انا على وش ميزو

[rabab gamal]

يعنى بدل على وش جواز
انا على وش امتياز
انا هابداء الامتياز فى شهر 3
عايزة اعرف معلومات عن العالم ده
يعنى ايه المطلوب منى اثناء الفترة دى
واحسن اقضيه فى القصر ولا برة؟

[sameh_ig]

تتكلم عنا دكتور كلمنتينا فهيا منك قصر عينية مثلكم


و خاضت التجربة

بس نصيحة اوعى تتطلع من امتياز من غير ما تكونى مستقرة على تخصص محدد

مشرط سماعة باراميديكاك و دية اروع سنة هتقضيها فى عمرك

[brightgalaxy5]

انا برده على وش ميزو
انا بسمع ان وظيفتنا اننا نجيب السندوتشات للنواب
نمسح العنابر
ولو النايب اكرمنا يعني يقولنا نفيتل العيانين
ده غير ان الممرضات هتخودنا ملطشة وكدة يعني :)
ارجو ان اكون طمنتك يا دكتورة
احنا نستنى الناس الخبرة اما نشوف هيقولو ايه

[kalamntena]

السلام عليكم

ربنا يكرمك يا دكتور سامح


هو طبعا كلام مظبوط
لازم تبقى عارفة انتي عاوزة ايه او على الاقل تفضي اخر شهرين في الامتياز يطلعوا سبيشيالات بقى
اي احاجة المهم تفضيهم
ده لو هتخرجي بره
عشان تركزي في اللى انتى اخترتيه



خلينا من الاول
وخليك معانا يا برايت

ترتيبك كام؟
ده سؤال مهم
لو متأخر شوية
و عندك نية التعليم
خرجي بره
بلاش بهدلة القصر
ووقت ماتكوني فاضية ابقي تعالي القصر شوفي اللى انتى عايزاه


فيه مميزات كتير بره القصر
هي مش كتيرة قوي يعني
بس مثلا

شيفتات اقل
مستشفيات معينة احسن من جوه
شغل هادي
معاملة اكثر ادمية ( للي مبيعرفش يمشي حاله) بمعنى اخر مش دبلوماسي في التعامل
حاجات كده يعنى


خلينا نتكلم المرة دي عن جوه القصر


اولا الجراحة
دلوقتي نظام الامضاءات في ال 3 ادارات زي بعض
احسنهم امضاء النسا عشان مفيش امضاء يوم العمليات
بس خلي بالك قسمين بس تابعين لمستشفى النسا
أ 11 و ده هايل نواب وشعل وكل حاجة
ب11 هو كويس بس نظامه صعب شوية



بعد أ11
ييجي قسم أ28
و ده كفاية ان فيه د. حسين خيري
نوابه كويسين
بس شغله كتير لانه جراحة اوعيه اساسا


قسم ب28
كويس قوي للي عايز يرتاح
نواب كويسين وشغل بسيط


دول افضل 3 اقسام
طبعا من وجهة نظري المحدودة



الاطفال
الشغل عجبني
و النواب كلهم محترمين جدا
اللي معجبنيش
البيروقراطية الشنيعة
و التحكمات الغريبة في النظام اللى كنا ماشيين بيه
طبعا المستشفى الياباني احسن من المنيرة في حاجات كتير بس للاسف احنا ما بنخترش في الاطفال



النسا
عايز تشتغلي
خرجي بره
مش عايزة حرقة دم
برضه خرجي بره
النسا جوه القصر شغلها هادي
ده لان اطباء الامتيلز في الظروف العادية مبيعملوش اي حاجة نسا
كل شغلهم معامل على حاجات تانية
و فيه قصة صغيرة
نايب زاير ساب النيابة بعد اسبوع بسبب اضطهاد النواب الاساسين
النواب اصحاب قوي لو مفيش شغل
وقت الشغل بقى اجارك الله
ذنوب بقى بالهبل




الطوارئ
احسن مكان ممكن تتعلمي فيه
معاملة الى حد ما كويسة
بتشتغلي دكتورة
وجودك مؤثر
خديها فى القصر



التخدير
مش فارقة ده شهر الراحة
انا اخدته فى الاورام ( وده بتقدمي طلب بالترتيب)
و ميزته ان الامضاء الساعة 9
و مفيش امضاء انصراف
و مفيش شغل
بعده الاطفال نفس الكلام والامضاء 8
الباقي بقى يتساوو
ماعدا تخدير عمليات الطوارئ ده بقى اللى مش ولا بد
و برضه بعد مانشيل رغبات الاوائل في ترتيب المجموعة بنتوزع بمزاجهم



السبيشيالات
نصيحة لوجه الله
خدي واحد انتي عايزاه وبتحبيه
و التاني خديه حاجة هادية زي التخاطب والسمعيات
والاشعة التشخيصية فى الاورام

انا اخدت رمد
و كلينيكال باثولوجي في الاورام
الحمد لله الرمد كان في احسن وحدة
د. عفت عبد النبي
طبعا معاملتك كلها مع النواب
و عشان كده باقول انها احسن وحدة
لو هاتخدي رمد ابقى قوليلى عشان اقولك تعملي الجدول ازاي
و خلي بالك الرمد في وحدة دز عفت كويس
باقى الوحدات بقى :smiley18:



الباطنة وما ادراكي مالباطنة
بصي الدور الخامس والسادس والسابع في مستشفى الباطنة كويسين
الى حد ما
الدور التاني معقول الى كويس
الدور التالت وحدة رئيسة القسم
شغله كتير بس منظم
بس نظامه صعب شوية

الدور الرابع
مش هاتكلم عنه
هو كويس بس انا حولت منه لاسباب ماعرفش بقى:smiley24.


اللى جوه القصر بقى معرفش نظامهم ايه دلوقتي بعد الانظمة الغريبة اللى كل شوية بيغيروها

الباطنة
متعبة جدا
مهلكة
مزعجة
و التمريض لو مش هتعرفي تتعاملي معاهم ازاي هتتبهدلي

في المقابل اكتر راوند هتتعلمي فيه مهارات



انا استفدت حاجة تانية
عرفت نواب منهم واحدة ماشاء الله عليها قمة
هي السينيور بتاعة الدور التالت
طيبة جدا و قلبها ابيض قوي
اصل الباطنة مش راوند عادي
ده حياة تانية
وانا بقى اخدته في رمضان فكنا بنفطر سوا مرة في القسم مرة في الاستقبال مرة في الرعاية
وان ما اخدتش انتداب عشان كده علاقتي بنوابى جامدة



ما علينا

النظام الجديد السعيد الرائع اللي هيطبق عليكو
3 شهور باطنة
شهور نسا 3
شهور جراحة 3
3 شهور اطفال


و الباقي هيكون انتدابات


الكلام ده سمعته من مكانين
الاول مش فاكرة مين بالظبط
و التاني مدام فاطمة الادارية في مستشفى الباطنة



دي كده مسح سريع للدورات اللى المفروض تاخديها في الامتياز


نكمل بكرة هنتعامل ازاي مع كل من التمريض اولا والمرضى والنواب

[أبو المعاطى شمروخ]

اللهم صلى على النبى
كل دى كتابة ربنا يديكى الصحة يارب ويجعله فى ميزان حسناتك

[مصباح]

بارك الله فيك كلمنتينا

[Ebrahim]

بارك الله فيكى يا كلمنينا وجزاك الله خيرا على مساعدة الأخوة

[zahraatoty]

النظام الجديد السعيد الرائع اللي هيطبق عليكو
3 شهور باطنة
شهور نسا 3
شهور جراحة 3
3 شهور اطفال


كلمنتينا.. هو مش الأمتياز سنه واحده ولا أنا بتهيألي؟؟

على العموم جزاكي الله خيرا كثيرا على الشرح المفصل

[rabab gamal]

انا بجد مش عارفة اشكرك ازاى
انا بجد ماكنتش اعرف اى حاجة فى اى حاجة
وانا مستنية باقى الارشادات
ربنا يخليكى للغلابة:smiley20: :smiley20: :smiley20: :smiley20: :smiley20: :smiley20: :smiley20: :smiley20: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32: :smiley32:

[kalamntena]

عليه وعلى آله افضل الصلاة والسلام
اللهم امين يا سامح




بارك الله فيك يا مصباح
خليك معايا لو لخبطت في حاجة صلحلى




ربنا يكرمك يا ابراهيم



هو سنة واحدة يا توتي
12 شهر يا فندم




العفو يا رباب




نيجي بقى للتعامل مع التمريض

اول حاجة لازم تعرفيها ان هيئة التمريض
معظمهم وخاصة البنات الصغيرين
مش الطالبات اقصد الممرضات
هتلاقيهم ادولك الوش الخشب من اول يوم
ده لكذا سبب
هم متوقعين ان حضرتك هتيجي تتنكي عليهم وتديهم اوامر من باب انك دكتورة وهم تمريض
فيه نسبة لا بأس بها منهم عندهم حساسية شوية لانهم كان نفسهم يكونوا دكاترة بس الظروف ماسمحتش
هم اساسا عندهم اللى مكفيهم من شغل ولخمة راس

فلازم يكون تعاملك معاهم بطريق السهل الممتنع
يعني وقت الشغل شغل و بعد كده انتي حرة في التصرف

نصيحة لوجه الله
الكلمة الطيبة والابتسامة احسن طريقة للتعامل مع اي حد


و يا ريت بدل ما نقول يا فلان نقول مس كذا
دي بتفرق قوي
ابسط حاجة هترد عليكي نعم يا دكتورة مش نعم يا رباب
و دي مهمة قوي قدام المرضى

بصى اوعي تبصي ليهم من فوق
لانهم ومن غير زعل بيعرفوا اكتر منا
تركيب كانيولات تلاقي سحب معامل تلاقي
غازات فى الدم برضه تلاقي
تزبيط سكر
تركيب رايلات وقساطر
اه هتتعلمي كل ده

بس مينفعش تقفي تدي اوامر لوحد بقالها 20 سن بتشتغل

حاولي تعرفي كل واحد منهم شخصيتها عاملة ازاي عشان تعرفي تتعاملي معاهم

انا عن نفسي باروح مخصوص اسلم على تمريض وحد د. نبيل نصر


لو مش هتعرفي تتعاملي معاهم
خلي كلامك كله مع النائب
هو يتصرف
بس لو مش هتكسبيهم اوعي تخسريهم
واوعي في يوم تحطي نفسك في موقف مشاحن مع حد منهم
لانهم بساط ممكن يهزقوكي ويعملوا حاجات تاني مش ظريف والقانون يعاقب الاعلى درجة


من الاخر
من تواضع لله رفعه
والكلمة الطيبة صدقة
و عامليهم زي مابتعاملي اي حد ممكن تقابليه في اي حته




النواب
غالبا النواب بيكونوا غلابة
في بعض الاحيان بيكون النايب الجونيور شادد حيله شوية
و داخل جامد
واشارات ووقف امضاء وكلام كتير كده

كلمة السر
الاحترام

انا عمري ما ناديت نايب او نائبة باسمها غير د. شيماء مصطفى (جراحة) و د. ايمان فاكر ( اشعة ) لانهم اصحابي من قبل ما يكونوا نواب
حتى فيه نواب هتلاقيهم بيقولولك بلاش دكتور دي
ده بيتحدد من شخصية النايب
فيه نايب ينبسط قوي لما تقوليله يا دتور وفيه نايب مش فارق معاه
وفيه نايب يزعل لو ماقلتيلوش يا دكتور
و فيه نوع تاني بيتنرفز لو قلتيله يا دكتور
و انا قابلت النوع ده و عادة ما بيكون اكثر النواب ادبا واحتراما


المهم برضه تكوني فاهم شخصي اللى بتتعاملي معاه
النواب الكويسين المحترمين مش ممكن هيطلبوا منك مشاوير و كلام فارغ من اللى بنسمع عنها
اما فيه نواب بيستغلوا طبيب الامتياز اسوأ استغلال خصوصا لو كان طيب حبتين فخلي بالك
مفيش مشاكل تساعدي حد من النواب بس بشرط تكوني انتي عايزة كده

احنا مثلا في الباطنة
كنا بننزل نجيب الفطار لينا وللنواب في رمضان
في حين اننا ممكن نتصل بالتليفون
انا مثلا كنت باوصل نائبة قسمي امتحانات السكند بتاعتها واطمن عليها بعد الامتحان
يعني المسألة محتاجة واحد نبيه عشان يتجنب الاستغلال



من الاخر
ما تاخديش اول خطوة
افهمي اللى قدامك الاول وبعدين اتصرفي على الاساس ده




المرضى
ببساطة ناس محتاجينك
شخصيتك هي اللى هتحدد طريقة التعامل معاهم

افض الطرق على الاطلاق
انهم يثقوا فيكي ويحترموكي ويحبوكي
بنفس الترتيب
لازم تكوني واثق من نفسك و انت بتتكلمي ومتخليش العيان هو اللى يمسك دف الكلام
المفروض ان انتى اللى بتتكلمي وهو بيسمع
طب فرضنا عيان سألك اكل ايه وماكلش ايه وانتي مش عارفة هتعملي ايه؟؟؟؟
مينفعش تقولي اي حاج لانه هيصدقك
و مينفعش تقوليله ماعرفش لانه بعد كده مش هيصدقك
ببساط ممكن تخرجي من الموقف ده بانك تقوليله هاكتبلك اللى تاكله فى ورق واجيبهالك
وتسألى النايب و بعدين تكتبيها في ورق
وبس
نفس الكلام بالنسبة للادوية
هاراجع تحاليلك واقولك
اصل مش كل المسكنات تنفع كل الناس

كده يعني

تاني نقطة لازم يحترموكي
وده من احترامك لنفسك
شكلك مظهك
طريقة في التعامل
يعني ماتقفيش تزعقي فى العنبر مثلا
و كمان من احترام التمريض ليكي
من طريقة معاملتك معاهم
ومن احترام النواب ليكي
و ده عادة موجود قدام المرضى


و يحبوكي
لانك مش بس دكتورة
انتي بني ادم ربنا خلقه عشان تخففي عنه
انا كنت بعد الزيارة ما تخلص ادخل العنابر واقعد احي مع العيانين عن اهلهم
بلدهم
حياتهم
شغلهم
ولادهم
اي حاجة
و لازم تعرفي اسامي عيانينك وعندهم ايه وتمري عليه كل يوم الصبح حتى لو انتى مش اون
و تدخلي مع عيانك العمليات
افتكر وانا فى الجراحة
عيان كان عنده انيوريزم
و اخد بنج كلي ومانمش
فاضطروا يعملوهاله سبينال
انا ساعتها كنت باجيبله الدم
اول ما دخلت اوضة العمليات لقيت زمايلي عملاين يقولولي كنتى فين ده عمال يسأل عليكي من الصبح
و راح منادي عليا قدام الدكاتر الكبار
و طبعا انا كنت في نص هدومي
بس بيني وبينك كنت سعيدة جدا ان العيان بتاعي مطمن وانا جنبه حتى لو مكنتش باعمله العملية

هي دي العلاقة اللى لازم تكون بينك وبين العيانين

واوعي اوعي تزعقي في مرافق لانه بيسألك عن حال العيان بتاهعه كفايه اللى هم فيه
و يمكن دعو من واحد فيهم تبقى احسن لك من الدنيا وما فيها



النصيح المجملة
لما تدخلي مجتمع جديد
راقبي الاول
و ادي لنفسك فصة تعرفي الناس اللى هتتعاملي معاهم
و بس كده

طولت عليكي قوي

[kalamntena]

معلش ال ر و ال ة

بايظين شوية حاولوا تفهموا الكلام
معلش حقكوا عليا

[أبو المعاطى شمروخ]

اسمحيلى اقولك اول كلمة قلتها لما قرات الموضوع

والله انتى بنت حلال

[kalamntena]

يا سيدي ربنا يكرمك
:smiley9.:
ان شاء الله الدور عليك تقول للناس الاصغر منك

[brightgalaxy5]

بارك الله فيكي يا دكتورتنا الكبيرة
انا شكلي جيت متأخر بس هتابع ان شاء الله




سؤال:
لو حبيت اخد امتيازي كله في مستشفى احمد ماهر ماعدا الاطفال
اروح فين واجي منين وامتى يعني؟؟؟؟
وشكرا جزيلا

[kalamntena]

يعني عايز تاخد الاطفال جوه القصر؟؟؟


دي بقى محتاجة حركات
اولا تجيب وصل نور باسمك او باسم والدك في مكان بره القاهرة
و تروح شؤون الاطباء تقدم طلب و الاثبات
و تشوف هيوافقوا وللا ايه
وبعد كده تطلع على مديرية الصحة قالولي انها في الجيزة تقدم طلب على المكان اللى انت عايزه
متهيألي مصباح ممكن يفيدك اكتر في مسألة الاجراءات دي

[مصباح]

الشهور اللي انت مخرجها في وزارة الصحة .. عشان تقضيها في مستشفى معين ..
انت محتاج تجيب جواب م الوزارة يبعتوك بيه للمديرية الصحية اللي المستشفى دي تبعها و بعدين من المديرية دي جواب على المستشفى المعنية

مثال:

عندي 4 شهور مخرجهم
يعني هاخدهم في وزارة الصحة مش في القصر العيني
و اختارت اني آخدهم في مستشفى أبو النمرس المركزي

يبقا اعمل الآتي :
اروح الوزارة
أجيب منها جواب لمديرية الجيزة للشئون الصحية
و مديرية الجيزة تديني جواب لأبو النمرس .. دا لو أبو النمرس بتقبل
يعني ممكن بتوع المديرية يقولولي مستشفى أبو النمرس اكتفت
-----------------------------------
بما ان أحمد ماهر تبع القاهرة مش الجيزة
فغالياً هيكون تبع مديرية القاهرة للشئون الصحية
برضه في الوزارة هيقولولك
-------------------------------
المشكلة أنا معرفش اذا كانت أحمد ماهر بتقبل امتياز و للا لأ أصلاً و ايه شروطهم
ااعمل زيارة لأحمد ماهر و شوف الحكاية دي
أأعتقد ألف من يدلك هناك

[realistic]

hello everybody;
first of all i am a foreigner that finished from alqasralainy....
Please if you are open-minded read this if not just don't!

well where do i start.... i am not going to talk about the big disappointment when i first entered "alqasr" cauz i pictured something completely different that normal people would actually label a "school of medicine"...

Let's get real for a sec, I give it to the FEW hardworking proffessors in our college cauz without them it would have been like hell... so thank you all for your real devotion that others would call insanity for making a difference in a rusty system...
My advice for everyone would be, just finish the 6th year and run as fast as u can from that place... u can't imagine how much did this college do to damage its student's brains and convert them into memorizing machines...

And the RARITY of its students that actually manage through its 6 years and 9 months (which by the way will destroy any plan that anyone would make cauz it delays you for a whole year.... not mentioning the delay in the release of the FINAL diploma for another year) will EVENTUALLY face the fact that they are almost useless in the real world of practical medicine...

I have so much to say, but i will stop for now cauz i am sure that i will get alot of replys for this hard-tone post

Peace brothers and sisters

P.S: try to write in english cauz for the love of God u r doctors!!

[rabab gamal]

u want us to write in E while u are graduated from el kaser!!!
just finish the 6th year and run as fast as u can from that place
u didnot mention run to where?
:tamtam: :tamtam: :tamtam:

[realistic]

Yes I've just graduated from kasralainy, and if u r waiting for ur "emteyaz" then we are from the same "dof3a" cauz i am waiting for the papers to come out to start my "emteyaz" too but not in Egypt, if that's what ur asking...

well, run to where... I guess that is the question you have to answer ur self, according to ur ambitions and goals.

I hope this answers ur questions...

[brightgalaxy5]

المشكلة أنا معرفش اذا كانت أحمد ماهر بتقبل امتياز و للا لأ أصلاً و ايه شروطهم
ااعمل زيارة لأحمد ماهر و شوف الحكاية دي
أأعتقد ألف من يدلك هناك

منا عملت كدة فعلا وامبارح بت هناك في الاستقبال
النواب كويسين اوي
انا هروح اسأل في شؤون الاطباء
جزاكم الله خيرا مصباح وكلمنتينا

[مصباح]

جزانا و اياكم يا برايت

---------------------
الأخ الواقعي
أهلاً بيك في المنتدى و شكراً لمرورك و اهتمامك

باتفق معاك طبعاً في حاجات جوهرية كتير

قصر العيني و غيره من مؤسسات التعليم في مصر كلها بتحطم شخصية النشء
و احنا في أمس الحاجة لشهادات أجنبية و لتعليم حقيقي عشان نقدر ننزل الشغل
و السفر خيار كويس
و سبق و اتكلمنا في الزمالات و المعادلات عشان نوضح بقدر الامكان تفاصيل خيارات السفر من عدمه

ياريتك تخليك معانا عشان احنا محتاجين ثراء أكثر للمناقشات
متحرمناش من مشاركاتك

---------------------------------
و متزعلش مني - احنا اخوات - لو قلت لك :اذا كنت عاجز عن استعمال اللغة العربية فدا شأنك الخاص
الانجليزي بتاعك ما شاء الله رائع بجد .. ربنا يوفقك
بس الاعتزاز باللغة العربية دا شيء أساسي مفيهوش نقاش
و مش لما نخلي حوارنا مع بعض انجليزي يبقا هنمارس الطب أحسن .. اوزنها هتلاقي ان ضياع اللغة العربية خسارة لا يبررها رغبتنا في ممارسة لغة الطب اللي هيا الانجليزي طبعاً
-------------------------------------

[realistic]

salam everybody;
thanx "mesba7" for ur comments.

I am glad that some of you are with me on the same page regarding the situation which our college have reached...

regarding using english, well i believe that if there is any advantage of the english language over arabic is that I can express my self better in english. and when we are talking about professional subject like our future in the career of medicine; it is way more better to argue using the language of our career than arabic. cauz if u start using arabic, as the case it is in all of this forum, the subject will be always diverted to OUR emotions as an ARABIC NATION... which by the way is the cauz of our laybacks...

so my friend, try using english so u won't clash into discussions with no purpose.

[alzheimer]

يا جماعة هو الإمتياز ممكن كله يبقى بره مصر و لا 4 شهور بس اللي ممكن نخرجهم؟؟؟

[مصباح]

أعتقد ممكن تخرجه كله

برضه روح اسأل مدام هنية - شئون الأطباء

[brightgalaxy5]

سؤال مهم جدا جدا
هو اللي يخرج امتيازة من القصر مش هيقبض؟؟؟؟؟؟؟؟؟؟؟؟؟؟؟؟؟؟؟
ولو هيقبض هيقبض من القصر ولا المستشفى اللي هو فيها؟؟

[مصباح]

بعد القضية اللي اترفعت و كسبناها
بفضل الله ثم بمجهودات زمايلنا

القبض من قصر العيني لكل الناس جوة و برة
معرفش للقاعدة دي استثناء غير مستشفى الطلبة (سبيشيال باطنة) فدا بيتقبض من مستشفى الطلبة نفسها بالاضافة لنوبتجيات المدينة الجامعية للأطياء الذكور مرتبها من المدينة الجامعية نفسها

[brightgalaxy5]

طمنت قلبي
جزاك الله خيرا

[مصباح]

جزانا و إياكم يا فندم

[Eman Samir]

اعتقد انك ممكن تخرج اكتر من اربع شهور لو معاك حاجة تثبت انك مغترب

زى وصل نور او حاجة زى كده



و فى كلام بيتقال ان السنة دى اما تطلع امتيازك كله او تدخله كله، بس مش متأكدة من صحة الكلام ده

والله اعلم

[الكحكي]

بالنسبة لقضاء فترة الامتياز في أحد المستشفيات التعليمية مثل مستشفى أحمد ماهر أو الجلاء
يجب على الطبيب أن يتقدم بطلب إلى إدارة المستشفى التعليمي الذي يرغب بقضاء الامتياز يه و بعد الموافقة عليه يتقدم إلى وزارة الصحة
و لا توجد علاقة لذلك بالمديريات الصحية في المحافظات المختلفة حيث أن هذه المستشفيات تابعة للهيئة العامة للمستشفيات و المعاهد التعليمية و ليست لمديريات الصحة بالمحافظات

[مصباح]

حيث أن هذه المستشفيات تابعة للهيئة العامة للمستشفيات و المعاهد التعليمية و ليست لمديريات الصحة بالمحافظات

تصدق فاتت عليا
!

[مرمورة]

انا عضوة جديدة من المنيا وحبيت اقول انا معجبة جدا بدكتور كلمنتينا واحب اعرف انتو بتكونا موجودين امتى انا معجبة خالص بالمنتدى ومنور يابشمهندس مصباح:mmmm mmmmعلى فكرة انا 6 طب عشان ماحدش يستعيلنى

[rabab gamal]

اهلا بيك يا مرمورة

[مرمورة]

حد موجود هنا؟

[alzheimer]

أهلا يا دكتورة مرمورة

على فكرة إحنا لا يمكن نستعيل أي حد حتى و لو كان ثانوية عامية...أسف أقصد ثانوية عامة

[kalamntena]

اهلا بيكي يا مرمورة

و منورة المنتدى
و ربنا يكرمك على الاطراء الجميل ده

[rabab gamal]

هو التراكمى بتاع السنة دى هينزل امتى
وهل فعلا هيأثر على اختياراتى فى الامتياز

[kalamntena]

على لسان مدام هنية مسؤولة شؤون الاطباء
التراكمي ان شاء الله على يوم 25
مش هيأثر قوي يعني
اصل اختيار الوحدات بيبقى على اسس متباينة

[docfares]

هاي يا جماعة انا فارس من طب ع شمس امتياز جديد ان شاء الله بجد مجهود جميل ورائع من طلبة القصر العيني بجد حاجة تفرح ان يكون فيه مكان لمناقشة المواضيع الهامة اللي تخصنا احنا وبس بجد انا مبسوط جدا لاني اشتركت ف المنتدي معاكم واتمني اني اقدر اعمل ربع المجهود اللي انتم بتعملوه

[alzheimer]

أهلا د. فارس و نورتنا


بالمناسبة تعرف واحد معاك في الدفعة إسمه: أمير محمد عاصم؟؟؟؟

[kalamntena]

اهلا بيك يا د. فارس نورتنا

[rabab gamal]

اهلا بيك د فارس مستنيين مشاركتك معانا

[فيرون]

وقت الامتياز:

اكبر كارثة ضياع وقت في حياتي ... حتى الان على الأقل.

أفكار للاستفاده من الامتياز: -سيبك من إنك تشتغل في الامتياز... -

ركز في التخصص اللي انتا استقررت عليه واحضر فيه كويس .... الزق للناس اللي بتحضر معاهم ... اتعرف على اكبر عددمنهم


تنمية مهاراتك في الحاجات اللي تصب في أهدافك:

Surgical skills, Communication Skills, Marketing Skills, IT, Behavior Management,

تحضير جزء أول في أي تخصص / شهادة أجنبية

FRCS, FRCOphth, ICO, MRCP

تحضير جزء أول ماجستير أو دبلوم في كلية غير طبية تقبل بكالوريوس الطب ... حاجه تكون بتصب في الهدف النهائي بتاعك

إتمام شهادات دورات مثل:

ALS - TLS - MIMMS - FCC

TOEFL and ICDL are must for Masters even you are professional in computer!

سيبك من إي دورات للمبتدئين مثل:

BLS

سيبك من الشركات الأدويه حبة فلوس على كام يوم ...خليك في العلم اليومين دول

سيبك من اللي أنا عملته

سيبك من عربية الكبده وبيع كتب و خلافه