مقارنه بسيطه

[a1man]

:tamtam: السلام عليكم :tamtam:



.
بعد التدقيق والتدوير والتنقيب

.
اثبتت التحريات ان البنت احسن من الولد والاسباب :
.
.
تتكلم براحتها في التليفون وابوها او جوزها اللي هيدفع الفاتوره
.
البنت مش ملزمه تجهز نفسها ابوها او خطيبها اللي هيدفعو دم قلبهم
.
مفيش حد بيبص علي بدله العريس كله بيركز في فستان العروسه
.
لو واحده عملت مخالفه مرور تعيط شويه للظابط وهو يعديها لو راجل هياخد علي دماغه

.
البنت مش ملزمه تدفع ضرايب ابوها او جوزها بيدفعوها

.
لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل
.
لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس
.
لو حصل زعل بين البنت وباباها مش هيطردها بره البيت بس هي يدوب دتخل الاوده وتعيط شويه وبابا يروح يصالحها أما الولد فيدوب يلحق مكان ينام فيه جنب البواب

.
دلع البنات :
ياختي قميله ) سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)
.

.
دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)
.

.


شوفتوا بقى ان الولاد مظلومين اوى وحقهم را يح.
ربنا علي الظالم والمفتري

[أبو المعاطى شمروخ]

البنات تفتح لهم جميع الابواب

المواصلات مثلا السواق هيقف للبنات حتى لو واقف فى الممنوع
احنا فى المستشفيات لما نروح نتكلم مع النايب يقول لنا عندكوا الحالات شوفوها انما لو فيه بنات تلاقيه يشرح الحالة ويعيدها كمان ولو محتاجين اى حاجة بس قولوا احنا هنا فى خدمتكم وهكذا

شوفتوا بقى ان الولاد مظلومين اوى وحقهم را يح.

i agree with u

[kalamntena]

يا ست الكل (50سنه

:mmmm mmmm

[sameh_ig]

البنت مش ملزمه تجهز نفسها ابوها او خطيبها اللي هيدفعو دم قلبهم


و على اية وجع الدماغ يا معلم منسبهم كدة

اصبر على حار السو :smiley2:

[Rule Breaker]

احنا هنخبط ولاايه؟؟؟؟
مش مخلينا نتهنى في حاجة
كل حاجة حاطين عينكم عليهااا
ارحموووو

[rabab gamal]

مفيش حد بيقول اللهم صلى على النبى

[مصباح]

ضربت العرب المثل قديما بالمرأة في الضعف
حتى قيل الضعيفين : اليتيم و المرأة
ألا نرحم الضعيف ؟
رفقاً بالقوارير

[ekm86]

ده إحنا كده المفروض نطالب بالمساواة