هنعمل ايه (دفعة 2006)

[brightgalaxy5]

بسم الله الرحمن الرحيم

باقي 5 اشهر وشوية على انتهاء امتيازنا و استلامنا التكليف
وطبعا زي كل سنة الناس بتقدم بدري بدري عشان تلحق اماكن كويسة
ياريت اللي يشوف ورقة متعلقة او يسمع خبر من زمايله ان فيه مكان فتح لقبول اطباء جدد مايبخلش علينا
وجزاكم الله خيرا

[kalamntena]

مااااااااااااااااااااااااااااااشي



قطاع الخدمات الطبية بوزارة الدفاع فاتح دلوقتى و لسه قدامه حبه كتير
هتكون طبيب مدني
مطلوب شهادة مؤقتة وبيان الدرجات
و الاستلام هيكون في شهر 6 ان شاء الله
هو المكان في كوبري القبة ممكن تركبوله 357 مكيف

[dr / MIM]

ربنا معاكم
انا عارف انه لسة بدرى عليا فى الموضوع ده
بس ياريت الواحد يعدى المشاكل دى على خير

[brightgalaxy5]

روحت النهاردة قدمت على شهادتين تخرج واحدة عربي والتانية انجليزي عشان الزمالة وشهادة بيان تقديرات (مافيش بيان درجات)
واستاذ احمد قالي اجي بعد اسبوع, ياريت بس وزارة الدفاع ماتقفلش
الحاجة اللي مقلقاني اني لقيت ناس كتيير من دفعتي مقدمين على الشهادات بقالهم مدة
وكله بيدكن
الواحد شكله اتأخر شوية
ربنا يستر

[أبو المعاطى شمروخ]

قطاع الخدمات الطبية بوزارة الدفاع فاتح دلوقتى و لسه قدامه حبه كتير
هتكون طبيب مدني



عايز افهم ازاى هو تبع وزارة الدفاع وهيبقى مدنى

[kalamntena]

لسه قدامهم وقت يا برايت ما تقلفش


هارد عليك بكرة يا سامح ان شاء الله

[أبو المعاطى شمروخ]

شكرا يا دكتورة ومستنى ان شاء الله
وربنا يكون فى عونك

هتردى على مين ولا مين
ياريت موظفين شئون الطلبة يبقوا زى حضرتك

[dr_cindy]

شوف يا دكتور، بالنسبة للجيش ، في حالتين:
1 - انك تنقل تكليفك للجيش بعد الامتياز علي طول و دة بيكون لمدة سنتين فقط بعدها ترجع تاني لمكانك في وزارة الصحة
في الفترة دي بتكون مدني و بتتعامل طبيب مكلف من ناحية الشغل و المرتب.
2 - اما الحالة التانية بتدخل حاجة اسمها الاكاديمية الحربية و تدرس فيها علوم عسكرية لمدة 6 شهور و دا طبعا لما تعدي اختبارات معينة و في الحالة دى بيتلغي تكليفك و بتكون تبع وزارة الدفاع مش وزارة الصحة خالص و تخرج بعد ال6 شهور ضابط طبيب لك رتبة عسكرية و كل مميزات و طبعا عيوب الضباط. الكلام دة له اعلان تاني لوحده بيتحدد فيه تخصصات و له اختبارات لازم تعديها.

ملحوظة:
في الحالة الاولي ممكن يستغنوا عنك قبل السنتين و ترجع مكانك في وزارة الصحة
في الحالة التانية انت اللى من حقك تمشي لو اتخنقت. بطريقة من الاثنين:
* الاولي استقالة و بالتالي مالكش اي حقوق عندهم ، بالعكس عليك تسدد اي مصاريف دفعوهالك في ماجستير مثلا او سفر و طبعا وزارة الصحة بريئة منك
* الثانيه معاش و لازم يكون مر علي خدمتك 5 او 10 سنين (مش فاكرة كام) و طبعا ممكن يوافقوا او لا. و هنا لو وافقوا و طلعت معاش لك كل حقوقك المادية والمعنوية كضابط. اما كطبيب ، انت طبيب حر .

طبعا حاجتين غير بعض خالص.
بالمناسبة، دخول الاكاديمية ممكن في اي مرحلة، يعني ممكن بالبكالوريوس او الماجستير او الدكتوراة ، بس كل حاجة لها حد اقصي لسن الدخول.
وبرضه في اخصائيين و استشاريين بيشتغلوا مدنيين في الجيش بعقود او لفترة مؤقتة بس للاسف ماعرفش ازاي الحكاية دي.

[أبو المعاطى شمروخ]

شكرا سيندى
انا كنت عايز اعرف الاولى دى وشكرا
ولو الدكتورة كلمنتينا عندها اى اضافة تتفضل

[kalamntena]

ايه ده كله يا قمر
وحشتينى يا بنوتة
:smiley2::smiley2:
ماقدرش اقول حاجة بعد كده يا سامح

[brightgalaxy5]

سؤاااااااااااال
التقديم في هيئة المعاهد والمستشفيات التعليمية ليها وقت معين ولا ممكن اقدم في اي وقت

[kalamntena]

احنا في سنتنا بعد ما قدمنا قالولنا خلاص التقدم اتلغى وهيبقى توزيع تبع الوزارة

ممكن تعدي تسأل يمكن يكونوا غيروا رأيهم

[dr_mostafa]

الووووووووووو
انا جيت ازيكو يا جماعه انا زميلكوو مصطفى
انا متابع من فترة وهنعمل ايه 2005 ومش خدت بالى والله شكلى كنت نايم ولا ايه ان هنعمل ايه 2006 فتحت
عموما انا عندى خلفيه من هنعمل ايه 2005
ومعاكو ان شاء الله انا هروح اسال ان شاء الله عن موضوع دار الدفاع ده
واشوووووف
وابلغكوو

[hamdy009]

سلام عليكو
كل سنة وانتم طيبين
انا متابع من زمان الموضوع دة
نسيت اعرفكم انا زميلكم حمدى
ميزو قد الدنيا
انا سمعت ان الشرطة طالبة هى كمان
بس لسة ما اتاكدش على العموم هاسال وهاقولوكو
يالا باى
وحاوى ياواحاوى

[dr.hany]

الواضح كدة ان دفعة 2006 مش هتعمل اى حاجة
طريقك مسدودددددددددددددددددددددددددددددددددد مسدودددددددددددددددددددددددددددددددددددددددددددددد دددددد
يا ولدىىىىىىىى

[mgabr]

حد يعرف حاجه عن معهد الاورام هو بالواسطه ان كان كده اكبر دماغى واخدها من قصيرها واللى يعرف اى حاجه يبلغنا
شكرا

[kalamntena]

لا لا ماتقلقش
مش بالواسطة

[arownas]

معلش دخلت في بتوع 2006 بس بمناسبة معهد الاورام
دكتورة كلامنتينا هو كنا ممكن نقدم في معهد الاورام في دفعتنا 2005
يلا
قولي ايوة علشان اتخنق و اطق و انا قاعد

[kalamntena]

طب اقول وللا لا
:mad:
بص يا اروناس

ممكن تقدم في الدور التاني
فيه فرصة تانية يعنى
:look up:

ربنا يستر

ماتتأخرش عليا في الرد ربنا يكرمك
عشان اطمن

[brightgalaxy5]

معليش
هو فيه مكان نقدم فيه في الايام الحالية غير مستشفى الدفاع؟؟؟

[arownas]

هو التقديم ده كان فين و ازاي و ليه و امتى
ما الواحد فضل يسأل لحد ماجاله اكتئاب و رضي بحالة في الصحة
و ادينا داخلين الجيش
يلا
الحمد لله على كل شئ

[kalamntena]

بعد قعدة النيابات على طول يا اروناس
وكانت الرغبة ب 10 جنيه باين

مش مهم

الخيرة فيما اختاره الله



مفيش حاجة تانية يا برايت

[brightgalaxy5]

اعرف ناس النهاردة قدمو في مستشفى الدفاع
تصورو لسة فاتحة
انا عايز اقدم بس بعد العيد ان شاء الله

[kalamntena]

لحد شهر 12 يا برايت

بس ليه مستنى لحد دلوقتى

[arownas]

بعد قعدة النيابات على طول يا اروناس
وكانت الرغبة ب 10 جنيه باين



بعشرة جنية
هيهيهيهيهيهيهي

لأ كده أحسن

[goldenmind]

سلام عليكم......هو معهد الأورام تابع لطب القاهرة؟
يعني خريجي عين شمس مش ممكن يقدموا فيه؟

[kalamntena]

للاسف سألت السؤال ده قبل كده يا جولدن مايند
قالولي زي ما مستشفى الدمرداش تبع طب عين شمس معهد الاورام تبع جامعة القاهرة

[arownas]

معلش سؤال تاني
هي معاهد الاورام اللي في المحافظات تبع الجامعة برده و لا تبع ايه

[dr kity-kity]

معلش سؤال تاني
هي معاهد الاورام اللي في المحافظات تبع الجامعة برده و لا تبع ايه
انا سالت عندنا ف معهد اورام طنطا قالولى انه تبع الامانه العامه وهى منزلتش حاجه السنه دي ف النيابات وهو كان بينزل ف النيابات الاستثنائيه بس طبعا عشان دفعه 2005 حظها حلو شويتين:smiley13:
اتلغت من علينا وهنستنى السنه الجايه ويا عالم هيطلبو ولا لأ السنه الجايه بس هما معلقين يافطة كبييييييييرة "لا توجد وظائف خاليه"

[mgabr]

انا روحت الخدمات الطبيه بالدفاع المدنى قالولى عايزين صوره من موقفك من التجنيد اللى هى تقريبا استماره 2 جند اللى احنا سلمناها للشؤن الاطباء روحت للموظفه قالت لى احنا لسه ورق تاجيا لتجنيد لسه ماجاش فياريت اللى قدم يقول لى ايه اللى عمله بالظبط ويرد عليا انا مش عارف ايه غلاسه لموظفين بتوعنا انا قدمتها اول ماطلبوها في الشؤن فياريت حد يقول لى اعمل ايه

[brightgalaxy5]

انا اعرف بنات قدمت عادي (ممكن عشان مالهمش تجنيد)
بالنسبالي انا لسة ماقدمتش
بس الموقف من التجنيد مش قصدو بيها استمارة 6 جند(تأجيل التجنيد في سنة امتياز) اللي احنا قدمناها لشؤون الاطباء اول امتياز؟؟؟؟؟؟؟؟

[goldenmind]

الورقة المطلوبة هي صورة من إستمارة تأجيل التجنيد اللي قدمناها في بداية الإمتياز

[mgabr]

هو ما فيش ورق لى علاقه بالتجنيد غير الآستماره اللى احنا قدمناها لشؤن الاطباء وبس ياريت حد من الولاد اللى قدموا يرد علينا بس بسرعه

[mgabr]

هم في الشؤن لسه بيقولوا لسه ما جتش من اداره التجنيد طب والعمل ايه

[dr_mostafa]

يا جماعة المقصوود بيها استمارة 6 جند
وهناعندنا ف الفيوم الااستمارة الاصل معانا مش ف شئوون الطلبة انا صورتها وهقدم صورة منها ان شاء الله

[mgabr]

طب واحنا بتوع القصر العينى الاستماره والورق كله في الملف واستماره 6 جند في الشؤن يابتوع القصر العينى حد يعرف حاجه

[arownas]

استمارة 6 جند دي احنا اخدنها في اخر الامتياز
تروح لشئون الطلاب يطلعوهالك من الملف
و يعني ايه ماجاتش من االتجنيد و انتم قدمتوها اول الامتياز بس؟؟؟؟
الورقة دي عملناها من سنة رابعه و استلمناها اخر الامتياز حتى قبل سحب الملف علشان هاتحتاجها في التجنيد ضروري و اوعى تضيع منك
اسألول تاني في الشئون

[mgabr]

هل في حد قدم من دفعه 2006 فى الدفاع المدنى وهل قدم من غيره صوره استماره 6 جند والشؤن شكلهم كده هيأخرونا وطب العمل عشان في جهات كتيره هتطلبها حد يدلنا استر سارب

[goldenmind]

بص يا دكتور.....احنا في عين شمس أول ما بدأنا إمتياز طلبوا منا نجيب بطاقة التجنيد من قسم الشرطة اللي كل واحد تابع ليه بالإضافة إلى إستمارة تأجيل التجنيد من مكتب البريد ونقدمهم لشئون الأطباء.
لما جه موضوع التقديم لمستشفيات الجيش رحت شئون الأطباء وخدت الإستمارة دي وصورتها ورجعتهالهم.
وهي دي الورقة اللي عايزينها في إدارة الخدمات الطبية للجيش.
بس كده

[mgabr]

يا بختك يا دكتور احنا قصر عينى لسه مافيش جديد ربنا يستر بأه سلام

[dr_mostafa]

يا جماعة ايه اخبار المعاهد التعليميه ومركز البحووث بالنسبه لينا دفعة 2006
التقديم فيهم امتى

[goldenmind]

وما فيش أخبار عن معهد تيودور بلهارس؟

[tabeb]

فينك يا كلمنتينا؟

[kalamntena]

انا اهوه
لا والله يا جولدن مايند
فيه كلام على ال
waiting list
بتاعة دفعتنا بس
لكن تقديم جديد لدفعتكو لسه

[mgabr]

انا سمعت ان فاكسيرا فتح حد يعرف حاجه

[mgabr]

فين فاكسيرا دي عسان نروح نسأل

[arownas]

فين فاكسيرا دي عسان نروح نسأل


المصل و اللقاح
شارع البطل احمدعبدالعزيز في الدقي

انزل محطة مترو الدقي و خدلك تاكسي
هي مش بعيدة لو فاضي اتمشاها

[rabab gamal]

ايوه فاكسيرا فتح
وفي اصحاب ليا راحو وقدمو
بس قالولهم احنا ولا هنبص فى الورق بتاعكم ده يعنى كوسه عينى عينك

[kalamntena]

انا بقى خير اللهم اجعله خير سمعت ان المركز القومي بيقبل طلبات
بس مش اي طلبات
طلبات :smiley20:
الله اعلم
انا اللى بلغتنى صاحبة ماما و حلفتلي ان السيد المسؤول ( الكبير قوي ) لما الناس دخلوا قاللهم عينى عينك
انا هاقبل ورق اللى حد من اهله استاذ في الجامعة
انا عن نفسي شايفاها واسعة حبتين
بس الله اعلم

[rabab gamal]

هل فى حاجه تانيه فتحت ولا لسه؟

[goldenmind]

طب حد يعرف عنوان المركز القومي؟

[arownas]

طب حد يعرف عنوان المركز القومي؟

المترو
خط الجيزة شبرا
محطة البحوث مافيش اسهل من كده

[mgabr]

فين فاسيرا دى ؟ فى اخبار عن معهد الأورام ولا ايه؟
اخبار الظباط المتخصصين ايه نقدم فيها امتى
انا سمعت ان جامعه حلوان هتبقى تبع تنسيق وزاره الصحه يعنى مش نقدم فيها

[kalamntena]

معهد الاورام فتح

لسه عارفة النهارده انه بقاله يومين فاتح
الكلام ده لدفعتنا

[dr.hany]

يا جماعة من فضلكم بالنسبة للمصل و القاح و المركز القومى
عايز لوسمحتم اعرف تفاصيل اكتر!!!!!! مثلا
فين المكان اللى نقدم فيه؟ شئون العاملين ولا....
و يا ترى المدة اد ايه المتاحة للتقديم؟؟؟
و لو والدى استاذ جامعة (كلية تربية)ده يفرق فى حاجة؟؟؟

[dr_mostafa]

التقديم فيين لمعهد الاورام
؟؟؟؟؟؟؟؟؟؟؟؟؟؟؟

[dr.hany]

هو ليييييييييييييييه محدش بيرد هنا؟؟؟؟؟

[dr.hany]

فينيك ياkalamntena

[kalamntena]

معلش بنرد في هنعمل ايه التاني
عشان الاعلان ده بتاع دفعتنا
على العموم اؤمر وانا اجاوب

[kalamntena]

معهد تيودور فتح يا شباب

طالب شرط سخيف جدا شكله وراه لعب على مستوى عالي
عايز 85% على الاقل
الناس اللى جايبة ج ج تتابع الموضوع برضه
و اللى يعرف حد هناك يكلمه
لانى حاسة ان الموضوع مش مريح وانهم عاملين كده عشان الاعداد اللى تقدم تكون قليلة و بعد كده يقولوا و الله لسه فيه اماكن فاضية ناخد من اللى قدموا واقل من 85%
فالناس لازم تتابع


كمان معهد الرمد فتح
و طالب على الاقل 80%


بالتوفيق

[mgabr]

فين معهد تيودر بلهارس ده

[kalamntena]

مين ميدان الجيزة هتركب ميكروباص وراق
هتنزل قدام المعهد بالظبط _ هو بعد وزارة الري _
او ممكن تركب لامبابة
ومن امبابة برضه تركب وراق
وهينزلك برضه قدام المعهد


و بالتوفيق ان شاء الله

يا جماعة انا بس عايزة الفت نظركوا لحاجة مهمة
الحاجات الكلينيكال
التروبيمال والنفرولوجي و العناية والجراحة والتخدير
لو مجموعك مش قوي بلاش تكتبهم
لانهم غالبا هيطلبوا رغبه واحدة
فبلاش تضيعها
اختار الحاجة اللى ما عليهاش طلب كتير
و طالبين فيها عدد كبير

وان شاء الله لما تدخل المعهد ممكن بموافقة رئيس قسمك ورئيس القسم التاني تحول

[mgabr]

انا روحت قدمت وكتبت رغبه جراحه هو الواسطه كبيره اوى ولا ممكن يحصل نصيب وخصوصا انا ترتيبى 220

[kalamntena]

220 كويس جدا ما شاء الله
ان شاء الله هيجيلك اللى انت عاوزه

[Mohamed_kadi]

معهد تيودور فتح يا شباب

واحد صاحبي 2006 عايز يقدم
لسة ممكن؟
هو جايب78
وسؤال معلش
يقدم فين؟
شئون العاملين ولا بيسموها إيه
هو راح سأل في معهد الرمد وماعرفش ياخد منهم أي معلومات

وجزاكم الله خير

[mgabr]

شكرا ليكى يا د كلامنتينا وربنا يجعله في ميزان حسناتك انتى اكتر واحده ليكى مجهود هنا في المنتدى

[kalamntena]

واحد صاحبي 2006 عايز يقدم
لسة ممكن؟
هو جايب78
وسؤال معلش
يقدم فين؟
شئون العاملين ولا بيسموها إيه
هو راح سأل في معهد الرمد وماعرفش ياخد منهم أي معلومات



اقوللك على سر يا محمد
النهاردة الموظفة المسؤولة
قالت لناس جايبين جيد جدا ان ممكن يقبلوا طلبات لان فيه كلام من الدكتورة المسؤولة مع رئيسة المعهد
ممكن يقبلوا وممكن لا
و قالتلهم يسألوا على يوم الاربعاء الجاي
الكلام ده لو محصلش قدامي مكنتش قلته
فعشان كده باقول الناس تتابع
مشوار او اتنين مش مشكلة
يا سيدي حتى لو ماقبلوش الورق
يبقى اخذ بالاسباب






شكرا ليكى يا د كلامنتينا وربنا يجعله في ميزان حسناتك انتى اكتر واحده ليكى مجهود هنا في المنتدى

ربنا يكرمك يا فندم
دا بس عشان انا اللى فاضية
:icon_mrgr
الناس التانين ماشاء الله عليهم احسن منى مليون مرة بس هم مشغولين حبة اليومين دول فمبيدخلوش كتير
دعواتك بقى

[kalamntena]

يووه
نسيت اقوللك بيقدموا في سيكرتارية مكتب د. جيهان الفندي

[أبو المعاطى شمروخ]

هم مشغولين حبة اليومين دول فمبيدخلوش كتير


الناس فى الاسماعينية
فى كلية الضباط فى فايد

[منصور محمد]

السلامو عليكو
جزاك الله خيرا يا دكتوره كلمنتينا
بجد والله انا بادعى ليكى بظهر الغيب ان ربنا يكرمك
وان شاء الله ربنا يكرمك بحبك الخير للجميع
انا خريج ازهر
لسه فى الامتياز
هل ممكن اقدم فى المعاهد دى ولا لا- هل هم عايزين خريج قصر العينى؟؟
ا
ولو ممكن فين معهد الرمد؟ومعهد تيودور؟؟
انا من الشرقيه
وصعب على انى اروح اسال؟
يا رب ينولك اللى فى بالك يا دكتوره
دعوه بظهر الغيب
عسى ان تستجاب
امين امين
سلااااااااااام

[dr_manosh2010]

هما مش مشترطين القصر العينى ممكن اى جامعه تانيه لانى قريت فى الاعلان ان يكون خريج الجامعات المصريه وكمان كان فى ناس من عين شمس بيقدموا معانا واخدوا منهم الورق
بتاعهم عادى.
اما بالنسبه لعنوان معهد تيودور فالدكتوره كلمنتينا ربنا يجازيها كل خير شرحت ازاى توصله بالتفصيل.
اما معهد الرمد ده فى ميدان الجيزه جنب كوبرى عباس. بس ممكن حد من الزملاء يشرح تركبله ايه.

[kalamntena]

تمام كده
dr_manosh2010
:smiley20:

[kalamntena]

يا جماعة معلش كلمتين بس
الحاجات الكلينيكال
بتخلص بدري
اللى تقديره مش قوي قوي
زيي كده
:icon_mrgr
يقدم معامل افضل
ويحول بعد كده
هم هناك هيقولوك بالظبط

كلى
و جراحة
ورعاية
و اشعة
و المعامل كلها
اللى هي
مناعة
كيمياء
فارما
بارا
باثولوجي
بكتيريا
امراض دم
في دفعتنا
اقل مجاميع راحت مناعة ( بلا فخر) :icon_mrgr
و كميونتى
و بارا
فالناس تخلي بالها ربنا يكرمكوا
بلاش الحماس الزايد


و كده وللا كده
صيغة الاعلان بتقول
ان هيبقى فيه قعدة والله اعلى واعلم
:smiley24.

[منصور محمد]

السلامو عليكو
يا شباب
معهد تيودور بياخد الناس اللى فى الامتياز دلوقتى ولا اللى فى التكليف
وكذلك معهد الرمد؟؟؟؟؟؟؟؟؟؟
وايه الورق المطلوب؟
وياريت حد يقول لى على المواصلات من رمسيس؟؟
واكون شاكر جدا

[منصور محمد]

السلامو عليكو
يا دكاتره
الشغل فى المعهدين دول لغايه ما التكليف يخلص وبعدين
بعد كده تقدم على نيابه فى التنسيق
ام بتاخد تخصص على طول وتظل فى المعهد
معهد تيودور و معهد الرمد؟؟؟؟
واكون شاكر جدا
سلاااااااااااااام

[hamdy009]

سلام عليكوا
انا رحت قدمت فى معهد الرمد ومعهد تيدور
وهما هناك قالوا ان الورق هايبعت للوزارة
وهيبقى فى تنسيق
بالنسبة لمعهد تيدور قالوا اكتبوا رغبة واحدة فالناس كلها قلقت
وخافت تكتب كلينيكال وبعدين قعدنا نكلم مع السكرتيرة فقالتلنا سيبوها من غير رغبات
الظاهر كدة واللة اعلم هيبقى فى شغل من تحت الترابيظة
على العموم ما حدش بياخد رزق حد
وربنا يوفك الجميع
اة نسيت اقولكوا انا رحت لقدم فى وزارة الدفاع
لقيت فى هناك اقرار بنمضية سئ جدا
الاقرار انك خلال التكليف ليس من حقك ترجع وزارة الصحة؟
مش بس كدة دة كمان يشغلوك فى المكان واتخصص حسب الحاجة مش برغبتك ولو جاتلك نيابة مش من حقك تقدم فيها او تستلمها اقصد نيابات وزارة الصحة
طبعا انا رفض وما رتضش اقدم
وللكلام بقية ما دام فى العمر بقية
حمدى :smiley20:

[kalamntena]

السلامو عليكو
يا شباب
معهد تيودور بياخد الناس اللى فى الامتياز دلوقتى ولا اللى فى التكليف
وكذلك معهد الرمد؟؟؟؟؟؟؟؟؟؟
وايه الورق المطلوب؟
وياريت حد يقول لى على المواصلات من رمسيس؟؟
واكون شاكر جدا



السلامو عليكو
يا دكاتره
الشغل فى المعهدين دول لغايه ما التكليف يخلص وبعدين
بعد كده تقدم على نيابه فى التنسيق
ام بتاخد تخصص على طول وتظل فى المعهد
معهد تيودور و معهد الرمد؟؟؟؟
واكون شاكر جدا
سلاااااااااااااام
التقديم للى في امتياز
المطلوب شهادة مؤقتة وبيان الدرجات
من رمسيس فيه مكروباصات وراق
و فيه حاجات بتروح الجيزة
بالنسبة لدفعتنا حتى الان دي اعارة بعد سنتين يا نرجع الوزارة يا نتثبت
و بترجع بدرجتك يعنى هتبقى نايب فاضللك الرسالة عشان تعمل ماجستير


وهما هناك قالوا ان الورق هايبعت للوزارة
وهيبقى فى تنسيق

هو ده اللى باقوله
هيعملوا قعدة نيابات والله اعلم


بالتوفيق يا شباب

[أبو المعاطى شمروخ]

هسأل سؤال

هو اللى هيقدم فى اى حاجة لازم يقدم خلال الامتياز
ولا بعد ما يخلص امتياز
ولا امتى؟

[kalamntena]

بعد الامتياز هتكون الاماكن قفلت خلاص


دا فيه حاجات بتفتح يوم وبتقفل

[mgabr]

كلام مهم وحلو سمعته من نايب متعين في التامين الصحي قل لى فى تلات اماكن كويسه بيبقى موجود فيها اساتذه من القصر العينى الميزه فى التامين الصصحى انك بتاخد نايب زاير في القصر العينى لمده سنه عشان تاخد الفيرست وتكمل في الرساله فهى ده ميزة كويسه سلام

[dr_mostafa]

اللى جايب جيد يا جماعة يقدم ف تيودور بلهارس ولا يكبر دماغه
لانه غالبا صعب جدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mgabr]

دكتوره كلامنتينا ترد علينا فى موضوع التأمين فى تلات اماكن وهم مستشفي ست اكتوبر بالدقى ومدينه نصر ومكان تات مش فاكره وتفاصيل التقديم ول هى محتاجه واسطه

[mgabr]

طب وزاره الدفاع ممكن نقدم ونمضي على االاقرار لو حسيت ان فرصتك احسن فى مكان تانى مش نستلم فيها عشان مش نبقى ضيعنا الفرصه هيبقى عادى؟

[co0o0L]

كنت عاوز اعرف من الناس اللي قدمت ايه الاوراق المطلوبه تحديدا؟

[kalamntena]

mgabr
دكتوره كلامنتينا ترد علينا فى موضوع التأمين فى تلات اماكن وهم مستشفي ست اكتوبر بالدقى ومدينه نصر ومكان تات مش فاكره وتفاصيل التقديم ول هى محتاجه واسطه


التأمين بينزل مع رغبات وزارة الصحة


co0o0L
كنت عاوز اعرف من الناس اللي قدمت ايه الاوراق المطلوبه تحديدا؟

و لو الناس ماقدمتش
:look up:
بص يا دكتور
طالبين صورة الشهادة المؤقتة
وبيان الدرجات بالمجموع الكلي

وورقة بيضا مكتوب عليها الطلب
هي دي كل الاوراق

[dr.hany]

هو بيان الدرحات مختلف عن شهادة التقديرات

[منصور محمد]

السلامو عليكو
كيف حلكم يا شباب
يا ريت لو حد يعرف يقول لى
ايه ميزه معهد الرمد او معهد تيودور لو الواحد راح فيهم بعد الامتياز
من ناحيه الماجستير
هل فيهم الماجستير اسرع؟؟
ولا ايه؟؟

[منصور محمد]

السلامو عليكو
يارب وفق كل واحد منا الى ما فيه الخير فى الدنيا و الاخره
سؤال بسيط بس؟
لو واحد دفعه 2005
ينفع يقدم؟؟ولا لا؟؟
واكون شاكر جدا ليكو يا اطباء المستقبل

[kalamntena]

هو بيان الدرحات مختلف عن شهادة التقديرات


هي نفس الورقة
بس انا لما عملوهالى حسيت انه استهبال بصراحة
تقديرات من غير درجات
رحت مقدمة طلب للوكيلة و خليتهم يكتبولي الدرجات
خليهم يشوفوا شغلهم بلا كسل


لسلامو عليكو
كيف حلكم يا شباب
يا ريت لو حد يعرف يقول لى
ايه ميزه معهد الرمد او معهد تيودور لو الواحد راح فيهم بعد الامتياز
من ناحيه الماجستير
هل فيهم الماجستير اسرع؟؟
ولا ايه؟؟


يا دكتور حضرتك مش متابع الموضوع من الاول
على العموم
ان شاء الله التسجيل فيهم اسرع
ده غير انك هتبعد عن وزارة الصحة

[منصور محمد]

السلامو عليكو
شاكر جدا ليكى يا دكتوره
جزاك الله خيرا
معلش على جهل الواحد بالمسائل دى
احنا لسه بنمشى تاتا تاتا
وعلى العموم ربنا يوفق الجميع
امين امين
سلااااااااااااام

[kalamntena]

جزانا واياكم يا دكتور
بالتوفيق ان شاء الله

[teralam]

Hi, everybody
ana 2006 eltany akadem with eldor elawal?
please answer me soon.

[kalamntena]

يا ريت تروح تسأل
لان دفعتنا الدور التاني مالهمش فرصة تقديم
مش نتيجتك طلعت؟؟؟
روح يا دكتور

[teralam]

I went to ask in elramad & theodore & they told me that it's only for november graduates, does this mean that I,ll not have a chance in educational institutes despite my exellent degree?

[kalamntena]

2day is 20/11
i'm afraid it's late
if i were you i would have fight

[mgabr]

حد راح قدم فى المصل واللقاح وبنك الدم السويسري هم فاتحين لحد امتى؟

[kalamntena]

i've just heared that m3had el sokar is accepting takleef requests till 2morrow

[dr_mostafa]

التقديم للتكليف بتاعنا يا جماعة هيبدا ف منتصف ديسمبر انا قرت الاعلان ف الوزارة

[kalamntena]

يا شباب
ممكن تقدموا في ال Msa
سيبوا ورقكوا و ربنا يسهل
هم عايزين معيدين في كليه طب اسنان
مش هتفرق كتير اكاديمي اسنان عن بشري
بس زمايلي اللى هناك مبسوطين
طبعا لازم ننبه ان ده شغل برايفت
والله عرفت تظبط وقتك مع التكليف خير
ماعرفتش ولسه عايز تكمل هناك هتضطر تستقيل

[dr_mostafa]

دكتورة كلمنتينا هو ايه ال msa????????????????????

[kalamntena]

ادي معلومات يا د. مصطفى عن ال MSA
http://msa.eun.eg/

[smile]

انا فتحت الموقع يا دكتورة كلمنتينا بس ما وصلتش هى ايه شروط التقديم وازاى اقدم
ياريت لو عند حضرتك ايه معلومات عن الموضوع

[mgabr]

وانا كمان فتحته ايه هى شروط التقديم ونراسلهم فى اى مكان من الموقع نفسه سلام؟

[kalamntena]

معلش يا جماعة انا اسفة والله
انا حطيت اللينك عشان معلومات عن الجامعة عموما مش التقديم بالضرورة
انما مش مطلوب حاجة زيادة عن الاوراق العادية وال Cv
و تقدمها في الجامعة نفسها وبس

[zahraatoty]

أيه مميزاتها؟خاصة أني سمعت أنهم مش بيقبلوا غير خريجي جامعتهم ولو قبلوا حد من برة الجامعة بيطحنوه شغل من غير لازمة؟..حد سمع حاجة تانية؟؟!

[kalamntena]

ايه ده
لا يا توتو انا اول مرة اسمع الكلام ده
الناس هناك مبسوطين جدا
5 من دفعتى معيدين هناك
واحدة مشيت عشان جالها نيابة
وتلاتة دور اول
وواحد دور تاني
ومبسوطين جدا هناك
حتى صاحبتى ويتنج ليست في تيودور مارديتش تروح عشان مستريحة هناك

[teralam]

Dr.Kalamantina am I allowed to present my papers to msa now or shall I wait for eldor eltany?

[kalamntena]

لا ابدا
ده شغل برايفت
زي اي شركة بيسيب فيها المهندس مثلا ورقه وخلاص
انا ليا زميلة اشتغلت فيها وهي لسه في امتياز
لان الشغل معيد اكاديمي مش محتاج جواز مزاولة مهنة او تقييد بالنقابة
قدم وربنا يسهل

[dr.hany]

ممكن حد يقولى عنوان الmsa لوسمحتم

[kalamntena]

والله اللى انا فاكراه

انى لما رحت جامعة 6 اكتوبر عديت عليها
ركبت ميكروباص من الجيزة
تحت الكوبري عند مدينة الطالبات
بس اسأل الراجل قبل ما تركب لان في ميكروباصات مبتكملش

[teralam]

kol eid adha w ento bkhair

[mgabr]

كل سنه وانتم طيبين ياجماعه حد عرف حاجه عن نتيجه بتاعه المعاهد انا سمعت ان تيودور بلهارس بانت حد يعرف حاجه؟

[kalamntena]

يادي الكسوف
:smiley9.:
ماعرفش حاجة
و بعدين هتبان ازاي في العيد يا دكتور
ماعتقدش
ان شاء الله انا هاروح يوم الخميس
بس غالبا مش هيكون فيه حاجة؟
ممكن ينزلوا اعداد

[brightgalaxy5]

حد يعرف معلومات عن مستشفى مصر للطيران, مستشفى الزراعيين, النقل, البترول. الكهرباء والطاقة
ايه نظام التعليم هناك وهل بيسمحو بالتسجيل من اول سنة
وهل بعد سنتسن هيطفشونا ولا هنشتعل هناك علاطول
ياريت حد يقدر يفيدني

[kalamntena]

كل اللى اعرفه انهم بينزلوا مع التكليف
كهيئات اخرى
اعرف حد في مصر للطيران ممكن ابقى اسألها

[kalamntena]

بيقوللك ايه بقى

بيقوللك زميلتى اللى في مصر للطيران
اخدت نيابة رمد و هتسجل في 7 الجاي ان شاء الله
هي على فكرة كانت دور تانى

[zahraatoty]

التخطيط المهني المستقبلي لطبيب الإمتياز بعد التخرج
ده عنوان مؤتمر الكلية منظماه يوم السبت 29ديسمبر في قاعة المؤتمرات الساعه 9.30صباحا أن شاء الله
المحاضرين..ناس من وزارة الصحة والمعاهد والهيئات التعليمية
يمكن يقولوا حاجه جديدة

[goldenmind]

التخطيط المهني المستقبلي لطبيب الإمتياز بعد التخرج
ده عنوان مؤتمر الكلية منظماه يوم السبت 29ديسمبر في قاعة المؤتمرات الساعه 9.30صباحا أن شاء الله
المحاضرين..ناس من وزارة الصحة والمعاهد والهيئات التعليمية
يمكن يقولوا حاجه جديدة
حد حضر المؤتمر ده؟
ياريت يقول لو في حاجة مهمة اتقالت فيه.

[mgabr]

السلام عليكم ازيكم ياشباب عاملين ايه مافيش نتائج معاهد بانت ولا ايه ياريت لو حد يعرف مكان تبع التكليف فيه جراحه مخ واعصاب يبلغنى بيه انا سمعت ان مستشفى الهرم فيها ده بس لو حد يعرف حاجه تانيه ياريت يبلغنى

[kalamntena]

فيه ناس سحبت ورق التكليف

[mhassab13]

ياريت لو حد من سكان القاهرة يبقى يسال عن نتيجة معهد الرمد

[hamdy009]

سلام عليكو
مش عارف لية كل سنة يعملوا نظام جديد
دة اكبر دليل ان الناس دة بتستهبل
المعم ما طولش عليكو حد يعرف جامعات اللى طالبة زى حلوان الفيوم بنى سويف......الخ
ها نشتغل اية هناك نواب فى م جامعة ولا اداريين زى ما الناس بتقول
واية الترتيب الافضل بالنسبة للجهات الخارجية
شششششششششششششششكرررررررررررررررررررا

[mgabr]

جامعه حلوان طالبه نواب بس مافيش تعليم وكل مستشفيات الجامعه اعتقد بتطلب نواب مش اداريين ياريت لو حد يعرف هل ممكن نروح نقدم فى البترول و التعدين او الكهربا انا نفسي اكتب طب قناه السويس وتبقى مغامرة هم طالبين عشرة ياريت لو حد عنده معلومات يقول وجزاكم الله خيرا سلام

[kalamntena]

جامعه حلوان طالبه نواب بس مافيش تعليم
عايزة اوضح حاجة
نايب هنا معناها معاه نيابة وزارة صحة
مش نيابة جامعة
جامعة حلوان اساسا مفيهاش طب بشري



وكل مستشفيات الجامعه اعتقد بتطلب نواب مش اداريين
نفس الكلام نايب وزارة مش نايب كادر الجامعة
هتشتغل طبيب اه
ممارس عام
زي بالظبط كده تكليف المدارس
مش عارفة اسمه ايه؟



ياريت لو حد يعرف هل ممكن نروح نقدم فى البترول و التعدين او الكهربا انا نفسي اكتب طب قناه السويس وتبقى مغامرة هم طالبين عشرة ياريت لو حد عنده معلومات يقول وجزاكم الله خيرا سلام


معنديش معلومات
غير شركات البترول شغل برايفت
لو تعرف تظبط تكليفك معاه يبقى كويس جدا

[ahmedussama]

افيدونا يا اهل الخبره... <hr style="color: rgb(209, 209, 225);" size="1"> <!-- / icon and title --> <!-- message -->
ما هى مميزات التكليف فى اى من النقل العام أوالسكه الحديد..
لو حد عنده معلومات برجاء الافاده..
<!-- / message --><!-- controls -->

[semsema]

افيدونا يا اهل الخبره... <hr style="color: rgb(209, 209, 225);" size="1"> <!-- / icon and title --> <!-- message -->
ما هى مميزات التكليف فى اى من النقل العام أوالسكه الحديد..
لو حد عنده معلومات برجاء الافاده..
<!-- / message --><!-- controls -->

يمكن الرابط ده يفيد حضرتك
http://www.ems.org.eg/dalel_altabebe/dalel_altabebe.htm#23

على حد علمي الجهات دي مانزلتش قبل كده ...
فغالباً مش هتلاقي حد من الدفعات الأكبر مجربها و عارف الكلام ده حقيقي ولا كعادة إغراءات وزارة الصحة ...

[ahmedussama]

يمكن الرابط ده يفيد حضرتك
http://www.ems.org.eg/dalel_altabebe/dalel_altabebe.htm#23

على حد علمي الجهات دي مانزلتش قبل كده ...
فغالباً مش هتلاقي حد من الدفعات الأكبر مجربها و عارف الكلام ده حقيقي ولا كعادة إغراءات وزارة الصحة ...
جزاكم الله خيرا...

[mgabr]

جزاكم الله خيرا وربنا يستر

[brightgalaxy5]

السلام عليكم
الكلية الحربية طلبت أطباء والتقديم من أول 2-2-2008 حتى 28-2-2008

[zahraatoty]

نتيجه معهد الرمد وتيدور نزلت في أكاديمية البحث العلمي للناس اللى قدمت
معهد الرمد أخد88%وتيدور أخد 85%

[nglaa]

السلام عليكم ,, معلش حد يقول تقديم الكلية الحربيه هيكون فين بالظبط ؟؟ يعني العنوان و ايه المطلوب و احنا بنقدم ... يا ريت كمان لو حد يعرف نتيجه القوات المسلحة بانت ولا لسه و لو لسه ممكن تبان امتى ؟؟

[mgabr]

ياجماعه انتو متاكدين ان تيودور اخد من 85% طب اعرف النتيجه ازاى وياريت لو حد راح يصور ورقه اللى فيها اسماء المقبولين عشان نعرف او يوصف لنا الأكاديميه فين بالظبط وجزاكم الله خيرا

[dr_wani]

نتيجة تيودور قفلت علي 88.3 والرمد قفلت علي 88.6 ودي معلومات أكيدة لاني وزمايلي سألنا هناك وبالمناسبة زميلتي اللي معايا جالها تيودور لانها 88.4 ومجالهاش رمد !!!!!!!!!!!!! عاالعموم كل اللي اتقبلوا ليهم نيابات ومش كلهم طبعا حيستلموا عشان كده أكيد في أماكن حتفضل فاضية الله وحده يعلم إيه اللي حيحصل فيها:smiley19:

[hamdy009]

السلام عليكم
بالنسبة لنتيجة معهد تيدور ومعهد الرمد انا سمعت انى فى waiting list الكلام دة صحيح ولا اية لوحد يعرف يقول وسمعت كمان ان معهد الرمد فى قاعدة نيابات زى القصر دور تانى انا مش متاكد بس على العموم الواحد بيحاول يصبر نفسة
انا جايب امتياز 85.4

[hamdy009]

فى مثل بيقول مش كل اللى تعب وصل ومش كل اللى وصل تعب
هى دى مصر
انا عايز اعرف الناس اللى ليها نيابات فى القصر بتفدم لية هو كدة ضيع فرصة على واحد يستحقها
وبيساعد على الكوسة اللى هم عايزنها
ويجعلة عامر
بلدى وان جارت على عزيزة واهلى وان ضنوا على كرام
:smiley25::smiley25::smiley25::smiley25::smiley25: :smiley25::smiley25::smiley25::smiley25::smiley25: :smiley25::smiley25::smiley25:

[kalamntena]

هي المشكلة دي لسه مستمرة عندكوا برضه ماكانوا قالوا حلوها
حسبي الله ونعم الوكيل

[mgabr]

نعزى انفسنا بسبب اللى لهم نيابات وقدموا فى المعاهد ومش هيستلموا ونقولهم الف شكر سلام

[kalamntena]

طب اقولكوا على مفاجأه خطيرة

انا ممكن على شهر 4 الجاي ارجع الوزارة تانى بسبب الناس دول من دفعتى :smiley14:

قل لن يصيبنا الا ما كتب الله لنا

و بتسألينى يا وجه القمر ايه اللى حارق دمي
العيش والعيشة واللى عايشنها ميفوروش الدم يا حورية


:icon_mrgr
مساكو سعيد

تفاءلوا بالخير تجدوه
الشاطر اللى يسد في اي حته يتحط فيها

نحن لهاااااااااااااااااااااع
:icon_mrgr

سيكو
مبروك يا دكاترة خلاص بقينا دكاترة رسمي

[mgabr]

جالى في التكليف ع النت اداره الصحه بس ماجاليش جهات اخرى رغم ان ترتيبي كويس حد جاله جهات اخرى برضه اللى ليهم نيابات كتبوا جهات خارجيه وطبعا قفلت الاعداد وهتتكوس حسبنا الله ونعم الوكيل

[hamdy009]

انا جاتلى ادارة بنها عشان كنت كاتبها فى الاول
بس ما جاليش جهات اخرى
عشان طبعا اخوانا البعدة كتابوها
وطبعا ها تتكوس
حسبى اللة ونعم الوكيل:smiley25::smiley25::smiley25::smiley25::smi ley25::smiley25::smiley25::smiley25::smiley25::smi ley25::smiley25::smiley25:

[brightgalaxy5]

ادارة وسط القاهرة
حد يعرف عنها حاجة؟؟؟؟؟؟؟؟

[dr_wani]

يادكتور انا فتحت الموقع لقيت مكتوب أدخل رقم الإيصال وأنا قدمت عن طريق المظروف اليدوي مش ع النت المهم لما دخلت رقم الإيصال ملقيتش حاجة وأدخلت كمان رقم الطبيب ملقيتش عاللي http://mmhe83.jeeran.com/photos/1405738_l.jpg

[brightgalaxy5]

معرفش الصراحة
انا قدمت على النت

[goldenmind]

الحمد لله جالي إدارة المرج -القاهرة

[hamdy009]

ادخل على موقع الحكومة الالكترنية
واكتب رقمك والرقم السرى
او على موقع الوزارة رقم الايصال المقصود بية رقم الطبيب شكرا

[zahraatoty]

جالي 15 مايو............. خيييييييييييير

[mgabr]

ربنا يكرمهم كتبوا الجهات الخارجيه وضيعوا فرصتنا يعنى نعمل فيهم ايه بس حسبنا الله ونعم الوكيل
جالى اداره التبين جنبى على طول

[goldenmind]

يا شباب حد جاله تكليفه في الدقهلية وعايز يرجع القاهرة؟
في واحد صاحبي جاله إدارة السلام - القاهرة......وعايز يروح الدقهلية لأنه من المنصورة.
لو حد جاله الدقهلية وعايز ييجي القاهرة يقول

[zahraatoty]

يا جماعة حد يعرف مكان ممكن أطلع منه شهادة االميلاد الجديدة وما يكونش زحمه ...أختكم مزنوقة في شهادة ميلاد واللي فهمته أن النقابه مش عايزة الشهادات القديمة..لازم أتنين جداد بالكمبيوتر

[brightgalaxy5]

صحبي بيقول سجل الاميرية في سواح مفهوش زحمة
انا طلعتها من سجل الدقي

[nna2006]

السلام عليكم
يا جماعه انا جالي اداره الجيزة بالجيزه حد عنده فكره

[hamdy009]

حد عارف احنا مفروض نستلم التكليف امتى
ومعانا وقت قد اية
يعنى ممكن نستلم لحد شهر كام
وهل دة ممكن يقصر على تقديم حركة النيابات
يعنى لازم يكون مر عليك عام فعلى من التكليف:smiley25::smiley25::smiley25::smiley25::sm iley25::smiley25::smiley25::smiley25::smiley25::sm iley25::smiley25::smiley25::smiley25:

[goldenmind]

يا جماعة حد يعرف مكان ممكن أطلع منه شهادة االميلاد الجديدة وما يكونش زحمه ...أختكم مزنوقة في شهادة ميلاد واللي فهمته أن النقابه مش عايزة الشهادات القديمة..لازم أتنين جداد بالكمبيوتر
أنا قدمت في النقابة بصورة شهادة الميلاد القديمة
عادي

[mgabr]

حد يعرف اخر معاد فى التسجيل فى النقابه امتى ارجو الافادة سلام

[hamdy009]

السلام عليكم ورحمة اللة وبركاتة
بص يا باشا اخر ميعاد للتسجيل فى النفابة
من11الى 13/3/2008
لو دخلت على موقع النقابة هتتاكد
مهم جدا بالنسبالى عشان ان مسلفر وهاجى ان شاء اللة يوم11
ولسة ما عملتش اى حاجة
بلدى وان جارت على عزيزة
واهلى وان ضنوا على كرام
http://img254.imageshack.us/img254/4843/storm180658358728682776sw9.gif

[mgabr]

ياريت ياجماعه اى حاجه محتاجه ورق للتقديم فيها تبلغوا اول باول فى المنتدى لانى اتاخرت فى ورق النقابه لانى مش عارف ايه المطلوب سؤال تانى فى حد راح قدم فى msa او يعرف جات له او يعرف ناس جالها سلام

[rabab gamal]

انا كنت عايزه اعرف برضو امتى اخر معاد لاستلام التكليف
انا روحت المديريه وعملت الكشف الطبي بس لسه ماروحتش جيبت جواب استلام التكليف

[brightgalaxy5]

المعهد القومي للاورام بيستلم ورقنا دلوقتي
مطلوب شهادة بكالوريوس وامتياز

معرفش تفاصيل تانية

[rabab gamal]

الحكايه ديه اكيد ولا؟
بس اكيد هيقبلو من اول الى جايبيين امتياز

[brightgalaxy5]

كلمنتينا هي اللي بلغتني وقالتلي اقولوكو

اكيد طبعا هياخدو امتياز

[kalamntena]

معلش يا جماعة ماقدرتش ادخل امبارح

المعهد فتح عادي تكملة نيابات الجامعة
حاجة وتلاتين نيابة
زي ما قال برايت
شهادة البكاليريوس عليها درجة الباطنة والجراحة والتخصص اللى انت عاوزه ( اطفال مثلا )
و شهادة امتياز
و صورة البطاقة
وكل رغبة ب10 جنيه
بالتوفيق

[mhassab13]

سؤال ياريت حد يجاوب علية هو التقديم لخريجى قصر العينى فقط ولا اى جامعة ممكن تقدم

[hamdy009]

سلام عليكو
بالنسبة لنيابات معهد الاورام عايزة دفعة2006
ولا اية
والتقديم فيها ازاى
زى نيابات القصر ولا زى اى مكان تانىيعنى شهادة البكالوريوس
والامتياز وليها دعوة بالترتيب ولا اية باظبط
نرجو الافادة

[kalamntena]

معهد الاورام تبع جامعة القاهرة
و بينزل نياباته مع نيابات القصر العينى لخريجي القصر العيني
زي مثلا مستشفى الدمرداش لخريجي عين شمس
و اي حد يقدر يقدم مادام حاصل على ج ج
و اكيد طبعا هياخدوا الناس بالترتيب
زي اي نيابة
انا كده جاوبت على الاسئلة وللا نسيت حاجة؟

[mgabr]

لما روحت استلم لقيت موظفه بتخرط السلطه على مكتب الدكتور المحترم اللى هيمضى لى على الجواب شوفتى المسخره اللى فى الوزاره

[kalamntena]

اهلا بك في وزارة الصحة
:smiley14:

طب احمد ربنا انك ماروحتلهمش الساعة 9
او 9 ونص

[rabab gamal]

انا كنت عايزه اسأل عن طب الاسره
يعنى هو كويس ولا لا وخصوصا ان انا مش ناويه اسافر بره مصر
وكنت عايزه اعرف امتى حركه النيابات الاثتثنائيه هتنزل

[drrasha]

السلام عليكم ورحمة الله

ازيك يا دكتورة رباب

انا حاولت ابحثلك عن معلومات عن طب الاسرة

ولاقيت المشاركة دي من احد الاعضاء في منتدي من المنتديات
وده كلامه...........

أولا : التخصص ده زي ما كل الناس عارفه لسه جديد ومش متطبق في مصر بسشكل واقعي الا في بعض وحدات ريفيه لكن ( وناخد بالنا اوي من كلمة لكن دي ) الي شغالين في الوحدات الريفيه دي مش اطباء أسره دول دكاتره تكليف عاديين الي هم الناس الكبار الي خدوا البكالوريوس وكبروا دماغهم على كده في التكليف ومش حضروا اي حاجه و كملوا حياتهم كده في التكليف و خلاص فدول الي ماسكين طب الاسره حاليا لان اصلا مفيش لسه حد اتخصص طب اسره في مصر
انما النظام ده هيتطبق في مصر كليا من سنه 2012 او 2014 بشكل كامل في المدن و الريف و كل الاماكن يعني( وانتي عارفة وعود الحكومة عاملة ازاي) مش شرط انك هتشتغل في وحده ريفيه و لا حاجه , هاتقولي ياااااه لسه 2012 او 2014 هاقولك شوف انت اصلا هتخلص نيابتك امتى و لسه ال 6 شهور بتاع مساعد الاخصائي يعمي مش هتخلص قبل 2012 اصلا و دي ميزة اننا هنكون اول ناس تتعين و طبعا الاوائل في الموضوع يكون لهم الاولويه في كل شيء و انتوا عارفين كده كويس , و غير كده ان مرتب الحكومه هيكون عالي جدا و الشغل مريح جدا (خدي بالك ده كلام الحكومة) يعني اخره اوي لحد الساعه 2 الظهر و بعد كده انت حر في يومك تفتح عيادتك و تعيش حياتك وهتقولي هفتح عياده ايه ؟ هاقولك انت اولا من حقك تفتح عياده و تكتب عليها باطني و أطفال او تكتب مثلا دكتور فلان باطني أخصائي طب الأسره او اطفال زي ما انت عاوز و محدش عارف حاجه و خصوصا اذا كنت فاتح في منطقه شعبيه و اعتقد ان معظمنا لو مكنش كلنا لازم يفتح عيادته في منطقه شعبيه اذ من غير المعقوا ان تبقى لسه في اول الطريق و تفتح في مصر الجديده مثلا حتى لو انت مدرس في الجامعه يعني مفيش مشكله . طيب عاوز حل اسهل بكتير ؟ هاقولك حل سهل خالص أضرب شهاده طبيب حر و سجل دبلومه أطفال دبلومه مش ماستر وخدها براحتك في فترة النيابه و لما تخلص و تفتح عياده اكتب عليها أخصائي أطفال بالبنط العريض و لا حد هايقولك ربع كلمه ومحدش يقولي دبلومه اطفال صعبه و خصوصا لو كانت في جامعه على ما تفرج و شغل الاطفال مش صعب و خصوصا انك هتشتغله كويس في النيابه مش هيفضلك غير النيونيت و ده انت مش محتاجه في عيادتكاما بقه الي خايف من انه يفضل في وحده ريفيه فده مش هيحصل لان زي ما قولنا انك اول ما هتخلص هيكون اتطبق في مصر كلها و هتشتغل في اي مكان و حتى لو وحده او العفريت حتى متنساش انك أخصائي و هتبقه المدير يعني الحضور و الانصراف ده بمزاجك تروح متروحش هتتزبط و اذا كان التكليف بيتزبط وانت عندك مدير غلس فما بالك بقه و انت المدير نفسه و بعدين مرتبها حلو اوي ولو قفلت معاك أجازه و اتفرغ لعيادتك و للبرايفيت


ثانيا بقه و هو ده المهم جداااااااااااااااا
احنا كل ده بنتكلم و انت في مصر و طب الاسره اصلا مش عشان مصر
دلوقتي السعوديه و الخليج مطبيق طب الاسره كويس اوي
و عاوزين اطباء اسره باعداد رهيبه لدرجه انهم بياخدوا اي جي بي لمجرد انه قضى سنه في مركز طب اسره او اكتر و كمان بيعملوا دورات طب اسرة الي كلنا عارفنها و دي اسمها دورات يعني لا ماجيستر و لا حتى دبلومه و بيسافروا علطول و بمرتبات خياليه يعني تخيل الجي بي بيسافر ب من 3,500 الى 4000 و دول بيسافروا على الاقل ب 5000 فما بالك بقه لو معاك ماستر انا ناس قالولي ان السفر بتاع الماستر بتاع طب الاسره ب 13000 وطبعا دا اول سفرك و بعد كده هتزيد غير ان اقامتك و اكلك و شربك وكل حاجه انت ومراتك عليهم يعني دخل ممتاز و كمان الشغل مريح جدا اقصاه 8 ساعات و سمعت كمان انهم 6 ساعات بس و شغل مريح اوي حتى في اثناء ساعات العمل و باقي اليوم فاضي هتقدر تستغله كويس اوي , هتقولي هاعمل فيه اي يعني هاقولك تعمل كتير اوي ابسط حاجه ممكن تعملها تخيل ايه ؟ زماله بريطانيه اطفال او باطني الوقت موجود للمذاكره الفلوس موجوده عشان الكتب و الامتحانات و كل حاجه و التعليم برده في شغلك لان شغلك معظمه باطني و اطفال و كده يبقه بعد كم سنه لو مش عاجبك طب الاسره اشتغل التخصص الي يعجبك بالزماله البريطانيه
هتقولي ولما ارجع مصر هاعمل ايه ؟
هاقولك و ايه الي هيرجعك اصلا , مرتب زي الفل و بلد زي الفل عاوز ترجع ليه ؟!!!!
و عموما يا عم لو رجعت ما انت معاك على الاقل دبلومه الاطفال الي اخدتها من قبل ما تسافر ارجع افتح عياده بقه زي ما قولنا جنب شغلك الصبح بتاع الحكومه
وممكن كمان تكون اخدت الزماله البريطانيه و ترجع تشتغل استشاري باطني او اطفال


وبرضه متصدقيش كل الكلام

وحاولي تبحثي تاني

وأسألي حد خد نيابة طب اسرة فعلا

وبالنسبة لحركة النيابات القادمة

هتبقي علي شهر 7 او 8

ولو انتي دفعة 2006 زيي ملناش الحق الا في التقديم

للتخصصات الملحة(تخدير وعناية وطب اسرة وطواريء وتحليل وأشعة)

انما لو دفعة اقدم تقدري تقدمي في كل التخصصات

يارب اكون افادتك

واي سؤال انا تحت امرك.........

[rabab gamal]

شكرا ربنا يخليكى
بس انتى قصدك ان التخصصات الملحه هتنزل فى شهر 8 مش شهر 4 ذي ما كانو بيقولو

[drrasha]

والله يا رباب انا موصلنيش اي أخبار انها هتنزل في 4

بس حتي لو نزلت بكرة انتي حقك تقدمي فيها طبعا

مادام انتي دفعة 2006 وخلصتي امتيازك...............

[mgabr]

هل ان في قاعده يوم الاحد اللى فات فى معهد تيودور اللى يعرف اجه ياريت يقول وبعدين هى هتبقى ف الخباثه ولا ايه؟

[kalamntena]

حضر فيها 18
و هيبعتوا للوزارة العدد اللى فاضل
عشان الوزارة تبعتلهم اسامي الناس اللى في الوييتنج ليست

على فكرة دفعتكو غلبت دفعتنا :aiaiai:
من زمان وانا باقول مبحبش الدفعة دي اللهم الا عدد قليل
سبحان الله

الله يعينكوا

ربنا معاكوا بقى في الدور التانى

[drrasha]

سمعت خبر النهاردة ان فيه اعلان نيابات لوزارة الصحة هينزل في خلال 10 -15 يوم ان شاء اللهوانه التقديم له هيبقي في خلال 20 يوم من نزول الاعلان.........والاستلام ان شاء الله هيكون علي اخر شهر 5 .......لو حد عنده تأكيد للخبرياريت يقولولدفعة 2006هل ليها الحق في التقديم ليهواخبار التظلمات ايه لو حد عارفولو الاعلان نزل قبل نتيجة التظلمهل لينا الحق في التقديم ولا لأ؟؟؟

[brightgalaxy5]

اسمع ان نتيجة التظلمات يوم 10 4
لو قصدك على النيابات الملحة انا سمعت انها هتنزل اخر 4
ده غير النيابات العادية

[hamdy009]

حضر فيها 18
و هيبعتوا للوزارة العدد اللى فاضل
عشان الوزارة تبعتلهم اسامي الناس اللى في الوييتنج ليست

على فكرة دفعتكو غلبت دفعتنا :aiaiai:
من زمان وانا باقول مبحبش الدفعة دي اللهم الا عدد قليل
سبحان الله

الله يعينكوا

ربنا معاكوا بقى في الدور التانى



لو سمحت يا دكتور كلمنتينا الاسماء الوزارة هاتبعاتها بناءا على اية
انا جايب امتياز وكنت مقدم ومش عارف ظروفى اية
هاتتكوس بردة ولا اية
ارجو الافادة
شكرا

[kalamntena]

الاسامي ان شاء الله بناءا على المجموع
وان شاء الله ميبقاش فيه كوسة ولا حاجة
ربنا يرزق دفعتكوا بواحد ينرفز دكتورة جيهان زي السنة اللى فاتت
عشان ماتاخدش حد بالواسطة

[hamdy009]

شكرا يا دكتور كلمنتينا
دايما اخبارك جديدة
كان فى سؤال الاسماء اللى هاتنزل هاتبقى فى المعهد
والواحد يتابع ازاى روح اسال فى المعهد ولا عند الكتور مصطفى المسيرى
الى فى اكاديمية البحث العلمى
وشكرا كمان مرة:bye:

[kalamntena]

هم بيكلموا الناس بالتليفون
و يبلغوهم انهم اتقبلوا في المعهد

[hamdy009]

شكرا يا دكتور كلمنتينا
:bye:

[kalamntena]

عفوا يا فندم
تحت امرك

[mgabr]

حد عايز يبدل التكليف معايا من الناس اللى جالها الغردقه او شرم الشيخ وقدر يظبط شغل برايفت فى فنادق انا تكليفى ف التبين جنب حلوان ممكن ابدل معاه
MY MOBILE
0163865408
salam

[drrasha]

نتيجة التظلمات ظهرت يا جماعة

النتيجة علي اللينك ده


http://www.drguide.mohp.gov.eg/NewSite/PhysicianServices/PhysiciansComp/CompulsatoryResults.asp (http://www.drguide.mohp.gov.eg/NewSite/PhysicianServices/PhysiciansComp/CompulsatoryResults.asp)


المطلوب ادخال الاسم فقط.............

بالتوفيق لكل الناس........

[monakamel]

أنا جالي تكليفي في المنوفية(قويسنا)بعد التظلم .لو حد عايز يبدل تكليفه معايا في القليوبية او في مكان قريب من القليوبية في القاهرة سواء متظلم أو استلم الشغل يتصل بي.تليفوني :0101225959