استفتاء الاهلي وغزل المحلة [الأرشيف] - قصر العيني

المساعد الشخصي الرقمي

مشاهدة النسخة كاملة : استفتاء الاهلي وغزل المحلة

HOSSAM ELDIEB

24-08-2007, 07:52 PM

توقع مبارة الاهلي والغزل
شارك في الاستفتاء اللي في اعلي الصفحة

HOSSAM ELDIEB

25-08-2007, 12:46 AM

ايه يا جماعة
19 واحد يتدخلو 4 بس يصوتو
ايه مش شايفيين التصويت ولا ايه
فوق خالص

dr / MIM

25-08-2007, 02:54 AM

الاهلىىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىى

يكسب يا حسام باشا ............................. ده الاهلى برده

HOSSAM ELDIEB

25-08-2007, 03:17 AM

اهلي ايه الي انت جي تقول عليه
انت عارف قبل معني الغزل اليه

اسال الهلال السوداني وهو يقولك يعني ايه اهلي

dr / MIM

25-08-2007, 03:19 AM

انت هتقول زى ما جهلة الكورة بيقولوا و لا ايه يا حسام.............................؟؟؟؟؟؟؟؟؟؟؟؟؟
عيب عليك يا راجل , دى كانت ظروف و عدت ان شاء الله................................... و بعدين اللعيبة خدوا ثقة فى نفسهم

HOSSAM ELDIEB

25-08-2007, 03:22 AM

اللاعبين المحترمين مش بياخدو ثقة في نفسهم ويحترمو المنافس
ويحترمو جماهيرهم انما دول ما احترموش حد
وادي ادراة الاهلي اللي بيقولو عليها ويعيدو بانت علي حقيقتها
وادي جوزيه المدرب الكبير ظهر انه مدرب بدائي لا يفهه شيئال في كرة القدم ده يا راجل لو بيشوف قدامه هيعرف ان دفاع الهلال شوربة لو كان ضغط عليهم كان هيجيب اجوان
عيبييييييب اللي عملوه ده
ما قدروش يستردو كرامة البلد

dr / MIM

25-08-2007, 03:29 AM

ايوة ما انا قلت ظروف .................... و بعدين هى نفس الادارة و نفس اللعيبة و نفس المدرب اللى صوتنا اتنبح فى تشجيعهم

و لا انتوا بتنسوا .................. و انا عايز اسألك سؤال ......... انت عملت ايه بعد ماتش الاسماعيلى اللى خلص 3-0

recoba

25-08-2007, 03:30 AM

انا بقول الاهلى هيكسب الغزل طالما غى القاهرة بس لو كان فى طنطا او فى المحلة اساسى الاهلى يستطبع اقتناص نقطة

dr / MIM

25-08-2007, 03:46 AM

بص يا حسام ......... من غير كلام كتير , هو ده الفرق ما بين لاعبى الاهلى و اى لعيب تانى فى اى فرقة مصرية ثانية..............

<TABLE><TBODY><TR><TD class=nav dir=rtl align=middle>لاعبو الأهلي.."علي كرسي الاعتراف"..في منزل أبوتريكة
أقروا بالتقصير.. وتعاهدوا علي فتح صفحة جديدة
</TD></TR><TR><TD class=auther dir=rtl align=right>ياسر قاسم
</TD></TR><TR><TD dir=rtl align=right>اعترف لاعبو فريق الأهلي بالتقصير خلال جلسة خاصة جمعتهم معا كانت بمثابة كرسي الاعتراف بمنزل النجم محمد أبوتريكة عقب انتهاء المران مباشرة معترفين بتحمل المسئولية في تراجع الأداء خلال المباريات السابقة.
أتفق اللاعبون علي ضرورة فتح صفحة جديدة مع انفسهم واعادة الانتصارات من جديد للقلعة الحمراء والعودة للاداء الجميل الممتع للجماهير.
تعاهد النجوم علي بذل أقصي جهد في المرحلة القادمة التي اعتبروها خاصة بهم برغم صعوبتها وحتي يتأكد الجميع أن الأهلي عاد لطبيعته وأن ما حدث الفترة الماضية انتهي ولن يعود وستري الجماهير نجوم القلعة الحمراء الحقيقيين.
تحدث في الجلسة معظم اللاعبين محمد أبوتريكة وعماد النحاس ومحمد بركات وإسلام الشاطر وجيلبرتو وأحمد بلال وأمير عبدالحميد وأسامة حسني وأحمد صديق ورامي عادل وأحمد عادل.
الترابط
قال محمد أبوتريكة لابد من الترابط ووقوف كل اللاعبين بجوار بعضهم البعض وعدم الاهتزاز حتي يعود الفريق لمساره الطبيعي.
طالب محمد بركات زملاءه بالتركيز في المباريات القادمة خاصة غزل المحلة وحرس الحدود وأسيك ميموزا لأنها بمثابة عنق زجاجة والطريق نحو مرور الفريق الي بر الأمان.
أكد إسلام الشاطر علي أهمية عدم التفريط في اللقب الافريقي مهما كانت الظروف والتأهل إلي اليابان مرة أخري لان اللعب في المونديال يشعر اللاعب بنفسه.
جيلبرتو بالانجليزي
تحدث جيلبرتو باللغة الانجليزية قائلاً لابد أن يكون لدينا ثقة كبيرة في انفسنا ونخوض أي مباراة بدون خوف أو قلق لأن الأهلي فريق كبير لايجب أن يخاف علي الاطلاق فهو بطل افريقيا.
استمرت الجلسة لأكثر من ساعتين ونصف الساعة وشهدت في نهايتها تناول طعام الغداء والاتفاق علي تكرار الجلسة في موعد جديد يحدد مستقبلا في منزل لاعب آخر بالفريق.
لم يحضر الجلسة سوي اللاعبين فقط حيث اقتصروا فيما بينهم بدون وجود أي من افراد الجهاز الفني حتي يكون هناك حرية اكثر في الكلام والفضفضة دون احراج أو قلق.
الدوليون
علم لاعبو الفريق الدوليون الذين كانوا متواجدين في فرنسا مع المنتخب الوطني بالجلسة وسعدوا بها برغم غيابهم وذلك خلال اتصال تليفوني مع محمد أبوتريكة وإسلام الشاطر اللذين قاما بتدعيم الفكرة ورعايتها حتي ظهرت للنور وتم تنفيذها.
علي جانب آخر ادي الفريق مرانه الاساسي استعداداً لمواجهة غزل المحلة غداً في الاسبوع الثاني للدوري العام الذي سيقام في التاسعة مساء باستاد القاهرة.
ركز البرتغالي مانويل جوزيه المدير الفني ومعاونوه حسام البدري المدرب العام وعلاء ميهوب المدرب علي توجيه اللاعبين خلال التقسيمة للعب من لمسة واحدة.
كما زاد الجهاز الفني من تركيزه علي سرعة الارتداد في حالة الهجوم والعكس واستغلال الهجمات المرتدة لهز شباك غزل المحلة.
ولن يخرج تشكيل الأهلي في المباراة عن المعتاد ويتكون من عصام الحضري وشادي محمد وعماد النحاس وأحمد السيد ومعتز إينو "أنيس بوجلبان" وحسام عاشور وجيلبرتو وأحمد عادل ومحمد بركات وعماد متعب وفلافيو.
سيغيب عن اللقاء إسلام الشاطر لحصوله علي انذارين ويعود للعب أمام حرس الحدود يوم الثلاثاء القادم.
علي جانب اخر رفض مسئولو الأهلي سفر أي من لاعبيه للاختبار في أي ناد من خلال اتفاقهم مع وكلاء اللاعبين فقط حيث طلبوا ضرورة وجود خطاب رسمي من النادي بهدف الاطمئنان التام.
</TD></TR></TBODY></TABLE>
المصدر : جريدة المساء
<NOOP content="LGCDIEMRDI" name="SKYPE_FRAMEID">

HOSSAM ELDIEB

25-08-2007, 12:07 PM

kalamntena

25-08-2007, 02:57 PM

حبيبي ده اخر لاعبي الاهلي
هي دي الحقيقة اللي ظهرت في ماتش الهلال
الاهلي مافهوش مهاجم قناص بمعني قناص كلهم شوية عيال
اقل واحد بيفهم في الكورة يقولك ان الاهلي ماعندوش خط وسط
والله دول اصلا ما ينفعوش يكونو لاعبين كرة قدم مش عارف ازاي يقعدو في الاهلي طول المدة دي
في عز ما كان الاهلي بياخد بطولات واحنا عارفين ان محمد شوقي وحسام عاشور وحسن مصطفي مش بيعرفو حاجة عن الكورة بس النتايج هي اللي غطت
وادي الهلال بينهم علي حقيقتهم
ولعلمكم الهلال السوداني ده فريق متواضع بس عشان هاجم الاهلي كسب
واي فرقة بتهاجم الاهلي بتكسب

i don't like that
الموضوع مش معمول عشان نهاجم فريق بعينه وللا ايه

ثانيا نفس الفريق اللى حضرتك عمّال تغتاب لاعيبته و تشتمهم و تاخد ذنوب بسببهم شوف محقق بطولات قد ايه
ده الفرق اللى بين الجمهور اللى بيقف ورا فريقه وبين الجمهور اللى بيستنى الغلطة لفريقة
النسبة لجمهور الاهلى
واقف ورا فريقه
بيعذره وقت مايغلط
و مبيهاجمش اي فريق تاني لانه فاهم ان كلنا مصرين و عرب

mr_azygos

25-08-2007, 02:58 PM

ana mowafe2 Hossam fe koll elle 2alo
el ahly mn 3'eer abo treka wala 7aga we 5at el nos da3eef gedda we 3mad met3eb 3aiesz elkora 3la el5at 3shan yegeeb gool wedefa3 shoorba kowaies en el 7adary mawgood wella kan el ahly etbahdel

kalamntena

25-08-2007, 03:21 PM

يا فندم حضرتك بتتكلم عن ماتش واحد الناس اعترفوا بتقصيرهم فيه

أبو المعاطى شمروخ

25-08-2007, 03:25 PM

مكانشى ماتش وخلص يا جماعة
الله يرحم سيمبا التنزانى

HOSSAM ELDIEB

25-08-2007, 04:59 PM

يا فندم حضرتك بتتكلم عن ماتش واحد الناس اعترفوا بتقصيرهم فيه
معلش انتي ما تعرفيش ظروف الماتش ده بالذات وما تعرفيش السودانيين قالو ايه قبل الماتش
المفروض اللاعبين دول كانو يرجعو كرامتنا بعد اللي سمعناه من السودانيين
بس للاسف ما عندهمش احساس بالمسؤلية
بس علي فكرة المشكلة مش في اللاعبين
جوزيه هو اللي يتحمل الهزيمة بالطريقة البدائية اللي لعب بيها
وبكرر انا كنت اهلاوي بس كرامة البلد فوق اي حاجة
وبعدين بتقولو انهم خدو بطولات صح معاكم حق
انما كلنا عارفين انه فريق ناقصه حاجات كتير
فريق كان بيلعب شوط واحد بس ويتعب
لو الفريق التاني هجمه بيتلغبط وبيدخل فيه اجوان في منتهي السهولة بس اعتقد ان الحظ مش هيسعفه اكتر من كده

kalamntena

25-08-2007, 05:35 PM

يا دكتووووووووووووووووووووور
بلاش الكلام الكبير ده
طب مقولتش الكلام ده للاسماعيلي ليه؟؟؟؟

HOSSAM ELDIEB

25-08-2007, 06:03 PM

يا دكتووووووووووووووووووووور
بلاش الكلام الكبير ده
طب مقولتش الكلام ده للاسماعيلي ليه؟؟؟؟
لان ظروف ماتش الاسماعيلي تختلف عن ظروف ماتش الاهلي
الاسماعيلي خسر عادي الركورة فوز وهزيمة انما ما كانش فيه الملابسات بتاعة ماتش الاهلي
وكمان الاسماعيلي فريق متكامل وبيلعب كورة صح وكلنا عارفين كده
انما الاهلي هو 3 لاعبين فيه اللي شايلين الفريق ومغطيين علي اللاعيبة اللي مش عارف جهم النادي ده ازاي
عموما بكرر انا مش متعصب
بس كل واحد لازم ياخد حقه
وادينا هنشوف الليلة ماتش المحلة
ولو الاهلي كسب قولو حسام مش بيفهم في الكورة مع ان الماتش في القاهرة
واوعدكم ان الاهلي لو كسب هنزل اعتذار لكل الكلام اللي قلته

Nettawy

25-08-2007, 06:46 PM

اشمعنا الاهلى يا حسام؟؟؟؟

ليه ماكتبتش استفتاء بين الزمالك والبلديه؟؟؟؟

ولا هيا شعللها شعللها؟؟؟؟

مع العلم ان الزمالك دلوقتى مغلوب 1/0

Nettawy

25-08-2007, 06:50 PM

لان ظروف ماتش الاسماعيلي تختلف عن ظروف ماتش الاهلي
الاسماعيلي خسر عادي الركورة فوز وهزيمة انما ما كانش فيه الملابسات بتاعة ماتش الاهلي
وكمان الاسماعيلي فريق متكامل وبيلعب كورة صح وكلنا عارفين كده
انما الاهلي هو 3 لاعبين فيه اللي شايلين الفريق ومغطيين علي اللاعيبة اللي مش عارف جهم النادي ده ازاي
عموما بكرر انا مش متعصب
بس كل واحد لازم ياخد حقه
وادينا هنشوف الليلة ماتش المحلة
ولو الاهلي كسب قولو حسام مش بيفهم في الكورة مع ان الماتش في القاهرة
واوعدكم ان الاهلي لو كسب هنزل اعتذار لكل الكلام اللي قلته

معلش يا حسام كونك تقول هنزل اعتذار يبقى انت عارف ان اللى انت قولته على الاهلى كلام مالوش لازمه يتقال
وبعدين انا نفسي نخلص من العصبيه اللي فينا ليه بنقعد نتكلم على الفرق كده
انا عن نفسي بشجع الحلو ودا مش يمنع انى اكون اهلاوى و انى احب ان الاهلى يفوز
بس لو خسر مش بزعل لأن كل واحد بياخد حقه ولا ايه؟؟؟

HOSSAM ELDIEB

25-08-2007, 07:08 PM

معلش يا حسام كونك تقول هنزل اعتذار يبقى انت عارف ان اللى انت قولته على الاهلى كلام مالوش لازمه يتقال
وبعدين انا نفسي نخلص من العصبيه اللي فينا ليه بنقعد نتكلم على الفرق كده
انا عن نفسي بشجع الحلو ودا مش يمنع انى اكون اهلاوى و انى احب ان الاهلى يفوز
بس لو خسر مش بزعل لأن كل واحد بياخد حقه ولا ايه؟؟؟
انا قلت الرياضة فوز وهزيمة ده لما يكون الموضوع متعلق بكرة القدم بس
انما لما الناس تغلط في بلدك وتهدر كرامتك يبقي لازم تفوز عشان ترجعها
بالنسبة ما عملتش استفتاء للبلدية والزمالك ليه ده عشان ظروف منتدانا انت يعني شفت كام واحد صوتو

أبو المعاطى شمروخ

25-08-2007, 08:25 PM

اول مرة افرح لفوز الزمالك علشان خاطر المحلاوية
عقبال الاهلى

Nettawy

25-08-2007, 10:27 PM

الاهلي حيكرر ماتش الزمالك النهارده

HOSSAM ELDIEB

25-08-2007, 11:02 PM

عزيزي الاهلي لن يفوز
لاجظ الاداء
في انتظارك بعد المباراة

أبو المعاطى شمروخ

25-08-2007, 11:04 PM

الاهلي حيكرر ماتش الزمالك النهارده

me 2

kalamntena

25-08-2007, 11:06 PM

يا عيال قولوا ان شاء الله
يا رب خيب ظن حسام

Nettawy

25-08-2007, 11:59 PM

العب يا حسااااااااااااااااااااام
عايز أشوف أجدع إعتذار و بفونت عريض وحجم 7

Nettawy

26-08-2007, 12:00 AM

و ياريت يكون الاعتذار باللون الأحمر

Nettawy

26-08-2007, 12:01 AM

أهلـــــــــــــــــــــــــــــــــــــــــــــــ ــــــــــى أهلـــــــــــــــــــــــــــــــــــــــــــــــ ــــــــى أوه أوه

HOSSAM ELDIEB

26-08-2007, 12:04 AM

الحكم يذبح المحلة من اجل الاهلي الضعيف
يطرد لاعب في منتصف الشوط الثاني ويتغاضي عن ضربة جزاء في الوقت بدل الضائع
ده اخرك يا اهلي تفوز بالتحكيم
ولكن وجب الاعتذار
اعتذر الي كل جماهير الاهلي لانني نسيت ان هناك عامل اخر يحسم المباريات وهو الظلم التحكيمي
اعتذر الي كل اهل الغربية عما صدر من فريقي القديم الاهلي الضعيف

kalamntena

26-08-2007, 12:04 AM

خلاص يا نتاوي بقى
الحمد لله

دلوقتى الناس هيقولوا ولا كانوا عارفين يلعبوا دول دخلوا جون في نفسهم
و كمان بيلعبوا قدام المحلة وهم ناقصين لاعب
و تراهنى على كده

kalamntena

26-08-2007, 12:05 AM

مفيش فايدة
و الله العظيم مفيش فايد

شوف انا لسه باقول ايه
ماشي يا حسام
الله يبارك فيك على المبروك اللى مقلتهاش

Nettawy

26-08-2007, 12:12 AM

يا حسام ده مش اعتذار مع احترامي ليك

انت فقط اعتذرت للمحله وليس للاهلى وياريت بلاش الكلام المتداول شغل تحكيم وبتاع

المهم أنا عايز اعتذار صريح زى ماقولت وياريت يكون باللون الأحمر

HOSSAM ELDIEB

26-08-2007, 12:13 AM

مفيش فايدة
و الله العظيم مفيش فايد

شوف انا لسه باقول ايه
ماشي يا حسام
الله يبارك فيك على المبروك اللى مقلتهاش
مبروك علي هذا الفوز الهزيل
انا عارف انكم مش حاسين بطعمه
نلتقي في مباريات قادمة

Nettawy

26-08-2007, 12:14 AM

حسام انت بتفكرني بمحمود المليجي وهو بيقول

وهكذا سقطت لويزا

kalamntena

26-08-2007, 12:20 AM

هو ده حساااااام

mr_azygos

26-08-2007, 12:39 AM

ya dr kalamntena mesh 3aizeen ned7ak 3la nafsena el ahly enhardah kan mostawah we7esh gedda we ba3d 3'eiab abo treka we shaw2i el ada2 da3eef gedda we ya reet t2oleele ra2iek eeh fe eldefa3 we fe 3emad met3eb

Nettawy

26-08-2007, 12:42 AM

يا أزيجوس احنا ماقولناش حاجه ان الاهلى اليومين دول مستواه نازل

اللي بيزعلني ان بعض الناس بتنتهز الفرص في تشويه الفريق مش أكتر يعنى الموسمين اللى فاتوا و في اليابان ماشوفتش حد قال كلمه عن الأهلى ومش الاهلى بس اللى بيحصله كده ماعندك في الدوري الاسباني شوف ريال مدريد ايه اللي حصلها

STROMA

26-08-2007, 12:46 AM

ايه ده انت طلعت زملكاوى يا حسااااااااااااام

زعلتنى والله

المهم الف مبروك للاهلى النهارده

كرر متش الزمالك

وكسب

وان شاء الله يرجع لمستواه تانى بسرعه

وسلملى على الزمالك اللى هيطيروا من الفرح علشان كسبوا بلدية المحله كانهم كسبوا بطوله

واقول برضه ان الكورة مكسب وخسارة

ومش معقول فريق هيفضل على مستواه على طول

وبطلوا بقى الكلام ده كلام غير ناضج بالمرة

وفيه حجج فارغه كتير

المهم خدنا التلات نقط

والى مزيد من الفوز والتوفيق دايما يا اهلى
ويبعد عنك عيون الحاقدين والحاسدين

امين

HOSSAM ELDIEB

26-08-2007, 12:51 AM

kalamntena

26-08-2007, 12:54 AM

معاك حق عماد مكنش في الفورمة خااااالص
بس هل ده معناه اننا نمسكله الخرزانة
و الله انا شايفة ان الشباب بيحاولوا وعملوا حاجة كده احسن وللا لو كانوا لا قدر الله اتغلبوا
انا مع الاعتراف بالاخطاء بس بعدها ننساها وبلاش جلد الذات عشان نكمل

STROMA

26-08-2007, 12:57 AM

يا ستروما انا اكبر من اني اكون اهلاوي او زملكاوي
انا كنت اهلاوي لحد ماتش الهلال
انا دلوقتي
ناقد
ايوة ناقد وناقد كبير كمان
بذكر عيوب الفرق بس

مش باين يا حسام بكلامك ده انك كنت اهلاوى

شكلك كنت زمان زملكاوى وبعدين لما شفت الاهلى بيكسب على طول اتقلبت اهلاوى
مع موجه الناس اللى سابت الزمالك
وبقوا اهلاويه

وانتهزت اول فرصه لما الاهلى خسر واتقلبت مرة تانيه

انما باقول حتى وان كنت اهلاوى من الاول

فانت لست اهلاويا حقيقيا

لان الاهلاوى او اللى بيشجع اى فريق مهما كان

ما يتحولش على فريقه بالسرعه دى بمجرد انه خسر مباراتين ورا بعض وتعادل فى واحده

دى اسمها تلاكيك

لان اللى بيحب فريقه مفروض يقف وراه فى السراء والضراء والضراء اكتر كمان

vvvip

26-08-2007, 12:57 AM

مبروك عليكم وعلينا
مبروك يا ناسنا واهالينا
هه
اهالينا
وعقبال الماتش الجاي يا حسام

Nettawy

26-08-2007, 01:14 AM

هو يعني معقووووووول مايحلاش النقد غير على الأهلى؟؟؟

HOSSAM ELDIEB

26-08-2007, 02:47 AM

مش باين يا حسام بكلامك ده انك كنت اهلاوى

شكلك كنت زمان زملكاوى وبعدين لما شفت الاهلى بيكسب على طول اتقلبت اهلاوى
مع موجه الناس اللى سابت الزمالك
وبقوا اهلاويه

وانتهزت اول فرصه لما الاهلى خسر واتقلبت مرة تانيه

انما باقول حتى وان كنت اهلاوى من الاول

فانت لست اهلاويا حقيقيا

لان الاهلاوى او اللى بيشجع اى فريق مهما كان

ما يتحولش على فريقه بالسرعه دى بمجرد انه خسر مباراتين ورا بعض وتعادل فى واحده

دى اسمها تلاكيك

لان اللى بيحب فريقه مفروض يقف وراه فى السراء والضراء والضراء اكتر كمان

لا والله انا كنت اهلاوي لاني اتولدت في بيت اهلاوي لكن لما عرفت الحقيقة غيرت رايي
وبعدين الفريق اللي ما يحترمش جمهوره المفروض ما نحترمهوش
ادارة الاهلي همها جمع الفلوس وتكسب وخلاص وما عبرتش الفريق بشوية لاعيبة وسابت العواجيز والعجزانين
وعاوزاني اشجعهم
انا بشجع الاسماعيلي احسن فريق بيلعب كورة في مصر

STROMA

26-08-2007, 04:40 AM

[list]

لا والله انا كنت اهلاوي لاني اتولدت في بيت اهلاوي لكن لما عرفت الحقيقة غيرت رايي
وبعدين الفريق اللي ما يحترمش جمهوره المفروض ما نحترمهوش
ادارة الاهلي همها جمع الفلوس وتكسب وخلاص وما عبرتش الفريق بشوية لاعيبة وسابت العواجيز والعجزانين
وعاوزاني اشجعهم
انا بشجع الاسماعيلي احسن فريق بيلعب كورة في مصر

ادارة الاهلى مش همها جمع الفلوس ولا حاجه

انما انا معاك انهم ناموا فى حكاية الصفقات دى

واكتفوا باللعيبه اللى موجودين فى الفريق

وهما مش عواجيز ولا حاجه

امال بقى نادى الزمالك اللى اغلبهم فوق التلاتين

يعنى الكبار فى الاهلى سنا

هما عماد النحاس
وائل جمعه وهو لاعب قدير جدا
وبركات بالرغم من تخطيه التلاتين الا انه ما شاء الله سريع ومهارى
وشادى محمد
وعصام الحضرى
وبعد كده كل اللاعيبه تحت التلاتين

يعنى الفرقه مش عواجيز ولا حاجه

انما الصراحه انا شايفه ان اقدام اللاعيبه الجديده

ظلم ليهم لانهم مش هيلعبوا فى ظل وجود النجوم وسياسة جوزيه اللى براها خاطئه فى اعتماده على العناصر الاساسيه بس

انما مش ده سبب يخلى واحد بيحب ناديه يسيبه وينتقل الى نقده وشايفه انه نقد مش بناء ولا عادل

لان اللى بيحب فريقه ينقده اه دون تمنيه الخساره ليه والمكسب للفرق المنافسه

Nettawy

26-08-2007, 01:34 PM

هي فين القبعه حد شافها يا جماعه

والله يا ست روما كان نفسي أرفعلك القبعة على الكلمتين دول بس مش لاقيها
عموما ملحوقه