و أخيراً البداية استقالة

[فيرون]

و اخيراً الحمد لله ... استقلت من وزارة الصحة
لأبدأ الطريق


الخطوات:

صلاة الاستخارة
طلب إلغاء تكليف في الإدارة العامة للتكليف بالوزارة
تروح مرة في خلال أسبوع علشان تتأكد إن جوابك ماتركنش
الدور الخامس في المبنى الطويل ... هوا كده ... الطويل .. اللي بتدخل من بابه الوزارة ...بعد أسبوع من الطلب تروح تستلم قرار الإلغاء من مدام سهير و جواب تعمل بيه إخلاء طرف من المديرية و تختمهم من عند أستاذ مجدي .... هاتقوللك تاني مكتب يمين ... ماتنخدعش ... أستاذ مجدي في المكتب الي في وشها
الموافقه على إخلاء الطرف من مدير الشئون الوقائية بالمديرية و مدير المديرية
لو وراك حاجه في الشئون القانونية روح خلصها
جواب إخلاء طرف من الإدارة للوحدة
إخلاء طرف من الوحدة
إخلاء طرف من الإدارة
إخلاء طرف من المديرية
تاخد استمارة 7 لسنة 72 من المديرية و إخلاء الطرف إلى الوزارة
سيب بطاقتك مع مدام سهير علشان هاتديلك الطلبات و أصل قرار إلغاء التكليف
تصور 5 طلبات ل5 شهادات طبيب حر + طلب إنك عاوز الشهادات دي
تشتري بـ 10 جنيه دمغه
تستلم 5 شهادات و قرار إلغاء تكليفك المختوم صورة طبق الأصل
تنزل الدور الرابع تسلم الطلبات في مكتب الشهادات ممكن تجيلهم بعد ساعتين و تقوللهم يغيروا طلب النقابه بـ لمن يهمه الأمر
تاخد قرار إلغاء التكليف للنقابه أو الشهاده المقدمة لها و تنزل السجلات في بدروم النقابه ... ماتخافش ... البدروم مكيف...
تاخد إذن دفع من إدارة السجلات
تروح مكتب 8 يطلع بياناتك من الكمبيوتر
تروح مكتب 7 تدفع حداشر جنيه خمسه و سبعين قرش
تروح مكتب سته بالإيصال و القرار يعمللك شهادة إلغاء التكليف
تمضيها من مكتب السجلات
تمضيها و تختمها من مكتب 9
ماتنساش تعمل صورة طبق الأصل ... ممكن تبقى تحتاجها
مبروك بقيت من الأحرار يابو علي

[dr_0nline]

هههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههه
لا حول ولا قوة الا بالله
انا لله وانا اليه راجعون
الطف بعبيدك يارب
كل ده عشان استقيل
دا اجبار على التكليف بحداقة
لا حول ولا قوة الا بالله
*
بس الف الف الف الف الف مبروك لو كنت استقلت فعلا
بس بالشكل ده اشك مليون في الميه
مستني تعقيبك
دا حصل فعلا يا فيرون؟؟؟؟؟؟

[tabeb]

زمانك كنت حضرت الماجستير

:yadmaghy:

علي العموم مبروك يا دكتور

:smiley20:

اكيد الخطوة دي انت فكرت فيها كويس جدا

السؤال البديهي ماذا بعد؟؟؟

:look up:

[dr kity-kity]

مبروك يا د.فيرون بس خطوة جريئة منك بالتوفيق ان شاء الله انا فكرت فيها من فترة لما عرفت ان النيابات الاستثنائيه اتلغت بس الصراحه ملقيتش عندى الشجاعة الكافيه
طالما استخرت ربنا يبقي اكيد ده الاختيار الصحيح ان شاء الله
ربنا يوفقك

[sameh_ig]

اية الاسباب و اية هو الطريق ؟

[أبو المعاطى شمروخ]

انا نويت ان شاء الله أشوف اى حاجة غير وزارة الصحة اى وزارة تانية
يعنى لو العملة رست على وزارة الصحة مش هستلم واكمل فى شركات الادوية
هل ده صح يا زوى الخبرة ولا تسرع؟؟؟؟؟؟؟؟؟؟؟؟؟؟؟؟؟؟؟؟؟؟؟

[kalamntena]

كفارة يا فيرون
:baloo:
بس انا لفتت نظري حاجة




تاخد استمارة 7 لسنة 72 من المديرية و إخلاء الطرف إلى الوزارة




هي مش كانت 6

[arownas]

السلام عليكم و رحمة الله و بركاته

مبروك عليك حريتك
و الله الواحد بيفكر يعمل زيك كده بس مستني شويتين
شوية لما اشوف هاعمل ايه في الجيش
و شوية لما اجيب جاز على الاخر

يبقوا كده شويتين صح و لا ايه

[مصباح]

أنا كنت مشيت فعلاً في الخطوات دي و أخدت موافقة دكتور سيد مدير ادارة التكليف و كنت مستني الجواب اللي هاروح بيه المديرية ..
لكن رجعت في كلامي و أجلت موضوع الاستقالة دا لبعدين

بس مش عارف ليه حاسس انه مسألة وقت
======================

مبروك عليك حريتك فيرون
بالتوفيق ان شاء الله

[noona]

هو التعيين فى وزارة الصحة وحش اوى كدة

امال احنا هنموت ع التكليف ليه؟؟؟؟

واية افضل من وزارة الصحة؟
المستشفيات الخاصة مثلا؟

[kalamntena]

زورونا تجدوا ما يسركم
عالم ميزو
هنعمل ايه

[فيرون]

نقطة: بتحب الجزر ... انطلق إلى اخر سطر مباشرة
-------------------------------------------

الموضوع كله مشاوير أربع أيام على مدار 10 أيام
1 و 2 في يوم
3و 4 بعدها بأسبوع
من 5 لـ 10 في يوم تالت -لو لحقت طبعا-
من 11 لـ 24 في يوم رابع
ده طبعا لو خطوة رقم 1 موفقه يبقى الموضوع مش هاياخد منك أكتر من 10 أيام

الفرص:
في اليوم الـ 11 ممكن تقدم ماجستير ... لو لحقت ميعاده طبعاً ... من غير موافقة وزارة الصحة
في اليوم الـ 12 ممكن تقدم طبيب زائر ... من غير موافقة وزارة الصحة
بعد كده ممكن تسافر بره .... من غير موافقة وزارة الصحة
هاتتعلم ... من غير موافقة وزارة الصحة
مش هاتبقى تحت رحمة وزارة الصحة بقية حياتك
هاتقوللي معاش و تأمينات ... دول انتى ممكن تعملهم لوحدك مع النقابة ... و إن شاء الله أول ما يجيلك عته أو أي مرض مزمن هتاخد معاشك و تأميناتك عادي ... ده لو خايف على المواضيع دي .. أو حد حاول يخوفك منها
هيا الفكرة الواحد محتاج يتعلم كويس لحد ما ياخد الماجستير إن شاء الله و بعد كده أبواب العمل بإيد ربنا هاتبقى أحسن .. ممكن تفتح عياده أسرع ... ممكن تسافر بره ...
اصبر بس السنتين ونص دول ... خللي نفسك أطول ... صبرت سبع سنين ... اصبر تلاته كمان ... علشان تبقى متخصص ... اضغط على اسنانك واصبر ..
زائد في حياتي نقاط طريق أخرى معتمدة على الماجستير .. و مش عاوز أأخر النقاط دي علشان دي نقاط مشتركة بيني و بين إنسانة تانيه
المشكلة في الوزارة انهم عاوزينك تبقى موظف ... و تتعلم اللي هما عاوزينك تتعلمه ... في الوقت اللي هما عاوزينه ... ولأني مش عاوز الجزرة بتاعتهم اللي عاوزين كل الدكاتره الجداد يريلو عليها ... الصراحة هما ابتكروا جزرتين افتراضيتين...
Virtual Carrots
الزمالة في تخصصات محدده و النيابة العاجله في نفس التخصصات
يأتي الدور على الطرف الاخر ... عنده هدف و طريق ليه ... والا هايقبل دور الأرنب ...
هاتقولولي و ماستقلتش من بدري ليه ... أو كنت ماستلمتش أصلاَ ..
هاقوللكم أولا كنت محتاج وقت لجمع المعلومات ... زائد قرار الاستقالة كان محتاج يبقى أكتر صلابة و أنا برضه !!
و في خضم الموضوع اكتشفت اني ممكن أسجل ماجستير بأجازة بدون مرتب لمدة سنة ...
وان مش لازم تستنى ست شهور علشان تعمل إجازة ...
و إن الإجازة من المديرية ... عاوزين يافقوا عليها يوافقوا .. مش عاوزين ... يبعتوك ست شهور ..
و إنك ممكن تقدم نائب زائر من تاني يوم لإخلاء طرفك من القصر العيني بعد الامتياز ... و تستلم قبل النائب الأساسي
و تحضر كنائب زائر بموافقة رئيس القسم بس لحد ماتخلص باقي موافقاتك ... موافقة رئيس القسم بتخلص في خلال ربع ساعه .. مجرد إبداء فروض الطاعة و الولاء لسيادته و تقديرك في التخصص يبقى مشجع
معلومة ... تكلفة الاستقالة بدون مصاريف الانتقال 10 جنيه دمغه في الوزارة بمعدل جنيه على كل طلب و جنيه على كل شهاده و 11 و ربع جنيه في النقابة يبقى كلهم 21 وربع لو مافيش عليك حاجه في الشئون القانونية .. كنت غايب في أيام قبضت عنها مرتب
Hint:
للمرة المليون ... ماتفكرشي في الشغل قبل الماجستير ... يبقى كل الكلام اللي فات مالوش لازمة

[brightgalaxy5]

ربنا يكرمك يا فيرون

[مدنجي]

فيرون سبق مدنجى
ربنا يعينى و يسهلها معايا و يوفقنى للأستقالة بعدك يا فيرون

هتقولو لى انت عاوز تستقيل ليه؟؟

هقول لكو نفس الكلام الى قاله فيرون

و بالاضافة اليه
انى متعودتش اضحك على نفسى
و الواحد بصراحة بشغلة فى الوزارة بيضحك على نفسه
و هنا بحب اوضح ان شغل الوزارة هو الى هبل و ضحك على الدقون مش شغل الممارس العام
الواحد لو اشتغل ممارس عام صح او حتى طبيب اسرة صح بيقى مبيضيعش وقت
لكن للأسف انت بتشتغل موظف
و هتتحول لغبى منه فيه بعد فترة قليلة
و دا مش لأن الى بتتعامل معاهم كلهم اغبية
لا مش مشكلة دا عادى و معروف و موافقين عليه
عادى جدا ان يكون الى اقل منك فى المستوى العلمى اقل منك فى التفكير و الذكاء و دا مقبول و حتى كمان ميبقاش غباء منهم
لكن الى مش مقبول ان رؤساءك فى الشغل اغبى من الغباء
و ملهومش دعوة بالطب خالص
اهم حاجة الورق و الاعمال الادارية
دول مظبوطين خلاص تمام
انت كدا فى المظبوط
و حاجة تانية كمان ان مفيش حد اكبر منك تتعلم منه
و لو فيه هيعلم الطب الحلمنتيشى المبنى على نظريات الخيال العلمى و التيكست بوك بتاع سنة 1960

يعنى الواحد لو ملوش فى النيابات او الزمالات السريعة الى منزلاها الوزارة
يبقى يستقيل احسن
و هو الكسبان
لأن الوزارة اليومين دول توجهها كلة ناحية التخصصات النادرة دى
و التوجة الاكبر نحو طب الاسرة
الى عامل غاغة و قلبان فى كل اروقة الوزارة

اللى له فى الحوار دا اقول له استمر فى الوزارة
انت مش خسران حاجة بالعكس انت الكسبان و انا حترمك و احترم وجهة نظرك

لكن الى ملوش فى الحوار دا يبقى غلطان غلطان غلطان لو استمر لحظة واحده فى الوزارة

حاجة تانية ممكن الواحد يستمر فى العمل فى الوزارة
لو له فى الطب الحلمنتيشى بتاع المستوصفات
ممكن يتعين فى قرية
و يعمل فيها اسم
و يروّح كل بوم ب 100 جنية
لكن عمرة فى حياته الممتدة بأذن الله ما هيروح بأكتر من المبلغ دا
و هيفضل طول عمرة عايش حلمنتيشى
بس هيتجوز
و هيجيب العربية كمان



سؤال مهم جدا

انا ليه لسا مقدمتش استقالتى؟؟؟؟

بالرغم انى ناوى و مقتنع بالحكاية دى تماماً...!!!!
الاجابة ممكن تكون مبرر ملوش محل من الاعراب
يعنى برده ممكن تكون حاجة بضحك بيها على نفسى
بس هى برده منطقية الى حد كبير
و ناقشت فيها ناس اكبر منى
و سبقونى بالخبرة و بالفترة الى بمر بيها دى
و الى هيا فترة من اصعب الفترات الى ممكن تمر بيها فى حياتك
لأنك مش عارف رايح فين ولا جى منين
و ناقشت فيها برده استاذى
و ناقشت فيها والدى و والدتى
الى هيكون عليهم عبء تحمل تكاليف دراستى فى الماجستير لو ربنا موفقنيش للعمل بأى عمل جانبى
(ملحوظة لازم دايما تعمل حساب الاسوأ)
(ملحوظة تانية انت كدا كدا اهلك هيفضلو يصرفو عليك فى الوزارة و غير الوزارة لو ملقتش شغل جانبى لأن ال250 جنية ميجيبوش تمن المواصلات من البيت للوحدة الصحية و من الوحدة الصحية للبيت)
و الى اتفقت معاهم على تأجيل التفكير فى موضوع الارتباط تماماً و الى اجل غير مسمى لغاية لما اعرف انا رايح فين وجاى منين
و على فكرة انا ناقشت فيها فيرون و بقية اصدقائى كمان
لأن الموضوع مش سهل و لا بسيط
زى ما هو باين كدا
(ملحوظة الموضوع سهل و بسيط !! و لو مستقالتش تبقى عبيط)

ايه بقى الاجابة؟؟؟؟؟؟؟؟؟

الاجابة هى

الجيش

الجيش و الخدمة الوطنية ايها السادة

هتعمل ايه لو استقالت و قدمت فى الماستر
و بعد كدا لاقدر الله لا قدر الله
الواحد لبس له تلات سنين ضابط احتياط
ودا شيء وارد
هيعمل ايه؟؟
هو هياخد الماستر و هيطلع اخصائى من الجيش
لكن هل هيتعلم حاجة
ممكن يتعلم

و دا فى عده احوال
تخصص سهل مش عاوز ممارسة كتير و ممكن يمارسة فى الجيش زى الباطنة و الرمد و الانف واذن و الجلدية او غيرة و غيرة من التخصصات الى من النوع دا
او هو من مواليد النص التانى من العام
يعنى مش هيدخل الجيش الا بعد مرور حوالى 10 اشهر من نهاية الامتياز
و ضيف عليهم انه قعد شهرين فى امتيازة فى التخصص بتاعة دا
يعنى هيدخل الجيش بخبرة سنة بالاضافة لعملة فى الجيش بتخصصة دا لو ربنا وفقة يعنى و اشتغل بتخصصة دا فى حتة فى الجيش
و لو كان تخصصة دا من التخصصات السابق ذكرها مش عاوزة شغل بالايد كتير
يبقى كدا تمام قوى
خبرة اكتر من سنة و ماستر و تعليم صح و تمام ان شاء الله
و بالتوفيق لكل من اختار الطريق دا
و بالتوفيق يا فيرون
ادعو له يا جماعة

انما لو كنت من مواليد النص الاول من العام
يعنى تجنيدك بعد نهاية امتيازك بست شهور
و دماغك زى الجزمة و مصمم ومتربس على جراحة عامة او جراحة قلب و صدر او جراحة اى زفت او اى تخصص عاوز ممارسة يدوية كتير و خبرة
هتعمل ايه لو لبست يا معلم؟؟
فى الحالة دى بيظهر خيار تانى
و هو انك تقدم فى نيابات الوزارة الى بقت بتنزل بعد سنة
(مهو انت لسا مستقلتش و انت فى الجيش محسوب على الوزارة و كأنك فى التكليف تمام او انت مكلف و كأنك فى النيابة برده لو انت نايب)
و لو تقديرك كويس ممكن تلحق نيابة فى احدى المستشفيات التعليمية
و فى الحالة دى ممكن تتعلم كويس
اكيد مش زى القصر العينى
لكن اكيد برده مش زى مستشفى ابو جهل العام

و لو لبست جيش سنة -جندى يعنى او عسكرى زى ما بيقولو-
يبقى هتاخد نيابتك قبل ما تطلع من الجيش و تطلع من سنة الجيش على النيابة عدل
و لو لبست تلات سنين -ضابط احتياط يعنى او ظابط زى ما بيقولو - لا قدر الله يبقى سنتين نيابة فى الجيش و سنتين نيابة فى الحتة الى انت جاتلك نيابة فيها

خلى بالك كدا كدا لو قدمت فى نيابات الوزارة مش هتقدم فى الماستر الا بعد مرور سنه من النيابة يعنى متأخر سنتين عن المستقيل او نايب الجامعة الى بيقدمو مباشرة
(سنة الجيش الى محسوبة كأنها من التكليف و السنة الى لازم تستناها فى النيابة بعد كدا تاخدها ان شاء الله)

بص بقا لو الواحد استقال قبل ما يعرف هو هيعمل ايه فى الجيش
و لا هيطول نيابات الوزارة
و لا هيطول انه يتعلم
ممكن يطول الماستر
بس الماستر هيعمل بيه ايه من غير تعليم؟؟
ممكن يتعلم فى الجيش
لكن مش مضمون


لذلك اتجهت النية ان شاء الله على الاستقالة لو ربنا اكرمنى و اتأجلت من الجيش

(ملحوظة حتى الآن و بعد توقيع الكشف الطبى عليا فأنا لائق و مرشح ضابط احتياط و ميعاد الارجاء يوم 6-9 و دا الى هيتحدد فيه هتأجل ولا هلبس ادعولى بالتوفيق للخير ان شاء الله سواء التأجيل او اللبس)

و دا هيخسرنى فرصة التقديم للماجيستير السنة دى
لكن مش مشكلة
حتى لو خسرت الفرصة السنة دى
فأنا كسبان التعليم
و كسبان سنة كمان بدرى تقديم فى الماستر عن نواب وزارة الصحة الى كدا كدا زى ما قولت ليكو بيتأخرو سنتين

و لو لبست جيش
يبقى الخيار زى ما اوضحت و شرحت لكم ايها السادة

لسا برده حاسس انى بضحك على نفسى بأستمرارى فى الوزارة و عدم تقديمى للأستقالة
لكن زى ما انتو شايفين
انا حسبتها بالورقة و القلم
و كلمت كل الناس
انتو ايه رأيكو
اروح استقيل دلوقتى
و لا انتظر لغاية 6-9

اقول ايه؟؟
يا بخت البنات مريحين دماغهم من كل الكلام و العك دا
بس نصيحة
لكل شاب و كل شابة ملهومش جيش
و عاوزين يتعلمو
طلقو الوزارة بالتلاتة
انتو الكسبانين
الا لو انتو عاوزين تضحكو على نفسكو زى مدنجى كدا
او عاوزين تبقو موظفين و دا مش عيب و لا حرام البلد برده محتاجة موظفين و اداريين على كفاءة و الى يختار السكة دى احترمة جداً


انا كتبت كلام كتير قوى
بس دا على سبيل الفضفضة
و على سبيل الافادة للأجيال القادمة ان شاء الله

و بالتوفيق للجميع بأذن الله

دى..

[فيرون]

هيا الفكرة انتا حطيت الجيش فين في المعادله ... هل هو عنصر أم عامل حفاز أم بيئة التفاعل
كده يبقى عندنا حالتين ..
اللي عنده حالات تانيه يقابلنا عند دكتوره كلمنتينا في عالم ميزو

[مصباح]

ربنا يكرمكم يا فيرون و يا مدنجي

استعراض رااااااااائع و الله
بارك الله فيكم

أنا نفسي و الله مش عارف بالظبط أنا مكمل ليه
لما روحت قدمت استقالتي و رجعت سحبتها بعدها بتلات تيام تقريباً ... د. سيد (مدير ادارة التكليف) بص لي بصة غريبة ..كأنه بيقوللي ليه يابني ؟ !!!!! ـ
ليه راجع للهم تاني ؟ انت مش كنت خدت القرار ؟! ـ
و لقيته بيقوللي : ايه يا أحمد رجعت في كلامك
و قام متنهد تنهيده كده .. و ماضي على طلب الرجوع في الاستقالة بـ"لا مانع" على مضض .. و كنت حاسس اني صعبان عليه بجد
===========

هاحاول أقرص على نفسي و أطلع من راسي إلى المنتدى إجابة السؤال : أنا مستمر ليه
أنا راجل قررت ان طريقي هو طريق الشهادات الاجنبية
و فكرة اني أفتح بيت هيا فكرة خلاص تم السير فيها .. انا دلوقتي عاقد .. و الفرح بعد العيد الصغير ان شاء الله - و انتم معزومين مش عايزة كلام
و الجواز محتاج مصاريف و مضطر اني اشتغل شغل جانبي
الحمد لله وفقت في اني ألاقي شغل جانبي لا بأس به
لكن ضيق الوقت مشكلة
الشغل الجانبي مع مستلزمات الجواز مع مذاكرة الشهادة الأجنبية مع اليومين اللي باروحهم محافظة الفيوم الشقيقة .. كل دا مش ماشي مع بعضه كويس
بالبلدي مش ملاحق
و اللي بيقع عادة هوه المذاكرة .. لأن مالهاش جدول معين بتحاسب عليه
الشغل و فيه ناس متابعيني .. و التكليف و فيه حضور و غياب .. و التجهيزات بتاعت الجواز دي التزامات عائلية
يبقا المذاكرة هيا الضحية .. مع انها أهم حاجة

اللي مصبرني ع التكليف انه يومين مفيش غيرهم حتى الآن .. الحمد لله .. لكن حتى رغم انهم يومين بس .. مش عاجبني الحال
أنا باروح ليه؟

بصراحة الأمان الاجتماعي بتاع "الاحتمالات" اني يجيلي حاجة كويسة في الوزارة .. ازاي مش عارف
زائد خوفي من الدخول في "معركة" مع أهلي بسبب قلقهم الزائد عليا اني أكون "في الشارع" رغم ان الشارع أنضف م الوزارة لكن تقول لمين بقا
دول السببين المنطقيين
أضف اليهم فكرة رومانسية عن خدمة البلد في يوم من الأيام عن طريق الوزارة لو بقيت حاجة كبيرة .. بس هوه خدمة البلد ميجيش الا عن طريق الوزارة؟ مش عارف بس باحس ان القطاع الخاص بيخدم الأغنياء ... و الفقراء محتاجين حد يخدمهم
كلام رومانسي ميأكلش عيش حاف
أهي فضفضة برضه

و لعل للحديث بقية ان شاء الله

[dr_0nline]

كلام في الصميم
*
no more comment

[أبو المعاطى شمروخ]

الموضوع ده من أحسن ما قرأت
شكرا
دكتور فيرون
مدنجى
مصباح

والله انا ما لاقى كلام اعبر بيه عن اعجابى بحضراتكم وازاى انكوا مبتبخلوش علينا بالخبرات دى
وجميلة اوى اوى اوى بتاع مستشفى أبو جهل العام دى

[مدنجي]

الفكرة انك تقدر تستقيل من الوزارة
لكن متقدرش تستقيل من الجيش لو لبست فيه
فهو ان جاء فهو شر لا بد منه
انا مقصدش انه شر فى حد ذاته لا انا اقصد فى العطلة بتاعتة

مش معقول الواحد يبقى نفسه يتهرب من الجيش و يشتم فيه و فى سنينه و فى نفس الوقت يشتم فى الحكومة و فى السياسة و فى ضعف الجيش المصرى الى هو اساسا قوى بالموارد البشرية الى فيه

الجيش هو عنصر و عامل حفاز و بيئة التفاعل كل دول
او بمعنى اصح حدث ممكن وقوعة
و على ضوءه الواحد ممكن يتصرف
حاجة كدا زى الالجوريزمات بتاعة الدكتور حسين خيرى بتاعة الجراحة

يعنى لو حصل كذا تعمل كذا و لو محصلش تعمل كدا

و العلاج بيمشى على خطة العلاج التحفظية لحين حدوث الحدث
يعنى اعقدها لك اكتر بمثال
I will wait and conserve upon the limb untill the gangrene demarcate
then I will amputate the gangrenous part
الى هو الوزارة يعنى
او
I will revascularise if the is no demarcation with hope of improvement of the limb
و مش على امل تحسن الجزء الميت
لأن دا مبيحصلش طبعا
الجزء الميت ميت
و لابد ان يتم بتره
بس ممكن اقول
على امل ان الواحد ميفقدش كل حاجة
بدل ما يعمل بتر فوق الركبة يعملة تحت الركبة و دا افضل بكتير بعد تركيب الاجهزة التعويضية فى المشى تانى عادى بدون مشاكل

يعنى هى وجهة نظر
انا مستنى الــ
demarcation
الى هو الجيش يعنى
هيبقى فوق الكبة ولا تحت الركبة

و بمناسبة الحديث عن جراحة الاوعية
خلو بالكو من خبرتى فيها
الحكاية فى احوار كتير جدا بتنتهى بالبتر حتى بعد عمل الريفاسكولاريزاشن
و دا بيبقى حفاظا على حياة العيان

و على رأى الدكتور حسين خيرى
Life before limb

و الحدق يفهم

ممكن طبعا كل دى تبقى حجج فارغة
و كل دا عشان الاسباب الى ذكرها الاخ مصباح كمان
بس خلاص فات الكتير ما عاد الا القليل

يوم
6-9
ان شاء الله هشيل الدريسنج و هشوف الرجل بقت عاملة ازاى

و بطل تقطيم فيا بقى يا فيرون
متحسسنيش بالذنب اكتر من كدا

انا بالفعل حاسس بالذنب بالاستمرار بالوزارة
لأنى اقدر استقيل و اتعلم
لكن معلش بقى انا مقدرش استقيل من الجيش
و كمان لعل فيها خير
يمكن ربنا يكرم الواحد بنيابة فى حتة كويسة و تكون افضل من موضوع النايب الزاير
و يشتغل مع اساتذته تانى كمان


أضف اليهم فكرة رومانسية عن خدمة البلد في يوم من الأيام عن طريق الوزارة لو بقيت حاجة كبيرة .. بس هوه خدمة البلد ميجيش الا عن طريق الوزارة؟ مش عارف بس باحس ان القطاع الخاص بيخدم الأغنياء ... و الفقراء محتاجين حد يخدمهم
كلام رومانسي ميأكلش عيش حاف
أهي فضفضة برضه

معلش يا عم مصباح اسمح لى ارد عليك و اقول لك
انا فكرت فى الحكاية دى قبلك
انت يعنى و انت بعد ما تستقيل مش تقدر تخدم الناس
بل بالعكس انت يعنى مش هتقدر تخدمهم بصورة افضل كمان بعد لما تكون اتعلمت و اتظبطت؟؟
انت يعنى مش لو بقيت نايب فى اى خرابة انت كدا مش برده بتخدم الغلابة و ببلاش؟؟
حتى لو انت فى القطاع الخاص متقدرش تخدم الناس ببلاش؟؟
و حتى لو اخدت منهم فلوس انت كدا مش بتخدمهم مرة انت بتخدمهم مرتين كمان مرة بعلمك و بعلاجك ليهم و و مرة بفلوسهم الى هتترد عليك براحة نفسية و استقرار او استفادة بعلم جديد هيترد ليهم تانى على شكل علاج افضل و علم احسن؟؟


معلش انا جاى اهدى النفوس
اوعى تسمع كلامى يا مصباح
و بعد كدا ترجع تقول مدنجى الى قالى
ساعتها ولا اعرفك

يا ابنى عقلك فى راسك تعرف خلاصك
انا بقول وجهة نظر و رأى
بس


دى..

[مدنجي]

معلش حاجة تانية حبيت اقولها
الواحد بيعيش حياتة دى مرة واحده بس مفيش حياة تانية
و كل يوم بعدى عليك بيعدى عليك مرة واحده بس و مش هيرجع تانى
و الفرصة لما بتيجى فى لحظة فهى بتيجى فيها مرة واحدة بس لأن اللحظة دى مبتتكررش
و العمر مهما طال قصير
و انت قدامك الخيار
(معلش فيرون قلبها جزر و انا قلبتها خيار و دا بمناسبة ان الموضوع بقى سلاطة)
عايز تبقى عادى ارنب زى الارانب التانية ماشى
عايز تتمرد على الواقع و تبقى مختلف ماشى

الموضوع يستحق المغامرة
و مع المغامرة بتيجى المخاطر
و مع المخاظر بتيجى المتعة
و بعد كدا بييجى النجاح بأذن الله
و لو جاء الفشل فأنت كسبت شرف المحاولة
و استمتعت بمتعة المغامرة
و كدا كدا انت مخسرتش حاجة
لأنك كنت هتفضل زى ما انت بتجرى ورا الجزرة الى بتجريك وراها الوزارة
عادى ارجع اجرى وراها تانى
(ملحوظة الوزارة بتيح لك فرصة الرجوع للجرى ورا الجزرة من تانى)

او ارفض تانى و حاول محاولة تانية
و غامر مغامرة تانية
اكيد هتنجح
طالما نيتك خير
و طالما انت مثابر و طموح
و مش مشكلة تموت و انت بتحاول

احسن ما تموت و انت بتجرى ورا الجزرة


انا هموت على الست شهور الى الواحد ضيعهم فى الوزارة

و الله اعلم ايه الى ممكن يحصل لى لما ادخل الجيش
بس اكيد ساعتها هرضى بأمر الله

بس ارجع و اقول كلمة قالها لى استاذى
مش مشكلة الى فاتنى
المهم ميفوتنيش تانى

دى..

[sameh_ig]

معاكوا ربنا بقى

دة انتوا طلعتوا دكاترة طيبين قوى قوى قوى قوى

بقى من اول حادثة مع الحكومة والوزارة و اول 6 شهور تقول الكلام دة


و استقالة و كلام كبير

على فكرة انا ضد هذة الفكرة تماما و هتعرف معنى كلامى بعدين



و بعدين انتا مين خلاك تمشى وراء قوانين الوزارة كلة بيضرب يا ريس


و اذا كنت خايف من الجيش احب اطمنك انة هو كمان بيضرب اليومين دول

و على يدى :smiley2:



فعلا منتدى القصر العينى هو منتدى الدكاترة الطيبين :bye:

[أبو المعاطى شمروخ]

سامح باشا انا عايزك توضحلى اللى فى دماغك يازعيم
دا انا الموضوع ده داخل دماغى

[مصباح]

و أنا كمن عايز دكتور سامح يوضح اللي في دماغه
حتى الآن هو لم يدل بدلوه بعد !

=======================

سؤالين يا مدنجي و يا فيرون

الأول : لغاية إمتى أقدر أرجع في الاستقالة ؟
بمعنى لو لغيت تكليفي ممكن أرجع و أطلب إعادة تكليفي ؟ الدليل بيقول كده و أنا فهمت ده نوع من الرجوع في الاستقالة بس لحد إمتى ؟ الستين يوم المعروفين و للا أكتر؟ ـ

الثاني : هل أكيد أكيد ممكن آخد أجازة بدون مرتب دلوقتي من غير اشتراط قضاء مدة معينة في التكليف ؟ ـ

[مدنجي]

اولا كلام سامح واضح
هو يقصد ضرب شهادة طبيب حر
موضوع قديم و كل الناس عارفاه
و معناها انك بتروح تزور شهادة طبيب حر
و تحضر بالشهادة الى انت ضاربها الماستر
و السكة معروفة
و لو عايز حد يدلك عليها موجود
و ناس عملتها قبل كدا كتير
لكن
الحكاية دى خلاص بطلت لأنهم قفشوها
بالرغم انى كنت متأكد انهم عرفينها و مطنشين
بس المهم انا سمعت انهم قفشوها و الغو نتيجة الجزء الاول من الماستر للى كانو مسجلين بالطريقة دى
دا كلام سمعته
و بصرف النظر صحيح او خاطئ
و بصرف النظر انك حتى لو قدرت تعمل كدا
هتفلفص من الوزارة ازاى
و حتى لو قدرت تفلفص من الوزارة و دا ممكن و وارد
هتتعلم فين
و حتى لو لقيت مكان تتعلم فيه
هيبقى زيك زي النايب الاساسى
و لا حتى زى النايب الزاير المستقيل
اشك
و بالرغم من كدا تقدر تعملها ورينا شطارتك
و ربنا يوفقك

بس فيه حاجة
منبقاش قاعدين نشتم ليل نهار فى التزوير و المزورين و نيجى فى الآخر احنا الى نزور
يعنى متزعلش لو حد زور عشان ياخد حاجة مش من حقة
و منبقاش قاعدين نشتم ليل نهار فى الواسطة و المحسوبية و الرشوة و نعملها احنا عشان نخرج بأعفاء من الجيش
يعنى برده متزعلش لو جيشك اتخرب او حد فى مكان تانى طلب منك رشوة عشان يمشيلك مصلحة
انت طلبت كدا
انت عاوز كدا

هتقول الناس كلها ماشية كدا اليومين دول
ماشى
هما غلط
نبقى غلط احنا كمان؟؟؟؟؟

طب ليه طالما قدمنا الابواب الشرعية



فعلا منتدى القصر العينى هو منتدى الدكاترة الطيبين :bye:
لا يا سيدى منتدى القصر العينى هو منتدى الدكاترة المحترمين

ارجو انى اكون غلطان فى فهمى لكلامك
و متأسف جداً بجد لو كنت اسأت الظن بيك
لكن دا الواضح من كلامك
و دا الى فهمته من كلامك
و ارجو التوضيح
و ان شاء الله اكون غلطان


دى..

[مدنجي]

بالنسبة لأسئلة مصباح
اجابة السؤال الاول
معرفش
اجابة السؤال التانى
اعتقد ممكن
لأنى فى مرة من المرات بخلص ورق فى المديرية
و كان منضمن الاجراءات امضاء الموظفة المسؤولة على الاجازات
و سألتها قالتلى تعالى و انا اعملك اجازة دلوقتى حالا
و اسمها اجازة تحسين دخل
بس هاتلى عقد او ورقة من الحتة الى انت هتشتغل فيها


بس

و اى خدعة

دى..

[فيرون]

نحسبها تاني:




المعطيات ... وقت ... وزارة ...




المطلوب: شهاده علمية مثال ماجستير ... في أقل وقت ... خبرة إكلينيكية ... مال




خل بالك ... كل حل وليه مدخلات و كل مدخل أو أسلوب ليه




Cost effectiveness




و مخرجات و كل مخرج ليه




Relative Impact




لو في جيش .... و استقلت ... يبقى كسبت وقت وحضرت ماجستير... فاضل التدريب ... الحل الأخر: تفضل في الجيش حاطط إيدك على خدك و وقت الجيش يبقى أكبر كارثة ضياع وقت في حياتك ... بعدها الامتياز طبعا ... طب ناوي تعمل إيه في الجيش ؟؟؟ تحضر عفاريت؟؟ زائد ممكن جيشك يطلع في مكان كويس و يبقى ضيعت على نفسك فرصة التدريب




لو مافيش جيش ... واستقلت ... يبقى برضه كسبت وقت ... وبدأت التدريب مع تحضير الماجستير ... الحل الاخر: تستنى سنتين علشان تحضر ده لو انتا ماركنتش للراحة ... لقيت اني بدأت أنسى الطب تدريجيا بعد شهرين في وزارة الصحة ... و اكتر بدأت أنسى الانجليزي و بدات أنخرط في حياة زونبة الزملاء و ملاعيب الإداريين **




يعني عدم الاستقاله قبل النصف من شهر أغسطس حسابياً يعني خسارة بنسبة 100% -ياريت حد يراجعه-




50 خسارة احتمال انك ما دخلتش جيش




25 % خسارة الماجستير لو دخلت جيش و ماسجلتش




25 % خسارة التدريب لو انتا دخلت الجيش في مكان كويس




"غالباً هنحتاج نقسم 25+25 على 2"




المال : عاوز فلوس .. انطلق من قاعدة ثابته يعني لو قلنا انك قدامك 10 سنين عاوز تعمل فيهم "س" فلوس يبقى:




ممكن تبدأ في تكوين الـ س فلوس من أول يوم وساعتها احتمال انك تكونهم وارد بس هاتتعب قوي طول العشر سنين
أو لو أخدت تلات سنين تظبط فيهم نفسك و بعدين تكون الـ س فلوس ساعتها ممكن تحضر 2×س فلوس .... في نفس الوقت و يبقى تعبت في اول تلات سنين بس


الفكرة يا جماعه في إن اللي بيرتاح و يتعود على نظام وزارة الصحة بينام على الاخر و بيبقى هدفه هو تحقيق أقصى استفاده من النظام









**( تخيلوا أنا عملت إجازة يوم 29 يونيو لـ 10 يوليو علشان اخلص ورقي في القاهرة ... رجعت الوحدة يوم 11 لقيت الإدارية بتقول إن مدير الإدارة لغى لي الإجازة قال إيه عاوزني أرجع ... الكلام ده من غير حد مايبلغني ... واكتشفت إن الإدارية و الزميله كانت واسطة الخير في الموضوع ده علشان الدكتوره عاوزه حد معاها ... مش مدير الإدارة ... قررت مارجعشي الوحدة تاني ولما كنت باخلص ورق الاستقالة اكتشفت إن الإدارية و الزميلة طبيبة الوحدة عملوا لي 8 إنذارات في 30 يوم!!! مع إن عندهم جواب رسمي بيقول يخلى طرفه للتجنيد يوم 5 يوليو يعني في نص أجازتي!!! يعني لو ماكنوش طبقوا الإجازة المفروض ابقى منقطع 5 أيام بس!)



معلومة .. لما رحت احطلهم طلب إلغاء التكليف لقيت ورقتين على باب مكتب إدارة التكليف ...
نموذج طلب إلغاء التكليف
نموذج طلب العودة إلى الوزارة
و في صاحبنا التاني مكتوب ...
الدرجة التي حصل عليها الطبيب أثناء غيابه عن الوزارة و تاريخها و مكان الحصول عليها
عندي ليك 10 جنيه لو لقيت القرار رقم 29 لسنة 74 الخاص بتكليف الأطباء ... هاتلاقي فيه المدة اللي انتا عاوزها يا مصباح ... ابق اعمللي صوره منه
بالنسبه للإجازة ممكن تاخدها في أي وقت طالما في المديرية عاوزين يمشوهالك .. .. ولو إنهم بيتحججوا بإنك لازم تجيب جواب من المكان اللي انتا رايحله لتحسين الدخل او الدراسة ... لحد مانا مشيت .. ماكانش في شرط

[مصباح]

أجازة تحسين دخل !!!!! ـ
أول مرة أسمع انهم بيعملوا حاجة اسمها كده .. كويس جداً على كل حال .. الحمد لله نعمة
بالنسبة للقرارات القديمة بتاعت السبعينات فأعتقد انها ممكن تكون بطلت - على أيامها مكانش إلغاء التكليف مسموح أساساً
و الله أعلم

مش تقولوا يا جدعان ان المديرية هيا المكان اللي بيدي الاجازات
دا انا طلعت عمرة تسع تيام و كنت معتمد على ان الادارة هتيديني خصم من المرتب على أقصى تقدير (كنت مستحرم التمارض اللي بيسموه انك "تبلغ مرضي" ) .. إلخ
لقيتهم عاملين لي انقطاع عن العمل تلتاشر يوم و باعتين لي انذارين و تحويل للتحقيق
!
حاجة شلل

لأ و مدير الادارة يقوللي : انت غلطان انك مبلغتش مرضي .. كنت وصيت عليك في الكومسيون ! ـ
أهو دا اللي بسميه "تقنين البزرميط" ! لما مدير الادارة يلومك انك مكنتش مقدر لقدرات سعادته على انه يوصي عليك في الكومسيون الطبي عشان يتفبرك لك أجازة مرضي
بالمناسبة مدير الادارة اللي انا فيها مكانش يعرف أصلاً ان فيه حاجة اسمها الغاء تكليف ... لما جبت له سيرة اني عايز استقيل قفلها في وشي و حسسني انها مستحيل طبقاً للقانون مش عارف كام لسنة مش عارف كام و سبعين ! بعدها بساعة و نص تقريباً كنت حاطط له ورقة في وشه جاية من المديرية (يعني من فوقه) بتقول ان المديرية "لا مانع لديها من إلغاء تكليف الطبيب فلان" فبص للورقة و قال لي انت جبت الورقة دي منين ؟ (طبعا هوه شايف الورقة من فوق مكتوب عليها مديرية الشئون الصحية بالفيوم بس زي ما يكون مكانش مصدق !) قلت له من المديرية .. قال لي : ان كان إلغاء تكليف يبقا آه تنفع ! ... قلت في نفسي الله يسامحك .. واضح ان فيه حاجات تانية كتير انت متعرفهاش مش دي بس
موظف شئون العاملين صدمني بعد الانقطاع تلتاشر يوم ان فيه حاجة اسمها
أجازة لأداء العمرة بياخدها الطبيب وقت ما هو عايز بس مرة في السنة مفيش غيرها

---------------------------------------------
مشكور فيرون على الاجابة على سؤالي

[sameh_ig]

اولا شكرا على الرد و على عينى وراسى من فوق يا دكاترة و فعلا منتدى المحترمين يا سيدى انا اسف


بس اسمع بقى منى الشويتين


انا هحسبهالك بى حسبة سريعة

انتا من يوم ما خلصت كلية عملت اية؟

استلمت امتياز كنت مبسوط فى الاول شهر و التانى وزهقت و عرفت اللى فيها و قضتها مع الاصحاب و السهر و كل سنة و انتا طيب
حتى قرارك بل تخصص اللى انتا عايزة عرفت تاخدة لوحدك ولا سنة الامتياز خلصت و انتا لسة متررد ؟؟؟؟
دورت على انك تتعلم حاجة معينة وتتمرط فيها ولا كا العادة النايب مش مدينى فرصة ؟


ولا استلمت امتياز و خدتها جد و تعبت و اتمرمط و بعدت عن صحابك شوية و جيبت كتب و قريت و عرفت انتا عايز اية و خدت قرارك بى نفسك لى اول مرة فى حياتك فى تخصصك و ركزت انا عايز اية من اول شهر لحد ما بقى النايب نفسة بيتكسف منك





ايان كان انتا واحد فيهم هكملك



استلمت تكليف فى منطقة نائية او القاهرة حتى مش مهم اية يعنى رحت وحدة صحية ايوة لازم تصعب عليك نفسك بعدها و قوى كمان بس الدنيا مش هتوقف لى حد كدة اتقل شوية
انا همشيها الاول رسمى زى القاونين ما بتقول


سنة او سنتين تكليف على حسب النيابة اللى انتا عايزها و بعدين سنة نايب و بعدين تقدم طلب للتسجيل بعد سنة من النيابة و بعدين تقعد 4 سنين نيابة لى حد ما تخلص و تاخد مسترك و تشوف انتا عايز اية




تعالى بقى اقولك على شوية حاجات حلوة غير البسبوسة و الكنافة

فى الفترة ما بين الامتياز و تسلم التكليف بتروح زى الباشا تشترى ورق بطاقة الرقم القومى و بتعمل بطاقة جديدة انتا حاليا فى الشارع لا على زمة الامتياز ولا على زمة النقابة
و دية سهلة جدا و بتكتب فى المهنة طبيب بشرى حر

و بتطلع باسبورد بعدها بيكتب فية انك طبيب بشرى حر

دة معناة انك حر نفسك الان و بعدين يا سيدى استلم تكليفك و شوف و جرب انتا خسران اية الكلية من اولها كانت اكبر خسارة فى حياتنا بس خلاص معدش فية حلول و مفيش وقت للندم


دلوقتى و انتا فى التكليف و لو جتلك فرصة للسفر هتقدر تسافر غصب عن عين اى حد و محدش لية عندك اى حاجة

و اذا كنت تعرف قوانين العمل كويس هتعرف ان مفيش حاجة اسمها رفد من التكليف و لا حتى بعد انقطاع 60 يوم كل دة كلام فاضى بيخوفونا بية


على فكرة انا واحدة صاحبى عملنالة الكلام دة و هو فى السعودية الان و الحمد للة ربنا كرمة و تكليفة و ملفة فى جنوب سيناء و لا حتى خد اجازة و لا رفدوة و هيا تحقيق و بيخلص جزاء و شكرا




نرجع نشتغل فى الازرق تانى شوية


شهادة الطبيب الحر حتى الان شغالة بس مش فى كل الجامعات طبعا
و الموظفين و الكلية عارفين انها مضروبة و مش حرام دة براى كذا شيخ لانك مبتخدش مجهود حد متخفش من دية



تعالى بقى اولك على حاجة جميلة جدا
تعرف انك حتى لو طبيب حر مستقيل فعلا و الورقة صحيحة ممكن متعرفش تسجل زى منتا فاكر

فية جامعات كتير حاطة بل بونط العريض ممنوع تسجيل الطبيب الحر سواء بشهادة ورقية او الجديدة ام الختم المائى

يا راجل جامعة الزقازيق من سنيتن قالت اللى يسجل حر يجيب شهادة خبرة من مستشفى حكومية مختومة انة اشتغل فيها على الاقل سنيتن

نقول طب ازاى اذا انا طبيب حر يعنى مليش شغل يقولك ملناش دعوة دة قرار العميد
عايز اكتر من كدة جنان
:tamtam: :tamtam: :tamtam: :tamtam:

النقطة المهمة انك لو سجلت حر و امتحنت الجزء الاول و عاديت فى مجموعة مش حقة انة يلغى تسجيلك الكلام دة على ضمانتى لان اصدقائى فى عين شمس حصل معاهم و بعد الهوجة عليهم قالوا خلاص اللى امتحن ونجح مجموعة واحدة يكمل و اللى ممتحنش مع السلامة يلغى التسجيل و يمنع تسجيل الاطباء الاحرار




اسمع الخبر الجميل دة اللى حصل قدامى

راجل نايب عظام قد الدنيا و جيلة ترشيح من الوزارة انة يسجل فى احدى الجامعات يعنى اهوة قانونى مية مية فة اية تانى

فا بيقدم طلب لرئيس القسم على شان يخش الامتحان
رئيس القسم قالة لا معلش مش بناخد فى القسم غير خرجين كليتنا و بس

طب يا باشا دة انا معايا ترشيح من الوزارة
ولا لية اى لازمة دة قرار مجلس القسم و مش لينا دعوة الوزراة ترشحك و احنا لينا الحق نقبل و او منقبلش دة براحتنا احنا ملناش دعوة بل صحة




يعنى حتى القانونى اللى انتا متخيل نفسك صح هتلاقى فية ابن الحلال اللى فى ايدة يبوظهولك






للحديث بقية بكرة انشاء اللة لان السرير ينادينى بى اعلى صوتة

معلش استجملنى لان لسة فية حاجات كتير هقولك عليها سيتك مش شايفها خالص:smiley20:

[أبو المعاطى شمروخ]

مستنيك يا زعيم لما تقوم من النوم
وعلى ما الباشا يقوم اى حد يجاوبنى

هو مينفعشى تحضر ساى دبلومة او تدخل امتحانات ماجستير وانت فى التكليف؟
يعنى لازم احضر بعد مرور 4 سنين من يوم استلامى التكليف؟؟؟؟؟؟؟؟؟؟؟؟؟؟؟؟؟؟؟
ولا ايه الحكاية اعذرونى اصل اخوكوا ابيض فى الموضوع ده

[sameh_ig]

لا يا سامح مينفعش تحضر اى حاجة وانتا فى التكليف بل طرق القانونية لازم يمر عليك سنتين تكليف و بعدين سنة نيابة و بعدين تحضر ائناء النيابة دة القانونى

ابتسم انتا فى مصر :tamtam:


نرجع لى موضوعنا تانى

الطبيب الزائر طبعا دة شىء كويس و اكيد هتعلم مش هبقى فى الجامعة اكيد هتعلم

اولا علشان تاخد طبيب زائر ولا ليها علاقة بل تكليف ولا الوزارة الاول بس تجيب موافقة رئيس القسم و الجامعة و دى برضة على حسب رئيس القسم اللى فى ايدة يقولك احنا مستكفين
و يا سيدى حتى لو قبلت طب متعملها و انتا فى التكليف انتا خسران اية
على الاجازة يعنى يا باشا اسهل شىء هو الاجازة من الصحة مش صعبة خالص زى منتا متخيل

مردوش يدوك الاجازة بتجيب حاجة اسمها عقد عمل داخلى لتحسين الدخل
بى انك متعاقد مع شركة كذا بمرتب احسن و بتاخد الاجازة غصب عن التخين




الطبيب الزائر مثلا فى جامعة الازهر السنة دي خدوا ناس كتير جدا بس بشرط خريجى جامعة الازهر فقط و قالهم التسجيل احنا ملناش دعوة بية انتا زائر على شان تتعلم و تشيل القسم بس تسجيلك ملناش دعوة بية




بى مناسبة الكلام عن التعليم و هتعلم فين


اقسملك بللة العظيم ان مستشفيات الصحة حاليا المحترمة فى القاهرة و بعض المحافظات احسن مليون مرة من مستشفيات الجامعات فى كدر الاطباء من حيث الدرجة العلمية و من حيث الامكانيات كمان و اللى عايز يتعلم لازم يعرف انة هيعلم نفسة بى نفسة معدش حد بياخدك من ايدك يقولك كذا و كذا





تعالى اقولك على حاجة اروع من دة كلة

فرضا انتا استقلت و مش عايز يا عم ماجستير ولا دكتوراة من الصحة و قلت هحضر زمالة انجليزية على طول من هنا و بعدين اسافر بيها



تعرف سعدتك ان امتحان الزمالة الجزء التانى بيشترط انك تكون شغال فى مستشفى ميقلش عدد السراير فيها عن 1000 سرير تقريبا انا مش فاكر الرقم دلوقتى

يعنى مينفعش اقول انا طبيب حر هما ملهومش دعوة حر ولا مسجون
المهم بتكون بتمارس المهنة فى مستشفى بى مواصفات معينة



دة فى حالة انك عايز تحضر زمالة من هنا و تسيبك من الماجستير و الدبلومة و الكلام الفاضى بتاع الوزارة





نيجى لى نقطة تانية يمكن تقول دى حل اخير لو زهقت من مصر
وهي السفر

فردا قولت انا هسافر ممارس عام دلوقتى اجيب فلوس و بعدين احضر من هناك

ماشى يا عم موافق
بس تعرف ان فية حاجة اسمها خبرة سنتين بعد التخرج عنى سنة الامتياز و سنة تكليف و بتاخد شهادة بى كدة

هيا انا معاك انها طبعا ليها حل و شهادات الخبرة فى المواقف دية بتضضرب و ساعتها هتقول حلال مش حرام بعد اللى حصل فيا :smiley2:




يا دكاترتنا الطيبين قوى بى حساب العقل احنا اللى محتاجنهم مش هما اللى محتجنا
مش على شان المرتب اللى بناخدة فى سرة من الدنانير
لا انا عن نفسى مقتنع ان انى عايز المستشفى على شان اشوف حالات و تانى وتالت ورابع و عاشر واجرب العلاج دة وامارس مع دة نظام علاج تانى و اشوف قدامى نتايج و اغلط و اتعلم حتى بدون فلوس انا موافق

لحين اشعار اخر هو انى اخلص ماجستيرى و بعدها ابقى حر نفسى عايز اقعد ماشى اسافر ماشى

يا دكاترنا الطب عمرة ما كان كتاب او علم فى الدماغ الطب ممارسة +مذاكرة جنبها


و بعدين لو كنت مستعجل على الفلوس لى اى سبب من الاسباب

اية رايك فى شغلانة بى 1200 جنية فى اسبوعين نايم واكل شارب قاعد قدام الكمبيوتر مبتعملش اى حاجة و الاسبوعين التانين فى البيت ؟؟؟؟؟


دة فى حالة انك عايز فلوس


طب كنت قولى وانا ادللك على السكة يا دكتور :smiley2:

كل دة وانتا لسة جوة فى وظيفتك

بص يا ريس اوعى تكون انا باقى على الصحة فى حاجة اطلاقا بس فعلا احنا اللى محتاجنهم مش هما اللى محتجنا


لى حين اشعار اخر بعد كدة هلم الشباشب بتاعت البيت و هروح الوزارة احدفهم بيها





الكارثة الكبرى لى اى خريج طب هيا الجيش و انشاء اللة ههتاجل يا برنس خلاص الجيش معدش بياخد رجالة :smiley2:


خدها منى كلمة انتا يبنى مش هتخش الجيش يعنى مش هخش انشاء اللة


قرارك انتا خدتة و ربنا يوفق الجميع انا بس بوضحلك شوية حاجات

[sameh_ig]

صحيح فكرتنى


بمناسبة الرشوة على شان مصالحك تمشى


انا عمرى ما دفعت مليم لى واحد على شان ورقة تمشى

هقولك على سر انا ماشى بية من سنوات

معايا فى شنطتى حبوب حساسية بى استمرار الموظف او العامل اللى عايز منة خدمة بديلو واحدة ملفوفة فى ورقة بيضة على انها منشطات جنسية

و بيبخلصلى مصلحتى فى ثوانى


تصدق بلى خلقك المستشفى اللى انا فيها جميع موظفينها و عمالها و بعض دكاترها ان بظبطهم بى حبوب الحساسية دية و الناس شيلانى على راسها من فوق



غلطان او مش غلطان مش دية القضية
انا شفت كتير و لسة هشوف اكتر جميع الطرق و الوسائل متاحة فى الحرب على الصحة يا كبير



دة كان مجرد راى من وجهة نظرى الشخصية قابل للرفض او القبول



اما بل نسبة لى موضوع الغباء الادارى
فا الكلمة اللى ابويا قالهالى اللى بيخاف فى الحكومة هيفضل زى ما هو

مدير المديرية نفسة كان بينزل حملات تفتيش مخصوص على شان خطرى

مدير المركز اللى كنت فية قطع 30 يوم من الدفتر بتاع الحضور و الانصراف لانة كان مشطب عليا و انا قلتلة بينى و بينك النيابة الادارية انا مستبيع و مش فارقة معايا


مدير الادارة الصحية كان بيكرهنى كره العمة و يبعتلى امر تكليف مش عارف بى نبطشيات و قوافل وكلام عجيب
ولا الدموع ولا عمرى رحت



و اجمل شى و انتا قاعد قدام المحقق دة ان رحت اصلا و يقولك تغيبت لية

ترود علية بى كل برود اصلى كنت بحج

هو دة موسوم حج يا دكتور

ايوة يا عم انا حر اكتب كدة حد لية عندى حاجة


اقسملك بللة الراجل جبلى حاجة سقعة و قالى بص بقى اللى انتا عايزة انا هعملهولك و مديرة مكتب الشؤن القانونية لقيتها متصلة بى ابنها اللى فى امتياز على شان يجى يقعد معايا و افهمة يعمل اية بعد كدة



الغاء التكليف مش هو الحل لى كل المشاكل من وجهة نظرى لسة فية بلاوى كتير يا دكاترة



بل مناسبة انا لسة عند رائيى ان منتدى القصر العينى منتدى الدكاترة المحترمين و الطيبيببببببن قوى برضة

[مدنجي]

اولا بحب بجد اشكر الدكتور سامح اى جى على النصائح و الخبرات الى قالها لنا بجد
و على وجهة النظر المختلفة المحترمة الى كان لابد من طرحها و مناقشتها

شكرا يا سامح

احب بس اعلق على شوية حاجات من ردودك دى


اولا
النيابة فى وزارةالصحة بقت بعد سنه واحدة لكل التخصصات مش سنتين
و بعد اى فترة حتى لو يوم للتخصصات النادرة الى بتحددها الوزارة كل سنة
(ملحوظة بقالنا لغاية دلوقتى اكتر من ست شهور فى التكليف و لسا الناس بتقدم فى نيابات التخصصات النادرة و يا عالم هيستلمو امتى و يا عالم هيقدمو فى الماستر امتى)


ثانياً
حكاية بطاقة الطبيب الحر
واحد صاحبى عملها بالصدفة و مكانش يقصد
و انا نصحتة يروح يقدم ماستر
بس فى الكليات طالبين شهادة الطبيب الحر ذات نفسها و البطاقة متنفعش!!؟؟
طيب هو كان ممكن يسافر زى ما بتقول
طيب و الجيش !!! ؟؟؟


ثالثا
حكاية ضرب شهادة الطبيب الحر حرام ولا حلال
بصراحة انا اشك فى الموضوع دا
دا اسمة تزوير
بالرغم انك مبتخودش حاجة بتاعة حد
يعنى مثلا انا ممكن ازور ورقة بأن حتة الارض من الصحراء دى بتاعتى مهى مش بتاعة حد دا حتى انا هزرعها و ظبطها
بس دا اسمة ايه برده
مش اسمة تزوير برده
و هل دا حرام ولا حلال
اعتقد الموضوع فيه كلام
او على الاقل من الشبهات
فأجتنبوها


رابعاً
فى اى مكان واى زمان و تحت اى ظروف
ممكن تلاقى ابن الحـــــ....لال الى ممكن ينغض عليك عيشتك و يبوظلك حياتك


خامسا
الطبيب الزاير فى القصر العينى
لازم ولابد احضار
اما ورقة اجازة بدون مرتب
او موافقة جهة العمل
او شهادة طبيب حر
او قرار الغاء تكليف
دا بالاضافة لموافقة رئيس القسم
و مدير عام المستشفيات
و بعد كدا بتقعدلك حوالى شهر تستنى موافقة و تحريات الامن
و لمزيد من المعلومات
اسألو الاستاذ نادى فى شئون الاطباء
و فى حاجة
الطبيب الزاير او النايب الزاير
مش حاجة كويسة جدا زى ما الناس فاكرة
بالعكس
بس برده كله حلى حسب شخصيتك انت
انت ممكن تكون زاير و ناجح و بتشتغل كويس
و فيه نماذج على كدا
بس عمرك عمرك ما بتوصل لمنزلة و مرتبة النايب الاساسى


سادسا
بالنسبة للكلام عن احترام مستشفيات وزارة الصحة
فدا على حد ما اسمع
صحيح الى حد ما
لكن دا موجود بس فى بعض المستشفيات
و زى ما انت قولت و كلامك صح مية فى المية انك انت الى هتعلم نفسك
بس المهم وجود المكان الكويس


سابعا
بالنسبة للزمالة البريطانى
انا متأكد ان زمالة كلية الجراحين الملكية
ملهاش اى اشتراطات فى اى جزء من اجزاء امتحاناتها اكتر من
شهادة البكالوريوس فى الجزء الاول
شهادة الامتياز فى الجزء التانى و التالت
و مفيهاش حوار التدريب والمستشفى و الكلام دا
بس اسمع انه ضرورى مثلا فى حاجة زى النسا
لذا لازم كل واحد يسأل على نظام الامتحان فى التخصص الى هو عاوزة
لأن ممكن يكون له متتطلبات معينه
و ممكن ميكونلوش



و شكرا تانى يا سامح
على طرحك لوجهة النظر دى
و الى فاتت دى شوية ملاحظات على بعض النقاط الى فى كلامك
و باقى كلامك او حتى كل كلامك على عينى و راسى



ثانيا بالنسبة لفيرون الى مش راضى يبطل تقطيم فيا
يا سيدى ان شاء الله
سنين الجيش مش هتروح هدر
و ان شاء الله ربنا يعينى و احضر فيها زمالة انجليزى
انا عارف انا كنت قررت ادخل الامتحان الشهر الى جاى بس رجعت عن الفكرة دى خوفا من تعارض موغد الامتحان مع احد مواعيد التقدم للجيش
و قد كان
يعنى بدل ما هاخد الماستر وانا فى الجيش وانا طبيب حر
ان شاء الله ربنا يوفقنى و احصل على الزمالة الانجليزى
و يبقى تمام قوى لو لقيت فرصة للتعليم فى الجيش
و بجد الشهادات مش مهمة قوى قد الممارسة
هو اكيد مهمة بس عمرها ما هتكون اهم من الممارسة
و بالذات فى حاجة زى الجراحة
يعنى لازم الواحد يحط الممارسة كأولوية اولى و بعدها الشهادات الى لابد منها طبعا
يعنى مينفعش شهادة بدون ممارسة مش هتشغلك ولا هتأكلك عيش
الا بقى لو انت ناوى تضحك على الناس و على نفسك
و العكس صحيح الى حد ما لكن ان شاء الله محلولة بالزمالة بأذن الله


على فكرة
انا لسا ضميرى مأنبنى انى لسا مستقالتش
بطل بقا !!!
كلها كام يوم
ربنا يسهل



الكارثة الكبرى لى اى خريج طب هيا الجيش و انشاء اللة ههتاجل يا برنس خلاص الجيش معدش بياخد رجالة :smiley2:


خدها منى كلمة انتا يبنى مش هتخش الجيش يعنى مش هخش انشاء اللة
متشكرين يا سامح
و ربنا يوفقنى للخير ان شاء الله



قرارك انتا خدتة و ربنا يوفق الجميع انا بس بوضحلك شوية حاجات

وانت كمان قرارك انت خادته
و يا ريت كل واحد يستفيد من المناقشة الى تمت هنا
و ياخد قراره و يكون نابع من قرارة نفسة و عن اقتناع
شكراً
و بالتوفيق ليك و لينا و لفيرون و لمصباح ولسامح مسعد
و لكل الشايفيننا و سامعيننا
و لكل الى مش شايفينا ولا سامعينا كمان


دى..

[kalamntena]

و الله انا فخورة جدا انى عرفتكو واتعاملت معاكو
فيرون
مدنجي
مصباح
و سعيدة جدا بمعرفتك يا د. سامح
بالتوفيق يا شباب

[أبو المعاطى شمروخ]

ربنا يكرمكوا كلكوا ويارب يجمعنا على خير
الواحد لو طلع بمعرفتكم والموضوع ده من المنتدى يبقى فاز والله
بالتوفيق يا دكاترة

[فيرون]

عزيزي
اللي راسم طريق ما بيعدشي يلف ويدور حواليه
احنا ..على الأقل ... أنا .. ماعنديش وقت أضيعه

إذا كان الجيش بيخليك تقف في مكانك ... ففي كذا طريقه تخليك تجري و انتا واقف في مكانك
فهمتوني ؟

[ابن الحصري]

يسعدني أن أنشط هذا الموضوع
(بدون أن أكتب فيه شيئا عن تجربتي الشخصية):smiley2:

[broken nonna]

لا فعلا يا دكتور ابن الحصري الموضوع ممتاز فعلا
كان لازم يتنشط

بدأت اقلق بصراحة

بصوا انا اجتهدت و قريت و عدت القراية مرتين كمان عشان افهم
لقيت رايين
الاغلبية بتقول بلا تكليف بلا هم
و الاقلية المتمثلة فى دكتور سامح اى جى_اللى زعلاااااااااانة منه جدا جدا بس ماعلينا_بيقول لا التكليف مهم

و فى الاخر طلعت بالاتي

لما هو التكليف مقرف و مش هعرف احضر فيه دراسات عشان يبقى فعلا اعرف افتح عيادة و اشتغل
ماسكين فيه ليه؟!!!
جايز اللى ماسكين فيه
ماسكين فيه عشان الخبرة من الشغل و الممارسة
_ده بفرض انه اتعين فى مستشفى و ما اتحدفش واحات البحر الاحمر_
او مثلا عشان مافيش حاجة تانية قصاده غير كدة و مش مستعجل على تحضير حاجة


مااعلينا
بس عشان الكلكيعة اللى اتكونت فى راسي دلوقت

شوية استفسارات الله يكرمكم

بالنسبة للبنات
مثلا
انا تقديري جيد جدا
بفرض انى اتخرجت بنفس تقديري
و مع ذلك اتحدفت فى حتة بعيد عن القاهرة
الواحد يعمل ايه عشان يفضل فى القاهرة؟!!

ثانيا:هل صحيح ان البنات دلوقت سواء متزوجة او غير متزوجة
بتنفذ مكان تكليفها حتى لو كان فى بلاد الواءواء؟!!

ثالثا:معلش بقى انا شخصيا مش عاوزة اقعد فى مصر بعد البكالوريوس
و ما هصدق اخد كارنية نقابة _مش ده برده بعد الامتياز و لا ايه؟_
عشان اسافر لو حتى ممارس عام

سؤال
قالتلي طالبة فى امتياز ان ممكن اخذ اجازات فى امتياز لا بعده مش هينفع
يعنى اذا انهيت فترة امتيازى لا زم وراها على طول التكليف
الكلام ده صحيح؟

سؤال كمان
لو الواحد عاوز يحضر حاجة اثناء الامتياز
او التكليف بطريقة سليمة تماما
يعمل ايه؟!!

و لو سافرت مثلا ممارس عام هل ينفع احضر شهادة مصرية وانا مش فى مصر و كمان ما اخدتش تكليف؟


معلش كمان
التكليف ده يعنى عشان اضمن الوظيفة فى الحكومة
و بسسسسسسسسس؟!!
ايه لازمته يعنى عشان انا بجد عقلي شاااااط
و شعري و قف؟!!


بصوا يعنى عشان تفيدونى صح
دلوقت ان شاء الله اخدت بكالوريوس طب بتقدير جيد جدا
و خلصت امتيازى
و اخدت كارنية نقابة
و جاتلي فرصة اهج برة مصر
السعودية مثلا ان شاء الله

و هناك عوزت ابقى نسا او غيرها
اعمل ايه؟
واذا رجعت مصر هل هلاقي مكانى تانى فى التكليف و لا خلاص اصلا مش هيبقى له لازمة؟!!


يا نهااااااااار ابيض
انا حاسة انى الكلام اكبر منى و مش فاهمة فيه حاجة

سيبتكم بعافية

[مصباح]

أول استفتاح في اجابات الأسئلة :


ثانيا:هل صحيح ان البنات دلوقت سواء متزوجة او غير متزوجة
بتنفذ مكان تكليفها حتى لو كان فى بلاد الواءواء؟!!
لأ
المتزوجة بيجيلها تكليفها في المنطقة السكنية بتاعتها



الواحد يعمل ايه عشان يفضل فى القاهرة؟!!
لو تكليفك وداكي يرة القاهرة ... العودة للقاهرة تكون من خلال :
التظلم
الواسطة
التقديم رسميا في الأماكن اللي بتفتح كل شوية زي المعاهد و المستشفيات و الجهات بتاعت الوزارات التانية ... إلخ
التقديم رسميا في الزمالات المصرية المستعجلة أو النيابات المستعجلة (أنا اللي باسميها المستعجلة - لأنها لا يشترط فيها اتمام فترة التكليف) و عيبها ان التخصصات محددة : نفسية و طوارئ و طب أسرة و تحاليل و أشعة و تخدير .. فقط


و ما هصدق اخد كارنية نقابة _مش ده برده بعد الامتياز و لا ايه؟_
عشان اسافر لو حتى ممارس عام
محدش هيمنعك من السفر .. بس هتعملي ايه في حاجتين : الوظيفة الحكومية (لأن كدة يا انقطاع يا استقالة) و الظروف الاجتماعية ( سهل على راجل يقول أنا هسافر .. لكن البنت ظروفها مختلفة ) ـ


التكليف ده يعنى عشان اضمن الوظيفة فى الحكومة
و بسسسسسسسسس؟!!
التكليف عشان تضمني الوظيفة و تضمني ان الحكومة تعينك في نيابة المفروض انك هتتعلمي فيها تخصص (التعليم في نيابات وزارة الصحة حالة ميسرش طبعاً - يعني عند أغلب الناس دي حاجة متستاهلش الابقاء عليها )


و جاتلي فرصة اهج برة مصر
السعودية مثلا ان شاء الله

و هناك عوزت ابقى نسا او غيرها
اعمل ايه؟

تعملي مثلاً الزمالة البريطانية في النسا - دي هتخليكي متخصصة و معاكي شهادة بوزن الدكتوراه
أو أي برنامج زمالة تاني - معنديش فكرة موسعة عن الحال في الدول العربية .


واذا رجعت مصر هل هلاقي مكانى تانى فى التكليف و لا خلاص اصلا مش هيبقى له لازمة؟!!
اللي يرجع مصر معاه شهادة يبقا خلاص مش لازماه الحكومة في حاجة بقا


---------------

تاني أرجع و أقول لك البنات ظروفهم ( أو يعني اختياراتهم ) مش كلها في ايديهم أوي زي الولاد
و الله أعلم
=================
أقعدي بالعافية

[broken nonna]

جزاك الله خيرا يا دكتور مصباح
_هعتم معلش على حتة ظروف البنات :icon_mrgr:icon_mrgr و اختلافها عن ظروف الولاد_

طيب نقطة الانقطاع عن العمل بامكان اللى تكليفي جه فيه ده
مش ينفع يبقى فى اجازة مثلا بدون مرتب من قبل ما ابدأها_بعد امتياز يعنى_
او بعد ما ابدأها بكام شهر على اسوأ تقدير
و اسافر
و من هناك بقى استمر فى تجديدها و ادفع تأمينات _مش فى برده كده و لا ايه؟_

معلش سامحونى
اختكم جوما ممتازة لا افقه شئ فى المواضيع ده
و جزاكم الله خيرا

[sameh_ig]

الاقلية المتمثلة فى دكتور سامح اى جى_اللى زعلاااااااااانة منه جدا جدا بس ماعلينا_بيقول


الموضوع شرحة يطول و لو قعدنا من هنا لى بعد بكرة مش هنطلع بى شىء

[broken nonna]

الموضوع شرحة يطول و لو قعدنا من هنا لى بعد بكرة مش هنطلع بى شىء
<!-- END TEMPLATE: newreply_reviewbit -->يا ساتر يا رب
يا دكتور بشروا و لا تنفروا
بصراحة انا اللى زعلنى اسلوب تخليص الامور
و لا نقول تسليك الامور احسن
برشام حساسية و مش عارف ايه
صورة اخرى من انواع الرشوة ما تزعلش منى
فى ناس بتسمي الكام جنيه اللى بتديها لعامل هيجيبلها الاختام فى 10 دقايق
اكرامية
لا ده رشوة
و ناس تقول للموظف خلصلى بس كذا و ليك الحلاوة
لا برده ده كمان رشوة
انهى بركة ده اللى تعود علي من شغل اصله و مصالحة ماشية بالرشوة بمختلف مسمياتها
و صورها
احنا بس اللى بنحب نغير المسميات عشان نبنج ضمايرنا و نعمل ايه
هو فى حاجة غلط
و لو فكرنا هنلاقيها غلط
و هنتحاسب على كدة
و ربنا يستر علينا فى الحساب ده

معلش يا دكتور ما تزعلش مني



سيبتكم بعافية<!-- BEGIN TEMPLATE: newreply_reviewbit -->

[sameh_ig]

بصى يا دكتور انا عمرى ما دفعت مليم لحد

و انشاء اللة لما تخلصى و تشتغلى هتشوفى مهاااااااااااازل


انا مبقلش اننا نعمل زيهم لا بس برضة هنعرف نجاريهم بى طريقتنا

[علاء زكى]

بسم الله الرحمن الرحيم,
السلام عليكم يا جماعة,
أنا إسمى علاء زكى, خريج دفعة ديسمبر 2006 بجامعة عين شمس, و أنا المفروض فى دفعة تكليف مارس 2008.
و أتمنى إنكم تقبلونى فى وسطكم كزميل مهنة و إن كنت من كلية أخرى.
المشكلة عندى إننى حتى الآن لم أستلم تكليفى و الصراحة موضوع الإستقالة منونو فى دماغى, لكنى ماكونتش قادر اشوف كل أبعاد الموضوع, و هنا أحب أتوجه بالشكر للدكاترة المحترمين جدا و اللى ربنا يجازيهم خير عن كل المعلومات اللى هما كتبوها لأنهم فعلا فادونى جدا و وضحوا بعض الأشياء اللى كانت غايبة عنى شخصيا, شكرا يا
د. فيرون
د. مدنجى
د. سامح آى جى.
و كل من شارك فى هذا الموضوع القيم بأى مداخلة.
----------------------
أنا بس كنت إتكلمت فى موضوع الإستقالة ده مع دكتور أكبر منى و قاللى عن سكتين ممكن يكون متاحين قدامنا عشان نمسك العصا من النص و نرضى اللى عايز يستقيل عشان يتعلم أو عايز يتكلف عشان التكييف الميرى و ترابه, برغم عدم إقتناعى بأهمية الإستمرار فى الوزارة لكن أنا ب أحب أحترم أى وجهة نظر مهما كانت مختلفة معايا عشان وجهة نظرى تحترم هى كمان.


السكة الأولى:
إنك تسأل فى المكان اللى إنت عايز تقدم فيه على نايب زاير و تعرف عدد الإيام المطلوب منك التواجد فيها, و بعد كده تجيب شهادة تفرغ من مكان تكييفك, سورى تكليفك, بالأيام دى و تقدم على نايب زاير و إنت على قوة الوزارة, على ما أظن إن الوضع ده هايكون كويس فى التعليم و إن كان برضه مشكلة الماستر لم تحل بعد.


السكة التانية:
إنك تجيب موافقة مكان من المعاهد التعليمية, مثلا: معهد القلب, الرمد, السكر,,,,إلخ على إنتدابك هناك. و تكتب طلب إنتداب فى المديرية اللى إنت تابع ليها و ترفق بيه الموافقة عشان ينتدبوك خلال فترة تكليفك فى أى من المعاهد أو الأماكن.
و ده عملا بالمادة 6 من القانون بتاع التكليف اللى فى الدليل:

نظام تكليف الأطباء على جهات خارج الوحدات التابعة لمديريات الشئون الصحية <?xml:namespace prefix = o ns = "urn:schemas-microsoft-com:office:office" /><o:p></o:p>

مادة(6): ينظر فى الطلبات الواردة من الجهات الراغبة فى تكليف الأطباء لديها، خارج نطاق الوحدات التابعة لمديريات الشئون الصحية بالمحافظات، ، وذلك بنظام الإعارةمن المديريات الموزعين عليها و بعدموافقة هذه المديريات في ضوء إحتياجتها من الأطباء المكلفين عليها ، على أن يكون ذلك بالاعداد وليس بالاسماء ما عدا الاطباء المقيمين والمعيدين بالجامعات والمراكز البحثية التابعة لوزارة البحث العلمى والمكلفين على وزارتى الدفاع والداخلية والجهات ذات الطبيعة الخاصة المماثلة طبقا لما تحدده لجنة التكليف. <o:p></o:p>


و هنا برضه مسكت العصاية من النص, مع التأجيل لموضوع الماستر.
---------------------------------------
و فى كل الاحوال, يمكنك التحضير و الإتجاه للزمالات البريطانية, و أحب أعقم على معلومة ذكرها الزميل العزيز د.سامح آى جى,
و هى إن شهادة الخبرة مطلوبة فقط فى بعض التخصصات و
ليست مطلوبة فى تخصصات أخرى.مثلا تخصص النسا و الولادة
مطلوب له شهادة خبرة فعلا. لكن تخصص آخر زى الباطنة و
الأطفال مش مطلوب فيها شهادة خبرة.
و اللى عايز يتأكد, من الممكن إن يحصل على معلومات عن الزمالة البريطانية فى النسا عن طريق السؤال فى مستشفى عين شمس التخصصى, و الزمالة فى الباطنة و الأطفال يمكن السؤال عنها فى النقابة.
--------------------------
دى كل المعلومات اللى عندى بالنسبة للتكييف
يوووووووووه سورى التكليف. و أتمنى إنى أكون قدرت أفيدكم بيها.
------------------------
و يا دكتورفيرون, بسم الله ما شاء الله عليك, تفكيرك منظم, و دمك خفيف بالمناسبة:smiley20:, عجبنى فيك التحمس و الرغبة فى النجاح, و ربنا يوفقك.
دكتور مدنجى, اللهم لا حسد برضه بسم الله ما شاء الله عليكم, مصحصح و كلامك منطقى جدا, عجبنى فيك عدم التسرع و الدم الخفيف برضه:smiley32:, و ربنا يوفقك.
دكتور سامح آى جى, بسم الله ما شاء الله, صريح و واقعى جدا لدرجة مؤلمة, كلامه على قد ما بيوجع و على قد ما من الممكن ماتقبلهوش, إلا إنه كلام على نسبة عالية من الصواب برغم عدم رضانا عنه. و أتمنى إنه يكون ده عرض للواقع فقط و بدون عدم إقتناع منه بما يحدث أو موافقته عليه.و ربنا يوفقك.

السلام عليكم و أرجو إنى ماكونتش طولت عليكم.:bye:

[broken nonna]

اهلا يا دكتور
أحيي كل عين شمساوي دخل المنتدى
_بحن لأصلي:icon_mrgr_
ثانيا دفعة 2006 و لسة ما استلمتش التكليف
مستعجل ليييه؟؟!!
تريثييي ولا تتسرعي
لا مؤاخذة
تريث ولا تتعجل
جاية جاية:icon_mrgr
ثالثا الاستقالة
الاستخارة و ان شاء الله تختار الافضل
رابعا بقى طلع لازم خبرة في تخصص النسا
هو حضرتك تقصد الخبرة ده مطلوبة لايه و في ايه بالضبط؟
مثلا زي السفر و العمل بالتخصص ده في الخارج؟!!
اخيرا:نورت يا فندم

[ابن الحصري]

ومين يابني ضحك عليك وقال لك انهم هيدزك موافقة تنتدب عندهم؟؟؟؟؟

ده حتى زمايلنا اللي كانوا في فاكسيرا
مشوهم منها

[علاء زكى]

متشكر جدا على الترحيب يا دكاترة,:confused:
Broken Nonna
الشهادة الخبرة دى مطلوبة عشان تدخلى إمتحان الجزء الثانى, و هى تقريبا شهادة خبرة 4 سنين فى مستشفى كبيرة,
و لو عايزة تتأكدى ممكن تسألى فى مستشفى عين شمس التخصصى.
و عاش يا شمساوية
----------
بن الحصرى
معلش, أصل أنا طيب و ب أحب آخد الناس للأخر, يعنى لو وافقوا على إنتدابى أنا هاستلم التكييف بتاعى, و لو ماوافقوش أو سحبوا إنتدابهم بعد ما وافقوا:close fri أنا هاستقيل. و فى كلتا الحالات أنا مش خسران حاجة أنا بس ب آخد فرصة.

و الحياة فرص
مش كده ولا إيه:mad:؟

[wgh_el2mr]

اولا اهلا بيك يا دكتور علاء
المنتدى نور


كلام عين العقل
وكذلك كلام بروكن نونا
ربنا يجازى كل من كتب نصيحة خير
ربنا يقدم لينا وليكم كل خير

[broken nonna]

بيتيهالي جه وقت الموضوع ده مرة اخرى
السلاااام عليكم

شوية استفسارات و اللي عنده الاجابة ربنا يكرمه لايبخل في شرحها
اهم حاجةانها تكون مبسطة لاني مش بافهم الحاجات المكلكعة
لو سمحتوا

1_اخر يوم امتياز ان شاء الله 28/2
هل المفروض ان 1/3 اول يوم تكليف و اقصىميعاد لاستلام التكليف 1/5 زيما فعلا سمعت؟!!





6
2_ايه اللي يحصل لو ما استلمتش تكليفي في المكان اللي اتحدد؟

لاني ناوية اذا كان المكان بعيد ما استلمش.

3_هل مسموح وقت ما احب اروح استلم التكليف اروح و لا في مواعيد محددة
زيما سمعت اول مايو و اذا تخلفتعنه يبقى اول نوفمبر
يعني 6 اشهر تأخير؟

4_هل الاستقالة من وزارةالصحة مش هتمنع ان شاءالله التأمينات و المعاشات
لان لسة في تاميناتو معاشات تابعة للنقابة؟


5_هل فعلا بعد الامتياز و قبل التكليف
باخد كارنيه نقابة
و تصريح مزاولة مهنة
واهم حاجة اهم حاجة
رخصة عيادة؟

و لا هل لازم تكليف و تحضير ماجستير؟

يعني ما ينفعش افتح عيادة بعد الامتياز و اكون طبيب حر و استقلت من التكليف؟


_اذااستقلت و بقيت طبيب حر سهل زيما فهمت احضرماجستير علىطول
طيب اذاعاوزة احضر زمالة بريطاني مش ماجستير
هل لازم اكون مقيدة في مستشفى حكومي عشان الجزء التاني منها؟!!




7_هل القانون علىحظي يعني اتغير و بقى تحضير الماجستير محتاج انى ابقىتابعة لمستشفى و لاايه؟

8_اذا انا بقيت طبيب حر_انثى_ ايه فرص العمل التانية ؟
و كمان ايه فرص التحضير في الدراسات التانية؟

9_هل ممكن اخد اخازة من اول يوم تكليف من غير ما اقعد فترة فيه؟


انا عاوزة استقيل او ما استلمش تكليفي او اخد اجازة من اول يوم فيه
و ابقى طبيب حر
افتح عيادة و اشتغل في مستوصف بتخصص معين
و في نفس الوقت احضر
هل الخطوات ده في بينها فترات متباعدة زي سنتينو الكلام ده و لاايه؟

[kalamntena]

am intending to reply wallahy ya nono
but could u wait 4 me only 10 days
:")

[مصباح]

بدون ترتيب :
1 - تهويش
4- ان شاء الله فيه تأمينات و الذي منه تبع النقابة

[مصباح]

باخد كارنيه نقابة
و تصريح مزاولة مهنةآه

واهم حاجة اهم حاجة
رخصة عيادة؟الرحصة مش بتطلع توماتيكي ... لكن اللي عايز يعمل بيعمل

يعني ما ينفعش افتح عيادة بعد الامتياز و اكون طبيب حر و استقلت من التكليف؟
ينفع


هل لازم اكون مقيدة في مستشفى حكومي عشان الجزء التاني منها؟!!
مش عارف تفاصيل الشروط - لكن اعرف ناس راحوا مستشفى حكومي كنواب زائرين عشان الموضوع ده


9_هل ممكن اخد اخازة من اول يوم تكليف من غير ما اقعد فترة فيه؟
على أيامي : الاعتيادي مش قبل 6 شهور - و ال"بدون مرتب" مش قبل سنتين
لكن طبعاً اجازة "رعاية الطفل" - للطبيبات - ممكن في اي وقت ..... و الله اعلم
دا ميمنعش ان لو في أي وقت (مش لازم بعد قترة معينة) رحتي تلغي تكليفك هايقولولك في ستين سلامة (دا اللي حصل معايا على الأقل) .
------------------------------------------------------------------------
أنا معلوماتي في الناحية دي قليلة يا شباب - حد عايز يكمل ؟

[فيرون]

عيد ميلاد البداية استقالة ... الثالث
السلام عليكم و رحمة الله و بركاته
ثلاث سنوات بالتمام و الكمال منذ أن سطرت كلمات هذا الموضوع ...
ثلاث سنوات منذ ناقشنا نقطة بداية مختلفة ....
و كنت عاوز أعرف تقييم كل واحد من اللي ناقشوا الموضوع ده
إزاي بدأ و ازاي كمل ... تفتكروا كان في أخطاء ... اتعلمنا إيه ... ننصح زملاءنا بإيه بعد ما مشينا المشاوير دي .... أنا متأكد إن كل واحد شارك في الموضوع ده كان ليه تجربة يحب يناقشها مع زملاءه

[kalamntena]

:)

انا خلصت نيابتى من 4 شهور تقريبا
و لسه في الرسالة اللى العملي تاعها خلصان
والريفيو تلاتربعه مكتوب و الميثودولوجى اتكتب ومش هيتعملها احصاء
باشتغل برايفت
بافكر جديا في اي حاجة باطنة او اطفال ( تطلع زي ما تطلع دبلومة .. زمالة .. اي حاجة )
كبرت في دماغي فكرة السفر ( بس لبلد مسلمة )
اتعلمت وباتعلم ازاي تكون سينيور
اتعلمت ازاي متأمنش لاي حد ولا لأى ورقة
ومتمضيش على حاجة متعرفش فيها ايه

[broken nonna]

دكتور فيرون و دكتورة كلمنتينا انا منتظرة و متابعة
و بصراحة من ساعة ما بدأت امتياز و خلصت و و تغيرت حالتي الاجتماعية اللي لغبطت كل حاجة في حياتي مهنيا و انا مستغربة الحال جدا
هل انا بس اللي محتاسة و حاسة ان الدنيا متوقفة و انى هافضل محلك سر؟!!
ولا انا متشائمة و بافرض السوء؟
ولا انا باتبتر على النعمة زي ما بيتقال لي ساعات و في داهية الشغل اجازة و عيشي زي ما تعيشي برة
شغل ايه يا ام شغل؟!!

الحاجة الوحيدة اللي اللي متأكدة منها انى عاوزة اشتغل و عاوزة اتعلم و عاوزة اكون طبيبة بجد
بس كل الامور متلغبطة في راسي و مخلياني متخبطة و مش عارفة ايه الخطوات اللي لازم اعملها

م الاخر بالف حوالين نفسي ي ي ي ي ي ي

[kalamntena]

لو ما حاولتيش يبقى مفيش غير احتمال واحد
انما لو حاولتى فيه احتمالين على الاقل
متستنيش فكري جديا في زمالة او معادلة

[broken nonna]

استلمت الشغل
و قعدت فترة مش بطالة
و استخرت الله
وقدمت اجازة مرافقة زوج اخيرا
و بعد عناااااااء اتقبلت
و باقي اجراءات اخلاء طرف اللي باماطل فيها شوية

المحصلة النهائية:
قضيت من فترة التكليف شهر ونصف
ماليش نيابة طالما ما قضتش 6 شهور عمل فعلي_ده على فرض انى هاخد نيابة ملحة_
و طبعا من سنة الى سنة ونصف عمل فعلي للحصول على نيابة اساسية
و كمان ماعيش خبرة كافية اكتبها في اي سي في و اسيبها في اي مكتب توظيف في مصر
ولا خبرة كافية تخلي اي حد يتجرأ يعيني وانا في السعودية كطبيب عام حتى
يعني لا تقدم في مصر و لا تقدم خارجها
و مع ذلك
انا زي الفل الحمد لله


قرارات اخرى:
على المدى البعيد شوية:
استخرت الله
و جبت كتب زمالة بريطانية باطنة
و ناوية ان شاء الله ادخل الامتحان شهر 9 القادم
لما انزل مصر ان شاء الله

على المدى القريب شوية:
هابحث على اي فرصة تعاقد داخلي او مستوصف او مستشفى خاص عشان اشتغل فيها
و ان شاء الله مش هيأس لحد ما الاقيها
واذا مالاقتهاش
يبقى شاء الله و ماقدر فعل
الخير ليّ انى اقعد في البيت


اي نصائح انا متقبلاها و هاعمل بيها طالما تقبلها عقلي و قلبي و و فرصة تحقيقها في ايدي ان شاء الله.

استفسارات:
مديرتي في المركز كانت في نفس وضعي برده في يوم ما
و قالتلي ان احسن حاجة حاليا و فرصتي فيها 50%_وده في نظري نسبة كويسة جدا_
انى اشتغل طب اسرة في السعودية لحد ما احضر MRCP part 1 على الاقل
و ابقى مقيم باطنة.

المشكلة بقى انى اشتغلت طب اسرة في المركز
و اخدت فيه دورة في الدمرداش
و دورة في المركز حاليا برده
بس قالتلي طب الاسرة هناك ارقى و أكثر جدية عشان كدة لازم اخد معايا كتب
في طب الاسرة و النسا و الاطفال و الباطنة
وانا صراحة ماعنديش اي خلفية عن نوعية كتب زي كدة
و مشعاوزة اشيل حاجات كتير
فياريت اللي يفيدني بأحسن الكتب وتكون مفيدة وسلسة في الشرح
واجيبها منين
اتعشم ان اللي هيفيدني قوي في الموضوع دكتور عماد قطت او SAnode

هي الناس الكويسة ده سابت المنتدى و راحت فين؟!!

[kalamntena]

كنت لسه هاقولك عليكي وعلى دكتور عماد

[مصباح]

لا يُفتى في طب الأسرة و الدكتور عماد في المدينة

[ekm86]

لا يُفتى في طب الأسرة و الدكتور عماد في المدينة
وأين هو من المدينة؟

[مصباح]

هو قال لي انه شاف الموضوع و رد عليه - مش عارف رد فين بالظبط

[broken nonna]

جزاكم الله خيرا دكتور مصباح و كلمنتينا انكم بلغتم دكتور عماد
وهو جزاه الله خيرا برده رد عليّ في سرالة على الفيس بوك

بجد شكرا على الاهتمام ربنا يكرمكم.

[dr.parkour]

السسسسسسسلام عليكم

بقالي ساعة بقرا في الموضوع ... ايه الدمااااااااااغ دي ... بل .. إيه الدمغة دي !!! .. دمتم فخرا لينا كدكاترة .. دكتور مصباح ومدينجي وفيرون وسامح ... وكل سنة وانتم طيبين .. الموضوع داخل في السنة الرابعة اهو :d

أنا خلاص أهو فاضلي شهر في الامتياز وسجلت رغبات التكليف "اللي غالبا هيكون في محافظة حدودية" .. وعندي اسالة كتير .. مش عارف اذا كنتم دلوقت وقتكم يسمح بافادتنا فيها وللا لا .. عامة انا لسة محتاج وقت شوية .. اسستم الكلام اللي قريته في دماغي .. علشان شكلي هفرمت كل اللي كنت بفكر فيه وهستب سيستيم جديد.

[Alasmar]

بالتوفيق دكتور باركور
اسأل اللى انت عاوزه
الناس هنا عندها استعدادا تام للأفادة ان شاء الله
و هتعرف كل واحد من اللى شاركو فى الموضوع دا
هما دلوقتى فين و ازاى قراراتهم اثرت عليهم فى الوقت الحالى

موفق ان شاء الله

[مسلمة لله]

بسم الله

السلام عليكم ورحمة الله
لا أعلم حد هينتبه للموضوع مجددا أو لا ، لكن سأجرب وأسأل والله يوفق وحد يجيب
مريت على الموضوع سريعا وأرجو أن يوفق الله حد يجاوبني على أسئلة بسيطة هي أيضا وردت قبل ذلك لكن لم تجب

أولا : ماذا يحددث لو لم تستلم تكليفك أو استلمته و ما حضرت مطلقا وأصلا لا يهمك أن هذا يؤخرك ، هل ستظل على ذمة الوزارة ولا هيرفدوك

ثانيا : هل جرب أحد فعلا يأخذ أجازة دخل من اول ما استلم التكليف ونفعت ؟ وهل أمر العقد هذا أمر ضروري وهل أي عقد ينفع في أي حاجة ولو بعدت شوية عن الطب ولا ممكن من غيره

فقط ومشكورين جميعا الله يجازيكم الخير ويوفقكم