شيزوفرينيا كله..

[مدنجي]

كله مش عاجبه كله..

كله بيدور لاى غلطة يمسكها على كله..

كله قاعد يخّبط فى كله..

كله قاعد يحبط فى كله..
---------------------------
الدنيا بايظة و الى بوظها كله..

كله بيقول ان السبب هو كله..

بس كله مش هامّه كله..
---------------------------
كله عاوز كله من كله..

كله بياكل فى كله..

كله أكله كله..

ليه كله كده كله؟؟



النهار ده..
---------------------------------------------------------------
ملحوظة: "كله" ده مش من اعضاء المنتدى..
و لو عاورين تعرفوه اقرو جرائد او اتفرجو على التلفزيون او حتى انزلو الشارع هتلاقوه لان كله هو كله..

ملحوظة تانية: دا مش شعر زى ماهو باين..
و لو عاوزين تعتبروه شعر ممكن نقول عليها تسريحة جديدة الشعر فيها منكوش..



دى..

[فيرون]

ارفع إيديك لفوق يا مجرم ..... أخيراً قفشناك متلبس .... انتا متهم بانتحال صفة كله مع سبق الإصرار و الترصد .... يحق لك توكيل محامي للدفاع عنك ... أي كلمة هاتقولها ممكن تتخذ كدليل قضائي ضدك ....

..........................

بفرض إن س = كله
إذاً فعلى حسب كلامك
س + س = س
س × س = س
س ÷ س = س
س ^ س = س
و هو ما يستحيل في الواقع
إذا هذه المعادلات تخيليه ...
إذ تختلف الطباع و الأنفس و الأشكال المحسوسه ....
إذا يثبت بالدليل الدامغ إن مدنجي مش في حاله طبيعيه النهارده
:smiley14: :smiley18:

[Alasmar]

المتحدث عن المتهم :smiley23: ..

ان موكلى هنا يتحدث بناءً على اساسيات النظرية النسبية العامة لالبرت اينشتاين.
و التى اثبتت ان الكون مقوس..
و ان اقرب مسافة بين نقطتين هى خط منحنى و ليس خط مستقيم..

و انا شايف ان النيابة استخدمت فى ادعائها نظريات نيوتن فى الديناميكة و الاستاتيكة و التى عفا عليها الزمن و ان كان ممكن استخدامها لمجرد القريب والتسهيل..

لكن دلوقتى احنا فى عصر الفضاء و الذرة.
ذلك الذى لا يسمح الا باستخدام النظرية النسبية و نظريات ميكانيكا الكم و مبدأ عدم التأكد (هايزنبرج) و غيرها وغيرها..

و تلك هى النظريات التى استخدمها موكلى التى تؤكد و تصر على ان:
1+1 لا يمكن ان يساوى 2.
لان عمر ما كان واحد زى التانى عشان نقدر نعتبرهم من نفس النوع و نجمعهم على بعض و يعطونا الناتج 2.
لكننا نستخدم ذلك للتقريب و التسهيل..

هل تعلمون انه من الممكن ان يكون 1+1=3 او 4 او حتى مليون..
و ممكن برده ان يكون 1+1=لا شيء.

اينشتاين اضاف البعد الرابع (الزمن) للابعاد التلاتة(س ,ص ,ع).
و انت برده اغفلته فى ادعائك.
-------------------------------------------------------------------------------
ملحوظات:
لقد قامت اسس النظرية النسبية على(دى بعض اساسيات و نتائج النظرية النسبية وليس كلها):
*اضافة الزمن كبعد رابع.
بمعنى انه لا يمكن تحديد نقطة فى الفضاء على اساس ابعادها من النقطة الاصلية (و) فى الاتجاهات الثلاثة الرئيسية (افقى و راسى و عمودى) فقط.
بل يجب اضافة عنصر الزمن ايضا اليهم.
لانه لا توجد نقطة ثابتة ابدا فى الفضاء (اساس من اساسيات النظرية).
و لذلك فكل النقط متحركة دائما و يتغير مكانها مع تغير الزمن.
لذلك فلزم اضافة الزمن كبعد رابع لتحديد نقطة ما فى الفضاء.

*سرعة الضوء هى اسرع سرعة فى الكون و لا يمكن تجاوزها.
لانه لو تثنى لاى كتلة ان تتخطى سرعة الضوء فانها تتحول من صورتها الكتلية الى صورة طاقة ***

*كلما اقتربت سرعة جسم من سرعة الضوء كلما تراجعت فى الزمن***

*الكون مقوس و اقرب مسافة بين نقطتين هى خط منحنى.
لانه لا معنى لوجود ما يسمى بــ "الخط المستقيم" و هو من اخراعاتنا الى اخترعناها للتقريب..
و دا سببة وجود الجاذبية التى توثر على حركات و اشكال الاشياء..
-------------------------------------------------------------------------
ملحوظات على "ملحوظات":
***دى نقاط اختلف فيها -او بمعنى اصح ليا ملاحظات عليها- مع الاخ اينشتين.




و فى النهاية يتضح لنا قدم النظرية التى استخدمتها النيابة..
و ممكن اثبات ذلك ايضا بالدليل الى قاله المتهم:
اقرا جرائد..
شوف تلفزيون..
انزل الشارع..

الى المتهم قاله هو الى طاغى و باين على الساحة دلوقتى..
و اعتقد ان اغفل حاجة مش شايفها.
و دا مش ذنبه.
لانه مش شايفها.
و اعتقد انه قال فيما معناه انه شايفها -او على الاقل حاسسها- فى المنتدى(لما قال ان "كله"مش من اعضاء المنتدى).

من الأخر مش عاوزين نتكلم فى السياسة..
خلينا عايشين..
و خليها ماشية..

و ياريت نحاول نبين لمدنجى و غيره ان "كله مش كله كده كله"..

[Nesta]

يا جماعه الموضوع مش مستاهل كل ده تحقيق ونيابه

وواحد يقولك نسبيه والتانى يقولك ديناميكيه .

احنا المفرود* فى كليه الطب يعنى نقول حاجات باثولوجيه
وحاجات فارمويه.

انا مش عارف انتو جاييين تهرجوا ولا ايه

[فيرون]

The defence is misleading the authrity ...
He is trying to disturb our mind in other subjects
MR. Nesta ....
In the flesh an directly .... MR. Alasmar is trying to say that "كله" is eaten by "كله" i want him and now to give us the confedential subject and the forensic evidence that "كله" is eaten by "كله " like :
Stool Analysis ...
followed by : pericepitation test .... PCR .. ELIZA also may be accepted ...
we may also see the circumstancial evidence ...
But Now he is trying to go in diffrent tunnles which will carry us away from the main subject ...


:smiley18:

[مدنجي]

الاسمر
ماشى يا عم اتوماتيك ايدياز..

فيرون
و كمان يا فيرون جايبى محقق من محكمة مجرمى الحرب..
انتو بتحاكمونى بالانجليزى..

نستا
احنا الى نستا هل..





دى..

[مصباح]

يا رئيس الوزراء : سؤالي لك و بمنتهى الجدية :

ما هي المصادر الني تعتمد عليها في معلوماتك عن النظرية النسبية ؟
أنا مبسوط طبعاً إني لقيت حد بيقرا عنها عشان " أشبط فيه " و احاوره فيها

[Alasmar]

المعلومات دى هى الى قدرت افتكرها من كتاب "النظرية النسبية" لالبرت اينشتين.
و الكتاب ده نزل صمن سلسلة الكتب العلمية فى مهرجان القراءة للجميع.
و اعتقد ان الكتاب ده مش ترجمة حرفية للكتاب الاصلى و انما هو عبارة عن تلخيص و تبسيط للنظرية النسبية العامة و الخاصة.
و فى كتب تانية كتير بتتكلم عن النظرية النسبية لكن مش بالطريقة الحلوة الى اتعرضت بيها فى الكتاب ده.
و اكاد اجزم انى مقدرتش افهمها -مش كلها طبعاً بالذات العامة- الا لما قريت الكتاب ده.


انا مستعد اقدم بعض فقرات الكتاب بالشرح فى المنتدى -لان دى متعة بالنسبة لى- بس بصراحة انا مش لاقي الكتاب حالياً.

ياااااااااااااااااه.
فكرتنى بايام زمان.

[فيرون]

اه نسيت أعرفكوا بماضي الأخ أسمرت أسمرشتين
و خصوصا في ثانوية .... ;) :smiley2:
فين أيامك يا فيزيا

[مصباح]

ما حدش بيحب الفيزياء قدي !

كتاب أينشتين عندي يا أسمر !! تدفع كاااااااام ؟
و عندي كمان الكتابين بتوع Stephen hawking قريتهم ؟
1- The history of the universe
2- The universe in a nutshell

و كله باللغة العربية .. ابسط يا عم !!;)

أما عن مشروعك لكتابة فقرات من الكتاب ...
اعتبرني شرك فيه من دلوقتي :smiley14:

يا راجل دا انا فكرت اعمل باور بوينت بالرسومات عنه ...

بس لازم نقرا كل الكتب اللى عندنا الأول

انا سحبت رجلك .. و.. اما نشوف بقى هنعمل إيه !:smiley2:

[مدنجي]

ايه يا عم المحامى..
سايبنى كده فى الحجز و قاعد تحكى مع القضاه و وكلاء النيابة...

[Alasmar]

مصباح:

و ادفع ليه مادام انت هتجيبهم لى اقراهم ببلاش....

و احب اقولك ان انا بطلت القراية فى الحاجات دى من سنة اولى كلية.
لانى لاقيت ان الموضوع مش جايب همه..

وانا مستعد فى عرض افكارى و آرائى فى النظرية و شرحها شرح مبسط على قد ما افتكر..
لانى بصراحة مش عاوز ارجع اقرا تانى فى الحاجات دى عشان ميحصليش حاجة او اموت من الوضع الى انا وضعت نفسى فيه فى الكلية دى..
خلينى كده من بعيد لبعيد..
و بلاش حكاية جر رجلى دى لانها ممكن تنكسر..

انا مبهربش انا لسه عند وعدى..

اما حكاية ان محدش بيحب الفزيا قدك فدا شيء يسعدنى..
بالرغم انى اشك فى الحكاية دى..
لان انا مش بحب الفيزيا كده.. لأ... دا الى بينا كبير..



فيرون:

و معلش اطلب من الاخ فيرون اطلاق سراح موكلى "مدنجى" لانه واجع لنا دماغنا ومش عارفين نتكلم فى المفيد منه..