يوم فى امتياز

[dr.Savannah]

يوم فى امتياز

فترة قصيرة قديتها مع واحدة صحبتى اثناء قيامها بعمل الاشارات المطلوبة منها شفت حاجة غريبة

عربية الاسعاف عربية ميكروباص

الاول راحت تطلب عربية الاسعاف الجراج نمرة مبتردش والنمرة التانية فين وفين لما ردوا ( كلام عادجى وامتياز كله عارفينه)

عدوا دى

التانية لما العربية جت وكان فى موظفتين قاعدين على الكرسيين اللى جنب السواق واللى المفروض مخصصين للدكاترة والامتيازوالنواب(بخلاف اتوبيس النقل العام اللى ورا)

وصحبتى تقول للست المفروض تركب معاها عيان والست تقولها عندى عملية(معرفش عملية ايه)

هيه وبعدين واحدة منهم نزلت والتانية قالت لصحبتى تعالى اقعدى على جلى وانا قعدت على الكرسى التانى

سيبكوا بقى جينا عند باب القصر والميكروباص نصوا بقى ينزل (بقيت حسة انى قاعدة فى ميكروباص او اتوبيس نقل عام)

وبعدين كلوا كوم ولما جينا عند باب مستشفى الباطنة والهانم قال ايه عاوزانى انا وصحبتى ننزل عشان هى تنزل ومترجعش الكام متر دول من جوة المستشفى للباب وطبعا صحبتى راحت قايلة منيش نازلة الا جوة

ولما نزلنا قال ايه الهانم بتقول مش كفاية قعدتها على رجليا او حاجة زى كده معناها انها تمننت عليها بالقعاد على رجلها وانها المفروض تشكرها وتحترمها

راحت صحبتى لما طلعنا راسها والف سيف تكتب شكوى فى الجراج والميكروباص(اقصد عربية الاسعاف)

وتعاوننا نحن الثلاثة ( انا وصحبتى وواحدة تانية فى امتياز فى كتابة تلك الشكوى

واسكتوا النائبة كانت متحفزة للشكوى من قبل متتكتب ومضت على بياض قبل متمشى

ده كان يوم الخميس وزمان الشكوى طلعت امبارح لمدير مستشفى الباطنة

ترى ماذا سيحدث

[nabilprofelgen]

اتوقع ان المدير هيوقع عليها
و بعدين تحفظ فى الارشيف

[dr.Savannah]

بعد حرقة الدم دى

[kalamntena]

متهيألى هيحصل حاجة
السنة اللى فاتت كنت ناوية اعمل نفس الحكاية ولما السواقين سمعوا بالموضوع اتقلبوا 180 درجة

[zahraatoty]

على الرغم من أن ركوب الأسعاف متعه حقيقيه ولكنها في نفس الوقت مهزله فظيعه بتحصل
في كل لحظه... عايزة أكتب في السواقين شكوى مش بس علشان المهزله لأ علشان حاجات تانية كتير
مش مهم أن المدير يعمل الحاجه المهم أن الكلام يوصل للناس دي أن إحنا ممكن نعمل حاجه مش بيقولوا العيار اللي ما يصيبش يدوش

[rabab gamal]

انا عمري ماجربت الحكايه ديه
دايما بتهرب منها
مش عارفه بخاف اوى من الحكايه ديه