emadkotb
21-05-2007, 07:46 PM
كنت بحب الكورة جدا جدا لعب وفرجة وتشجيع وتحكيم كمان وكنت زى ناس كتيير اهلاوي جدا جدا رغم اني اسكندراني والمفروض اكون اتحداوي
كنت من اللي بيطلعوا في الشوارع يحتفلو بعد الفوز
كنت من اللي بيعيطوا ويغيبوا من المدرسة بعد الهزيمة
كتيير كنت بتعارك على انتقال حسام وابراهيم للاعداء واكرهم من كل قلبي وكنت من اول الراقصين لانتقال رضا عبد العال (لفريقنا)
كنت بحب الكورة حتى بعد مالتزمت والتحيت وكنت بجاهد نفسي علشان اقوم اصلي العشاء واسيب الماتش واقول معلش يمكن بصلاتي دة ربنا (ينصرنا) وكنت -ولا داعي للضحك - ادعي ربنا في السجود ان الاهلي يكسب او المنتخب يتأهل او تيجي ضربة جزاء تخلص الماتش الرخم ده
وما اقولكش بقى كان ايه احساسي لو جاء كشف في نص الماتش ويا سلام لو زيارة منزليه بس اقول ايه لقمة العيش بقي
لكن لما عرفت ان جوزيه بياخد اربعين الف دولار في الشهر غير الشقة والعربية والمترجم والانتقالات
لما عرفت ان ميشيل بياخد 48 الف دولار في الشهر غير وغير وغير
لما عرفت ان برشلونة اخد مليون ونص يورو علشان يجي يدلع شوية ويشوف الاهرامات وقبله ريال مدريد وبعده بنفيكا
لما عرفت ان ستاد القاهرة لوحد متكلف 56 مليون جنيه (ولسه معفن ) علشان نلعب عليه كورة
لما اعرف ان فريق زي الاهلي يدفع 60 مليون في سنه واحد تمن للعيبة (اللي ما هماش لعيبه اقوي كدة )
واعرف ان مستشفيات جامعة الاسكندرية كلها ما فيهاش جهاز واحد سليم يعمل (اية بي جي) لطفل بيموت في استقبال الشاطبي او ما فيهاش امكانيات لعمل ام ار اي الا لحالتين بس في اليوم حفاظا علي الجهاز والي يموت في داهية
واعرف ان حالات العناية المركزة في الميري بتعمل التحاليل و الانزيمات برة على حسابها واللي معهوش يبقي كفاية علية ال( اي سي جي) اللي هو بايظ كمان وما فيش امكانيات
واعرف ان مستشفى السرطان بتاعة الاطفال مش عارفين يكملوها بعد ما شحتوا عليها من طوب الارض
وخصموا يوم من مرتب كل موظف غصب واقتدار
بعد ما اشوف الجماهيير تهتف لنصرة الرسول لمدة خمس دقائق كاملة من مجموع حوالي 10 ساعات لنصرة حسن شحاتة ورجالته الابطال اللي شرفونا ورفعوا راسنا
لما اشوف رئيس الجمهورية الفقيرة المعدمة العاطلة المنهارة الجاهلة المريضة الموبوءة المكدسة المتسولة اللي عايشة على اقل من 2 دولار يوميا لو لقيت الي 2 دولار او شمت ريحتهم وبتشحت من امريكا ومن المجموعة الاوربية ثمن الدوا وموانع الحمل يروح يتفرج لمدة ساعتين او اكثر علي الكورة وياخد المدام معاه وتقعد تلعب بالعلم تقولش في حديقة حيوان الجيزة يوم العيد
وبعدين اشوفه سايب البلد والدنيا والمشاكل والخارجية والداخلية ورايح يتفرج على (بطل) افريقيا الوهمي يتقاتل مع (بطل) اوروبا الوهمي راخر في موقعة وهمية هي كمان مدفوع فيها دم قلبنا ولحمنا وكله على خساب المخل
لما اعرف قد اية بنصرف علي الكورة فلوس ووقت واعلام ورجال امن وبرامج وتحاليل (غير تحاليلنا طبعا ) وخبير مش عارف مين بياخد كام وصور وجرايد وقنوات ومواقع ومنتديات وشتيمة وتعصب وازمات قلبية و صدمات عصبية كل دة في البطاطس وفشنك ولعب فلعب وكورة فكورة
بعد كل دة ما ليش حق اتقهر واتشل واموت بحسرتي
وابطل هبل وضياع وهيافة ؟
ايه الفرق بينا وبين الوله اللي قاعد في السيبر ليل نهار يلاعب برشلونة بميلان ومانشستر بلفربول وينتصر ويفرح بالبطولة (الزائفة)؟
الفرق بينا وبينه انه بيدفع جنية ويلعب ماتش انما احنا بندفع مليارات علشان نفس الماتش ويمكن الماتش بتاعه احسن كمان.
كنت من اللي بيطلعوا في الشوارع يحتفلو بعد الفوز
كنت من اللي بيعيطوا ويغيبوا من المدرسة بعد الهزيمة
كتيير كنت بتعارك على انتقال حسام وابراهيم للاعداء واكرهم من كل قلبي وكنت من اول الراقصين لانتقال رضا عبد العال (لفريقنا)
كنت بحب الكورة حتى بعد مالتزمت والتحيت وكنت بجاهد نفسي علشان اقوم اصلي العشاء واسيب الماتش واقول معلش يمكن بصلاتي دة ربنا (ينصرنا) وكنت -ولا داعي للضحك - ادعي ربنا في السجود ان الاهلي يكسب او المنتخب يتأهل او تيجي ضربة جزاء تخلص الماتش الرخم ده
وما اقولكش بقى كان ايه احساسي لو جاء كشف في نص الماتش ويا سلام لو زيارة منزليه بس اقول ايه لقمة العيش بقي
لكن لما عرفت ان جوزيه بياخد اربعين الف دولار في الشهر غير الشقة والعربية والمترجم والانتقالات
لما عرفت ان ميشيل بياخد 48 الف دولار في الشهر غير وغير وغير
لما عرفت ان برشلونة اخد مليون ونص يورو علشان يجي يدلع شوية ويشوف الاهرامات وقبله ريال مدريد وبعده بنفيكا
لما عرفت ان ستاد القاهرة لوحد متكلف 56 مليون جنيه (ولسه معفن ) علشان نلعب عليه كورة
لما اعرف ان فريق زي الاهلي يدفع 60 مليون في سنه واحد تمن للعيبة (اللي ما هماش لعيبه اقوي كدة )
واعرف ان مستشفيات جامعة الاسكندرية كلها ما فيهاش جهاز واحد سليم يعمل (اية بي جي) لطفل بيموت في استقبال الشاطبي او ما فيهاش امكانيات لعمل ام ار اي الا لحالتين بس في اليوم حفاظا علي الجهاز والي يموت في داهية
واعرف ان حالات العناية المركزة في الميري بتعمل التحاليل و الانزيمات برة على حسابها واللي معهوش يبقي كفاية علية ال( اي سي جي) اللي هو بايظ كمان وما فيش امكانيات
واعرف ان مستشفى السرطان بتاعة الاطفال مش عارفين يكملوها بعد ما شحتوا عليها من طوب الارض
وخصموا يوم من مرتب كل موظف غصب واقتدار
بعد ما اشوف الجماهيير تهتف لنصرة الرسول لمدة خمس دقائق كاملة من مجموع حوالي 10 ساعات لنصرة حسن شحاتة ورجالته الابطال اللي شرفونا ورفعوا راسنا
لما اشوف رئيس الجمهورية الفقيرة المعدمة العاطلة المنهارة الجاهلة المريضة الموبوءة المكدسة المتسولة اللي عايشة على اقل من 2 دولار يوميا لو لقيت الي 2 دولار او شمت ريحتهم وبتشحت من امريكا ومن المجموعة الاوربية ثمن الدوا وموانع الحمل يروح يتفرج لمدة ساعتين او اكثر علي الكورة وياخد المدام معاه وتقعد تلعب بالعلم تقولش في حديقة حيوان الجيزة يوم العيد
وبعدين اشوفه سايب البلد والدنيا والمشاكل والخارجية والداخلية ورايح يتفرج على (بطل) افريقيا الوهمي يتقاتل مع (بطل) اوروبا الوهمي راخر في موقعة وهمية هي كمان مدفوع فيها دم قلبنا ولحمنا وكله على خساب المخل
لما اعرف قد اية بنصرف علي الكورة فلوس ووقت واعلام ورجال امن وبرامج وتحاليل (غير تحاليلنا طبعا ) وخبير مش عارف مين بياخد كام وصور وجرايد وقنوات ومواقع ومنتديات وشتيمة وتعصب وازمات قلبية و صدمات عصبية كل دة في البطاطس وفشنك ولعب فلعب وكورة فكورة
بعد كل دة ما ليش حق اتقهر واتشل واموت بحسرتي
وابطل هبل وضياع وهيافة ؟
ايه الفرق بينا وبين الوله اللي قاعد في السيبر ليل نهار يلاعب برشلونة بميلان ومانشستر بلفربول وينتصر ويفرح بالبطولة (الزائفة)؟
الفرق بينا وبينه انه بيدفع جنية ويلعب ماتش انما احنا بندفع مليارات علشان نفس الماتش ويمكن الماتش بتاعه احسن كمان.