المساعد الشخصي الرقمي

مشاهدة النسخة كاملة : ستوديو الاتحاد الليبي والاهلي


HOSSAM ELDIEB
22-09-2007, 03:27 PM
من زمان والله الواحد مستني الماتش بتاع بكره
الاتحاد الليبي والاهلي في نص نهائي دوري ابطال افريقيا
الماتش هيكون الساعة 10 ان شاء الله
الاهلي بصراحة مستواه يخوف وما يطمنش ابدا
الاهلي من شهور لم يقدم مباراة في كورة قدم حقيقية
حتي الماتشات اللي فاز فيها كلنا عارفين الاهلي كسبها ازاي
المشكلة كمان ان الاتحاد من الفرق القوية جدا علي ارضها يعني فازت كل الماتشات وفازت علي فرق كبيرة زي النجم والجيش الملكي
اعتقد ان جوزيه هيكون له دور كبير في تحديد نتيجة الماتش واراهن
لو جوزيه لعب بطريقة دفاعية علي التعادل الاهلي هيتهزم هيتهزم واحتمال بنتيجة كبيرة مش هتقل عن بتاعة الهلال
اما لو هاجم احتمال كبير يرجع بنقط من هناك
وطبعا مهم جدا التشكيلة اللي هيلعب بيها
من الافضل ان يبعد حسن مصطفي وحسام عاشور
ويلعب باينو وانيس ارتكاز
وبالتوفيق للاهلي
Dr.ElFiky
22-09-2007, 03:37 PM
صباح الفل الأول يا عم حسام

ان شاء الله الأهلى يا هيفوز 1/0 او هيتعادل 1/1

و بعدين فى نصف الملعب مينفعش اينو يلعب لأنه لعب مع الزمالك فى البطوله دى و بالتالى ممنوع من اللعب فى البطوله لأخرهااااااااااااا
و انيس ده بجد زباله مش عارف ده دوره ايه
انا شايف انه يلعب ب حسن مصطفى و حسام عاشور

و شكراً
HOSSAM ELDIEB
22-09-2007, 03:40 PM
حسام عاشور وحسن مصطفي ومحمد شوقي سابقا لاعبين غير منتجين عقيمين عن صناعة هجمات
وده عيب ادارة الاهلي انها ما دعمتش الفريق
المفروض اللاعيبة دي ما تكونش في فريق كبير زي الاهلي دول فضيحة
شوفو مثلا حسني عبد ربه
حازم امام
دول فعلا لاعبين خط وسط يعتمد عليهم
Dr.ElFiky
22-09-2007, 03:52 PM
مه معروف ان حسام و حسن يغلب عليهم الطابع الدفاعى
و اللى يصنع الهجمات هو ابوتريكه او بركات
HOSSAM ELDIEB
22-09-2007, 03:54 PM
ماهو ياريت بينفعو في الدفاع
والله ولا ليهم لازمة ودفاع الاهلي اللي بيشيل بلاوي
وبعدين حتي لو هيقتصرو علي الدفاع الهلي هيفقد خطورته ومش هيكون فعال
HOSSAM ELDIEB
22-09-2007, 06:01 PM
4 بص اللي صوتو شوية اوي
مصري متعصب
22-09-2007, 06:36 PM
نتمنى الفوز للاهلي
STROMA
22-09-2007, 07:39 PM
يا جماعه انا صوت على التعادل

لانى مش متوقعه ان الاهلى يكسب

مع انى اتمنى طبعا طبعا الفوز للاهلى

وربنا يخيب ظنى ويكسب
HOSSAM ELDIEB
22-09-2007, 07:41 PM
اول مرة تقولي كلمة الحق
يمكن عشان احنا قبل الفطار
انا فعلا والله هشجع الاهلي وبكل قوة
وعاوزة زي ما بيذلني في الدوري يذل بتوع ليبيا بكره
d.m.d
22-09-2007, 07:42 PM
يا جماعه انا صوت على التعادل

لانى مش متوقعه ان الاهلى يكسب

مع انى اتمنى طبعا طبعا الفوز للاهلى

وربنا يخيب ظنى ويكسب

نفس اللى انا عملته
بس يا رب الاهلى يكسب ويشرفنا زى ما بيشرفنا كل مره
STROMA
22-09-2007, 07:45 PM
اول مرة تقولي كلمة الحق
يمكن عشان احنا قبل الفطار
انا فعلا والله هشجع الاهلي وبكل قوة
وعاوزة زي ما بيذلني في الدوري يذل بتوع ليبيا بكره


كويس يا حسام انك هتشجع الاهلى

وان شاء الله يكسب
Nettawy
22-09-2007, 09:18 PM
أنيس بوجلبان يا حسااام تعبااان

أنت عارف رضا عبد العال قال ايه في ماتش الزمالك وهو رجل محايد وصريح جداً

كانوا بيسألوه ايه مركز قوة الزمالك في الماتش ده طبعاً قبل الماتش راح قالوهم قوة الزمالك في أنيس بو جلبان لأني مش معترف بيه كلاعب

هو اللى بيقول كده
HOSSAM ELDIEB
22-09-2007, 09:19 PM
انيس بوجلبان احسن بكتير من حسام وحسن
mr_azygos
22-09-2007, 09:21 PM
la2 tab3a da la3eeb 3abeet
HOSSAM ELDIEB
22-09-2007, 09:31 PM
الخوف الحقيقي من طريقة جوزيه بكره
انا خايف يدافع
لو دافع هيتهزم بنسبة 95%
وبنتيجة كبيرة كمان
Nettawy
22-09-2007, 09:39 PM
يا خبر بفلوس بكرة يبقى على ال Art
HOSSAM ELDIEB
23-09-2007, 02:44 AM
عاوزين الناس اللي مالهاش في الكورة تشارك علي الاقل في الاستفتاء بس
فين
كلامنتينا و انجل وفي اي بي وروزا ومدنجي ومصباح
كل الناس تشارك
HOSSAM ELDIEB
23-09-2007, 04:03 PM
شؤال جه في بالي
هل الاهلي هيكون محظوظ النهاردة زي ما كان محظوظ في اخر ماتشات لعيبها
يعني مش هيلعب ويكسب
ولا الحظ مش هيساعده زي ماتش الهلال
ولا الاهلي هيلعب ويكسب عن جداره علي عكس اللي حصل الفترة الاخيرة
STROMA
23-09-2007, 04:09 PM
مع اختلافى معاك ان الاهلى بيكسب بالحظ لان ده مش ممكن الحظ معاك النهارده بكره مش معاك

فما ينفعش نقول الحظ خلا الاهلى كسب كل حاجه لانها هتكون حاجه بعيده عن المنطق

المهم البطولات الافريقيه ما بتعتمدش على الحظ اللى هيلعب كويس ويجتهد هيكون الفوز من نصيبه

والفرق المصريه كلنا عارفين قلما تجيب نتيجه ايجابيه خارج الارض

فبنتمنى ان الاهلى يلعب حلو ويفوز باذن الله
HOSSAM ELDIEB
23-09-2007, 04:15 PM
الاهلي كسب السوبر مع ان الاسماعيلي كان احق
وكسب الزمالك مع ان الزمالك كان احق
وكسب الحرس بكورة طايشة
وكسب الغزل بضربو ركنية والغزل كان افضل
يبقي ده حظ ولا مش حظ
STROMA
23-09-2007, 04:31 PM
الاهلي كسب السوبر مع ان الاسماعيلي كان احق
وكسب الزمالك مع ان الزمالك كان احق
وكسب الحرس بكورة طايشة
وكسب الغزل بضربو ركنية والغزل كان افضل
يبقي ده حظ ولا مش حظ


انت عايز تجادل وخلاص؟؟؟؟؟؟؟

الاهلى كسب وانتهى الموضوع

ما فائده الجدال فى شئ انتهى

وان شاء الله الاهلى يكسب النهارده
HOSSAM ELDIEB
23-09-2007, 04:39 PM
ياريت والله هشجعه من كل قلبي
بس برده عاوزين اداء جامد يكتم الجماعة الليبين دول هايجين علينا في منتديات الكورة
ولو مش هيكون فيه اداء يكسب وخلاص بقي وربنا يسامحه
انا سبت الاهلي عشان بيكسب من غير ما يلعب
ولما شعت الاسماعيلي لقيته بيلعب بس ما بيكسبش قلت الاول كان ارحم
بس انا خلاص اسماعيلاوي للابد
ما تنسوش تدعو للاسماعيلي يكسب المريخ:smiley2::smiley2:
الماتش الساعة 9 قبل الاهلي بساعة
لو مش عشان الاسماعيلي عشاني انا
STROMA
23-09-2007, 04:46 PM
ان شاء الله الاسماعيلى يكسب المريخ

والاهلى يلعب حلو ويكسب
sameh_ig
23-09-2007, 05:17 PM
الاهلى واقع الايام دية بس بيعرف يكسب

اتمنى الخسارة طبعا للاهلى بس انا عارف انة هيعملها و هيكسب هناك ابن المفترية
HOSSAM ELDIEB
23-09-2007, 05:20 PM
مش عارف ليه حاسس انك اهلاوي
والله انا عاوز الاهلي يكسب عشان حاجتين
الاولي عشان مصر
والتانية عشان لو الاهلي اتهزم الحاج هيضيع عليا مصروف اسبوع
علي ايه
مش مستاهلة
sameh_ig
23-09-2007, 05:27 PM
:black::black::black::black::black::black::black:: black::black:اهلاوى مين يا بركة

بقول يا رب الاهلى يخسر تقولى اهلاوى
انا بتمنى بس الاهلى كا العادة بيزلنا و بيكسب
STROMA
23-09-2007, 06:10 PM
:black::black::black::black::black::black::black:: black::black:اهلاوى مين يا بركة

بقول يا رب الاهلى يخسر تقولى اهلاوى
انا بتمنى بس الاهلى كا العادة بيزلنا و بيكسب


لالالالالالالالالالالالالالالالالالا

ان شاء الله يارب الاهلى يكسب

يارب ما تفرح الاعادى فينا

ده ايه الروح الرياضيه دى:look up:
أبو المعاطى شمروخ
23-09-2007, 06:16 PM
ان شاء الله الاهلى هيكسب
يا جماعة احنا فى رمضان وزمان ابو تريكة قرأ كام ربع قرآن وهيفطر على تمر وهتبقى اشطة وربنا هيمشيها معاه تسابيح
d.m.d
23-09-2007, 06:23 PM
انت عارف كمان يا دكتور سامح
اسامه حسنى كمان لو نزل
هيبقى الماتش للاهلى ان شاء الله
أبو المعاطى شمروخ
23-09-2007, 06:25 PM
دا لو نزل هنلعب باسم مشيخة الازهر
HOSSAM ELDIEB
23-09-2007, 06:31 PM
يارب الاسماعيلي ابني والاهلي ابن اخويا
وفقهم الاتنين
بس وفق الاهلي النهاردة بس
HOSSAM ELDIEB
23-09-2007, 11:54 PM
الحكم دبح الاسماعيلي
الواد وقع لوحده وربنا وحسبله ضربة جزاء
بس اداء الاسماعيلي كان وحش
اعتقد الامل ضاع
d.m.d
24-09-2007, 02:12 AM
يعنى الماتش بتاع الاسماعيلى خلص
وهو خسران واحد
ولا ايه
HOSSAM ELDIEB
24-09-2007, 02:13 AM
الاسماعيلي خسر وودع بعد مهازل في الماتش
والاهلي اتعادل
مصري متعصب
24-09-2007, 02:13 AM
مطش مش بطال يعني للاهلي
ولو ان واضح ان الاهلي عاوز التعادل
نفسي افهم ليه اسلام الشاطر مسفرش معاهم
d.m.d
24-09-2007, 02:15 AM
اصل جوزيه بيقول انه مش فى الفورمه
على اعتبار ان التعبان اللى اسمه احمد عادل
بيعرف يلعب اساسا
HOSSAM ELDIEB
24-09-2007, 02:15 AM
جوزيه مش مقتنع بالشاطر
مصري متعصب
24-09-2007, 02:15 AM
و الله انا كنت عاوز اتكلم عن احمد عادل
بس فعلا مفيش له بديل
d.m.d
24-09-2007, 02:17 AM
امال احمد صديق بيعمل ايه
ده بمجرد ما نزل حسيت ان احنا لينا باك يمين فى الماتش
انا احمدصديق ده عجبنى اوى
HOSSAM ELDIEB
24-09-2007, 02:18 AM
معاك حق احمد صديق ممتاز
بس جوزيه مش بيحب يهاجم
d.m.d
24-09-2007, 02:20 AM
لا جوزيه بيحب يهاجم على ارضه
طبعا هى سياسه غريبه بيتبعها
يعنى مثلا النهارده كان سهل اوى انه يكسب
لو كان ناوى يهاجم
HOSSAM ELDIEB
24-09-2007, 02:22 AM
فعلا الاهلي كان ممكن يخلص علي الاتحاد في ليبيا
وعلي فكرة ماتش القاهرة مش مضمون ممكن يدافعو ويعقدونا
dr kemo
30-09-2007, 07:47 AM
أهنيك بأمانة يا حسام على تضامنك مع الأهلي و روحك الوطنية
Nettawy
30-09-2007, 12:37 PM
يا جماعة جوزيه ده كائن غريب
يعني اسلام الشاطر احسن باك يمين في مصر (بلا منازع) وقال ايه مش مقتنع
وريح حسن مصطفي وقولنا اصل مستواه نازل
وريح شوقي كمان والاهلى كان تعبان الفتره دي
أنا مش عارف بيفكر إزاي
بس بحس ان هو فكره محلي مش دولي
يعني مش عارف البرتغاليين إزاي يقارنووه بمورينيو؟؟؟؟
ده مورينيو ده حيتكتب في تاريخ كره القدم الانجليزيه ...ده غير مسارها وخلاها من أفضل البطوىت في العالم
dr kemo
01-10-2007, 07:00 AM
رغم اقتناعي الشديد بصديق إلا إن جوزية على صواب

صديق مش من النوع اللي يقدر يشيل مطش كامل

أما عن أحسن باك يمين في مصر

فإن كان حد

يبقى أكيد مش إسلام الشاطر
sameh_ig
01-10-2007, 06:42 PM
الاهلى مبيضيعش الفرص دية

هيلب الاتحاد هنا كا العادة
و هيخدوا البطولة

و هيروحوا اليابان تالت

و هيزلوناااااااااااا كا العادة
وحسبى اللة ونعم الوكيل
ekm86
01-10-2007, 06:57 PM
و هيزلوناااااااااااا كا العادة
وحسبى اللة ونعم الوكيل

ما تعملش في نفسك كده يا حج سامح
صحتك بالدنيا

:smiley1:
Nettawy
01-10-2007, 09:41 PM
مش فاهم يا سامح هما مين اللى حيزلووووووووك

تقصد جيرانك الاهلاويه اللي في الحته؟؟؟؟
مصري متعصب
01-10-2007, 10:37 PM
الاهلى مبيضيعش الفرص دية

هيلب الاتحاد هنا كا العادة
و هيخدوا البطولة

و هيروحوا اليابان تالت

و هيزلوناااااااااااا كا العادة
وحسبى اللة ونعم الوكيل
حسبي الله و نعم الوكيل
HOSSAM ELDIEB
01-10-2007, 10:38 PM
صدقني الاهلي مش هيقدر علي الاتحاد
بس الاتحاد هيزم نفسه
هينزل يدتفع لحد ما الاهلي يلطش جون وبالسلامة
مصري متعصب
01-10-2007, 10:40 PM
صدقني الاهلي مش هيقدر علي الاتحاد
بس الاتحاد هيزم نفسه
هينزل يدتفع لحد ما الاهلي يلطش جون وبالسلامة
على فكرة كل الفرق اللي بتلعب قدام الاهلي بتغلب نفسها
فاكر الفريق بتاع جنوب افريقيا اللي لعب مع الاهلي في افريقيا و طلع بره البطولة
الفريق دا لعب مع برشلونة بعد مباراته مع الاهلي بشهر
وخسر 2/1 بس مش 4/صفر ...و المفروض يخسر اكتر من الاهلي باعتبار الاهلي اقوى
Rule Breaker
01-10-2007, 10:41 PM
الاهلى مبيضيعش الفرص دية

هيلب الاتحاد هنا كا العادة
و هيخدوا البطولة

و هيروحوا اليابان تالت

و هيزلوناااااااااااا كا العادة
وحسبى اللة ونعم الوكيل

البطولة للاهلي
والجري للمتاااعيس
HOSSAM ELDIEB
01-10-2007, 10:42 PM
البطولة للاهلي
والجري للمتاااعيس
طب يلا بينا يا مصري نجري
ابقو قابلوني لو كسبتو الاتصالات النهاردة
مصري متعصب
01-10-2007, 10:45 PM
طب يلا بينا يا مصري نجري
ابقو قابلوني لو كسبتو الاتصالات النهاردة
مين يكسب انهردا اتصالات مصر........الشركة الوطنية
ام فودافون الشركة الخاصة....اللي مصت فلوسنا
مصري متعصب
01-10-2007, 10:46 PM
البطولة للاهلي
والجري للمتاااعيس
متلعبيش في عداد عمرك يا رول
لولا ان اتحاد الكوسة دخل جيلبرتو في قائمة الاهلي ظلما و عدوانا
كنت زمااااااااااااااااااااااااااااااااان برا البطولة
Rule Breaker
01-10-2007, 10:47 PM
على فكرة كل الفرق اللي بتلعب قدام الاهلي بتغلب نفسها
فاكر الفريق بتاع جنوب افريقيا اللي لعب مع الاهلي في افريقيا و طلع بره البطولة
الفريق دا لعب مع برشلونة بعد مباراته مع الاهلي بشهر
وخسر 2/1 بس مش 4/صفر ...و المفروض يخسر اكتر من الاهلي باعتبار الاهلي اقوى


اولا عمر ما في اساسا فرقة بتغلب نفسها
جديدة دي!!
ايه الحكمة يعني اما الفريق يغلب نفسه
يا اما عبيط..يا اما عبيط
وبعدين 4/0 الي هتزلونا بيها دي
الاهلي كان تعبان ومرهق من كتر اللعب
وشد الاعصاب وغيرو
مش ضعف ولا حاجة يعني
وبعدين بلاش شغل قصر الديل داه يا مصري
اعترفوا بقا ان مفيش زي الاهلي
HOSSAM ELDIEB
01-10-2007, 10:50 PM
الفريق بيغلب نفسه يعني بينزل الماتش وهو مهزوم قبل ما يلعب
زي الزمالك
دايما اقوي من الاهلي بس هتغلب هتتغلب ما عندهاش ثقة في الفوز
وكل اللي بيلعب بالمنطق ده لازم يتغلب
بدليل ان اي فرقة بتهاجم الاهلي بتكسبه
فاكرة الاسماعيلي لما طسكو في القاهرة تلاتة لما ليلتها دخلتي اوضتك وقفلتي علي نفسك وفضلتي تعيطي للصبح
ولما اختك دخلت عليكي مرة واحدة استخبيتي عشان ما تشوفكيس وانتي بتعيطي
مصري متعصب
01-10-2007, 10:52 PM
اولا عمر ما في اساسا فرقة بتغلب نفسها
جديدة دي!!
ايه الحكمة يعني اما الفريق يغلب نفسه
يا اما عبيط..يا اما عبيط
وبعدين 4/0 الي هتزلونا بيها دي
الاهلي كان تعبان ومرهق من كتر اللعب
وشد الاعصاب وغيرو
مش ضعف ولا حاجة يعني
وبعدين بلاش شغل قصر الديل داه يا مصري
اعترفوا بقا ان مفيش زي الاهلي



فعلا مفيش زي الاهلي
فريق منشطات
فريق كوسا
جماهير بتضرب تحت الحزام
يشجعه الميكانيكيون و مجموعة من الرعاع
انا بتخيل كدا ان ربنا رزق بزوج زملكاوي يوريك العين الحمرا
قادر يا كريم
Rule Breaker
01-10-2007, 10:52 PM
الفريق بيغلب نفسه يعني بينزل الماتش وهو مهزوم قبل ما يلعب
زي الزمالك
دايما اقوي من الاهلي بس هتغلب هتتغلب ما عندهاش ثقة في الفوز
وكل اللي بيلعب بالمنطق ده لازم يتغلب
بدليل ان اي فرقة بتهاجم الاهلي بتكسبه
فاكرة الاسماعيلي لما طسكو في القاهرة تلاتة لما ليلتها دخلتي اوضتك وقفلتي علي نفسك وفضلتي تعيطي للصبح
ولما اختك دخلت عليكي مرة واحدة استخبيتي عشان ما تشوفكيس وانتي بتعيطي


احم احم..
هيا قالت لك:black:
مصري متعصب
01-10-2007, 10:53 PM
الفريق بيغلب نفسه يعني بينزل الماتش وهو مهزوم قبل ما يلعب
زي الزمالك
دايما اقوي من الاهلي بس هتغلب هتتغلب ما عندهاش ثقة في الفوز
وكل اللي بيلعب بالمنطق ده لازم يتغلب
بدليل ان اي فرقة بتهاجم الاهلي بتكسبه
فاكرة الاسماعيلي لما طسكو في القاهرة تلاتة لما ليلتها دخلتي اوضتك وقفلتي علي نفسك وفضلتي تعيطي للصبح
ولما اختك دخلت عليكي مرة واحدة استخبيتي عشان ما تشوفكيس وانتي بتعيطي
آخر سطرين دول بجد وللا اشتغالة
HOSSAM ELDIEB
01-10-2007, 10:54 PM
يشجعه الميكانيكيون و مجموعة من الرعاع

حاسب يا مصري الكلام بدا يهرب منك
اعتذر عن الجملة دي
اولا الشغل مش عيب
ثانيا انت كده بتشتم اهالينا
ما يوصلكش التعصب للدرجة دي
Rule Breaker
01-10-2007, 10:54 PM
فعلا مفيش زي الاهلي
فريق منشطات
فريق كوسا
جماهير بتضرب تحت الحزام
يشجعه الميكانيكيون و مجموعة من الرعاع
انا بتخيل كدا ان ربنا رزق بزوج زملكاوي يوريك العين الحمرا
قادر يا كريم



مش هرد عليك
اللهم اني صايمة
وبعد الشر عليا طبعا
ان شاء الله الي بيكرهوني
مصري متعصب
01-10-2007, 10:57 PM
حاسب يا مصري الكلام بدا يهرب منك
اعتذر عن الجملة دي
اولا الشغل مش عيب
ثانيا انت كده بتشتم اهالينا
ما يوصلكش التعصب للدرجة دي
واااااااااااااااااااااااااااااااااااااااااااااو
معقولة انا كتبت الجملة دي
سوري يا جماعة اصلي لما اتكم عن الاهلي بنسى نفسي خالص
نعتذر مرة اخرى
Rule Breaker
01-10-2007, 11:00 PM
آخر سطرين دول بجد وللا اشتغالة
اشتغالة يا مرسي
اكيد مش هروح اسيح لنفسي اني عملت كدا!
d.m.d
01-10-2007, 11:03 PM
يا جماعه اى واحد اهلاوى المفروض
ما يردش على الكلام ده
مصرى وحسام بدل ما يقولوا
الزمالك عمل او الاسماعيلى عمل
عمالين يدوروا على اى حاجه للاهلى
ويكلموا فيها
يعنى عايزين يجادلوا وخلاص
HOSSAM ELDIEB
01-10-2007, 11:05 PM
يابني الاسماعيلي واخدك رايح جي السنة اللي فاتت
بتتكلم كتير ليه
يا ابو 3 صفر
لو الاهلي عرف يتعادل بس مع الاسماعيلي مش هتكلم في الكورة تاني
Nettawy
01-10-2007, 11:42 PM
فعلا مفيش زي الاهلي
فريق منشطات
فريق كوسا
جماهير بتضرب تحت الحزام
يشجعه الميكانيكيون و مجموعة من الرعاع
ده بس من ذوقك وباعدين مالهم الميكانيكيه دول؟؟؟؟ من غيرهم ولا نسوى بنكله
انا بتخيل كدا ان ربنا رزق بزوج زملكاوي يوريك العين الحمرا
تخيل حتى لما بنرعب حد بنرعبه بعين حمرا مش بيضا
قادر يا كريم

و عجبي