انا زهيييييييييييييييييييييييييقت [الأرشيف] - قصر العيني

مشاهدة النسخة كاملة : انا زهيييييييييييييييييييييييييقت

brightgalaxy5

01-09-2007, 12:57 PM

نوع من الفضفضة بس
بقالي شهرين شغال باطنة
واللي خلصوا امتيازهم عارفين يعني ايه امتياز باطنة
شغل تقييييييييييييييييييييل
روح بنك الدم تعالى من بنك الدم
روح هات اشعات ومعامل
روح روح روح
المشكلة بقى ان قسم 6 اللي انا فيه (عظام سابقا) قلبوه طوارئ من حوالي 15 يوم
يعني بمضي فأيام الاوففففففف بتاعتي
بقالي حوالي 5 ايام بخلي حد يمضيلي في الطوارئ( ده ازا نفع)
والنهارده اتنقلت وحدة فائدة في مستشفى الباطنة
شغالين حوادث
مضيت ومشيت
بلاها انصراف بقى
الامتياز مكانش عايز يطلع والنايب لوحده
عايز يأشر يأشر
مدام الواحد مش واخد حقة والنظام العقيم في الامضاء
ملوش لازمة الواحد يعمل فيها الواد الشهم ويروح يلبس 12 ساعة حوادث
محنا كنا جدعان اوي في الاول
وبناخد على قفانا برده
بتتحايل على نايب ولا نايبة عشان تقولك الدوا ده بتاع ايه
زهقت خلاص
ادي الواحد قاعد في بيته بكرامته
خليهم يطقشوا فبعض
كفاية كدة
:sleepy::sleepy::sleepy:

kalamntena

01-09-2007, 01:00 PM

اهلا
اهلا
وانا عمالة اقول برايت اتأخر ليه كده
دا داخل على 6 شهور
عايز كلام يريح وللا عايز الكلام الصح

brightgalaxy5

01-09-2007, 01:06 PM

كلام يريح
:)

kalamntena

01-09-2007, 01:10 PM

كنت متوقعة
:icon_mrgr

لو ميهمكش العيانين
اعمل اللى انت عاوزه
انت اصلا مش مهمتم بتعيين في الكلية
يأشروا
اللى عاوز يأشر يأشر
شفت رخامة زي دي
:icon_mrgr

kalamntena

01-09-2007, 01:16 PM

اصل المشكلة يا برايت
ان اللى زينا _ على حد اعتقادي انك زينا_
مخلوقين عشان الناس التانية
وانا ماقصدش الدكاترة
انا اقصد نوع معين من الناس
الحمد لله اشرف انى اكون في ديلهم زي مابيقولوا
دايما الناس معتقدة انها محتاجالهم و دايما بيروحولهم
و معتقدين ان مالهمش حق يتعبوا او يزهقوا
و مش متخيلين ابدا ان هييجي اليوم اللى يكونوا محتاجين يستريحوا فيه
و خلى بالك دي مش ميزة
انت كده وبتحب تبقى كده وبتنبسط لما تكون كده
يعنى مفيش مجال نتنطط على الناس
منفعة متبادلة
هم بيستفيدوا واحنا بنستفيد
لولاهم مكناش عرفنا يعنى ايه سعادة
حاول تسرق كام يوم راحة كده بعيد عن الناس
مش عشانك
عشان ترجعلهم تاني

brightgalaxy5

01-09-2007, 01:20 PM

كتير بنسى النية وانا شغال
بس مش هخلي الموضوع ده يفارق مخي ان شاء الله

kalamntena

01-09-2007, 01:33 PM

اهم حاجة فعلا انك تاخد كام يوم اجازة عشان تكمل
و بعدين رمضان داخل
لازم تجهز قبله
خدلك كده كام يوم اوف او اجازة ورا بعض وربنا يعيينك

dr_haidy

01-09-2007, 01:52 PM

بص يا بنى خدها حكمة من اختك الدكتورة هايدي :smiley16::health:....علشين توصل لازم تروح و تروح وتروح .......................وترجع تانى ...لا بجد والله ...روح واعمل اللي عليك وربنا هيجزيك خير ويعوض صبرك خيروكفاية انك وانت رايح المشوار هتاخد ثواب ومشوار الرجوع كمان بثواب ...لانه في سبيل العلم وانويها نية صافية لله وربنا هيوفقك .:tamtam:..امنياتى لك بالتوفيق والنجاح .:smiley20:...على فكرة انا طالعة تالتة طب ادعيلي بقي اجيب امتياز السنة دى :smiley24.اصلي لازم اخد مقابل:icon_mrgr ..................................بهزر والله :akh:سلااااااااااااااااااام :bye:

مصباح

01-09-2007, 02:43 PM

تمنياتي بالتوفيق يا برايت
ان شاء الله ربنا هايكرمك

brightgalaxy5

01-09-2007, 06:57 PM

ادعيلي بقي اجيب امتياز السنة دى :smiley24.
دعيتلك:)

<HR style="COLOR: #d1d1e1" SIZE=1> 
تمنياتي بالتوفيق يا برايت
ان شاء الله ربنا هايكرمك
يا رب يا مصباح

hamdy009

03-09-2007, 08:22 PM

خدها منى حكمة
طلع امتيازك برة
وتعالى الحوامدية معانا
انا بقالى شهر ما رحتش3
بلا قصر بلا وجع دماغ