صوت القرآن . .

[amr2003]

من هم الشيوخ المحببين إليك في سماع القرآن ؟!

بالنسبة لي : ناصر الغامدي وسعد الغامدي وسعود الشريم والسديس . .

[مصباح]

جرب تسمع سورة هود أو يوسف بصوت : ( مشاري راشد )
أحلى تلاوة سمعتها حتى الآن .. خصوصاً السور المذكورة

[مصباح]

في يوم من الأيام كانت أحب التلاوات إلي هي تلاوة الشيخ ( السديس )
كنت أعشقها عشقاً - ولازلت أحبها طبعاً - بل كنت أراها و كأنها " التلاوة الأصلية " و كل ما غيرها تقليد !

خاصةً أنني صليت خلفه في الحرم الشريف عندما كنت صغيراً .. كانت أيام !

[فيرون]

شوفوا يا جماعة .... الناس اللي بتتكلموا عليهم دول سمعتهم .... صوتهم كويس ...
يعني ينفعوا كبديل لشرين و عمرو دياب .... للمبتدئين يعني
بس القران مش صوت و بس ....
القران أحكام .... ومعاني و تدبر ...
يعني مثلاً ماتقوليش انك تدبرت مع واحد سريع زي العجمي القران ....
أينعم صوته شجي - ممكن يثير نفسك و يستحثها على البكاء - .... بس سريع ... بيقرا حدر يعني ... ماينفعش معاه تدبر .... ومش متملك من أحكام التلاوه ...
زي اخواتنا السديس و الشريم و الح>يفي .... و بقية الشلة اللي فوق ....
في رأيي إن أحلى صوت تلي به القران هو الشيخ عبد الباسط و الشيخ محمد رفعت ... طبعاً لو حاولت تخيله بدون ضوضاء الجراما فون اللي في الخلفية في تسجيلات محمد رفعت ...
وأحلى من كده ... لما شعشعت مع عبد الباسط مره في الكهف ....

ياولاد دي مصر مطلعتش حاجه تنفع إلا في الأصوات و الدليل :
محمد رفعت
عبد الباسط عبد الصمد
محمد صديق المنشاوي
عبد العظيم زاهر
الحصري و البنا ... (الله عليك يا بنْا)

وغيرهم جيش .... :smiley20:

أما الشباب الروش زي السديس و الشريم و الغوامديه و القحطاني و الرفاعي و الأخضر و الجابر و كناكري و عبد الخاق علي ...
فدول من متطلبات العولمه .... السرعة ... خلص يابني خلص و رانا غسيل ..
ماعدش فيه اللاستمخاخ بتاع زمان ( المرادف الحالي للتدبر و ال>ي وجدته في المعجم المنجز نسخة 2003 - طبعة قلعة الكبش ) فينك يا عبد الباسط ...
و يا أخ مصباح :
... شجع منتج بلدك ...
أنا برضه و قفت ورا السديس و الح>يفي .... بس المكان هوا اللي بيدفعك للتدبر و الخشوع ساعتها مش صوت السديس ...
رهبة المكان يا إبني ...
وجرب تسمع السور اللي انتا قولتها في ( حفلات ) عبد الباسط مش تلاواته .. يعني وسط الجمهور .... ماشي ؟؟ ... وقولي رأيك ياباشا ...
:smiley2:

[مصباح]

بس القران مش صوت و بس .... القران أحكام .... ومعاني و تدبر ...

واضح إن لك باع طويل في سماع التلاوات ..
لكن ..
إن كنت تتكلم عن الأحكام .. فأنا استطيع الجزم بأنني
تعلمت التجويد إلى حد كبير من سماعي لسورة هود من مشاري راشد ( اسمه "مشاري راشد العفاسي" - و لا أظن أنك سمعت الكثير من تلاواته )

أما عن تدبر المعاني .. سأقترح عليك تجربة تجريها بنفسك :
انزل الآن إلى أقرب مكان تتوافر فيه شرائط القرآن و اشتري شريط سورة يوسف للقارىء مشاري راشد (أيضاً)
لن أراهن على أنك س "تكتشف قرآناً جديداً " أو مثل ذلك ..
أنا فقط أحاول تقديم نصيحة مفيدة ..
أنا شخصياً اشتريت هذا الشريط بعد أن تكاثرت علي الرسائل الالكترونية التي تدعوني لتنزيل السورة ( من على موقع إسلام واي ) في يوم من الأيام




و يا أخ مصباح : ... شجع منتج بلدك ...

نسيت أقول لك أنني أعتمد في حفظ سورة البقرة على السماع الكثير لها من تلاوة الشيخ محمد جبريل - الله يحفظه - إلى أن يشاء الله أن أحفظها كاملة - إن شاء الله -

[amr2003]

لي عدة ملاحظات على رسالتك يا أخ فيرون ، أتمنى أن تتقبلها بترحاب صدر . .

1- أسلوبك في الحديث عن شيوخنا حفظهم الله ، الذين لا تحب سماعهم ، غير لائق بالمرة . .

واقرأ كتاب رياض الصالحين ، فصل إنزال العلماء مكانتهم ، واحترامهم وإجلالهم . .

إزاي يا أخي في الله تقول ( الشلة ) وتقول ما معناه أنهم لا يجدي أحكام التلاوة ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

ماشي إزا كنت مش بتحب صوتهم ، وماشي إذا كنت مش بتخشع في تلاوتهم . .

ولكن لا يصل الحد إن إنت تقول لا يجيدوا الأحكام !!!!!!!!!!!!!!!!!!!!!!!!!!!!!حرام عليك يا أخي ؟! إمام الحرم لا يجيد الأحكام ؟!!!

يا أخي اسمع من تحب ولكن بدون أن تجرح الأخرين وتجني من وراء ذلك السيئات ؟! أسلوبك كان حاد جدا في وصفهم ؟!!!!!!

وتقبل تحياتي ونصائحي . .

[فيرون]

أخ مصباح ..
زي مانا قلت الشباب اللي بتتكلموا عليهم ينفعوا للمبتدئين ... اللي لسه بيحطوا رجليهم على السلم ...
وعندي القران كله بصوت كل اللي أنا ذكرتهم فوق (على سيديهات )... واللي إنتوا قلتوا عليهم ... و سمعت مشاري راشد من على الإنترنت و مارضيتش أنزله ... يا جماعة الأرواح جنود مجندة ... لما تحب صوت حد قول أنا باحب ... بس لما نيجي نتكلم عن التلاوات ... يبقى تسيبوا المجال ده للي بيفهموا فيه .. ده مش تعظيم لعلمي فيه .. لكن لأني بدأت فيه قبلوكوا ...
----------------------------------------------
نبذة عن تاريخ فيرون مع القران :
بدأ فيرون حفظ القران وهو في الحضانه ... كان كل يوم بيزوغ من التحفيظ و يروح لجدته ... بدأ دراسته للتجويد في الصف الثاني الابتدائي في أحد مدارس المملكه العربيه السعوديه انهى دراسته للتجويد وهوفي رابعه ابتدائي و خلال هاتين السنتين أكمل من القران ثلاثة أجزاء .. بدأ حفظ القران من جديد و بأسلوب جديد و في اتجاه جديد من سورة البقره في الصف الأول الاعدادي مع أحد مدرسي علوم القراءات الأزهريين في مصر في السنة الأولى أتم البقرة و آل عمران و النساء و في الثانية المائدة و الأعراف و الأنعام و التوبه و يونس و هود و يوسف و في الثالثة الرعد و إبراهيم و الحجر - كان كسولا جدا - وفي السنة الرابعة "أولى ثانوي يعني " نظرا ليقينه أنه لن يكون هناك و قت للحفظ فيما بعد بدأ من الحجر"الجزء 14 " وانتهى بسورة ق "الجزء 26 " وختم القران في إجازة الصف الأول الثانوي لتبدأ ملحمة الثانوية العامه ( ربما يروي لكم كيف كانت معه هذه الملحمة التي لم تكن دراسية إلا في أضيق نواحيها )... وخلال هذه السنين اشترك مع شيخه في مجموعة من مقارئ التجويد ... صدقوني ليس التجويد الذي تعرفونه .. نون ساكنه و ميم ساكنه و مد و مشددة لأ ده كان اللي يغلط في المقارئ دي في المد حركه تبقى جريمه ....
فيون حالياً زعلان علشان مش لاقي وقت يراجع فيه القران .... حافظ فاشل ..
----------------------------------------------
مش مهم المهم إن الناس اللي بتتكلموا عليهم دول يبقوا تلامذة في مدارس العمالقه المصريين ... من أمثال محمد رفعت و الحصري وعبد الباسط ... يكفي أن يكون الحصري من بين قراء القران في العالم العربي الذي سجل القران كاملا بالقراءات الأربع ....
يكفي أنه إكراما للقراء المصريين كانوا يستضيفونهم في سائر الممالك ومنها السعودية كي يتتلمذوا على أيديهم...
أما يكفيك أن إذاعة القران الكريم من مكة المكرمة لم تكن تذيع القران إلا بأصوات مصرية حتى وقت قريب و ما تزال تثبتهم حتى الان ...
أما يكفيك أن محمد رفعت كان يرفض تقاضي أجر عن قراءته للقران ...
أما يكفيك أن قراءنا جابوا العالم لذيوع صيتهم و إعجاب العام بهم ....
و أنا لم أدمج الطبلاوي نظرأ لحداثة عهده بالقراءة - بدأ في الستينات - ولم أدمج محمد جبريل نظراً لعدم تملكه من أدواته ... مع أنهم كانوا يشبهون صوتي بصوته - على فكره في واحد ممكن تلاقيه في إذاعة طريق الإسلام إسمه زي إسمي !!!

وللأخ amr2003
1- يابني ياصغير مش لما يبقو علماء فعلا ... المهم اللي أعترف بكونهم علماء هما السديس و الحذيفي - كنت بقلد صوته وأنا صغير - دول أساتذة جامعه ..
لو عاوز تتأكد من كلامي روح لأي أستاذ قراءات واسأله ...... بدل ما تخاصمني بجهل ... ولو عاوز تتأكد أنا شاهد ...
يابني ياصغير أنا عندي المصحف المرتل بصوت الحذيفي قراءة حفص عن عاصم و أنا باسمع قفشتله تلات غلطات في ( التشكييل ) في ساعة واحده ... تخيل في التشكيل ..
يابني ياصغير أهو مش في الأحكام و بس .... لما تيجي تحاجج الناس يابني ياعمر بلاش تسيب سلاحك في البيت ... اللي المفروض يبقى العلم بالموضوع ... افتح كتاب البرهان في علوم القران لبدر الدين الزركشي ( للمحترفين ) -أربع أجزاء ضخمه - أو البرهان في تجويد القران لمحمد الصادق قمحاوي -عضو لجنة تصحيح المصاحف بمجمع البحوث الإسلامية - (للمبتدئين) ...
يابني ياصغير بلاش تلعب بالكبريت أحسن تولع في العماره اللي جنبنا ...
انتى زي ابني برضه .. مش كده ولا إيه ..

[amr2003]

على الرغم مما في ردك من جرح لي في أكثر من موضع – وهذا ليس المفروض من حاملي القرآن – إلى أنني أدعو لك بالمغفرة . .
اللهم اغفر لفيرون ذنوبه كلها واغفر له إن كان أخطأ في حقي . .

أما بخصوص الرد على نقاط رسالتك . .

1- أنا أيضا درست في السعودية حتى الصف الأول الإعدادي ، وتعلمت مثلك تماما ، أي تعلمت التجويد في المدرسة في سنتين أو ثلاثة لا أتذكر . . وإن كان ما حفظته من المدرسة هزيلا ، ولكنني التحقت هناك بحلقة لتحفيظ القرآن ختمت فيها جزئين . .

2- الآن – والحمد لله – ختمت البقرة ، على يد شيخ أزهري يعلمني في المنزل ، وأنوي أن أختم القرآن إن شاء الله في خلال سنة أو سنتين قادمتين على الأكثر . .

3- لو افترضنا أن ماتقوله صحيح عن مشايخ الحرم وغيرهم ، فإن هذا أيضا لا يعطيك الحق في التحدث عنهم بمثل هذه الصورة الغير لائقة ، فنحسبهم على خير جميعهم ، وهم ليسوا من علماء السطان مثلا ، واسمع يا أخي خطب الشريم والسديس والحذيفي في الحرمين الشريفين ، وانظر ما بها من قوة ، وما بها من شدة . . يعني مش زي صاحبنا بتاع الأزهر . .

4- كلماتك تدل على عنصرية نهى عنها رسول الله صلى الله عليه وسلم ، وهي أنك متعصب للشيوخ المصريين . . ربما يكون ذلك بسبب المعاملة السيئة التي لقيتها في السعودية . . ولكن أنا أرى أن ليس من الجيد أن تتعصب لفئة معينة ، فكلنا مسلمون . . وليس هناك فارق بين سعودي ومصري إلا بالتقوى . .

5- عن استخراج أخطاء في التشكيل للحذيفي ، أنا بصراحة لا أصدق هذا ، لأن اتقان التشكيل من ديدن الأطفال ، فما بالك بالمشايخ ؟! لست أدعي أنك كاذب لا قدر الله ، ولكن ربما أنت سمعته خطأ لإنك كنت تنتظرمنه الخطأ . . وربما هي قراءة أخرى . . والله أعلم . . ولكن لن يمكنني تصديق هذا إلا إذا سمعته أذني . .

6- وهو إنت اسمك إيه ؟! أنا أساسا ماعرفش اسمك ، عشان أعرف واحد في إذاعة طريق الإسلام اسمه زي اسمك ؟!

7- أنا ماسبتش سلاحي في البيت ، أنا أظن إن أنا ملم فعلا بجوانب الموضوع ، وعندي كتاب كبير جدا في التجويد اسمه غاية المريد في علم التجويد ، لكن لم أفكر في قراءته لإني عاوز الأول أختم القرآن ، ولما أفكر أحصل على إجازة ممكن أقرأ هذا الكتاب ، لإني مكتفي بما عندي وهو ليس كثيرا ولا قليلا .. .

8- هو الفرق السني بيننا أد إيه عشان أكون ابنك ؟!

9- أخيرا ، أنا لم أمس علمائنا الأفاضل بأية كلمة ، وبحب أسمع المنشاوي وعبد الباسط ، لكن قليل سماعي لهم . . لإني بحس القرآن وبيخش قلبي وبعيش أحداثه لما أسمع المشايخ اللي كتبت اسمهم فوق ، يعني مسألة تعود وذوق مش أكثر . . ومع ذلك أنا أعلم مالمشايخنا من قدر . .

أخر حاجة ، المسألة مش محتاجة تعقيد ممكن نجيب سورة من 8 أو 10 صفحات ونسمعها من ده ومن ده ونشوف هل فيه أخطاء ولا لأ . .

والله أعلم . .

[فيرون]

فيرون يشكر الأخ amr2003 على دعائه ... الغريبه أني ما جرحتوش شخصيا ... فيرون دائما يورد الحقائق : ... أنت أصغر من فيرون وانتا غاوي شكل .. تقدر تعترض !!
نفضى بقى علشان نرد ...
1 - حلو قوي باين كل اللي بيكتبوا في الموضوع ده كانوا في السعوديه قبل كده .. :D
2 - ربنا يوفقك .
3 - أنا ماتكلمتش عنهم بأي صورة ... يعني مصورتهمش في أوضاع مخلة ... أنا باتكلم بس بلغة شباب هذه الأيام ... :smiley11: واضح إن كل بورتاتك مقفوله ... - جمع ( Port ) - أفضل تعمل سكان عليها ... جرب بورت سكانر حلو ..
4 - أنا باحاول ألفت انتباهكوا للشيوخ المصريين اللي واضح إنكوا مش منتبهين لهم خالص فاكرين إنهم إي كلام وإن الحاجه القديمه أي كلام ... أو يعني مش ستايليش Stylish ... فبقوللكوا ... شجع منتج بلدك ... من فضلك راجع النقطه رقم 3

ولكن أنا أرى أن ليس من الجيد أن تتعصب لفئة معينة ، فكلنا مسلمون . . وليس هناك فارق بين سعودي ومصري إلا بالتقوى . .
قصدك في موضوعنا هنا الأحكام مش التقوى ماشي ... راجع تاني ..الرد الماضي لفيرون ...
5 - مش مشكلتي إنك ماتصدقشي فيرون ... فيرون قال اللي شافه ... وساعتها ما كنشي مصدق ... فيرون عمل اللي عليه ... العلبه مكتوب عليها رواية حفص عن عاصم ... تسجيلات شركة أبو حمزه بالحسين ... فيرون أيامها راجع على اللي قاله الحذيفي ولقاه غلط .... فيرون بيسمع كويس و ماعندوش Glue Ear و لا حتى محتاج Ear wash .... فيرون طيب ... هابقى أدور للحذيفي على غلطه تانيه ماشي ياخويا مدام مش عاجبك يابني ..
6 - إسمي موجود في رد في موضوع تاني في المنتدى راجع مواضيع Dina_ha ...
7 - يعني ماعندكشي سلاح أصلا .... أمال عاوز تحارب ليه طالما ماعندكشي سلاح تحارب بيه .... لا تحاجج الناس طالما لم يكن معك سلاحك ... و " اللي بيته من إزاز ما يحدفشي الناس بالطوب "
8 - الفرق كبير ...
خليك متأكد من كده ..
9 - رجعنا تاني للنقطه الرئيسية ... احنا بنتكلم على إيه ...
فيرون بيتكلم على الأحكام كقول عارض
amr2003 بيتكلم بعصبيه - دايما - عن الشيوخ و كأنهم رسل ... دول قراء أو كي ... قراءة القران مافيش فيها مصري و سعودي ... فيها مدارس ... فيرون فصل موضوع الذوق عن الأحكام


وجرب تسمع السور اللي انتا قولتها في ( حفلات ) عبد الباسط

يعني مثلاً ماتقوليش انك تدبرت مع واحد سريع زي العجمي القران ....
فيه فرق من واحد صوته حزايني وواحد بيقرأ بذكاء يدفع للتدبر و تفهم الأيات ..

هابدأ وقوللك ...
على فكره أنا راجعت كتاب رياض الصالحين ، فصل إنزال العلماء مكانتهم
.... رياض الصالحين مطابع دار الشعب 1981 باب توقير العلماء و الكبار و أهل الفضل ...مش زي ما قلت راجع الباب .. صفحة 109 في نسختي .. فيا ريت تقوللي بالضبط عاوز إيه منه لأني ماقيتنيش عارضت فيه أي حاجه ...

المهم زي ما قلتلك الشيوخ المصريين دايما تلاقيهم بيقرأوا في مرتبة التحقيق(التدقيق) أو الترتيل نظراً لتمكنهم من أدواتهم اما الباقون فيقرأون إما حدراً ( إسراعاَ ) و إما تدويراً ( بين التحقيق و الحدر ) ورغم ذلك يسقطون الكثير من الأحكام ... التفاصيل قريباً
وأخيرا وليس اخراً ...
"{198} خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ {199} وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللّهِ إِنَّهُ سَمِيعٌ عَلِيمٌ {200} "الاعراف

- حَدَّثَنَا جَعْفَرُ بْنُ عَوْنٍ أَخْبَرَنَا مُوسَى بْنُ عُبَيْدَةَ عَنْ صَفْوَانَ بْنِ سُلَيْمٍ عَنْ نَاجِيَةَ بْنِ عَبْدِ اللَّهِ بْنِ عُتْبَةَ عَنْ أَبِيهِ عَنْ عَبْدِ اللَّهِ قَالَ : أَكْثِرُوا تِلاَوَةَ الْقُرْآنِ قَبْلَ أَنْ يُرْفَعَ. قَالُوا : هَذِهِ الْمَصَاحِفُ تُرْفَعُ فَكَيْفَ بِمَا فِى صُدُورِ الرِّجَالِ؟ قَالَ : يُسْرَى عَلَيْهِ لَيْلاً فَيُصْبِحُونَ مِنْهُ فُقَرَاءَ وَيَنْسَوْنُ قَوْلَ لاَ إِلَهَ إِلاَّ اللَّهُ وَيَقَعُونَ فِى قَوْلِ الْجَاهِلِيَّةِ وَأَشْعَارِهِمْ ، وَذَلِكَ حِينَ يَقَعُ عَلَيْهِمُ الْقَوْلُ. إتحاف 12782 سنن الدارمي

[amr2003]

خلاص إحنا هانقفل الكلام في الموضوع ده على كده لإن كل واحد مقتنع باللي في رأسه . . وأنا مستحيل أقتنع إن شيوخنا بيخطئوا في الأحكام ، وأيضا مستحيل أقول إن شيوخ مصر سيئين أو ( بتوع الله حي عباس جي ! )

لكن حاجة أخيرة ، أنا مش فاهم إنت قصدك إيه من الحديث الأخير في ردك ؟!!

[فيرون]

4802 - حَدَّثَنَا مُحَمَّدُ بْنُ عُثْمَانَ الدِّمَشْقِىُّ أَبُو الْجَمَاهِرِ قَالَ حَدَّثَنَا أَبُو كَعْبٍ أَيُّوبُ بْنُ مُحَمَّدٍ السَّعْدِىُّ قَالَ حَدَّثَنِى سُلَيْمَانُ بْنُ حَبِيبٍ الْمُحَارِبِىُّ عَنْ أَبِى أُمَامَةَ قَالَ قَالَ رَسُولُ اللَّهِ -صلى الله عليه وسلم-

« أَنَا زَعِيمٌ بِبَيْتٍ فِى رَبَضِ الْجَنَّةِ لِمَنْ تَرَكَ الْمِرَاءَ وَإِنْ كَانَ مُحِقًّا وَبِبَيْتٍ فِى وَسَطِ الْجَنَّةِ لِمَنْ تَرَكَ الْكَذِبَ وَإِنْ كَانَ مَازِحًا وَبِبَيْتٍ فِى أَعْلَى الْجَنَّةِ لِمَنْ حَسَّنَ خُلُقَهُ ». سنن أبي داود

دي كانت دعوة للمداومة على قراءة القران

ده كان قصدي من الحديث الأخير ...

و منها
3383- حَدَّثَنَا عَبْدُ اللَّهِ بْنُ صَالِحٍ حَدَّثَنِى مُعَاوِيَةُ بْنُ صَالِحٍ عَنْ سُلَيْمِ بْنِ عَامِرٍ عَنْ أَبِى أُمَامَةَ الْبَاهِلِىِّ قَالَ :
اقْرَءُوا الْقُرْآنَ وَلاَ يَغُرَّنَّكُمْ هَذِهِ الْمَصَاحِفُ الْمُعَلَّقَةُ ، فَإِنَّ اللَّهَ لاَ يُعَذِّبُ قَلْباً وَعَى الْقُرْآنَ. إتحاف 6375 سنن الدارمي

بس على فكره إحنا ما سمعناش إلا اتنين هوا الباقي ما يعرفش إن في حاجه اسمها قران ولا فقدوا حاسة السمع .. صراحة أنا مستغرب

[شمس المغيب]

احب اسال الاخ فيرون عن قصده فى كلمة المبتدئين دى؟انت تعرف منين المبتدئ دة هيكون ايه فى المستقبل؟انت بتتكلم عن المبتدئين كدة كانهم اخدين الموضوع موضه فترة وهتعدي وكل واحد يرجع لطبعيته
ومين قلك ان العجمي صوته حزيني بس مبيتدبرش القران ربنا اعلم بما فى نفوس عباده يا اخي ثم بصراحة انا مبحبش اسمع للشيوخ المصرين على الرغم انهم احسن مني ميت الف مرة بس بحس انهم بيقروا فى جنازة مش معنى كدة اني مبحبهومش لا طبعا انا مقدرش محبهومش بس انا بركز اكتر مع مشاري راشد والعجمي
انا والله مكنتش عايز اكتب ردود فى الموضوع دة بالذات علشان انا مش اهل اني اتكلم فى القران واحكامه ودة قرءته صحيحة ودة عنده غلطات بس انت ضيقتني لما قولت الحذيفى عنده غلطات معنى كدة ان انت بتسمعه بقى علشان تتطلعلو غلطات كدة ولا ايه؟
على فكرة انا مكنتش فى السعودية قبل كدة ولا عمري روحتها:D