استشارة قانونية...!!!

[فراشة الطب]

السلام عليكم ورحمة الله وبركاته
انا صح مكتبتش من زمان لكن بظروفي وتقولوش ان انا مصلحنجية
المهم
انا عايزة اسال سؤالين الاول لمن هم اكبر منا خبرة في الكلية وقصدي السنين اللي فوق
والتاني للي معايا طالعين سنة تانية ان شاء الله
الاول انا السنة اللي فاتت كنت باخد عند دكتور شريف وكنت جاية الدراسة متاخرة سنتين جبت الحمد لله التقدير العام جيد جدا بس في الفسيولوجي جبت مقبول (محدش يحرجني ويقول العيب مني)
اخد سنة تانية مع ناجي والبرت ولا دكتور مجدي عيسي(علما ان في وحدة صحبتي قالتلي ان ممكن يكون شرحة من معلوماته العامة وطبعا بما ان احنا جيل العلم فمش عايزين غير اللي يدينا من الكتاب وياريت ينقص) ولا اكمل مع شريف *قصدي اذا شرح د ناجي مختلف في تانية اصل كل اللي كانو بياخدو عنده قالو انهو عجز شوية بالذات في الcirculation
اما التاني للكتاكيت الصغنططين
انا هنزل ان شاء الله (عشان انا خرج مصر دلوقتي) علي يوم 16 او 17/ 9
عايزة اعرف اخبار دروس دكتور مدحت ايه؟؟؟ يعني هيعيدها اول يوم دراسة وايه حكاية انهو بدا بتاع الترم التاني:bye:

[brightgalaxy5]

اخد سنة تانية مع ناجي والبرت ولا دكتور مجدي عيسي

دكتور ناجي من اكتر الدكاترة اللي بتثبت المعلومات في راسك
انا حتى الان كلامة بيزن في دماغي
كفاية دي
:)
وبرده هنرجع نعيد ونزيد
المهم مزاكرتك انتي مش شرح الدكتور

[dr / MIM]

بسم الله الرحمن الرحيم
...

طبعا كلام برايت يكفى و زيادة .....
و انا رأيى بنسبة 70 % انك تشوفى مذاكرتك و اسلوب تعاملك مع المادة الاول .... يعنى تحاولى تظبطيها.


ثانيا بالنسبة للدروس .......... دكتور ناجى ده راجل ممتاااااااااز ..... و كتيييييير من اصحابى اللى كانوا بيأخذوا مع د / شريف فى اولى لما كان ناجى مسافر سابوا شريف فى ثانية و اخدوا عنده

بس الصراحة اللى خلانى اقولك ان الرك على الطالب انى لما ارتحت لشريف فى اولى كملت معاه فى ثانية و كان معايا واحد صاحبى و الاولى بتاعة سنة اولى

المهم ......... انا جبت امتياز فيها ..... و صاحبى ده طلع الاول على الدفعة فى الترم الثانى........ و كذلك البنت الثانية

يعنى اللى عايز اقوله ان ما انكرش حق الراجل ........ و الرك زى ما قولت على الطالب ........ الشاطر هيسلك مع اى حد , و الوحش مش هيعمل حاجة حتى مع ناجى ....



اللهم انى قد بلغت , اللهم فأشهد

[فراشة الطب]

والله شكرا يا جماعه بس محدش قالي رايه في دكتور مجدي عيسي

[dr kemo]

يا جماعه انا بقول الكلام ده من واقع التجربه العمليه

دكتور ناجي مع احترامي الشديد ليه الا اني شايف ان اللي بيسمع تسجيلاته احسن بمليون مره من اللي بياخد معاه للأسباب التالية:
1)اللي بيحضر الدرس يعرف أد ايه الدنيا بتبقى زحمه عنده عامله ازاي وده طبعن جو لا يساعد على تفكير و لا فهم عكس اللي بيسمع في البيت.
2)تاني حاجه اني كنت لما باخد معاه بحس ان هو مش قلبو على اللي بياخد معاه.
3)تالت حاجه انه بيلزمك بمواعيد محدده لا جدال و لا نقاش فيها.
4)رابع حاجه و دي أهم حاجه ان صاحبي كنت بسجله التسجيلات عشان يسمعها و مكنش بياخد درس هو جاب امتياز (هو صحيح عالحديدة بس امتياز في الفسيولوجي) و انا جبت جيد مع ان تقديري العام جيد جدن\
5)خامس حاجه و دي نقطه مهمه جدن ان دكتور ناجي شايف نفسه على الاخر و بيتريق على طوب الأرضمع انه ساعات بيغلط و ده طبعن طبيعة الانسان و زي ما انتي قلتي انه عجز و كروت الكارديو

6)انا حضرت العملي مع دكتور شريف و حسيت انه فاهم كويس جدن و أسلوبه رائع و مع ان الناس اشتكت من الشيت لكني و الحمد لله مشفتش فيه أي مشاكل.

و الأهم زي ما قال زميلنا اللي هيزاكر كويس هيسلك مع الجن الأزرق.:tamtam::tamtam::tamtam::tamtam::bye::bye:: bye::bye::bye::bye::bye::bye: