سؤال للمشرفين

[vvvip]

انتوا علي اي اساس بتثبتوا المواضيع؟؟؟؟؟؟؟؟؟؟؟؟؟
مش المفروض المواضيع اللي تثبت تبقي مستمره علي طول
في مواضيع بقي متثبته مش بتتفح من زمان
وفي مواضيع اصلا مش مواضيع
يعني مثلا انتوا مثبتين موضوع نقاش في حوار
بيتكلم عن حاجه واحده
طيب بعد ما يتناقشوا ويخلصوا
يفضل متثبت ليه؟؟؟؟
ارجوكو بصو علي التواريخ كمان
وبصوا علي استمراريته


وشكرا

[HOSSAM ELDIEB]

ماليش دعوة انا ليا كام موضوع عاوزهم يتثبتو

[brightgalaxy5]

وانا كمان مواضيعي عايزها تتثبت
:)

[HOSSAM ELDIEB]

انا بقي مش عاوز حد يثبت مواضيعي:aiaiai:

[d.m.d]

عندك حق والله يا فى اى بى
فى كذا موضوع فى كل الاقسام متثبت مش عارف ليه
يعنى مثلا موضوع
رحلة من باب أسنان الي الباب الرئيسى! (http://www.medicine.cu.edu.eg/english/students/forum/showthread.php?t=140)
مش عارف متثبت ليه
وفى مواضيع تانيه مهمه مش متثبته
زى موضوع
حبيبنا المصطفى صلى الله عليه وسلم (http://www.medicine.cu.edu.eg/english/students/forum/showthread.php?t=4861)

[brightgalaxy5]

فين المشرفين اللي هنااااااا
قلت عايز مواضيعي تتثبت
.....................
بصراحة يا دي
رحلة من باب اسنان دي اللي كاتبها بجد اضاف بجد للمنتدى
الاسلوب رائع, عشان كدة اتثبتت

[d.m.d]

فين المشرفين اللي هنااااااا
قلت عايز مواضيعي تتثبت
.....................
بصراحة يا دي
رحلة من باب اسنان دي اللي كاتبها بجد اضاف بجد للمنتدى
الاسلوب رائع, عشان كدة اتثبتت
احنا ممكن نكرمه ونثبت ليه موضوع يستحق التثبيت
انا بقول رايى فى الموضوع مش فى صاحب الموضوع
وبعدين انا ضربت مثل ما اكثر
انا قصدى ان فى مواضيع كتيره متثبته
ومش عارف ايه السبب

[HOSSAM ELDIEB]

انا شايف ان فيه ناس بقت تهزر في الموضوع
فيب قصدها ان في مواضيع محدش بيقراها ومتثبته

[d.m.d]

على فكره انا ما بهزرش
انا بكلم فى الموضوع بجد
انا فعلا موافق فى اى بى على النقطه دى
ده اذا كان قصدك عليا ولا حاجه

[brightgalaxy5]

طب ماتقوليلنا امثلة يا فيب على مواضيع مثبتة وماحدش بيقراها
او مواضيع تستاهل انها تتثبت ومتثبتتش

[HOSSAM ELDIEB]

هو حد كان جاب سيرتك يا دي ام دي
بتاخد الكلام علي نفسك ليه

[d.m.d]

اكيد فى كتير من الاعضاء شايقين ان فى مواضيع تستحق التثبيت
من رأيى
العولمة (http://www.medicine.cu.edu.eg/english/students/forum/showthread.php?t=685)
ذهاب المرأة إلى الأطباء الرجال (http://www.medicine.cu.edu.eg/english/students/forum/showthread.php?t=494)
بيييييييييييييب (http://www.medicine.cu.edu.eg/english/students/forum/showthread.php?t=580)
هى مواضيع مهمه بس عاديه
بتتكلم فى موضوع عادى
ممكن يكون فى اى موضوع
مفيش حاجه فيها جديده علشان تثبت

[HOSSAM ELDIEB]

فعلا
احنا عاوزين المواضيع اللي تتثيت تكون معاصرة
ومش معني ان موضوع يتثبت انه يفضل متثبت للابد
لا لحد ما النقاش اللي فيه ينتهي
وبعد كده نحطه في الارشيف شهرين
بعد ما نحطه في الارشيف شهرين نمسحه بس ما نمسحوش خالص
لا
نحطه في سلة المهملات اسبوعين يمكن حد يحتاجه
ولو محدش احتاجه نمسحه خالص بقي عشان السيرفر

[HAYAH]

انا معاكم بجد يا جماعة

فيه مواضيع متثبتة ومش مهمة في الوقت الحاضر

وفيه مواضيع مهمة ومحطوطة زيها زي اي موضوع عادي

بجد عاوزين نعمل عَمْرة في المنتدى ونظبطه عشان لما يتنظم اكتر يبقى شكله احسن ويجذب ناس اكتر

وكلامك مظبوط يا حسام

[kalamntena]

يا جماعة كلاكيت تاني مرة

حطوا نفسكوا مكان الناس

المواضيع المثبتة دي مش متثبتة لينا ولا لكاتب الموضوع
دي مثبتة عشان الناس الجديدة
انا معاكوا ان فيه مواضيع محتاجة تتثبت
بس فيه مواضيع مينفعش نقول انها اتثبتت شوية كفاية عليها كده
حد فاهمنى
وممكن الموضوع يتثبت لفترة
زي مثلا مثلا
خبر دولي فرقع والناس كلها اتشغلت بيه ممكن نثبته لحد ما تنتهي الاحداث دي ويبقى الاضافة فيه معدودة يتشال

حد فاهمنى
حد يقولى انتى غلط

[d.m.d]

مع احترامى لرايك يا كلمنتينا
انا شايف ان فى مواضيع جديده تستحق التثبيت
وفى اعضاء قديمه بتنقطع لمده عن المنتدى وبترجع تانى
زى مصرى متعصب مثلا فى الفتره الاخيره
لما رجع ما لقاش اى موضوع متثبت من المواضيع الجديده
طب ما هو زى ما الاعضاء الجدد هيستفادوا من المواضيع المتثبته القديمه
دلوقتى
طيب الاعضاء القدامى مش هيستفادوا مثلا من موضوع مهم جديد
كان موجود فى الفتره اللى كانوا غايبين فيها
ومش متثبت
فلو كان فى توازن بين القديم والجديد يبقى افضل
يعنى دلوقتى من المواضيع الجديده المتثبته موضوع
ضربه......شمس لفى اى بى وبس
مع ان فى مواضيع تانيه مهمه

[Dr.ElFiky]

المفروض يبقى فى اولويه لتثبيت المواضيع
إيه هيا بقى الأولويات دى؟؟؟؟؟؟؟

[vvvip]

برايت سأل ايه امثله الحاجات المتثبته اللي مش عاجباني
بس والله كل المواضيع عجباني بس
بيستفزني انها متثبته بدون سبب واضح
التثبيت ده لازم يبقي موضوع مستمر وفعال
من الامثله وبكرر تاني ان مش قصدي حاجه والله

العولمه في حوار
دا موضوع هيخلص النقاش فيه بسرعه
الغاز فقهيه في اسلاميات
التاريخ بتاع اخر رد كان 2003!!!!!!!!!!!
الفرقه السادسه لمرام الشافعي
ده شعر انتوا علي اي اساس بتثبتوا الشعر
ليه يعني هو احسن شعر في الدنيا!!!!!!!!!!!!
مدنجي يبحث عن شقه
بصوا انا بحترم اراء مدنجي وكتاباته جدا
بس هو بيدور علي شقه ومصر ام الدنيا
وربنا معاه
بس يتثبت ليه!!!!!!!!!!
السلبيه في منتدي في العضل
دا موضوع نقاش وهينتهي سريعا مش مستمر
ليه يتثبت؟؟؟؟؟؟؟؟؟؟

وبالنسبه للمواضيع اللي تستحق التثبيت
في مواضيع كتير كويسه مش بالاعضاء بالمواضيع
ياريت يبقي هو ده اول الاولويات
وبرضه بسال علي اي اساس المشرفين بتثبت المواضيع
ياريت حد يعبرنا

[HOSSAM ELDIEB]

عليا النعمة لو ما ثبتوش المسابقة بتاعتي لاخر الشهر
انتو حرين

[dr_angel]

وبرضه بسال علي اي اساس المشرفين بتثبت المواضيع
انا برده عاوزه اعرف الاجابة على السؤال ده
لان فى فعلا مواضيع جديده مستمر الكتابة فيها تستحق التثبيت زى مثلا موضوع حبيبنا المصطفى صلى الله عليه وسلم
وموضوع موسوعة المبشرين بالجنه
اعتقد انهم يستحقوا التثبيت

[kalamntena]

يا جماعة واحدة واحدة

الموضوع عنوانه جميل جدا ومضمونه هايل
طيب افرض ماكملش؟؟؟؟؟
موضوع كلام في الطب بتاع ام اي ام
اتثبت بس مش من اول مشاركة بعد كام جزء عشان يبقى موضوع قوي
المواضيع اللى كر مواضيع قوية جدا بس اما تكمل


حد شاف موضوع عيدكم سعيد ؟؟
الموضوع ده اتثبت بناء على استفتاء و بعد ما خلص خالص

وانا ان شاء الله هاقولكوا على اي اساس المواضيع تتثبت

[HOSSAM ELDIEB]

حلني بقي
بتفكروني بسياسة الحزب الوطني

[kalamntena]

الله يسامحك
انا بس مش عايزة اتكلم من نفسي
مستنية الناس عشان اعرف هم حاطين سياسة التثبيت فين

[HOSSAM ELDIEB]

اه ما انا شايفك وانتي بتدور عليها في قوانين المنتدي:smiley2:
بس من امتي واحنا بنمشي علي القوانين يا فندم
ده احنا شعب مبارك علي راي وينر

[kalamntena]

طيب يا شرير
:smiley15:
اصبر عليا
:black:

[sandy]

احنا عاوزين المواضيع اللي تتثيت تكون معاصرة
ومش معني ان موضوع يتثبت انه يفضل متثبت للابد
لا لحد ما النقاش اللي فيه ينتهي
وبعد كده نحطه في الارشيف شهرين
بعد ما نحطه في الارشيف شهرين نمسحه بس ما نمسحوش خالص
لا
نحطه في سلة المهملات اسبوعين يمكن حد يحتاجه
ولو محدش احتاجه نمسحه خالص بقي عشان السيرفر



انا معاكم بجد يا جماعة

فيه مواضيع متثبتة ومش مهمة في الوقت الحاضر

وفيه مواضيع مهمة ومحطوطة زيها زي اي موضوع عادي

بجد عاوزين نعمل عَمْرة في المنتدى ونظبطه عشان لما يتنظم اكتر يبقى شكله احسن ويجذب ناس اكتر

وكلامك مظبوط يا حسام
dah ra'ye ok

[Alasmar]

طيب يا جماعة الى عنده حاجة مفيده يقولها
يعنى الى عندة افكار لشروط تثبيت الموضوعات يقولها
بس يا ريت تبقى على شكل نقاط يعنى واحد اتنين تلاتة
و يكتبها بشكل واضح
و ياريت كل الناس تشارك
انا هسيب الموضوع دا عليكو
انتو الى هتحددو شروط تثبيت الموضوعات
محدش ليه حجة بقا

على فكرة و احنا بنطور المنتدى آخر مرة و بنحط له القوانين الجديدة كنا بنفكر نحط بنود لشروط تثبيت المواضيع لكن اختلفنا بشكل كبير
و انا شايف عن نفسى انها فكرة لسة مجاش وقتها قوى
بس ممكن ننفذها طبعا لو وصلنا مع بعض لأفكار او لشروط لتثبيت المواضيع
يعنى انا مثلا كنت رافض تماما فكرة تثبيت اى موضوع منقول
دى نقطة انا مقتنع ان ممكن بجد يقوم عليها جدل كبير لأن اكيد فى مواضيع منقوله ممكن تستحق التثبيت

على ففكرة المواضيع الى متثبته كلها تقريبا كان كل و احد منها بغرض
مش لازم لأنها احلى مواضيع او انشطها

مثلا فى مواضيع بتبقى بتخاطب الى بيزور المنتدى اول مرة و بتجذبه
و فى مواضيع اتثبتت عشان هيا قدمت و اتنست و اتثبتت بغرض لفت النظر ليها
و فى مواضيع ممكن بعضنا ميحسش بأهميتها بس تكون مهمة جدا لحد تانى
و ممكن طبعا عشان موضوع مهم
و ممكن عشان موضوع نشط
و مقدرش اقول ان فيه سبب محدد او شرط محدد موجود لغاية دلوقتى للتثبيت
هو فيه اكيد بس حاجات غير محددة


يا ريت تشاركو بأفكار واضحة على شكل نقاط زى ما قولت يعنى بالمنظر دا

---------
-----------
-----
-------------
-----------
-----------
و ارجو المشاركة

[STROMA]

جميل كلامك دكتور الاسمر

1- قبل ما نعمل اى تثبيت لموضوع ما نعمل استفتاء للاعضاء موافقه او مش موافقه عشان محدش يجى يعترض ويقول الموضوع ده اتثبت ليه وانه كذا وكذا فناخد براى الاغلبيه

2-حاجه تانيه غير الاستفتاء ان الموضوع المثبت يبقى ليه علاقه مباشره بالقسم اللى هوا فيه ويبقى موضوع متجدد يعنى يبقى ينفع يبقى فيه جديد على طول

3-احسن تكون المواضيع النثبته تبقى ليها علاقه بالطب بما اننا فى منتدى طبى يعنى شعر طبى موضوع طبى كده يعنى


دى شوية افكار

ويارب تكون كويسه