لا الطول نافع ولا القصر نافع...!!!

[blue_oceanz]

فعلا يا جماعة لا الطول الزيادة حلو ولا القصر حلو
وفعلا خير الامور اوسطها ...اليكم هذه الصور....
اقصر رجل في العالم يقدم التهاني لاطول رجل في العالم
فام الصيني بينغ بينغ (19 عاما) ..
الذي دخل موسوعة غينيس كأقصر رجل في العالم ..
والذي لا يتجاوز طوله الـ 73 سنتم ..
بتهنئة "ابن ديرته " باو شيشون (56 عاماً) الذي دخل غينيس أيضاً
بصفته أطول رجل في العالم (متران و36 سنتم) على زواجه
مطلع هذا الأسبوع من المنغولية تشيا شوجوان (29 عاماً) ..
التي لا يتجاوز طولها الـ 168 سنتم.
وفي الصورة يبدو القزم والعملاق خلال لقائهما في مدينة باوتو المنغولية ..

http://images.panet.co.il/articles/17072007-22630-1.jpg (http://groups.yahoo.com/group/egycrazy/join)



http://images.panet.co.il/articles/17072007-22630-2.jpg (http://groups.yahoo.com/group/egycrazy/join)



http://images.panet.co.il/articles/17072007-22630-3.jpg (http://groups.yahoo.com/group/egycrazy/join)

منقووووووووووول

[dr_angel]

اه والله خير الأمور الوسط
الحمد لله على النعمة اللى الواحد فيها
تسلمى يابلو على النقل

[مصري متعصب]

لا اله الا الله
الحمدلله انا ذو طول متوسط

[أبو المعاطى شمروخ]

الطويل ده شكل واحد صاحبى وطويل جدا برضه
بس موضوع ظريف

[HOSSAM ELDIEB]

العمالقة والاقزام
اعتقد محدش فينا عملاق او قزم

[arownas]

هيهيهيهيهيهي
س برده الطول هيبه
الراجل القصير ده مايجيش 40 سنتي
مش عارف حاسس ان صورته متركبه مش عارف علشان هي غريبة زيادة عن اللزوم و لا ايه
شكرا يا بلو

[HOSSAM ELDIEB]

تخيل نفسك هتتخانق مع الراجل الطويل ده

[مصري متعصب]

تخيل نفسك هتتخانق مع الراجل الطويل ده
عادي اكعبله

[blue_oceanz]

والله تصدق انا كمان حاسة كده اول ماجاتلى على الايميل قولت دى تلاقيها متركبة
بس انا لاقيتها على موقع تبع موسوعة جينيس فصدقت بصراحة...
وبعدين سبحان الخالق قادر على كل شىء....:smiley1:

[HOSSAM ELDIEB]

مش ملاحظة انك شغالة النهاردة في العجائب والطرائف
من شوية عقلة الصباع
ودلوقتي تقاوي راجل

[مصري متعصب]

معلش تأثير اول يوم دراسة في الكلية

[blue_oceanz]

دنا بتهزأ بقى..........؟؟؟؟ :waaaaawaa
انا غلطانة انى برفه عنكم؟؟؟؟ :smiley19:
وبعدين انتوا مانتوا عارفين التهييس بيعمل اكتر من كده بكتييييييييييير.....احنا فى طب كلية التهييس العالمية..:peace:

[HOSSAM ELDIEB]

لما تكونو في اول يوم وبتقولي كده امال لما تدخلي جوا شوية هتعملي ايه
بهديلك اغنية سيد مكاوي
ليلة امبارح ماجاليش نوم واحنا لسه في اول يوم

[wgh_el2mr]

ماتسيبها براحتها يا حسام
يا سيدى هى عاوزة تفرفش شوية

[ekm86]

الحمد لله فعلا على النعمة اللي هو فيها
بس صور حلوة وأعتد إنها مش متركبة لأني شفت أطوال زي دي في برامج في التليفزيون

[d.m.d]

يا جماعه سيبوا بتوع سنه اولى يعملوا اللى هم عايزينه
ده امبارح كان اول يوم
الموضوع جميل يا بلو
الحمد لله احسن حاجه الاعتدال و الوسطيه فى كل حاجه

[dr monmon]

سبحـــــــــــــــــــــــــــــــــــــــــــــــ ـان الله

[dr_0nline]

ههههههههههههههههههه
الصورة جميلة والله بجد
*
وانا فعلا شاكك في الصورة
بس انا اسمع ان طول اطول رجل في العالم اطول من الراجل ده
*
فكرتوني بواحد صاحبي كل شوية يتخانق معايا مين اطول من التاني
*
ويا بلو ولا يهمك انا عاوزك تفتحي على الرابع في التهييس
*
سلاموز

[ssskkk]

ههههههههههههههههههههههههههههههههههههه
اية يابلو الصور المسخرة دى:peace::peace::peace:

الراجل القصير دة انا حاسة انه لعبة لية مش عارفة بيفكرنى بالعاب الواد اخويا الصغير
ههههههههههههه .استغفر الله العظيم يارب اللهم مالا اعتراض
بس انا مش هعلق على الطويل اصل الطول هيبة :mmmm mmmm

[blue_oceanz]

على رأيك الطول هيبة...
بس الحمد لله انه مبيفرقش فى البنات يعنى قصيرة او طويلة مش فارق الموضوع مش ازمة يعنى...:peace:

[ssskkk]

بالعكس دى بتفرق فى البنت اكثر لانها مش هتلاقى بئة اصل الطوال بئوا عملة نادرة انتى معرفتيش ولا اية