فضفضه

[Amoura]

يا جماعه أنا من طب أكتوبر وحصلت عندنا كارثه بمعنى الكلمه وهى استقاله أستاذنا ووالدنا الأستاذ الدكتور مجدى النواوى وكيل الكليه ورئيس قسم الميكروبيولوجى
والله يا جماعه لو تعاملتوا مع هذا الشخص لمده خمس دقائق ليس أكثر هتعرفوا معنى الاخلاص والحب بين الأستاذ وطلابه انتوا مش عارفيين أد ايه الشخص ده حبوب ويحب مساعده الطلاب ومش هتقدروا تتخيلوا مدى سعادته لما حد مننا يروح مكتبه ولو حتى علشان يشكو من شىء وشعبيته ممتده فى الست دفعات.
الشخص ده احنا حبناه من سنه أولى بمجرد ان دخل المدرج مره أو مرتيين علشان يشوف أخبارنا ايه مع الدكاتره ووالله كنا بنحسد سنه تالته عليه علشان بيديهم ولما طلعنا سنه تالته بقينا نستناه كل يوم على أمل انه يدخلنا ولو محاضره واحده.
ودلوقتى هايسيبنا :smiley6: :smiley6: :smiley6: :smiley6: :smiley6: احنا كلنا والله مش مصدقين .
وأنا شخصيا نفسى أصحى من النوم و اضحك لاكتشافى ان كل ده مجرد كابوس مزعج.
والله والله والله مهما اتكلمت عن الشخص ده واللى كنت بعتبره زى بابا مش هعرف أوفى حقه.
مشكلتى بقى دلوقتى انى ببكى من ساعة ما عرفت الخبر المؤلم ده ومش قادره اتقبل أبدا أبدا انى اجد شخص أخر فى مكانه العام القادم .
أنا اسفه يا جماعه على الاطاله ولكنى حبيت افضفضلكم لأنى كتبت ما عندى فى منتدانا لأرد على الخبر الفظيييع اللى أذاعه دكتور مجدى بنفسه ومش قادره أكتم فى نفسى حزنى.
{بنا يصبر كليه الطب عندنا كللللهاااا وياااااارب يكون فى أى أمل انه يعدل عن موقفه ولوكان زعلان مننا فى أى شييييييء يسامحنا.

[Dr_Tarek...Max]

الى العزيزة د_اموره

استقالت الدكتور مجدي النواوي لن تكون صاعقة لكم فقط بل لي ايضا
وقد عرفت الخبر اليوم بمنتداكم وفعلا لم اصدق ما اقراءه ان اي شخص يتعرف للدكتور مجدي يتمنى ان يبقى معه للابد
فهو ليس رمز لرجل العلم فقط بل رمز للاب والطبيب صاحب القلب الرحيم
صبركم الله فعلا...........ز
اخوك


طارق

[ABO GOUDA]

مع احترامي ليكم
انا برضه مش مقدر اوي

لاني اول مرة اسمع عنه

بس باين من كلامكم انه حاجة جامدة اوي

بس برضه يا د امورة

انا شايف ان الميكرو مادة ماليجنانت
والله لو طبل بلدي

هيفضل مادة متخلفة
بس يارب انجح فيها


معلش د طارق او امورة

ياريت تكتبولي لينك المنتدى اللي بتكوا عنه

اصلي غاوي لف

[dr_0nline]

فضفضة





والله مش عارف اقول ايه



بس فعلا انا اول مرة اسمع عنه



وواضح انه حاجة كبيرة



دي العملية وصلت لبكاء

انا اول مرة اشوف حد بيبكي على دكتور

انا عن نفسي ببقي نفسي اغتالهم



بس يلا



ربنا يصبركم

وبعدين ولا كارثة ولا حاجة

انتي حسستينا انكو هاتشحتو على باب السيدة

ههههههههههههههه

والله بجد

انا قولت كارثه

انا افتكرته والدك يا دكتورة



معلش انا مش بتريق بس انا متفق مع ابو جودة



وان شاء الله ربنا هايعوض عليكم

[Dr_Tarek...Max]

اللينك بتاعهم هو

www.aim4fun.com (http://www.aim4fun.com)

[ABO GOUDA]

شكرا يا طروقة

[Dr_Tarek...Max]

عينيا ليك يا مان

[Amoura]

انا متشكره يا دكتور طارق على شعورك ومواساتك
وانا مقدره يا جماعه انكم ماتعرفهوش بس أكييد لما تدخلوا المنتدى بتاعنا هتعرفووه وتعرفوا اد ايه هو ساااب فجوه كبيره عندنا
وعلى فكره فعلا الماده دى ماليجنانت بس هو مستوااه جاااامد اوى وكانت الدفعه كلللهااا بتحضر محاضرته واللى كان بيغيب كان بيجى على المحاضره بتاعته رغم انه مكنش بياخد غياب زى بعضهم......

[Amoura]

على فكره انا شفت رد لييك يا د. أبو جوده على منتدانا يا رب تكوون كمان قريت المواضيع اللى عن دكتور مجدى والشعر اللى انكتب فييه

ياااااااااااااااااااااااارب دكتور مجدى مايسيبناش لأن الكليه هتبقى وحشه وضلمه أوى من غيره

[Dr.Max Brother']

ما تفكرينيش

الرمز الوحيد المشرف في جامعة 6 اكتوبر خلاص راحل

ربنا يكرمه مكان مايروح


جـــلال

[مصباح]

شيء محزن .. لكن هذه هي الدنيا

و الله أنا مقدر ان الأسف شديد على فراق أب و أستاذ عزيز - و أقول هذا الكلام و أنا لا أعرفه
لكن على كلام دكتورة أمورة .. فالخبر مأساوي
في ظل نظام تعليم يندر فيه من يمكن اعتبارهم قدوة

لكن هي الدنيا كده
ان شاء الله يعوض عليكو ربنا خير في يوم من الأيام
قولوا آمين

[arownas]

ان شاء الله يعوض عليكو ربنا خير في يوم من الأيام
قولوا آمين


امين




انا اول مرة اشوف حد بيبكي على دكتور


هو صعب جدا تبكي على دكتور
بس بجد في دكاترة يستاهلوا اكتر من العياط لو فارقتهم

اسأل كده على دكتور حسام موافي و لا حسين خيري و لا محمود سالم
Amoura و ساعتها هاتعذر

[ABO GOUDA]

والله انا بدأت احس بيكو

لما بتخيل مثلا ان د رشيد ممكن يسيب الكلية


بس مسألتوش د مجدي لهي قدم استقالته
مادام هو محبوب بالشكل دة

على فكرة اكيد عنده ظروف
مش سهل على اي حد انه يسيب مكان اتحب فيه

[Amoura]

والله سألناه ولكنه للأسف متابع ما نكتب فى سكوووت
ولا أعلم لماذا تركنا وحدنا فى هذه الكليه
احنا بعتناله كمان رسايل خاصه لمنعه من تركنا وانه يسامحنا لو كنا مزعلينه ويستنا معانا
ياريته حتى استنى لحد ما يخرجنا من الكليه ويحتفل معانا وبعدين يمشى
انتوا ماشفتووش حصل معاه ايه فى حفله التخرج اللى فاتت... الخريجيين خدووه وفضلوا يرفعووه فى الهوا كذا مره وبعد كده فضل يرقص معاهم وحضر الحفله كلها كانه والد واحد منهم.

[ABO GOUDA]

معلش

اليوم دة كان لازم ييجي

انتي بتقولي كان يخرجكم وبعدين يمشي
مش هينفع

الدفعة اللي بعديكم هتقول نفس الكلام
وهكذا

اكيد الراجل تعب ونفسه يرتاح

[Amoura]

مهو المصيبه انه مش مستقييييل علشاان يرتاح... ده كتب فى موضوعه انه راجع جامعته (الزقازيق) ومنها احتمال يرووح مكان أهدأ فى دوله عربيه شقيقه مثلا.
والله أنا كان أهون عليا انى اتصدم فى الكليه لما أروح وملاقيهوش أحسن ما أفضل متنكده طوول الأجازه خصوصا ان السنه الجايه هتبقى زفت من كل الجهات.
وبعدين طالما هو حكالنا و قرا ردودنا كان حكا قبل الأستقاله يمكن كنا صعبنا عليه وماسبناش.
الا اذا كان هناك أمل (وهو ده اللى انا عايشه عليه) انه يكون لسه مقدمش الاستقاله وبيقول كده بس علشاان يجس نبض أو يشووف غلاوته عندنا واذا كانت كبيره (وده اللى حاصل) يفضل.
متعرفوش اذا كانت الاستقالات دى بتتقبل دايما ولا ممكن الجامعه تقوول لأ.

[dr_0nline]

انا لغاية دلوقتي



مش قادر استوعب



دا دكتور واحد بس

هوا انتو بتشوفوه كل يوم في الكلية ولا ايه



والله باين عليه دكتور ابن حلال فعلا



دا احنا مش بنشوف العميد نفسه الا مرة او اتنين في المناسبات

ورئيس القسم ما بنشوفهوش غير يوم الامتحان او ما بنشفهوش خالص



ولا حتي نعرف اسمائهم



وبالنسبة للاستقالة

انا شايف ان القرار راجعله هوا



وان شاء الله ربنا هايجبلكو واحداحسن منه ان شاء الله

بس انتو بلاش الحزن ده

[wgh_el2mr]

امين يارب
ويارب يبعتلهم واحد يكون احسن منه او هو يغير قراره ويرجع


وجه القمر

[Amoura]

ياااا رب هو يغير قراره ويرجع
على فكره احنا فعلا بنشووفه كل يوم الا اذا كان عنده اجتماع وحتى لو كان عنده حد مهم وشافنا على الباب بيندهنا على طوول ويشوفنا عاوزيين ايه والشخص التانى قاعد
وعلى فكره أصلا احنا كل الدكاتره بيعملوا معانا كده حتى رؤسااء الاقسام فى كل المواد.

[ABO GOUDA]

طيب
يعني فيه ناس كتير كويسين

وبعدين راجل بالعبقرية دي زي ما بتقولوا
اكيد خرج اجيال واجيال

واكيد اشرف على رسالات ناس في الميكرو
يعني هتلاقوا ناس مش زيه بس قريبين منه