ممكن مساعده يا جماعه بليز؟

[mazen]

انا خلصت سنه اولي ومحتار ياجماعه اعمل ايه في سنه تانيه اخد دروس ولا انتظم في المحاضرات واذاكر مع نفسي

ممكن اي حد يوجهني ؟

:smiley3: :smiley3: :smiley3: :smiley3: :smiley3: :smiley3: :smiley3: :smiley3: :smiley3: :smiley3: :smiley3: :smiley3:

[dr / MIM]

انت جبت كام.................؟؟؟؟؟؟؟؟؟؟؟؟؟؟؟؟؟؟
و كان نظامك ايه فى اولى........؟؟؟؟؟؟؟؟؟؟؟؟؟؟؟؟؟؟

[mazen]

كنت باخد دروس بس اجباري وجبت جيد جدا بالضبط
بس حاسس ان انا ما استفدش ايس حاجه خالص السنه دي
وكنت بسافر كتير بس المشكله ان انا ما كنتش باعرف اذكر في البيت خالص

[roseangle]

السلامو عليكو


انا رأيي تاخد دروس
و تحضر الحصه مرتين
علشان تفهمها و تحاول تجمعه مع الدكتور كحفظ
و بكده تكون مزاكرتك في البيت قليله و مفيده انشالله
روزا

[dr / MIM]

انا شخصيا مش هكدب عليك ...........انا كنت باخد دروس
لكن فى فرق كبير انى كنت بحاول اركز جدا فى الدرس لان فى ناس بتاخد دروس و مش مستفادة منها خاااااااااااااااااااااااالص
يعنى من الآخر لو هتاخد دروس يبقى الشرط الاساسى انك تتابع مع الدكتور فى الدرس و متنساش تذاكر كويس فى البيت
اما بقى لو مش هتاخد دروس يبقى الالتزام بأى حاجة تسمعها فى المدرج واااااااااجب...........و ياريت تحاول تتابع مع اصحابك اللى بياخدوا دروس..........................و بالتوفيق يا دكتور
dont ever give up hope.............................................. ..............

[roseangle]

انا لسه رأي انك تاخد درس

لأنك هتحس هناك بالحيويه و النشاط

لأنه باين عليك مش بتحب جو الملل بتاع البيت

اما لو حضرت محاضرات لازم تكون شويه نشيط عن كده

ديه خبرتي

و انتا حر

و ربنا معانا كلنا

[kalamntena]

متاخدش درس الا لو احتاجتله ومتسمعش كلام واحد زميلك قدك
هو يعنى كان درس المادة دي قبل كده عشان يقوللك سهلة وللا صعبة
بفضل الله
لا كنت باخد دروس
و بطلت محاضرات من نص تالتة تقريبا
اللهم الا
محاضرات د. حسين خيري جراحة
د. موافي باطنة
د. سيد سيف رمد
د. عبد الفتاح مرعي فارما

و طبعا المحاضرات اللى كانت بغياب

[Ahmed saeed]

و الله انا رأيي انها مش فارقه درس .. مش درس كله محصل بعضه
كمثال :
انا كنت متخيل - لأني كنت عبيط طبعا - ان الطلبة اللي بتاخد مع الدكتور ناجي و انا منهم هتجيب درجات أحسن و كده
على فكرة اسلوب الدكتور ناجي ***و *** جدا
هنا و هنا فقط يصنع الأوائل -
انتوا بس اللي فاهمين -
هتجاوب لأنك فاهم -
و اللي خدوا معاه السنادي أكتر شاهد على كده
عامل زي روتانا سينما
مش هتقدر تغمض عينيك
يخليك تعتقد ان انت لو مش بتاخد معاه هتضيع
--------------------------
بس في الاخر لقيت انها مفرقتش كله زي بعضه


انا عن رأيي الشخصي عاوز ماخدش دروس .. اكيد احنا وانت زينا فهمت الحكاية ماشية ازاي في الكلية و خلاص اتعودت على النظام و دخلت امتحانت القصة مش هتبقى جديدة عليك ... انا افتكر اني اعدت اذاكر اول السنة في الهستولوجي 3 ايام في اول صفحتين .. الكلام ده مبقاش يحصل خلاص

و برده كمان الحكاية مادية شوية ... الدروس مش رخيصة
و حتى اللي يقدر - زي ما واحد هنا في المنتدى مش فاكره و الله كتب -ممكن تستخدم الفلوس دي في حاجات تانية بعدين في تعليمك برده

بس يا سيدي

[brightgalaxy5]

فيه دروس ولا ليها لازمة
وفيه دروس بتبقى مفيده

[mazen]

والله يا جماعه مش عارف اشكركم ازاي علي الاراء الجميله دي وان شاء الله ربنا يوفقنا كلنا باذن الله

بس انا نويت السنه دي اجرب وماخدش دروس واشوف النتيجه
وانا مع راي الدكتور احمد سعد الفلوس ممكن اعمل بيها حاجات افيد بعدين
وميرسي جدا جدا لاهتمامكم بالموضوع
:tamtam: :tamtam: :tamtam: :tamtam: :tamtam: :tamtam: :tamtam:

[STROMA]

انا الصراحه حاسه ان دروس مش دروس



بترجع للشخص نفسه يا ترى هيتاقلم من غير دروس ولا لا



بص يا مازن عايز تاخد دروس يبقى لازم تركز فيها جدااااااااا



وتعتمد عليها



وانا باؤكدلك انك لو ركزت فى الدروس هتجيب درجات حلوة جدااا



انما المحاضرات عايزه مجهود جامد شويه



وانت شكلك مش بتحب التعب



--------------------------



تعليقا على كلام احمد سعيد



بالنسبه لدكتور ناجى او دكتور شريف



مش فارقه



اهم حاجه تذاكر



انا كنت باخد عن دكتور شريف



والصراحه كنت بافهم منه



واى حد يسمع انى باخد عنده يحسسنى انى جايه من كوكب اخر



ويقولى حد ياخد عند دكتور شريف



انتى عبيطه



والله حسسونى انى باخد عند واحد تمرجى مش دكتور



وفيه ناس بتاخد عند دكتور شريف وطلعت من الاوائل وكذلك دكتور ناجى



وفيه ناس شالت الفسيولوجى منهم اللى بياخد عند شريف ومنهم اللى بياخد عند ناجى



يعنى الصراحه مش فارقه بين دكتور ناجى ولا دكتور شريف

[d.m.d]

ربنا معانا كلنا

[mazen]

ميرسي ليكم ياجماعه

وشكرا ليكي يا دكتوره stroma
وربنا معانا كلنا
شكرا d m d

[dr / MIM]

والله عندك حق فى الموضوع ده يا ستروما ......انا فى اولى مكانش فيه حد بيدى فسيولوجى غير د / شريف ......و تقريبا كل اللى كان بياخد درس كان معاه ................المهم فى اللى جاب مجموع كويس و فى اللى جاب مجموع اقل و فى اللى سقط و فى اللى طلع من الاوائل......و على فكرة اول اولى السنة اللى فاتت كانت بتاخد عنده
المهم خلصت السنة و فى اللى شكر فيه ....-و دول كانوا قليلين و انا منهم - و قالوا عليه احسن اختراع بعد الكهرباء.......و فى كثيييييييييييييييييييييييييييييير شتموه و لعنوا اليوم اللى شافوه فيه.............و دول ناس كانوا من الاوائل برضه يعنى الراجل ضيعهم ذى مانتوا شايفين ..............و كل ده حصل بعد ما د / ناجى جه السنة ديه
المهم انا فكرت بعقلانية شديدة و قلت ...ناجى ....شريف ....المهم انا افهم و اجيب مجموع و اهم حاجة اتعلم صح ......و قلت طالما انا كنت مستريح مع الراجل م اكمل معاه هنخسر ايه.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع ان معظم الطلبة سابته و منهم كثير من اصحابى .....و مكنش معاية غير واحد صاحبى بس شاطر اوى و الاولى بتاعة السنة اللى فاتت ...........المهم ظهرت نتيجة الترم الاول و جبت فى الفسيولوجى مجموع مش بطال على الرغم من صعوبة فسيولوجى ثانية....و صاحبى ده طلع الاول .....................يعنى انا مخسرتش على الرغم من كم التريقة اللى كنت بأخذه من اصحابى .......اللى عايز اقولهولك ان صوتك لازم يبقى من دماغك متبقاش فرد من القطيع ...............سواء تأخذ دروس متأخذش ده لازم يبقى على حسب قدراتك و استفادتك من الدرس او من المحاضرة.,...................و على فكرة الاولى السنة دى فى ثانية معتقدش انها كانت بتأخذ درس


فكر و قول.........................

[Alasmar]

اطلب منكو تلقو نظرة على المواضيع دى لعل يكون فيها فايدة



الدروس (http://www.medicine.cu.edu.eg/english/students/forum/showthread.php?t=4185)



نصائح لأطباء المستقبل (http://www.medicine.cu.edu.eg/english/students/forum/showthread.php?t=3987)

الدروس الخصوصية.. (http://www.medicine.cu.edu.eg/english/students/forum/showthread.php?t=445)

و بالتوفيق للجميع ان شاء الله

[noona]

انا رأيى يا دكتور انك ما تخدش دروس وكمان متفكرش انك تاخدها

انا برضة ماخدتش خلال السنين اللى فاتت


ممكن تبقى تاخد المراجعات العملية بس زى ا ناتومى قبل الامتحان العملى
هو دة بس كل اللى انت محتاجة فى سنة تانية كلها
لكن اوعى تعتمد على الدرس فى الشرح او مصدر للمعلومات
الدروس بتخليك مجرد متلقى ويمكن الدكاترة بيوهموك انك فهمت لكن بصراحة اغلبهم طريقتهم ما بتبقاش علمية ابدا
المحاضرة هى افيد واجمل طريقة للفهم
دة المحاضرة حتى لو حضرتها لدكتور متوسط هتكون افيد من انك تسمع شرايط ممتازة فى البيت

اغلب الطلبة اللى بيلجأوا للدروس بيبقوا عاوزين المعلومة السهلة و من الاخر كدة

لكن العلم محتاج تعب فى تحصيلة عشان يبقى لية قيمة عندك

وربنا يوقفنا جميعا
:tamtam:

[mazen]

thanx u for your view