بعد الاعتقال لمدة 8 سنين في كلية الطب [الأرشيف] - قصر العيني

مشاهدة النسخة كاملة : بعد الاعتقال لمدة 8 سنين في كلية الطب

فيرون

21-11-2002, 03:24 PM

بعد ان نقضي 8 سنوات في كلية طب قصر العيني رهناً للاعتقال و الأشغال الشاقة المؤقتة ..... ما المصير !!!!
*مركون في وحدة صحية ريفية أعاني الأوبئه و الأمراض واقبض في اخر الشهر متين وخمسين جنيه أصرفهم على حقن فيروس سي اللي باخدهم واستلف فوقهم ألف جنيه.... بما أن مافيش تأمين صحي للدكاترة
*مندوب مبيعات لشركة أدوية ... شايل شنطة و بالف من الصبح على الدكاترة في المستشفيات و العيادات
*شايل سماعة و جهاز ضغط وداير على القهاوي و على الأتوبيسات ..... في حالة توفرها (90% من محافظات مصر مافيش فيها أتوبيسات نعرف ننط فيها)
*ولو قروي ... أأجر حمارة وادور على القهاوي ... النبض بجنيه و الضغط بتلاته و مشي حالك ياجدع و مين يشتري التوبس مني........(-أهي على وزن الأغنية ... مين يشتري الورد مني-) ...
*مذيع في القناة الطبية ..... بفرض إني وسيم واخنف واسناني مفلقة وعنيا ديقة وخضرا :rolleyes:
*أشتغل في شركة كليك وارفع السماعة و اقول : كليك فودافون في خدمتك يافندم ....
*أشتغل رقاصة و اتحزم بقصطرة واحط في وداني كانيولا أو رباط سرة ....
*اخبي تحت لساني مشرط و في الشراب جفت و أدور على خن واقلبه غرزة و اديها ماكس ولا نخترعلنا مزاج .... مالواحد دارس بيو و فارما امال لازمة العلم إيه :rolleyes: ..... العلم مش في الكراس العلم.... تحت المداس..

:rolleyes: :rolleyes: :rolleyes:

المفروض إن المعتقل إصلاح و تهذيب .... مش المفروض يفتحوا لنا ورش نجارة ولا حدادة ولا حتى خياطة علشان لما نتخرج نلاقي صنعة ناكل منها عيش بدل المرمطة .....
ويلغو تعيين البنات .... البنت مش لازم تصرف على بيتها .... الراجل هو اللي لازم يصرف على البيت .....
مراتي لازم تقعد ملكة متوجة في بيتها و أنا أصرف عليها وعلى الولاد ..... ساعتها مش هنلاقي مشكلة في تعيين الشباب و المرتبات هاتزيد لأنها بتدفع لعدد أقل من الموظفين ...... بس نعمل أيه الحكومة خايفة أحسن يقولوا عليها حكومة رجعية متخلفة متحيزة إسلامية إرهابية ويحطوها ضمن القائمة الأمريكية للدول التي ترعى الإرهاب..... ويرمونا بالهامبورجر و القنابل إياها ويقولوا داحنا مخبيين " بن بلاستيك " زعيم تنظيم التواليت و زعيم حركة تو ستيودنتس "Two Students" ......
شوفوا لنا حل ربنا يارب يخليكوا معتقلين في الكلية دي .,,, واللي يعرفني يبقى يترحم عليا أصلي باين لبختها حبتين ......
المعتقل يفتح ابوابه لجميع الراغبين وسوف يتم اختيار الملتحقين على أساس مجموع الثانوية العامة .....
مع تحياتي .....
القيلسوف .....
فيرون

Alasmar

21-11-2002, 07:06 PM

الله اعلم . يمكن ده تكفير سيئات..بس نصيحة...التفاؤل احسن علشان نقدر نعيش . يمكن تبقى وزير و لا دكتور فى الجامعة او فى مستشفى استسمارى كبير.......*ابقى قابلنى*

فيرون

22-11-2002, 04:17 AM

يمكن يكون قصدك ..... زير على ناصية .... او تور في ساقية و خطك كان وحش شوية....... ساعتها أضمن بس إن كلامك ممكن يتحقق ...
:D :D

Eman Samir

20-12-2002, 01:05 AM

يا جماعة ، لازم نكون متفائلين
على الاقل الناس كلها بتحسدنا على اننا دكاترة بنكسب اد كدة
و أهو الصيت ولا الغنى،
و على رأى المثل " حسدوا الأعمى على طول عكازه"
و بعدين حد عارف ؟؟يمكن تضرب معانا علشان دعاء الوالدين و نشتهر.
و اهو كله بثوابه

المكتئبة دائما :(

مدنجي

29-01-2003, 04:19 AM

احب اقول للاخ فيرون ان الاقتراحات الى اقترحها لينا بعد منتخرج كل الى قبلينا عملوها و بقت بالحجز و التقدير و كمان موضة قديمة..طبعا:D.. انت عاوز تشتغل ضرّيب ماكس محترم و لا رقاصة بتكسب لقمتها من عرق جبينها..
كده..
من غير حجز و لا تقدير :rolleyes: :rolleyes: ....؟

و كمان انا عاندى فكرة احسن..
انت تزاكر و تتجدعن كده يا بابا علشان تلحق مكان فى قهوة السيد مضيع تشربلك كوبايتين شاى و حجرين تفاح " two stones of appels" او حجرين قص "two stones of cut" وتشتغل بالى انت شربته قبل ماتروح..اه..لعلمك اهم حاجة الكرامة..

قبل مانسى ايه حكاية يلغو تعيين البنات دى؟؟؟...
ايه يابنى؟؟؟
امال احنا هنعد على القهوة نعمل ايه;) ;) ;) ؟؟؟؟....
انت عاوزنا نقعد نتكلم فى الكلام الى انت بتقوله ده عن الراجل ابن البلاستيك و لا تنظيم التواليت و لا امـ....ر .. . ... . . ..

قبل ما انسى برده احب انصحك يا اخ فيرون و اقولك:
"اياك و الافراط فى التفاؤل..اياك.."
لان ده ممكن يوصلك لحاجات مش كويسة..

دى..

admin

25-02-2003, 07:20 PM

انا شايفة ان انتو متشائمين زيادة عن اللزوم .

الاطباء اللزين لا يجدون عملا هم الاطباء الفشلة فقط فهناك الكثير من الاطباء اجتهدوا و اصبحوا ناجحين بمجهودهم و فى ظل عمل النساء فالنجاح لمن يثبت جدارته ولكنى ارى انكم تريدون حياة سهله بدون تعب اى تريدون ان يبحث عنكم النجاح وليس انتم من تبحثون عنه وتجتهدوا للوصول اليه.

ونصيحتى اليكم يا اكثر الشباب تشاؤم ان تجتهدوا وتعلموا شيئا واحد
(ان الله لايضيع اجر من احسن عملا)

مدنجي

01-03-2003, 01:32 PM

عشان تعرفى وجهة نظرى فى موضوع عمل النساء.
يا ريت تقرأى الموضوع ده.

مرحباً بالقاضية (http://www.kasralainy.com/vb/showthread.php?threadid=111)

و اعتقد ان اتنى هتقتنعى ان عمل المراه ضد الطبيعة.
و ان عملها ممكن نسمح بيه بس فى بعض الحالات كالطب مثلا.
وان طول ما احنا حاطين فى دماغنا ان الست لو ما اشتغلتش يبقى احنا كده بنظلمها و بندفنها عمرنا ما هنتقدم ولا هنفلح.
لان الست مكانها الطبيعى بيتها.
بالظبط زى اللؤلؤة مكانها المحارة.

و الست شغلها الطبيعى هى صناعة الاطباء و العلماء من اطفالها.
هى لو اشتغلت هستفيد منها هى بس.
لكن لو رَبّت هستفيد من جيل كامل.

اما بالنسبة لموضوع التشاؤم.
انا عاوزك تقوليلى حاجة واحدة تخلينى اتفائل.
و شكراً

دى..

elnounou

28-05-2003, 01:23 AM

يه يا شباب انا حسس انى شويه و هاسمع أغنيه عبد الحليم طريقك مسدودمسدود
لالالالالالالالالالالالالالالالالالا الدنيا لسه فيها خير
و جايز المسأله مش ورديه لكن ولاهى فى امل
انتوا الأيام جايز علشان المذكرة و الجو حر مش مساعد
اكن ان شاء الله ربنا هايكون معاكوا
ام بالنسبه للفرص المتاحه ده مسأله نصيب يا شابا
طب ممكن تجارة وبرضه ميالقيش شغل
وممكن أداب و يعقد فيها 8 سنوات يعنى السنه فى 2 و كده
شد حليكوا بس الأيام ده و ان شاء الله لما تنجحوا ها تقولوا فعلا اصل الأطباء حاجه تانيه
و يجعله عامر..................زز

ابن الحصري

14-07-2003, 07:17 PM

قل لي يا نونو ....:o

هل فكرت في الارتباط ولا لسة نونو بجد ؟؟؟؟

:D :D :D :D :D

ساعتها هتعرف قد إيه المستقبل وردى

:smiley24. :smiley24. :smiley24.
:smiley28: :smiley28: :smiley28:

elnounou

14-07-2003, 08:33 PM

هو انت من هوات كتابه الكلام مرتين

و لا عندك عروسه

عموما يا سيدى ان مش مرتبط

و اذا كان النونو صغير بش حاسب على نفسك

alzheimer

25-08-2003, 12:19 PM

لا تبتئس فيرن فقد يكون المستقبل امامك ورديا و انت لا تراه و تعمل ممثلا (مشخصاتي) مثل يحيى الفخراني او كاتبا مثل د. مصطفى محمود و يوسف ادريس و نبيل فاروق و اعلم ان هناك اطباء يعيشون حياة كريمة لاشتغالهم سائقي تاكسي و ميكروباص و تغير لقبهم من دكتور الى هندسة و اسطى و هناك من يعمل جرسون في شرم الشيخ و يأخذ بقشيش كبير غير المرتب و الاكل بالاضافة الى مكان لنوم مجاني ............هناك الكثير و الكثير من الاعمال ...لا تقلق...لا تقلق...لاتقلق!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!

sara

16-11-2003, 03:35 PM

يعنى ايه يلغوا تعيين البنات يعني هو انتو بتتعبوا واحنا لا ولم انتوا غيرانيين على الاماكن اوى كده ماتشتغلوا أكتر مننا. واو انت ضد عمل الرأه حتى لو كانت محتاجه ابقى خلى مراتك تقعد فى البيت

مدنجي

16-11-2003, 04:00 PM

_عمل المراه ضد الطبيعة. و_ عملها ممكن نسمح بيه بس فى بعض الحالات كالطب مثلا. و طول ما احنا حاطين فى دماغنا ان الست لو ما اشتغلتش يبقى احنا كده بنظلمها و بندفنها عمرنا ما هنتقدم ولا هنفلح. لان الست مكانها الطبيعى بيتها. بالظبط زى اللؤلؤة مكانها المحارة. و الست شغلها الطبيعى هى صناعة الاطباء و العلماء من اطفالها. هى لو اشتغلت هسنفيد منها هى بس. لكن لو رَبّت هسنفيد من جيل كامل. دى..

sara

17-11-2003, 03:48 PM

بيتهيئلى ان المرأة دى كائن حى يعرف يفكر ويحدد هو عاوز ايه عايزة تشتغل تشتغل ومفيش حد فى الدنيا من حقه يتتدخل كمان لو دورت حوليك هتلاقى ألاف الستات بيشتغلوا وبيربوا أجيال فى نفس الوقت وياريت نبطل الافكار الى بتاخرنا أكتر ما احنا متاخرين

Alasmar

21-11-2003, 06:56 PM

ممكن نروح نتكلم فى الموضوع بتاع شغل المرأة دا هناك تحت قسم "فى العضل" فى موضوع المرأة وعمل المرأة.و عشان بردة نبقى بعيد عن المعتقل.....

فيرون

23-11-2003, 07:57 AM

أنا أتمنى لو كانت الردود في الموضوع ده تخص مستقبل مهنة الطب و الأطباء الجدد ... تصريح :أما عن المرأة كطبيبة_فأنا أحبذ عملها في ذلك حتى لا تضطر النساء إلى الذهاب إلى أطباء رجال_ ذلك و ما يترتب عليه من انكشاف عوراتهن أمام غير المحارم ... ذلك وفي كل المهن التي تتم عن طريق احتكاك مباشر مع الحواس كالتدريس و التمريض (أي الفصل بين الجنسين في التعامل ... فيمرض الرجل الرجل و المرأة المرأة )و لو سمحتي ياسارة ممكن تشرحيلي إزاي الأفكار دي ممكن تأخرنا ... أنا مستعد أسمع أي تهزيق ... مافيش مشاكل ... خدي راحتك .. فيرون

sara

23-11-2003, 11:06 AM

_هى المراة دى مش نص المجتمع تخيل نص مجتمعنا قاعد فى البيت فى الوقت نفسه الى هى برة بتشتغل وتفكر وتنتج وان كان على تربية الأبناء فدى مسئوليتها وهى تهتم بيها بطريقتهاو متنساش انكوا بردوا عليكوا جزء من المسؤلية دى_ (ومعلش أسفة لو كانت طرقتى فى الرد كانت حادة شويه فى الأول بس انا كنت متنرفزة اوى)

فيرون

23-11-2003, 02:22 PM

ما هو نص المجتمع قاعد في البيت بيربي النص التاني ...
زائد أنا باقول مش لازم البنت تشتفل مهندسة .... في حين إن سوق العمل مثقل بالمهندسين العاطلين .... وغيره و غيره من المهن التي لا تليق بوضع المرأة المتميز و التي تريد أن تتخلى عنه ...
أنا ماقولتش إنها ما تشتغلشي خالص ...
دي لازم تشتغل علشان تخدم بنات جنسها ... في التعليم و الصحة و لازم يبقى في حلقات اتصال بين المنظومتين رجال - نساء ..

بره .... النظام مختلف ... نظام الدنيا كله مختلف / مختل إن أردنا الدقه ....
( لا يغرنك تقلب الذين كفروا في البلاد * متاع قليل ثم مأواهم جهنم وبئس المهاد )

مدنجي

23-11-2003, 03:43 PM

لا دا نص المجتمع قاعد فى البيت بيربى المجتمع كله "صبيان وبنات" و بيسقيهم من العلم والاخلاق الى اتعلمها من المدرسة او الجامعة او المدرسة الاعظم (نص المجتمع السابق -امهاتهم-)و تعالو هناك فى قسم "فى العضل" نتناقش فى الموضوع دا..دى..

kalamntena

24-12-2003, 02:22 PM

يا جماعة ادونا جديد الاستاد الدكتور المبجل فيرون كان بيتكلم فى الشغل بعد الكلية ايه اللى جاب سيرة المراة وعملها يا عم لما تبقى تتاهل ابقى اعمل الى انت عاوزه محدش هايقولك حاجة اقولكم حاجة احنا عرفنا وجهات نظر بعض فى المسالة دى و مفيش جديد والدليل ان الكلام بيتكرر يا ريت عشان خاطر اطفال المجاعات نقفل على الموضوع ده و على فكرة يا دكتور فيرون لو فى منك اتنين كانت الدنيا اتغيرت

walder

09-06-2005, 12:47 AM

في مثل بيقول ان لازم يكون في ضؤ في اخر النفق بس الى قال المثل ده نسى يقول فين النفق

مصباح

09-06-2005, 05:55 AM

او نسي يقول لازم تتأكد الأول إنك في نفق مش في خندق
!!!

dr_mojahid

02-12-2005, 03:46 AM

el sallam alikom wa rahmat allah wa barakatoh.
i only have an idea which is if only every one of us looks to how generous god was toword him all over his previous life that will be much more enough to trust in karm allah i mean u are in the faculty of medicine and that's means good brains (relativelly)good money (relativelly also)and also good experience of success and that could give u a ponus for the others in any way u choose for ur self and way if only we depend on karm rabena as always we have done in our previous life and remember how god was kareem with us that will be enough reason to change our point of view
mahmoud hamdy

مصباح

02-12-2005, 10:24 PM

صحيح ... الحمد لله

passerinlife

07-08-2006, 08:43 PM

معلش ولا حتى من غير معلش ايه الهبل ده؟ يعنى ايه ان المرأة تقعد فى البيت؟ هو ليه دايما بالنسبة لموضوع المراة ده فيه لازم حد تانى يحدد لها تعمل ايه وتشتغل ايه كأنها مش بنى ادم زى الراجل. هى عبد مثلا تقوله يعمل ايه وميعملش؟ وبعدين ادا كانت الرجالة خايبة ومش قد مستوى الدراسة والعمل فعلى الاقل اعترفوا وبلاش الاعدار الخايبة بتاعة الطبيعة وغيرها دى وان المراة تشتغل بس اعمال معينة وبعدين حلولك اللى انت حطيتها دى اسطوانة مشروخة

dr_ahmed_hani

26-08-2006, 02:55 PM

أنا شايف ان الحل سهل جدا انتو مش شايفين ان الزمن الجاي ده بتاع التجمعات الطبية وليس الأطباء المنفردين مهما كانت درجتهك العلمية ببساطة احنا قدامنا 3 مراحل ان شاء الله
1. محاولة امتصاص الطب من كلية الطب التي لا نتعلم فيها الطب
2.التعلم الحقيقي في احدى المؤسسات الطبية الفعلية
3.انشاء تجمع طبي لينافس في المنظومة الطبية ونكون أطباء بحق وليس مجرد متاجريين بدماء البشر كما هو الحال الان
وكل ده لازم يكون ضمن العمل الجماعي علشان نكبر بسرعة وقوة انشاء الله من بداية من الان والا انتم رايكم ايه؟

dr.dodi

09-09-2006, 01:42 AM

hahahahahaha, it is so funny , thanks allah, you realy encouraged us to join this faculty, realy i love adventures ,
you should be optimistic ..........
وقال رسول الله "ص" تفائلوا بالخير تجدوه " ص"

مصباح

09-09-2006, 07:33 AM

كلامك مضبوط يا دكتور أحمد هاني

--------------------------------------------

باقي مشكلة...

إن الناس لما بتنفذ الخطوة التالتة اللي انت قلت عليها .. بيعملو تجمعات طبية بعضها و يمكن أغلبها بتكون أشد متاجرة بدماء و أموال و أرواح الناس من المستشفيات الحكومية

الاستثناءات في ذلك قليلة .. مثل الجمعيات الطبية الخيرية (رسالة مثلاً .. و غيرها)

أو المراكز الاسلامية زي : (الجمعية الطبية الاسلامية - جمعية محمود .. و غيرهم) ..

أما المستشفيات الخاصة فنادر جداً إنك تلاقيها ماشية بضمير .. و لو حصل بيبقا بشكل مؤقت يعتمد على من يديرها في الوقت الحالي و ما هي سياسته و هايفضل ماسكها أد إيه قبل ما ييجي اللي بعده و يمشي بسياسة الفهلوة .. و هلم جراً

---------------------------------------------

دا مايمنعش إن اللي انت قلته هوه فعلاً الحل الوحيد و الأكيد في الزمن اللي احنا فيه

إيدي على كتفك

كمل جميلك بأه و قول .. انت شايف تجمع معين مرشح ان احنا ننضم إليه .. أم إنشاء تجمع جديد ؟ .. و ما هي أوصاف هذا التجمع القائم أو ما هو تصورك لهذا التجمع الجديد ؟ ـ

--------------------------------------------------

serialkisser

26-12-2006, 06:34 AM

مش عارف ليه كل اما اقرا موضوع في المنتدي دة الاقي حاجتين
اولا نسبة التفاؤل عالية جدا تشجع الواحد انه يطلع عباس ابن فرناس و ينط من فوق الجبل
ثانيا انه دايما يقلب الموضوع الاساسي لموضوع تاني خالص يعني الموضوع الاساسي في حتة و الردود في حتة تانية و غالبا بيتحول الموضوع لعمل المراة تشتغل و لا لا
رايي ان المراة لا يمكن اجبارها علي شئ و لو عايزة تشتغل تشتغل بشرط
ان بيتها لا يتاثر قيد انملة بشغلها
و صدقوني هي الي بتتظلم في العملية دي كلها لانها بتبقي عاملة زي متكون في طاحونة صبح و ليل شغالة

الاء الرحمن

07-01-2007, 12:23 AM

السلام عليكم و رحمة الله و بركاته[color=#FF0000] : :thin1: : :hi:
زميلاتى زملائي الدكاترة دى دعوة لمشروع او فكرة جديدة لتحسين المستوى العلمي و العملي للدكاترة الخرجين الينك ده فيه اهداف المشروع بس شرفونا بالدخول و المقترحات
http://forum.amrkhaled.net/showthread.php?t=85512&page=3

Dr.Ahmed Ragab

03-09-2007, 01:57 PM

هما بقو 8 سنين
الحمد لله احنا عندنا 7
ربنا يعينا

ssskkk

09-09-2007, 08:58 AM

NO COMMENT

كان فى موضوع مفتوح اتقلب موضوع تانى خالصصصصصصصصصص

دى للاسف دايما طريقتنا:smiley19::smiley19::smiley19::smiley19:

Dr.Ahmed Ragab

10-09-2007, 11:02 PM

ايه ده
ايه اللى دخل الكلية على شغل الستات
سلطة

dr.mjramahi

03-11-2009, 10:15 AM

مستقبل طالب الطب

أولا :يعمل في أي مستشفى حكومي ( خلال شفتات الحكومة ) يحصل على 3800 شيكل ( 1000 $ ) تقريبا
ثانيا : يفتح عيادة خاصة بعد الشفتات الرسمية ( يحصل على 3000 شيكل ) ما يقارب ( 800 $ )
ثالثا : يشتغل في مستشفى خاص ويهلك يحصل على 1000$
رابعا : ممكن لو ربنا رازقه يفتح مستشفى ويالله المستشفيات ماشي سوقها اليومين ( طبعا هذا بعد ما يصير عمره 60 سنة )

هذا طبعا للطبيب الناجح اللي دارس كويس
ويا عيني يا عيني اذا متخصص خاصة يكون متخصص أعصاب أو غدد صماء أو جراحة عيون ........... يا حبيبي عالفلوس اللي حيحصلها

يعني في كل الأحوال مستقبل الطبيب مضمون
والحمد لله احنا في فلسطين في حالة حرب والطلب عالدكاترة متل الطلب عالخبز والعيش يعني ما في خوف من أزمة العمل
وبالنسبة لتشغيل الأنثى هون قليل بنات بدرسوا طب يعني مو كتير وما في مشكلة عنا اذا شغلوهم
بنتأمر عليهم شوي وخليهم يريحونا وبشتغلوا بدل ممرضات ههههههههههههههه

kalamntena

04-11-2009, 11:49 PM

dr.mjramahi

05-11-2009, 03:48 AM

ولا يهمك يا
kalamntena (http://www.kasralainy.com/forum/member.php?u=394) 

حتى لو في بنات من فلسطين بدرسوا في مصر
ما في خوف عنا لسا الطب مجاله مفتوح يعني ما في خوف أبدا

بس انا بعرف حظي من هون لأجي اشتغل بكون بطلوا بدهم دكاترة وبس بشغلوا دكتورات هههههههههه
والحل موجود بلبس شال ههههههههههههههههههه

 <script type="text/javascript"> vbmenu_register("postmenu_147016", true); </script>

kalamntena

05-11-2009, 10:15 AM

لا ازاي
ربنا يحفظكو يا رب
<input id="gwProxy" type="hidden"><input onclick="jsCall();" id="jsProxy" type="hidden">

*da_ana*

05-11-2009, 11:03 AM

وبالنسبة لتشغيل الأنثى هون قليل بنات بدرسوا طب يعني مو كتير وما في مشكلة عنا اذا شغلوهم
بنتأمر عليهم شوي وخليهم يريحونا وبشتغلوا بدل ممرضات ههههههههههههههه

:dddd

شكلك حتنصدم بس تيجي قال قليل البنات اللي بدرسوا قال
وبعدين تتأمر على مين :d
انت حتى حكيت بفرض انهم قلال هادي نقطة قوة مش ضعف يعني مش بس احنا البنات نتأمر ونتشرط كمان :dd

dr.mjramahi

06-11-2009, 02:26 AM

هههههههههههه شكلنا ورطنا يا da ana
يالله عالأقل ببلدي ما في غير بنت وحدة بتدرس طب بجامعة النجاح ومصيرها تتجوز برة يعني ما رح اتغلبنا
بعدين انتي بتنكري انه مجال الطب عنا واسع بستوعبنا وبستوعبكم ؟؟؟؟
ما تخافي المستشفيات بتستوعب الجنسين
ومن ناحية التأمر أنا كنت أمزح طبعا الدكتورات ععينا وعراسنا يعني أكيد ما بنقلل من قدراتهم وعقليتهم
بالعكس بريحونا بحيث انهم بتعاملوا مع الإناث لأنه في بعض الإناث ما بتقبل لزلمة يكشف عليها