mrgr

الفضول وحش:smiley9.:

هو حضرتك ما اشتغلتش بالطب خالص؟!!

أخذت سنة ونصف في التكليف
وبعدين أجازة سنة بدون مرتب
واليوم أنا في دمياط باجددها للعام الثاني :icon_mrgr

[ابن الحصري]

لو الموضوع (العمل بالبرمجة) يهمك ممكن أعطيكي تفاصيل أكثر


ولا هو مجرد فضول؟

[أبو المعاطى شمروخ]

أحيييييييييييييييييييك يا ابن الحصرى

[broken nonna]

لا هو فضول بس قلب بدهشة و تعجب

طيب سؤال اسخف
_انا عارفة انى مش هبطل حشرية الا لما اتهزأ معلش_

طيب يعنى حضرتك ناوي تشتغل بالطب و لا لأ؟
و معلش كمان
ايه اللى شد حضرتك قوى كدة فى البرمجة عن الطب؟
و معلش معلش كمان
هو حضرتك مش حابب الطب يعنى و لا ايه ؟

[ابن الحصري]

لا هو فضول بس قلب بدهشة و تعجب

طيب سؤال اسخف
_انا عارفة انى مش هبطل حشرية الا لما اتهزأ معلش_

طيب يعنى حضرتك ناوي تشتغل بالطب و لا لأ؟
و معلش كمان
ايه اللى شد حضرتك قوى كدة فى البرمجة عن الطب؟
و معلش معلش كمان
هو حضرتك مش حابب الطب يعنى و لا ايه ؟



لأ مش هتتهزقي ولا حاجة ماتخافيش
أنا أتمني أن أفيد الطب
ولازلت أتمني أن أكونَ جرَّاحاً (احساس رااااااااااااااااااااائع)
لكن لا أتمني أن أكون مذاكر جراحة ولا أجد ما أنفع به الناس

على فكرة أنا من دمياط وتكليفي جاء في نفس الإدارة الصحية التي كلفت بها الزميلة من طب المنصورةالتي نقل مصباح مقالها بعنوان
احنا اللى سكتنا من البداية (http://www.medicine.cu.edu.eg/english/students/forum/showthread.php?t=5941)

وللحق
فهي لم تبالغ كثيرا

الشاهد..
انا أتمني أن أخدم الناس بالطب (ولكن بمفهومه الواسع)
وأنا سبق قلت قبل كدة في المنتدي أن الطب العيادي/السريري/الإكلينيكي هو أقل أشكال الطب إفادة للناس , وأظن أكثركم يوافقني (برجاء العودة للمقال لمن أراد الاستزادة)

ولا أمانع أن أعمل بالطب العلاجي (فهو الواجهة التي لا يري المريض غيرها)
ولكن طب .. يبقى طب بجد.. مش استهبال

لاأمانع في العودة للطب العلاجي ولكن بحقه وبحق ربنا
----------------------------
معلومة لا أرغب في الاستطراد فيها:
أنا لست فاشلا في الطب
ومن يعرفوني من زملاء وأساتذة يعرفون ذلك ويعرفوني معرفة شخصية (على سبيل المثال لا الحصر د. حسين خيري , ود. حسام موافي, وآخرون ممن تكرمت بتدريسهم لي) ولي والحمد لله تعالى براءة اختراع في مجال الطب مسجلة باسمي في مصر ولازالت قيد الفحص في أميركا وإن شاء الله تصدر قريبا

الخلاصة أني لست فاشلا فيه والحمد لله ولا أرغب في الاستطراد في هذه النقطة كثيرا


إيه اللي شدني للبرمجة ؟!!!!!!!!!
مش عارف أوصف بالضبط
بس ممكن نسميها "متعة الخلق" , فاهمة حاجة؟
لو مش فاهمة يبقى انسيها خالص بدال ما تظني عني حاجة وحشة

لا يا ستي حابب الطب جدا وإلا ماكنتش رضيت أدخل طب قصر العيني وأؤجل احترافي للبرمجة 8 سنوات تقريبا بينما أنا كنت واخد مجموعة شاملة وكان مجموعي فوق ال100% ولا أخضع للتوزيع الجغرافي


ممكن بعدين أكلمكم عن ذكرياتي في الوحدات الصحية..





سؤال برئ.. أمال انتوا بتعملوا إيه في كرسي الاعتراف؟؟؟؟؟؟؟؟؟؟؟؟:look up::look up::look up::look up::look up::look up:

[broken nonna]

دمياط
راس البر يعنى
اهلا اهلا

انا أتمني أن أخدم الناس بالطب
لاأمانع في العودة للطب العلاجي ولكن بحقه وبحق ربنا
:smiley20::smiley20::smiley20:



أنا لست فاشلا في الطب

هو حد قال حاجة لا سمح الله

ولي والحمد لله تعالى براءة اختراع في مجال الطب مسجلة باسمي في مصر ولازالت قيد الفحص في أميركا وإن شاء الله تصدر قريبا

:smiley20::smiley20::smiley20::smiley20:


إيه اللي شدني للبرمجة ؟!!!!!!!!!
مش عارف أوصف بالضبط
بس ممكن نسميها "متعة الخلق" , فاهمة حاجة؟

لا بصراحة:look up:
بس بحاول يعنى بتحب الابداع و تخليق برامج و لا ايه؟!!

لو مش فاهمة يبقى انسيها خالص:peace:
عيب خطير في
ما بعرفش انسى حاجة مش فاهماها افهمها و بعدين اقدر انساها و لا ما انساهاش
و غالبا نسيانها بيبقى مؤقت يعنى بتفضل على الهارد ديسك
لحين ما يتعملها recall

ايه رايك لينا فى التكنولوجيا شوية و لا ايه؟:icon_mrgr



سؤال برئ.. أمال انتوا بتعملوا إيه في كرسي الاعتراف؟؟؟؟؟؟؟؟؟؟؟؟
انا ما جربتوش انا بتفرج على اللى بيحصل
و ما كانش قصدي فعلا استجواب حضرتك
بس زى ما قلت لحضرتك فضول

[ابن الحصري]

Kuriosity Killed the Kat


طب ربنا يستر عليكي

وعلينا أكتر

[ابن الحصري]

تم نعديل اسم الموضوع لمخالفة قوانين المنتدى بخصوص الابهام في اسم الموضوع

[cuty]

أدآب أنجليزي أو أسباني 00






و ممكن أدآب بردو بس علم نفس 00

[dr kemo]

أنا عن نفسي كنت هختار بترول و تعدين


5 سنين و نخلص


بس الحمد لله على كل حال


الخيرة فيما اختاره الله