ذهاب المرأة إلى الأطباء الرجال

[مصباح]

نص السؤال

كثيرا ما نرى أن النساء يسارعن وقت المرض إلى عيادات الأطباء الرجال دون أن يكلفن أنفسهن البحث عن طبيبة، بل قد يمررن أثناء ذهابهن إلى عيادة الطبيب بأكثر من عيادة لطبيبة، لكنهن لا يجدن فرقا بين الطبيب والطبيبة في ذلك.
ولا يجدن غضاضة في التعري أمام الأطباء، وبعضهن معذور فعلا إذ قد لا يجدن عيادات نسوية، فما حكم ذلك كله؟

التاريخ 2003/9/23


المفتي : مجمع الفقه الإسلامي


نص الإجابة

بسم الله،والحمد لله، والصلاة والسلام على رسول الله، وبعد:-

لو أن الأمة فهمت واجباتها وقامت بها ، وعرفت أن من فروض الكفاية أن يتخصص عدد كاف من النساء لمداواة النساء ، لما احتاجت امرأة أن تتعرى أمام الأطباء الرجال أبدا ، لكنه واقع الأمة الأليم الذي اضطرنا أن نعيش في كثير من الأمور عيشة الضرورة .

أما عن الحكم الشرعي في مداواة أحد الجنسين للآخر فهو كالتالي :-

الأصل أن المرأة هي التي تقوم بمداواة المرأة ، وعليه فعلى المريضة أن تبحث – ويساعدها في ذلك وليها - عن طبيبة مسلمة أولا ، فإن لم تجد فعليها البحث ثانيا عن طبيبة غير مسلمة، فإن لم تجد جاز لها أن تذهب إلى طبيب رجل مسلم، فإذا لم تجد فيمكنها أن تذهب إلى طبيب رجل غير مسلم للضرورة .

وعليها إذا اضطرت للذهاب إلى طبيب رجل- مسلما كان أو غيره- أن لا تكشف من جسمها إلا ما لا بد من كشفه، وأن يصاحبها في غرفة الكشف ما يقطع الخلوة من محرم أو امرأة أخرى.

وهذا ما نص عليه مجمع الفقه الإسلامي ، وإليك نص فتواه في ذلك :-

إن مجلس مجمع الفقه الإسلامي المنعقد في دورة مؤتمره الثامن ببندر سري بجاون، بروناي دار السلام من 1 إلى 7 محرم 1414هـ، الموافق 21-27 يونيو 1993م.

بعد اطلاعه على البحوث الواردة إلى المجمع بخصوص موضوع: (مداواة الرجل للمرأة).

وبعد استماعه إلى المناقشات التي دارت حوله، قرر ما يلي:

1 - .
الأصل أنه إذا توافرت طبيبة متخصصة يجب أن تقوم بالكشف على المريضة وإذا لم يتوافر ذلك فتقوم بذلك طبيبة غير مسلمة ثقة، فإن لم يتوافر ذلك يقوم به طبيب مسلم، وإن لم يتوافر طبيب مسلم يمكن أن يقوم مقامه طبيب غير مسلم. على أن يطلع من جسم المرأة على قدر الحاجة في تشخيص المرض ومداواته وألا يزيد عن ذلك وأن يغض الطرف قدر استطاعته، وأن تتم معالجة الطبيب للمرأة هذه بحضور محرم أو زوج أو امرأة ثقة خشية الخلوة. كافة الفتاوى المنشورة على شبكة "إسلام أون لاين.نت" تعبر عن اجتهادات وآراء أصحابها من السادة العلماء والمفتين، ولا تعبر بالضرورة عن آراء فقهية تتبناها الشبكة.
2 - يوصي المجمع أن تولي السلطات الصحية جل جهدها لتشجيع النساء على الانخراط في مجال العلوم الطبية والتخصص في كل فروعها، وخاصة أمراض النساء والتوليد، نظرًا لندرة النساء في هذه التخصصات الطبية، حتى لا نضطر إلى قاعدة الاستثناء

والله أعلم .

المصدر :
http://www.islamonline.net/fatwaapplication/arabic/display.asp?hFatwaID=105026

[فيرون]

<P>الموضوع ده أثسرت من قبلل حوله ضجه في الأوساط المتدينه ...</P>
<P>وخصوصاً حول وضع أطباء الأسنان ..</P>
<P>إذ تتضطر بعض النساء للاستلقاء في أوضاع قد تظهر بعض مفاتنهن ... و ذلك مما لا يلزم كضرورة ....</P>
<P>أثناء خلع ضرس ...</P>
<P>:smiley22: </P>
<P>&nbsp;</P>
<P>المشكلة مش كده و بس ... المشكله إن الست بتفضل قاعده كده و الطلبه و العيانين التانيين بيدخلوا عليها ... ولا زم تفضل قاعده ...</P>
<P>بصراحة ...</P>
<P>هل يلزم خلع ضرس .... إلى كل هذه الذنوب من الطرفين</P>

[مصباح]

<p>يعني عيادات الأسنان .. و للا عيادات النسا و الولادة ؟؟؟</p><p>حد يريحني و يحللي اللغز اللي محيرني :smiley29::smiley29::smiley29:</p><p>ليه كل_&quot;عباقرة&quot; - و معظم &quot; المتفوقين&quot; في_النساء و الولادة من جنس الرجال ؟:smiley21:</p><p>فين آنسات و سيدات المجتمع_ ؟ عندهم إيه مهم بيعملوه ؟ داخلين كلية الطب ليه ؟ عشان يتخصصوا Andrology ؟؟</p><p>طب أحب بقى أقوللهم إني مش متخيل نفسي أبداً رايح لدكتورة أمراض ذكورة عشان أكشف عندها :smiley26:</p><p>هل دة نوع من الرجعية ؟هل أنا واخد الموضوع بحساسية زيادة عن اللزوم ؟</p><p>اللي عنده تعليق يقوله يا جماعة .. متبخلوش عليا بتعليقاتكم </p><p>و برضه الكلام أخد و عطا :smiley14:</p>

[Alasmar]

<p><font face="tahoma,arial,helvetica,sans-serif">جميل جداً.. لكن,,,,,,,,,</font></p><p><font face="tahoma,arial,helvetica,sans-serif">اعتقد ان فى عامل انتو ناسيينه فى المناقشة..</font></p><p><font face="tahoma,arial,helvetica,sans-serif">و هو:</font></p><p><font face="tahoma,arial,helvetica,sans-serif" size="4"><strong>الكفاءة</strong></font></p><p><font face="tahoma,arial,helvetica,sans-serif">و هو اذا تواجد طبيب رجل كفء و طبيبة امرأة غير كفء(مع الاعتزار للاخوات, معلش دا الولقع حالياً), فكيف يكون الاختيار؟؟؟؟؟؟؟؟؟</font></p><p><font face="tahoma,arial,helvetica,sans-serif"></font></p><p><font face="tahoma,arial,helvetica,sans-serif">و كمان يا عم متقطعش علينا:smiley2:</font></p>

[فيرون]

<p>يا جماعة بلاش النسا</p><p>أصل واحد صاحبنا عايز يتخصص نسا</p><p>:smiley2:</p><p>مش كده ولا إيه يا اسمر</p>

[مصباح]

<p>اتخصص يا عم نسا و ولادة براحتك ،</p><p>بس ماتنساش بقى لما ربنا يكرمك و تبقى أستاذ كبير في النسا و الولادة .. إنك تشجع البنات انهم يتخصصوا في المادة دي .</p><p>و ابقى علمهم كويس ، و اهتم بيهم لأنهم أولى مننا بهذه المهنة &quot;كممارسين&quot; ، و العباقرة أولى بها &quot; كأساتذة_&quot; </p><p>حلو الكلام ؟</p><p>شفت بقى يا عم أن أنا مش ناسي عنصر الكفاءة ولا حاجة ؟</p><p>كل اللي انا عاوزه ان الزميلات يحاولوا يكونوا على المستوى المطلوب من الكفاءة في هذا التخصص ، لكن الذي يحدث في الواقع هو انهم ينصرفوا عن هذا التخصص أصلاً !!</p>

[Alasmar]

<p>الموضوع دا بيفكرنى بموضوع تعريب الطب..</p><p>لابد منه...</p><p>لكن للأسف الظروف لسه مش مهيأه ليه..</p><p>و اوعدك انى لما ابقى استاذ(ابقى قابلنى) اشجع البنات على التخصص فى هذا المجال...</p>

[alzheimer]

<font size="4">أعتقد ان السر هو طبيعة المرأة في كونها ضعيفة القلب غير قادرة على أخذ القرار الحاسم في الوقت المناسب و هكون صريح اكتر مع الاعتذار للاخوات عضوات المنتدى_هناك عوامل اخري تتحكم في الامر_ تتعلق بسيكلوجية المراة مثل الغيرة فقد تفضل المراة ان تذهب الى طبيب_على ان تحتك بمراة مثلها كماان هناك اعتقاد فيما يسمى بالوحم فهي تريد ان تتوحم على طبيب حسن المظهر حتى تنجب مولود ذكر جميل و مع كل ذلك ان هذه المهنة اساسا مهنة حريمي ألا تذكرون مهنة القابلة (الداية) التي لازالت تمتهن حتى الان</font>

[Eman Samir]

<p align="right">طيب انا فكرت فعلا اتخصص نسا و ولادة لما حسيت انى كده هاخدم دينى اكتر ( مع انى داخلة الكلية دى علشان اطفال)</p><p align="right">و بعدين تخيلت نفسى كل لما واحدة تولد الفجر تنزلنى من بيتى علشان اروحلها او انزل المستشفى، تخيلوا معايا مصيرى هايكون ايه؟؟؟</p><p align="right">و اوعوا تقولولى ماتعمليش عمليات ولادة، او ماتنزليش الفجر لان ده هايبقى تقصير فى اداء المهنة، ممكن تكون دى حجة واهية؟ يمكن بس اعتقد انها هاتعمللى مشكلة:yadmaghy:</p><p align="right">حاجة كمان تتعلق بالكفاءة زى ما قلتم، يمكن مش شرط يكون الدكتور اشطر من الدكتورة، بس المشكلة فى نفسية_المربضة نفسها اللى للاسف حتى الان لا تثق فى اى طبيبة</p><p align="right">بس ارجع و اقول دى مشكلة فى كل التخصصات مش النسا و بس</p><p align="right">عموما انا فوضت امرى لله فى حكاية نزول الفجر دى و هادرس تانى تخصص النسا، و اعتقد ان كل طبيبة بتحب دينها لازم تفكر كويس مهما كانت العواقب:smiley6:</p><p align="right">على فكرة يا الزهايمر تفكير السيدات معظمهم مبأاش بالهيافة دى، يعنى حكلية الوحم ممكن بردة تتوحم على واحدة حلوة مش شرط دكتور، و بعدين مش كل الدكاترة الرجالة ينفعوا، ولا ايه؟</p>

[ahmad_hamdy]

الشيخ وجدى غنيم بيقول
ان الطبيب ممكن يكشف على امرأه بشرط
اولا:ان يكون معها محرم فى العياده يعنى ما تكونشى لوحدها
ثانيا:ان الطبيب يحرص على رؤيه الجزء المطلوب فقط بمعنى يغطى قبله و بعده و ان يقتصر فى النظر
يعنى النظر على قدر الحاجه فقط

[eman dawy]

انا مش مستغربة من الموضوع اللى مستغرباله اكتر ارائكم :mmmm: وخصوصا راي الاسمر والزهايمر مع الاعتذار:smiley6:

اولا بالنسبة للكفاءة انا مش شايفة انه في فرق بين الطبيب والطبيبة :smiley13: متنسوش انكم قاعيدن في نفس البنش وبتسمعوا لدكتور واحد يعني من الاخر احنا زي بعض

ثانيا بالنسبة لحكاية الغيرة وان السيدة الحامل بتحب تروح لدكتور علشان تجيب ولد امور يازهايمر افرض بأه كانت بنت انت مش معايا انها تبقى مشكلة لو جابتها شكل الدكتور:smiley2: يعني مش نظرية مع احترامي لرأيك

بالنسبة للرأيى انا شايفة ان تخصص النسا بالذات لازم يكون للبنات فقط والمفروض تكون دي

:mmmm mmmm خطوة ياخدها الطلبة ( males)

من نفسهم انا مش عارف اللى يخلي الدكتور يتخصص نسا طيب ليه من قلة البنات ؟؟

وبالنسبة للراي ايمان انا معاكي ان دي مشكلة حقيقة حكاية النزول من البيت في وقت متأخر بس لازم يكون في تضحية من أجل النجاح اتمنى انك تفضلي على :smiley1: رأيك في تخصص النسا علشان نبقى زمايل

[kalamntena]

من نفسهم انا مش عارف اللى يخلي الدكتور يتخصص نسا طيب ليه من قلة البنات ؟؟



ردا على كلامك

من كام يوم ناقشنا الموضوع ده مع بعض الزملاء فى الوحدة

الاجابات كانت

الاولاد اشطر من البنات فى النسا

الطبيبات مبيعرفوش يتعاملوا مع الستات!!!!!!!!!!!!!!!!!!!!!!(انا شايفة ان الكلام ده فيه جانب كبير من الصحة )

هتنزلوا ازاى بالليل







انا شايفة ان الحل ان كل دكتور نسا يتزوج بطبيبة نسا ويفتحوا عيادة جنب البيت









انا مع عدم ذهاب المرأه الى الطبيب الرجل الا فى حالة انعدام او صعوبة ايجاد طبيبة على مستوى عال من الكفاءة





انا عن نفسى الدكتور الوحيد اللى باروحله هو طبيب الرمد

و الحمد لله

ربنا يديم علينا الصحة

ولا نحتاج لا لطبيب ولا لطبيبة

[mad man]

من الغريب ان نرى دائما تساؤلات لا علاقة لها بالواقع تظهر على انها معضلة اساسية في العملية العلاجية تماما مثل تعريب الطب





حل الاشكالية المطروحة بسيط جدا




اسأل اي مريضة بل ومحرمها الاشد غيرة على حرمتها ما المعيار الاساسى المطلوب في المعالج




جنسه ام دينه ام حزبه ام دولته ام كفاءته؟




ما هو المعيار؟




هل يقبل الذهاب الى طبيب مسلم مصري غير كفء ام الى طبيب يهودي امريكي ممتاز في مجاله- على افتراض انه بيكره امريكا وان المصريين هم احباب الله




الجميع - بغض النظر عن بعض الموسوسين - يبحث عن الكفاءة المجرده ياكش يكون دكتور من التتار


الكفاءة ليست مرتبطة مع اي جنس ولكن ما يجعلنا نشعر دائما ان الرجل افضل من المرأة في مجالنا هذا - ناهيك عن المجالات الاخرى - ببساطة هو ان الطب - مثله مثل اغلب المجالات - كان حكراً على الذكور والنساء لم يدخلن الطب باي صورة مؤثرة او غير مؤثرة الا من نصف قرن على الاكثر


وبالتالي الثقة فيهم اضعف سواء كانت قلة الثقة تلك لها اي اساس من الصحة ام لا


وعلى نفس المنوال ومن باب الهوس الديني نجد بعض الاشخاص يحاولون ربط الكفاءة مع دين معين - غالبا ما يكون نفس ديانتهم - لان الانسان لا يرى افضل من عقيدته


وبالرغم من ذلك نجد اطباء عار على الاسلام والمسيحية واليهودية وعلى اي عقيدة ودين


يعني الكفاءة لا دين لها ولا جنس

"وهي الحكم عند اي مريض او مريضة حقيقيين "مش اللي بيتدلّعوا


هل اقبل ان اذهب لطبيبة امراض ذكورة؟


نعم اذا كانت الافضل لأنني عندما ابحث عن علاج فأنا اسأل عن "احسن" شخص يعالج حالتي


و مادام العملية فيها "قلع" يبقى "اقلع" عند اللي يعرف العلاج


واعتقد انني سأشعر بنفس الاحراج سواء كان رجل ام امرأة ولا تقولوا انني سأشعر بالسعادة لاني بـ"اقلع عند دكتور" لو ذهبت لطبيب ذكورة وكذلك المرأة عند الطبيبة لن تكون في قمة الابتهاج

طبعا كلامي بافتراض انه يوجد طبيبات متخصصات في امراض الذكورة في مجتمعاتنا الذكورية الا بعض الاستثناءات القليلة جدا


وربنا ما يكتب علينا - والسامعين - دخول عيادات الذكورة


لماذا نتجاهل في تساؤلاتنا ان في حالة كشف العورات خلال الفحص او العلاج ان الموضوع "جد" مش اتنين قاعدين على قهوة بيخمّسوا في سيجارة


وكام مرة اخدنا حقن على ايدي ممرضات والعملية لم يكن فيها اي مجال للضحك او التساؤلات الموسوسة


اما حكاية ان متطلبات بعض التخصصات هي صعبة على بعض الطبيبات فهذه هي المعضلة الحقيقية التي يجب ان نتسائل عنها وعن كيفية حلّها


واهم تلك المتطلبات هو تقبل مجتمعاتنا الذكورية -نساء ورجالا- لهم




دا غير انكم دكاتره ومفروض تعرفوا ان المرض ما يعرفش مريض ولاّ مريضة دكتور ولاّ دكتورة

وان الطبيب يؤتمن على اشياء لا تصح لغيره

على اية حال اعتذر لأي شخص يحاول الاحتراز لدينه ولعرضه ولكن الموضوع محلول بالعقل


!ودمتم سالمين ولابسين هدومكم

[مصباح]

أعتقد ان أهم نقطة أثارها
madman
هي عدم ثقة الناس بالطبيبات بسبب عدم إتاحة الفرصة لهم تاريخيا للتفوق و إظهار المهارات
دا كلام في الجون
أما بخصوص ذهاب الرجل لطبيبة أمراض ذكورة فطبيعي أن يكون هناك رجال لا يفرق معهم طبيب أم طبيبة أمراض ذكورة
لكن هذا لا يمنع أن هناك أولويات
هذا و الله أعلم

[emadkotb]

معلش رد في السريع عبال متيجي فرصة
تعليق علي حتة الطبيب مؤتمن بس
ليس من شروط دخول الطب والعمل به في بلدنا الامانة فينبغي ان الانسلن يحتاط لدينه
قال عمر رضي الله عنه ما خان امين قط انما اوتمن غير الامين فخان
وليه رد مفصل لما تيجي فرصة ان شاء الله
جزاك الله خيرا يا مصباح

[rabab gamal]

فى شيوخ بيكونو متناقضين يعنى يقولو حرام الواحده تروح لدكتور طب كويس
وبعدين يقولو خروج المراءه حرام طب الدكتوره الى انتو عايزنها ديه هتشتغل ازاى منغير ماتخرج

[emadkotb]

الشيوخ الي بيقولوا خروج المراة حرام هما هما الي بيقولوا لا تجادل ولا تناقش يا اخ علي ودول مش موجودين الا في افلام وحيد حامد ومسلسلات اسامة انور عكاشة وملهمش وجود في الواقع ومع ذلك برضه ندخلهم هناك ونقلهم -باسلوب علمي منطقي وبادلة طبعا - لا خروج المراة مش حرام

معلش رد تاني في السريع لحد ما ربنا ياذن

السلام عليكم

[Dr.Sweet]

السلام عليكم ورحمة الله وبركاته

الموضوع جميل جدا

انا كمان بشوف ان الست لازم تدور على دكتورة تكشف عليها قبل ما تروح لدكتور

وللاسف في بعض النساء تتعمد تروح لدكتور حتى لوكانت تعرف انه متوفر دكتورة لنفس المجال والمشكلة مش كيده بس دي كمان لازم تبقى بمظهر جذاب ورائحه عطره امام الدكتور مش عارفه ليه

انا بردو شايفه ان البنات لازم تدخل نساء وولاده و ان شاء الله انا وحده منهم

:tamtam: :tamtam:

[أبو المعاطى شمروخ]

تتعمد تروح لدكتور حتى لوكانت تعرف انه متوفر دكتورة لنفس المجال والمشكلة مش كيده بس دي كمان لازم تبقى بمظهر جذاب ورائحه عطره امام الدكتور





حقيقة مُرة
ربنا يحفظنا