المساعد الشخصي الرقمي

مشاهدة النسخة كاملة : خليتوا بينا و لا ايه؟


broken nonna
25-09-2007, 03:42 AM
سلام عليكم
ده سؤال عام للمسئولين عن المنتدى
و خاص لدكتورة كلمنتينا
مش حضرتك و عدتى بان يكون فى فسم خاص بالطالبات
لبنات يعنى فى حركة تجديدات المنتدى

اين هذا القسم؟!!
dr_angel
25-09-2007, 03:45 AM
انا بضم صوتى لصوت بروكن نونا
ياريت فعلا يكون فيه قسم على المنتدى خاص بالبنات
Alasmar
25-09-2007, 04:19 AM
هلى فكرة
متلوموش كلمنتينا
هى عرضت الفكرة
و بصراحة انا الى رفضت
و الى عاوز يقنعنى يعمل لى دراسة جدوى للموضوع
لانى بصراحة مش شايف له لازمة
ممكن طبعا يكون مفيد و له لازمة و انا مش شايف كدا
و لذلك انا بطلب منكو تورونى اللازمة دى

و لو اقتنعت انا و الادمن ممكن نعمله

بس انا شايف اننا لو عملنا منتدى للبنات يبقى نعمل منتدى للصبيان
اشمعنى يعنى البنات؟؟ ايه الفرق؟؟ مش فيه مساواة ولا ايه؟؟

انا شايف اننا مش لازم نعمل منتديات تفرق بين الاعضاء على اساس الجنس او الأفكار او الدين او اللون او العرق او الجنسية او الكلية

لدرجة انى كنت عاوز اسمى منتدى اسلاميات المنتدى الدينى
بس محصلش عشان المادة التانية من الدستور بتقر بان الدين الاسلامى هو الدين الرسمى للدولة
و كذلك فهو الدين الرسمى للمنتدى
فسمنيناه اسلاميات و قلبنا متطمن
لاننا مش عاوزين اى تفرقه بين اى حد على اى اساس زى ما قولت

يعنى المنتدى مفتوح لكله بصرف النظر عن الاختلاف
لاننا عاوزين نقرب بين الناس مش نبعدهم و نزود الاختلاف بينهم
و مش اننا نميز جنس او نوع على التانى

و انا مستعد اعمل منتدى بنات لو اقتنعت او لو الادمن اقتنع
انا الرأى مش بأيدى لواحدى

و لو انى بحبذ اقتراح عمل منتيدات لها افكار ذات طابع بناتى
بالرغم ان منتدى ريشة و قلم و مغرفة فيه جو كبير كدا
و بالرغم من كدا الولاد ليهم مساهمات كبيرة فى المغرفة و الطبيخ و الصور و الذى منه يعنى دى مش مواضيع بنات بس


مرة تانية اعرضو دراسة الجدوى
و احنا ننفذ

و شكراً
kalamntena
25-09-2007, 10:44 PM
اهئ اهئ
شوفتوا بقى بيتهضونى ازاي
عشان انا البنت الوحيدة
HOSSAM ELDIEB
25-09-2007, 10:47 PM
يبقي هنقعد انا ومصري متعصب طول البوم تنناقر مع نفسنا
مصري متعصب
25-09-2007, 11:51 PM
يبقي هنقعد انا ومصري متعصب طول البوم تنناقر مع نفسنا
على قولك
لازم يكون في حد تاني ننقر فيه
مش حينفع افضل انقر في خشن
وللا ايه يا سحس
STROMA
26-09-2007, 12:06 AM
مش عارفه يا جماعه ممكن يكون راى غريب بعض الشئ

بس انا شوفت قسم البنات فى منتديات تانيه حسيت انه ما ضافش جديد للمنتدى ومش بيبقى نشيط خالص

مش عارفه مش محبذه الفكره

ياريت تتقبلوا راى بصدر رحب
Nettawy
26-09-2007, 02:23 PM
أنا من رأيي المتواضع ان قسم البنات ده ماظنش ان ينفع يكون فيه تحكم للأعضاء من الجنس الأخر ولا انتوا ايه رأيكوا
HOSSAM ELDIEB
26-09-2007, 02:25 PM
انا بقي هرخم وادخل
وعاوز حد يمنعني بقي
STROMA
04-02-2008, 01:05 AM
ياااااااااااااه والله انا كنت نسيت الموضوع ده

ايه ده ده كان رايى فيه زى ما هوا مش اتغير