ايه مصيري

[rabab gamal]

انا ترتيبى 328 على الدفعه
بس لااسف تقديري جيد جدا فرقت معايا حاجه بسيطه علي الامتياز
عايزه اعرف مصيري ممكن يكون ايه
وبعدين ايه النظام الغريب الى عملوه ده
لاما الامتياز كله داخل القصرلاما كله بره بصراحه حاجه تجنن واشمعنا احنا الى يطبق علينا النظام ده السنه ديه:yadmaghy: :yadmaghy: :yadmaghy: :yadmaghy: :yadmaghy: :close fri :close fri :close fri :close fri :close fri :close fri :close fri :close fri :close fri

[brightgalaxy5]

على فكرة يا رباب النظام الجديد بتاع مدير المستشفى الكل بينتقده
يعني ايه الناس بس اللي كانت عايشة في المدينة الجامعية بس اللي ليها الحق تطلع امتيازها برة
انا كنت مستعد ماخدش مرتب وبات في احمد ماهر 3 مرات عشان اتعرف على النواب والامتياز القديم وصاحبتهم
وفي الاخر معرفش اخد امتيازي برة
وعلى فكرة السكرتارية قالت ان ده تعجيز عشان عارفين ان كتير بيطفشو من الدرتي او الدونكي ورك
يعني سنة هتعدي ومش هنتعلم فيها حاجة غير الفيتلة
حسبي الله ونعم الوكيل
وعايزين دكاترة تفهم شغلها كويس
طب تيجي ازاي دي
هم عايزين عمااااااااااااااااال مش دكاترة امتياز
والنظام الجديد ده اكبر دليل
بجد بدأت اكره الكلية دي

[مصباح]

بجد بدأت اكره الكلية ديhttp://www.kasralainy.edu.eg/english/students/forum/images/smilies/yawn.gif

[brightgalaxy5]

دلوقتي يا مصباح بجد بقولها من قلبي

[rabab gamal]

انا كرهتها من زماااااااااااااااااااااااااااااااااااان

[brightgalaxy5]

ان شاء الله يا رباب هتلحقي معاهد مطمنة
الخوف من امثالي اللي جايبين ربعمية وي

[rabab gamal]

بجد الله يطمنك ياد برايت
وربنا يوفقك لما تحبه وترضاه
معلش ياجماعه لازم ادعيله دفعتى بقا

[sameh_ig]

يا دكتور رباب جوة القصر العينى او برة مش فارقة خالص واللة


احمد ماهر المطرية القصر العينى جامعة الزقازيق انا جربت و بقولك كلة واحد

سنة الامتياز دية سنة تريح الاعصاب من اللى حصل فى الكلية و اعداد لما سوف يحدث بعد كدة فى الشغل من مهازل فى التوزيع او المهنة كا طبيب

خدى امتياز فى اى حتة و احضرى فى عيادة الخارجية فى الحوض المرصود لو عايزة جلدية فعلا

هتستفيدى جداااااااااااااااااااااااااااااااااااااااااااااااا ااااااااااااااااااا


اما عن كرة الكلية يا برايت فا اللة الوكيل هيا مش مشكلة كلية قد ما هيا مشكلة ناس كبار شبعانين و مرتاحين و دخلهم محترم و مش حاسين بينا

ريح نفسك يا زعيم احنا لسة مش دكاترة احنا فقط اسماء على الورق مجرد على شان يقولة احنا عندنا كام الف طبيب

بس صدقنى هيجى يوم عليك هتعرف حكمة ربنا انك لية دخلت كلية الطب
الحمد للة على كل شى و عيش يومك بى يومة

خلصوا بس انتوا امتياز و هندور امور النصب تانى و انشاء اللة هتسجلوا بعد الامتياز مباشرة

[rabab gamal]

كلامك فيه حجات تخوف وحجات تطمن

[brightgalaxy5]

مفيش بأدينا حاجة
وزي ماقال دكتور سامح انا شكلي هريح في النبطشيات واروح عيادات الجراحة
يمكن القطلي كلمتين ينفعوني
كلامك يا سامح ريحني شوية
ياريت من ده كتير بقى
:(

[sameh_ig]

دة انتا لازم تعمل كدة يا برايت و هتلاقى نفسك يوم عن يوم بتزيد و هتفهم الطب فى مصر ماشى ازاى

بس النصيحة للناس قبل الامتياز متتحددش انتا عايز اية خش و شوف و جرب الاقسام و بعدين تححد التخصص

اهم شى انك تعلم نفسك كويس جدا الامتياز بجد فرصة حلوة جدا للتعليم
لانك الكل بيساعدك و مفيش مسؤلية عليك

و ربنا مبيضيعش تعب حد دية قاعدة كونية هتتعب و تتبهدل صدقنى هتلاقى و ربنا يكرمنا جميعا

[rabab gamal]

والله انتو حيرتونا معاكو
يعنى ناس تقول لازم تحدد انتا عايز ايه
وناس تقول لا اوعى تعمل كده
ناقص حد يقول سيبو الطب اصلا
ولا ناقص ليه ماحصلت فعلا

[internal-master]

يا جماعة ماحدش في الوزارة بيبص على الترتيب والنظام الجديد في التكليف اكبر دليل
شايلين الهيئة العامة للمستشفيات التعليمية والمراكز المتخصصة من الرغبات
واللي فاضل المديريات والتامين
وقال ايه تجيب موافقه من الجهة يقوموا يحولوك عليها
So Dont worry !!!

[sameh_ig]

اللة طب دة كدة بقت شوربة مساء الفل على الوسيايط دية هتبقى بهدلة

[kalamntena]

سنة الامتياز دية سنة تريح الاعصاب من اللى حصل فى الكلية و اعداد لما سوف يحدث بعد كدة فى الشغل من مهازل فى التوزيع او المهنة كا طبيب



بس صدقنى هيجى يوم عليك هتعرف حكمة ربنا انك لية دخلت كلية الطب

خدى امتياز فى اى حتة و احضرى فى عيادة الخارجية فى الحوض المرصود لو عايزة جلدية فعلا





بس النصيحة للناس قبل الامتياز متتحددش انتا عايز اية خش و شوف و جرب الاقسام و بعدين تححد التخصص



و ربنا مبيضيعش تعب حد دية قاعدة كونية هتتعب و تتبهدل صدقنى هتلاقى و ربنا يكرمنا جميعا



:baloo:

معنديش كلام تاني اقوله

[rabab gamal]

ايه ده لو الكلام ده بجد تبقي كوسه فعلا
لا مش معقول للدرجه ديه
طب مفيش حد بيشتكى

[sameh_ig]

على اساس ان الكلام مناقض بعضة

؟؟؟؟؟
انا مش شايف فية اى حاجة

[sameh_ig]

انا غيرت رايى

يتحرق الطب على الاطباء على الوزارة على الشغل على الكلية


كان يوم اسود من كوع النمس لما دخلت الكلية دية

لو كان الواحد فالح فى اى صنعة او شغلانة تانية كنت سيبت الطب

[rabab gamal]

ليه كده بس
ايه التشاؤم ده
الصبر جميل

[rabab gamal]

بيقولة التقسيمات نزلت النهارضه
فى حد عنده اخبار
يعنى ده معناه ان احنا بكره هنروح الساعه 8

[kalamntena]

يتحرق الطب على الاطباء على الوزارة على الشغل على الكلية

طب احنا ذنبنا ايه؟
:smiley6:




كان يوم اسود من كوع النمس لما دخلت الكلية دية

لو كان الواحد فالح فى اى صنعة او شغلانة تانية كنت سيبت الطب
يظهر الموضوع كبير

:smiley18:

[mgabr]

يا جماعه انا ترتيبي 220 على الدفعه عايز اروح مكان في التكليف يبقى تكليفي فيه جراحه مخ واعصاب اروح فين واجي منين حد يساعدني وجزاكم الله خيرا

[mgabr]

مافيش حد رد عليا المهم لو فى حد يعرف مكان تخصصي للمخ و الاعصاب عشان اعرف وامتي اقدم فه بالظبط وايه هي النيابه الاستثنائيه هي دي يعني ولا ده حاجه تانيه ارجو المساعده وجزاكم الله خيرا

[kalamntena]

اقدر افيدك بس في النيابات الاستثنائية

نظام التكليف
سنتين
الاولى منهم ممارس عام في وحدة صحية
و السنة التانية بتتخصص في مستشفى حكومي و بعدهم تقدر تحضر ماحستير
النيابة الاستثنائية هي انك تعدي مرحلة الممارس العام وتدخل تخصص على طول
بالنسبة لدفعتنا متوقع انها هتنزل قريب والله اعلم

[arownas]

اقدر افيدك بس في النيابات الاستثنائية

نظام التكليف
سنتين
الاولى منهم ممارس عام في وحدة صحية
و السنة التانية بتتخصص في مستشفى حكومي و بعدهم تقدر تحضر ماحستير
النيابة الاستثنائية هي انك تعدي مرحلة الممارس العام وتدخل تخصص على طول
بالنسبة لدفعتنا متوقع انها هتنزل قريب والله اعلم



و الله انا سمعت ان النيابات الاستثنائية اتلغت اصلا
ربنا يستر

[dr kity-kity]

هاي انا عضوة جديده معاكو يارب تقبلوني صديقه جديده انا لسه مخلصه الامتياز بتاعي من كام شهر يعنى من الدفعه الغلبانه ال وقعت تحت ايدين وزير محتاج حد يفهمه ازاى يبقى وزير وهيودينا ف داهيه المهم ان اخر حاجه سمعتها ان النيابات الاستثنائيه اتلغت من دفعتنا وهنستنى السنه الجايه والمستشفيات التعليميه هتنزل مع الحركه العاديه طب ازاى؟ يعنى المستشفيات دي عملت اكتفاء ذاتى ولا ايه؟ مش عايزه ولا تكليف ولا نواب محدش عارف حاجه ف اي حاجه بس الحاجه ال لاحظتها اوى ان وزاره الصحه بيطبقو نظام الشفافيه بس بالشقلوب وشكرا