لو عاد بك الزمن

[alzheimer]

السلام عليكم ورحمة الله وبركاته


لقد أفادنا إخواننا الذين سبقونا بإمتياز إفادة عظيمة لما قدموه لنا من نصائح وخبرات و حتى مواقف طريفة مرت بهم أثناء فترة الإمتياز بهذا القسم المتميز "عالم ميزو" جزاهم الله عنا كل خير... و إيمانا منا جميعا أن التجارب السلبية هي خبرات إيجابية إذا ما ألهمتنا الطريق الصحيح و كانت لافتة لنا على الدرب، تحول بيننا و بين الوقوع في نفس الأخطاء - و من هذا المنظور الجديد- أتقدم رجاءا إلى كل إخواننا الميزو السابقين أن يكتبوا في هذا الموضوع شيئا أو أشياء ندموا على فعلها خلال فترة إمتيازهم ولو عاد بهم الزمن، لم يفعلوها مجدادا وذلك لكي تكون لنا نبراسا على طريق أخفت معالمه ظلمة حالكة



ولكم جميعا جزيل الشكر

[brightgalaxy5]

يا جااامد يا الزهايمر
ياريت بقى كل واحد مخلص يرد

مصباح
كلمنتينا
نبيل
الاسمر
internal master

منتظر ردكم
:)

[kalamntena]

مؤقتا لان الشبكة عندي مش ولابد و بتقطع بسرعة


اكتر حاجة عملتها و ندمانة عليها
ونفسي الزمن يرجع وماعملهاش

مرة زعقت في مريضة
هي اول مرة و اخر مرة
بغض النظر عن ملابسات الموقف المهم عرفت بعد كده انها كانت مريضة نفسيا


كل مافتكرها ازعل قوي من نفسي


اوعوا تزعقوا في مرضى ولا مرافقين
كفاية اللى هم فيه

[مصباح]

لازم تعرف كويس قصة أي عيان رايح تقضي له مصلحة (مش قصة حياته .. لأ قصة مرضه ) ـ
و إلا : ـ
مصلحة العيان مش هتتم
+
الدكتور اللي انت رايح له هيتضايق منك
+
هتضيع عليك الاستفادة

قمة المتعة انك تروح مثلا إشارة بالعيان (طفل في أبو الريش مثلاً) لبتوع الهيباتولوجي و تتناقش معاهم في مشكلة الطفل - ما هو انت عارف قصته كويس - و تعرف رأيهم و ترجع تحكي رأيهم دا للنائب كزميل .. مش كواحد ريس عليك
خصوصاً لو النائب لطيف .. و ما أكثرهم بالذات في أبو الريش

مهما كان النائب مستعجل و هو بيطلب منك تروح مشوار .. حاول تعرف تفاصيل .. عود النائب على كده .. انت مش ساعي أو "عبد المأمور" لأ انت زميل
مش تروحلي بالعيان تعمل له سونار و بعدين لما دكتور السونار ياخد و يدي معاك تقول له أصل معرفش ايه ال
CASE
بالضبط
!

لو كان الدكتور بتاع السونارعنده استعداد يعلمك حاجة متطوعاً .. الاستعداد ده هيضيع لما يلاقيك سلبي كده
فهمان و للا مو فهمان ؟ ـ

[brightgalaxy5]

فهماااااااااان

[nabilprofelgen]

اننى اقول كلمة حاضر للعيان او قريبه و انسى

اهمال شكوى المريض

[alzheimer]

و الله نصائح عظيمة


شكرا جميعا للإستجابة

و في إنتظار المزيد



جزاكم الله كل الخير

[internal-master]

والله موضوع مهم جدا

انا عن نفسي اذا رجع بيا الزمن كنت حاولت اجمع اكبر قدر مستطاع من المعلومات عن اي فرع من الطب انا مش هشتغل فيه

بعد كده ..

مش ادي جزء كبير من تركيزي لتخصص معين انا حابه وعاوز اتخصصه على حساب الحاجات التانية اللي يمكن ماشوفهاش تاني بعد الامتياز

في رايي كفاية فترة قصيرة شهر مثلا او اتنين كاختبار لملائمة تخصص ما لي وباقي العلم هييجي بعدين ان شاء الله

[kalamntena]

كلام انترنال ماستر فكرني بحاجة

لو رجع بيا الزمن
كنت هالزق في استقبال الاطفال والباطنة
وبس

لان ثبتلي دلوقتي ان حكاية من كل بستان زهرة والكلام ده مينفعشي معايا خالص



بمعنى اخر اختار بسرعة تخصصك واتعلمه كويس وانت في امتياز
لان بعد الامتياز مش هتلاقي مكان ولا حد يعلمك
المفروض انك اللى هتعلم ويا سلام بقى لو بقيت الطبيب الاول في مكانك
هتعيش

[مصباح]

دي وجهة نظر يا كلمنتينا
البعض شايف ان فكرة انك تركز على تخصص معين دي مش سليمة
و ان في النهاية محدش عارف هايشتغل ايه
يبقى يتعلم شغلانة الممارس العام أحسن

دي وجهة نظر
==========
و على أرض الواقع ... التجارب مختلفة
بعض الناس اللي ركزوا في تخصص معين فعلاً هوه دا تخصصهم دلوقتي و الامتياز كان سنة خبرة جبارة لهم فيه
و البعض الآخر ركزوا في تخصص معين و بعدين صرفوا نظر عنه بعد كده و قالوا يا ريتنا كنا ... ـ

محدش عارف الخير فين

[Eman Samir]

كلام جميل جزاكم الله كل خير

[kalamntena]

طبعا يا مصباح

مش بالضرورة يكون كلامي صح
دي بس وجهة نظر
لاني مش حاسة ان اللى اتعلمته ممكن يخليني مسؤولة عن وحدة صحية
يعني لا مني اتعلمت حاجة واحدة كويس ولا مني بقيت ممارس عام كويس