هل من مجيب؟؟؟

[dr.guess who]

السلام عليكم ورحمة الله و بركاته
انا اخت لكم فى الله فى الفرقة 6 قصر العينى
وكنت اتمنى ان تساعدونى
كنت عاوزة اسأل عن الدروس اخد دروس عند مين
و اذاكر من كتب مين
و ازاى اقدر اوفق فى المذاكرة بين الباطنة و الجراحة
و جزاكم الله خيرا

ياريت جد يرد على و اللى عاوز يدينى اى نصائح
كلى اذان صاغيه و اعين متأهبه

[Alasmar]

اولا الق نظرة على الروابط دى لعل يكون فيها الفائده

نصائح لأطباء المستقبل (http://www.medicine.cu.edu.eg/english/students/forum/showthread.php?t=3987)

Sixth Year (http://www.medicine.cu.edu.eg/english/students/forum/forumdisplay.php?f=46)

ثانيا مواضيع المنتدى مليانه نصائح و حاجات مفيده
ممكن الواحد بدعبس فيها و هيستفيد كتير ان شاء الله

و لو فيه اى اسئلة محددة
ياريت نسألها
و ان شاء الله فيه ناس كتير قوى ممكن تجاوب و تحب تفيد

و احب اقول ان مفيش داعى للخوف خاص من سنة سادسة
لأنها بالنسبة لى على الاقل كانت احسن سنة و اسهل سنة

و بالتوفيق

[dr.guess who]

السلام عليكم و رحمة الله و بركاته
جزاك الله كل خير
انا سمعت ان يفضل ان اخد دروس
بس انا سمعت اسماء كتير و كمان سمعت ان فيه مصادر كتير للمذاكرة
ياريت لو حضرتك تفيدنى فى هذا الموضوع

[brightgalaxy5]

السلام عليكم
بصي يا دكتورة
انتي لو متعودة على الدروس مش هتتعودي على المحاضرات بسهولة
والعكس صحيح
متغيريش نظامك في سنة حرجة زي دي
عن نفسي كنت باخد جراحة مع دكتور علي حسيب وباطنة مع شريف الهواري
دول احسن دكاترة بيدو دروس

بالنسبة للكلينيكال باطنة اغلبية الناس حتى اللي مالهاش في الدروس بتاخد مع عابدين
انا خدت مع ايهاب وندمت
اهم حاجة سواء محاضرات او دروس
زاكري من الاول وانجزي بسرعة
المنهج ضخم لأقصى درجة
واوعي تتنشني
هتخسري كتير لو تنشنتي
ولو عايزة تسألي في اي حاجة فيه ناس كتير هنا مخلصين ممكن ينفعوكي
بالتوفيق

[dr.guess who]

جزاكم الله خيرا
ربنا يكرمكم
طيب د.خويلد فى الجراحة كويس وللا لية؟
و بالنسبة للعملى الباطنة اية رأى حضرتك فى د.اشرف ذكى؟
ونظرى الباطنة اخد مع د.الهوارى وللا د.الشافعى؟

و ايه هو افضل سورس للمذاكرة؟
ربنا يكرمكم و يبارك لكم

[brightgalaxy5]

جزاكم الله خيرا
ربنا يكرمكم
طيب د.خويلد فى الجراحة كويس وللا لية؟
و بالنسبة للعملى الباطنة اية رأى حضرتك فى د.اشرف ذكى؟
ونظرى الباطنة اخد مع د.الهوارى وللا د.الشافعى؟

و ايه هو افضل سورس للمذاكرة؟
ربنا يكرمكم و يبارك لكم

خويلد كويس جدا ييجي بعد علي حسيب علاطول
اشرف زكي لااا, بيطول اوي في الحصة والسنة دي انتي احوج حلجة للوقت
عابدين احسن زي ماقلتلك مع اني ماكنتش باخد معاه
الناس كانت بتقولي خد مع عابدين وانا ركبت راسي وقلت ايهاب بيشرع بتعمق عشان ابدع في الاجابة
جيت في اخر السنة لقيت ليا يوم واحد لللونج وملحقتش ازاكر كل اللي قاله ايهاب
فهمتيني
دكتور الهواري هيطلعك صامة الباطنة
ده لانه بيسألك كل حصة
واللي بيشوفه مش بيجاوب بيقله متكملش معايا
وده حصل كتيير
المصدر
احسن مصدر للجراحة كتاب الكلية
لو هتخدي مع حد زاكري من كتبه
للباطنة عندك كتب الهواري وسامح لبيب و الكلية وكتب دكتور اسمه(مش فاكر اسمه)
احسن حاجة للباطنة بدون منازع كتب دكتور(مش فاكر اسمه)
هتلاقي كتبه ماليا مكتبات الكلية وهو دكتور قديم بس كتبه كويسة
انا كنت بزاكر من كتب الهواري
بس كان بيزودلنا قد الصفحة مرة كمان في الحصة

لو الناس فاكرة اسم دكتور الباطنة اللي كتبه كويسة ياريت يفكرني

[amira.M.a]

الفاطاطرى؟

[mady]

اتمنى المزيد من النصائح
انا كمان سمعت عن د.شافعى فى الباطنة
وكنت عاوز اسأل ايه الفرق بين على حسيب و خويلد؟


دكتور الهواري هيطلعك صامة الباطنة
ده لانه بيسألك كل حصة
واللي بيشوفه مش بيجاوب بيقله متكملش معايا
وده حصل كتيير
المصدر

ايه دا؟؟؟؟
يعنى بيطرد حصة وللا بيطرد من الدرس خالص ؟

و فين الدروس دى و بكام و ياريت رقم التليفون

[brightgalaxy5]

الفاطاطرى؟

الفاطاطرييييييييييييييييي

[brightgalaxy5]

انتو يا جماعة كدة هتودوا الناس في داهية
:)

[mady]

ya shabab
where
the
replies
of
the
qs

[brightgalaxy5]

بيطرد من الدرس خالص

[a7mad]

السلام عليكم

العبد لله من بتوع سادسة قديم اللى امتحانهم فى شهر 11...هتقولوا سايب المذاكرة و قاعد هنا ليه هقول عادى المذاكرة مش كل حاجة فى الحياة:icon_mrgr

بالنسبه لأسئلة الداكترة اللى رايحيين سادسة

أنا شخصيا مش باخد نظرى باطنة و باخد عملى مع د.محمد على و الجراحة حضرت مع د.حسين خيرى الترم الأول و كملت مع وهدان و خدت معاه كلينيكال كمان....

نصايحى القيمه:

1-أوعى حد يصدق أن من غير درس مش هتعرف تعمل حاجه

2- شريف الهوارى له طريقة معينه أنا شخصيا لا أقبلها على نفسى حتى لو هيدينى الإمتحان مش هيحفظنى الباطنه و ناس كتير جدا بيسبوه فى الترم التانى بسبب طريقته لو حد مصر ياخد درس نظرى أنا أرشح د.شافعى ممتاز جدا و updated جدا. بس المذكرات متهيألى بتاعة د.شريف أكتر مذكرات منظمة و مختصرة إختصار غير مخل.

3- كلينيكال باطنه أنا بحذر من أشرف ذكى و عابدين...إيهاب معرفش عنه حاجة بس أشرف زكى بيطول و يرغى و يتوهك و فى ناس كتير بتفصل منه أما د.عابدين للإمتحان بس لن يفيد كطبيب على الإطلاق معلوماتة على قده أوى...أنا أنصح بد. محمد على الراجل ده فوق الممتاز أولا فاهم جدا ثانيا بيلم حلو أوى عشان الإمتحان من الأخر يعنى هو ده اللى هيفيدك فى الإمتحان - إن شاء الله يعنى- و فى حياتك.

ملحوظة: د.شافى و د.محمد على الأتنين بتوع critical care و الناس دى بصراحة معدية بيفهموا أكتر من بتوع الباطنة بكتير أوى كفاية أن الأستاذ بتاعهم د.شريف مختار.

4- جراحة نظرى د.حسين خيرى فوق الممتاز رائع كشخص و كمعلم بس المشكلة أنه بطئ جدا عشان بيدى معلومات جميله تنفعك أو لو ناوى تحضر معادلة أو زمالة لو حد معندوش مشكلة يفضل يحضر معاه لحد شهر تسعة فلا يتردد...بالنسبة للدروس أنا أرشح د.خويلد ليه؟؟ أولا بيدى حصتين بس فى الاسبوع لغاية اخر شهر بيبقوا تلات و من غير كروته.. المذكرات بتاعتة ماشية مع كتاب القسم من غير غباء يعنى مش ناقل كل كلمه غير أنه بيتابع كويس معاك و منظم جدا.....د.على حسيب معظم اللى بياخدو معاه مبسوطين بس هو بيدى حوالى أربع أو خمس حصص فى الإسبوع و الناس منبهرة به عشان شخصيته كوميديه لأبعد درجه بس ناس كتير من اللى بياخدو معاه بيقولو هو مش بيسشرح أوى بالمعنى المفهوم بس هو بيرفه عنك و يظبتك تمام عشان الإمتحان و يخليك تحبه...لا أنصح بكتاب عمرو الشايب لأنه مش ماشى مع كتاب القسم أنصح بخويلد أما على حسيب نفسه بيقول أن ملازمه صعبه لومخدتش معاه...

5- كلينيكال جراحه خد مع أى حد ماشى فى الشارع بس كل بتوع النظرى بيشرحوا كلينيكاك مع النظرى...

6- اخر و أهم نصيحه: ماتخدش نصايح من حد لسه مامتحنش :health:

اللى أعرفة عن الmeetings كالأتى:

د.محمد على يوم الثلاثاء 19/9 و الأحد 24/9 الساعى 2 بسنتر طيبة (برج الياسمين) اللى فيه شريف الهوارى

لأى معلومات : 0122444253---0113301340

ميل:mshehata74@hotmail.com

و دى صورة كتابه اللى هينزل هو كان عندة مذكرات بس هيعمل كتاب السنة دى و والله و بكل أمانة كتابه أحسن حاجة فى الكلينيكال - فى رايى طبعا عشان القسم- مش كبيرة أوى زى اشرف زكى و فى نفس الوقت منظمه و تديك معلومات تحسسك أنك شخص محترم(طبعا كله هيبان فى الإمتحان :)



دى خلاصة تجربتى مع سنه سادسة اللى اتمنى أنها تكون ناجحه.....أدعولى يا جماعة بجد لحسن الموقف حرج

http://i47.photobucket.com/albums/f190/rewayat/Doc1.jpg

و صورته هو كمان أوعى حد يحس أن ده إعلا ن مقنع بس أنا شايف أنه مش واخد حقه بصراحه

http://i47.photobucket.com/albums/f190/rewayat/Doc2.jpg

[brightgalaxy5]

مكنش بيدي على ايامي دكتور محمد شحاته
مقدرش اقول حاجة عنه
دكتور علي حسيب مع اني خدت عنه ومن اشد المعجبين بيه بس شرحه مش قد كدة
اللهم قد بلغت اللهم فشهد

[dr.guess who]

جزاكم الله خيرا
ربنا يبارك لكم
ويجعله فى ميزان حسناتكم

[mady]

جزاكم الله خيرا
بس بالنسبه للباطنه اشترى مذكرات د.الهوارى و للا الشافعى؟
ولو قدرت اخد درس نظرى عند د.الشافعى اذاكر منه ولا اجيب الهوارى و اتابع من الهوارى مع شرح الشافعى ؟
اصل بصراحة سمعت ان الهوارى لوحده ب4الاف
وانا مش هاقدر اخد معاه
وهل فى برانشات نجيب نمذكرات دكاترة معينيين؟
وبالنسبه للباطنه العملى ايه رأيكم فى مذكرات ايهاب وللا اجيب ايه
وفين اماكن الدروس دى؟
معلش اخر سؤال هو حسيب و الهوارى مالهومش سيديهات؟
و جزاكم الله خيرا

[a7mad]

السلام عليكم

لو مش هتاخد درس باطنة مذكرات شريف هتبقى أفضل و بوجه عام لو بتاخد درس يبقى أحسن تذاكر من ملازم الدكتور اللى بتاخد عنده...ملازم د.الشافعى حلوة و updated بس هى كبيره شويه ممكن تجرب تحضرله بملازم د.شريف لو لقيت الحكايه ضلمه ممكن تغير ماتخفش السنه طويله و ممكن تعمل اللى أنت عاوزه....

أماكن الدروس حسب معلوماتى اللى ممكن تكون مش دقيقة...د.الهوارى و محمد على سنتر طيبه (برج الياسمين) اللى كان فى د.مدحت على أيامى...د.شافى و اشرف زكى و د.عمرو الشايب فى جيت....د.حسيب غالبا سنتر 3.....د.خويلد سنتر مودرن اللى بعد الياسمين...د.إيهاب غالبا سنتر 268 و معاه د.وهدان...

الهوارى كان لى سيديهات جتلى فى اخر السنه و كنت رفعتهم و حطيت اللينكات على أحد المواقع بس هو واقع دلوقتى لو لقيت اللينكات ممكن أبقى احطها هنا لو مش ممنوع...

[dr.guess who]

ربنا يكرمك د.احمد ويجزيك كل خير
ياريت حضرتك تقول لنا على روابط شرائط د.الهوارى

[brightgalaxy5]

محاضرات دكتور حسين خيري
http://www.hkhairy.com/wiki/index.php/Lectures

[د.محمد العقاد]

يعني دلوقتي انتم حيرتونا بقى كل شويه واحد يقول خد مع ده ومتخدش مع ده؟؟؟؟؟ بعدين يا جماعه اي كتاب احسن ما بقولش كتب سواء جراحه او باطنة ؟؟ بعدين انا معاية رقم الدكتور محمد الشافعي 0122815772
رقم الدكتور خويلد 0101431632
ربنـــــــــــــــــــــــــا معانـــــــــــــــــــــــــــا

[arownas]

السلام عليكم
انا ما اخدتش دروس خالص
بس في ساتة اخدت مراجعة في اخر السنة مع الشافعي
بجد راجل فاهم جدا و دماغة عالية الى ابعد حد
و ماتنسوش محاضرات دكتور حسام موافي (يا رب يكون لسه بيديها) ماتفوتوش محاضرة ده ممكن يغنيكم عن دروس النظري خالص
و شوية الباطنة اللي لسة في دماغي بعد قرب سنتين من اخر مذاكرة ليها الفضل ليهم بعد ربنا للدكتور حسام موافي و دكتور محمد الشافعي

[dr.guess who]

محاضرات دكتور حسين خيري
http://www.hkhairy.com/wiki/index.php/Lectures



جزاكم الله خيرا
ربنا يجعل مساعدتكم لنا فى ميزان حسناتكم

[dr.guess who]

يعني دلوقتي انتم حيرتونا بقى كل شويه واحد يقول خد مع ده ومتخدش مع ده؟؟؟؟؟ بعدين يا جماعه اي كتاب احسن ما بقولش كتب سواء جراحه او باطنة ؟؟ بعدين انا معاية رقم الدكتور محمد الشافعي 0122815772
رقم الدكتور خويلد 0101431632
ربنـــــــــــــــــــــــــا معانـــــــــــــــــــــــــــا


د.محمد صدقنى انا كمان محتارة جدا
بس غالبا ان شاء الله انا كمان هاخد مع د.الشافعى و د.خويلد
وعلى فكرة الميتنج بتاعهم كان اليوم
وحددوا المواعيد
و لو حضرتك لم تحضر ابلغنى و ان شاء الله اقول لك ما ما قالوه

[longago]

ياريت يادكتورة مواعيد الدكتور خويلد لو سمحت

[مدنجي]

من الآخر
محاضرات الاستاذ الدكتور حسين خيرى الى هيحضرها هيكسب درجات و ممكن يبقى الاول على الكلية كمان
و هيكسب شخصية و صفات
يعنى مش علم بس
و الى عايز اى نصيحة تانية لأى حد ياخد عنده درس بره انا ممكن اساعدكو و اقولكو رأى بحكم خبرتى و بحكم ما

شوفت من اصدقائى المدنجية و غير المدنجية
اولأ اى حد ما الى هذكرهم دول
لا يصلح مقارنته مع الاستاذ الدكتور حسين خيرى
فى العلم
او طريقة الشرح
او الشخصية
مع شديد احترامى لهم

و الى طالبة معاه يطير فلوس فى الهوا بالرغم انه مش ممكن يزود حاجة عن الى فات بل بالعكس هيخسر كتير جداً

اعتقد احسن واحد بيدى درس جراحة هو على حسيب
و برده الشايب كويس جدا
و الى عاوز يوفر شوية ياخد عند خويلد كويس برده جدا
بس يستحمل مواعيده بقا
و فيه برده وهدان
و حذار حذار حذار
من المسمى وائل متولى :smiley18::smiley18:
فأى طالب ذكر شوية اى موضوع او قراه مرتين يبقى احسن منه
لأنه مش جراح دا مهرج :smiley8.:smiley8.
مع كامل احترامى

تذاكر منين
لو هتتابع مع استاذنا الدكتور حسين خيرى
يبقى كتاب القسم هتحس انه صغير و مش كافى
بس هتلاقيه كتاب محترم جدا و يعنى لزوم الامتحان
و على فكرة لو تابعت مع استاذنا الدكتور حسين خيرى هترتاح جداً على عكس ما انت متوقع
كل الى هتعمله فى حياتك هو الحضور و بعد كدا قراءة الموضوع المشروح لمده نصف ساعة فى اليوم
و بعد كدا ملاكش دعوة
الجراحة دى هتبقى زى المية
و ممكن تفكر تدى دروس كمان
زى ما مدنجى كان بيعمل فى المدينة مع اصدقاءة المدنجية

كتاب الشايب اعتقد انه تانى كتاب موثوق فيه بعد كتاب القسم و دا بشهادة اساتذة كتير
اى مذكرات تانية او كتب تانية يبقى لو مع الدرس
و حذار حذار حذار
من كتب او مذكرات المسمى وائل متولى :smiley18::smiley18::smiley18:
فأى طالب ذكر شوية اى موضوع او قراه مرتين يبقى احسن منه
لأنه مش جراح دا مهرج
مع كامل احترامى

و الحضور فى الراوند
هيفوته نص عمره او اكتر شوية الى مش هيحضر لكل من
الاستاذ الدكتور محمد قناوى
الاستاذ الدكتور حسين خيرى
الاستاذ الدكتور عمرو محسن
و فيه غيرهم كمان بس انت انوى و احضر و اسأل
لأ الى مش هيحضر لهم مش هيفوته نص عمره بس
لأ دا ميعتبرش نفسه دخل القصر العينى اصلاً

نفس الموضوع تقريبا فى الباطنة
استاذنا الدكتور حسام موافى
لا يجوز مقارنتة بأى وجه من الوجوه مع الى هقولهم دول
فى العلم
و طريقة الشرح العبقرية
و الشخصية الهايلة
بجد لو تابعت معاة امتياز الباطنة هيبقى سهل جدا
بس المشكلة انه مبيشرحش المنهج كله
هو بيشرح اهم نقاط المنهج
و الى ممكن تمثل حوالى 90% من الامتحانات النظرى و العملى

الى عاوز يضيع و يطير شوية فلوس و يركز قوى فى العشرة فى المية الباقيين

الى بيدو دروس اعتقد احسن واحد شريف الهوارى بالرغم من كل الانتقادات الى عليه
بس الى مش عاجبه الشافعى كويس جدا و انا حضرت له بنفسى محاضرة واحدة بس هو هايل بجد
و بيقول كلام كتير عن استاذه و استاذنا الدكتور حسام موافى
بس انا مقدرتش على طريقة تعامله لانى اتعودت على حسين خيرى و حسام موافى
و مقدرتش انزل لمستواه
بس بالرغم من كدا هو كويس
و اى حد عاوز يضيع وقت او فلوس ممكن يروح له

تذاكر منين
حذار حذار حذار مذكرات شريف الهوارى :smiley18::smiley18:
احذر خطر الموت
معلومات قدمية
و مرتبه بطريقة متخلفة
تخلى الى بيصحح لك يديك الصفر و هو ضميره مستريح بالرغم انك كاتب زى المذكرة تمام
يعنى لازم تعدل عليها او تاخد معاه درس عشان تذاكر منها
لأنه هيصلح لك فيها و يزودلك فيها
عن نفسى كنت بذاكر منها و اتعلمت كتير من اخطاءها الكتير الى كنت بستفيد جدا و انا بعدلها و بصلحها
من حسام موافى او من كتاب كارنت بتاع الباطنة
و بجد بجد لو كنت اعرف ان حسام موافى له كتاب كنت ذاكرت منه فوراً

عملى الباطنة
عيب قوى حد ياخد درس عملى باطنة
و فيه الاساتذه الى وحدة عمر الخشاب

بس برده الى عاوز يضيع وقت و يقابل ناس حلوين ولاد ناس معاهم فلوس مش عارفين يودوها فين
يروح لأى حد
الا
اشرف زكى :smiley18::smiley19::smiley18:
احذر خطر الموت شللاً



و ربنا معاكو


دى..

[a7mad]

فعلا نسيت اقول أن أكبر عيوب د.خويلد هى المواعيد..بيتأخر على ميعاد الحصة على الأقل نصف ساعه بس بعد كده تتنعود و هتعرف إن ده النظام فهتيجى متأخر نص ساعه:smiley1:

بالنسبه لمذكرات د.شريف أكرر أنا كنت بسمع شرايط الفطاطرى عليها و والله حاجات قليله جدا اللى كنت يتزودها عليها و طبعا د.الفطاطرى كان بيشرح على كتابه..و للمرة التانيه لو حد مش مصدق أن الكتب كلها زى بعض تقريبا (فطاطرى..سامح لبيب..شريف الهوارى) يمسك التلاته و يفتح على أى درس و يقارن و على فكره د.شريف ساعات بيغير ملازمه مثلا السنه دى غير الKidney و GIT...المختلف هو كتاب د.حسام موافى

و ساعات كتيره كان لما د.الفطاطرى يلغى سطر و لا أى حاجه من كتابه تلاقيها مش موجوده فى كتاب د.شريف تحس أنه و هو بيعمل الكتاب كان بينقل من الفطاطرى و هو بيسمع الشرايط :smiley1:

[مدنجي]

معلش تعليقا على كلامك يا احمد
و لا كلام ناس كتير
و انا نفسى كنت منهم

يا جماعة
العلم لا يكيل بالبتنجان

يعنى حكاية المذكرة دى اكبر ولا اصغر
و لا فيها سطر مش عارف ايه
ولا فلان بيقول كلمة ايه

كل دا بتنجان
اتعودنا عليه و عشناه و اتعلمناه من نظام تعليمنا الغبى
الى علمنا ان العلم يكيل بالبتنجان
اكبرو بقا
و اعرفو الدنيا على حقيقتها
قبل ما تخرجو من الكلية و يفوتكو قطار العلم و المعرفة الحقيقى

يا جماعة خدو العلم من مصادره الحقيقية

و الى مش عاوز هو حر
خليه عايش فى البتنجان

دى نصيحة لكل شب و فتاة
و اللهم بلغت
اللهم فأشهد

دى..

[a7mad]

تعليقا على كلامك يا مدنجى اللى هو صح 100%

بس للأسف أنت ساعات كتير بتجبر على التخلى عن الصح و السبب أنك ممكن ببساطة تعمل اللى أنت بتقول عليه و اللى هو صح بس هتلاقى حد خد درس و ذاكر شوية كلام صغيريين اللى بيجى منهم الإمتحان و جاب أحسن منك و ده مش لأنه أحسن منك بس عشان التقييم فى مصر غلط و مش بيفرّق بين اللى بيفهم واللى على قده أنا مثلا فضلت أحضر د.حسين خيرى تيرم و شويه بعد كده الناس لعبت فى دماغى و مش هيخلص و فى د.وهدان هيبتدى بال GIT و هكذا و مشيت وراهم و ربنا يستر فى الإمتحان ..أنا حاولت أمسك العصايه من النص و ده مش صح...فى و احد معايا فى الدفعه لما فضلت أقنعه يحضر د.حسين خيرى و أقوله ده اللى هيفيدك فى المستقبل كان يقولى انت دلوقتى إسمك (mark gainer) يعنى إعمل أى حاجه هتجبلك درجات بأقل مجهود و أقصر طريق و عنده و جهة نظر ماينفعش نتجاهلها حتى لو غلط لأن للأسف ده نظام الكليه...بس أنا بختلف معاك إنك بتقول إنت دلوقتى فى مرحلة جنى العلم أنا شايف أنك هتفضل على طول فى المرحلة دى و فى مصر الدكتور بيبتدى يتعلم بجد بعد التخرج...أذا قعدنا نتكلم عن الصح و الغلط فى الكلية دى مش هنبطل كلام..

[mady]

مواعيد د.خويلد
اللى اعرفه انه ادى حصة يوم السبت و الحصة التانيه يوم الاتنين الساعة 7.30 والاعادة الساعه 1

[mady]

يا دكاترة انتم بجد حيرتونى بعد ما قررت اخد درس عملى باطنه مع ايهاب و اذاكر من مذكرات الشافعى و اخد درس عند خويلد
خلتونى قلقت و هارجع فى كلامى
حسيب و الهوارى غاليين جدا جدا
انا تهت خالص

[kalamntena]

ايه يا مدنجي دا انت بهدلت الدكاترة يا راجل
ضاع صيام النهاردة
:icon_mrgr

[مدنجي]

فى مصر الدكتور بيبتدى يتعلم بجد بعد التخرج...

كلامك صح لو الى هيتخرج دا هيبقى نايب فى القصر العينى
يعنى من المتين الاوائل على الاقل
يعنى ممكن جدا الواحد يقعد يتعلم الغباوة ست سنين عشان يتعين فى الكلية و يبقى نايب فى القصر العينى
و ساعتها بقى ربنا يعينه و يعرف يتعلم و يتخلص من الغباوة دى
لكن مش هتعلم الغباوة و اطلع برده برة القصر العينى احترفها
كدا يبقى الواحد بقى غبى منه فيه
تعليم و ممارسة
يعنى ولا اتعلم صح ولا مارس صح

غير كدا
فأقل كلمة او حاجة اتعلمتها ولو من ممرضة فى القصر العينى احسن و انضف مية مرة من الى هتتعلمة من استشارى كبير فى وزارة الصحة
فما بالك بقا لو اتعلمت على ايدين اساتذه كبار

كل واحد حر
و كل واحد عقله فى راسه يعرف خلاصه


دى..

[a7mad]

مع إحترامى الشديد لكلامك مدنجى اللى عايز يتعلم صح بيتعلم و عمر ما كان العلم مقصور على أحد مهما كان..أنا طبعا مش بقلل من الدكاتره العظام اللى بنتكلم عليهم دول أساتذتى و أستفدت منهم كلهم...بس ماينفعش نقول اللى مش حيحضر فلان أو مكنش منتظم فى حضور الحاجه الفلانيه هيفضل جاهل طول عمره...سبل التعليم لا تنقطع..

[arownas]

انا ذاكرت من كتب وائل متولي و مذكرات الهواري مع شوية زيادات من محاضرات دكتور حسام موافي و الشافعي
و لقيتهم مصدرين ممتازين و مايفرقوش حاجة عن اي كتب تانية

[مدنجي]

بس ماينفعش نقول اللى مش حيحضر فلان أو مكنش منتظم فى حضور الحاجه الفلانيه هيفضل جاهل طول عمره...سبل التعليم لا تنقطع..

هو انا اليومين دول قاعد اتفهم غلط كدا ليه
انا مقصدش قصر العلم على حد
و لا حتى كمان التقليل من شأن الى بيدو دروس
على فكرة طول ما الى بيدى دروس واخد دكتوراة او من الاستاف بتاع القصر العينى
اكيد يبقى قوى جدا
بس برده لا مجال لمقارنته مع استاذ اى استاذ مش الى ذكرتهم بس
و بم ان الاساتذه اكيد افضل
و كمان ببلاش
يبقى ليه دروس؟؟؟


انا ذاكرت من كتب وائل متولي

كتب وائل متولى هيا دى البتنجان بعينة
و علم وائل متولى هو شجرة البتنجان
مع احترامى لشخصيتة
لكن معلش
انا واثق تماما من الى بقوله
و هو ان مدنجى او ادى درس جراحة هيضرب وائل متولى فى السوق بالراحة
و دا مش لأن مدنجى جامد لا دا عشان علم وائل و كتبه بتنجان رسمى
و دا بشهادة كل الناس الى بياخدو عنده درس و غيرهم و بهادة كل الاساتذة الى شافو كتبه و سمعو اجابات الطلبة الى عنده فى الدرس فى الامتحان و بشهادتى انا شخصيا
و بحب اوضح ان مذكرات شريف الهوارى بدون تعديل و اضافة و تصحيح بتنجان عالى جداً

هتقولولى طيب الناس بتروح و تذاكر من الحاجات دى و بتجيب درجات
هقولكو الناس التانية برده بتجيب درجات
و لازم الى بياخد درس عند وائل او بيذاكر من كتابة يجيب درجات
لأننا فى عصر البتنجان
بس قابلونى لو استفاد اى حاجة فى حياتة من العلم البتنجانى دا

و موفقين جميعا ان شاء الله

دى..

[arownas]

و الله اذا كانت كتب وائل هي البتنجان
فده شئ ظريف جدا لاني بحب البتنجان قوي
جربه كده لما يكون مخلل و معمول بالتوم و حطه على طبق فول مدمس حاجة انما ايه عجب

او محشي بتنجان ابيض او اسمر برده شغاااااااااااااااااال

و لا المسقعة حاجة تجنن البتنجان بجد

احنا بتوع البرنجااااااااااااااااااااااااااااااااااااااان

[arownas]

http://www4.0zz0.com/2007/09/23/21/97360440.jpg

http://www4.0zz0.com/2007/09/23/21/25949435.jpg


و نسيت اجيب سيرة بابا غنوج




:icon_mrgr

[مدنجي]

مع انى مش عاوز اخرج عن الموضوع و نقلبها تهييس
ان زيك بجد بموت فى البتنجان
بس للأس بكرهة لما يكون مبزر:icon_mrgr

و موفقين جميعا ان شاء الله



دى..

[arownas]

ماشي
بص يا عم مدنجي انا مش هاخش في نقاش علشان انا نازل دلوقتي و مش داخل الا بعد بكرة ان شاء الله
بس انا قصدي
هل كتب وائل فيها حاجة غلط علميا؟؟
اللي بيفرق بس الترتيب و التنظيم
و الامر برده على مذكرات الهواري
في معلومات غلط؟

[مدنجي]

جميل جدا انك فتحت الموضوع دا
ربنا بجد يجازيك كل خير لأن الناس الى هتقرا الموضوع دا هتستفيد ان شاء الله


على فكرة كتب وائل متولى و مذكرات شريف الهوارى
مليانة اخطاء علمية فادحة
و بالذات كتب وائل متولى
لأنه واضح منها انه بينقل من عدة مصادر هو مش فاهمها اصلا
و بعد كدا بيعيد صياغة الكلام بأسلوبه الى فهمه بيه و بطريقة سهلة الحفظ و الاسترجاع
و دا الى بيخلى كتير من النقط مبهمة و مش واضحة و مش منطقية لأنه نفسه مش فاهمها


و بصرف النظر
نفرض انه فاهم
بس هو بس بيعيد الترتيب و التظبيط و التنقيط
و التظبيط و التنقيط و الترتيب
طريقة جميلة للحفظ و الاسترجاع و بتساعد جدا
و لكنها مصيبة كبيرة فى الامتحان
لو كان الترتيب على اساس الترتيب الابجدى زى ما بيعمل شريف الهوارى يعنى حاجة كدا جمل كل جملة منهم بتبدأ بحرف
a b c d e f
او على شكل كلمة مشهورة مثلا
الحاجات دى جميلة و فى حاجات منها مشهورة و معروفة و معترف بيها
لكن الاتنين وائل و شريف بيتكلفو فيها و بيبالغو فيها جدا بدرجة تفسد المعلومة لدرجة توصل للخطأ
يعنى مثلا فى حاجات لازم لازم تتكتب او تتقال قبل حاجات فى الامتحان
و لو لخبطت ساعادتك الترتيب لأنك حافظ من المذكرة كدا
هتنقص كتير جدا
لأنه هيبان انك مش فاهم

و فى نقاط مسموح انك تنساها
و فى نقاط مش مسموح ابداً انك تنساها
و طريقة الحفظ بترتيب الحروف بتخفى الحاجات المهمة و بتحطها فى مرتبة مماثلة للنقاط التانية و بالتالى بتحس انها بأهمية النقاط التانية يعنى بتنساها زى النقاط التانية ولو نسيتها بتبقى مصيبة كبيرة
يعنى ممكن سؤال الاجابة عليه فى عشر نقاط و واحدة منهم مهمة جدا
لوقولت تسعة و نسيت المهمة ممكن تاخد فى السؤال اتنين من عشرة
لكن لو قولت المهمة و معاها اتنين تلاتة كمان تاخد فى السؤال سبعة من عشرة مع انك ناسى تقريبا ست نقط

شوفت الفرق
و دا الى بيفرق الفاهم عن الحافظ
و بيفرق المذكرات عن الكتب المحترمة
و لعلمك الاساتذة بيدققو فى الحاجات دى جدا
و الحاجات دى من اخطر عيوب مذكرات شريف الهوارى

و بالاضافة لكدا
ان المعلومات الى فيها قديمة جداً
و فى طرق علاج فيها اتلغت
افتح الكتب الكبيرة و اسأل الاساتذة و انت تتأكد و تعرف
انا اذكر انه كان فى مذكرتنا 2005 حاجات قديمة و غلط زى
treatment of malignant hypertension
و على فكرة كلمة او مصطلح
malignant hypertension
اتلغى من الطب
treatment of hypertensive emergencies
treatment and staging of asthma

دا الى انا فاكرة دلوقتى من الحاجات الكتير جدا الى بحثت عنها و دورت عليها
و دى كلها نقاط مهمة و وارد جدا انها تيجى فى الامتحان
و اكتشفت ان طرق العلاج الى مكتوبه فى المذكرات قديمة و مكتوب فى الكتب الكبيرة الجديدة انه كان زمان مثلا فى المرض الفلانى كنا بنعمل كذا بس بطلناه عشان كذا و كذا و كذا و دلوقتى بنعمل كذا
و كذا الاولانية الى معدوش بيعملوها هى دى الى مكتوبة فى مذكرات شريف الهوارى
و دا حصل كتير جدا
و فى مواضيع مهمة جدا

و على فكرة الاساتذة الى بيصححو مبيصححوش من كتاب الوزارة ولا من مذكرات شريف الهوارى زى ثانوى
الاساتذة ناس متابعين و عارفين كل جديد
و بيهمهم قوى تقول ايه قبل ايه او تقول ايه و تنسى ايه

و دا عيب تانى يضاف لمذكرات شريف الهوارى
الى محتاجة مذكرات تانية لتصحيحها و ترتيبها صح
على فكرة انا كانت مذكراتى صفحة و صفحة
يعنى صفحة طباعة و صفحة فاضية
و كانت دايما الصفحة الفاضية فيها التعديلات والتظبيطات و الكلام الصح
يعنى انا تقريبا مذاكرتش من مذكرات شريف

دا بالنسبة لمذكرات شريف
انما كتاب وائل متولى
فبالاضافة لكل الى فات دا
بجد بجد مليان اخطاء فادحة
و تدعو للضحك بجد
انا كنت بموت على روحى من الضحك لما حد يقولى معلومة مكتوبة فيه
هو اكيد مش كله غلط
لأنه اكيد ناقل حاجات زى ما هى من الكتب التانية
بس انا عاوز افهم ازاى الواحد يثق اصلا فى كتاب جراحة لواحد مش اكاديمى او حتى كمان مشتغلش جراح
انا مش هقول امثلة لأنى مذاكرتش منه اصحابى فى المدينة هما الى ذاكرو منه و يعرفو فيه عنى
و على فكرة ندمو اشد الندم على المذاكرة منه آخر السنة
و اتزنقو كتير جدا فى النظرى و الشفوى
و معلش متستقلش بالى بيكلمك دا فى الجراحة

يعنى ايه من الآخر
لا لمذكرات شريف الهوارى بدون تعديل او درس معاة
و كتب وائل متولى ممنوعة تماما



دى..

[longago]

شكرا دكتور مادى

[dr.guess who]

جزاكم الله خيرا على المشاركات اللى اكيد هنستفيد منها ان شاء الله
بس لية ملحوظة صغيورة بلاش حدة الحوار
والاختلاف فى الرأى لا يفسد للود قضيه
مش كدة وللا ايه
واحنا فى النهايه اخوة و اخوات فى الله

[مدنجي]

جزاكم الله خيرا على المشاركات اللى اكيد هنستفيد منها ان شاء الله
بس لية ملحوظة صغيورة بلاش حدة الحوار
والاختلاف فى الرأى لا يفسد للود قضيه
مش كدة وللا ايه
واحنا فى النهايه اخوة و اخوات فى الله

ايه دا
هو احنا لسا احتدينا فى الحوار؟؟
لسا السكاكين مطلعتش







قاصدى عشان نقطع البتنجان محدش يفهم غلط :icon_mrgr

على فكرة انا مش متضايق خاص من الحوار و مش حاسس انه فيه شده
و اكيد ارو كدا كمان

انت يا
dr.guess who
جاى تهدى النفوس ولا ايه؟؟؟ :icon_mrgr
:icon_mrgr

و بالتوفيق لكل الناس ان شاء الله



دى..

[arownas]

السلام عليكم

مافيش حوار احتد و لا حاجة احنا في الاول و في الاخر هدفنا المصلحة
بس كان ليا كام تعليق كده على مدنجي

بيتكلفو فيها و بيبالغو فيها جدا بدرجة تفسد المعلومة

في دي معاك حق شوية
في حاجات كلها a b c ممكن تدخل الاتنين في بعض

و دا الى بيفرق الفاهم عن الحافظ



حلوة قوي النقطة دي
المذاكرة في الاخر بتعتمد على الشخص اللي بيذاكر
طب ما انا ممكن اجيب تكست قد كده و اقعد احفظه و اصمه و انا مش فاهم حاجة و في الاخر هايضحك عليا في الشفوي و على ورقتي في النظري و هاطلع مش فاهم حاجة
بعكس لو جبت مصدر معقول و فهمت منه ساعتها كل حاجة هاتختلف علمي و مذاكرتي و اجاباتي
من الاخر لو طبقنا الفهم في كتب وائل و مذكرات شريف يبقى مش لازم امشي على اسلوبهم في كل حاجة
المفروض ان الطالب يحضر و يعرف الاهم و يعلم عليه و مش لازم يحفظ كل حاجة بنفس طريقة الترتيب بس الكتب في مجملها اسلوبها بيبقى خفيف و ممكن تعملها modification بسهوله

و اكتشفت ان طرق العلاج الى مكتوبه فى المذكرات قديمة

امال ليه بيغير مذكراته كل سنه؟
مذكرات شريف فيها حاجات updated بتتغير كل سنة و مننساش ان شريف الهواري من استف الكلية استاذ و ليه احترامه و صعب قوي يسيب مذكراته من غير تحديث و هو عارف كم الطلبه اللي بياخدو عنده و الناس اللي بيذاكرو من مذكراته قد ايه
صحيح ان في زيادات ممكن تتضاف عليها (هو نفسه بيضيف في الدرس) بس حاجات مابتكونش حيوية قوي عموما انا شايفها مصدر محندق و ملموم


كمان مشتغلش جراح

انا مابدافعش عن وائل ولا كنت باخد درس عنده اصلا
بس اللي سمعته انا كان استف و اتفور مش عارف صح و لا غلط
و اللي متاكد منه ميه في الميه انه جراح فس مستشفى بولاق العام يعني اشتغل جراحه اهوه

حاجة تانية عن كتب وائل في ناس قارنت كتب الشايب مع كتب وائل كان الفرق الجوهري في الترتيب و طريقة الكتابه بس علميا ماكانش في فرق كبير


ندمو اشد الندم على المذاكرة منه آخر السنة

يمكن اصحابك ندموا بس ارجع و اقول ان ده بيبقى حسب الشخص اللي بيذاكر
طيب اصحابك ندموا و انا ماندمتش انا جايب في الجراحة اكتر من زمايلي اللي ذاكرو من كتاب القسم
انا كده مش بزم في كتاب القسم ده كتاب محترم جدا جدا جدا جدا و اللي ذاكره منه ماندموش بس انا كنت عاوز اوضح وجهة نظري الاولانية عن ان الرك على الشخض اللي بيذاكر

[مصري متعصب]

يعنى ممكن سؤال الاجابة عليه فى عشر نقاط و واحدة منهم مهمة جدا
لوقولت تسعة و نسيت المهمة ممكن تاخد فى السؤال اتنين من عشرة
لكن لو قولت المهمة و معاها اتنين تلاتة كمان تاخد فى السؤال سبعة من عشرة مع انك ناسى تقريبا ست نقط




معلش يا مدنجي اسمحلي اعلق ع الحتة دي
المفروض لو سؤال عليه 10نقط....يبأى الدرجة تتقسم على العشر نقط بالتساوي.....لأن زي ما انت بتقول انا كاتب تسع نقط من عشرة ...والعاشرة دي اهم حاجة....نا نسيتها
يبقى كل اللي كتبته......مخدش منه غير درجتين و السطر دا عليه 7درجات
مينفعش كدا خالص
دا ظلم

[مدنجي]

ايه رأيك لو فيه مرض معين زى ارتفاع ضغط الدم مثلاً
الى بيسببه اكتر من عشر اسباب
او خلينا نفترض انهم عشرة
حولى تسعين فى المية من حالات ارتفاع ضغط الدم بسبب تصلب الشرايين
ساعاتك كتبت التسع اسباب التانيين و نسيت تكتب تصلب الشرايين او حتى كمان كتبتها فى مركز كتأخر بين العشر نقط
اكيد لازم تنقص
انت نسيت 90% من الاسباب و الى هى متمثلة تصلب الشرايين لواحدها
مش نسيت نقطة عادية
و كذلك فالموضوع مماثل عند الحديث عن اعراض مرض او علاماتة او الابحاث و التحاليل المطلوبة ليه او حتى طرق علاج
فيه حاجات مهمة مينفعش تتنسى او تتكتب فى مركز متأخر
و بيبقى عليها اغلب الدرجة
لأن دا مهم جداً فى حياتك العملية
مثال تانىممكن يتمثل فى احد الاشاعات المطلوبة لمرض ما
ممكن تعمل حاجة بعشرين جنيه و حاجة تانية بألف جنيه
لو نسيت تكتب الى بعشرين جنيه و عملت االى بألف جنيه
يبقى كدا انت كلفت الدولة الف جنيه على الفاضى
فلازم تنقص فى درجتاك كتير جدا على الاف جنية الى ضيعتهم
مع انك لو كتبت الاشاعة الى بعشرين جنيه بس مش هتنقص اكتر من درجتين من عشرة و الدرجتين دول محفوظين للى كتب الاشاعتين و بين هيعمل ايه قبل ايه و وضح ان التانية غالية فميحبذش عملها

نظام كل نقطة عليها درجة دى نظام غبى كلنا ورثناه من نظام التعليم المتخلف الى قعدنا فيه مش عارف كام سنة
و اتعودنا عليه للأسف
لكن النظام فى الكليات غير كدا و هو احسن و افضل فى رأيى لأنه بيبين الى فاهم و عارف هو بيكتب ايه عن الى صامم العشر نقط و خلاص نسى واحدة يبقى نسى درجة يعنى كل النقط زى بعض
لأ غلط

و دا بيبين اهمية الحضور فى الكلية مع اساتذه كبار بيفهموك و يعرفوك كل الحاجات دى

دا بالنسبة لردى على كلامك يا مصرى







اما بالنسبة لكلامك يا اروناس


حلوة قوي النقطة دي
المذاكرة في الاخر بتعتمد على الشخص اللي بيذاكر
طب ما انا ممكن اجيب تكست قد كده و اقعد احفظه و اصمه و انا مش فاهم حاجة و في الاخر هايضحك عليا في الشفوي و على ورقتي في النظري و هاطلع مش فاهم حاجة
بعكس لو جبت مصدر معقول و فهمت منه ساعتها كل حاجة هاتختلف علمي و مذاكرتي و اجاباتي
من الاخر لو طبقنا الفهم في كتب وائل و مذكرات شريف يبقى مش لازم امشي على اسلوبهم في كل حاجة
المفروض ان الطالب يحضر و يعرف الاهم و يعلم عليه و مش لازم يحفظ كل حاجة بنفس طريقة الترتيب بس الكتب في مجملها اسلوبها بيبقى خفيف و ممكن تعملها modification بسهوله

جميل جداً الكلام دا
انت صح
بس الموضوع مس بالسهولة الى انت متخيلها
طيب ما الواحد من الاول يذاكر من مصدر محترم و خلاص
على فكرة انا مع المذاكرة من مذكرات شريف مع تعديلها و انا نفسى عملت كدا
بس بجد انا شطبت على حوالى 80% من الكلام الى فيها و كتبت كلام من مصادر تانية زى حسام موافى و كتاب كارنت


امال ليه بيغير مذكراته كل سنه؟
مذكرات شريف فيها حاجات updated بتتغير كل سنة و مننساش ان شريف الهواري من استف الكلية استاذ و ليه احترامه و صعب قوي يسيب مذكراته من غير تحديث و هو عارف كم الطلبه اللي بياخدو عنده و الناس اللي بيذاكرو من مذكراته قد ايه
صحيح ان في زيادات ممكن تتضاف عليها (هو نفسه بيضيف في الدرس) بس حاجات مابتكونش حيوية قوي عموما انا شايفها مصدر محندق و ملموم

مذكرات شريف الهوارى لسا حتى اللحظة دى فيها حاجات قديمة و ملغية فى الطب
هو كل سنة بيعدل فيها انا عارف و بيعدل فى الدرس كمان
بس لسا قدامة بدرى
لأنه محتاج يعدلها كلها تقريبا
و على فكرة مذكرات شريف ملهاش اى مصدر او مرجع محترم
لأنها عبارة عن تلخيص و تظبيط كتاب الفطاطرى
الى هو عبارة عن تلخيص و تظبيط
كتاب واحد تانى مش فاكر اسمه
و الكتاب التانى دا قديم و كان لأحد اساتذتهم هما الاتنين بس كان ساعتها الكلام الى فيه جديد
بس دلوقتى بقى قديم
يعنى مذكرات الهوارى عبارة عن تظبيط لتظبيط لتظبيط لتظبيط
يعنى منقوله و متظبطة عن كتاب متظبط من كتاب متظبط من كتاب
و كل واحد فيهم زود من عندة و حدث نقطة من عنده
يعنى لخبطيطة
يعنى زى ما قولا مذكرات من غير مرجع او مصدر محترم
حاجة كدا مصرى او بلدى



حاجة تانية عن كتب وائل في ناس قارنت كتب الشايب مع كتب وائل كان الفرق الجوهري في الترتيب و طريقة الكتابه بس علميا ماكانش في فرق كبير

الناس دى مين؟؟
و بتقارن على اي اساس؟؟


يمكن اصحابك ندموا بس ارجع و اقول ان ده بيبقى حسب الشخص اللي بيذاكر
طيب اصحابك ندموا و انا ماندمتش انا جايب في الجراحة اكتر من زمايلي اللي ذاكرو من كتاب القسم
انا كده مش بزم في كتاب القسم ده كتاب محترم جدا جدا جدا جدا و اللي ذاكره منه ماندموش بس انا كنت عاوز اوضح وجهة نظري الاولانية عن ان الرك على الشخض اللي بيذاكر


كلامك مظبوط
العبرة فى الاول و الآخر بالشخص
لكن برده المصدر مهم
يعنى مذاكرش من صينية مسقعة و اقول اصلى انا بعدل فيها و انا جامد :icon_mrgr
:icon_mrgr
و عمر ما كتاب القسم هيخلى واحد يجيب اكتر من واحد لأن العبرة بالى بيذاكر مش بالكتاب
و اكيد المصدر التانى فيه حاجات صح لأنه ناقل كلام من الشايب و من كتاب القسم

بس بصراحة كتاب وائل احقر من ان الواحد يشتريه او حتى يبص فيه
مذكرات شريف ممكن

على العموم بالتوفيق لكل الناس
و متشكر لأروناس الى اثرى المناقشة
و اتمنى ان المعلومات دى تبقى مفيده للناس
و تتحط فى ميزان حسناتنا كلنا


دى..

[Dr_Medhat2010]

الى الدكتور مدنجى

انا ان شاء الله بقكر ازاكر من كتب دكتور مجدى اسحاق

ايه رايك؟!!!!!!!!!!!!!!!!!!!!
بصرحه فيه ناس قلتلى مزكرات شريف الهوارى بس بعد كلامك انا اتلخبط خالص
بعد اذنك قلى الخلاصه

[مدنجي]

اضغط هنا (http://www.medicine.cu.edu.eg/english/students/forum/showpost.php?p=57819&postcount=5)


و بالتوفيق


دى..

[arownas]

الناس دى مين؟؟
و بتقارن على اي اساس؟؟

ناس اصحابي يا مدنجي و بتقارن لما بتذاكر الدرس من المصدرين و تشوف فرق المعلومات بين الاتنين لو ده جايب حاجة مش في ده
زي كده ما مدنجي بيفكر يدي دروس جراحة و هايبقى احسن من وائل


الى الدكتور مدنجى

انا ان شاء الله بقكر ازاكر من كتب دكتور مجدى اسحاق

ايه رايك؟!!!!!!!!!!!!!!!!!!!!
بصرحه فيه ناس قلتلى مزكرات شريف الهوارى بس بعد كلامك انا اتلخبط خالص
بعد اذنك قلى الخلاصه

زاكر الكلينيكال من كتاب مجدي اسحاق
كتاب جميل جدا

[mady]

السلام عليكم
جزاكم الله خيرا
ربنا يكرمكم
فى دعايه جامدة جدا على موقع
alltalaba
و
drbacar
على د تامر عبدالحميد فى عملى الباطنة
هل سمعتم عنه اى حاجة ؟
و ايه رأيكم فيه؟؟؟؟؟؟
معلش انا زهقتكم معايا خالص
ربنا يكرمكم

[arownas]

السلام عليكم و رحمة الله و بركاته
يا عم و لا زهقتنا و لا حاجة امال احنا هنا ليه

بس انا كنت سايب حد غيري يرد اصلي بصراحة معنديش فكرة كبيرة عن تامر عبدالحميد
كان في ناس بتذاكر من كتب ليه بس مااعرفش ايه اخبارة

معلش استنى شوية يمكن حد يفيدك اكتر

عموما كتاب مجدي اسحاق ممتاز و تابع مع دكتور محمد الخطيب في الراوندات بتاعته اسأل بس هو بيدي امتى دا حتى بيعمل مراجعة اخر السنة في الكلية ربنا يكرمه و يزيده
و احضر راونداتك بجد هاتستفيد

[مدنجي]

على د تامر عبدالحميد فى عملى الباطنة
هل سمعتم عنه اى حاجة ؟
و ايه رأيكم فيه؟؟؟؟؟؟
معلش انا زهقتكم معايا خالص
ربنا يكرمكم

من قال لا اعرف فقد افتى


دى..