عبد ربه في الطريق إلى الأهلي !

[HOSSAM ELDIEB]

تلقى الإتحاد المصري لكرة القدم قرارا من الإتحاد الدولي لكرة القدم عن طريق الفاكس يؤكد فيه أن اللاعب حسني عبد ربه من حق نادي ستراسبورج الفرنسي .

وأكد الفاكس الذي تلقاه إتحاد الكرة المصري صباح الخميس أن على الإتحاد المصري سرعة إرسال البطاقة الدولية للاعب إلى الإتحاد الفرنسي في إسرع وقت ممكن وعلى النادي الفرنسي تحديد إمكانية حل مشاكله المادية مع نادي الإسماعيلي أو الإبقاء على اللاعب في صفوفه أو بيعه لنادي أخر .

ومن المعروف أن النادي الفرنسي بالفعل قد قام ببيع حسني عبد ربه – بعد موافقة الثاني – الى النادي الأهلي المصري في صفقة أثارت العديد من ردود الفعل في وقتها .

وكان لجنة شئون اللاعبين في الإتحاد الدولي قد أرسلت جواب سابق لإتحاد الكرة تقول فيه أنها غير منوطة بحل النزاع القائم بين ستراسبورج والإسماعيلي وأنها ترشح بقاء البطاقة الدولية في الإتحاد المصري حتى إنتهاء الأزمة رسميا من قبل الفيفا وهو ما فهمه إتحاد الكرة المصري على أنه تصريح بأن اللاعب من حق الإسماعيلي .

وخلال الساعات القادمة سوف نتعرف على نهاية قصة حسني عبد ربه مع الإسماعيلي وستراسبورج والأهلي فانتظرونا لمزيد من التفاصيل لاحقا
المصدر: يلا كورة
http://www.yallakora.com/arabic/news/details.aspx?ID=26552

[d.m.d]

والله الواحد زهق من الموضوع ده
ما الاهلى يسيبه للاسماعيلى وخلاص

[HOSSAM ELDIEB]

الاهلي لا يعرف شيئا عن مباديء كرة القدم

[d.m.d]

الاهلي لا يعرف شيئا عن مباديء كرة القدم
ليه كده بس يا حسام ما كنا كويسين
اوثبت ان حسنى خلاص بقى من حق ستراسبورج
يبقى هو من حق الاهلى والاسماعيلى ميقدرش يعمل حاجه

[HOSSAM ELDIEB]

لو حسني راح الاهلي يبقي الاهلي سرقه
لولا تدخل الاهلي الفريق الفرنسي كان هياخد فلوس الاسماعيلي ويفضل حسني عبدربه معاه
انما الاهلي اغري الفريق الفرنسي بفلوس اكتر عشان يرفض يستلم الشيك
دي تبقي سرقة ولا لاء
الاهلي مش بيهمه مصلحة مصر
بدليل انه عاوز الفرق كلها تبقي ضعيفة
سرق اينو من الزمالك وعاوز يسرق عبد ربه من الاسماعيلي
طب ليه الاهلي ما يدخلش البيت من بابه ويطلب رجل حسني عبدربه من الاسماعيلي
ليه الاسلوب الرخيص ده

[Nettawy]

الاهلي لا يعرف شيئا عن مباديء كرة القدم



معلش يا حسام الرد ده يصدر عن واحد غير رياضي بالمرة يعني مش المفروض تطلع منك
وبعدين انتا دايماً كده ترمي كلام على الاهلي وخلاص

[HOSSAM ELDIEB]

حضرتك غلطان انا مش برمي علي الاهلي بدون سبب
عندك موضوع حسني عبد ربه
شوف ازاي الاهلي خده بطريقة بعيدة عن الاخلاق والمباديء

[mr_azygos]

يا عم حسام انت زعلان ليه هيا دي اول مره الاهلى يعملها . ما عمل قبلها كتير :اسلام الشاطر و طارق السعيد ومحمد صديق ومحمد عبد الله (اللى خاده احسن ونج يمين في مصر ورماه فى الاخر)واينو و....

[d.m.d]

الظاهر ان كل اللى بيكرهوا الاهلى اتجمعوا بقياده حسام
انا عايز اقول حاجه يعنى الزمالك والاسماعيلى عندهم مبادى اوى يعنى!!!!!!!!!!!!!

[HOSSAM ELDIEB]

الظاهر ان كل اللى بيكرهوا الاهلى اتجمعوا بقياده حسام
انا عايز اقول حاجه يعنى الزمالك والاسماعيلى عندهم مبادى اوى يعنى!!!!!!!!!!!!!


هاتلي موقف واحد للزمالك والاسماعيلي زي ده
افتكرلي مرة الزمالك راح سرق لاعب من الاهلي او الاسماعيلي
كفاية الاهلي السنادي عمل 3 مشاكل
حسني عبدربه
ومعتز اينو
وشريف اشرف
ده معناه ايه
في فريق في الدنيا عاوز يسرق 3 في سنة واحدة

[d.m.d]

المبادئ ما بتبقاش فى شراء اللاعيبه بس
عندك يا سيدى يحيى الكومى قال انه دفع فلوس حسنى فى المعاد المطلوب
وطلع كداب واهه حسنى فى الاهلى
حسنى نفسه وقع للاهلى وبعد كده رجع فى كلامه وقال انا مش عايزه
امال مضى ليه
الزمالك بعد ما حصل من عمرو زكى ولما الاتحاد عاقبه
ما عجبش الاعضاء فى الزمالك واحتجواوشتموا احمد شوبير
هو فى نادى للمبادى يعمل كده

[HOSSAM ELDIEB]

المبادئ ما بتبقاش فى شراء اللاعيبه بس
عندك يا سيدى يحيى الكومى قال انه دفع فلوس حسنى فى المعاد المطلوب
وطلع كداب واهه حسنى فى الاهلى
حسنى نفسه وقع للاهلى وبعد كده رجع فى كلامه وقال انا مش عايزه
امال مضى ليه
الزمالك بعد ما حصل من عمرو زكى ولما الاتحاد عاقبه
ما عجبش الاعضاء فى الزمالك واحتجواوشتموا احمد شوبير
هو فى نادى للمبادى يعمل كده

كل الناس عارفة ان اتحاد الكرة اهلاوي
اذا كان نائب الرئيس اللي هو احمد شوبير كان في ادارة الاهلي امال عاوزة يبقي ايه
بس الظلم له نهاية يا برنس
وعمر الفريق الظالم ربنا هيوفقه
مش عارف ازاي الاهلي ياخد حسني والاسماعيلي في اشد الحاجة اليه في بطولة افريقيا
انا بكره كل يوم وكل لحظة هتفت فيها باسم الاهلي

[d.m.d]

انت راضى يعنى على اللى عمله عمرو زكى طب كويس
انت ما رضتش على موقف يحيى الكومى وحسنى ليه

[HOSSAM ELDIEB]

انت راضى يعنى على اللى عمله عمرو زكى طب كويس
انت ما رضتش على موقف يحيى الكومى وحسنى ليه

عمرو زكي ده فرد
وكل اللعيبة بتسب وتلعن في الحكم طول الماتش بس لكن ده حظه ان الكاميرا جابته
ويحي الكومي كان عاوز يبعد الاهلي عن حسني وده حقه

انما ان تكون سياسة نادي باكمله الخطف والسرقة
ده اللي محدش يرضي بيه

[a1man]

:tamtam:السلام عليكم :tamtam:
خلاصة الكلام في جمله واحده
مش معني غياب المبادئ عن النادي اللي انت بتشجعه يبقي مفيش مبادئ في باقي الاندية
يعني من الاخر بدال ما تتهموا اصحاب المبادئ بانعدام المبادئ حاولوا تكونوا زيهم اصحاب مبادئ
قضية حسني الكلام فيها كتير اوي وبقي رخم اوي والاهلي هو النادي الوحيد اللي اتعامل في القضية دي بمنتهي الاحترافيه ونفس الوقت المبادئ
موقف الاسماعيلي : قعد يحيي الكومي يتباطأ في ارسال المبلغ لنادي ستراسبورج حتي انتهت مده التسديد وللعلم نادي ستراسبورج بعت للاسماعيلي فاكس ( بيفكره ) انه لو عايز يحتفظ بالاعب يبعت بقيه المبلغ فرد يحيي الكومي بفاكس علي الفريق الفرنسي يطلب منه تقسيط المبلغ علي 3 اقساط
موقف الزمالك : بمجرد علم مجلس الزمالك ان الاسماعيلي لسه مدفعش بقيه الفلوس بتاعه حسني كان نادي الزمالك هو اول من تقدم بعرض لضم حسني عبد ربه - الكلام ده باعتراف ممدوح عباس ونادي ستراسبورج - يعني قبل ما المهلة بتاعة السداد ما تنتهي باكتر منشهر الزمالك كان عايز بلغتك يسرق الاعب
موقف الاهلي : في نفس اليوم اللي اتقدم فيه الزمالك بعرضه للنادي الفرنسي طلب وكيل اعمال الاعب من النادي الاهلي انه يقدم عرض لضم الاعب لرغبه الاعب في انه يروح الاهلي وهنا تظهر المبادئ حيث رفض الاهلي التقدم بأي عرض للنادي الفرنسي الا بعد انتهاء المهلة المقرره للاسماعيلي ثم بعد انتهاء المدة قدم النادي الاهلي عرضه للنادي الفرنسي ليكون النادي الرابع اللي يقدم عرض لضم حسني بعد الزمالك ونادي فرنسي ونادي خليجي وبمنتهي الاحترافية قدر الاهلي يحسم الصفقه لصالحه
طبعا انا مش هقدر اقارن بين موقف جمهور الاهلي وموقف جمهور الاسماعيلي من القضية لان دي هتبقي مقارنة ظالمه بكل المقاييس
الاهلي نادي القرن
الاهلي نادي المبادئ
الاهلي فوق الجميع
واللي خايف يروح
http://i199.photobucket.com/albums/aa172/a1man_2_2007/66783230.png

[d.m.d]

اخيرا لقيت حد يدافع عن الاهلى معايا
شكرا المان على ردك

[dr / MIM]

لو حسني راح الاهلي يبقي الاهلي سرقه
لولا تدخل الاهلي الفريق الفرنسي كان هياخد فلوس الاسماعيلي ويفضل حسني عبدربه معاه
انما الاهلي اغري الفريق الفرنسي بفلوس اكتر عشان يرفض يستلم الشيك
دي تبقي سرقة ولا لاء
الاهلي مش بيهمه مصلحة مصر
بدليل انه عاوز الفرق كلها تبقي ضعيفة
سرق اينو من الزمالك وعاوز يسرق عبد ربه من الاسماعيلي
طب ليه الاهلي ما يدخلش البيت من بابه ويطلب رجل حسني عبدربه من الاسماعيلي
ليه الاسلوب الرخيص ده



nooooooooooooooooooo comment ......................................
هو ده حسام و مش هيتغير ............... دايما يثب الى استنتاجات بدون التفكير فى اى ملابسات او اى ظروف
و على العموم يا حسام .................. فى ناس كتييييييييييييييييييييير برده رده على مثل هذه الادعاءات
و مش هتعب نفسى فى التبرير
hard luck

[dr / MIM]

هو من بعد رد اى وان مان حسام مش شايفينه ليه يا اخوان .......................؟؟؟؟
سؤال الحلقة و الجايزة الف جنيه (شوفوا مين اللى هيدفع ..؟؟)) ................ اين ذهب حساااااااااااااااااام .........؟؟؟

[HOSSAM ELDIEB]

بص يا عم ايه وان مان
انت عارف ان الاسماعيلي فريق حالته المادية تعبانة ولو كان معاه فلوس ما كان بعتها قبل المعاد
الاسماعيلي نادي جماهيري ماعندوش امكانيات الاهلي ولا رعاة الاهلي ولا رجال اعمال الاهلي
الاسماعيلي كان بيدبر الفلوس وكان محتاج وقت
انما ادارة الاهلي اللي بتحب تصطاد في المية العكرة والخالية من كل المباديء الانسانية مش بس الكروية جريت علي الفريق الفرنسي تغريه يالفلوس الكتير ولما اسماعيلي كان جمع الفلوس كان فات يومين علي الشيك ورفضت الفريق الفرنسي انه ياخد الفلوس من الاسماعيلي بسبب تدخل الاهلي
هي دي الاحترافية
دي احترافية في السرقة
واخذ ما في يد الغير بدون حق
كفاية انهم ممكن يحزنو شعب بلد كاملة زي شعب الاسماعيلية بسسب لاعب الاسماعيلي اكثر احتياجا اليه من الاهلي
تقدر تقولي فين المباديء في كده
وايه ذنب الاسماعيلي انه نادي فقير
الاسماعيلي يا باشا عمل تبرعات عشان يقدر يسدد مرتبات اللعيبة يقوم الاهلي يخطف منه لاعب
الاهلي يقدر يشتري 10 زي حسني عبد ربه
انما الاسماعيلي هيجيب منين
اكرر تاني
حزين علي كل لحظة هتفت فيها باسم الاهلي

[Nettawy]

على فكرة الكومي وعباس أغني من حمدي
الفرق بس المشاريع اللى النادي الأهلي عاملها هى دى اللى عاملاله رأس مال ضخم

[HOSSAM ELDIEB]

على فكرة الكومي وعباس أغني من حمدي
الفرق بس المشاريع اللى النادي الأهلي عاملها هى دى اللى عاملاله رأس مال ضخم


احنا مالنا ومال الكومي وعباس
انا بتكلم عن رأس مال النادي نفسه
مش رأس مال رئيس النادي

[d.m.d]

يا حسام ما يحيى الكومى وممدوح عباس هما اللى بيصرفوا على الاتنين بفلوسهم

[mr_azygos]

يا جماعه انتوهتعملوا مشكله ليه؟ ماخلاص اللى حصل حصل وإن كنت مش موافق على الطريقه
وبالنسبه لموضوع عمرو زكى (بالرغم ان انا زملكاوى)فهو يستاهل العقوبه واكتر كمان

[Dr.Ahmed Ragab]

ههههههههههههههههه
ايه اللى انا شايفه ده
اكيد اكيد انتو بتهزرو...................
الاهلى ماعندوش مبادئ
هههههههههههههههه
ما بلاش انتو
ع الاقل ما عندناش لعيبة بتضرب بعض فى الملعب
ومش هقول امثلة لانكو عارفينها
ما عندناش لعيبة ما بتلعبش لو ما اخدتش فلوسها
ما.............
وما.............
بس اكيد انتو بتهزرو
مش معقووووووووووووووووووووووووول


الجماعة اللى بيقولو الاهلى بيسرق الاعبين
هو شراء اللا عبين سرقة
خلينا نعتبرها سرقة
الاهلى اقل نادى سرق لعيبة
والله مش عارف اقول ايه

[HOSSAM ELDIEB]

المشكلة كل واحد يجيب كلمتين من عنده
الاهلي نادي بيسرق اللعبين ونادي خالي من المباديء
الدليل
معتز اينو
حسني عبدربه
شريف اشرف

[Dr.Ahmed Ragab]

طيب اعتبرنا ما بنعرفش حاجة
قولى رأيك فى الكلام ده
طبعا دا قديم شوية
يعنى غير الناس الجداد
رد يا شاطر
ودى معلومات بالاسماء والارقام

الكلام كتير عن ان الاهلى هوه اللى مدمر أندية مصر و عنده كل الاعيبين المصريين و الاجانب و برضه هوه سبب ضعف المنتخب

الخوف يقولوا ان هوه السبب فى نكسة ريال مدريد


وكان اخر من أدلوا بمثل هذه الفتوى واحد زملكاوى نائب رنيس الاهرام تقريبا ( اعتقد يدعى هشام مبارك ) فى برنامج الرياضة اليوم فى مساء الاربعاء الماضى , الصحفى المبجل إدعى بكل جهل ان الاهلى سبب تدمير وتفريغ الاندية المصرية بسبب شراء الاهلى للاعبين المصريين بكثرة !! وهو من عينة محمود معروف وأبو العاطى ذكى والمدعو فراج اسماعيل فى موقع المصريون وغيرهم من الصحفيين قليلى الخبرة كثيرى الجهل ووالذين يبحثون على الشهرة باسلوب خسيس وهو التقليل من قيمة الاهلى حتى يعرف الجميع اسمه مع بعض بروباجاندا وشهرة .



ورغم ذلك يعتبر الزمالك رقم واحد فى شرائه للاعبين يليه الاسماعيلى ثم الاهلى وهو عكس ما كان يتخيل النقاد الجهابذة واليكم سجل مشتريات الاندية الثلاثة فى المواسم الثلاثة 2004/2005 و 2005/2006 و 2006/2007 كالتالى :


>>>> الاسماعيلى <<<<<1>>>>> الزمالك <<<<<<1>>>>>>> الاهلى <<<<<<<<

رقم التسلسل
اللاعب
قادم من نادى ..

1
عماد النحاس
قادم من احتراف خارجى

2
اسلام الشاطر
قادم من احتراف خارجى

3
محمد بركات
قادم من احتراف خارجى

4
احمد بلال
قادم من احتراف خارجى

5
احمد صديق
اسمنت اسيوط

6
عبد الحميد حسن
اسمنت اسيوط

7
نادر السيد
المصرى

8
اكوتى مانساه
المصرى

9
فلافيو
انجولا

10
كاستيلو
كوليمبيا

11
أنيس بوجلبان
تونس

12
احمد عادل
الاوليمبى

13
احمد حسن
الشرقية

14
طارق السعيد
الزمالك

15
محمد صديق
الزمالك

16
عمرو سماكه
الترسانة

17
رامى عادل
المقاولون

18
محمد عبد الله
الاسماعيلى

19
رامى ربيع
الشرقية


وكده الأهلى اللى عنده نص لاعيبة مصر 19 لاعب بحالهم



<<< سبحان الله >>>


ملحوظة :

لم يتم احتساب الناشئين الذين اشتراهم الاهلى امثال أحمد شديد قناوى وطارق سعد واحمد جلال لأن بكل بساطة الاسماعيلى والزمالك يشترون عشرات الناشئين تحت سن 18 سنة لكن لا نسمع عنهم لتسلط الاعلام على الاهلى ومشترياته من اللاعبين .مع اضافة ماكي النيجيري الى قائمة الاهلي

من الاندية المصرية
اجانب
من احتراف خارجى
الاجمالى



الاهلــــــــى

من الاندية المصرية 12 منهم أكــوتى
اجانب 4
من احتراف خارجى 4
الاجمالى 20




الـــــــزمالك

من الاندية المصرية14 لاعـــــــــــب
اجانب 8
من احتراف خارجى 3
الاجمالى 25



الاسماعيلى

من الاندية المصريه 17 منهم جونسون
اجانب 5
من احتراف خارجى 7
الاجمالى 29





وإذا اتجهنا لاحصاء ابناء النادى فى الاندية الثلاثة والمسجلين فى قائمة الموسم الحالى 2006/2007

بجانب الناشئين الذين لعبوا فى المباريات سيكون الترتيب كالتالى :


الاسماعيلى

محمد صبحى
عبد الله السعيد
عبدالله الشحات
محمد صلاح ابو جريشة
محمد محسن ابو جريشة
احمد سمير
احمد الجمل
احمد خيرى
أيمن رمضان
شريف عبد الفضيل
محمد حمص
حسنى عبد ربه
احمد فتحى
احمد خليفة
هشام على
ابراهيم يحيى


الاهلى :

عماد متعب
اسامة حسنى
حسن مصطفى
احمد بلال
احمد السيد
امير عبد الحميد
عبد الاله جلال
محمد محمود
حسام عاشور
هيثم الفزانى
وائل رياض
أحمد صديق
لم يتم احتساب طارق السعيد واحمد عادل لانهما لعبا فى الاهلى موسم واحد فقط فى سن 15 سنة ثم انتقلوا لقطاع ناشئين أخر



الزمالك :

حازم امام
جمال حمزة
عبد الواحد السيد
وائل زنجا
احمد غانم سلطان
حسام اسامة
طارق السيد
محمد أبو العلا
محمود محمود
معتز اينو
هاني العجيزي
شيكابالا
احمد عبدالرؤوف





عدد اللاعبين

الاسماعيلى
16

الاهلــــــــى
12

الــــــزمالك
14



نأتى لبيت القصيد ..

هل شراء اللاعبين حرام شرعا ؟!

هل مطلوب من كل الاندية فى العالم ألا تشترى لاعبين ؟!

أليس هناك نظام احتراف فى مصر يعطى للاندية الحق فى شراء اللاعبين كما يشاءوا ؟!

أليس من حق كل نادى تدعيم صفوفه بما يراه مناسبا طالما لديه القدرة على الشــراء ؟!

لماذا لا يقول احد ان شيلسى وليفربول الانجليزيان او برشلونة وريال مدريد الاسبانيان او ميلان والانتر الايطاليان يدمرون أوربا بوجه عام !!!

أليس هذا تفريغ ايضا لأندية اوربا وللقارة الاوربية التى تتزعمها الاندية السابقة !!!!!!!

سقطت أندية كثيرة فى مصر مثل الترسانة والمصرى فى المستوى ليس لشراء الاهلى لاعبين منها بل لضعفها اداريا وفنيا وتكتيكيا ولو تكلمنا فى نفس المنوال سنجد المقاولون مثلا تأثر مستواه بعد شراء الزمالك لاربع لاعبين وهم علاء عبد الغنى واحمد حسام ومحمد صديق و سامح يوسف وسقط انبى لبحر الظلمات ولم يعود الا مع بداية الموسم القادم للاضواء وذلك بعد ان باع مصطفى جعفر و احمد سمير وفرج شلبى للزمالك , أما انبى فتدمر فنيا بعد رحيل عادل فتحى وعمرو ذكى واسامة حسن وكذلك الاحتياطى مجدى عطوة .

وأرجو مع جهابذة الصحافة الرياضية ان يكفوا من نقد الاهلى لشرائه للاعبين والنقذ اللاذع له او يتجهوا قليلا للزمالك والاسماعيلى الذين يدمرون مصر اكثر من الاهلى بشرائهم للاعبين بدون حساب .

لست من هواة الاطالة فى أشياء تعبر عنها الارقام لذلك سأترك لكل ذى عينين يثبت لنفسه مشكلة التدمير المزعومة !!

[Dr.Ahmed Ragab]

انا شايف الناس اتفرجت ع الردود وسكتت
ماذا دهاكم
معلش
الاحصائيات لا تكذب ولا تتجمل
وانا عارف انكو ما كنتوش متوقعين الرد اللى يقفل الموضوع ده
تحياتى
فارس المنتديات العربية

[HOSSAM ELDIEB]

احنا مالنا ومال الكلام ده
هو لما الاهلي يروح يطلب الاعب من ناديه يبقي حرام
انما ياخد اللاعب من ناديه بالطريقة البشعة دي وتقولي نادي مبادي!!!!

[mr_azygos]

احنا مقولناش شراء اللاعبين حرام
انت يا دكتور بتقارن الاهلى بالفرق الكبيره دي والا ايه
الفرق اللى انت بتتكلم عنها لما تحب تشتري لاعب تقدم عرض رسمي للنادي وممكن يوافق او لا لكن الاهلي مش كده دول بيدورا على ثغرات في عقود اللاعبين عشان يخطفوهم
باي
معلهش نسيت اسالك يا دكتور احمد رجب هيا اندية المبادئ بتزور عقود لاعيبه ولا ايه........!!!

[Dr.Ahmed Ragab]

احنا مالنا ومال الكلام ده

ههههههههههه
بلا تعليق

[Dr.Ahmed Ragab]

انت يا دكتور بتقارن الاهلى بالفرق الكبيره دي والا ايه


لأ الصراحة مش حقك
انت ما بتتفرجش على كاس العالم ولا ايه
الاهلى فرض نفسه بعالميته على الجميع

[HOSSAM ELDIEB]

والعالمية دي كانت فين لما اتفضحنا في السودان
هههههههههههههههههههههههههه

[mr_azygos]

عالمية ايه يا عم
دا غلب فريق الالمنيوم احسن منو والتاني كسبتوه كدا يعني
كويس انو مالاعبش برشلونا لحسن الفضايح كانت تبقى على الملا
واحد كان على اذاعة الشباب والرياضه بيقول ان الاهلي تالت احسن فريق فى العالم
no comment

[d.m.d]

احنا المفروض نتفق على حاجات مش معقول نبقى مختلفين فى كل النقط
اولا الاهلى فريق مش عالمى بالمعنى الصحيح ولكنه سبق كل الانديه العربيه والافريقيه ومتفوق عليهم
والفرق الكبيره زى برشلونه وليفربول بقت تعرفه كويس
ثانيا الاهلى ماخطفش حسنى ولا سرقه الاهلى اتفاوض مع ستراسبورج لان اللاعب ملكه
وستراسبورج باعه هو حر
وحسنى كان موافق
ومضى بارادته طبعا

[dr / MIM]

احنا المفروض نتفق على حاجات مش معقول نبقى مختلفين فى كل النقط
اولا الاهلى فريق مش عالمى بالمعنى الصحيح ولكنه سبق كل الانديه العربيه والافريقيه ومتفوق عليهم
والفرق الكبيره زى برشلونه وليفربول بقت تعرفه كويس
ثانيا الاهلى ماخطفش حسنى ولا سرقه الاهلى اتفاوض مع ستراسبورج لان اللاعب ملكه
وستراسبورج باعه هو حر
وحسنى كان موافق
ومضى بارادته طبعا



اللى يقولك على واحد انه حسنين و هو ممدوح ...........
و اللى يقولك على الشمس دى القمر .........
الناس دول ميتردش عليهم .........
ارجوا لهم التوفيق و سيبها على الله ........
:bye::bye::bye::bye::bye::bye:

[HOSSAM ELDIEB]

ايه ده يا ميم
انت عارف معني كلامك ده ايه
الناس كلها وانتو نفسكو عارفين ان الاهلي ما يعرفش شي عن المباديء
بس انتو بتقنعو نفسكو ان ادارة اهلي ادارة محترمة وحاجات خايبة كده
هل في ادارة محترمة تحزن شعب محافظة كاملة عشان لاعب كانت في غني عنه

[Nettawy]

احنا مقولناش شراء اللاعبين حرام
انت يا دكتور بتقارن الاهلى بالفرق الكبيره دي والا ايه
الفرق اللى انت بتتكلم عنها لما تحب تشتري لاعب تقدم عرض رسمي للنادي وممكن يوافق او لا لكن الاهلي مش كده دول بيدورا على ثغرات في عقود اللاعبين عشان يخطفوهم
باي
معلهش نسيت اسالك يا دكتور احمد رجب هيا اندية المبادئ بتزور عقود لاعيبه ولا ايه........!!!

قارن اللى انت بتقولو ده مع حابريال هينزا جناح أيسر مانشتر يونايتد سابقا ومشكلته مع ليفربول وقولى ايه اللى حصل

[Nettawy]

ايه ده يا ميم
انت عارف معني كلامك ده ايه
الناس كلها وانتو نفسكو عارفين ان الاهلي ما يعرفش شي عن المباديء
بس انتو بتقنعو نفسكو ان ادارة اهلي ادارة محترمة وحاجات خايبة كده
هل في ادارة محترمة تحزن شعب محافظة كاملة عشان لاعب كانت في غني عنه
مين قال انها في غنى عنه؟؟؟؟؟ الاهلي بيبص لقدام يعني لما شوقي مشى اهو محتاج واحد مكانه وأظن عبد ربه كفء في المكان ده

[HOSSAM ELDIEB]

الاهلي لو بيبص لقدام ما كانش ضيع شوية صفقات ما تتعوضش من اديه عشان خاطر الفلوس
زي النفطي وفتح الله
انما الاهلي عاوز ينكد علي الاندية التانية وخلاص

[mr_azygos]

على فكره موضوع محمد فتح الله عدلي القيعي قال بلسانه علي الدرجه التالته انهم ماكنوش عايزينمحمود وانهم هيصعدوا حد من الشباب وانهم بعد ماتفقوا رجعوا في كلامهم
هل دي مبادئ......!!!!!

[Dr.Ahmed Ragab]

رجعنا لنفس الكلام تانى
اجيبلكو الاحصائية تانى
ولا نظامكو ايه؟؟؟؟؟؟؟؟

[HOSSAM ELDIEB]

يابني صدقني الظلم عمره ما بينفع
يعني عمر حسني ما هينفع الاهلي مادام خده بالطريقة
دي
ربنا قال في القران
" الا ان تكون تجارة عن تراض منكم"
يعني لازم يكون الطرفيين راضيين
انما الاهلي واخده غصب عن الاسماعيلي
يبقي حرام ده ولا حلال

[d.m.d]

يا حسام حسنى لاعب فى ستراسبورج ووالاهلى اشتراه
ايه المشكله ومال الاسماعيلى بالموضوع

[HOSSAM ELDIEB]

بس انت عارف ان اللاعب فعليا بتاع الاسماعيلي مش سترازبرج

[Nettawy]

يابني صدقني الظلم عمره ما بينفع
يعني عمر حسني ما هينفع الاهلي مادام خده بالطريقة
دي
ربنا قال في القران
" الا ان تكون تجارة عن تراض منكم"
يعني لازم يكون الطرفيين راضيين
انما الاهلي واخده غصب عن الاسماعيلي
يبقي حرام ده ولا حلال
يا حسام مش ينفه نقعد نجيب ايه أو حديث ونركبها في أي كلام
وبعدين حتى لو كده أظن في تراضى بين الأهلى و ستراتسبورج والفيفا أعلنت أحقيته لستراتسبورج يبقى عن تراض ولا ايه؟؟؟

[HOSSAM ELDIEB]

هو اللاعب مع الاسماعيلي ولا استرازبورج
كل قوانين العقل والضمير بتقول ان اللاعب بتاع الاسماعيلي
ولولا تدخل الاهلي الشنيع ما كانش هشكون فيه مشكلة
لكن للاسف الظلم والطمع مش هينتهي من الارض
ان مش عارف ازاي الاهلوية يقبلو علي تفسه حاجة زي كده

[d.m.d]

العقود بتقول ايه
اللاعب ملك ستراسبورج
كفايه اوى كده احنا كده مش هنوصل لحاجه
خلاص حسنى بقى فى الاهلى

[Dr.Ahmed Ragab]

ياعم
انا هقولك ع حلجة
الاهلى اخد كل البطولات من غير حسنى
والاسماعيلى ما خدش ولا بطولة فى وجود حسنى
يعنى م الاخر ما بتفرقش مع الاهلى
وخلى بالك
الاهلى اشترى الاعب بطريقة شرعية 100%
يعنى النادى الفرنسى عرض الاعب للبيع
والاهلى دخل فى الصفقة
يعنى فى تراضى بين الاعبين
وخلى بالك ان الزمالك كان داخل فى الصفقة
بس ما قدرش يكمل
ولا نسيتوووووووووووووووووو
وانا متأكد ان الزمالك لو كان اشترى الاعب ما كنش حد اتكلم
بس بقى هنقول ايه؟؟؟؟؟؟؟؟؟؟؟؟؟؟
ح............ق..................د
تحياتى