المساعد الشخصي الرقمي

مشاهدة النسخة كاملة : ايه اللي حصل


brightgalaxy5
04-09-2007, 07:46 PM
السلام عليكم
ايه اللي حصل للمنتدى
انا من زمان كنت بفضله على اي منتدى تاني
مفهوش التفاهة والضحك الزايد والمواضيع اللي ملهاش لازمة
كان اللي بيكتب موضوع....كان بيفكر قبل مايكتبه
هل الموضوع ده هيزود للمنتدى حاجة
هل الاعضاء هتستفيد منه
ولا مجرد تسلية وتقضية وقت فراغ
لو حد بص على المواضيع القديمة
كلها ليها هدفها
حد بص على عيدكم سعيد
ولا مسابقة الاسئلة في اسلاميات
ولا مكتبة الفيديو
او ابدأ يومك ببيت شعر
وكتير اوي
ليها هدفها
الضحك والهزار فيها قليل
حد قرأ القصص القصيرة بتاعت سامح اي جي
ولا بتاعت فيرون
المهم
حبيت اقول رأيي في مواضيع اليومين دول
لو الهدف منها تضييع وقت وتسلية
واهو الوقت بيعدي واحنا قدام الكمبيوتر
فدة بينفي تميز منتدى طب القصر العيني عن باقي المنتديات
ومدام الواحد بيضيع وقته هنا
طب ميضيعو في اي منتدى تاني
فيه هزار وضحك وتريقة للصبح
فيه منتديات مخصوصة لكدة
بس صعب الواحد يراقب من بعيد منتداه وهو بيتحول من اليوم للتاني بالشكل ده
ده رأيي
ومتمسك بيه لاقصى حد
d.m.d
04-09-2007, 07:56 PM
شكرا يا جلاكسى على الموضوع والكلام وحرصك على المنتدى
بس انا رايى ان فى اقسام مفيده جدا والمعلومات اللى فيها كويسه
زى سنه اولى وتانيه وتالته وغيرها وقسم ما بعد التخرج
كلها اقسام مفيده وممتازه
فى بقى الاقسام التانيه زى حوار وتحت الشجره
ودول المفروض انهم للترفيه والهزار
بس هو فى هزار وضحك ليه هدف وهو ده اللى المفروض انه يبقى موجود لكن الهزار
والضحك لمجرد تضيع الوقت هو ده اللى مفروض
ما يبقاش موجود
شكرا ليك على الموضوع ويا ريت الاعضاء بما فيهم انا نحاول اننا نرفع من شان
المنتدى بتاعنا علشان يفضل متميز دايما
ومعلش طولت عليكو
STROMA
04-09-2007, 08:10 PM
انا فكرت فى شويه اسباب كده هيا اللى ممكن ساعدت فى انتشار الهزار والضحك اللى انت بتقول عليه

اولا الناس الكبار اللى دخولهم على المنتدى قل جدا ويكاد انعدم

ودول طبعا ناس عندهم خبرات فى الحياه اكتر من الناس الصغيرين بكتيييييييييير

ويقدروا يشوفوا المواضيع بوجهة نظر مختلفه عن الناس قليلة الخبره اللى زينا

اعتقد دول لو رجعوا المنتدى زى الاول هيبقى ليه شكل تانى

كمان زيادة عدد المواضيع المكرره اللى الناس بتحطها ومش بتدور اذا كانت موجوده او لا ودى بيجيب الملل

وكمان زيادة عدد الموضوعات اللى بتتكلم عن موضوع واحد فى النهايه وكله بيصب على بعضه

اختفاء اعضاء نشيطين جدا ولما كانوا بيبقوا فى المنتدى بيبقى فيه روح وحيويه

وحتى المواضيع اللى دمها خفيف اللى مثلا اللى فى تحت الشجره اختفت واتبدل بدل منها مقالب ومواضيع مضحكه بلا موضوع
Nettawy
05-09-2007, 12:33 AM
انا مع ستروما في اللي هيا بتقوله
brightgalaxy5
05-09-2007, 11:56 AM
الناس الكبيرة مقاليتش رأيها ليه؟
أبو المعاطى شمروخ
05-09-2007, 02:59 PM
نبدأ بلأصغر

والله زى ما بارينكما قالت تكرار المواضيع
الموضوع بيبقى اتفحت قراءة ونزل من زمان والعضو فاكر انه جاب حاجة محصلتشى ويكرر كمان وكمان و دى بتنرفز جدا
ونيجى نقوله ده مكرر يقولك وانت زعلان ليه او غيران -كلمة عبيطة وغبية زى اللى بيقولها-ليه فعلشان كدة مواضيع كتير بنفض لها
والعضو لما يلاقى اغلب اللى بيقراه مكرر يقول انا ادخل ليه ما اكيد كل المواضيع مكررة

تانى حاجة
بعض الاعضاء منهم اللى داخل علشان يستظرف ويتعرف على بنات وده سبب دخوله المنتدى
وبعض الاولاد اللى مسجلين باسماء بنات ومكشوفين ويقعدوا يشكروا فى البنات ويتقربوا منهم لعل وعسى داخلين يصطادوا بلغتنا

ثالت حاجة
لما واحد يكون فى سنة اولى او تانية وهكذا ويرد رد مش كويس على زميل او واحد امتياز او على الاقل اكبر منه ده بتكون نقطة سودا فى المنتدى

رابع حاجة
فيه بجد مواضيع هايفة زى الاسمر ما بيقول انا ما بقولشى نلغيها انما ما تخدشى المساحة دى كلها من المنتدى

وللحديث بقية ان شاء الله
dr kemo
05-09-2007, 03:49 PM
انا معاك في معظم الي بتقوله يا عم سامح
Nettawy
06-09-2007, 12:31 AM
كلام في الجول
HOSSAM ELDIEB
06-09-2007, 12:49 AM
وبعض الاولاد اللى مسجلين باسماء بنات ومكشوفين ويقعدوا يشكروا فى البنات ويتقربوا منهم لعل وعسى داخلين يصطادوا بلغتنا



جبت الكلام ده منين يا سامح
وايش عرفك انه ولد ومسجل باسم بنت انت يعني شايفه
وهما فين اصلا اذا كان الاعضاء اللي بيدخلو علي المنتدي يتعدو علي الصوابع وكلنا عارفينهم
هو فيه بنات بتدخل غير كلامنتينا وستروما وانجل وحياة ووجه القمر وفي اي بي اعتقد هما دول بس اللي بيشاركو تقدر تقولي مين فيهم ولد وممسجل باسم بنت
مش مقتنع بولا كلمة من اللي انت كتبته لانه مش حقيقي
وبعدين اصلا المنتدي بيمر بازهي فتراته خاصة بعد التغيير
ومين قال ان الموضوعات هايفة
دور كويس في المنتدي يا سي سامح

بعض الاعضاء منهم اللى داخل علشان يستظرف ويتعرف على بنات وده سبب دخوله المنتدى

وايه ده كمان يا سامح
انت عارف فيه كام ولد بيشاركو في المواضيع
انا هعدهملك
حسم الديب
نتاوي
وينر
دي ام دي
ام اي ام
احمد رجب
يعني 6
تقدر تقولي مين من ال 6 دول داخل عشان يتعرف علي الست بنات الموجودين!!!!
وهل اللي عاوز يتعرف علي بنات هيجي هنا في منتدي كلية طب
طب ما كان يروح شات اسهل

لما واحد يكون فى سنة اولى او تانية وهكذا ويرد رد مش كويس على زميل او واحد امتياز او على الاقل اكبر منه ده بتكون نقطة سودا فى المنتدى

تفتكر ان لو فعلا المواضيع بقت هايفة ان اللي انت كاتبة ده ممكن يكون السبب
ايه علاقة ده بهيافة المواضيع يا دكتور سامح ده لو كانت هايفة فعلا
اعتقد انت بتكتب الكلام ده لاسباب تانية
ما كنتش اتمني ان الكلام ده يجي منك انت ولا كنت اتمني ان يجي يوم ارد عليك كده
وبالنسبة لهيافة المواضيع انا هجيلك مواضيع اخر اسبوع
ضربه..... شمس (http://www.medicine.cu.edu.eg/english/students/forum/showthread.php?t=4411)(http://www.medicine.cu.edu.eg/english/students/forum/images/misc/multipage.gif 1 (http://www.medicine.cu.edu.eg/english/students/forum/showthread.php?t=4411) 2 (http://www.medicine.cu.edu.eg/english/students/forum/showthread.php?t=4411&page=2) 3 (http://www.medicine.cu.edu.eg/english/students/forum/showthread.php?t=4411&page=3) 4 (http://www.medicine.cu.edu.eg/english/students/forum/showthread.php?t=4411&page=4) 5 (http://www.medicine.cu.edu.eg/english/students/forum/showthread.php?t=4411&page=5) 6 (http://www.medicine.cu.edu.eg/english/students/forum/showthread.php?t=4411&page=6) ... الصفحة الأخيرة (http://www.medicine.cu.edu.eg/english/students/forum/showthread.php?t=4411&page=8))
نبأ عن وفاة الرئيس حسني مبارك (http://www.medicine.cu.edu.eg/english/students/forum/showthread.php?t=4647)(http://www.medicine.cu.edu.eg/english/students/forum/images/misc/multipage.gif 1 (http://www.medicine.cu.edu.eg/english/students/forum/showthread.php?t=4647) 2 (http://www.medicine.cu.edu.eg/english/students/forum/showthread.php?t=4647&page=2) 3 (http://www.medicine.cu.edu.eg/english/students/forum/showthread.php?t=4647&page=3) 4 (http://www.medicine.cu.edu.eg/english/students/forum/showthread.php?t=4647&page=4) 5 (http://www.medicine.cu.edu.eg/english/students/forum/showthread.php?t=4647&page=5) 6 (http://www.medicine.cu.edu.eg/english/students/forum/showthread.php?t=4647&page=6) ... الصفحة الأخيرة (http://www.medicine.cu.edu.eg/english/students/forum/showthread.php?t=4647&page=7))

رقم الحظ (http://www.medicine.cu.edu.eg/english/students/forum/showthread.php?t=4755)

ذكريات سنة اولى اول يوم كلية (http://www.medicine.cu.edu.eg/english/students/forum/showthread.php?t=4719)(http://www.medicine.cu.edu.eg/english/students/forum/images/misc/multipage.gif 1 (http://www.medicine.cu.edu.eg/english/students/forum/showthread.php?t=4719) 2 (http://www.medicine.cu.edu.eg/english/students/forum/showthread.php?t=4719&page=2) 3 (http://www.medicine.cu.edu.eg/english/students/forum/showthread.php?t=4719&page=3) 4 (http://www.medicine.cu.edu.eg/english/students/forum/showthread.php?t=4719&page=4) 5 (http://www.medicine.cu.edu.eg/english/students/forum/showthread.php?t=4719&page=5) 6 (http://www.medicine.cu.edu.eg/english/students/forum/showthread.php?t=4719&page=6) )

صورة حيرتنى ومازالت تحيرنى (http://www.medicine.cu.edu.eg/english/students/forum/showthread.php?t=4727)

ازمة اجتماعية (http://www.medicine.cu.edu.eg/english/students/forum/showthread.php?t=4674)(http://www.medicine.cu.edu.eg/english/students/forum/images/misc/multipage.gif 1 (http://www.medicine.cu.edu.eg/english/students/forum/showthread.php?t=4674) 2 (http://www.medicine.cu.edu.eg/english/students/forum/showthread.php?t=4674&page=2) 3 (http://www.medicine.cu.edu.eg/english/students/forum/showthread.php?t=4674&page=3) 4 (http://www.medicine.cu.edu.eg/english/students/forum/showthread.php?t=4674&page=4) )

روشتة للخلاص من امراض الكمبيوتر (http://www.medicine.cu.edu.eg/english/students/forum/showthread.php?t=4700)

آداب السلوك داخل الجامعه (http://www.medicine.cu.edu.eg/english/students/forum/showthread.php?t=4725)(http://www.medicine.cu.edu.eg/english/students/forum/images/misc/multipage.gif 1 (http://www.medicine.cu.edu.eg/english/students/forum/showthread.php?t=4725) 2 (http://www.medicine.cu.edu.eg/english/students/forum/showthread.php?t=4725&page=2) )

علاقه الاب بابنه (http://www.medicine.cu.edu.eg/english/students/forum/showthread.php?t=4632)(http://www.medicine.cu.edu.eg/english/students/forum/images/misc/multipage.gif 1 (http://www.medicine.cu.edu.eg/english/students/forum/showthread.php?t=4632) 2 (http://www.medicine.cu.edu.eg/english/students/forum/showthread.php?t=4632&page=2) 3 (http://www.medicine.cu.edu.eg/english/students/forum/showthread.php?t=4632&page=3) )

انصحنى ولا تفضحنى (http://www.medicine.cu.edu.eg/english/students/forum/showthread.php?t=4728)
دي يا فندم المواضيع اللي في منتدي حوار بس في اخر اسبوع
مش عاوز اجيبلك مواضيع القسم الاسلامي والدراسي عشان مفيش مجال ليها
لو كلامك صح والمنتدي هايف عاوزك تطلعلي موضوع واحد من دول تقول عليه هايف

تفتكر ان منتدي صغير زي منتدانا لما يكون فيهم الكم ده من المواضيع مع عدد الاعضاء اللي يتعدو علي الصوابع ممكن يكون منتدي هايف
ياريت اللي يتكلم عن حاجة يجيب حاجة موجودة فعلا ويكون عنده دليل مش يعمل مشكلة لاي دافع شخصي
HOSSAM ELDIEB
06-09-2007, 01:24 AM
انا ما كنتش عاوز ارد بس لما لقيت الناس بتدخل تقول امين رديت
أبو المعاطى شمروخ
06-09-2007, 01:46 AM
دور كويس في المنتدي يا سي سامح


انت يا ابنى
انت اصغر منى وعمرى ما قلتلك كلمة زى دى
ملهاش لازمة



ياريت اللي يتكلم عن حاجة يجيب حاجة موجودة فعلا ويكون عنده دليل مش يعمل مشكلة لاي دافع شخصي

دافع شخصى مين يا عم الحاج انت ممكن تعرفنى؟


وهل اللي عاوز يتعرف علي بنات هيجي هنا في منتدي كلية طب

ما هى هتبقى معاه فى الكلية يا استاذى


نيجى بقى للرد
مبدأيا والله أعرف ناس والله العظيم معانا مسجلين بأسماء بنات وهما اولاد
والله والله اعرفهم شخصيا
تانى حاجة ما تجيش تحصر مواضيع وتقولى طلعلى منها المواضيع التافهة
ولو المواضيع كلها جامدة ومش مكررة انا بقى فاكرها هايفة ده رايى وانا حر فيه
انا ما قلتش ان المنتدى هايف لا سمح الله ابدا انا بقول المواضيع الهايفة -من وجهة نظرى ومن وجهة نظر بعض الاعضاء اللى اتكلموا معايا-كترت زيادة عن الازم
ما تجيش كمان وتحدد لى اسماء بذاتها انت مبتكلمشى عيل صغير هينطس ويقوللك أهوه اهوه الشغل ده حافظينه واتحطينا فى مواقف كتير وفاهمين الاساليب دى


دكتور برايت اساسا بيسال عن المنتدى واختفاء بعض الاعضاء زى ما بارينكما قالت انا فى ناس مكلمنى وقالوا انهم اتخنقوا من حاجات كتيرة فى المنتدى وقلت على جزء منها وده رايى المفروض ما تردش عليه بالطريقة دى
افرض انا غلطان يا دكتور حسام لازم انت تقولى الصح وتعرفنى الغلط
بالتوفيق
HOSSAM ELDIEB
06-09-2007, 01:51 AM
مبدأيا والله أعرف ناس والله العظيم معانا مسجلين بأسماء بنات وهما اولاد




المنتدي فيه اكتر من 3 الاف عضو
بس مش بيشترك فيه غير ال 12 اللي قولتهملك
والباقي ما يعتبروش اعضاء
طلعلي من ال 6 بنات دول ولد
وهما دول اللي بيدخلو ويشاركو
STROMA
06-09-2007, 01:54 AM
دور كويس في المنتدي يا سي سامح


انت يا ابنى
انت اصغر منى وعمرى ما قلتلك كلمة زى دى
ملهاش لازمة



ياريت اللي يتكلم عن حاجة يجيب حاجة موجودة فعلا ويكون عنده دليل مش يعمل مشكلة لاي دافع شخصي

دافع شخصى مين يا عم الحاج انت ممكن تعرفنى؟


وهل اللي عاوز يتعرف علي بنات هيجي هنا في منتدي كلية طب

ما هى هتبقى معاه فى الكلية يا استاذى


نيجى بقى للرد
مبدأيا والله أعرف ناس والله العظيم معانا مسجلين بأسماء بنات وهما اولاد
والله والله اعرفهم شخصيا
تانى حاجة ما تجيش تحصر مواضيع وتقولى طلعلى منها المواضيع التافهة
ولو المواضيع كلها جامدة ومش مكررة انا بقى فاكرها هايفة ده رايى وانا حر فيه
انا ما قلتش ان المنتدى هايف لا سمح الله ابدا انا بقول المواضيع الهايفة -من وجهة نظرى ومن وجهة نظر بعض الاعضاء اللى اتكلموا معايا-كترت زيادة عن الازم
ما تجيش كمان وتحدد لى اسماء بذاتها انت مبتكلمشى عيل صغير هينطس ويقوللك أهوه اهوه الشغل ده حافظينه واتحطينا فى مواقف كتير وفاهمين الاساليب دى


دكتور برايت اساسا بيسال عن المنتدى واختفاء بعض الاعضاء زى ما بارينكما قالت انا فى ناس مكلمنى وقالوا انهم اتخنقوا من حاجات كتيرة فى المنتدى وقلت على جزء منها وده رايى المفروض ما تردش عليه بالطريقة دى
افرض انا غلطان يا دكتور حسام لازم انت تقولى الصح وتعرفنى الغلط
بالتوفيق



انت بتكلم جد يا دكتور سامح؟؟؟؟؟؟؟؟؟؟؟

طب وليه هيستفادوا ايه من اللى بيعملوه ده
أبو المعاطى شمروخ
06-09-2007, 01:56 AM
بلاش الاسلوب ده معايا

سمعت قبل كدة عن المثل اللى بيقول
الصياعة أدب مش
.........................

انت يا حسام لوحدك مشترك بكذا يوزر نيم

وبلاش تقول اسامى اعضاء علشان اللى انا عارفه مش هقول عليه علشان انا اديته كلمة شرف
أبو المعاطى شمروخ
06-09-2007, 01:59 AM
انت بتكلم جد يا دكتور سامح؟؟؟؟؟؟؟؟؟؟؟

طب وليه هيستفادوا ايه من اللى بيعملوه ده



انتوا بتهزروا ولا طيبين زيادة عن اللزوم

انا
HOSSAM ELDIEB
06-09-2007, 01:59 AM
بلاش الاسلوب ده معايا

سمعت قبل كدة عن المثل اللى بيقول
الصياعة أدب مش
.........................

انت يا حسام لوحدك مشترك بكذا يوزر نيم

وبلاش تقول اسامى اعضاء علشان اللى انا عارفه مش هقول عليه علشان انا اديته كلمة شرف

صياعة ايه يا دكتور سامح
انا مش هعلق علي الكلمة دي عشان انت في يوم كنت واقف معايا
بس انا ما استخدمتش لفظ غلط
وحكاية اليوزر نيم دي المشرفين كلهم عارفينها وعارفين السبب
وعارفين كمان اني مش بدخل بيوزر نيم واحد
اما حكاية الاعضاء بتوعك دول انا ما قلتش انت كداب
لا انا مصدق
بس هما مش مؤثرين في المنتدي نهائي
لان محدش بيدخل ويشارك غير اللي انا قولتهم
يبقي ما تقولش ان دول سبب تفاهة المواضيع
الا اذا كنت تعرف حد ال 6 دول بقي دي حاجة تانية
أبو المعاطى شمروخ
06-09-2007, 02:00 AM
انا هقوم دلوقتى علشان اخرى الساعة 1
داخلين على امتحانات بقى
STROMA
06-09-2007, 02:18 AM
احنا مش بنهزر ولا طيبين


انما مش شايفين ليها لازمه ان حد يبقى ولد ويقول على نفسه انه بنت او العكس

واعتقد اننا مفروض اكبر من الحركات الهايفه اللى ملهاش معنى ومش بتفيد فى حاجه

عشان كده انا مش عاجبانى فكرة ان المنتدى كله يبقى للاعضاء بس

انما الزوار لا


لاننا مش محتاجين اعضاء بالاسم وخلاص احنا محتاجين اعضاء فعالين ويضيفوا مش مجرد متفرجين

يبقى مفيش لازمه زياده عدد الاعضاء بلا طائل او عائد على المنتدى

انا شايفه ان النظام الاول احسن من النظام الحالى
HOSSAM ELDIEB
06-09-2007, 02:21 AM
انا قلت المنتدي فيه 12 عضو نشط
لو الموضوعات بقت هايفة يبقي العيب في ال 12 دول
ولو الموضوعات بقت غير كده يبقي برده هما السبب
انما مش عاوزين نجيب اسباب غير مقنعة وغير مقبولة واتهامات مالهاش لازمة
brightgalaxy5
06-09-2007, 02:25 AM
اولا حكاية الولاد اللي بيدخلو بأسامي بنات دي حقيقة
واللي ينكر ده يبقى مش عايش معانا
وده بيحصل في اي منتدى
والادمن بيسيبه يلعب شوية عشان الاي بي بيبقى هو هو

وبالنسبة للمواضيع اللي مالهاش لازمة
فهي اوضح من الشمس
وسامح بيتكلم صح
ليه الواحد يخصص مواضيع ويخلي الناس تزعل منه
ده مش هجوم
بس قريب من كام شهر بس
الناس كانت بتدخل على المنتدى بتكتب اللي يفيد
وبتفكر مليون مرة قبل ماتكتب حاجة للدعابة او للترفيه
مقولناش حاجة
بس ان يكون مواضيع حب المراهقة والدردشة اللآغرضية واي موضوع ملوش هدف يشكل اغلبية المواضيع الحديثة, هو ده اللي مايتسكتش عليه
HOSSAM ELDIEB
06-09-2007, 02:31 AM
]اولا حكاية الولاد اللي بيدخلو بأسامي بنات دي حقيقة
واللي ينكر ده يبقى مش عايش معانا

وايه لازمة انه يدخل باسم بنت اذا كان هو مش بيشترك اصلا
مش هيضر ومش هيفيد
هو في حد بيشترك غير اللي انا قولتهم
المنتدي داخل علي 4 الاف عضو لو نصهم مزورين ومش بيشاركو هل ده هيضر المنتدي








وبالنسبة للمواضيع اللي مالهاش لازمة
فهي اوضح من الشمس
وسامح بيتكلم صح
ليه الواحد يخصص مواضيع ويخلي الناس تزعل منه
ده مش هجوم
بس قريب من كام شهر بس

هل المنتدي مخصص للمواضيع الجادة بس
لو هو مخصص لكده يبقي نلغي بقاي الاقسام ونسيب المنتدي الدراسي واسلاميات وخلاص
انما اعتقد انهم عملو اقسام ترفيهية
بس ده مش معناه ان المنتدي كله هايف بدليل الموضوعات اللي انا ذكرتها








[/quote]
sameh_ig
06-09-2007, 02:31 AM
بدون من دخل نفسنا فى تعليقات على كلام بعض

انا قلت الكلام دة من فترة و فعلا كنت ناوى الم العزال و ارحل الى ان تاتى الدراسة و الناس تهدا و تنشغل


المشكلة مش فى المواضيع الهايفة و بس لا
دة المنتدى اتقلب الى حجرة شات من نوع جديد

من خلال ردود على المواضيع بصورة تفرس و تلاقى الموضوع الاصلى اتقفل و الاعضاء مساكين فى بعض ردرود على كلمات و قصدك اية و اية الحل و نعمل اية و كل واحد عمال ينخع علينا براية الجهبز

انا مبقصدش حد معين بل مناسبة لانى مبقراش الكلام الكتير دة و بعدية مررور الكرام


من اغرب الحاجات هيا ردرود كلمة مشكوررررررررررر
مشكور مين يا عم او شكرا على مررورك دية لوحدها كافية انها تخلى الواحد يقفل الصفحة فورا


الحاجة التالتة هيا كمية قصائد الحب و الهيام و العواطف اللى بتتحط فى المنتدى يا جماعة الدراسة داخلة و مش تستعجلوا دول سبع سنين طب يعنى هتحبوا على نفسكم لما تقولوا يا كفاااااااااا

لحل المشكلة دية انا راى نتفق كلنا لمدة اسبوع من الان والى بداية رمضان انشاء اللة محدش يحط اى موضوعات جديدة الا فى الاقسام العلمية فقط
و عندك كمية مواضيع رهيبة فى كل قسم اقراء و حط ردك على هذة الموضوعات القديمة بس بدون شات من فضلكم و ردود و تعليقات على كلام اللى قابلك
HOSSAM ELDIEB
06-09-2007, 02:35 AM
بدون من دخل نفسنا فى تعليقات على كلام بعض

انا قلت الكلام دة من فترة و فعلا كنت ناوى الم العزال و ارحل الى ان تاتى الدراسة و الناس تهدا و تنشغل


المشكلة مش فى المواضيع الهايفة و بس لا
دة المنتدى اتقلب الى حجرة شات من نوع جديد

من خلال ردود على المواضيع بصورة تفرس و تلاقى الموضوع الاصلى اتقفل و الاعضاء مساكين فى بعض ردرود على كلمات و قصدك اية و اية الحل و نعمل اية و كل واحد عمال ينخع علينا براية الجهبز

انا مبقصدش حد معين بل مناسبة لانى مبقراش الكلام الكتير دة و بعدية مررور الكرام


من اغرب الحاجات هيا ردرود كلمة مشكوررررررررررر
مشكور مين يا عم او شكرا على مررورك دية لوحدها كافية انها تخلى الواحد يقفل الصفحة فورا


الحاجة التالتة هيا كمية قصائد الحب و الهيام و العواطف اللى بتتحط فى المنتدى يا جماعة الدراسة داخلة و مش تستعجلوا دول سبع سنين طب يعنى هتحبوا على نفسكم لما تقولوا يا كفاااااااااا

لحل المشكلة دية انا راى نتفق كلنا لمدة اسبوع من الان والى بداية رمضان انشاء اللة محدش يحط اى موضوعات جديدة الا فى الاقسام العلمية فقط
و عندك كمية مواضيع رهيبة فى كل قسم اقراء و حط ردك على هذة الموضوعات القديمة بس بدون شات من فضلكم و ردود و تعليقات على كلام اللى قابلك










دكتور سامح انا تعليقي ما كانش عن اذا كان فيه مشكلة اولاء
هنفترض يا سيدي ان فيه مشكلة
هل الاسباب اللي ذكرها سامح مسعد هي دي السبب
دي اصلا مالهاش علاقة بالموضوع ده اصلا
لو فيه مشكلة يبقي السبب فينا احنا الكام واحد اللي بيدخلو يبقي الكام واحد دول هما اللي يتغيرو
sameh_ig
06-09-2007, 02:46 AM
واللة يا ديب انا شايف ان سامح لية حق فى حجات كتير
و انتا برضة ليك حق فى موضوع الناس اللى بتشارك

بس بل ذمة لو اتفقنا ان محدش يحط مواضيع الا على اول رمضان مش هيبقى احسن

حتى رمضان يجى وهتلاقى القسم الاسلامى بقى فية سباق مواضيع و الروح هتختلف هنا انشاء اللة
HOSSAM ELDIEB
06-09-2007, 02:48 AM
واللة يا ديب انا شايف ان سامح لية حق فى حجات كتير
و انتا برضة ليك حق فى موضوع الناس اللى بتشارك

بس بل ذمة لو اتفقنا ان محدش يحط مواضيع الا على اول رمضان مش هيبقى احسن

حتى رمضان يجى وهتلاقى القسم الاسلامى بقى فية سباق مواضيع و الروح هتختلف هنا انشاء اللة







الحمد لله انا عن نفسي بطات احط مواضيع جديدة لا حلوة ولا وحشة
كل موضوعاتي مختصرة علي الاستاد عقبال عندك كل ماتش
يعني كده كده انا طالع منها زي الشعرة من العجينة
STROMA
06-09-2007, 02:53 AM
انتوا مش شايفين ان ده يبقى قتل للمنتدى

يعنى بدل ما تقولوا ما نحطش مواضيع خالص قولوا نلغى المواضيع المنقوله ونقتصر على المواضيع المتالفه والمواضيع العلميه وانا شايفه ان هنا فى المنتدى فى مواهب جميله ولا ايه؟
d.m.d
06-09-2007, 03:00 AM
بما انى من 12 عضو اللى حسام قال عليهم
خلاص يا دكاتره
انا مش هحط مواضيع تانى فى المنتدى خالص
علشان نشوف المنتدى هيطور للاحسن ولا لا
ولو حد مش عاجبه اى موضوع انا حطيته فى المنتدى
يحذفه خالص مفيش مشكله
علشان نقلل المواضيع المتكرره التافهه زى ما بتقولوا يا دكاتره
sameh_ig
06-09-2007, 03:01 AM
مجرد اسبوع بس و المواهب اللى هنا مش هتتقتل ولا هندفنها

احنا بس هنكيسها و نحطها فى الفريزر اسبوع و بعدين مطلعها و نسلقها و نكولها يا سيتى و بل هنا و الشفا


لا فعلا المنتدى مليان مواضيع جوة الصفحات مهملة منرجع للحاجت دية شوية نعتبرها فترة استراحة
HOSSAM ELDIEB
06-09-2007, 03:01 AM
صح يا دي ام دي
انا حتي مش هحط في الاستاد حاجة
اصلي خايف احط حاجة وتكون تافهمة
وانت عارف انا مش عاوز حد يزعل
STROMA
06-09-2007, 03:04 AM
زى توقف البيت بيتك قبل رمضان للتجديدات

لو حد فاكر اى موضوع قديم حلو يطلعوهنا عشان فعلا فيه مواضيع كتيره حلوة مش شفتها

ماشى مفيش مشكله

فكره كويسه برضه
dr kemo
06-09-2007, 03:20 AM
يا عم حسام باشا

12 مين بس اللي بيخشو على المنتدى و بيشاركو فيه


انا ممكن أعدلك ميت عضو كلهم بيشاركوا مشاركات فعالة مثلن


مصري متعصب
sameh i g

v i p

nora atef

و غيرهم كتييييييييييييييييييير


و لذلك بقول اني متفق مع الدكتور سامح :bye:
HOSSAM ELDIEB
06-09-2007, 03:24 AM
[]يا عم حسام باشا
انا بيه مش باشا



مصري متعصب
مش فاضي دلوقتي

sameh i g
محدش هيشك فيه


v i p
انا ذكرتها


nora atef
مش فعالة حاليا


و غيرهم كتييييييييييييييييييير
كداااااااااب




و لذلك بقول اني متفق مع الدكتور سامح :bye:
انت حر
dr kemo
06-09-2007, 03:42 AM
و الله يا عم حسام في كتيييييييييير بس انت مش واخد بالك
dr kemo
06-09-2007, 03:43 AM
و بعدين انت باين عليك عارف مصري جامد
أبو المعاطى شمروخ
06-09-2007, 10:24 AM
صياعة ايه يا دكتور سامح
انا مش هعلق علي الكلمة دي عشان انت في يوم كنت واقف معايا
بس انا ما استخدمتش لفظ غلط
وحكاية اليوزر نيم دي المشرفين كلهم عارفينها وعارفين السبب
وعارفين كمان اني مش بدخل بيوزر نيم واحد
اما حكاية الاعضاء بتوعك دول انا ما قلتش انت كداب
لا انا مصدق
بس هما مش مؤثرين في المنتدي نهائي
لان محدش بيدخل ويشارك غير اللي انا قولتهم
يبقي ما تقولش ان دول سبب تفاهة المواضيع
الا اذا كنت تعرف حد ال 6 دول بقي دي حاجة تانية


انا مش هضربك انا هفهمك غلطك بس ههههههه
المهم
غلطتك انك أخدت الكلمة دى لنفسك
الاسلوب ده بيتبع فى كل مكان فى تحقيق ولا بتاع انا مش بهزر
دى جملة اعتراضية بقوللك تعرف المثل اللى بيقول الصياعة أدب
فانت أخدت الكلام ده ليك ليه المفروض تجاوب بآه او لا ده مبدأيا دى حتة كدة بس لزوم معرفة اساليب الحوار الملتوية عديها يا سيدى

وبعدين انت كل ما تتكلم تقولى على ال 6 دول وبتلف وتدور
انا بقولك اعرف اعضاء كانوا بقى من ال 6 او من ال 4000 فده مش هيفرق علشان انا متأكد
وبعدين السطر الللى تحت منه خط مينفعشى تقوله علشان انا مقولتوش
علشان انا لا حددت 6 اعضاء ولا قلت اى كلام عنهم فبلاش شغل التغريس ده


انا قلت المنتدي فيه 12 عضو نشط
لو الموضوعات بقت هايفة يبقي العيب في ال 12 دول
ولو الموضوعات بقت غير كده يبقي برده هما السبب


تانى الاسلوب ده يا سيدى انا فاهم
بلاش ترميها فى اشخاص ومحاولة انك تقلب 12 عضو عليا حافظين الكلام ده وهما عقولهم اكبر من كدة كتير


بما انى من 12 عضو اللى حسام قال عليهم
خلاص يا دكاتره
انا مش هحط مواضيع تانى فى المنتدى خالص

انت سخنت ولا ايه
اهدى كده واعتبرنى انا غلطان وعيب عليك لما تدخل عليك حكاية 12 عضو دى
HOSSAM ELDIEB
06-09-2007, 12:18 PM
يا سامح اللي انا قلته اسباب غير منطقية
انت عارف انها مش سبب المشكلة
ده اسلوب ناس معينة
انا اتصدمت لما لقيتك بتتكلم زيهم
Nettawy
06-09-2007, 01:48 PM
يا جماعة الدنيا حر هنا قوي والموضوع سخن زيادة عن اللزوم

لو حتنقذوا فكرة معينه نفذوها على طول و مالوش داعي نحرق في كلام على الفاضي مادمنا حنعمل نفس الفكرة دي

أنا مستني تقرروا ايه اللي انتوا ناويين تعملوه
HOSSAM ELDIEB
06-09-2007, 01:56 PM
هو مين اللي يقرر يابني
المنتدي يمشي زي ماهو
انا مش شايف اي هزار وضحك مش في مكانه
لا منتدي حوار ولا الاسلامي ولا الدراسي في هزار وضحك
الضحك في الاقسام المخصصة
وبعدين لما يكون في حاجة غلط في المنتدي في حاجة اسمها مشرفين وادارة
هما دول بس اللي ليهم الحق يتدخلو ويقرروا هنعمل ايه
وساعتها هنفذ كلامهم سواء كان عاجبنا او مش عاجبنا
والمشرفين بتوعنا مش نايمين
يعني لو هما شايفين شي مش مظبوط اكيد هيقولو
زي ما الاسمر عمل في موضوع التهييس
انا مش شايف اي سبب للموضوع ده اصلا
لا المنتدي بقي هايف بدليل الموضوعات اللي ذكرتها
ولا الاتهامات بتاع سامح مسعد دي موجودة لاننا كلنا عارفين بعضنا كويس
Nettawy
06-09-2007, 02:09 PM
أنا ماليش دعوة أنا عايز كلام نهائي في الحوار اللى كتر اليومين دول اللى هو حوار المواضيع الهايفه واللى مالهاش لازمه والشات وكده يعني من الحاجات اللى بيتقال عليها................يعني مش نقعد نتكلم على الفاضي من غير ما ننفذ حاجه

وبعدين المشرفين دول بشر يعني لو نقدر نساعدهم - وبلا شك الكل يقدر ان شاء الله- نساعدهم ليه نستني لما يجي مشرف بعينه ويقول انتوا كده غلط إنما لو احنا شايفين الغلط وعدلناه حيكون أفضل كتير بدل ما نتعبهم معانا وكأنهم بيعاملوا أطفال (معذرة على اللفظه دي)...............المهم أنا اتكلمت كتير بس عليز اعرف حاجه واحده بس
حددوا ايه الغلط وايه وسائل إصلاحه.......مستني ردود من الكل لإن الموضوع ده للجميع - زي القراءة كده - مش لفرد واحد بعينه
HOSSAM ELDIEB
06-09-2007, 02:15 PM
حددوا ايه الغلط وايه وسائل إصلاحه.......مستني ردود من الكل لإن الموضوع ده للجميع - زي القراءة كده - مش لفرد واحد بعينه

اديك مش عارف ايه الغلط
مش عاوزين نتاثر بكلام حد
لو انت شايف غلط صلحه من نفسك
يعني لو شايف ان موضوعك هايف بلاش منه
لكن لو شايف انه مش كده حطه وسيب اللي يتكلم يتكلم
ولو شايف انك بتعمل شات ما تعملش شات
ولو شايف ان كلامك عادي يبقي خلاص اتكلم
انما مش كل شوية يجي واحد مش بيشارك في المنتدي اصلا وبيدخل كل فترة يعني ما يعرفش المنتدي ماشي ازاي يجي يقولك المنتدي باظ والمنتدي هايف والكلام اللي ما يدخلش الدماغ وانا وريتهم الدليل اهو
وبعد اذنكم انا مش باخد في اعتباري غير كلام المشرفين
يعني لما الادمن او الاسمر او كلامنتينا تيجي تقول يا جماعة في مشكلة وعاوزين نغيرها ونعمل كذا وكذا ساعتها نشيل كلامهم علي راسنا وننفذه
لان كلام المشرفين هيكون عشان مصلحة المنتدي
انما اي كلام تاني الله اعلم ايه غرضه
d.m.d
06-09-2007, 02:20 PM
انا موافق على كلامك يا حسام
وهنزل المواضيع اللى تعجبنى
طالما المشرفين ما اعترضوش
HOSSAM ELDIEB
06-09-2007, 02:25 PM
انا موافق على كلامك يا حسام
وهنزل المواضيع اللى تعجبنى
طالما المشرفين ما اعترضوش

انت عارف يابني يعني ايه نبطل نحط مواضيع
يعني بنقتل المنتدي اصلا
هو المنتدي معمول ليه الا عشان نكتب المواضيع
وليه الناس هتدخل مادام عارفة ان مفيش مواضيع جديدة
المهم تحط كل حاجة مكانها
عاوز تتكلم في موضوع مهم عندك حوار
عاوز تحط موضوع اسلامي عندك اسلاميات
عاوز تهزر عندك تحت الشجرة
انت عارف امتي المنتدي يكون هايف؟
لما تلاقي مفيش مواضيع بتتحط غير في تحت الشجرة وبقية الاقسام واقفة
هل قسم حوار ما بيتحطش فيه كل يوم علي الاقل اربع خمس مواضيع؟
هل العدد ده صغير في منتدي فيه ما لا يزيد عن 15 عضو فقط؟
خلاصة الكلام
المنتدي بتاعنا زي الفل وفيه مواضيع جميلة جدا ومفيدة جدا
brightgalaxy5
06-09-2007, 02:58 PM
انما مش كل شوية يجي واحد مش بيشارك في المنتدي اصلا وبيدخل كل فترة يعني ما يعرفش المنتدي ماشي ازاي يجي يقولك المنتدي باظ والمنتدي هايف والكلام اللي ما يدخلش الدماغ

انا مش شايف اي سبب للموضوع ده اصلا

مدام عايز تكتب هنا حاجة فتلزم احترامك
مش كل شوية اما ماتعرفش ترد كأن الكلام موجه لسعادتك تهبل في الكلام
مش على اخر الزمن هيجي واحد قدك يعلمني اكتب ايه ومااكتبش ايه
Nettawy
06-09-2007, 03:05 PM
طيب معلش يا دكتور برايت امسحها فيا هو إن شاء الله مايقصدش اللى كتبه
ومش لازم ياجماعة اللى بيحصل ده واننا نزعل من بعض

وبالنسبة ليك يا حسام مين قالك اني مش عارف الغلط فين ممكن أكون أنا شايف نقطه واحده بس سوداء وممكن غيري يكوت شايف أكتر من نقطه سوداء...بس فأنا حبيت أعرف رأي غيري

وبعدين يا حسام تعالى على نفسك شويه ياسيدي وحاول تقرأ الكلام اللى انت كاتبه ده متوجه لمين؟؟يعني لو ليا مثلا أظن مافيش فوارق مادمنا في حدود الاحترام وبعدين أنا أصغر منك....أما لو موجه لواحد كبير فلازم تقدر كل واحد
HOSSAM ELDIEB
06-09-2007, 03:06 PM
مدام عايز تكتب هنا حاجة فتلزم احترامك
مش كل شوية اما ماتعرفش ترد كأن الكلام موجه لسعادتك تهبل في الكلام
مش على اخر الزمن هيجي واحد قدك يعلمني اكتب ايه ومااكتبش ايه

ههههههههههههههه
اول مرة اعرف استفزك
اهي حاجة من اللي بتعملها معايا
بص يا دوك الكلام اللي حضرتك كتبته ده هعتبر نفسي ما شفتهوش لان برده حضرتك عارف اني لو شفته ردي هيكون ازاي
بس لازم تعرفي انا مفيش في قلبي ليك حاجة مش كويسة
بالعكس انا اول ما دخلت هنا كنت بحبك جدا فاكر حسام شو لما استضفتك فيه وكنت اول واحد
وادي كمان لينك ادخل شوف انا بقول عليك ايهhttp://www.medicine.cu.edu.eg/english/students/forum/showthread.php?p=37637&highlight=%C8%D1%C7%ED%CA#post37637
اقري الرد رقم 230
وانا ما كنتش عاوز ادخل معاك في حوار بدليل ان الموضوع قدامي بقاله يومين وما ردتش الا لما شفت الكلام الغريب والعجيب بتاع مستر سامح
علي فكرة سامح مسعد من اكتر الناس اللي بحبهم في المنتدي وهو عارف كده
انما بقي موضوع حضرتك ده انا مش شايف ان له وجود اساسا ولا في مشكلة ولا المنتدي فيه موضوعات هايفة واعتقد كل واحد حر
انما انك تفهمها اني بقول كده عشان اي حاجة تانية تبقي غلطان
Nettawy
06-09-2007, 03:35 PM
معلش معلش سؤال عابر في غير موضعه

هو دكتور برايت--------مش ولد؟؟؟؟؟؟؟
d.m.d
06-09-2007, 03:51 PM
دكتوربرايت ولد واسمه احمد
dr_angel
06-09-2007, 05:16 PM
مع احترامى ليك دكتور برايت ولموضوعك
واحترامى لكل الدكاتره اللى اتكلمو ولكل ردودهم وارائهم
انا شايفه اننا فعلا محتاجين المشريفين يشوفوا الموضوع ده ونعرف رأيهم ايه هل فعلا المنتدى موضوعاته بقت تافهه وهايفه(ولوانى مش شايفه كده)وهل في مشكله فعلا فيه؟
هم برده اكبر مننا وممكن يكونوا شايفين حاجه احنا مش واخدين بالنا منها
واكيد بنستفاد منهم
dr_0nline
06-09-2007, 07:24 PM
لو على رايي
انا شايف ان في مواضيع مكررة كتير زي ما قالح سامح
ودي ممكن تترجم الى تفاهة اصلها مكررة
*
المهم زي ما قال نتاوي ودر انجل .... ايه الحل وايه راي المشرفين
بلاش حد ياخد الكلام لنفسه
*
والرسول صلى الله عليه وسلم لما كان بيحب ينوه لحاجة كان
بيقول مابال اقوامٍ
*
سلاموز
kalamntena
06-09-2007, 07:31 PM
ممكن اقول رأيي في الموضوع الاصلي اولا
زمان كنت بادخل عشان اقرا كل المواضيع وارد عليها
دلوقتى بادخل كل المواضيع عشان جزء منها عارفة انى هارد عليه والجزء التاني لازم ادخل عشان انا مشرفة
منقدرش نقول ان فيه موضوع خارج و الا مكنش استنى
بس حسام انا هاكلفك وللا بلاش انت عشان المذاكرة
ستروما ممكن تمليلنا احصائية عن الموضوعات اللى بتتكلم عن الحب و العواطف من اول 2007
دي ام دي ممكن تعملنا احصائية عن المواضيع اللى فيها خناقات بين الاولاد والبنات
وكل واحد يكتبلي عدد المواضيع اللى ماستافدش منها حاجة يقدر يقولهلنا


انا مش مع ايقاف المواضيع
انا مع ان كل عضو يكتب هدف للموضوع بتاعه في اول صفحة


مسئلة الشات دي طبعا خارجة عن الارادة
كلنا ممكن نتجر في الردود لموضوع تاني
بس يبقى موضوع مش مجرد كلام

معلش مش عارفة اكتب كل حاجة عشان مبشتغلش على الجهاز اللى متعوده عليه
kalamntena
06-09-2007, 07:35 PM
اه مشكلة تكرار المواضيع مشكلة كبيرة جدا انا ممكن ادخل الاقي 4 مواضيع مكررة في اليوم و عشان انقلهم لازم ابعت لاصحابهم دي عملية مرهقة جدا انا مش لاقيلها حل
يا ريت اللى يحط موضوع يعمله سيرش الاول


طبعا مش محتاجين اقول ان الموضوع سخن جدا و الناس هتسيب النقاش وتمسك في بعض
اهدواااااااااااااااااا
واللى عايز ينتقد ينتقد موقف مش شخص بعينه
و هو هيفهم ان الكلام عليه
:smiley2::smiley2:
HOSSAM ELDIEB
06-09-2007, 08:15 PM
دكتورة كلامنتينا




انا عملتلك احصائية عن المواضيع المفيدة في اسبوع واحد وفي قسم واحد
واكيد المواضيع بتاع الحب والعواطف دي ريشة وقلم
المهم بقي
ليه يا كلامنتينا لما انتي شايفة ان فيه مشكلة ما اتدخلتيش انتي من الاول وفهمتينا علي الاقل رايك هنحترمه حتي لو مش علي هوانا
بدل ما تسيبي الناس توجه الاتهامات بالصورة دي للاعضاء في منتدي اعضاءه محدودين ومعروفين
حضرتك بعدتي ان عن الكلام اللي اتقال في الموضوع
لكن لا وربنا
لازم تقوليلي ايه رايك في كلام الدكتور سامح مسعد وتقوليلنا ايه كمان ايه علاقته بتفاهة المضواضيع (ده اذا كانت تافهة واذا كان كلامع صحيح)
ومش هتكلم عن الكلمتين اللي برايت قالهم ولو انا اللي قولتهم لحد كانت الدنيا قامت وقعدت دلوقتي
ادي كلام سامح


تانى حاجة
بعض الاعضاء منهم اللى داخل علشان يستظرف ويتعرف على بنات وده سبب دخوله المنتدى
وبعض الاولاد اللى مسجلين باسماء بنات ومكشوفين ويقعدوا يشكروا فى البنات ويتقربوا منهم لعل وعسى داخلين يصطادوا بلغتنا

ثالت حاجة
لما واحد يكون فى سنة اولى او تانية وهكذا ويرد رد مش كويس على زميل او واحد امتياز او على الاقل اكبر منه ده بتكون نقطة سودا فى المنتدى

انا في الصفحة الاولي عديت الاولاد والبنات اللي بيدخلو علي المنتدي في الفترة الاخيرة وهما 12
وحضرتك عارفة اني كلامي صح
عاوز اعرف مين من ال 12 دول بيعمل الكلام بتاع الدكتور سامح
مين من ال 6 بنات داخل باسم ولد
ومين من ال 6 اولاد داخل عشان يتعرف علب بنات
ومين من ال 12 كان شتم حد في امتياز
ولو الكلام ده كله صح
ايه علاقة ده بتفاهة المواضيع
Nettawy
06-09-2007, 08:20 PM
دكتوربرايت ولد واسمه احمد
شكراً أصل كلام حسام معاه كان بالمؤنث فشكيت
شكرا مصطفى

ده ياجماعه رد عابر مش في مكانه
مصري متعصب
06-09-2007, 08:29 PM
هدوووووووووووووووووووووووووووووووووء
Alasmar
06-09-2007, 09:29 PM
اسمحولى اقول رأيى فى مناقشتكو دا
و اسمحولى انى اقسمها على كذا رد
لزوم تزويد رصيد ردودى فى المنتدى
لا طبعا مقصدش
لزوم تقسيمها لأجزاء منفصلة يقدر كل واحد يقراها كويس مش رد طويل عريض الناس متقدرش تقراه

اولا اسمحولى ابدأ تعليقى بنقل كلام كنت قولته قبل كدا فى اكتر من موضوع

منهم موضوع كرسى الاعتراف (http://www.medicine.cu.edu.eg/english/students/forum/showthread.php?t=4680) سبق و قولت فيه



ممكن اقول حاجة
اما عندى نصيحه ليكو بالنسبة لمشاركاتكو فى المنتدى
انا مببقاش مبسوط قوى من المواضيع الى شكل العاب دى
الى هيا رأيك فى فلان
او رأيك فى توقيع فلان او اهدى ورده او كدا يعنى
انا مش ضدها
محدش يفهمنى غلط
لكن احب انبهكو لنقطة
ياريت مننجرفش فى تيار الهزار و المجاملات و مش عاوز اقول النفاق
انا بجد مقصدش الكلمة دى خالص
بس انا خايف منها بس
و يا ريت نحاول نستفيد من المواضيع دى زى ما انتو بتعملو كدا يعنى
يعنى هيا بتقوى صلتنا ببعض
و ياريت نتناقش فيها فى حاجات مفيده
مش كلها اهداءات و لعب و بس
مش عارف اعتقد انكو كلكو هتتاخدو من الكلمتين الى قولتهم دول
عشان زى ما قولت لكو انتو بتتعاملو معايا على انى مدير
بس بجد دى نصيحة من أخ و انسو خالص انى مدير فى المنتدى هنا
يعنى ايه مدير يعنى؟؟!!!
مش عارف ليه انا كان نفسى من زمان اوصل لكو الملحوظة دى بس خايف تزعلو او تقولو اننا متشددين
بس انا استغل فرصة اننا اخدنا على بعض و كسرنا جبل الجليد الى بيننا و اقولها لكو
عشان اكيد انتو هتفهمو وجهة نظرة دلوقتى صح ان شاء الله





مشكلة المنتدى او المنتديات على وجه العموم
ان الواحد و هو بيكتب رد او موضوع
يتغلب عليه صفات المثالية
او بيلبس وجه الانسان المثالى او المتدين
و بيختفى اى حد ما وجهه الاصلى
و دا بيخلى الناس تحس فى كتير من الاحيان ان العضو الفلانى محترم جدا او كبير جدا او شرير او اواواو
الى آخر الاواوات

و دا الى ممكن بيخلينى ابقى مش مبسوط قوى لما بتكلم من منصة المدير
لأن الناس ممكن تاخد عنى فكرة غلط
او مش مظبوطة
زى فكرة المثاليه الزياده عن اللزوم

لذلك ياريت محدش يتخم فى حد
او يكون انطباع عن حد عن طريق المنتدى بس
و دى نقطة كنت احب اوضحها


و فى موضوع هيس هيس (http://www.medicine.cu.edu.eg/english/students/forum/showthread.php?t=4307)




و من الاحصائيات دى يتضح ان الردود زادت جدا
يعنى مثلا فيه حتى كتابة هذه الكلمات 233 رد فى موضوع تهييس
و دا ان دل فأنما يدل على ان الاعضاء بيحبو التهييس
او شايفين ان المنتدى معمول بغرض التهييس


و من متابعتى للموضوع لاحظت ان فيه اعضاء بيقولو انهم حذفو ردود ليهم منهم لنفسهم كدا
و دا ان دل فأنه بيدل على انهم حاسيين انهم عملو حاجة مش مظبوطة
يعنى اتكلمو كلام فى الفاضى
و ضيعو وقت على الفاضى
و ملو مساحة على السيرفر الى عليه المنتدى و مدفوع فيها فلوس على الفاضى
و المشكلة ان الى دافع الفلوس دى هما
لأنهم هما الى بيدفعو الضرايب
و كله مدفوع من فلوس الضرايب
يعنى هما الى ضيعو وقتهم و فلوسهم



انا مش ضد التهييس
بل بالعكس انا شايف انه ممكن يكون مفيد ساعات
لكن ضد المبالغة فيه
يعنى احنا من الاحصائيات الى فاتت دى ملاحظين اننا اتجهنا لترك الموضوعات المفيدة او الى ممكن تكون مفيدة
و اتجهنا للتهييس


و دا اعتقد انه مش مطلوب
و لا من اهداف المنتدى


و لكنى لن اتخذ اى اجراء تجاه الموضوع
لأنى شخصيا دى سياستى
و هى ترك كل شيء و عدم حذفة ليكون شاهد على الى فيه
و تركه برده عشان حتى لو كان دا خطأ احنا ارتكبناه يبقى قدمنا و نتعلم منه
و تركه برده لأنى مقتنع ان دى اراده المجتمع او ارادة الاعضاء
فهم يريدون التهييس و يفضلونه عن المواضيع الاخرى
فليتحملو النتيجة
و يتحملو خسارة الوقت و الفلوس
و يتحملو خسارة المجهود الى كان ممكن يبذلوه او الفكر الى كان ممكن يفكروه فى موضوع مفيد


الناس عاوز كدا
خلاص يتحملو نتيجة كدا


و برده هسيب الموضوع لأنى مش ضد التهييس زى ما قولت قبل كدا
انا الود ودى اهيس معاكو والله
لكن معلش انا مزاجى معكر اليومين دول
اول ما هيتظبط ههيس معاكو


و بالتوفيق






لكن لاحظ ان اى رد اذا كان مفيد فهو لك
و اذا كان على الفاضى فهو عليك
عشان بكدا نت بتضيع حقك و فلوسك الى مدفوعة فى تمن المساحة الى على السيرفر الى عليه موقع الكلية
و دى النقطة الى طلبت توضيحها
و ان بوضحها لك اهه
و هو ان المنتدى دا زيه زى اى حاجة من الممتلكات العامة
زى الشارع مثلا
ملكك بتاعك
انت الى دافع حق رصفة و نظافته
حافظت على نظافته فانت بتحافظ على فلوسك
رميت فيه القمامة فأنت بتهرد فلوسك و حقك و حق غيرك من الى دافعين حق نظافته
HOSSAM ELDIEB
06-09-2007, 09:41 PM
انا مع دكتور الاسمر في كل كلمة قالها
فعلا مواضيع الالعاب دي مالهاش اي لازمة
انا عن نفسي ضدها لكن اللي خلاني ادخل في مناقشة موضوع زي ده انا شايف ان له اغراض اخري هي حاجة واحدة
وعاوز اعرف راي الاسمر فيها ومش عارف ليه الناس بتهرب ومش عاوزة ترد
بس انا هكررها الف مرة لحد ما حد يرد
كلام سامح مسعد

تانى حاجة
بعض الاعضاء منهم اللى داخل علشان يستظرف ويتعرف على بنات وده سبب دخوله المنتدى
وبعض الاولاد اللى مسجلين باسماء بنات ومكشوفين ويقعدوا يشكروا فى البنات ويتقربوا منهم لعل وعسى داخلين يصطادوا بلغتنا

ثالت حاجة
لما واحد يكون فى سنة اولى او تانية وهكذا ويرد رد مش كويس على زميل او واحد امتياز او على الاقل اكبر منه ده بتكون نقطة سودا فى المنتدى

ده اتهام لاعضاء المنتدي اللي هما محدودين , والمفروض اللي يقول حاجة زي كده في زمايله يبقي في حاجة غلط في نفسه

عاوز اعرف مدي صحة الكلام ده والدليل عليه مع العلم ان الاعضاء اللي بيدخلو علي المنتدي وهما اللي انا ذكرتهم في الصفحة الاولي وهذكرهم تاني
من الاولاد
حسام ونتاوي ووينر و دي ام دي واروناس و ساعات اجمد رجب
ومن البنات انجل وستروما وفي اي بي وروزا ووجه القمر وحياة
مين في دول اللي ينطبق عليهم الكلام ده
ومعلش اللي يتهم الاعضاء بحاجة يكون معاه دليل
ولا كل واحد في نفسه حاجة تجاه حد معين يتهمه باي حاجة بدون وجه حق
وايه علاقة كلام سامح اصلا بالموضوع اللي برايت كاتبه
vvvip
06-09-2007, 09:43 PM
ممكن اقول رأيي
اولا
اي منتدي عرضه لمواضيع الهزار دي
وانا شايفه انها مازادتش ولا حاجه
لأن في توازن بينها وبين المواضيع الجاده

ثانيا

ارجو توضيح من المشرفين ومن دكتور سامح
علي موضوع البنات اللي بيدخلوا علي انهم اولاد
والعكس
لان دا فيه اهانه لينا كلنا
وللمنتدي طبعا

ملحوظه
انا يشرفني ابقي اسم من اللي ذكرهم حسام
والحمد لله حطه موضوع برضه من اللي اتذكروا
اللي شايف انه موضوع هايف يقوللي
d.m.d
06-09-2007, 09:51 PM
شكرا دكتور الاسمر على الرد
بس احنا عايزين رد اوضح ومباشر
فى النقاط اللى احنا مختلفين فيها
ولو مواضيع الالعاب المفروض ان ما يبقاش ليها مكان زى ما قالوا الاعضاء
ايه السبب فى وجود قسم تحت الشجره
والمفروض نحط فيه ايه مواضيع علميه برده
Alasmar
06-09-2007, 10:21 PM
اولا احب اعبر عن احترامى و تقديرى الشديد لكل المشاركين فى الموضوع دا
بأختلاف آراءهم و افكارهم
لأنى عارف و متأكد ان الكل الحمد لله بيتكلم بغرض الخير و بغرض المصلحة للمنتدى
فأنا بجد متشكر جدا لكل الى شاركو فى الموضوع هنا
بصراحة مش عارف ابدأ كلامى منين
و اعتقد ان كان افضل بداية لكلامى هو الأجزاء الى نقلتها فى ردى السابق
و الى بتعبر الى حد كبير فى رايى فى الموضوع
اولا احب اوضح لكو ان المنتدى دا بيمثل لينا احنا المديرين حاجة كبيرة جدا
لأنة بدايته كانت على ايدينا الحمد لله
انا عارف انه غالى عليكو انتو كمان بس معلش مش اكتر مننا
لأنكو متعرفوش احنا كنا بنعمل ايه عشان يتعرف و يبقى نشط
و كنا بننبسط قد ايه لما كان يدخل لنا عضو جديد او يزيد موضوع جديد او رد جديد
مع اننا مش كسبانين اى شيء مادى من ورا دا كله
بس كسبانين معنويا كتيييير جدا
و احنا كمديرين بنختلف مع بعض فى طرق الادارة
و دا شيء جميل و مطلوب
منا الى بيميل للحذف و الشدة و الحزم
و منا الى بيميل للين و السياسة
و دا مطلوب و دا مطلوب
و دا له مميزات و عيوب و دا له مميزات و عيوب
و دا صح و دا صح
و لو كان الادمن فاضيلكو بجد كان هيظبطكو
لانه بيميل شوية للحزم
لكن معلش اللى فاضيلكو شوية هو الغلبان الى بيكلمكو دلوقتى
و الى للأسف بيميل للسياسة و الاقناع
و بميل كمان ان حتى لو الموضوع مش كويس او ملوش هدف
اكيد فيه طريقة نقدر نحول بيها الموضوع دا لموضوع كويس و له هدف
و الطريقة دى ممكن تكون بالرد عليه او بالمناقشات الى بتتم فيه
او بموضوع زى دا
الموضوع الى احنا بنتكلم فيه دا
هل من غير مواضيع الهزار و التهييس كان ممكن نقف مع نفسنا الوقفة دى و نفكر بجد احنا بنعمل كدا ليه او ايه
الهدف من ورا الى احنا بنعملة دا
انا شايف ان المنتدى مطلوب انه يكون صورة من الحياة الى حوالينا بحلوها و مرها
و احنا مننا لنفسنا هنقدر نتعلم و نحكم و نشوف الفرق بين دا و دا ممكن فى النهاية نوصل لحاجة
او حد يدلنا لحاجة
او حد يرشدنا لحاجة
و نستفيد منها فى حياتنا
انا شخصيا بالرغم من الكلام الى قولته دا ضد تماما مواضيع الهزار و الى بتتحول لشات
بس بدخل فيها و اشترك مع اعضاءها و بحاول اوجههم و اوجة الموضوع لوجهة مفيدة
و طبعاً انا مش هقدر اعمل كدا على طول
و شايف ان الى مش عاجبة المواضيع دى ليه ميعملش كدا
و يكتفى بالنقد بس
طبعا النقد مفيد جدا بالذات و هو فى الحالة دى من النوع البناء و المفيد
بس برده اهى وجهة نظر
مثال
انا مثلا كنت رافض و لازلت رافض لمبدا انشاء منتدى للرياضة
لأنى كنت عارف و متأكد ان كل المواضيع الى فيه هتكون حاجة من اتنين
اما مواضيع منقولة
او مواضيع خناقات بين مشجعى الفرق الفلانى و الفريق العلانى
و انا مع احترامى مش شايف اى فايدة مباشرة من الحاجات دى
و ياريت محدش يرد عليا و يقول لى لا دا فيه مواضيع مش من النوعين الى قولتهم دول لأن اكيد فيه استثناءات
بس بالرغم من كدا عملناه
لأنى عارف انه ممكن ييجى فى يوم من الايام الناس تعرف و تحس ان كل دا ملوش لازمة
كلام فى الهجايص
و كل المستفيدين هما اللعيبة والى شغالين فى الكورة
و احنا كل الى بنعملة بنضيع وقت و مجهود و كمان بنتخانق مع بعض فى حاجة مش ممكن هنستفيد منها
انا مش ضد الرياضة ولا الكورة بالعكس انا مشجع و متابع بس مبتفرجش على اى مباراة حاليا الا لو كنت فاضى
تماما
و طبعا مكونتش كدا زمان
طيب بقيت كدا ليه دلوقتى
عشان بدأت اعرف الحقيقة
و فكرت ايه الى انا بعملة دا و فايدته ايه؟؟
و ممكن فى يوم المنتدى الرياضى يدفع الناس للتفكير دا
و ممكن يكون مفيد فى انى قولت عليه الكلمتين دول و حد اقتنع بيهم
بكدا هو بقا منتدى مفيد
مواضيع الهزار
اكيد اكيد الواحد مطلوب انه يهزر يعنى مش هنقلبها جد على طول
و ان الواحد يضيع ساعات هنا فى موضوع كله مفيهوش غير الهزار
احسن ميه مرة ما يضيعهم فى اى مكان تانى على الانترنت برده بس فيه حاجات من الى بالى بالك
بس الاحسن و الاحسن انه يهزر هزار مفيد
او يهزر و يفيد
و بالنسبة للأكونتات المتعددة للفرد الواحد
فأحنا نعرف اكتر من واحد كدا
بس سايبينهم طالما مبيضروش
بس بصراحة معرف حد داخل بأكونت بنت و بيمثل و حركات من دى
اعتقد دى حركة مش لطيفة
و احنا قولنا قبل كدا فى قوانين المنتدى ان اى حد يحس بمضايقة من نوع ما او يحس ان فيه حاجة مش مظبوطة
يقول
لأننا مش هنمشى ورا كل واحد بمراقب و مش هندور ورا كل واحد
دى حاجة
الحاجة التانية
انه على الانترنت مفيش حاجة مضمونة
يعنى الواحد لازم يكون عارف قوى ان الى بيكلمة دا ممكن يكونولد او بنت بصرف النظر هو مسمى نفسه ايه او
بيقول على نفسه ايه؟؟
و احب اوضح تانى ان كل واحد فينا و هو بيدخل المنتدى
اما بيلبس الدقن و يعمل فيها عبده الشيخ
او بيلبس الحتة الى على الحب و يضرب الجل و يعمل فيها الواد الجنتل
او بيلبس النضارة قعر الكباية و يعمل فيها الواد المثقف
و غيره و غيره
و البنات برده بيعملو زى كدا
بس بدرجات طبعا مش كله زى بعضة
بس الواحد غصب عنه بتغلب عليه صفات مش صفاته الحقيقية و هو على المنتدى
و عشان محدش يزعل احب اقول ان مش كلنا طبعا بيعمل كدا
بس احب اقول لكو ان انا نفسى بعمل كدا و بخاف جدا على نفسى من كدا بالرغن انى بحاول مبقاش كدا
و لذلك بحب انبه كل شب و فتاه
ان كل الاشخاص الى بنقابلهم و بنتكلم معاهم على المنتدى اشخاص وهميين
و مينفعش نكون انطباعات حقيقيه عنهم
الانطباعات الحقيقية بتتكون على ارض الواقع
و يمكن كمان مبتتحققش على ارض الواقع بسهوله
لأن برده الناس بتلبس وشوش غير الوشوش
بس طبعا بنقدر فى ارض الواقع نحدد على الاقل جنس الى بنكلمة ولد ولا بنت (مع ان الموضوع دا مبقاش مضمون
اليومين دول!!)
اتكلم كمان عن ايه؟؟
اه
الخناقات
طبعا شيئ مش كويس خالص و مش لطيف
و عيب نقعد نجادل فى بعض و نفصص فى كلام بعض
و نفهم كلام بعض غلط
و نسيء الظن ببعض
بس مخبيش عليكو
انا اتعلمت الكلام دا منين
من خناقاتى و خناقات الاعضاء المنتشرة فى المنتدى
يعنى حتى الخناقات على المنتدى ممكن نستفيد منها
و ممكن نتعلم منها ازاى يكون ادب الحوار و المناقشة

و ارجو ان محدش يفهم كلامى غلط انا ضد
الخناقات
الهزار
الولد الى عامل نفسه بنت
و غيره و غيره من الحاجات الكتير الى اتكلمت عنها
بس برده ارجو ان تكون رسالتى وصلت لكل الاعضاء
مش عارف كفاية كدا دلوقتى
مش عارف انا حاسس ان فيه كمان كلام كتير محتاج اقوله
بس هستنى ردودكو و آراءكو الاول
و ان شاء الله لو ربنا اعاننى هرد على كل استفساراتكو و آراءكو
بالتوفيق
أبو المعاطى شمروخ
06-09-2007, 10:32 PM
يا جماعة اعتبرونى غلطت مثلا يعنى
وان رايى ده وهم او خيال او غلط
بس انا بلخص هيافة الموضوع فى تكراره يعنى لما يبقى موضوع نازل من كام شهر او سنة واتقرا مليون مرة واترد عليه وانتهى
وتيجى تشوف كذا موضوع مكرر فى يوم واحد حقيقى بتتخنق
مواضيع الالعاب مطلوبة والترفيه مطلوب و النكت مطلوبة
بس بجد فيه لعب- ساعات الواحد لما يبقى فاضى بيشترك فيها- بس مش ظريفة ومملة
يا جماعة اللى عايز يحط موضوع ياريت يكون موضوع جديد ويستنى 5 دقايق يدور عليه
مثلا لو موضوع دينى يبحث فى المواضيع الدينية مش هياخد منه 5 دقايق
انا عن نفسى بشوف مواضيع بالعبيط بس ما بنقلشى الا المواضيع الاسلامية او الضحك او مواضيع جديدة والحمد لله مبكررشى مواضيع
وزى ما دكتور سامح اى جى بيقول مواضيع الحب والاشعار كترت
نعمل موضوع مثلا اسمه قصائد والعالم الرومانسيين يكتبوا فيه واللى عايز يضيف قصيدة يزودها فى نفس الموضوع
مش 70 موضوع حب وهجايص وكله فى البطاطس

اخيرا كل الاشخاص اخواتى وانا بحبهم فى الله
وانا لما بعقب على راى بعقب على الراى مش على الشخص يعنى مهما قال اكيد انا بحترمه طبعا حتى لو غلط فيا
والواحد لازم يلتمس الاعذار لاى حد
HOSSAM ELDIEB
06-09-2007, 10:33 PM
واضح ان دكتور الاسمر بيتكلم بدبلوماسية زي ما قال
لكن مادام حضرتك مش عاوز تجاوب علي سؤال في الموضوع خلاص
انا دلوقتي واحد شتمني في المضوع ده
والواحد التاني اتهمنال بحاجات بذيئة من غير اي دليل
وانا هتقدم بشكوي رسمية ليك كواحد من مديري المنتدي في رسالة خاصة او ايميل
عشان معلش انا مش هسيب حقي ومش كل شوية واحد يجي يشتم في واحد او يستفز واحد ويسكت يبقي حقه يضيع
HOSSAM ELDIEB
07-09-2007, 12:50 AM
يا جماعة
معلش انا كنت فاهم غلط
فعلا المنتدي بتاعنا الموضوعات الهايفة في كتير
ايه ده
كله هزار ولعب وكلا مش مفيد
وياريت بقي نسمع كلام الناس الكبيرة
والاولاد اللي بيدخلو باسماء بنات عشان يخلو المواضيع تافهة اعتقد عيب انتو اكبر من كده
ومش عاوزين حد يدخل هنا عشان يتعرف علي بنات يروح يشوف اي منتدي تاني
احنا هنا في القصر العيني
لان الموضوع ده زاد عن حده وكل شوية واحد يدخل عاوز يتعرف مينفعش كده خالص
ولو شفت حد صغير شتم حد كبير هو حر
لانه لما يشتم حد كبي_ حتي ولو في رسالة خاصة_ كل المواضيع هتبقي تافهة
سلام
أبو المعاطى شمروخ
07-09-2007, 01:18 AM
شخص مُبالغ فيه








المعلم فالنتينو طبعا
مدنجي
07-09-2007, 01:19 AM
بعيدا عن الخناقات
و الى غلطان و الى مش غلطان
و حكاية اننا نبطل مواضيع دى
و حكاية ان كل الناس نسيو مدنجى فى كلامهم كعضو عامل بالمنتدى
يتقدم اخوكم مدنجى بعرض مباردتين للمنتدى

المبادرة الاولى
مبادرة احياء المواضيع القديمة و الرد عليها و اعادة فتح النقاش فيها
كل واحد فينا يبحث فى المواضيع القديمة و يرد على الى يعجبة منها و هيبقى كأنه فتح موضوع جديد تمام

المبادرة التانية
مبادرة انت مراقب نفسك او انت مشرف نفسك
يعنى انت بتقوم على كل مواضيعك بنفس مهام المراقب او المشرف
يعنى لو مش عاجبك موضوع هتكتبه متكتبوش
يعنى لتقل خيرا او لتصمت
او قبل ما تكتب اى موضوع تشوف اذا كان موجود قبل كدا ولا لأ

و مبادرة كمان فى السريع كدا
مبادرة الصلح خير
و سمعنى سلام نشيد طابور الصباح


دى..
HOSSAM ELDIEB
07-09-2007, 01:23 AM
[و حكاية ان كل الناس نسيو مدنجى فى كلامهم كعضو عامل بالمنتدى[/quote]

ايه ده
عاوز تدخل نفسك في دائرة الشك؟
خلاص براحتك
مدنجي
07-09-2007, 01:26 AM
معلش اسمحلى يا حسام اقول لك
انت ايه الى عرفك انا ولد ولا بنت
بجد هتعرف منين
يابنى هقول لك كلمة حطها حلقة فى ودنك

ما خفى كان اعظم

بس برده محدش قا لى رأيه فى مبادراتى
ايه؟؟


دى..
dr_angel
07-09-2007, 01:35 AM
بعيدا عن الخناقات

و الى غلطان و الى مش غلطان
و حكاية اننا نبطل مواضيع دى
و حكاية ان كل الناس نسيو مدنجى فى كلامهم كعضو عامل بالمنتدى
يتقدم اخوكم مدنجى بعرض مباردتين للمنتدى


المبادرة الاولى
مبادرة احياء المواضيع القديمة و الرد عليها و اعادة فتح النقاش فيها
كل واحد فينا يبحث فى المواضيع القديمة و يرد على الى يعجبة منها و هيبقى كأنه فتح موضوع جديد تمام


المبادرة التانية
مبادرة انت مراقب نفسك او انت مشرف نفسك
يعنى انت بتقوم على كل مواضيعك بنفس مهام المراقب او المشرف
يعنى لو مش عاجبك موضوع هتكتبه متكتبوش
يعنى لتقل خيرا او لتصمت
او قبل ما تكتب اى موضوع تشوف اذا كان موجود قبل كدا ولا لأ


و مبادرة كمان فى السريع كدا
مبادرة الصلح خير
و سمعنى سلام نشيد طابور الصباح



دى..

انا موافقه على الكلام ده والمبادرات دى
وياريت الاعضاء القدامى لو يقدروا يطلعوا المواضيع القديمه المفيده اللى عارفينها ونفتحها تانى يبقى كتر خيرهم
HOSSAM ELDIEB
07-09-2007, 01:37 AM
معلش اسمحلى يا حسام اقول لك
انت ايه الى عرفك انا ولد ولا بنت
بجد هتعرف منين
يابنى هقول لك كلمة حطها حلقة فى ودنك

ما خفى كان اعظم

بس برده محدش قا لى رأيه فى مبادراتى
ايه؟؟


دى..


انتي كنتي فين؟
جاي تساليني انا السؤال ده دلوقتي
مستنية لما انا اقول الكلمة دي!!!
مدنجي
07-09-2007, 01:40 AM
الاول
ادى واحد او واحدة (معلش معادش حاجة مضمونة بعد الى قريته فى الموضوع دا)كمان انضمو لمدنجى

بس هو لازم الاعضاء القدامى الى يطلعو المواضيع
اخوكو مدنجى مثلا اهه قديم اهه
بس بينكسف يطلع المواضيع و مواضيعة بالذات القديمة احسن يقولو عليه مغرور

و كمان كل المواضيع قديمها و جديدها متاح لكل الناس على المنتدى
بس مين الى يدور؟؟

حد تانى هينضم؟؟؟


دى..
HOSSAM ELDIEB
07-09-2007, 01:42 AM
الاول

و كمان كل المواضيع قديمها و جديدها متاح لكل الناس على المنتدى
بس مين الى يدور؟؟

حد تانى هينضم؟؟؟


دى..


متهيالي اننا لو فكرنا في مواضيع جديدة يكون احسن
وبلاش حكاية المواضيع اللي اتي عليها الدهر دي
dr_angel
07-09-2007, 01:46 AM
متهيالي اننا لو فكرنا في مواضيع جديدة يكون احسن
وبلاش حكاية المواضيع اللي اتي عليها الدهر دي

ياحسام ممكن المواضيع القديمه دى يكون فيها معلومات مفيده انت متعرفهاش قبل كده
فميش مانع انها تقراها
وكمان نعمل موضوعات جديده برده تكون هادفه
HOSSAM ELDIEB
07-09-2007, 01:48 AM
ياحسام ممكن المواضيع القديمه دى يكون فيها معلومات مفيده انت متعرفهاش قبل كده
فميش مانع انها تقراها
وكمان نعمل موضوعات جديده برده تكون هادفه

انتو عارفين ان اليومين اللي فاتو اسوأ يومين في المنتدي من فترة بسبب المواضيع اللي بتسد نفس الناس
انسو الكلام وتعالو نشوف المنتدي بتاعنا قبل ما يقف خالص
dr_angel
07-09-2007, 02:06 AM
ادى واحد او واحدة (معلش معادش حاجة مضمونة بعد الى قريته فى الموضوع دا
بس انا واحده يادكتور
HOSSAM ELDIEB
07-09-2007, 02:10 AM
ادى واحد او واحدة (معلش معادش حاجة مضمونة بعد الى قريته فى الموضوع دا
بس انا واحده يادكتور

اهو ده اللي الواحد كان خايف منه والناس مش عاوزة تفهمه
اهي الفتنة هتثار في المنتدي عشان كلمة مالهاش لازمة
يا جماعي انسو الموضوع ده حرااااااااااام عليكم المنتدي يبوظ بسبب حاجة تافهة زي دي
Nettawy
07-09-2007, 04:57 AM
اللهم ارنا الحق حقاً وأرزقنا اتباعه


انسوا بقى عايزين هدوء وعمل فب صمت
kalamntena
08-09-2007, 10:22 PM
حد لسه عايزنى حاجة؟؟؟؟
معلش اليومين دول مبدخلش كتير عشان الجهازين مش شغالين
بس بختلس كام دقيقة على اللاب تويب بتاع بابا


بالنسبة لموضوع الاولاد والبنات و الاكاونتس دي
امر متوقع


وفيه بنات بعتولي انهم شاكين في اسامي معينة و مش من ال 12 اللى قولتوا عليهم

طيب هل ينفع الاتهام المباشر بدون دليل
لا طبعا


المواضيع القديمة كويس ان الواحد يصحيها بس زيادتها زي ما دي ام دي وحسام كانوا بيقولوا مش ظريفة



امممممممممم
فيه ايه تاني؟؟؟


حد عايز منى حاجة قبل ما افلسع


اه طبعا انا ماقدرش اعلق على كلام الاسمر غير
انى مختلفة معاه في بعض النقاط
بس الاختلاف في الرأي لا يفسد للود قضية
HOSSAM ELDIEB
08-09-2007, 10:26 PM
وفيه بنات بعتولي انهم شاكين في اسامي معينة و مش من ال 12 اللى قولتوا عليهم



مش عاوز افتح الموضوع تاني
بس اللي كنت عاوز اقوله انهم مادام مش من الاعضاء النشطين اللي انا ذكرتهم يبقي مالهمش تاثير
يبقي مفيش داعي لاتهام مالهوش لازمة ومش هيودي ولا هيجيب عشان الفتنة بس
دي كانت وجهة نظريييييييييييييييي
d.m.d
08-09-2007, 10:27 PM
يعنى حضرتك شايفه المنتدى بقى تافه زى ما كان بعض الاعضاء بيقولوا
وموضوع المواضيع الجديده حضرتك شايفه انها تافهه
والاعضاء اللى لسه فى اولى ولا تانيه بيردوا على الاعضاء الكبار وحش وبطريقه مش كويسه
kalamntena
08-09-2007, 10:32 PM
انا برضه شايف اننا نبتدي نفكر في حلول

حسام مش عايز منى حاجة دلوقتى

حد عايز حاجة منى؟؟؟


نسيت اقولك يا حسام مش معنى انى مبحبش مواضيع معينة يبقى احكم على الناس ميكتبوش فيها
بينى وبينك ومتقولش لحد فيه مواضيع والله باقراها ضغطي بيعلا وبيجلي اكسترا سيستولز
:icon_mrgr

هتموتوني صغيرة يا اشرار
:smiley15:
kalamntena
08-09-2007, 10:41 PM
بص يا دي ام دي

حكاية ان الفورم تافهه
يعنى انت بتدخل مبتستفدش ولا كلمة وتخرج
و ده مش بيحصل

فمبدئيا الفورم مش تافهه
طيب نحكم على موضوع ازاي انه تافهه
لما يكون بيستخف بعقول الناس


كل ما في الامر ان فيه مواضيع كتيييييييييييييييييييييييييير بتكرر نفس الفكرة
اللى هي اساسا مش مفيدة او بمعنى اخر قتلت بحثا


اتكلم عن نفسي
انا عمري ما حبيت مواضيع العواطف
واللى قريتهم وعجبوني يتعدوا على الصوابع
نفس الكلام
مشكلة ناقصات عقل ودين اللى مفيش موضوع بيتكلم عن البنات الا وتلاقيها فيه
طب مانا ممكن ارد بجملة واحدة مش هتعرفوا تردوا بعدها والله بس الواحد بيتحرق دمه ويقول اسكتى يا بت دلوقتى يبطلوا
المواضيع المكررة بصراحة بترفع ضغطي


بس زي مابقول دايما حط نفسك مكان صاحب الموضوع مش هتكون مبسوط ابدا لما تلاقي رد صادم يخنقك

فعلشان كده مكنتش باتدخل مادام الموضوع مخرجش عن نطاق الادب

انت فاهمني

س دخل النهارده كتب الموضوع الفلاني
و ص دخل بكرة كتب نفس الفكرة بعنوان تاني
و الموضوعين فيهم خناق
حضرتك قديم في المنطقة وعارف وشايف اكيد هتبقى قاعد مخنوق
بس ص ذنبه انه جديد؟؟؟


حد فاهمنى ؟؟



انا بس فيه كلمتين عايزة اقولهم
كل واحد قبل مايعمل حاجة او يقول حاجة يحط نفسه مكان اللى قدامه
Nettawy
09-09-2007, 01:02 AM
كلام في الجول يا كلمنتنا
أبو المعاطى شمروخ
09-09-2007, 01:14 AM
يا سلام يا دكتورة والله دايما عاقلة وبتفكرى
المفروض تمسكى وزارة التموين
Nettawy
09-09-2007, 05:51 AM
ههههههههههههههههههههههه
دكتور سامح مسعد مش عارف ليه كل ماشوف مشاركه ليك ببقى عايز اضحك (ليس تقليلا من شأنك وإنما لقربك من قلبي)
و الله انت من أجمد الشخصيات في المنتدي بالنسبالي
أبو المعاطى شمروخ
09-09-2007, 01:27 PM
ربنا يخليك ليا يا نتاوى
والله انا بحب الناس اللى فى المنتدى فى الله
وربنا يديم المحبة يارب
dr_0nline
09-09-2007, 05:22 PM
الحمد لله ان الموج هدي
والسما صافية والبحر جميييييييييييل
تررررااااااااااا
*
عادي عادي
بس المشكلة ليكون في حد بيشك فيا؟؟؟
هع هع هع
ايه رايكو لو احطلكو بطاقة الرقم القومي وكارنية الكلية
هع هع هع هع
على العمووووووووووووووووز انا ما كنتش عاوز احط بوست عشان الموضوع دا مايتفحش تاني
بس غصب عني
*
*
*
مرة عبد الحلام فتح البطيخ بالمقص طلع جواها مكواه ادها حودة العجلاتي
حودة العجلاتي اداها لبرعي بتاع السمك
برعي اداها لبلية الحداد بلية الحداد
عنده شرارة
شرارة سرق السلسلة
فطلع موضوع شرارة والسلسلة
وبابا ابووووووووقح ااااااااه بابا اووووققح
*
*
ما حدش ياخد في باله
انا بتوه بس
*
سلاموز
STROMA
09-09-2007, 05:25 PM
دكتور اون لاين من الناس لما بشوف انهم ردين على موضوع


بضحك من قبل مااعرف الرد ايه


صباح الخير بالليل:icon_mrgr
wgh_el2mr
11-09-2007, 04:31 AM
على فكرة انا كمان عاوزة اسال نفس سؤال ستروما
حتى هنا ممكن يحصل الكلام دا؟

طب واحنا المفروض نعمل ايه؟

نتعامل دلوقتى ازاى يعنى؟ دلوقتى بقى المفرو مفيش واحدة ترد على حد
ولا ايه؟
HOSSAM ELDIEB
11-09-2007, 04:40 AM
على فكرة انا كمان عاوزة اسال نفس سؤال ستروما
حتى هنا ممكن يحصل الكلام دا؟

طب واحنا المفروض نعمل ايه؟

نتعامل دلوقتى ازاى يعنى؟ دلوقتى بقى المفرو مفيش واحدة ترد على حد
ولا ايه؟

ايه ده يا مروة؟
انتي بتصدقي الكلام ده برضه
طبعا مفيش حاجة من دي بتحصل
نفضو بقي يا جدعان
wgh_el2mr
11-09-2007, 04:47 AM
يا جماعة انا مش عندى استعداد اتحط فى موقف زى دا
ولا هاستحمل بصراحة
فياريت لو فيه حاجة من دى بجد تفهمونا وتعرفونا يا اما بلاها نت خالص ومش مهم

كفاية
STROMA
11-09-2007, 04:52 AM
شككتوا الناس فى بعضها

نعمل ايه بقى دلوقتى؟
dr_angel
11-09-2007, 04:59 AM
ايه ياجماعه الموضوع ده مش كان اتقفل
كبروا دماغكو بقى
وبعدين انا بحب امشى بمبدأ افتراض حسن النيه الى ان يثبت العكس
يعنى خليكو على طبيعتكو زى الاول ولا كأن الكلام ده قيل
وبعدين انا مقتنعه ان مهما الانسان حاول يكذب اكيد هينكشف لان طبيعته هتغلب عليه
HOSSAM ELDIEB
11-09-2007, 05:01 AM
ناس ما وراهاش غير اثارة الفتن في المنتدي
ربنا يجازيهم علي اد نيتهم
اعتقد يا جماعة مفيش مجال للشك
كلنا عارفين بعضنا كويس
سيبوكو من الكلام الفارغ ده
wgh_el2mr
11-09-2007, 05:03 AM
اوك يا جماعة
واما نشوف اخرتها ايه
brightgalaxy5
11-09-2007, 01:53 PM
الاحتياط واجب برده
الا قد بلغت اللهم فشهد
dr monmon
11-09-2007, 08:51 PM
انا فعلا اول مره اشوف الموضوع ده
بس بجد اتخنقت موت
ومش قادره اوصف شعوري
يلا ربنا يسامحكم
بس فعلا زعلت ليه دا كله
دا كمان دكتور حسام لما قال على 6 بنات ولا عبرنى
اظن انا ولد بقى
بجد انا فعلا بحترم المنتدى وكنت مش ببخل عليه بأى موضوع شايفاه انه كويس او دمه خفيف
على العموم عاوزه اقول اقتراح وياريت تاخدوه على محمل الجد
لو المواضيع المكرره مضايقاكو وفي نفس الوقت بتخافو تحذفوها عشان اعضاءها
انتو ممكن تخصصو قسم في المنتدى للمواضيع المكرره
وتنقلو اى موضوع لها
وبكده تحافظو على اراء الناس الجديده اللى شاركت معاكو
وميرسي بجد ليكو الواحد فعلا حس انه في بيته
يلا ربنا يهدى الحال
dr_angel
11-09-2007, 10:58 PM
احنا منقدرش على زعلك يامونمون طبعا
اكيد حسام لما قال اسماء البنات مكنش يقصد الحصر بس بيذكر امثله
انتى طبعا عضوه نشيطه جدا وانا شخصيا بحب اقرا موضوعاتك وردودك
المهم متكونيش زعلانه خالص
وانا شايفه ان اقتراحك كويس
HOSSAM ELDIEB
11-09-2007, 11:01 PM
ايه يا مونمون هتطلعيني غلطان يعني
انا قلت اللي جه في دماغي بس والله
وبعدين انا مش بقول هما دول بس البنات
انا اقصد ان الناس كلها معروفة وحرام تنتهم حد من زمايلنا
ssskkk
11-09-2007, 11:19 PM
يعنى انا مش فاهمة دلوقتى هل الاعضاء الجدد كلهم مش مرحب بيهم وناس تافهين يعنى طيب ولا اية ابئة فاهمة بس مش اكثر
لو كدة يبقى الواحد عرف حدوده برده وميتطاولش وميكتبش موضوع اساسا بئة ويكتفى بالمشاركات المحدودة
HOSSAM ELDIEB
11-09-2007, 11:23 PM
ايه يا بنتي اللي بتقوليه ده؟!!!
المنتدي اصلا مش ملك حد
مادام انتو عضوة يبقي ليكي كل حقوق الاعضاء الاخرين
وبعدين كلنا هنا اخوات
مش عشان حد عاوز يعمل قلق في المنتدي نقوم ننساق وراه
المفروض نحط حاجة زي دي ورا ضهرنا
kalamntena
12-09-2007, 12:02 AM
و بعديييييييييييييييييييييين ؟؟؟
:mmmm mmmm
مبلاش كده يا مشاكس
:smiley15:


ssskkk
متهيألى الكلام واضح
احنا مبنتكلمش على اعضاء احنا بنتكلم على مواضيع

و طبيعي طبعا اي حد بيدخل مجتمع جديد لازم يكون حذر في التعامل
ده شئ بديهي

انا اول ما دخلت الفورم كانوا فاكريني ولد
عادي جدا

منمون اقتراح كويس بس هي مش مسئلة مواضيع مكررة
نقل المواضيع مش ظريف
ده غير انها بتشغل حيز على السيرفر على حد علمي


متسمعوش كلام حسام
:icon_mrgr
HOSSAM ELDIEB
12-09-2007, 12:23 AM
كده
طب انا غلطان اني بنصحهكم عشان ما يتعقدوش
خلاص اللي تشوفوه انتو بقي
ومحدش يسمع كلامي
kalamntena
12-09-2007, 12:34 AM
شريييييييييييييييييييييييييييييييير
:smiley15:
sandy
12-09-2007, 01:27 AM
انا عايزة اقول حاجة بس من غير زعل انا بقراتي للموضوع ده حسيت اني بقيت مترددة اكتب او ادي رايي حتي بصراحة والله انا مش قصدي حاجة بس انا فعلا حفكر مليون مرة قبل ما اكتب الموضوع علشان مابقاش ثقيلة عليكو
انا عايزة اقولكو ان احنا مهما عملنا عمرنا ما هنرضي الكل ودة طبعا يرجع لاختلاف شخصياتنا وانا ديما برحب بالمشاركة والحوار والراي المعارض لكن في حدود الادب والاحترام المتبادل بين الاعضاء انا والله مش عايزة اي حد يفهمني غلط بس دة رايي
فيعني ارجو منكم ان تتقبلوه بصدر رحب وحاجة كمان الرد ده فقط مشاركة للموضوع
الموضوع كويس جدا وهادف بس هو صريح وجارح شوية عموما شكرا علي الموضوع يا دكتور
brightgalaxy5
12-09-2007, 01:41 AM
ازيك يا ساندي
انتي مالك خايفة كدة ليه
المنتدى هنا كلنا اخوات وصحاب مع بعض ومافيش حد يقدر يزعل التاني
الهدف بس اختيار المواضيع الهادفة والتنحي عن مواضيع الحب والهزار اللي ملهاش لازمة
بس
واهلا بيكي معانا
brightgalaxy5
12-09-2007, 01:47 AM
فيه حاجة كمان يا جماعة
الناس كلها مش زي بعضها ,يعني مش كلنا كويسين ومش كلنا وحشين
موضوع ان الواحد يدخل باسم بنت ده شيئ مش لطيف نهائيا
واكيد فيه نسبة وان قلت بتعمل كدة وده بيحصل في المنتديات الكبيرة والغرض واضح
واللي ينكر ده يبقى على نياتو
ليه بقى فيه ناس بتقول لا كلنا كويسين ومبنعملش كدة
هما بيدافعو عن الفئة دي ليه ؟ :)
المهم,
ربنا يهدينا جميعا
HOSSAM ELDIEB
12-09-2007, 01:50 AM
لا حول ولا قوة الا بالله
اللهم اهدي شباب المسلمين
d.m.d
12-09-2007, 02:12 AM
احنا مش كنا خلاصنا كلام فى الموضوع ده
كده كل عضو جديد هيشوف الموضوع ده
يخاف يشارك او يحط مواضيع جديده فى المنتدى
يا ريت كل واحد يحط اللى يحب يقراه ويحترمه
من وجهه نظره
HOSSAM ELDIEB
12-09-2007, 02:18 AM
معاك حق يا دي ام دي
الموضوع ده عمل ارهاب للناس الجداد
ربنا يسامحهم ويهديهم
أبو المعاطى شمروخ
13-09-2007, 12:07 AM
آمييييييييييييييييييييييييييين

هههههههههههههههههههه
HOSSAM ELDIEB
13-09-2007, 12:22 AM
ههههههههههههههههههههه
بتضحك علي ايه
مش لايق في دور الشيخ صح
أبو المعاطى شمروخ
13-09-2007, 12:30 AM
لا يا عم الرد اللى بيعجبنى لازم اظهر ان انا ضحكت
دا انت تبقى شيخ مودرن اشطة
Nettawy
13-09-2007, 02:27 AM
يا جماعة بلاش هزار في الدين

ودمتم
roseangle
14-09-2007, 07:00 PM
انا فكرت فى شويه اسباب كده هيا اللى ممكن ساعدت فى انتشار الهزار والضحك اللى انت بتقول عليه



اولا الناس الكبار اللى دخولهم على المنتدى قل جدا ويكاد انعدم


ودول طبعا ناس عندهم خبرات فى الحياه اكتر من الناس الصغيرين بكتيييييييييير


ويقدروا يشوفوا المواضيع بوجهة نظر مختلفه عن الناس قليلة الخبره اللى زينا


اعتقد دول لو رجعوا المنتدى زى الاول هيبقى ليه شكل تانى


كمان زيادة عدد المواضيع المكرره اللى الناس بتحطها ومش بتدور اذا كانت موجوده او لا ودى بيجيب الملل


وكمان زيادة عدد الموضوعات اللى بتتكلم عن موضوع واحد فى النهايه وكله بيصب على بعضه


اختفاء اعضاء نشيطين جدا ولما كانوا بيبقوا فى المنتدى بيبقى فيه روح وحيويه



وحتى المواضيع اللى دمها خفيف اللى مثلا اللى فى تحت الشجره اختفت واتبدل بدل منها مقالب ومواضيع مضحكه بلا موضوع






ممتاز يا برينكما


هو ده الكلام المظبوط