المساعد الشخصي الرقمي

مشاهدة النسخة كاملة : فين شوبير


mr_azygos
18-09-2007, 03:57 PM
اكيد كلوكوا شوفتوا اللي حصل بعد الماتش امبارح
جماهير الاهلى (المحترمه)(المتحضره)ماباطالوش شتايم في شيكابالا بعد الماتش وهو طبعا كان لازم هيرد عليهم وقبل كدا كلنا شفنا ماتش الحرس و العبيط اهو اللي جماهير الاهلي كانت بترددها
وفي حكاية عمرو زكي شوبير قال لن نسمح ولن ولن........
طيب هوا فين دلوقتي
ولا الاهلي مايتعاقبش
HOSSAM ELDIEB
18-09-2007, 04:20 PM
هي دي الجماهير المحترمة ولا بلاش!!!!
جماهير طول الماتش تسب لاعب بامه واحنا في شهر كريم
اتحاد كورة احمر
واشمعني اتحاد الكورة اللي هيكون محترم في البلد دي
Dr.ElFiky
18-09-2007, 11:37 PM
يا جدعان انا مش عايز اى حد غير اهلاوى يتكلم
صحيح اللى عملته جماهير الأهلى ده مش تمام
بس اللى اسمه شيكا ده .......................

و رمضان كريم
مصري متعصب
18-09-2007, 11:41 PM
يا جدعان انا مش عايز اى حد غير اهلاوى يتكلم
صحيح اللى عملته جماهير الأهلى ده مش تمام
بس اللى اسمه شيكا ده .......................

و رمضان كريم
مش معقول جمهور الاهلي ينزل شتيمة في شيكا
و مش عاوزين رد منه
http://www.ahlyegypt.com/NR/rdonlyres/8DC2996A-D44E-41C6-BE27-6BBE5AD199B4/12029/aa.jpg
الجزمة للي يشتم سيده
Dr.ElFiky
18-09-2007, 11:48 PM
الجزمة للي يشتم سيده

ده بلطجى مش لعيب كوره
<TABLE id=table204 dir=rtl cellSpacing=0 cellPadding=0 width=340 border=0><TBODY><TR><TD class=storytext width="100%">

<TABLE id=Table1 style="WIDTH: 160px; BORDER-COLLAPSE: collapse" cellPadding=0 width=160 align=right border=0><TBODY><TR><TD>http://images.filbalad.com/filgoal/NewsPics/Medium/359039.jpg</TD></TR></TBODY></TABLE></TD></TR></TBODY></TABLE>


انا مش هرد علشان الموضوع ميتقفلش
arownas
18-09-2007, 11:51 PM
السلام عليكم

يا مصري مش حرام التعصب يوصل بالواحد للدرجة دي
يا اخي احنا في رمضان

رجاء رجاء لو سمحت امسح الصورة و التعليق
و باقي الاعضاء يمسحوا تعليقاتهم عليها و يا دار ما دخلك شر
mr_azygos
19-09-2007, 12:06 AM
ya gama3a el mawdoo3 mayetnakesh be el shakl da bas momken wa7ed ahlawy yerod 3laya
howa sheka 3amal eeh 3ashan el gomhoor yeshtem ommoh w law ay 7ad makano msh hayrod
3la fekra magles edaret el zamlek nawe yefred 3leeh 3koba bas ya tara el ahly haye3mel eeh
ekm86
19-09-2007, 12:21 AM
اكيد كلوكوا شوفتوا اللي حصل بعد الماتش امبارح

جماهير الاهلى (المحترمه)(المتحضره)ماباطالوش شتايم في شيكابالا بعد الماتش وهو طبعا كان لازم هيرد عليهم وقبل كدا كلنا شفنا ماتش الحرس و العبيط اهو اللي جماهير الاهلي كانت بترددها
أنا بصراحة بقيت بازهق من النقاش في أي موضوع يخص الكورة
عارفين ليه ؟
لأن لو واحد أهلاوي بيتكلم .. بيقول كلام كأن الجماهير بتاعته أحسن جماهير والباقيين كلهم بيشتموا اللعيبة ويقلوا أدبهم
وكأن اللعيبة بتوع النادي بتوعه كلهم ملايكة وباقي اللعيبة شياطين وقللات الأدب وما اتربوش ومالهمش في الكورة أساسا
ولو واحد زملكاوي اتكلم .. بيقول كلام كأن الجماهير بتاعته أحسن جماهير والباقيين كلهم بيشتموا اللعيبة ويقلوا أدبهم
وكأن اللعيبة بتوع النادي بتوعه كلهم ملايكة وباقي اللعيبة شياطين وقللات الأدب وما اتربوش ومالهمش في الكورة أساسا
ولو واحد اسماعيلاوي بيتكلم .. بيقول كلام كأن الجماهير بتاعته أحسن جماهير والباقيين كلهم بيشتموا اللعيبة ويقلوا أدبهم
وكأن اللعيبة بتوع النادي بتوعه كلهم ملايكة وباقي اللعيبة شياطين وقللات الأدب وما اتربوش ومالهمش في الكورة أساسا
---------------
يا ريت لما نتكلم نبقى أكثر حيادية شوية
أنا أهلاوي
كنت في ماتش الأهلي والاسماعيلي بتاع الكأس
كان في مجموعة من جماهير الأهلي بتشتم.. وبالأب والأم.. وشتموا يحيى الكومي وشتموا سيد معوض
لكن برضه الجماهير اللي منضمة لرابطة مشجعي الأهلى ما شتموش ولا مرة وما اشتركوش مع الجماهير اللي كانت بتشتم، بالعكس كانوا بيقولوا هتافات تانية عشان يلغوشوا عليهم
وكان في مجموعة بقى في النص.. شوية يشتموا مع دول.. وشوية يشجعوا مع دول
لكن برضه جماهير الاسماعيلي كانت بتشتم نفس الشتايم للعيبة الأهلي
طبعا أنا عشان بعيد ما اعرفش مين كان بيشتم ومين لأ.. لكن أكيد برضه كان فيهم مجموعة مابتشتمش
وكلكوا عارفين إن الكلام ده زي ماهو موجود في جماهير الأهلى والاسماعيلي موجود في جماهير الزمالك.. فيهم اللي بيشتم وفيهم اللي مش بيشتم
وده حصل في نفس الماتش اللي اتشتم فيه شيكابالا.. لما جماهير الزمالك شتموا أبو تريكة
فيا ريت ما حدش بقى يجيب سيرة حد لأن الجماهير كلها في الهوا سوا، واللي جماهيره من قزاز.. ما يحدفش جماهير التانيين بالطوب
x
وفي حكاية عمرو زكي شوبير قال لن نسمح ولن ولن........
طيب هوا فين دلوقتي
ولا الاهلي مايتعاقبش
اللعيب غير الجمهور
لأن اللعيب (المفروض) إنه يبقى قدوة للجماهير..ومش معنى كده إني باقول إن عمرو زكي هو الوحيد اللي بيشتم، لأن في لعيبة غيره كتير بيشتموا الحكام برضه بنفس الشتايم
لكن هو حظه بقى إنه هو اللي ظهر في الكاميرا
ومن دلوقتي من حق أي واحد إنه يطالب بنفس العقاب لأي لاعب من أي نادي تاني يظهر وهو بيشتم كده
وأنا أولكم.. باقول المفروض إن أي لاعب يقل أدبه بالشكل ده لازم ياخد على دماغه سواء من الأهلى ولا الاسماعيلي ولا الزمالك ولا طلخا حتى


الجزمة للي يشتم سيده
سيده؟!!!!!!!!
mr_azygos
19-09-2007, 12:29 AM
besara7a mafeesh kalam ba3d keda
bas ya reet ro2asa2 el andeya yatalbo el gamaheer beshowaiet eltezam fe el modarragat
ekm86
19-09-2007, 12:47 AM
besara7a mafeesh kalam ba3d keda
bas ya reet ro2asa2 el andeya yatalbo el gamaheer beshowaiet eltezam fe el modarragat

المشكلة مش في رؤساء الأندية
لو رؤساء كل أندية مصر عملوا اجتماع في التليفزيون وقعدوا يترجوا الجماهير اللي بتشتم عشان ما تشتمش... برضه هتشتم
-----------
يوم الماتش اللي باقول لكوا عليه
كان قاعد قدامي أنا وa1man واحد كل شوية يقوم يعمل هتاف كله شتيمة للعيبة الاسماعيلي، وطبعا تنضمله المجموعة اللي بتشتم كالعادة
فواحد من اللي قاعدين قال له: بلاش الشتايم دي عشان بتتحسب في وش النادي... خلينا نشجع من غير ما نقل أدبنا أحسن
الراجل راح باصص له (شزرا) وقال له: إنت تعبان في دماغك... ما نشتمهم ازااااااي؟ إنت بتقول إيه؟؟؟ مش هم شتموا الأهلي في ماتش كذا، وهو ما كانش بيلعب معاهم ساعتها؟ إنت بتفكر إزاااي؟
(جماهير الاسماعيلي بدأت تشتم في الأهلي)
الراجل (بتاع شزرا) قال له: شفت يا عم؟ أهو هم اللي بيشتموا... يعني نسكت يعني؟
---------------
أعتقد المشكلة دي مالهاش حل:smiley22:
mr_azygos
19-09-2007, 12:52 AM
shaklaha keda
HOSSAM ELDIEB
19-09-2007, 12:55 AM
اللي جماهير الاهلي عملته كل الجماهير ممكن تعمله
بس ما نقدرش نقول غير ان اللي يعمل كده مش محترم
واللي عمرو زكي عمله كل اللاعبين بيعملوه طول الماتش بس هو حظه ان الكاميرا جابته
مش عاوزين تنطيط
Nettawy
19-09-2007, 04:17 PM
الحل اننا نكبر دماغنا ونبطل جدال
mazen
21-09-2007, 09:33 AM
ايه ياجدعان مش ماتش اتغلبتوه ها تقعدوا تعيطوا ماانتوا بتعيطوا علي طول
ــــــــــــــــــــــــــــــــــــــــــــــــــ ــــــــــ
شوفت عبد المنصف بيقول لابوتريكه ايه
لو ماكنتش انت تدلعني مين هايدلعني
mr_azygos
21-09-2007, 12:04 PM
n3aiat 3la eeh ya 3am mazen ........matet7ere2 el kooora
HOSSAM ELDIEB
21-09-2007, 12:51 PM
معلش اصله محروق شوية عارف انه فريه ما لعبش كورة
مصري متعصب
21-09-2007, 12:53 PM
ايه ياجدعان مش ماتش اتغلبتوه ها تقعدوا تعيطوا ماانتوا بتعيطوا علي طول

نعيط على ايه يا مازن
هو الاهلي لعب كورة في المطش دا
دا كان بس بيبوظ هجوم الزمالك
HOSSAM ELDIEB
21-09-2007, 12:56 PM
مشكلة الاهلوية انهم بيهمو نفسه بحاجات مش موجودة فاكرين ان عندهم فريق كورة
واهما من جواهم محروقين
mazen
21-09-2007, 01:34 PM
والله احنا مش بنوهم نفسنا بحاجه البطولات بتتكلم
الدور والباقي علي السنين قاعده تمر والزمالك
محلك سر هما مش فالحين غير في الكلام

وجيبنا الاعب ده والمدرب ده وخلاص

ــــــــــــــــــــــــــــــــــــــــــــــــــ ــــــــــــــــــــــــــــــــــــ

شوفت عبد المنصف بيقول لابوتريكه ايه
لو ماكنتش انت تدلعني مين هايدلعني
kalamntena
21-09-2007, 02:12 PM
هو ده الماتش بتاع 1/0؟؟؟؟

انا ماشفتش و لا سمعت حاجة خالص من اللى انتو بتقولوا عليه
بس كنت حاسة ان في الاخر كده فيه تنشنة

طيب اقول رأيي المتواضع
الزمالك عمل شغل جامد في الماتش ده
اي نعم انا مكنتش زي الاول باتخض من كل هجمة
بس ده مالوش علاقة بأداء الفرقتين
انا بس اللى كنت مشغولة بحاجات اهم
:smiley2:
وكل سنة وانتو طيبين
على العموم
بالنسبة للعب انا شايفة ان الزمالك ماشاء الله احسن كتير

طبعا انا مش هاعلق على لعب فريقى عشان ابقى حيادية
HOSSAM ELDIEB
21-09-2007, 03:28 PM
الموضوع مش محتاج خبير
الكل عارف الاهلي فاز ازاي
والجون جه بطريقة ساذجة جدا
ابقو قابلوني لو عرفتو تفوزو علي حد بعد كده
وانتظرو الاسماعيلي هيشيلكم 4
mazen
21-09-2007, 11:28 PM
هو دا فريق الزمالك
مادام مش قادرين يكسبوا الاهلي
يقولوا شوفوا الاسماعيلي ها يعمل ايه
وانتظروا الاهلي الدور التاني
ها يعرف كل واحد مقامه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ

شوفت عبد المنصف بيقول لابوتريكه ايه
لو ماكنتش انت تدلعني مين هايدلعني
Dr.ElFiky
22-09-2007, 12:04 AM
يلا يا جماعه من هنا علشان هرش ميه


(اللون الأحمر مبيفكركوش بحاجه)
هههههههههههههههههههه

:icon_mrgr:icon_mrgr:icon_mrgr
d.m.d
22-09-2007, 12:13 AM
انا مش عارف يا احمد
هما هيبطلوا يكلموا فى الموضوع ده امتى
المشكله ان مفيش نتيجه
كل واحد متمسك بموقفه
وما بيوصلوش لحل
Dr.ElFiky
22-09-2007, 12:22 AM
يا جماعه الموضوع خلص من زمان

الأهلى كسب و خد التلات نقاط و سافر لبيا علشان الأتحاد الليبى

و شيكابالا غرامه اجماليه 55 الف جنيه و ايقاف تلات ماتشات
مش مشكله

هههههههههههههههههههههههههههههههه

( يا جماعه قولولى اللون الأحمر مش بيفكركو بحاجه)
متتكسفوش
ههههههههههههههههههههههههه


:icon_mrgr:icon_mrgr:icon_mrgr
Nettawy
22-09-2007, 03:11 AM
على فكرة يا حسام انا بحب لعب الاسماعيلي وهما فعلا برازيل مصر لأنهم بيلعبوا بالمهارات بس كانوا يبقوا أجمل وأجمل لو يحققوا بطولات ،بالنسبة للأهلي بيحقق بطولات مه استغلال مهارات على الماشي بس هو ده المطلوب البطولات وأنا نفسي ان الفرق المصرية تتقدم في جميع البطولات الأفريقية......

حال الاسماعيلي زي حال الأرسنال الكام سنة اللى فاتو
nora7
22-09-2007, 06:28 AM
سواء جماهير الاهلي شتمت وده اشك فيه او ماشتمتش
شكبيالا المفروض مببقاش ده رضه
عصام الحضري اتشتم في المباره ديه ومعملش حاجه
ابو تريكه لما حد بيوقعه ولا ياخد انذار بيضحك
لازم يكون اهدا من كده
ده عماد رفع ايديه واعترض طلع عينه في الاهلي من غير اتحاد كره ولا لجنه مسابقات
HOSSAM ELDIEB
22-09-2007, 02:43 PM
اصل عمرها ما حصلت ان الجماهير يقعدو 90 دقيقة يشتمو لاعب واحد بامه
انا لو مكان كنت هاكلهالهم
أبو المعاطى شمروخ
22-09-2007, 04:14 PM
ابو تريكه لما حد بيوقعه ولا ياخد انذار بيضحك





ابو تريكة بيضحك على كل حاجة الابتسامة الشهيرة بتاعته

والله مثلا واحنا بنتفرج على ماتش مثلا يضيع فرصة ابص لاخويا واقوله هيضحك اهوه
كورة طلعت آوت هيضحك اهوه وهكذا طول الماتش




بالنسبة لكلام اسلام انا معاك الجماهير عجيبة
انا كنت بتفرج على الماتشات فى ستاد المنصورة كنت بموت من الضحك بسبب الشتيمة دى
فكرتنى مرة ناس زمايل ابويا راحوا يتفرجوا على ماتش فى الاستاد فالحكم كان وحش اوى
فواحد منهم قالهم عارفين الحكم ده اسمه ايه؟ قالوا ايه؟
قالهم كذا كذا
وكذا كذا ده واحد زميلهم اللى قاعد جنب منه
والجماهير كلها قاعدة تشتم يا كذا كذا يا ابن ال ............ يا ابن .................
وهما هيموتوا من الضحك عليه هههههههههههههههههه