المساعد الشخصي الرقمي

مشاهدة النسخة كاملة : كوليكشن غيظ!!



الصفحات : [1] 2

broken nonna
25-09-2007, 03:24 AM
اعمل ايه متغاظة متغااااااااااااااااظة
هتجنن فعلا بقالى فترة بيحصل معايا حاجات غريبة و اقول يا بت عدى
تلاقى الناس بتحكيلك بلاوى_اه و مين نبى النبي بلاوى_ و فى اخر الكلام ما تسمعش
غير كلمة واحدة
عاااااااااااااااااااادى!!
يا الهى الرحيم
عاااااااااااااااااااااااااادى!!!
اه عاااااااادي
لسانى يسبقى و أسأل مش متغاظ مش متغاظة!!!
لا اصل هتغاظ ليه يا بنتى عااااااااااااادى!!

طيب انا هقولكم على اخر و احدث المواقف و اللى عاوز يقول عادى يقول و لا يهمه
ماهى العادى بتاعته مش هتفرق عن اى عادى
عادى يعنى عادى!!

مدنجي
25-09-2007, 03:26 AM
عرفت الحل
احمد حلمى فى اعلان بيبسى بتاع مدفع رمضان

:icon_mrgr


دى..

tweety
25-09-2007, 03:32 AM
هو فيه ايه؟

ها؟

broken nonna
25-09-2007, 03:52 AM
النهاردة قررت انزل الكلية قبل الامتحان و انا راجعة على الساعة 12 كدة ركبت ميكروباص ربنا وحده اللى اعلم انا ركبته ازاى
و هو نفسه كان واقف ازاى بعد اشارة العباسية الشهيرة و اللى على لسانه يالا يا ابلة بسرعة يالا يا بيه و النبي الامين واقف !!
ركبت و انا لسان حالى لا حول و لا قوة الا بالله
قعدت جنبى بنت فبقى لسان حالى الحمد لله
ركن ركنة يجى 10 دقايق و قافل الباب مش عاوز يطلع حد ليه_الله اعلم_ اقول ايه سبحان الله
هيييييييييييه طلع الله اكبر
!!!

ما كملش 6 متر و قبل بوابة مجمع كلية التجارة و قف!!
الاخ التباع اللى قاعد فى الخن اللى جنب الباب و لازق فى ركبة البنية اللى قاعدة بالعكس(عادى) لبد فى العربية و كش
السواق نزل بيكلم الامين
و الامين جاب المش عارف مين
و بقت هيصة بدل بيضة ميري!!
واضح انهم كانوا بيتصرفوا بريموت كنترول
على مسافة تحت تندة قاعد اخ محترم لابس ميري ابيض برده و نضارة شمس
رايق جدا
الظاهر هو اللى معاه كامة العساكر و الامناء دول(معرفش يعنى ايه كامة بس مصطلخ استعرته من اخويا اللى فى تجارة)
العسكرى خد الرخص و مش عارف ايه
و قفنا الموتور و الناس قاعدة برده مش ينززلوا يشوفوا حالهم لا
طيب انزل انا
طيب هعديكى ازاى مانا لازم اقوم و فلان لازم يقوم
يا ستى ما انا هفضل قاعدة
ترد ست كبارة تقولى ماحنا قاعدين كلنا انتى يعنى اللى مستعجلة
سكتت و انا فى وسط هدومى و بقول اللهم انى صايمة و حسبي الله و نعم الوكيل
يا رب امسك عليا لسانى
الوحيد اللى زهق كان التباع فتح الباب و نزل
و يا ريته ما نزل!!1
هناك تحت التندة كان الامين ادام النقيب بيضرب الاخ السواق على ضهر رقبته_قفاه لا مؤاخذة_ متواصل
منظر يعنى مبعث على الاشمئزاز
و را كان فى راجل الوحيد اللى نطق قال درر و الله
ربنا ينجينا من حكومة العادلى!!!

و الناس قاعدة!!
الامناء مسكوا التباع تراخ تراخ تراخ
من غيظى دورت وشي للبنت اللى جنبي بقولها ايه ده حاجة تقرف
قالتلى و بكل ما تحمل كلمة عااااااااااااااااااادى من عادى
انتى فاكرة ضرب القفا اللى ورا بعضة ده بيوجع
بلاش اوصفلكم شكلى
بس اصل كان لازم انطق
قلتلهق امال؟
ترد بثقة الواثق من ثقة التقة نفسها_مش عارفة يعنى ايه_ المهم
ده هو اول واحد يمكن بعد كدة الوجع بيقل تدريجيا
اصل اعصاب خلايا الجلد اتعودت من الضرب لحد ما خلاص ما بقاش بيحس بيها قوى!!!1

الاخت فيما بعد عرفت انها فى ثانية طب عين شمس !!!
ده اللى فرق معاها انه مش هيتوجع مع القفا العشرين ان شاء الله!!
عادى عادى
المهم فى ظل الكمكمة و الناس ال ...... مصممة تفضل محشورة فى ال.....
و الحر بقى و بلا مقدمات سيدة محترمة مسكت فى سيد محترم و هاتك يا ضرب و سك و الفاظ

عاااااااااااااااادى!!

بس ما سألتونيش ايه اللى منزلنى الكلية قبل الامتحان
علما بانى 5 قديم
يعنى قعدت 12 شهر و داخلة فى ال 13 المفروض انى مقطعة المذاكرة
بس عادى
المهم ان رايحة أأجل و ووالدى متغاظ جدا
بس عااااااادى
و الاكثر عادى انى كنت بدفع المصاريف
عااااااادى برده
اشمعنى هتجي عليا انا و يبقى شئ يغيظ ايع يعنى
عادى!!!

tweety
25-09-2007, 04:01 AM
لا حول ولا قوة الا بالله

عادي يا بنتي

انا اللي اتغظت بقي قوي

الله يكون ف عونك بجد من كل اللي شوفتيه

بس هنقول ايه

عادي برضو

كلو يعيش وياكل عيش

حسبي الله ونعم الوكيل

broken nonna
25-09-2007, 04:24 AM
ابن عمى
اينعم ابن عمى
شاطر جدا دخل طب
اتخرج و ترتيبه ال 60 على الدفعة

هى حاجة تغيظ بصراحة بالذات انى بجيب ال ج ج بطلوع الروح
بس احنا قلنا ايه
عادى

كان طاير طير يا و لداااااااااااااه_يا حرقة قلب كل اللى مرتبين زيه علي نفسم لو اتحطوا فى مكانه
الجدع جه يوم الجلسة السرية لل100 الاوائل على دفعته اللى اتعملت فى سنتر برة الكلية عادى عادى
و قعدوا يقسوا و مش عارف ايه
انتيمه ابن دكتور الجلدية كان متفق معاه انه هياخد جلدية زى ابوه
بناءا عليه ابن عمى لحقله مكان فى جراحة

و هو اللى كان عاوزة

جم يوم التنسيق الرسمي الى فى الكلية كله بقى بيكتب اللى اتفقوا عليه
يفاجأ بعد كدة ابن عمى ان صاحبه ابن دكتور الجلدية غير رايه و اختار جراحة
و لانه ابن دكتور فى الجامعة
و لانه ترتيبه يسبق بتلات طلاب يدوب!!!

اخد هو نيابة جراحة و ابن عمى اخد نيابة جراحة برده بس اللى هى تلات سنين و بعد كدة برة الكلية

المسكين خلص ال3 سنين و لف على مستشفيات البلد من الشرق ل 6 اكتوبر
بس لانه حاسس انه مش واخد حقه لا كطالب متفوق لما كان طالب متفوق
و لا كطبيب لما بقى طبيب
قرر يسافر خد فى ديله و ساب البلد
هج على الدماااااااام

و لما تسمعه يتكلم دلوقتى
شوف بيوصف المستشفيات الحكومى بقت ازاى
و اد ايه الدكتور مكرم و مرتاح
و بيتحايلوا عليه دلوقت انه يروح مناطق تانية فى السعودية و بمرتبات مغريه

كل ده عااااااااااااااااادى
اخر الاخبار بقى
ان الدكتور اياه ابن دكتور الجلدية ايياه برده اخد اجازة بقى و لا استقال و لا ابوه ظبطه و لا ايه ما عرف
المهم انه رحل على فين
على الدماااااااااااام
اه
فى نفس المستشفى مع ابن عمى
اوعوا تتغاظوا اوعوا تقولوا غلس
انتوا فى رمضااااااااااان

قولوا عااااااااااااااااااادى!!1

broken nonna
25-09-2007, 04:37 AM
المفروض ان اللى هقوله ده classified

سر يعنى سر
!!

واحد معرفة ملازم شرطة _ايه السر فى كدة؟
لا لا مش ده السر
السر بقى انه فى وحدة انقاذ رهائن مكافحة ارهاب
يوم معرفة طبيعة مهنته فى الشرطة قلتله
ارهاب ارهاب!!
قالى اه
قلتله يعنى بيسفروك افغانستان؟
ضحك و قالى لا
انا بروح المنيا اسيوط و ...ز
قلتله دول فى مصر يا استاذى بقولهاله نظام انت اهبل هو لسه فى ارهاب فى مصر!!
ضحك و قاللى انتى هبلة (قلتها فى نفسي قالهالى فى وشي)
اه طبعا دى البلد ملغمة
برقت بعينى
قالى ايه يا بنتى عاااااادى!!

قلتله عادى
قالى اه عادى
هييييييييييييييييييه
(فكرته بحاجة باين)
سكتت قلت اما اشوف هيقول ايه
انت عارفة انا اتصابت فى مرة فى رجلى و كنا بنجيب و احد مطلوب سياسيا
و صاحبي مات
و الرصاصة و صلت للعضم و سافرت برة اتعالج و تلات اربع المصاريف كانت على حساب اسرتى
فى بالى بقول ما لازم ما نت ما تشبههش شريهان!!!

و اتصابت مرة كمان فى رجلى التانيه و فى راسي
من شظايا قنابل مولوتوف بس يالا الحمد لله

كله بيعدى

قلتله كله بيعدى!!!
قاللى اه يا بنتى كبري دماغك عادى!!

مصري متعصب
25-09-2007, 09:50 AM
عااااااااااااااااااااااااادي
فيها ايه يعني
ارجع بس من الكلية و احطلكم حجات حلوة تغيظ
اكتر حاجة غاظتني
الاجتماع السري بتاع ال100 الاوائل
اول مرة اعرف انك عين شمساوية

arownas
25-09-2007, 01:36 PM
"عادي في الزمان ده بتتقال على كل حاجة مش عادية"

كلمة والدتي لما بقولها عاااااااادي

arownas
25-09-2007, 01:40 PM
لما تدخل قسم شرطة تلاقيهم حاطين صورة حسني مبارك و صورة العادلي و بينهم الحديث الشريف
"عينان لا تمسهما النار عين بكت من خشية الله و عين باتت تحرس في سبيل الله"
مش ساعتها تقول عادي احسن مايجيلك حاجة و تطق تموت و انت واقف

broken nonna
25-09-2007, 08:22 PM
فعلا انا مش قصدي أغيظ حد بس لانى متغاظة بجد من كل حاجة بتحصل غير عادية و يتقال عليها عادية(احسنت التعبير والدتك يا دكتور ارو)و احكى لماما تقولى عادى
اقول لاخواتى يقولولى عادى!!!
حتى الاصحاب يقولولى عاااااااادى!!
يبقى لما انا اتغاظ و دمى يفور انا اللى ابقى غير عادية!!!
انا غلط شكلى كدة انا غلط!!!
ماعلينا عادى

broken nonna
25-09-2007, 08:43 PM
اتفرجوا اتفرجوا
على راى والدى بلد ماشية لورا!!!
بدفع المصاريف بتاعت خامسة
بقول للمدام اللى شغالة فىفى شئون الطلبة عاوزة اذن دفع لخامسة قديم
كتبت الاسم و الرقم و الدفعة
و استلمت الاذن و رايحة الخزنة ادفع
اسمع حوار بين طالبين ان الست كاتبه اسمه على اسم بنت و الوصل مش باين فيه
هيثم من ايناس و لا محمد من حسن لان الكتابة على بعضها!!!
خلانى بصيت فى وصلي رد فعل عااااادى
الاقى المدام كاتبالى المصاريف 112 جنيه مصري لا و مأكداها باللحروف كمان
قعدت افتكر هى المصاريف 50 جنيه يا بت و لا 112؟!!
قلت اسأل الولدين اللى واقفين صحيح شكلى هيبقى عااار انى بدفع المصاريف اخر السنة
بس عاااااادى
بقوله يا دكتور لوسمحت هى مصاريف خامسة كام قاللى 52 و نص جنيه
قولتله يعنى مش 112؟
قاللى لا ما انا لسه دافع
(يعنى مش انا بس اللى بدفع مصاريف اخر السنه يعنى طلع عادى فعلا)
رجعت للمدام بتاعت الشئون
بكل ادب بقولها انا 5 قديم المصاريف مش 52 جنيه و نص تقولى قديم
دور تانى يعنى؟
!!
اقولها يا ستى لا 5 قديم 5 قديييييييييييم
تقولى اااااااه
طيب ما ان عملالك الوصل كدة
قلتلها لا اهو الوصل كاتبالى 112 جنيه
مسكت الوصل قالتلى بعد ما كتبته
ارجعه ازاى انا ده تانى؟
ما ينفعش!!!
ما ينفعش!!
ادفع ضعف المبلغ عشان ما ينفع تكتيبيلى الوصل من اول و جديد؟!!
انا مالى اعملك ايه
تعمليلي ايه!!
قوليلي انا اعمل ايه؟
تقولى ايه بكل عااااادى
(انتى جاية تدفعى المصاريف و مش عاملة حسابك فى فلوس زيادة لاى ظروف؟!!)
و الله انا بهت على و ما حطيتش منطق!!
طبعا الحوار طول بيننا و هى ما فيش فايده
انتهى الامر الى انى احم احم
عيطت!!
بنت منقبة فى امتياز_ربنا يكرمها _حى وواحدة كمان كانوا واقفين كلموا الست
بس للاسف برده مافيش فايدة

لولا واحدة موظفة واقفة فى شباك التأجيلات هى اللى خدت الوصل و صلحت الدنيا
و الحمد لله ان الواحد فى ناس و لاد حلال بيقفوله.


هو ده اللى انا بتكلم عليه يا جماعة!!

عادى ادفع ضعف المبلغ بس مش عادى اصلح الوصل!!
عادى العسكرى يضرب البنى ادم و يهينه لانه بعد شوية مش هيحس بالوجع!!
عادى الست تمسك فى رقبة راجل غريب و تلطشه بالاقلام ادام الناس من غير سبب
اللهم بس ان الدنيا زحمة و حر و صيام و عفاريت الدنيا بيطنططوا فى وشها!!
عادى طالب شاطر مايخدش حقه لا فى شغل و لا بلده و اللى خد حقه برده فى الاخر يروحله يفرسه و يغيظه!!
عادى ضابط ينصاب و اهله يسفروه على حسابهم تقريبا و يعالجوه و لو مات يبقى ....وراح مالوش دية!!

يالاااااااااااااا عاااااااادي

مصري متعصب
25-09-2007, 09:12 PM
انتي بتتكلمي جد يا نونا
مرضتش تغير الوصل
معقول
بعدين ايه اذن الدفع دا
هو مختوم بكعب و للا ايه
فعلا بلد غريبة
بس متزعليش مني
عاااااااااااااااااااااااااااادي

kalamntena
25-09-2007, 09:24 PM
خدي حقك يا بروكن نونا ومتحرقيش دمك
اصل الناس اللى كل حاجة عندهم عادي
لازم يقابلوا اللى مش عادي عشان يعرفوا ان الله حق وان اللى بيعملوه ده مش عادي

HOSSAM ELDIEB
25-09-2007, 09:27 PM
الموضوع ما يستاهلش
خدي الوصل اللي مكتوب فيه 112 وادفعي 52 جنيه
واللي له حق عند التاني يدور عليه

sandy
25-09-2007, 11:08 PM
صحيح باين عليكي هو انت بروكن من شوية
بس اصلها حاجة تفرس يروح وراه المستشفي مع ابن عمك :mmmm mmmm عارفة انا لو منه انا كنت ولعت فيه وفي نفسي :aiaiai: ده ايه الحظ ده واسمعي كلام حسام هو جبهالك م الاخر !!! ...

Dr.ElFiky
25-09-2007, 11:35 PM
عارفه يا نونا

و انا بدفع السنه دى مصاريف السنه الأولى
يعنى اول مره و معرفش النظام ايه!!!!!!!!

بعد ما وقفت فى طابور طويل
الأذن وقع منى
و ملقتوش
و الكلام ده بعد ما حاربت علشان اوصل للخزنه


جيت مطلع ورقه و قلم من جيبى و سالت اللى قابلى المصاريف كام و عملت اذن لنفسى
صباح الدماااااااااغ

:smiley2::smiley2::smiley2:

broken nonna
26-09-2007, 02:34 AM
دكتور الفقى انا اعرف ناس توهوا موظف شئون الطلبة فى سنه تالته او تانية فى الكلام لحد ما بعد عن المكتب بتاعه و سحبوا صفحة كاملو مكونه من 6 وصولات فاضية ماعليهاش غير ختم و شعار الجامعةو اخدوها.
الفرق ان حضرتك دفعت المصاريف بالفعل دول مادفعوش المصاريف اصلا!!

بس اقولك ايه اذا كانت حالتك يتقال عليها عادى نص نص
حالتهم يتقالعليها عادى خالص!!!

broken nonna
26-09-2007, 04:06 AM
نظرا لان الموضوع ده يعد برده من الحاجات اللى غاظتنى جدا اواخر الصيف الماضى قلت انقله هنا بعد ما و ضعته فى موضوع
للمناقشةمع الاعتذار طبعا لاعادة وضعه هنا:
فى حوار شاءت الظروف ان تجمعنى_احد اطرافها_بشخص ما_الطرف التانى اللى احسبه على خير_لمدة ربع ساعة كان الاتى
فلان:ممكن اعرف وجهة نظرك للدين فى الجواز؟
انا:ها؟
انا بسأل حضرتك ايه هو الدين فى الجواز؟
اقصد يعنى ازاى تكونى متدينة و زوجك فى المستقبل و اولادك؟
يعنى جوزك امتى تقولى عليه متدين و انتى كمان؟
يعنى امتى تقولى ان اسرتك فى المستقبل عندها دين؟

اااااااااااااااه
اولا قبل ما اقول رايي لازم بس نتفق ان وصف احد بانه متدين مع ان انه يبان سهل يعنى لان المفروض ان الدين اسسه و اضحة الا انه لازال فى تباين و نسبي
يعنى اللى اقول عليه متدين جايز حضرتك ماتشوفوش كدة

بداية دبلوماسية ردى بقى

بالنسبة للزوجة المتدينة فى رايي
تكون محتشمة حجابها شرعى وزيها اسلامى اللى هو يعنى لا يصف و لا يشف و يكون واسع
و غير ملفت و لا مدعاة للفرجة
تساعد جوزها تحثه انه يتقدم فى شغله و فى دينه
يعنى تصحيه قبل الفجر _بذوق مش بشخط ونطر_يصلوا قيام جماعة يقروا قران كده كمسابقة فى ختمه و لو مكسل ينزل الصلاة فى المسجد
تفضل وراه
تجيبله سبحة هدية_و لازم اساس انها تهاديه بمناسبة و من غير مناسبة_ و تذكره باهمية التسبيح و الاستغفار
مصحف كمان للجيب عشان و هو فى الطريق للشغل ينشغل بيه احسن
كتاب اذكار ماشي
تكون مبتسمة باستمرار فى وشه و لو مضروبه علقة
و لادها نضاف يشرحوا القلب كدة
تبقى على راى جدتى سفنجة تمتص غضبه ضيقه همه
تبقى سره و لا تفضح امره لا لقريب و لا لبعيد
يعنى و باقى الوصايا العشر بتاعت ام لابنتها فى يوم زفافها
تذكره بسورة الكهف يوم الجمعة
و قراءة القران و صلاة القيام قبل الفجر
يتنافسوا فى ختم القران
يصوموا اتنين وخميس
يا سلام لو خدها كدة لو فى رمضان مثلا وراح بيها مسجد ووصلوه هناك
الله عليه كده وهو فى الجلابيه البيضا و جارر الولدين الصغيرين و رايحين المسجد
و ماما فى البيت مع بنوتتها بيصلوا جماعة
لو هى بتعرف تجويد تقول لجوزها و العكس
لوهى نسيت يفكرها
لو تعبت يساعدها
يعنى كدة

سكتت.....

فوجئت بالسؤال
ايه رايك فى الزوج الملتحى؟
احم احم
الملتحى_وهو كان ملتحى_
قاللى ايوة
بصراحة هى سنة عن النبي عليه الصلاة و السلام بس مش شرط تنفيذها
بمعنى؟
بمعنى ان لو مثلا مش لايقة عليه بلاش منها
و افرضى الناس بتقول لايقة عليه؟
طيب وزوجته؟
مالها و مال لحيته؟
مالها ازاى؟ ده اهم الناس معلش فى التعبير
ليه بقى ان شاء الله؟
ليه؟!!
طيب اقول حضرتك ما نعكس الوضع
هى مطولة شعرها و انت عاوزة قصير تعمل ايه هى؟
تعمله زى مانا عاوزه
نفس الكلام ينطبق عليها لو مش عاجبها لحية زوجها
يا سلاااام
طيب قوليلي بقى على كدة
ايه رايك فى النقاب؟
و الله انا مش جهة فتوى بس كراى عام اسال الله انه ما يؤاخذنيش اذا كان غلط
النقاب فضيلة و فى الوقت الحالى بيصون المرأة و...
قاطعنى_الظاهر كان اتخنق
الوقت الحالى؟
اه يعنى بقت المحجبة بتتعاكس زى الغير محجبة
تتعاكس لا هى الزوجة المتدينة فى نظرك تنزل الشارع بلا داعى او من غير زوجها فتتعاكس
؟!!
اولا وضحلى بلا داعى افرض موظفة و لا....
قاطعنى تانى!!!
ايه ايه
موظفة
؟
ايوة مثلا مدرسة و لا طبيبة و لا....
طيب ثوانى بس
اصلك مسكتى قضية تانيه شغل للست؟!!!
ايوه ايه الغلط طيب قولى راي حضرتك
المدرسة ماهى تدرس لولادها فى البيت و الطبيبة تنفع بيتها وزجها و اولادها اذا عيوا
بس....
واضح انك ناوية تشتغلى بعد الزواج
ايوه ان شاء الله اصل .....
و الله يا دكتورة انا مختلف معاكى فى حاجات كدة
قاطعته انا بقى المرة دى(حقى و لا لأ)
فى ايه؟
مثلا رايك فى اللحية شغل المرأة ووصفك للزوج و الزوجة و الاسرة المتدينة اللى فى الاول
لا طيب فسرلى ليه؟
اللحية اصلها سنة مش هخسر حسنات اقتائى بسنة النبي عشان المدام مش عجباها
و شغل المرأة الست تتصان فى البيت تراعى بيتها وولادها و مدام جوزها مكفيها ماديا خلاص
حتى لو طبيبة مع احترامى او مدرسة و انتى االى قلتى ان الزمن ناسه صعبة و يتخاف على اى بنت
و بصراحة الدين مش بس يصحوا بعض الفجر و يقروا قران سوا و لا يصوموا نوافل
ده الدين بين الزوجين حاجات تانية عن كدة
الحاجة الوحيدة اللى اتفق معاكى فيها النقاب

لا اختلف (بابتسامة مكر و ربنا يسامحنى)
مش فاهم!!
الاول امسك االى غلط عندى
اللحية: المفروض ان الزوجة تتجمل لزوجها قصى شعرك الطويل مثلا
و لو رفضت حقك غيرها مثلا برده و تقص شعرها زى ماانت حابب
لكن المسكينة اللى مالهاش الا زوج واحد ومش عاجبها شعره الطويل و لا لحيته
تعمل ايه؟!!
زى ما المراة المفروض انها تتجمل لزوجا لازم يتجمل الزوج لزوجته

اه بس ما تنسيش.....

لا معلش ثوانى
شغل المرأة لو قعدت المدرسة فى البيت هيحل محلها مدرس راجل يدرس للبنات
و لا الطبيبة مين هيولد باقى ستات المسلمين

اه دكتورة النسا بس فعلا اللى من حقها تشتغل
يا سلام
و اللى عينها بتوجعها و لا سنانها و لا بطنها و لا رجلها و لا .....
تروح لدكتور راجل لان الدكتورة اللمتخصصة فى بيتها

اما دين الاسرة
مش فاهمة ايه الحاجات التانية اللى فى الدين غير
الحث على الافضل فى الدين و العمل

اما نقطة النقاب فاذا قلت انه فرض على كل مسلمة
ممكن اعرف ايه لاومته مادام حضرتك قعدت المسلمات فى البيت

ليه مش هيخرجوا مع ازواجهم فى زيارات فى خروج عام للنوادى مثلا
مالازم يلبسوا نقاب

الله و هى مش خارجة مع جوزها زى ماحضرتك شرطت لخروجها من البيت
و مادام هو معاها يبقى مش هتتعاكس ان شاء الله

بتتريقي يا دكتورة؟!!(بصراحة حسيت انه غضب)
اعمل ايه ما اصل حضرتك فرضت النقاب و اللى مش لابساه تبقى مش متدينة و لا ايه؟
لا بس ما تبقاش متدينة قوى!!!!
لاحول و لا قوة الا بالله يعنى انا لازم البس ملحفة ساااااااااادة
ما ينفعش تونيك من كتفى لرجلى طويل سااااااااااااادة او حتى نقشته خفيفة
الاتنين نفس معنى ساااااااتر تماما
الاتنين نفس معنى لا يصف و لا يشف
الاتننين مش بهرجو و لا فرجة
لازم اغطى وشي تماما
ما ينفعش حجاب يبقى ايشارب طيل يغطى الصدر و الضهر و مايبيتش الشعر و وش مغسول بميه وصابونة و اقلب و انا نازلة (من غير ماكياج يعنى)
لازم جوانتى يعنى ما ينفعش الكم الطويل و المعاصم و خلافه

يعنى لازم نقاب و الا ما تبقاش متدينة؟!!

سكتنااااااااااااااااااااا

ملحوظة_
ماحدش يسألنى عن النتيجة ماشي <!-- / message -->

<!-- controls -->http://www.medicine.cu.edu.eg/english/students/forum/images/misc/progress.gif

sameh_ig
26-09-2007, 05:15 AM
استمرى فى الكتابة

انا مستمتع جداااااااااااااااااااااااااا

فضفضى :smiley4.:

broken nonna
26-09-2007, 07:14 AM
و الله ما عارفة اقولك ايه يا دكتور سامح
شكرا بجد بس مستمتع دى معلش يعنى مستمتع بانى متغاظة يعنى و لا بايه يا فندم!!
انا بهزر بجد يسعدنى انى الاقى حد ممستمتع من اى حاجة فى الدنيا دى

broken nonna
26-09-2007, 08:06 AM
صديقة عزيزة ربنا يباركلها و متزوجة حديثا و يارب يا رب تستمر فى زيجتها على خير
فلانة الفلانية دى قبل ما تتخطب كانت لها مقولة شهيرة لكل البنات اللى تعرفهم
اوعوا واحدة فيكم تتخطب قبلى!!!
كانت كل ما نمشي فى الشارع تشوف مثلا بدى مدندش_لا مؤاخذة_اقولها ده ليه يا امى
تقولى عشان لما اتجوز
بنطلون اكيد اكيد مش هيدخل فيها و مسيرها تشحته
ليه يا بنتى؟
تقولى لما اتجوز!!
سبت فاكهة برده عشان لما تتجوز
المهم لنها اتخطبت
و اه لما اتخطبت!!!
اسمع عن الاحلام الوردية و حدث و لا حرج
قال ايه الفرح هتعمله فى قاعة كبيرة تساعى 200 فرد
و هتفصل فستان ب 3000 جنيه
و هتعمل برامج مختلفة فى الفرح زى مثلا البنات الباليرينات اللى هيرقصوا حوليهم و لا الدخان و الليزر
و نظام الصور المختلفة للعروسين فى مراحل العمر المختلفة
و اوتوجراف على باب القاعة عشان كل اللى داخل يكتب تهنئة للعروسين
طبعا احنا يا بنات_لم نخطب بعد_ كان كل اللى فات ده بيخلينا نتجن و تتمنى اليوم اللى تعمل فيه زى صاحبتنا
(عادى جدا ده طبيعة فى الفيميلز )
جه يوم الفرح رحنا
و هناك تحطمت كل احلامنا احنا الوردية!!
القاعة كانت يدوب يدوب تساعى 100 فرد و انا شخصيا كنت نص الوقت واقفة على كعوب الجزمة لما فقفقت و بقى كل كلو و كلو اد الزتونه
اصلي لا مؤاخذة طالبة طب و طب يعنى مشورة و دور سادس و سابع فى المستشفى على رجلك و على رجلك يعنى لازم تكونى مرتاحة و مرتاحة يعنى كوتشي فلات و كوتشي فلات يعنى مش متعودة على العالى و العالى يعنى مناسبة و المناسبة كانت فرح و الفرح كانت كراسيه قليلة و قليلية يعنى نص الوقت و اقفة بالكعب العالى ووواقفة كتير بطعب كبير يعنى كلو
وصلت ؟!!
تمااااااام
المهم
فوجئنا بالصدمة التانية مافى ست و لا بنت فى الفرح الا شبهت على فستان العروسة و طلع فى الاخر فستان اختها اللى كلنا حضرنا فرحها
الصدمة التالتة لا كان فى دخان و لا ليزر و لا صور و لا باليرينات!!
الحاجة الوحيدة اللى صدقوا فيها الاتوجراف اللى كان على باب القاعة
كل ده عادى و ما فيهوش مشكلة
بس اللى مش عادى ليه الفشخرة اللى من الاول لا مؤاخذة
لازم يعنى اللى ماتخطبوش و لا اتجوزوش يتفرسوا و يتغاظوا و يتحرق دمهم
و الا ده بقى عادى زى اى عادى بيفرس و يحرق الدم
ملحوظة:
يعلم ربنا انى لا شمتانة فيها و لا عمرى هشمت فيها و لا فى غيرها
و الحمد لله ده مش طبعى بس انا بيضايقنى النوع اللى من البشر اللى كأنهم محدثين نعمة
و هعمل و هسوي و فى الاخر و لا حاجة من كل اللى اتقال!!

broken nonna
26-09-2007, 08:57 AM
فى زيارة لنا انا و اسرتى لقرايب لنا عندهم بنت فى امتياز اسنان القاهرة
دخلنا انا و البنت البلكونة و فى البلكونة كان نص الحوار الاول:
فلانة: ها عمله ايه فى بشري؟
انا:و الله ماشية فيه بالزق طب صعبة بالذات انى عين شمس
يا بنتى مهما كانت صعبة فمش زى القصر العينى
و الله الله اعلم انا بتكلم على كليتى لانى مجرباها فى المناهج و الجاول و الامتحانات
لكن معرفش القصر العينى ايه نظامهم
يا بنتى عين شمس دى واخده سمعة على الفاضى من الهوا كدة
القصر العينى هو الاساس
قلتلها و انا فى شدة الغيظ بس قلت فى بالى انا بيتهم و ضيفة اتلم احسن
و الله جايز
ترد تقولى بس اسنان احسن من بشري
قلتلها احسن ازاى يعنى
قالتلى اه اسنان تخصصاتها اعم و اشمل من بشري!!!
الجملة صعقتنى بصراحة تخصصات ايه اللى فى اسنان!!
فقلتلها اعم و اشمل!!
تقولى ايوة يا بنتى تخصصات اسنا اكتر طيب تعرفى ان طب اسنان القصر العينى اسمه طب الفم و الاسنان فى حين ان فى كليات اسنان كتير فى مصر اسمها طب اسنان بس!!
قلتلها و الله !!
تفرق فم و اسنان عن اسنان بس!!
تقولى يا بنتى طبعا(وانا مصرة احط يا بنتى فى الحوار لانها كانت مصرة ترشه فى الكلام زى الملح مش هقول سكر معلش).
طبعا استفزتنى لدرجة رديت
قلتلها بقى اسنان تخصصاتها اكتر من بشري
ليه بتدرسوا سنه سنه فى مجلدات
و لا على يفط العيادات بتكتبوا دكتور كانينز او دكتور مولارز
و لا جايز دكتور فم فقط
او اسنان فقط
وواحد بقى تخصص خلع و التانى تركيب طرابيش
و واحد لحشو الضرس و التانى لحشو العصب
!!
عموما فى بشري الدكتور يفهم فى كل حاجة
و لو مثلا باطنى بيكتب و يحدد انه باطنية امراض جهاز هضمى
و مش بس كده دة ممكن كمان يكتب امراض كبد او امراض دم
و هكذا تخصص جوة تخصص جوة تخصص
تقوليلي اسنان تخصصاتها اكتر من بشري!!
ما سكتتش برده
قال ايه برده اسنان احسن من بشري
قلت اقولها الاتنين بيتقالهم يا دكتور
صحيح اسنان تتميز بانها 5 سنين يعنى اللى مش عاوزة تتعب نفسها فى المذاكرة بقيت حياتها
و الا اللى عاوزة تتجوز و تخلص من هم الكتب تدخل اسنان حتى هى احسن للولاد 5 سنين و سنه امتياز و جيش و خلص
لكن بكالوريوس طب بشري من غير دراسات بعده ما يشغلش و لا يأكل عيش
تقولى لا مش بس عشان كدة دة احنا مطلوبين للشغل اكتر من بشري!!
قلت على و على اعدائى انا بتكلم بادب مش نافع اصلي
قلتلها اه ده بامارة مانتوا بتحتاسوا بعد الامتياز و ماتلقوش شغل عشان تكليفكم اتلغى
على الاقل احنا لسة تكليفنا موجود و لو فكروا مجرد تفكير انهم يلغوه يتاكلوا صاحيين
و دانها احمرت عنيها بدات تلمع
انقذتها اختها منى و قالت لها انتى مش ناسية الشاى على النار
خرجت الدكتورة دقايق و سمعت صوت فى الصالة خرجنا من البلكونة
لقينا الدكتورة واقفة بتعيد الحوار على والدى ووالدتى و ووالديها
بابا مبتسم و عامل مصدقها
باباها بيحاول ينطق و دى قطر ديزل
ماما و مامتها عمالين يقولوا ياختى من اسنا لبشري الاتنين بيتجوزوا و يقعدوا فى البيت
المهم ان بابا بصلى بصة مغزاها اتلمى
فسكت
تروح الاخت مستمرة فى الكلام و كله بيسمع لحد ما انفجرت
قال ايه اسنان زى بشري الاتنين ما يعرفوش يحضروا اى نوع من انواع الدراسات اثناء الامتياز
نطقت و قلتلها لا يا دكتورة و مش هقولك من عين شمس بقى لا من عندكم من القصر العينى اعرف دكتور بيحضر زمالة(معلش يا دكتور برايت هبطت على ذاكرتى وقتها)
سكتت
بس الظاهر ان العيلة دى مريضة بالتعصب للكليات لقيت اختها بتقول جملة من غير مناسبة اصلا
بس تجارة انجليزى احسن من تجارة عربى!!
بتلقح كلام على اخويا لانه تجارة عربى
و اخويا ساكت
و مامتها بتضحك ضحكة
باب بقى الى كانت عمال يقول لاخويا ثبتتك البنت يا راجل؟!!
بابا بيقولها بهزار وانا عارفة انه من جواه متغاظ
و بينى بينكم انا اللى اتحقنت مش اخويا
لقيت نفسي برد
بقولها بصي صحيح تجارة انجليزى فرصهم فى الشغل اكتر من العربي بس كله بيتساوى لان كله لازم ياخد كورسات انجليزى فى الاخر و كمبيوتر و بعدين لامؤاخذة يعنى انتىلو جالك عريس تجارة عربى فى زمن فيه العرسان شحة هتوافقى عليه و لو قلتيله اسفة انا تجارة انجليزى هيسيبك و ياخد دكتورة ماتزعليش منى
بس صدقينى انا متأكدة انك هتوافقى عليه و كمان لو قالك مافيش شغل هتقعدى فى البيت يعنى لا تجارة انجليزى و لا عربي هيفرق قوى مع البنات بالذات
سكوووووووووت و هوب كلام فى الكورة و هيقلب الموضوع على مفاضلة تالته بين الاهلى و الزمالك
باب قال نمشي بقى
حبيبي بابا طول الطريق ماشي كدة منتفخ الاوداج
بس ماما اللى صعبت عليا
طول الوقت عمالة تقول قلبى اتحرق من الشاى
اصلهم ماقدموش غيره!!!

broken nonna
26-09-2007, 09:04 AM
نسيت اقولكم اخر الاخبار
طنط قريبتنا مامت دكتورة الاسنان اياها كان عندها toothache
هيموتها فوجئنا بالتليفون بتسألنى انا يا طالبة لسة و بشري عن مسكن فعال
طبعا اول سؤال امال دكتورة ...فين؟
قالتلى بسذاجة لا ما هى وصفتلى فولتارين و ريفوو ككيتوفان و كيتولاك بس ما فيش فايدة.
المهم قلتلها يا طنط جربي ميلوكام
بعدها باسبوع بتقولى مش ممكن ده دوا سحري و لا ايه؟!!

cuty
26-09-2007, 10:31 AM
حقيقي 000 ربنا يكون في عونك:takh: 000


بس أسمعي لازم تفضفضي أول بأول 000:smiley2:



لحسن أنتي بجد خوفتيني عليكي :confused:000

broken nonna
26-09-2007, 10:38 AM
مانا بفضفض اهو يا كيوتى صدقينى مافيش احسن من الكتابة يريح بجد
انا كنت بكتب على ورق و لما اهدى اقطعه لهو طريقة كنت ماشية عليها عشان
ما جبش احباط لحد لما احكيله .
بس صراحة الاربع شهور اللى فاتوا انا شفت فيهم العبر و لازلت و الله بشوف
لا وورا بعضه مالقيتش غير المنتدى صراحة فى وشى و الكي بورد تحت صوابعى
معلش اذا جبتلكم احباط يا جماعة اعذرونى.

broken nonna
26-09-2007, 11:04 AM
فى امتحان راوند الاطفال شفت الامرين
الجو حر و دول راكبين دماغهم لازم بلاطى
تبصي على العيال تلاقى الكتب اللى بالكوم و كأنهم هيقروها كلها وهما واقفين ادام اللجنة
عادى عادى
60 نائب يعدى ادامك يسألك انتى وحدة مين و هتمتحنى فى وحدة مين
و لا واحد من ال 60 دول بشوفهم تانى و لا حتى عشان ينادوا علينا و يقولولنا هنمتحن فين
طيب كان ليه بيسألوا اصلا!!!
الله اعلم
عادى عادى
فضا جايز!!
تقعدى فى ممر متر و نص عرض و طويل صحيح بس دول 500 طالب اللى هما تلت الدفعة اللى فى راوند الاطفال
فى ممر ما فيهوش تهوية و لا شبابيك عدلة تلاقي شبهة شبهة بلكونة تطلعى تقفى شمس مووووووووووت و انت استحملتى الشمس مش هتقدرى تستحملى ريحة الكوافيل وغيارات الاطفال و الملايات اللى تقريبا نتنت
علما بان دفعتى هى الدفعة التالتة اللى تضطر ادارة الكلية الى نقل راوند الاطفال بتاعها الى مطابخ مستشفى النسا نظرا لوجود اصلاحات و تجديدات فى مستشفى الاطفال!!!
لا داعى لان اصف مطبخ مستشفى النسا اللى كنت بتحشر فيه انا و 70 طالب و طالبة يوميا اربع ساعات
غير طبعا الحالات اللى بتدخل
مطبخ يعنى عاوزين مساحته اد ايه و لا فى اصلا مراوح و لا لأ!!
المهم واقفين فى ممر مستشفى الاطفال بالدمرداش تقرا على ايدك اليمين و حدة النيوناتولوجى
_مزبلة لا مؤاخذة_ و على شمالك غرف العزل_مسخرة لامؤاخذة برده.
!!
عاااااااادى عااااااااااااادى
تلاقى ارقام عشوائيه 1100 و راه 765 و هكذا ارقام لا علاقة ببعضها البعض نهائى
و لما تسأل مين دول يقولولك دوول اللى متوصى عليهم و داخلين اما عن رئيس القسم او احد معارفه
و لا يهمنى يا سلام
عااادى
من 8 صباحا الى ال 12 ظهرا لسة ما تعرفش اصلا انت لجنتك عند دكتور مين !!
نو بروبلم
عادى!!
12 ظ بالضبط تيجى نائبة تاخدك وراها الممر رايح جاى مرتين على أمل انها تصرفك مع اى دكتور يمتحنى و يجر فى ديلي باقى الجروب و فى الاخر ترجعى نفس المكان
عاااااااااااادى
12 و نص يقولولك انتى و الجروب بتاعك انك و حدة دكتور فلان
تسألى فلان ده اصلا بتاع ايه؟
يقولولك كارديولوجى
تلطمى انتى و اصحابك احنا ما اخدناش و لا كيس كارديو يا عالم
نمتحن كارديو ازاى؟!!
يقولولك انتى مش اخدتى الاطفال فى شهر و نص بحالهم اكيد اخدتى كارديو سمعتى ال مرمرز
تصوتى تعيطى يجيلك نائب رئيس القسم _ نسيب رئيس القسم و قائم بأعمال_ يقولك ما فيش دكتور اطفال من الستاف هيرحمك
قال ايه لانهم كانوا زمان بيبقى فى عز الشتا و عندهم برونكيتيس و حالتهم كرب و بيشتغلوا غصب عنهم
فما عندهمش دلع!!
عااااااااااااااااادى
تدخلى تمتحنى فى وحدة كارديو تلاقى نافسك واخدة كيس نيورو و كيس جى اى تى و اللى جنبك واخدة حالتين كارديو
عدم تنظيم و لا مساواه فى اسئلة الامتحان بين الطلبة
عادى
ما اخدناش كارديو يسألك الدكتور فى حالة كاريو
ما ترضيش تسمعى من المنقى يا خيار
من اول يا متخلفة يا طرشة
لحد
برااااااااااااااا الله يخرب بيوتكم انتوا تقعدوا فى البيت احسن(وحقيقي كان الله فى عونها زميلتى اللى اتحطت فى الموقف ده ادام الجميع)
برده عاااااااااادى
تيجى مروحة تعتبر معنوياتك احسن من غيرك نفدتى من الكارديو الى لا تفقى فيه muffled من accentuated
و تصادفى واحدة عمرك ماعرفتى اسمها و لا كان ليكي علاقة بيها الا صباح الخيلر صباح النور
على السريع كدة و خلاص
توقفك مخصوص تقولك عملتى ايه
تردى بتنهيدة و كسرة عين
يعننى الحمد لله الذى لا يحمد على مكروه سواه
و انتى؟
ترد بكل جبروت:
انا بنت دكتور.....
(رئيس وحدة الكارديو اللى امتحنت فيها(
رحمتك ياااااااااااااااااااارب
مشيها عااااااااااااااااااااااااادى

أبو المعاطى شمروخ
26-09-2007, 02:08 PM
والله انا كمان يا نونا بستمتع زى دكتور سامح

الجملة دى اتفاجات بيها وعجبتنى جدا
عندكم من القصر العينى اعرف دكتور بيحضر زمالة(معلش يا دكتور برايت هبطت على ذاكرتى وقتها


ههههههههههههههههه

arownas
26-09-2007, 02:20 PM
ايه حظك ده انتي متنقيلك الناس دي نقاوة على الفرازة
استمري يا بروكن نونا احنا مش عاوزينك
يجيلك ضغط و لا سكر
طلعي كل اللي عندك
انفجري :tom&jery:

sameh_ig
26-09-2007, 03:59 PM
تصدقى بلى خلقك قولى لا الة الا اللة

المفروض يتعملك باب هنا فى المنتدى بى اسمك اسمة حكايات نونا
مبهزرش واللة بس اصبح شى اساسى انى اخش اقرا الفضفضة الرائعة دية


استمرى و متمليش و كملى المسيرة
احنا جنودك يا منصورررررررررررررر

dr_angel
26-09-2007, 04:13 PM
يعيينى عليكى يابنتى
بس والله وانا بقرأ كلامك حسة انى بتعبرى عن حاجات كتير جوايا
كملى وفضفضى وخرجى كل اللى جواكى
وخدى الامور ببساطة شديدة وعااااااااااااااااااادى

STROMA
26-09-2007, 04:39 PM
حلوة اوى حكاياتك يا نونتى

وربنا يكون فى عونك يا بنتى والله

بس شايفه انك بتاخدى كل حاجه على اعصابك وما بتنسيهاش ودى ممكن تضرك

بس باقولك ايه اوعى تنسى قبل ما تكملليلنا الحكايات الجامده دى:icon_mrgr

broken nonna
26-09-2007, 05:47 PM
, و الله يا جماعة انا مش لاقية كلام اقوله بس ربنا يكرمكم
انا لما بدات اكتب الحاجات دى ماكنتش حاطة فى بالى انه يعجب حد لدرجة انى توقعت ان ماحدش هيرد ,حقيقي ربنا يكرمكم.
دكتور سامح مسعد يسعدنى ان حضرتك مستمتع كدة و الله
دكتور سامح اى جى اولا
لا اله الا الله
ثانيا مش لاقية كلام فى ثانيا !!!
اخجلتم تواضعنا يا فندم باطرائك على حكاياتى المتواضعة.
دكتور ارو الظاهر كدة فعلا انهم منقينى انا للمواقف دى .
انجل صدقينى انا مابقولش جديد ده كله بيحصل و هيحصل كل يوم و الوصف عادى بس هى المشكلة انه حصلى ورا بعضه فعارفة وصلت لمرحلة بقيتخلاص على اخرى خوفى لانفجر فى مرة فعلا على راى دكتور ارو خلانى ابعبع.
ستروما و قت الموقف نفسه بتضايقى اكيد بتروحى البيت بتلاقى ماما فى المطبخ كل ما تيجى تحكيلها تقولك ها بس هاتى طماطم الاول بس هاتى الخيار
اقولك اعملى السلطة و انتى واقفة بتحكى!!
طبعا بحقن فى نفسي لانى عارفة انها مش مركزة معايا صحيح هو مش ذنبها حبيبتى ده ذنب التوقيت اللى بحكى فيهو التوقيت الى حصلت فيه المشكلة
بعدها بتكون حدة انفعالك و غيظك قلوا شوية ترجعى تكومى كل الل حصل فوق دماغك امتى لما يتكوموا ورا بعض و ماتلحقيش تاخدى هدنة من الموقف ورا الموقف.
ادعيلي بس يفضل عندي اعصاب يا ستروما ادعيلي.

STROMA
26-09-2007, 05:53 PM
ستروما و قت الموقف نفسه بتضايقى اكيد بتروحى البيت بتلاقى ماما فى المطبخ كل ما تيجى تحكيلها تقولك ها بس هاتى طماطم الاول بس هاتى الخيار
اقولك اعملى السلطة و انتى واقفة بتحكى!!
طبعا بحقن فى نفسي لانى عارفة انها مش مركزة معايا صحيح هو مش ذنبها حبيبتى ده ذنب التوقيت اللى بحكى فيهو التوقيت الى حصلت فيه المشكلة
بعدها بتكون حدة انفعالك و غيظك قلوا شوية ترجعى تكومى كل الل حصل فوق دماغك امتى لما يتكوموا ورا بعض و ماتلحقيش تاخدى هدنة من الموقف ورا الموقف.
ادعيلي بس يفضل عندي اعصاب يا ستروما ادعيلي.


مقدره موقفك والله يا نونتى

ساعات فعلا الواحد مش بيلاقى حد يسمعله او يشتكى له همه او ايه اللى مضايقه وعشان كده الحاجات دى بتتراكم جوا الواحد طبعا ممكن يكون اللى مش مهتم مش قصده انه ما يهتمش بس فعلا هوا التوقيت ممكن يكون مش مناسب للحكاوى

احكى احكى وفضفضى

broken nonna
26-09-2007, 06:05 PM
دكتور مصري اولا الله اكرم.
ربنا يخليك شكرا ولو ان حياتى مش تحفة قوى يعنى هى مقبولة و الحمد لله
و راضية عنها الى حد ما.
بجد متشكرة على ردك جدا.

مصري متعصب
26-09-2007, 06:14 PM
اصلي لا مؤاخذة طالبة طب و طب يعنى مشورة و دور سادس و سابع فى المستشفى على رجلك و على رجلك يعنى لازم تكونى مرتاحة و مرتاحة يعنى كوتشي فلات و كوتشي فلات يعنى مش متعودة على العالى و العالى يعنى مناسبة و المناسبة كانت فرح و الفرح كانت كراسيه قليلة و قليلية يعنى نص الوقت و اقفة بالكعب العالى ووواقفة كتير بطعب كبير يعنى كلو



هههههههههههههههههههههههههههههههههههههههههههههه
مش ممكن ....يا نونا
والله العظيم .....اللي على الفرن اتحرق ونا قاعد مستمتع بقراءة القصص دي
اسلوب الكتابة رائع
على فكرة انا بردو لما اتغاظ بكتب في ورق....بس مبقطعوش
على فكرة انا قصر عيناوي واحنا الاساس
هههههههههههههههههههههههههههههههههههههه

broken nonna
26-09-2007, 09:45 PM
يا دكتور مصري يعنى فاكرنى هنبسط لما اعرف ان الاكل اتحرق بسببي طيب فطرت فين؟
وانت اصلا عندك مشكلة فى موضوع الفطار و الاكل الفروزن ده
عموما يا سيدي شكرا بس ابقى خد بالك من الاكل اللى على النار المرة الجاية.
بالنسبة للى قلته عن احم احم الكعب العالى يؤسفنى انها حقيقة
!!!
بالنسبة قصر عينى او قصر ليلى عين شمسي او عين قمرى ده مش هيفرق كتيرالمهم اننا فى الاخر دكاترة و من جامعات لها اسمها و بالتأكيد القصر العينى الاساس ....
تماام كدة:smiley20::smiley20::smiley20:

مصري متعصب
26-09-2007, 10:05 PM
يا دكتور مصري يعنى فاكرنى هنبسط لما اعرف ان الاكل اتحرق بسببي طيب فطرت فين؟
وانت اصلا عندك مشكلة فى موضوع الفطار و الاكل الفروزن ده
عموما يا سيدي شكرا بس ابقى خد بالك من الاكل اللى على النار المرة الجاية.
بالنسبة للى قلته عن احم احم الكعب العالى يؤسفنى انها حقيقة
!!!
بالنسبة قصر عينى او قصر ليلى عين شمسي او عين قمرى ده مش هيفرق كتيرالمهم اننا فى الاخر دكاترة و من جامعات لها اسمها و بالتأكيد القصر العينى الاساس ....
تماام كدة:smiley20::smiley20::smiley20:


لا...الظاهر اني موضحتش كويس
انا كنت بغلي تمر هندي ....عشان اعمل عصير
الميه نشفت و التمر اتحرق
بس ......هو دا الموضوع
الغريب ان كل مرة اليه بتفور ....فبتطفي البوتاجاز و كان الله بالسر عليم
اشمعنا المرة دي الميه اتبخرت و نشفت
حلوة قصر ليلي دي
هههههههههههههههههههه

broken nonna
26-09-2007, 10:25 PM
مش عارفة صراحة هو التمر بتغلى و لا بيتنقع
اصل احنا صراحة بننقعه.
عموما كونف يفور فى العادى ويطفى النار مصيبة تانية يا دكتور و لا انت مش واخد بالك؟!!
يعنى فى غاز بيتسرب!!
حرااام عليك يا مصرى ده بقى عااادى ده كمان و لا ايه؟!!

broken nonna
26-09-2007, 10:26 PM
عادى جدا ان جارة تبعتلى عشان اقيس ضغط والدتها او ضغطها هى شخصيا
عاااادى جدا تتصل بي صاحبتى و انا فى الكلية تسألنى عن اسم قطرة كويسة لاحمرار العين
و لما تقولها فايزين كويسة
تسألنى الحمرا و لا الخضرا
!!!
و لما ترد عليها و تقولها مافيش فرق قوى يا بنتى اللهم اذا كنتى بتعتبري فرق السعر فى جنيه و لا حاجة فرق
تقولك طيب مانا عارفة
طيب بتسألى ليه
غلاسة و لا بتمتحنينى؟!!
تقولك لا عادى
!!
و قياسا على هذا العادى فعاااادى جدا ان بواب عمارتنا يطلع يخبط على باب بيتنا
اضطر افتح و اقوله و الله انا لوحدى معلش
يقولى لا بس انا اصلي عندى دى عين السمتة بتودعنى!!
اقوله طيب استنى لما والدي ييجى بعد العصر و لا بعد الفطار و ابقى اطلع اشوفك
يقولى
لا اصل عين السمتة بتودعنى!!
اضطر افندق باب الشقة و اطلع كرسي و اقعد على السلم اشوف عين السمتة اللى بتودعه!!!
عاااادي عاااادي!!
ابص على بطن رجله الاقى مش عين سمكة ممكن نقول السمكة نفسها
اقوله ايه ده انت البتاعة دى عندك من امتى يقولى من 3 شهور
يا اخى سا يبها من 3 سهور يقولى لا
ام رشا_مراته_دابت ابرة و سخنتها و غزتها فيهاّ!!
عادي عادى
و قال ايه فوجئ بأن البتاعة دى بتطلع مدة !!!
لا اله الا الله ما عادى عااادي
سألته و ده جاتلك من ايه؟
يرد يقولى ابدا ده و انا شيل الطوب عورتنى حجارة و بعدين لما كنت لابس الشبشب و ماعرفتش امشي بيه قلعته
قلتله قلعته ورجلك مجروحة و مشيت فى الشارع حافى بقى ده اسمه كلام؟!
يقولى بكل براءة لا ما انا ماكنتش فى الشارع ده انا كنت بعجن المونة مع الواد...
مونة!!
مجروح و قلعت الشبشب ووقفت فى وسط المونه!!
و مش عاوز تجيلك عين السمتة!!
ضحك
المهم انها ما كانتش عين سمكة دي كانت عين سبع
قصدى خراج بس لما مراته غزته بالابرة نزل حبة صديد و ماكان الابرة عملت سكار
قالك بقى ده عين سمكة!!
طبعا تدوس على الخراج يصوت من الالم فقلت يبقى لسة فيها صديد قلتله يحط رجله فى مية دافية كل شوية و ياخد مضاد حيوى مرهم على انتى انفلاماتورى _ريباريل اظن _
الصبح خبط علينا فتحت لاقيته شايل اكياس اسمنت و طالع فوق
وواقف حافى
بقوله خير؟
قاللى انا قلت اشكرك رجلى صحت
صحت ايه؟
دول تلات تيام !!
قالى ايوة بس خست عن الاول و مابقتش توجعه
طيب و قفت الحاجة؟
قاللى ايوة
قلتله لا ما توقفهاش كمان 6 ايام و لا حاجة
و انت قلى طالع حافى تانى
قاللى اه اصلي لازم اعدن المونة!!!!
عادى جدا يصر اشوفه و مافيش حد فى البيت عاادى عشم عشم!!
عاادى جدا مراته تخرمله رجلة بابرة و تنزلله مدة عاادى!!
عااادى جدا يشتغل بجرح مفتوح و مكشوف فى اسمنت و مونة عااادى!!!
عاادي جدا يصبر على جرحة و مرضع 3 شهور عااادى
عااادى بعد تلات تيام علاج يوقف الدوا بمزاااااجه عااااااااااادى!!

مصري متعصب
26-09-2007, 10:40 PM
مش عارفة صراحة هو التمر بتغلى و لا بيتنقع
اصل احنا صراحة بننقعه.
لا هو بيتنقع
بس نا مستعجل فبغليه
دي وسائل طبخ العزاب....انت متعرفيهاش
عموما كونف يفور فى العادى ويطفى النار مصيبة تانية يا دكتور و لا انت مش واخد بالك؟!!
يعنى فى غاز بيتسرب!!
في مناخير بتشم والله
دا غير ان الميه لما تفور بتقول تششششششششش
اكيد انا بسمع التش دي
حرااام عليك يا مصرى ده بقى عااادى ده كمان و لا ايه؟!!

يا بنتي داعاااااااااااااااااااااااااادي
امال لو شفتي اللي مش عاااااااااادي تقولي ايه

dr_angel
26-09-2007, 10:47 PM
عاادى جدا مراته تخرمله رجلة بابرة و تنزلله مدة عاادى!!
عااادى جدا يشتغل بجرح مفتوح و مكشوف فى اسمنت و مونة عااادى!!!
عاادي جدا يصبر على جرحة و مرضع 3 شهور عااادى
عااادى بعد تلات تيام علاج يوقف الدوا بمزاااااجه عااااااااااادى!!
<!-- END TEMPLATE: newreply_reviewbit -->هو ده المريض المصرى بجد
كملى يانونا<!-- BEGIN TEMPLATE: newreply_reviewbit -->

broken nonna
26-09-2007, 10:50 PM
خرجت انا و صديقة ليا قبل رمضان بكام يوم هى بكالوريوس علوم بيولوجى لا دراسات بعدها و لا يحزنون
المهم اتمشينا مشي لما حفينا
عااادى
اخر اللفة كالعادة كل واحدة فينا تطلع عريظة ماممتها عشان تشوف طالبة ايه
والدتى الله يكرمها
كانت كاتبة تشكيلة ادوية
كارفيد على كابتو بريل على كونكور على اندرال
ادوية ضغط بعيد عنكم كلكم
و بعدين كان في كالسومات مش فاكرة هى كانت كاتباها كدة
على شريط كيتوفان لزوم الصداع و المغص
و ملحوظة لو لقيتى فى الصيدلية فام شيك ابقى هاتى 2!!!
اوعوا ماتكونوش تعرفوا مين فام شيك؟1!
و فى الاخر كيلو لبن
دخلنا الصيدلية
قلت الاسماء للصيدلى بس سالنى عاوزة كارفيد 12ونص و لا 25
طبعا احتست ماما كاتبة كارفيد بس مش كاتبة كاام
اتصل على البيت مايردش
على موبايلها غير متاح
احتست زيادة باصيتله و قلتله بقولك ايه
هات 12 ونص و لو المفروض تاخد 25 تبقى تاخد قرصين و خلاص!!
ايه عاااادى
اتحشرت صاحبتى و قالتلى انتى هبلة مش كل ديسيز و له افيكتيف دوز فى ال تريتمنت
!!!
باصتلها و انا مذبهلة!!
الدكتور الاخ الصيدلى باصلها بانبهار
و قالها حضرتك فى صيدلة؟
قالتله ايه و بكل جرأة
لا انا دكتورة!!!!
و الله ما نطقت و لا جبت الدوا
رجعت البيت محطمة نفسيا
البيه الدكتور كمان و هى ماشية عمال يقالها مع السلامة يا دكتورة شرفتى!!
ماما بحكيلها ضحكت و قالتلى ايه اللى مزعلك انه عرف انها دكتورة و اانتى لا؟!!
باصتلها و صرخت
انتى كمان يا مام بتقولى عليها دكتورة!!
يعنى انا اتعب فى ثانوية عامة وادخل طب و اتبهدل لحد دلوقت 5 سنين عشان يجي اى حد من علوم و اربع سنين و يتقاله يا دكتور
مش كنتوا عاوزين اللقب كان لازم يعنى اخده بعد 10 سنين و غيري خده من الهوا فى اربع سنين
سمعنى بابا و دخل الاوضة لقيته بيقولى ايه
ايه يعنى انتى زعلانة منها اوى كدة ليه
كبري دماغك مش كفايه انك رسمي دكتورة من طب
مكتوب فى البطاقة طب و ليكى قريب كارنيه نقابة
و ليكي مميزات الطبيب اللى عمرها ما تعرف تاخدها
نوعا ما هديت
بالليل اسمع اخويا بينادييينى تليفووووووووووون
مين؟
يقولى واحدة بتقول دكتورة......

مصري متعصب
26-09-2007, 10:53 PM
عاادى جدا مراته تخرمله رجلة بابرة و تنزلله مدة عاادى!!
عااادى جدا يشتغل بجرح مفتوح و مكشوف فى اسمنت و مونة عااادى!!!
عاادي جدا يصبر على جرحة و مرضع 3 شهور عااادى
عااادى بعد تلات تيام علاج يوقف الدوا بمزاااااجه عااااااااااادى!!
<!-- END TEMPLATE: newreply_reviewbit -->هو ده المريض المصرى بجد
كملى يانونا<!-- BEGIN TEMPLATE: newreply_reviewbit -->
شكرا يا انجل
ليه التلميحات دي بس

أبو المعاطى شمروخ
26-09-2007, 11:24 PM
عادى ددا يا دكتورة نونا
دا المريض المصرى دا حاجة لا توصف
انا عن نفسى بالنسبة للتعامل مع المريض المصرى
يا اما هبقى دكتور عبقرى بالنسبة لهم وهنعمل احلى بيزنس ومفيش منى اتنين

او هبقى فاشل بمعنى فاشل
اشجينا يا نونا اشجينا

broken nonna
27-09-2007, 01:46 AM
متغااااااااااااااااااااااظة النهاردة انا متغاااااااااااااااااظة جدا
انا مش عارفة اقول القديم و لا اقول الجديد
و لا اقولولكم اقول الجديد و بعدين اقول القديم
لا لا
اقول القديم واقو الجديد
لا لاو الله انل عارفة ان مالكمش ذنب وانا فعلا لو مافهمتش و فضفضت
هتجنن , فى حل يا دكاترة اللى زهق و اتخنق و اكيد فيكم اللى جرالهم كدة
يعتبروا ان الموضوع ده مش موجود ما يحاولوش حتى يشوفوا هو فيه ايه
و انا اسفه فعلا اذا كان فى حد هيطق منى.
يا دكتور سامح و و يا مصري و يا انجل انا اللى كارهة جداااااااااااااا وجود مريض بالجهل دهو بالاسلوب اللى انا وقفت ادامه , الصورة اللى بتنط فى راسي لما بعدي فى ممرات مستشفياتنا و اسمع المرضى بيتكلموا ازاى اشمئز جدا دى استحالة تكون مستشفى استحالة جهل و هرجلة و عدم اهتمام و عدم نظافة=مسخرة!!
ارحممنى ياااااااااااارب.

arownas
27-09-2007, 02:06 AM
امال لما تتخرجي و تشتغلي و يجيلك عيان الساعة 2 بالليل في عز الشتا بيشتكي من اي حاجة
تساليه من امتى يقلك من اربع خمس ايام
عادي

ابقي بصي بصة على موضوع المواقف الاستهبالية في الحياة الطبية
هاتلاقي حاجات عادياااااااااااااااااااااااااااااااا خالص

broken nonna
27-09-2007, 03:19 AM
فعلا انا كنت متابعة موضوع دكتور عماد عن المواقف اللى شافها فى فترة عمله ده من افضل المواضيع فى رايي فى المنتدى ما شاء الله بس هو توقف ليه؟!!
على كل ربنا يستر معاك حق بس من اللى بيحصل مش هيبقى فارق معاى الكلام ده و لو حصل اكتر منه بعد كدة خلاص فعلا كل حاجة اتقلبت و بقت عادى.

sameh_ig
29-09-2007, 03:45 AM
:smiley25:فين الجديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الموضوع دة اصبح زى المصرى اليوم لازم اقراة يوميا

استمرى فى الكتابة

broken nonna
29-09-2007, 04:41 AM
المحل كلن قصاد المحل
المحل الاول كلن بقاله اما المحل التانى فمش عارفة اقول عليه فعلا اذا كان محل و لا اذا كان بيت
اصل بابه زى باب المحلات لكن من جوة مش محل
لكن من جوة كان شقة سكنية!!
ايوة شقة سكنية زوج و زوجة ابن و بنت
اسرة تبدو للوهلة الاولى غلبانة
الاب بواب بالليل وبالنهار عامل بنا سمسار فى اوقات فراغه
بنته الصغيرة عندها انيميا بحر متوسط و الظاهر من كنت نقل الدم داخلة فى تضخم طحال و كبد
احدى سكان عقار ما يبقوا اصحاب المحل اللى قصاد بيت الاسرة السابق ذكرها
اب مبسوط جدا راجع من الخليج هو و اسرته زى معظمنا له بنت طالبة طب و هى التانية اللى فى طب بعد اخوها الكبير_وهى ده صاحبة المشكلة اللى بعرضها النهاردة
المشكلة ما تغيظش بقدر ما هى تحزن حزن شديد جدا
الاب بعد استقراره فى القاهرة و طلوعه على المعاش فتح المحل اللى وقف فيه
بطبيعة الحال المحل بتاعه قصاد بيت البواب اللى طول الوقت فى شغل
كانت زوجة البواب عند والد زميلتى فى البقالة معظم الوقت ده بالاضافة انهم اصلا كانوا حراس العقار اللى ساكنة فى اسرة زميلتى
اى حد عنده فى عمارته زوجة بواب اكيد بيستخدموها تجيب لاهل البيت حاجة تغسل معاهم سجاجيد
الا دي!!
كانت الهانم_زوجة البواب!!!!
خمس سنوات تفاجأ والده زميلتى من احدى البوابات الاخريات اللى تقابلها و تقولها ان جوزها له علاقة بزوجة البواب اللى فى عمارتهم
صدمة على ست سابت بلدها و اهلها و بنت من الصفر مع جوزها ربت وطلعت دكاترة ان جوزها يتقال عليه كده
صبرت و سكتت و ما قالتش لحد من اولادها
و فى يوم طلبت والدة صاحبتى انها تروح تزور و الدتها _جدة زميلتى_ فى نفس التوقيت اللى كنا لسه مخلصين اخر راوند لينا فبقت زميلتى فاضية و قالت تروح مع مامتها
و لان الظروف السيئة سبحان الله بتتجمع فى وقت واحد كان الاخ الكبير _طبيب امتياز_اغلب الظن انه هياخد نيابة رمد ان شاء الله_ماشاء الله_ كان مشفت فى المتشفى اسبوع
ترجع الام و بنتها
الكالون متغير و المفتاح ما بيفتحش
تخبط ماحدش بيفتح
تنزل هى و بنتها فى حالة ذهول
تفاجأ بمحل الاب مقفول
تبص على الشقة المحل بتاعة البواب مقفولة_على غير عادة بالنهار
يتصلوا على موبايل الاب مغلق
موبايل الابن غير متاح
ست و بنتها فى الشارع لا بيت لا زوج لا ابن لا اب لا اخ!!
لا سند بمعنى ادق!!
خوف باب جراله ايه؟
الزوج جراله ايه؟ عشرة ال 30 سنة ما تعرفش عنه حاجة
يمشوا فى الشارع نظرات البوابين و اصحاب المحلات ملاحقاهم
خير هو فى ايه مالهم يا ماما؟
يا حاجة.... يا دكتورة.....(احد اصحاب المحلات بيناديهم)
اتفضلي يا مدام عندنا شوية
و لان الجدة ساكنة فى محافظة تانية و كمان رجوعهم ليها و هما لسة سايبنها مقلق على ست كبيرة
طلعوا مع الجار وزوجته
و هناك عرفت
جوزها اتجوز مرات البواب!!!!
الحقيقة المرة جت فيما بعد كمان
الام اطلقت و مالهاش حق فى شقة الزوجية و رجعت بيت والدها تقاسم والدتها فى معااش والدها بعد 30 سنة زواج
البنت _وميلتى _يا تقبل ترجع تعيش فى نفس البيت مع زوجة ابوها _البوابة_ يا تروح مع امها مكان ماهى عايشة
الابن الكبير بقاله 3 شهور فى المستشفى يدوب يروح لوالدته عن جدته يطمن و يستحمى و يغير هدومه و يرجع للمستشفى

للوهلة التانية هنشوف ايه:
اسرة كانت ...... و أصبحت......
ما بين كانت و اصبحت فى كلام اكتر بس واقف مع المرارة اللى فى حلقى !!!

أبو المعاطى شمروخ
29-09-2007, 05:04 AM
جوزها اتجوز مرات البواب!!!!


طب والبواب فين
اتقرطس هو كمان ولا ايه؟

sameh_ig
29-09-2007, 05:06 AM
دية صفحة الحوادث ولا اية يا حاجة

الموضوع مالة قلب صعبنيات كدة لية

a1man
29-09-2007, 05:10 AM
:tamtam:السلام عليكم :tamtam:
موضوع صارووووووووووخ ارض جو بروكن نونا ( هي عادتك ولا هتشتريها )
اسلوب جذاب لابعد الحدود وحكايات تغيظ لكن رائعة تستحق القراءة
بس هنقول ايه ده عااااااااااادي جدا منك
كنت عايز اعلق علي بعض الحاجات قبل كدة لكن خلينا الاول في الجديد
انتي بتقولي انها تحزن اكتر ما تغيظ انا بقي شايف العكس
انا متغاااااااظ
بجد والله
هفرقع
نموذج زبالة الراجل ده
راجل ايه بس
نموذج زبالة البني ادم ده
ولا دي برضه
كائن حقير بكل المقاييس
انا مش ضد فكرة الزواج مرة تانية قد يكون ليه عذره احنا منعرفش البيوت مخبية ايه
بس الطريقة دي في التعامل مع الموضوع
ومع مين
واحدة ضيعت عمرها كله عشان تبنيه
وضيعت ولسة هتضيع سنين كتير من عمرها عشان تربيله دكاترة
سيبك من دي
مع مين
مع ولاده اللي اي بني ادم في الدنيا يتمني يكون عنده ضفرهم
اخص علي الرجالة اللي من العينة دي
انا لله وانا اليه راجعون
متغاااااااااااااظ
ومصيبة بقي لو ده عااااااااااادي

broken nonna
29-09-2007, 05:49 AM
لانى فى حالة مزاجية لا تسمح بانى اتغاظ بسبب الموضوع السابق فاعذرونى اذا غاب حس الفكاهة الهامشي اللى كان ممكن يغلب عل طابع اسلوبى

بما انى كليتى فى ميدان شهير الا و هو ميدان العباسية
فمن الطبيعى ان وسيلة المواصلات الاساسية ليا تبقى من قلب ميدان العباسية
قصدي من العادى!!
الساعة:9 صباحا فى الايام القبل الاخيرة من انتهاء راوند الاطفال_انا شفت العجب ايام الراوند ده_
المهم ما شية ببص على عظمة بناء مسجد النور اخبط فى عمود نور
انزل راسي الاقى بنى ادم
طبعا هاتك يا اسف طبعا
بس لاقيته بيقولى لا ما فيش مشكلة يا فندم
بصراحة الهيئة العامة تقول انه ابن نااااااااااس جدااااا جدااااا
لحد دلوقت عادى عادى جدا
بدلة ايه و ريحة ايه
يا اختى عليه
احم احم قصدى ....
ما علينا بصوا بصوا عارفين بتبقوا ازاى فى الشفوى و لا فى الافراح اهو كان حاجة تشرح القلب الحزين كدا
طبعا جيت ماشية فوجئت باللى بيوقاى يا اسة بعد اذنك ممكن بس طب
و دنه احمرت و وشه احمر بيفرك فى صوابع ايده
قلت فى عقل بالى
الله اكبر بركاتك يا ام جابر_اللى عرف موضوع باب الشقة عليه بقعة يبقى عارف مين ام جابر_ الظاهر انى اتفكلى العمل انا كمان على الريحة
و الاخ وقع فى بسرعة و ناوى يتقدم
قلتله اتفضل
قاللى اصل انا مش من هنا انا من المهندسين و كنت جاى هنا فى مشوار شغل بس بصراحة اتسرقت المحفظة بالمفاتيح بكل فلوسي بالكارنيهات
(طبعا خيب املى) بس مش مشكلة
فى نظرة سريعه عليه اتنى
هزيت راسي جامد الشخص ده الخلقة دى بالهدمة دى لايمكن تكدب
قلتله طيب باين هنا فى قسم الوايلى و لسة هكمل
قاللى مانا رحت بلغت المشكلة انى مش هلحق المشوار بتاعى لان مفاتيح العربية اتسرقت و الفلوس كمان
قلتله طيب ايه المطلوب منى؟
قاللى بس اى مبلغ يوصلنى للمهندسين
بعيد عنكم الواد صعب عليا جدا بشكله المبلولو من كتر الكسوف
بس المشكلة انى كنت بحسب من العباسية للمهندسين باللبس ده ده عاوز تاكسي و تاكسي المسافة دى يعنى مش اقل من 20 تاتتين جنيه
انا اصطبحت بوش مين النهاردة
قلبت الشنطة اللى اتحصلت عليه 12 جنيه ونص عمى
اديته ال 10 جنيه و انا فى نص هدومى
شكرنى جداا
و مشيت قعدت احكى لاصحابي عن المسكين اللى الزمن هشه
و اصحابي اللى تقول اه يا زمن ياللى و لاد الحرام ماخلوش للولاد الحلال فيه حاجة
و اللى تقولى طيب نمرة موبايله ما خدتيعاش و لا خد نمرة موبايلك
اقولها ليه؟
تقولى عشان يردلك العشرة جنيه!!!
عاااادي كهن بنات و احنا فاهمينه
ربع ساعة و صاحبة رابعة جت
تقولنا شفتوا اللى حصل و توصف وصف فى الجدع و اللى حصله و ان اقولها يا عين امه
و التانية تقولها يا كبد امه
فانا بعد ما خلصت قلتلها يا بنتى ده اللى فى العباسية قالتلى اه قولتلها يا دي النيلة انا قلت العشرة جنيه قليلين فعلا اكيد وقف يجمع الباقى
قالتلى اانا اديته حاجة قريبة من 10 جنيه قلتلها حلو هو يمشي بيهم بعد ما يتفق مع اى سواق
ربنا يكرمه.
ربع ساعة كمان هبطت علينا زمليتنا الخامسة مبتسمة ابتسامة من الودن للودن
سألناها خير
قالت ابدا اصلي شفت حتة شاب مش ممكن!!
عاااادي عااادي
ييييييييييه هو لسة ما ممشيش قالتلى لا انتوا شوفتوه قلنا اه
قالت بصوت عاااااالى اوعوا اوعوا اوعوااااا
قلنا ايه يا بنتى مالك
قالت اديتوله حاجة يا عيال؟
انا قلت 17 جنية ليه
و دى انفجرت ضحك
بصت فى الساعة قالت لسة ربع ساعة على الراوند تعالوا
خدتنا على العباسية المكان اللى فى الشاب اياه
و قفتنا من بعيد نتفرج
ما بيوقفش الا البنات طبعا
و الظاهر بيحكى نفس الحكاية فيصعب على الواحدة بالاضافة الى شكله طبعا
تطلع فلوس
يعنى من الاخر شحااااااااااااات
طلع الدم فى عروق دماغى نخاشيش منخيري صهدت ابص يمين ما فيش حد ابص شمال ما فيش حد
رفعت راسي لاقيت مئذنة مسجد النور و اللى طلع عليا اكشف راسي وادعى عليه
قولولي اكشف راسي وادعى عليـــــــــــــــــــــه
و اذا بأمين شرطة ماشي ناحيته جرينا عليه قلنا نقوله ادامه بسرعه
و قفنا 5 بنات و الشاب و امين الشرطة اللى هزأه و مسح بكرامته الارض اتاريه اصلا كان لاجئ عند الاشارة نفسها و بعدين نقل نشاطه و غير هيئته
عند مسجد النور
قاله عشان يسيسبة لازم يرجع لنا الفلوس
الواد اداله الفلوس كلها و جرى
انه يجرى وراه ابدا ده قعد يعد الفلوس
هاه انتى ليكي كام و انتى ليكى كام اخدنا ال 17 جنيه
و تبقى مع الامين ما يقرب من 100 جنيه_غلة الساهة الا ربع اللى وقفها_
بهبل اللى مش عايشين فى مصر و لا فى العالم اصلا بسأله:
و باقى الفلوس هتعمل فيها ايه؟
ابتسم ابتسامة سودا_لانه لما ابتسم كشف عن منجم فحم فى بؤه_ و حط الفلوس فى جيبه و ادانى ضهره و مشي!!
بقيت ماشية بقول الحمد لله اننى اخدت ال 10 جنيه بتاعتى منه و صدقت جدتى لما قالت حاميها حراميها....
و انا راجعة بقيت ابص على مئذنة مسجد النور و اقول
قرشك حلاااااااال يا بابا...



ملحوظة:ماتخبطش فى عمود نور المرة دى!!!

broken nonna
29-09-2007, 05:58 AM
دكتور سامح مسعد البواب نفسه كان مطلق زوجته اللى رجعت بلدها اصلا من فترة و غالبا لما استوفت شروط العدة رجعت و اتجوزت البيه و لما لاقى اللى كانت مراته وام ولاده متجوزة رب عمله ساب المكان باللى فيه.
دكتور سامح اى جى معلش حقك على الحاجة_بس فعلا انا الموضوع ده لا تتصور اد ايه اصابنى باحباط و هم.
دكتور ايه وان مان اظن انك عارف دايما انى كاشفة راسي و بدعيلك.

broken nonna
29-09-2007, 07:46 AM
لانها بلد _ناسها_تشل و تعل و يستاهلوا حكومة ألعن من اللى متسلطة عليهم
و لانها بلد_حراميها زبالة و حاميها ازبل
لازم لازم الواحد يصطبح على الاقل مرتين تلاته فى الاسبوع بشئ عاااادى من العوااااااااادى الكتير
النهاردة _شوفوا التاريخ_و الاهم انكم تعرفوا النههاردة يوم من ايام ربنا فى رمضان
يعنى الواحد المفروض يتقي ربنا
الفجر اذن من ساعة ونص مثلا
مثلا عادي ما لازم الفجر يأذن
شعرة الخيط الابيض لسة بتقول يا هادى و تزق الخيط الاسود
الملايكة توكلت على الله و بدات توزع الارزاق
و ربنا يجعلنا من اللى اخدوا الارزاق الكويسة يااااارب
ارزاق كويسة!!
اه لأن طول ما فى حرامية و حماة حرامية برده لازم يبقى فى هم و غم افترا و فتوننة و قلة ادب و قلة قيمة
تعدى و تجنى سفالة و رزالة
المهم كنت على المنتدى لما سمعت صوت صريخ جريت على البلكونة ماما كانت صاحية جريت ورايا و اخواتى قاموا على الصوت
اول حاجة تاخد بالك منها قبل الخناقة الناس اللى واقفة من ورا الشبابيك و اللى فى البلكونات
و بعديت تبدا تبص على مصدر الصوت
عيل قول 18 سنة يا سيدي 20 بالكتير قوي
بيضرب من راجلين جثث بمعنى كلمة جثث
و عاوزين يدخلوه بالعافية فى ميكروباص
اللى طالع عليه حرام عليكم حرام عليكم
طيب استنوا لما يجوا اصحاب الارض و الناس اللى مشغلينا
اتحشر حشر فى الميكروباص
بصيت لماما بقولها هو فى ايه ما حد يبلغ الشرطة مين دول و بيجروه كده ليه
مامتى:ما قالتش غير كلمتين
(اتلمى يا مفضوحة)
اصل الظاهر ان صوتى كان عالى
ابص على الجيران كله قفل شباكه تجاهلوا صريخ الولد و اللى بيحصله!!
بقول لاخويا اللى واقف انت مش هتتصل بالشرطة انا هتصل
خدنى من قفا اسدال الصلاة لا مؤاخذة جر على الاوضة
و قاللى و ايه رايك ان دول الشرطة
قلتله يا بنى ده ميكروباص عادى
قالى اه بس خدوه بالسواق مأمورية اتاوة يعنى
قلتله طيب وواخدين الواد ليه كدة؟
قاللى لان اصلا الارض دى متاخدة بوضع اليد من واحدة ست المالكة الاصلية للارض و هى رفعت قضية علاى اللى اخدها
و كان النطق بالحكم امبارح
فلما عرف اللى سارق الارض عمل ايه
جه اول امبارح جاب عمال و طوب و زلط و هوب طلع بالدور الاول فى يوم و ليلة فعلا
عشان يعمل حاجة تأخر موضوع رجوع الارض للست ده اذا اتحكملها اصلا
رئيس الحى بقى بعت اول امبارح ناااس ياخدوا حق سكوتهم على البنا الغير مشروع!!!
الظاهر سارق الارض رفض او ماطل على اساس يعرف الاول الحكم هيبقى لصالحة و لا ايه
الحكم طلع لصالح الحرامى و الست ضاعت عليها ارضها!!!
اه يا بلد !!!
بعد ييجى 4 سنين القضية معلقة فى المحكممة يضيع عليها حقها
!!!
لما رئيس الحى عرف حب ينتقم من مين
من حرامى الارض اللى اصبحت الارض بتاعته بحكم القانون!!
بعت النهاردة العساكر دول فى الخباثة يدوب بعد ادان الفجر عشان يمسك حد بيبنى و يلبسه قضية بنا مخالف و من غير تصريح
قال ايه ده لسة واخد حكم ان الارض بتاعته بس لسة ما فيش تصريح بنا
و من امتى اصلا بيبقى فى تصريح بنا فى الب دى!!!
و مين اللى اتاخد فيها عياااال غلابة شغالين باليومية !!!
عارفين و انا بكتب الكلام ده حالا ايه اللى بيحصل
عمال تانية شغالة و العمارة بتطلع فى الدور التانى!!!

broken nonna
29-09-2007, 08:33 AM
وكيل الكلية _تمااااااااام هو ده اللى ماسك الدف _ قصدى هو ده اللى مشيب الكلية مظبطها اه و مين نبى النبي مظبطها
!!
مش عادى بذمتكم مش المفروض ان ده الاسم المطلق على مسئوليته
مش المفروض ان الكليه على حسه يسود فيها الاننضباط؟!!
اهو (اسود)فيها الانضباط
و الطلبة بقوا _منضببتين علىالاخرو ميــــــــــــــــــــــــــــت فل و 14
!!!!
الحكاية اصلها لها اصل
الاصل ايه بقى ان فى يوم امتحان ال m cq بتاع الراوندات كلها
واحد اتزنق
اه اتزنق
لامؤاخذة فى اللفظ بس اصل مش كل اللى يتزنق يبقى مزنوق فى اللى فى بالكم لان زمبلنا ده اتزنق فى حاجة تانية
استنوا استنوا واحد اتنين تلاته
اكشن
فلاش باك
يا مدااااام(زعيق من ورا)
نعم خير مافيش اسئلة هما قالوا و مافيش ترجمة
قاطعها زميلنا قالها هو انا يعنى لو عاوز اسال هنادى حضرتك و لا لو عاوز اترجم كلمة هسألأك انتى برده
الست متغاظة
امال بتزعق و تنادينى ليه
عاوز ايه
انا فوجئت بشئ ابيض فى ايده اغلب الظن و بقول اغلب الظن سيجارة اه انا مش عاوزة اخد ذنب الظن الغلط
عاااادى عااادى
قالتله ايه ده
قالها بكل عاااادى
عاوز ادخن ممكن!!
لا و بيستأذدن
عاادي
طبعا ردحتله بالبلدى مدام .... بتاعت الشئون اللى خدت اشراف على امتحانات ال ام سي كيو
و لانه واضح انه كان على اخره بقت هي تشتمه و هو يشتمها
لحد ما وكيل الكلية جه
لانة اصلا بمتحن فى مبنى مكتب وكيل الكلية و الحمد لله انه جه بدري مش زى كل حاجة فى مصر تطلبها تجيلك بعدها بساعة ان جت
الراجل كدة
ايه فى ايه
(دكتور رايق جدا و هااادى مووووووووووت)
الولد زميلنا اتخرس
الست ماصدقت
و قعدت تشرح للدكتور اللى حصل
لاقينا الدكتور بيقولها ايه انتى مالك ايه المشكلة
(اقسم بالله حصل)
انتى ما تعرفيش ان التدخين ده مزاج ولو ماخدش مزاجه مش هيركز
انتى عاوزاه يحل وحش و لا ايه
تعالى يا بنى
و خده برة باب اللجنة ووقف معاه والواد بيشرب السيجارة ادامه و حوار بقى بس الورقة طبعا كانت مع المراقبة
اللى لفت نظر اصحابى ان الدكتور اصلا ما بيشربش بس الولد هو اللى بيشرب
اللى لفت نظرى انا بقى
الدكتور و الولد واقفين تحت ورقتين:
الاولى : كانت الفتوى بتاعت دار الافتاء ان التدخين حرام شرعا(اكيد شفتوها)
التانية: اعلان من وكيل الكلية و عميد الكلية (بامضاء كلاهما)
ان تدخين الطلبة داخل الحرم الجامعى ممنوع منعا باتا و اللى هيتشاف بيدخن من الطلبة هيتسحب منه كارنيه الكلية و يتم فصله على ان يحرم من الامتحاااااان!!
ملحوظة:ماحدش يقولى عملتى انتى ايه فى الامتحااان؟
هو انا كنت فى ايه و لا فى ايه الللله؟!!!

roseangle
29-09-2007, 11:21 AM
:smiley25:فين الجديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الموضوع دة اصبح زى المصرى اليوم لازم اقراة يوميا















استمرى فى الكتابة




ههههههههههه

بعد التأطيم ده عايزها تستمر في الكتابه؟!!!!:smiley6:



:health:

roseangle
29-09-2007, 11:25 AM
طبعا ردحتله بالبلدى مدام .... بتاعت الشئون اللى خدت اشراف على امتحانات ال ام سي كيو
و لانه واضح انه كان على اخره بقت هي تشتمه و هو يشتمها
لحد ما وكيل الكلية جه
لانة اصلا بمتحن فى مبنى مكتب وكيل الكلية و الحمد لله انه جه بدري مش زى كل حاجة فى مصر تطلبها تجيلك بعدها بساعة ان جت
الراجل كدة
ايه فى ايه
(دكتور رايق جدا و هااادى مووووووووووت)
الولد زميلنا اتخرس
الست ماصدقت
و قعدت تشرح للدكتور اللى حصل
لاقينا الدكتور بيقولها ايه انتى مالك ايه المشكلة
(اقسم بالله حصل)
انتى ما تعرفيش ان التدخين ده مزاج ولو ماخدش مزاجه مش هيركز
انتى عاوزاه يحل وحش و لا ايه
تعالى يا بنى
و خده برة باب اللجنة ووقف معاه والواد بيشرب السيجارة ادامه و حوار بقى بس الورقة طبعا كانت مع المراقبة
اللى لفت نظر اصحابى ان الدكتور اصلا ما بيشربش بس الولد هو اللى بيشرب
اللى لفت نظرى انا بقى
الدكتور و الولد واقفين تحت ورقتين:
الاولى : كانت الفتوى بتاعت دار الافتاء ان التدخين حرام شرعا(اكيد شفتوها)
التانية: اعلان من وكيل الكلية و عميد الكلية (بامضاء كلاهما)
ان تدخين الطلبة داخل الحرم الجامعى ممنوع منعا باتا و اللى هيتشاف بيدخن من الطلبة هيتسحب منه كارنيه الكلية و يتم فصله على ان يحرم من الامتحاااااان!!
ملحوظة:ماحدش يقولى عملتى انتى ايه فى الامتحااان؟
هو انا كنت فى ايه و لا فى ايه الللله؟!!!













امال عندنا في الكليه عادي ليه

؟؟ظ؟؟؟؟

أبو المعاطى شمروخ
29-09-2007, 02:54 PM
اتلمى يا مفضوحة)


هههههههههههههههههه
هى قالتلك كدة؟

دا انت بتشوفى حاجات يا نونا الله يكون فى عونك
بس ابقى كبرى دماغك يعنى ما تشيليش فى نفسك
اصل العالم تعمل الحاجة ومزاجها حلو وانت تبقى قرفانة عشانهم
كبرى دماغك يا شيخة

ekm86
29-09-2007, 06:43 PM
بصراحة الهيئة العامة تقول انه ابن نااااااااااس جدااااا جدااااا


بدلة ايه و ريحة ايه
ما علينا بصوا بصوا عارفين بتبقوا ازاى فى الشفوى و لا فى الافراح اهو كان حاجة تشرح القلب الحزين كدا
و دنه احمرت و وشه احمر بيفرك فى صوابع ايده


ههههههههههههههههههههههههه
إنت وقعتي في المقلب ده
------------
أنا برضه مرة كنت راجع من الكلية
وفجأة لقيت حد عمال بيبسبس... ولو سمحت.... ومش عارف إيه
بصيت لقيته بينده لي أنا... رحتله أشوف في إيه
كان راجل لابس بدلة (بحالة كويسة يعني مش مبهدلة).. وشكله كويس ومحترم
قابلني بابتسامة عريضة جدا (افتكرته هيطلع صاحب بابا ولا حد قريبنا مثلا وأنا معرفوش ولا حاجة)
قال لي: سلام عليكم
- وعليكم السلام
- أنا الأستاذ فلان الفلاني .. محامي من اسكندرية .. من سيدي بشر
- أهلا وسهلا
- وآدي كارنيه النقابة آهو (طلع الكارنيه من جيب الجاكت وحطه قدام عيني ودخله تاني قبل ما أشوف حتى لون الكارنيه)
- أهلا وسهلا
- أنا جيت لك إنت عشان انت أخويا.. ومارضيتش أروح لحد تاني عشان حاسس إنك أخويا الصغير بالظبط (بيتكلم وهو بيضحك مش عارف ليه)
- الله يخليك.. ده من ذوقك (في عقل بالي باقول عبيط ده ولا إيه)
- أصل أنا كنت هنا في قضية و بعدين (بيضحك برضه) واحدة سرقت مني المحفظة
- يااااه (في بالي : وأنا مالي يعني)
- وخدت المحفظة (لسه بيضحك) وفيها الفلوس والبطاقة وكل حاجة
- معقول (في بالي : اشمعنى سابت الكارنيه اللي مالحقتش أشوفه)
- فأنا مش عارف أرجع اسكندرية ازاي دلوقتي (على فكرة.. لسه بيضحك) فجيت لك قلت إنت أخويا وأكيد مش هتكسفني.. كنت عايز أي حاجة أروّح بيها
- آه...................(بدأت أصدقه) بصراحة أنا مامعاييش فلوس فكة خالص دلوقت (فعلا مامعاييش) كنت عايز أساعدك بس معايا خمسين جنيه مجمدة
- خلاص مفيش مشكلة.. حصل خير (بطل ضحك ووشه قلب حزايني... قطع قلبي)
- أنا آسف فعلا
- حصل خير .. ومعلش عطلتك
.................
.................
.................
.................
.................
.................
.................
.................
بعد يومين ....
شفته في المعصرة.. وطلع ولا كان من اسكندرية ولا حاجة

ekm86
29-09-2007, 07:48 PM
و عاوزين يدخلوه بالعافية فى ميكروباص
اللى طالع عليه حرام عليكم حرام عليكم
طيب استنوا لما يجوا اصحاب الارض و الناس اللى مشغلينا
اتحشر حشر فى الميكروباص

أساسا... موضوع الميكروباص ده لوحده مشكلة
كل يوم الظباط ياخدوا واحد بالعافية كده من الموقف ويفضلوا يلفوا بيه طول اليوم
بس أنا عرفت إن سواقين الموقف كلهم بيلموا من كل واحد مبلغ صغير بحيث يدوهوله لما يرجع
عشان يروح معاه فلوس قريبه شوية من اللي كان هيعملها لو كان اشتغل اليوم ده
----------------------
أما في موضوع البنا المخالف
هم ما بيقدروش غير على الغلابة
لكن الناس التقال بيعملوا اللي هم عايزينه ويتحايلوا على القانون ويمشوا اللي في دماغهم

ekm86
29-09-2007, 07:51 PM
الاصل ايه بقى ان فى يوم امتحان ال m cq بتاع الراوندات كلها
واحد اتزنق

سيجارة اه انا مش عاوزة اخد ذنب الظن الغلط
قالتله ايه ده
عاوز ادخن ممكن!!

عاااااااادي
الموقف ده حصل قدامي وأنا في الثانوية العامة
في امتحان الاحصاء
واحد رفع إيده وقال للمراقب : لو سمحت.. عايز أشرب سيجاره
المراقب قال له : نعم؟؟!!! تشرب إيه؟!
- عايز أشرب سيجارة.. الامتحان صعب (امتحان الاحصاء) وعايز أعرف أركز
قعدوا يزعقوا مع بعض شوية وفي الآخر جاب له رئيس الدور
ونفس اللي قلتيه حصل
خلاه يطلع يدخن بره اللجنة.. خلصها ودخل كمل الامتحان

broken nonna
30-09-2007, 02:38 AM
دكتور سامح ايوة حصا ان ماما قالتلى كدة,عاااااااااااادى و لا ايه!!:icon_mrgr:akh::akh::akh:
دكتور ekm كتر خيرك انت بتثبتلى ان اللى بشوفه فعلا عااادى و مش(غير عادى)خاااااااااااااااااالص.
روزا واحشانى على فكرة جدا يقالي مدة مش شايفاكى فى المنتدى, و لا يهمك دكتور سامح يأطم زى ما هو عاوز و على فكرة اكيد هتلاقى التدخين عندكم فى الكلية ممنوع بس ده قرااااااااااااااار لا يتم تنفيذه ابدا.

broken nonna
30-09-2007, 03:21 AM
كان يا ما كان الولد خجول ماشي مطاطى راسه فى الارض لو حصل و بنت عدت من جنبه يا نهااااااااااااااااار يا نهاااااااااار

و كان العادى برده ان البنت ما بتخرجش السارع كتير واذا خرجت كان معاها اهلها و نادر بمهنى ماكانش موجود شاب واحد يعاكس فى الشارع
زمنك ولى يا والدتى!!
ثانية بس افهمكم الكلام اللى فى الاول كان كلام لوالدتى رد ليها على حاجة انا قلتهالها
لما خلصت ادركت فعلا ان زمن والدتى كان زمن غير عادى فولى لان زمن العادى هبط !!!
نتفاهم طيب!!
انا همشي زى ما علمونا فى الكلية _ systematic and chronologically_ البدايه
كان العادي ان شاب شاف بنت امورة و صاااااااااااااااروخ ارض جو _ومش هقول اللفظ التالت اللى بيتقال معلش_ يعاكسها
و بعدين بقى عاااادى ان شاب شاف بنت مححجبة مش محجبة حلوة مش حلوة اهو بيعاكس و خلاص
و بعدين كماااااان اصبح عااادى ان الولد يتحرش باى بنت فى وسط الزحمة
ده كل اللى كنت اعرفه عن العادي فى موضوع المعاكسات!!
بس اكتشفت عادى جديد!!!
و الله انا فى شدة الاحراج من اللى هقوله و نفسي فعلا ابدأ اطبق منهج الناس فى استغلال (العادي) و مش عارفة
ماشية فى الشارع فى امان الله محملة بملازم فى شهر 7 اللى فات
مثقلة بهم الحل المهبب اللى عملته فى ال ام سي كيو
و ازاى هعرفهم فى البيت
و اذا بواحدة جاية من بعيد باصالى و مبتسمة ابتسامة جامده قوى فى بالى قلت انا معرفهاش اكيد فى حد ورايا
فى الالخر قلت اذا كلمتنى تبقى انا المقصودة من الاول فبلاش حتى اردلها الابتسام لحد ما تقرب منى
لحد دلوقت عااادى بتحصل ان حد ممكن يشبه عليك من بعيد
اول ما قربت جنبى بنفس الابتسامة
قالتلى جملة :
يخرب بيت شفايفك!!!
اظن صابكم و انتوا بتقروا ما صابنى من ذهول
فوقنى صوت سواق الميكروبااااص
جسر السويس الف مسكن
ركبت و انا لازلت مزبهلة لحد ما وصلت البيت اول مين صادفنى اخويا الصغير _اللى فى تجارة عربي اظنكم عرفتوه_ قاللى مالك ؟
حليتى وحش
قلتله و انا بهرج معاه:
يخرب بيت بؤك!!
الواد باصلي و بدأ يضحك زى اللى شا مم كله !!
قلتله ايه مالك؟
قاللى انا اللى مالى
حكيتله صدمنى لما قاللى انه كان ماشي فى الشارع فى مرة ووقفه شاب عضلات و بتاع
فقاله استنى يا ماان
انت بتروح جيم ايه؟
(اخويا اصله من هواة الحديد و الكلام ده)
قاله اه تعرف اللى مش عارف فين....
الاخ بقى يروح يقوله ايه
بس ايه ده بنساتك و لا بنجاتك و الله ماعرف بتتقال ازاى تحفة
طيب نشفهم كدة!!
طبعا انا سألت اخويا
تنشف ايه؟!!
قاللى البنشات_و بيشاور على عضلة الصدر_
قلتله و هو عاوزك تنشفهم ليه؟!!
قاللى مانا عرفت اصله كان عاوز يحسهم!!!
يا نهاااار يا نهاااااااااار
يا حس ايه يا وااااااااااد؟!!
قاللى البنشات
يا بنتى عادى الحاجات دى عند الشباب عااادى
!!!!
عادى بنت تعاكسنى!!
و عادى ولد يعاكس ولد و يفتتن كمان ب_بنشاته_!!!
حكمتك يارب!!!

dr_angel
30-09-2007, 03:29 AM
عادى بنت تعاكسنى!!
و عادى ولد يعاكس ولد و يفتتن كمان ب_بنشاته_!!!
دى والله مش عادى ابدااااااا
فى رأيى دى مصيبة وكارثة كبيرة كمان
ربنا يسترها علينا فى الزمن اللى ما يعلم بيه الا ربنا ده

ekm86
30-09-2007, 03:51 AM
بصراحة أنا شفت ولد بيعاكس بنت
وشفت بنت بتعاكس ولد
لكن جديدة حكاية البنت اللي بتعاكس بنت دي

broken nonna
30-09-2007, 03:55 AM
حظى دايما فى اللجان بيبقى غريب مش عارفة ليه
جايز عشان اسمي من الحروف الاخيرة
و لا جايز على راى تيتا
الناس اقدام و قرف_بكسر القاف الله يكرمكم!!!
على ما يبدو ان قرفتى كانت من غير لبن و لا ايه!!
مرة تبقى فى قبو تحت الارض بلا مراوح بلا فتحات تهوية
بس ده مش مهم انا متعودة بتأقلم بسرعة مع درجة الحرارة
بس سبحان الله منخيري مش كدة و لا عينى للاسف!!
يعنى لو شفت منظر مش تمام عينى تفضل مثبته الصورة عليه طو ل اليوم ومعرفش انساه لمدة يوم و ممككن يومين كمان
اما منخيري بقى حكاية تانية
و لو تسمحلى الابلة نظيرة اقتبس جملتها الشهيرة و اقول
النتانة_لامؤاخذة _ما بتكدبش!!
لما تعدى جنب لجنة امتحانك و تشم ريحة عفونة _عافكم الله_و تسأل اصحابك:
هما نقلوا المشرحة هنا و لا ده عامل ناسي شرابه و لا كلب ميت و لا ايه بالضبط مصدر الريحة دى؟
يرد عليك احد مشجعين العادى
يا بنتى ده صالة الامتحانات !!!
و تفتكر انت قريت الكلمة دى فين فين
طيب ايه علاقتها بيك مادام الكلمة بترن فى ودنك كدة!!
تلاقى اللى بيسألك مش نازلة اللجنةولا ايه!!

تنزل بالعافية و انت تتمنى يبنجوك اكرم
و الله حسبي اله و نعم الوكيل

المرة التانية كان حظى كاد ان يعتبر افضل
و انا بقول كاد
اول ما عرفت انى همتحن فى المبنى الجديد كدت اموت فرحا
بدأت ادور على رقمى على الكراسي ما فيش بس فى رقم اول صف يحدد من كام لكام
اخدت الصالة كلها من اولها عديت عشرين صف
و لسة ما لقيتش مجموعتى فين لمحت زميلة بتشاورلى
عرفت مكانى
و هنا بقى تعرفوا معنى القرف_اكسروا القاف او افتحوها عااادى_
طربيزتى اول لجنتى تحت لمبة محروقة ادام باب المبنى للى داخل و اللى خارج للى طالع و اللى نازل
و لانى زى ما قلتلكم بتعود بسرعة على البيئة المحيطة ما فرقش معاى الكلام ده فى اول عشر دقايق لانى عارفة انى لو اتكلمت برده مش هينفذوا حاجة فى لحظتها و هو يعنى اللى حط الطربيزة هنا و كتب رقمى اعمى اكيد خد باله بس عمل عبيط عااادى
المصيبة كانت فى منخيري و عينى
حد صيف فى اسكندرية؟
حد يعرف الكباين القديمة اللى هدوها
بلاش بلاش
حد يعرف المراحيض اللى بتبقى موجودة اللى من الخشب دى
بلاش برده عارفين دورة المياه العمومية اللى فى التحرير اكيد عديتوا جنبها اكيد
عارفينها عارفينها
الاهم انكم تستحضروا الريحة
.......
........
على مهلكم
.......
...... تمااااااااااااااااااااااام
هى دى
نتانة و عفونة اللهم احفظنا
و الناس برده مصرة تدخل!!!
المهم انا كنت شامة نفس هذة الريحة فى لجنة الامتحان
اتااااارى جنب منى حماام الرجال_بلاش بلاش لحسن بتوع المرافق يقولوا على بسب سب علنى و يقاضونى
دورة مياه الرجال
الدابليو سي لا مؤاخذة!!!
انا بمتحن جنب دورة مياة رجال
عمال على بستانى على موظفين على طلبة هيصة
و اقول للمراقب قبل الامتحان معلش بس مش هينفع اقعد هنا
يقولى ليه؟!!
طب اقوله ايه
الريحه فاقعة و لا المكان حرج!!
رد الولد اللى قصادى و قاله يعنى عشان حمام الرجال
يرد الراجل الب.....
و لا بلاش
يرد الراجل عديم ....
اقصد الراجال العااااااااااااااادى
و ايه يعنى هى مش دكتورة انتى مش كشفتى على رجالة قبل كدة فى الباطنة و الجلدية!!!
و ضحك و اتقلب الحوار عن الكسوف و ان ده زمن ما فيهوش بنت بتتكسف و كلا من ده لحد ما وزعوا ورق الاجابة و رحمنى ربنا منه

بعد 15 دقيقة _اصلا زمن الامتحان 45 دقيقة_لقيت الاخ اللى ادامى بدأ يدندن
كمان 10 دقايق بدأت اميز كلمات الاغنية
_سكرانة سكرانة......
و بلا يمين 5 دقايق كمان لقيته بينادى المراقب يديله ورقة الاسئلة و الاجابة
و بيغنى
بعد حين سكرانة سكرانة

broken nonna
30-09-2007, 04:34 AM
اول ما خلصت امتحان الراوندات و بدات اجازة الصيف _ان جاز اعتبارها اجازة اصلا_
سافرت مع اسرتى اسكندرية.
بس لان صديقة ليا كان فرحها فى القاهرة فكان لازم انزل
ما حدش رضي ينزل معايا ابدا
بدأت افقد الامل بالذات ان والدى مش من ارباب ان البنت تسافر لوحها
بس كان لازم احضر و اللى يعرف موضوع (العروسة للعريس و الجرى للمتاعيس)هيعرف اد انا بحب حضور الافراح جدا جدا حتى لو ما اعرفش فيها حد.
اضطريت ادفع!!
اخويا الصغير_راسمالى قولوا اقطاعى قولوا برده(ربنا يحميه و يحفظه)_قاللى اجى اوصلك بس.....
قلتله عشرة جنيه!!
قاللى يفتح الله !!
قلتله ومواصلات على بابا يااااااااااااااااااه
قاللى يفتح الله
انتهى على 20 جنيه _عشان احنا فى رمضان ردلى منها 6 جنيه ونص حولى رصيد بصراحة
المهم ان واحد صاحبه جه معانا _ماتخافوش انا يستقرضنى واحد بس اتنسن لا!!!
مالقيناش حجز قطر
قاللى ما بدهااااااااش ميكروباص يا نونا
قلتله يالا المهم الحق الفرح سا عتك
وقفنا على اول شارع خالد بن الوليد امم يا نااااااااااس امم واقفة
و ده العاااادى
اثناء انتظارنا اللى طاااااااال تناهى الى مسامعى صوت من اصوات موسيقى الاغانى بتاعت السواقين و الفرخجية و الصنايعية
نظااااااااام ايييييييييييييييييه و ااااااااه و الكلام ده
التفت لاقيت اننا واقفين على ناصية قهوة_سياااااحى_
عااادى
فجأة الاغنية تغيرت و لانى اصلا مش مركزة هى بتقزل ايه ما فرقش معايا
بس انا لقيت الواد اخويا بيبصلى و بينغزنى اللى هو كاتم ضحكة هتنفجر منه بس بيحاول
يكتمها
منظره لوحده يضحك فبقلة فى شبه وشوشة ايه مالك؟
قاللى بصي على اسلام_صاحبه_
بصيت على الواد لقيته قلع النضارة عينيه حمرا بدأ يدمع
الواد مش عارف يتحكم فى عينه دمعة اتزحلقت
طبعا انا مش فاهمة فى ايه
بصيت لاخويا قلتله ماله
اخويا مش عارف ينطق
يا واله الواد بيعيط و لا انا بيتهيألى
اخويا انفجر من الضحك و بقيت المه من الارض
و اللى على لسانى كلمة امى_اتلم يا مفضوح_بس ما بتجبش نتيجة الا منها الظاهر كدة
الولد صاحبه تخد على خاطره ووقف على جنب
اخويا بدأ يتعدل و راحله
الواد بدأ يمسح دموعه و رجعوا تانى
و لان الود صعب عليا فعلا بالاذات انك تشوفه ما شاء الله _ضخم_ و بيعيط
اكيد شئ مؤثر اللى بكاه
سألته: انت افتكرت حاجة وحشه
رد على بكل سذاجة و الله فعلا زى العيال:
ابدا بس الاغنية مؤثرة
زلزال يا ناس
الواد ده عيط على اغنية
اغنية ايه دى اللى انا ما سمعتاهاش و انا واقفة معاهم
قلتله اغنية ايه قاللى اللى كانت شغالة اصلها بتحكى قصة واقعية
اخويا قاطعه و قاللى تسمعيها تانى
قلتله يا ريت
اخويا غاب دقيقتين جوة القهوة ورجع
و اسمعلكم الاغنية:
اولها فعلا موسيقى تدى على حزاينى
زكزت شزية فى الكلمات
عينى برقت !!
ابص للواد الاقيه بيقلع النضارة عينه بتدمع هيعيط!!
ابص لاخويا اللى يستاهل وصف مفضوح فعلا !!
تخيلوا المنظر بنت مبرقة فى و ش شا بين
شاب يفترش الارض هيموت من الضحك
التانى هيموت من العياط
و الموسيقى التصورية
البانجو ده مش بتاعى!!!!




بالله عليكم اللى يعرف الاغنية دي يكتبهالى!

أبو المعاطى شمروخ
30-09-2007, 05:08 AM
مواضيعك جامدة يا نونا
يخرب بيت شفايفك:smiley1:

بخصوص لجنة الامتحانات كنت فى سنة اولى انا الوحيد اللى مكنشى فوق منى مروحة فى عز الحر والشمس فى قفايا

سنة تانية انا الوحيد اللى فوق منى مباشرة بمسافة قريبة جدا
مروحة كانت بتجيبلى صداع ومبعرفشى اجاوب واقولهم هدوا
سرعة المروحة يقولولى يا كابتن كلها بفتاح واحد وسرعة واحدة


واللى كان بيعيط ليه حق طبعا اصل دى اغنية للأستاذ /حامد عبده
واتمسك ببانجو وحاله كان يصعب على الكافر وانت عارفة محاكم واستئناف وهيصة بقى
سكرانة سكرانة دى كنا بندندن بها اصل علينا دكتور عيلته اسمها سكرانة فعادى كله عادى
عادى فى المعادى

sameh_ig
30-09-2007, 05:18 AM
يستاهلوا حكومة ألعن من اللى متسلطة عليهم


فيتوووووووووووووو على الجملة دية معلش


باقى الحورات كوراث يا نوناااااااااااااااااااااااااااااااااااااااااااا

والبانجو مش بتاعى واللة برىء يا بية الذنب ذنب صحابى هما اللى رمونى علية

go on

broken nonna
30-09-2007, 07:01 AM
شكرا للتعليق دكتور سامح مسعد و ربنا يكفينا شر المحاكم و سككها و يرزقك دايما بلجنة كويسة و مريحة و يفوق دكتور سكرانة بقى من السطلانة اللة فيها عشان تتمحى الاغنية دى من على وش الارض.
سمعنى أميــــــــــــــــــن.

دكتور سامح اى جى كان نفسي معلش اذا تكرمت فى باقى كلمات الاغنية _الله يعزك_ اما بقى موضوع الفيتووووووووووو ده ممكن تقولى ليه؟
يا فندم اناواحدة من الناس والدتى دخلتنا من البلكونة عشان بس صوتى عالى و انا بقول حد يبلغ الشرطة لا و بقيت مفضوحة!!

باقى الناس اللى شافت اللى بيحصل و مصمصوا شفايفها و دخلوا و سكروا وراهم الشيش و ناموا.
ما حدش دمه فار و لا غلى و لا اتصرف تمااام زى وزير الصحة واقف حزين من بعيد على حال مستشفياتنا و يقولك نظام فندقة و كادر!!
اذا حضرتك شفت حاجة قلى بالله عليك و انا اروحلها املى عينى منها كدة.
معلش يا دكتور اسمحلى اخالفك اللى يقبل انه يتنازل و يعدي و يعيش فى بلد العادى عادى يسد ودانه وهو بيتشتم و يغمض عينه و هو بيضرب يبقى يستاهل اللى يعمل فيه اكتر من كدة.
على فكرة انا اول الناس سلبية للاسف انا رافضة اعيش فى بلد ده الوضع فيها حزينة تمام زى الاخ وزير الصحة على كل حاجة فيها بس فعلا مش عارفة اعمل ايه غير انى لقيت نفسي ببقى التلات اتلات من نوعيات البشر فى وقت واحد
بقول و ازيد واعيد فى اللى الكل يعرفه بس لو ما قلتش هطق.
حزينة على حال انا مش عارفة اغيره ازاى
و وواقفة بتفرج و ممنوعة من انى اعمل حاجة.

بلد ماشية لورا....

أبو المعاطى شمروخ
30-09-2007, 01:31 PM
آمين يا دكتورة نونا
وهسيب الاغنية للدكتور سامح
اما بقى الناس دول هما عملوا اللى عليهم
هما مش مصمصوا شفايفهم؟ هيقطعوا نفسهم يعنى
متنسيش انهم صايمين بردو
ودخلوا سكروا الشيش-علشان الجو بدأ يبرد- وناموا
اهم حاجة انهم ناموا بس اكيد الواد صعب عليهم:icon_mrgr


خلينا نفكر بعقلانية كل اللى هيبقى عايز يتدخل هيقول وانا
مالى وانا ادخل نفسى فى الحوارات دى ليه ويمكن اسمع كلام مش كويس
انا معاكى ان الواد غلبان وكل حاجة وانت بتقولى انهم عساكر
فهتبلغى الشرطة تقوليلهم ايه؟
وحلنى لما الشرطة تبقى تيجى
انت مش كل حاجة تحصل هتبلغى فيها الشرطة دى حاجة معروفة
الشرطة مش اللى هى يعنى احنا مش فى انجلترا

بصى يا نونا فضفضى واوعى تكتمى فى نفسك بس ........

مصري متعصب
30-09-2007, 09:18 PM
بالنسبة للاغنية الحزينة
اعتقد انتي تقصدي اغنية اجرح بتاعت طارق الشيخ
مفيش ميروباص و لا جزار و لا ميكانيكي الا مشغلها

اجرح (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
مش هاقدراشكي ولا حتي عيوني تبكي ولا هاعتب يوم عليك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اجرح (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وانا تحت امرك علشان الامر امرك وانا قلبي بين ايديك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
من ضعفي قدامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
انا قلبي خدامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اجرحني بكلامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وانا هارضي واتحمل ايه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
الي بايدية غير الاهات بيه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وحيرة في عنية وفرقة بطول (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اتعبني واواذيني لاكن ما ترمني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
الجرح يرضيني اجرحني من الاول (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
رضيت انا بناري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
والاه في مشواري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
شوف اد ايه شاري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
مجروح وبتالم (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اااااااااااااااااااااااااااااااااه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
ديما تلوعني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
دايما تسمعني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
كلام بيوجعني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
يا حبيبي ليييييييييييييييييييييييييييه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
ليه العذاب ليييييييييييييييييييييييييه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
دا الجرح نار فييييييييييييييييييييييييييييييييييييه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
يا وخدني تسلية (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
ايه ذنبي اييييييييييييييييييييييييييييه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
يا حبيبي ايه مالك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
ليه جرحي يحلالك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
طول عمري بنسالك الي انت (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
امتي تصون قلب (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وتخاف عليه فيه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
باه دا جزات حبي (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
تبيع وتلعبي (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
من ضعفي قدامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
انا قلبي خدامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اجرحني بكلامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وانا هارضي واتحمل (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
ايه الي بايدية (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
غير الاهات بيه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وحيرة في عنية (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وغربة بطول اتعبني واواذيني لاكن ما ترمني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
الجرح يرضيني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اجرحني من الاول (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
رضيت انا بناري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
والاه في مشواري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
شوف اد ايه شاري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
مجروح وبتالم (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
من ضعفي قدامك انا قلبي خدامك (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اجرحني بكلامك وانا هارضي واتحمل (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
ايه الي بايدية غير الاهات بيه (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وحيرة في عنية (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
وغربة بطول اتعبني واواذيني لاكن ما ترمني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
الجرح يرضيني (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
اجرحني من الاول (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
رضيت انا بناري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
والاه في مشواري (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)
شوف اد ايه شاري مجروح وبتالم (http://www.medicine.cu.edu.eg/%7E*%C2%A4%C3%B4%C2%A7%C3%B4%C2%A4*%7E*%C2%A4%C3%B 4%C2%A7%C3%B4%C2%A4*%7E%3Cfont%20size=)

http://rapidshare.com/files/751896/WwW.MaZiKa2daY.CoM_Tarek-El-Shekh_Egrah.mp3.html

مصري متعصب
30-09-2007, 09:22 PM
بصراحة أنا شفت ولد بيعاكس بنت
وشفت بنت بتعاكس ولد
لكن جديدة حكاية البنت اللي بتعاكس بنت دي
غلبان و الله يا اسلام
المشكلة دي انتشرت في مصر
و وثقها فيلم عمارة يعقوبيان
و احد اهم اسبابها انتشار اصحاب الانتيخ

broken nonna
30-09-2007, 09:28 PM
عمرى ماحبيت اكتب الكلمة دى اد النهاردة

هههههههههههههههههههههههههههههههههههههههههههههههههه هههههههههههههههههه
ههههههههههههههههههههههههههههههههههه

مشكور على مجهودك فى الاغنية دكتور متعصب
بس يؤسفنى اقولك انى سمعتها بس مش هى صراحة
الاغنية مطلعها كتبه دكتور سامح اى جى.

kalamntena
30-09-2007, 10:00 PM
هايلة يا نونو

:smiley20:


زميلك اللى قدامك قعد يغنى سكرانة
يا فرحتى الولد ده :smiley20: ابصم لك بالعشرة انه مابيشمش حاجة
واول يا عينى ما ... احم.... اتسطل
:icon_mrgr

broken nonna
30-09-2007, 10:01 PM
بمناسبة اغانى الميكروباصات
طبعا ده شئ عادى
السواق لازم يروق الانانى _على راى الواد اخويا _ و هو بيحصل الكاشات _على راى اخويا الاكبر
كااااااااااان ليا موقف شيك شيك بجد
كنت رايحة الكلية و لازم اروح بدرى اكون هناك 7 و نص صباحا
نزلت من بيتنا 6 ونص
امم واقفة على المحطة خلق كلهم وشهم مليانة creases و من كل crease و crease.
تقدر تعرف المخدة اللى استحملت راس الكريم..
مش بعيد تعرف شكل الملاية ....
و ده برده عادى
تلاقى طلبة الجامعات كلهم واقفين كوليكشن بنات على ولاد و البنات ما شاء الله
اكيد كانوا سايبين المخدة بقالهم ساعتين كدة و لا حاجة
لزوم التلوين و القص و اللزق...
عادى جدا امال يتجوزوا ازاى؟!!
الولاد بقى كان ليهم طريقة غريبة فى ركوب الميكروباص اللى ماكانش لسة وقف اصلا
يحدف الكشكول من الشباك و ينط وراه
اه من الشباك لياقة بقى على كاجوال !!
و يحجز الكنبة اللى ورا لاصحابه يا لاي بنت بس تكون عجبته و هكذا كان ركوب الميكروباص الصبح معضلة من معضلات العصر الحديث فى مصر بس برده و لا بيهمنى
عاادى.
ركبي ميكروباص بعد نص ساعة من وقفتى على المحطة صحيح متأخرة بس مش مشكلة انا اصلى من ارباب هين قرشك و لا تهين نفسك
ممكن استنى للصبح بس اركب ركوبة محترمة و مريحة
المهم ركبت حظى ماكانش فى مثلا الا 3 طلاب و الباقى واضح انهم موظفين
السواق حاسس بالحر و القرف و العفرة
قال يفرفش الركاب
قام عمل ايه
شغل اغنية
الموسيقى فى اولها بجد ممتازة مش تريقة و الله لدرجة ان فعلا فى وشوش بدأت تبتسم
لحد ما نطق الاخ المطرب و قال:
ريحة شرابك بتفكرنى بيك يا.....
و حبيبي واقف فى البلكونة و ............مد........
ناس وشها قلب بعلامات امتعاض شديدة لدرجة تفتكرهم هتبولق و تفوميت
و ناس تسمع صوت الطقطقة بتاعتهم من ورا
و لما الكوبليه كان بيتعاد بدل المرة اتنين و تلاتة و السواق واضح انه مستمتع
بدأت جمل الاعتراض تطلع
واحد بيقوله ايه يا اسطى القرف ده
و ست تقوله يا اسطى ايه القذارة دى على الصبح!!!
و السواق مندمج و بيغنى
طبعا احتجاج جامد من الناس اللى راكبة
بس الاخ السواق وقف و بكل برود قال للركاب انتوا هتمشونا على مزاجكم و لا ايه ماحدش لسه دفع اللى مش عاجبه يتفضل ينزل يا حضرات!!
فكركم فى حد نزل؟!!
طبعا عادى جدا لو ماحدش نزل الننا فى بلد العادى
بس السؤال
فكركم انا نزلت؟!!

broken nonna
30-09-2007, 10:03 PM
كلمنتينا انا مبسوطة جدا انك رديتى لتانى مرة فى الموضوع ده
و الله ده شرف ليا فعلا ان موضوعى تردى فيه.
عقبال الاسمر و دكتور مصباح ياااااااااااارب و باقى المنتدى.
يالا اول الغيث قطرة.

kalamntena
30-09-2007, 10:04 PM
لا والله يا نونو
انتى عارفة رأيي فيكي وفي اسلوبك وطريقتك ومواضيعك
:smiley20:
ما شاء الله عليكي
كفاية كده لحسن يحسدونا

kalamntena
30-09-2007, 10:07 PM
اسكوووووووووووووووووتي
مش انا شفت الكليب بتاع الاغنية دي
:icon_mrgr

dr / MIM
30-09-2007, 10:08 PM
موضوع رائع الصراحة ............
و خصوصا حكاية الميكروباص دى ........
فعلا دى طريقة الولاد فى ركوب الميكروباص ............
هى مش لياقة اوى بس لزوم الاستعجال ............. نقول ايه
و هى ايام و بنقضيها

مصري متعصب
30-09-2007, 10:10 PM
اسكوووووووووووووووووتي
مش انا شفت الكليب بتاع الاغنية دي
:icon_mrgr

اي اغنية بالظبط
وازاي شفتي الكليب
سوري انا طافي انهردا

broken nonna
30-09-2007, 10:11 PM
يا متعصبانا فعلا بسمع الاغانى دي بضحك اكيد .طب بص كدة انت و احكم
قلبى خدامك
اتعبنى و اذينى لكن ما ترمينى
يا واخدنى تسلية
!!
ده كلام اغنية بالله عليك؟!1
طب سمعت صوته وهو بيغنى و الله اخويا قاللى انه ما بيغنيش الا وهو شارب حشيش!!!
و بعدين ده حزينة دى!!
و صدقنى فعلا مش هى الاغنية الاغنية كان مطلعها
البانجو مش بتاعى و الله برئ يا بيه
الذنب ذنب صحابي هما اللى رمونى عليه...
تخيل دى اغنيه؟!!
لا وحزينة و بتخلى الواحد يعيط؟!!

broken nonna
30-09-2007, 10:12 PM
لا شفتى اغنية البانجو ده مش بتاعى؟!!
طب احكيلي احكيلي .

مصري متعصب
30-09-2007, 10:15 PM
هي دي الاغنية الحزينة
طب فهميني ازاي
ياما في السجون مظاليم
واللي افتروا بره
بيجروا وبيرمحوا
في عز الخلا بره
برئ في سجنه اترمى
ولا حد سائل فيه
اصحابه كانوا السبب
في رميته جواه
بيدفع لوحده التمن
واللي أذووووه بره
يا ليلي يا عينى
البانجو مش بتاعي والله برئ يا بيه
الذنب ذنب اصحابي هما اللى رموني عليه
البانجو مش بتاعي انا لو شميته بدوخ
عشان بيشد العقل ويدمر في النافوخ
البانجو مش بتاعي البانجو ده انا معرفوش
معرفش حتى شكله عشان مبشربوش
عشاااان
البانجو مش بتاعي انا لو شميته بدوخ
عشان يشد العاقل
كنت قاعد في حالي وجم صحابي ندهونى
قالولى هنسهر سهلة حلوة وعزموني
قوام مشيت معاهم ورحنا ع المكان اتاريهم ماشيين معايا
وف كلا جيب جوان
قعدت وعقلي شارد قعدت فكرى حاير
والبانجو كان قدامهم بيلفوه في سجاير
قاللي اعملك صاروخ هيظبط النافوخ
بيقولوا هبقة رايق لما اشرب لما ادوخ
فجاة لقيتهم جريوا من غير مينبهوني
ملقتش حد منهم
مع البانجو سابوني
فجأة وبدون داعي لقيت البانجو بتاعي
سهران والسهرة فل
مرسي ودهشان ولول
يانى من زمانى
هقولك الصراحة
اصل الحق حق
وان قلت عليا مذنب مش هقولك لاء
ادى كل حكايتى
مع اصحابي يا بيه
انا غلطان م الاول
وحكمك راضي بيه
البانجو مش بتاعي
الذنب ذنب اصحابي

broken nonna
30-09-2007, 10:17 PM
لا تعليق !!!
قلى انت بالله عليك اصلا دي اغنية يا مصري!!
لا حول و لا قوة الا بالله.
لا حول و لا قوة الا بالله.

مصري متعصب
30-09-2007, 10:18 PM
السلام عليكم , انا خلاص زهقت كل ما اركب تاكسى او ميكروباص الاقى مشغلين اغنية هايفة طحن و اسمها البانجو مش بتاعى

البانجو ده مش بتاعي والله برئ يا بيه
الذنب ذنب صحابي هم اللي رموني عليه
البانجو مش بتاعي انا لو شميته بدوخ
عشان بيشد العقل ويدمر في النافوخ
البانجو ده مش بتاعي البانجو ده معرفوش
معرفش حتي شكله عشان مابشربوش
انا كنت قاعد فحالي يوم ما صحابي ندهولي
قالولي هنسهر سهرة حلوه وعزموني
قوام مشيت معاهم وروحنا عالمكان
اتاريهم ماشيين معايا وفكل جيب جوان
اعدت وعقلي شادد اعدت وفكري حاير
البانجو كان قدامهم بيلفوه فسجاير
قالي اعملك صاروخ هتظبط بيه النافوخ
بيقولوا انا هبقي رايق لما اشرب كام صاروخ
انا كده هبقي رايق لما اشرب كام صاروخ
فجاه لقيتهم جريوا من غير ما ينبهوني
مالقيتش حد منهم ومع البانجو سابوني
فجاه وبدون داعي
لقيت البانجو بتاعي
اقولك الصراحه اصل الحق حق
وان قولت عليا مذنب مش هقولك لأ
كان نفسي ابقي ظابط والناس بيعظمولي
دلوقت بقيت بشوش والناس بينقطوني
ادي كل حكايتي مع صحابي يا بيه
انا غلطان من الاول وحكمك راضي بيه

مصري متعصب
30-09-2007, 10:19 PM
انا قاعد بدور ع الاغنية دي الان

broken nonna
30-09-2007, 10:29 PM
:smiley3::smiley3::smiley3::smiley3::smiley3::smil ey3::smiley3::smiley3::smiley3::smiley3::smiley3:: smiley3::smiley3::smiley3::smiley3::smiley3:
:smiley3::smiley3::smiley3::smiley3::smiley3::smil ey3::smiley3::smiley3::smiley3::smiley3::smiley3:
:smiley3::smiley3::smiley3::smiley3::smiley3::smil ey3::smiley3:
:smiley3::smiley3::smiley3::smiley3::smiley3:
:smiley3::smiley3::smiley3:
:smiley3::smiley3:

مصري متعصب
30-09-2007, 10:39 PM
لا تعليق !!!
قلى انت بالله عليك اصلا دي اغنية يا مصري!!
لا حول و لا قوة الا بالله.
لا حول و لا قوة الا بالله.

انا مش حتكلم اذا كانت دي اغنية ام لا
انا حقول ايه اللي يبكي فيها
صاحب اخوكي عيط ليه
لو سمحتي هاتيلي رقم موبايله
اشك في انه اتمسك قبل كدا

kalamntena
30-09-2007, 10:55 PM
اي اغنية بالظبط
وازاي شفتي الكليب
سوري انا طافي انهردا



بتاعة الشراب
اخويا جبهالي مرة على الكمبيوتر

ekm86
30-09-2007, 11:07 PM
اسكوووووووووووووووووتي
مش انا شفت الكليب بتاع الاغنية دي
:icon_mrgr



بتاعة الشراب
اخويا جبهالي مرة على الكمبيوتر


أنا كانت عندي الأغنية دي صوت بس
لكن أول مرة أعرف إن ليها كليب:icon_mrgr
عايز أشوفه

kalamntena
30-09-2007, 11:09 PM
انا شفتها من زمان قوي
الله يحفظكم
لو لقيتها هابعتهالك يا اسلام

أبو المعاطى شمروخ
30-09-2007, 11:28 PM
وشها قلب بعلامات امتعاض شديدة لدرجة تفتكرهم هتبولق و تفوميت


الظاهر انك متاثرة بكلام اخواتك اوى يا دكتورة
انا بقى اخويا بسمع شوية اغانى لعالم بصمجية بجد
بموت من الضحك على الكلام بس بينى وبينكم الاغانى دى المصيف
مينفعشى من غيرها
وبالنسبة للميكروباص والله احنا بنستمتع لما نكون شلة وراكبين ميكروباص
الاشتغالات كلها بتبقى فى السرفيس
و اه لو واحد ملتحى والاغانى شغالة وشد مع السواق بيبقى يوم اشطة
والخناقات و ....و ...............
وكمان اغنية البانجو بتاعة الاستاذ/حامد عبده مالها يا جماعة
دى جميع الفئات سمعتها ونالت استحسانهم
والاستاذ التونسى الغمراوى والاستاذ على صالحين
والاستاذ عبد الباسط حمودة والاستاذ عوض عبد العزيز
وسيدة الغناء العربى شفيقة
دا تراث لا يمكن انكاره يا جماعه

broken nonna
30-09-2007, 11:58 PM
كلمنتينا الكليب جايب الشراب ال....
و ال........ المدلدل!!!

دكتور سامح عاوزة اقولك ان فى مرة اخويا الصغير قعد يحكيلي و يحكيليى و يحكيلي
لحد ما وصل فى الحكاية لبلاوى
راح يقولى ايه؟
يا بت انا بنسى نفسى و انا بحكيلك كأنك واحد صاحبي!!!
فلازم اتأثر بيهم لان اولا هما خروجهم ومعاملاتهم كتير
و احنا فينا الطبع ده مش عارفة صح و لا غلط
بس احنا بنقعد نحكى لبعض اللى حصل طول اليوم او فى خروجة و هكذا.
دكتور مصري ما ان عشان فعلا الاغنية كانت غريبة ورد فعل الولد كان اغرب كنت متغاظة و كان الموضوع فى كوليكشن غيظ و على فكرة اناسألتلك بس الحمد لله الواد ماتمسكش قبل كدة نضيف يعنى.

معلش تانى يا دكتور سامح مين لا مؤاخذة الناس اللى حضرتك جبت سيرتهم؟
مثال بالله عليك من عمل كل واحد اذا ممكن؟

أبو المعاطى شمروخ
01-10-2007, 12:10 AM
دول يا نونا عمالقة من عمالقة الفن الشعبى

عمل لكل واحد استنى بقى اخويا بييجى كل خميس واعملك البوم شعبى اشطة

مصري متعصب
01-10-2007, 12:12 AM
دول يا نونا عمالقة من عمالقة الفن الشعبى

عمل لكل واحد استنى بقى اخويا بييجى كل خميس واعملك البوم شعبى اشطة
يا سامح
انا قعدت ادور على اغنة هباب الحشيش دا
ملقتهاش
لو ممكن ترفعها لو عندك
او لو تعرف مكانها ع النت..اديني اللينك بتعها
وللا قلك خلاص
بكرا حركب تاكسي و اخليه يسمعهالي

مصري متعصب
01-10-2007, 12:14 AM
دكتور مصري ما ان عشان فعلا الاغنية كانت غريبة ورد فعل الولد كان اغرب كنت متغاظة و كان الموضوع فى كوليكشن غيظ و على فكرة اناسألتلك بس الحمد لله الواد ماتمسكش قبل كدة نضيف يعنى.




ما هو دا اللي انا مستغرب منه
انا حستنى لما اسمع الاغنية
يمكن صوت القفا مدوي في الاغنية
و العلقة طاغية على صوت المغني
فالشاب خاف على نفسه
بس فعلا موقف رهيب
المهم
انتي طول الطريق سعتها......كنت بتفكري في ايه

أبو المعاطى شمروخ
01-10-2007, 12:18 AM
مصرى قوله سمعنى اغنية الاستاذ حامد عبده
وهو هيظبطلك العمل

broken nonna
01-10-2007, 12:22 AM
عاوز الحق يعنى؟:icon_mrgr
استنى انا هقولك قبل ما مخك يوديك لبعيد
اصل السواق ما دانيش فرصة افكر فى اى حاجة
شغل كوليكشن نكد من اول تخسري لهانى شاكر
و قلبى واجعنى لتامر حسنى_مش عارفة انا كلهم بقى قلبهم واجعهم يا بخت دكترة الكارديو.
لحد مطرب غريب كان بيقول
هعتبره قلب وراح
هتعبر قصر جراح اتهد على بانيه
بصراحة الاغنية دى حلوة عن غيرها و ان كان صوته برده كان مغشلق زى اللى قايم من النوم
على فكرة لما سألت عن اسم المطرب
قالولى اسمه احمد عضمة!!!

أبو المعاطى شمروخ
01-10-2007, 12:25 AM
لالالالالالالالالالالالالا
اسمه اسامة عبد الغنى ههههههههههههههههههههه

مصري متعصب
01-10-2007, 12:27 AM
دا طارق الشيخ يا جماعة
بقلك يا سامح
في اغنية نازلة اليومين دول بتاعت واحدة تونسية
تعرف اسمها

broken nonna
01-10-2007, 12:45 AM
كل يوم اقول لازم احرق اكتر فى الكتب
بس ما بيحصلش
و ده عادى كل واحد له capacity معين لحد عنها و بح
بس برده لا يمنع اني متغاظة من نفسي و عمالة اقول كفاية تسخين لحد كدة بس ما فيش فايدة
المشكلة انى بدأت احرق فى حاجات تانية
موتيفال بقى و فيلوزاك و ميجرانيل
لما خلاص معدتى بتصرخ .
و كل ده عاادى
لما طولت شوية فى صفحة neonatology

يجى ساعتين و لا حاجة اتغتظت و اضايقت جدا
مش عارفة ليه مع انه عادى
و ايه يعنى امتحانى كمان 26 يوم
و لا بيهمنى عادى
وانا فى وسط غيظى و حنقى_حنقى لا حمقى_ اسمعلكم ايه
تيتا بتقولى يا دكتورة
_ايوة قالت كده_
تعالى الدكتور هيخطب البت الامورة
طبعا قلت اقوم اشوفها بتتكلم عن ايه
و اهو افك من صفحة ال jaundice

المهم الاقى ايه
البنت الى هى اخت الهام شاهين فى المسلسل بتاع قلب امرأة مع الواد اللى هى مرتبطة بيه من سنيــــــــــــــن
و اللى لجل الحظ طلع دكتور
و لا و ايه رايح الجيش بتاعه فى اسوان و لا ايه
المهم الواد بيحبها و هى بتحبه و يقولها اتقدم تقوله لا
يقولها ليه اتأخرنا كتير
تقوله لأ!!!
طب ده كلام واقعى يا ناس!!
ما علينا عادى عادى
و ايه واقعى فى الواقعية بتاعت الدنيا دى اصلا!!!
المهم عدت الحلقة وانا بقول يا اختى عليها هى اللى بتقوله لا ما تتقدمش
و قررت انى اتفرج على الحلقة اللى بعدها
و قد كان
راح مفاجأة و اتقدملها
ووافقت هى واختها!!
يوم الخطوبة بقى
العريس مع العروسة فى الكوشة
جه يمسك ايديها اتكسفت و شدت ايديها
فالعريس طبعا بيسألها ليه؟
تقوله اختى قاعدة!!!
علما بان امها كمان كانت موجودة
لكن هى اتكسفت من اختها امها لا!!!
ما علينا
يرد بقى الدكتور الجميل يقولها ايه!!
يا سلام يعنى انا بمسك ايدك بقالي سنين يوم مانتخطب ماعرفش امسك ايدك!!!!
الله اكبر الله اكبر!!!
بلاش بلاش ده
موقف تانى وتشاء الظروف انه لنفس الممثلة فى مسلسل تانى
يوم خطوبتها برده معرفش ايه اللى زعل العريس منها المهم انه قالها انها لازم تصالحه
فتقوم مصالحاه ازاى
تبوسه من خده!!!!
و لا يوم ما راح يتقدملها ابن عمتها قبل ما تتخطب للجدع اياه ده
بتقول لعمتها ايه
ان ابن عمتها ده شاب مثالى و الف بنت تتمناه الا هى اصل بصراحة هى مرتبطة بشاب تانى!!
عينى عينك ادام ابوها و امها _اللى بالمناسبة كانت مبسوطة ببنتها ورد بنتها!!!
حتى ياربي اللى معمول للترفيه بقى مصدر غيظ!!
البجاحة بقوا بعلنوا عنها عينى عينك و يعلموا الناس.
لا و اللى يغيظ اكتر معلش
تلاقى مسلسل زى الدالى مثلا بيتعرض على القناة الاولى ارضى اول ماحد يجى ماسك شيشة او سيجارة
يكتبلك ايه!!
التدخين ضار بالصحة!!!!

مصري متعصب
01-10-2007, 01:10 AM
ههههههههههههههههههههههههههههههههههههههههه
حلوة يا نونا
انا اخيرا عرفت سبب غيظك و حنقك......الامتحانات
بقلك يا سامح مسعد.....لسه الحالة دي مجتلكش
ما علينا
المهم انا بردو قلت اشارك بحاجة غيظاني
مصري قاعد في بيت
في تلفزيون....بس قنوات ارضية بس
والده قلله ركب الدش يا ابني
مصري قلله بكل جرأة...لا يا بابا...انا عاوز اذاكر
ولا هو ذاكرو لا حتى اتنيل
المهم
فضل مصري عام كامل بعيد عن القنوات الفضائية...لا في الجزيرة اللي معاها تحش ان الحرب العالمية التالتة خلاص حتقوم ...مالها نشرة الاخبار المصرية..الدنيا بمبى و السياسين فاضيين و مورهمش حاجة
و بردو مفيش اسبيس تون و لا ام بي سي 3 و لا آرتينز
ولا في ميلودي هيتس او مزيكا ....ولا في روتانا و اقسامها
المهم
امبارح و فقط امبارح قررت اركب الدش
و طبعا لاني شاب....فأول حاجة عملتها اني فتحت قنوات ميلودي
واااااااااااااااااااااااااااااااااااااااو......... .ميلودي عاملة ستين قناة ميلودي
ميلودي تون و ميلودي مش عارف ايه و ابصر ايه
المهم
اول حاجة اشتغلت...اعلان ميلودي تتحدى الملل
قلت في نفسي ......ياااااااااااااااااااااااه الاعلان دا وحشني جدا
ببص لقيته اعلان جديد
بتاع الولد اللي بيحكي نكت....واصحابه مش بيستظرفوه
وبعدين جه الراجل الاصفر لبس النظارة و شافه على شكل.....
ينفع كدا
دا اعلان ينزل في التليفزيون
شفتوا البنت اللي معاه..يقال انها مطلقة ابراهيم سعيد
اعلان في غاية قلة الادب
انا بصراحة فكيت الدش تاني
قلت انا في الاول كنت احسن
انا ركبته بس عشان اتفرج ع الصلاة في الحرم
و فكيته تاني كمان ......بلا قرف

broken nonna
01-10-2007, 01:20 AM
ايه اللى يغيظ فى اعلان البطل ده يا مصري:smiley1:
ده واحد كان بيتحدى الملل و الناس بتتهمه بحاجات وحشة و مالها المدام و الله خسرها ابراهيم سعيد يا اخى لو كانت هى فعلا طليقته!!
عادى يا مصري عادى
اوعى تتغاظ خالص.

broken nonna
01-10-2007, 01:21 AM
بما ان المواصلات هى محور حياتنا
و ماحدش ياخد كلمة محور و يفتكر انى هتكلم عن المحور
لانى انا ماليش دعوة بالسياسة خااااااااالص
انا فرد عادى فى بلد عااادى جدا.
كان يوم مسافرة لوحدى من القاهرة الى الاسكندرية بعد ما خلصت الامتحان يعنى على الظهرية كدة
عقبال ما راغينا ان و البنات وروحت و اقنعت بابا انه مايخافش و يصدق اخويا الكبير لما قاله انه مخلف تلات ولاد
و ان بنته غفير فى الشارع
صقر فى الجو
قرش فى البحر
اقتنع
و كان رده غريب لحد النهاردة نفسي افهمه
قالى روحى _بيضحك_ و هما يعنى هيسيبوا كل البنات اللى فى الشارع علشان يبدأوا يخطفوا الرجالة!!!
_الا يعنى ايه؟!!
ما علينا
رحت اركب القطر كالعادة مافيش حجز
قلت احسن هو ايه العدل فى القطورات بقت بتتأخر كتير و لو متأخرش يبقى ان شاء الله ان شاء الله يفط من على القضبان او يلبس فى قطر بضايع
و فعلا رحت اركب الميكروباص
_مكيف و بدي في دي يا جماعة و الله_
انى الاقى ميكروباص رايح ميامى مافيش
بنات كتير واقفين بشنطهم و اسر
و ماحدش لاقى
فين لقيت منظم الموقف فسألته عن ميكروباصات جاية و لا حاجة
قالى فى واحد جاى بس اركبي بسرعه
نستنى نستنى
اخيرا ظهر
هجوم عليه طبعا ماحدش ركب
لقيت عسكري مطلع راسه من الشباك اللى جنب السواق
فقلت اسأله هو مش طالع
قاللى لا
قلتله ليه؟
باصلي و قاللى اصله محجوز لمحمد بيه!!!
و كأن محمد بيه ده معرفة شخصية لجنابي
و لان لسانى على رأى ماما فرقله و على راى تيتا متبري منى
بقله مين محمد بيه
؟!!
فتح الشباك الفيميه اللى فى العربية من ورا واحد ببدلة ميري و تلات نجوم
و باصلي من ورا النضارة الشمس بصة ....
طبعا و لا همنى
بصيت تانى للعسكرى و قلتله يعنى ادامك نااس و اسر و اطفال و شباب و انسات
مستنيين ميكروباص و يوم ما يجى تقولى محجوز لناس تانية ايه محجوز دى
حتى فى الميكروباصات
!!
قاللى ده محجوز لمحمد بيه بس!!
اتغاظت و انا مش عاوزة اقولكم لما بتغاظ بعمل ايه
بعيط على طول
بس المرة دى عينى دمعت و مسكت نفسي و قلت وا نا ركبى بتخبط فى بعضها بس ما هانتش علي نفسي يكبسنى الاخ العسكرى
قلتله بقى الميكروباص اللى بياخد 14 راكب محجوز لواحد بس
؟!!
ده كلام يرضي مين ده!!
طبعا كان ورايا سنيده شباب و رجالة واقفين بس ايه
سايبنى اتكلم لوحدى
!! عادى
المهم العسكرى نزلى من الميكروباص !!
و ايه يا انسه لو سمحتى انا مش عاوز اغلط من بدري
و ساكتلك بس كدة كتير العربية ماحدش هيركبها
و اتفضلي بقى من هنا
!!
ابص ورايا على السنيدة اختفوا !!
اللى مراته شدته و اللى خطيبته بتقوله انت هتتخانق و انا معاك و لا ايه
و اللى كان سايب مراته شايلة ابنه و هو نايم من ساعة ما وقفنا خد ابنه منها و شاله!!
اقسم بالله انا لقيت نفسي واقفة بطولى موقف لا احسد عليه
شريط مهبب عن الشرطة فى مصر و التعذيب فى الاقسام و التنكيل بالناس عينى عينك
ادام باقى الخلق مر فى راسي و انا بلاقى الباب بتاع الميكروباص الورانى بيتفتح
سقوعية الهوا من جواه لطشتنى طبعا انا واقفة بتسلق اصلا
و لاقيت الاخ الضابط_الا هى 3 نجوم رتبته ايه؟!!_
نزل و رمى السيجارة فى الارض
و قالى كلمتين و هو مبتسم!!
اتفضلي اركبي
طبعا عيطت و دموعى سحت و لسة هشلق و هبستف جنابه و عرفه مقامه و انا مين _انا مين ياحسرة
لقيت بشر بتزقنى و تركب و هو واقف على جنب بيضحك
!!!
بس الشهادة لله لولاه ماكنتش ركبت اصله نزل واحد وركبنى مخصوص _امال انا اتخانق و هما يركبوا على الجاهز؟!!
و الشهادة لله انا ما ندمت على حاجة اد ماندمت انى ركبت الميكروباص ده!!
مش عاوزين تعرفوا ليه؟!!

مصري متعصب
01-10-2007, 01:26 AM
مش عاوزين تعرفوا ليه؟!!


لييييييييييييييييييييييييييييييييييييييييييييييييي يييييييييه؟

مصري متعصب
01-10-2007, 01:27 AM
شريط مهبب عن الشرطة فى مصر و التعذيب فى الاقسام و التنكيل بالناس عينى عينك
ادام باقى الخلق مر فى راسي و انا بلاقى الباب بتاع الميكروباص الورانى بيتفتح






هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه

broken nonna
01-10-2007, 01:56 AM
تنفست الصعداء اول ما ركبت الميكروباص طبعا و مسحت دموعى و اتنفخت فى القعدة كنت مستنية حد ينطق بس عشان اكله بسنانى
فضلنا واقفين شوية
كان قدامى ست لقيتها باتلى و بتدينى كان شويبس
طبعا قعدت اقولها شكرا و ميرسي و ربنا يخليكي
طبعا بعد يمينات و الله اضطريت اخدها بس شيلتها فى الشنطة
الظاهر ان الست اللى جنبها احرجت راحت مطلعة كيس بيك رولز_حبيب قلبي بس لا بحب اكله ادم حد و لا حد ياكله ادامى عشان صوت الخرفشة اللى بيصدر بيثير اشمئزازى مع انى حاولت اتعود ايشكمن تيتا دايما تقولى هتعملى ايه يعنى لما جوزك يجي ياكل ؟
انا اقولها هما كل الازواج بياكلوا بصوت يا تيتا؟
اخويا الكبير حبيبى دايما يقولها ماتخافيش يا تيتا نونة حتكسرهمله بدري بدري!!
مش بقولكم حبيبي(على فكرة مسمينى نفيسة ز نفسي اعرف السبب؟!!)
المهم المهم شفتوا خرجتونى من الموضوع ازاى!!
عادى عادى
اللبن بتاع بلدنا يعمل اكتر من كدة!!
ييييييييه
اركز بقى اركز
المهم برده بعد محايلات اخدت كيس البيك رولز
ربع ساعة كمان بعد ما تحركنا لقيت سندوتش جمبري جايلي من ورا
و شوية كمان سندوتش طعمية
و كمان شوية كان كوكا كولا و مولتو
يعنى مروقينى
(دكتور سامح مسعد ماتزعلش هبقى احوشهملك المرة الجاية)
طبعا ماخدش حاجة اكتفيت بالحاجات الهبلة زى البيبسي و خلاص
روحت لماما فرحانة بغلة اليوم جدا!!!!
المهم
الست اللى كانت جنبى كانت واخدة تلات كراسي هى و بنتها و ابنها عيال صغيرة
المهم لوا ماعرفت الاجرة حشرت الواد و البت فى كرسي واحد و طبعا اترموا عليا رميه مهببه
و المصيبة لما قعد جنبها راجل
بقت تزق العيال و العيال تزقنى لما خلاص فطست و اللى ينام بقى على رجلى
عادى عادى
شويه و اسمع اصوات غريبة
اعوء اعوء
اعووووووووووووووووء
!!!
الاصوات وقفت و بدأت روايح تطلع
طبعا جمبري و حشر مع مخمضة الميكروباصات لازم حد يرجع
عادى
المشكلة ان الريحة قريبة منى قوى
!!
طب ارجع انا كمان
رحت مطلعة موتيليم الميكروباص كله شاركنى فية و الله
و ماشفتش الشريط الا وهو فاضى على الكرسي اللى ادامى مرمى و انا نازلة!!
عااادى
المشكلة ان الريحة لازالت قريبة
فجأة تحس بهبد فى مسند الراس بتاع الكرسي اللى انا قاعدة عليه
الف براسي الاقى حاجات شديدة الصفاااااااااار على حاجات فروثى شديددددددددددددة البياض!!
فين على مسند كرسي
و الست اللى ورايا بتحاول تمسحه من على الكرسي قبل ما يوصل لقفا_الهدوم بتاعتى قفايا انا و الحمد لله كان متغطى !!!!
طبعا حاجة تقرف و تغيظ بس سكتت !!!
طلعت ازازة الميه بتاعتى و اديتهالها تمسح بيها الكرسي
و بلبعت موتيليم من معايا هى كمان و هاتك يا اسف و بتاع
المهم جوزها بقى عمال يعتذرلى كتير و انا مبتسمة بهبل و اقوله حصل خير
بس ده ما بيسكتش و الحمد لله انه ما سكتش
لانه قالى انها عادة عندها و بترجع اكتر من مرة
لفيت بسرعة و اديتها كيس فاضى كان معايا فى الشنطة_على فكرة لنل بمشي معايا ابرة و خيط كمان !!!
ايــــــــــــــــــــه عادى!!
على الرغم من ان العربية مكتومة و السواق رافض نفتح الشبابيك طول ما التكييف شغال
الحمد لله الريحة راحت
بس يا فرحة ما تمت خدها الغراب و طاااااااااااار
!!!!
لان بالضبط نص ساعة و روايح تانية طلعت
واحدة ست حبكت حبكت تغير لبنتها الغيار فى الميكروباص
بعدها بكمان نص ساعة
كان شغل معدة حد من اموجودين اثبتت عدم كفائتها فى هضم الجمبري بقى و لا الطعمية
و الدليل اديتهولنا امعاءه
و كله عامل اهبل و مش هو المصدر

اخيرا ادرك السواق خطورة الموقف ووقف التكييف
ووقف فى محطة بنزين على الكيلو حاجة و تمانين
و فتح الشبابيك بنفسه
و انا كنت برا الميكروباص بموت من الضحك و هو بيقول
لما انتوا مش قد الطفح بتطفحوا ليه؟!!!
وصلت البيت على 12 مساءا
و انا طالعة من موقف رمسيس السادسة و النصف مساءا
!!!!!!
احلى سلااااااااااااااااااااااااام للشعب العااااااااااادى
و السواقييييييييييييييين العادي
و سلااااااااااااااااااام خصوصي للاكل العااااااااااااااااااادى!!1

HOSSAM ELDIEB
01-10-2007, 02:01 AM
من اجمل مواضيع سرد المواقف في المنتدي
بس مش عارف ليه مش بعرف ارد مع اني قرتها كلها

broken nonna
01-10-2007, 02:07 AM
يكفينى شرف مرورك دكتور حسام.

arownas
01-10-2007, 02:30 AM
أطالب بمسمرة الموضوع ب 100 مسمار قلاوظ في المنتدى

ثبتوا الموضوع ده


:smiley20:

HOSSAM ELDIEB
01-10-2007, 02:35 AM
فعلا الموضوع ده لازم يتثبت
ده كفاية اهتمام بروكن بيه

dr_angel
01-10-2007, 02:36 AM
بجد يانونا اسلوبك حلو جداااااااااااااااا وطريقة عرضك للموضوع جميلة وشيقة جداااااااااااااا
انا مع دكتور اروناس ان الموضوع المفروض يتثبت

broken nonna
01-10-2007, 02:41 AM
و الله يا جماعة انا ما عارفة اقولكم ايه
بجد انا هاروح اعيط و ارجع تانى.:smiley9.::smiley9.::smiley9.:

HOSSAM ELDIEB
01-10-2007, 02:42 AM
تروحي تعيطي؟
هو انتي متعودة تعيطي في مكان معين ولا ايه

sameh_ig
01-10-2007, 03:47 AM
مضطر اكمل على سعتك و اقولك انى واللة العظيم حتى الان شايف ان كل الحكايات دية عادى و يمكن اقل من العادى :smiley4.::smiley4.:

انتى الان فى مرحلة هو اية اللى بيحصل

شوية وهتعملى زى و هتوصلى لمرحلة ايكش تولع:smiley1:


استمرررررررررررى

arownas
01-10-2007, 03:58 AM
و هي لسه ما ولعتش يا سامح
دي بقت حريقة كبيييييييييييييييييييييييييييييييييييييييييييييييي يييييييرة
و مافيش مطافي



بمناسبة المطافي
افتكرت حريقة حصلت من حوالي 3 سنين في شقة في الشارع اللي جنبينا
العمارة دي في وش المطافي عدل بيبصوا عليها من البلكونات بينهم شارع حوالي 10 او15 متر
الحريقة كانت في الضهر و الاب مسافر و الام في الشغل و الشقة فيها ولدين صغيرين بس
الدخان طلع من البلكونة و ولد منهم طلع يزعق في البلكونة و التاني خاف و استخبى تحت السرير
الناس شافت الدخان و واحدة ست راحت قالت لعساكر المطافي اللي اكيد شافوا الدخان
تعرفوا قالولها ايه؟
معندناش اوامر
هما صحيح طلعوا لما جتلهم الاوامر
و صحيح برده ان الولد اللي تحت السرير اتخنق و مات ( الله اعلم اذا كان بسبب التاخير و لا لأ انا عن نفسي ماظنش)
ينفع ده يكون عادي

اللي يفرقعك بقى ان اليوم ده بالليل كان في فرح و لا حنة مش عارف في شارع قريب
و صوت الدي جي جايب اخر الدنيا و واصل لحد بيت الطفل اللي مات

a1man
01-10-2007, 04:57 AM
:tamtam:السلام عليكم :tamtam:


1



أطالب بمسمرة الموضوع ب 100 مسمار قلاوظ في المنتدى




ثبتوا الموضوع ده




معااااكم جدا استشير دكتور مصباح واللي فيه الخير يقدمه ربنا


2



ده واحد كان بيتحدى الملل و الناس بتتهمه بحاجات وحشة و مالها المدام و الله خسرها ابراهيم سعيد يا اخى لو كانت هى فعلا طليقته!!


معلومة بسيطة:دي مش طليقة هيما دي خطيبته حاليا- الفاتنة جوليا - احم احم ,, انا معرفهاش ده هما اللي بيقوله


3




ابص ورايا على السنيدة اختفوا !!


اللى مراته شدته و اللى خطيبته بتقوله انت هتتخانق و انا معاك و لا ايه


و اللى كان سايب مراته شايلة ابنه و هو نايم من ساعة ما وقفنا خد ابنه منها و شاله!!


اقسم بالله انا لقيت نفسي واقفة بطولى موقف لا احسد عليه




هههههههههههههههه


ده انا ورايا رجالة ياكلوا الظلط - مش عارف الظلط كدة صح ولا غلط -


عفوا الصنف الموجود غير متاح حاليا - بمعني اصح نادر حاليا - برجاء المحاولة في عصر أخر


4





يا سلام يعنى انا بمسك ايدك بقالي سنين يوم مانتخطب ماعرفش امسك ايدك!!!!



اه الادب فضلوه عن قلة الادب


5




اقسم بالله انا لقيت نفسي واقفة بطولى موقف لا احسد عليه


شريط مهبب عن الشرطة فى مصر و التعذيب فى الاقسام و التنكيل بالناس عينى عينك


ادام باقى الخلق مر فى راسي و انا بلاقى الباب بتاع الميكروباص الورانى بيتفتح




ده بقي هو اللي عاااااااااااااااادي


نغير الموضوع بقي لزوم الغلوشة : بقي يرخصوا كروت الشحن ويعملوا اعلان هابط كدة



6





طبعا بعد يمينات و الله اضطريت اخدها بس شيلتها فى الشنطة


:smiley4.:


المهم برده بعد محايلات اخدت كيس البيك رولز


:smiley14:


ربع ساعة كمان بعد ما تحركنا لقيت سندوتش جمبري جايلي من ورا


:smiley5.:


و شوية كمان سندوتش طعمية


:drunky:


و كمان شوية كان كوكا كولا و مولتو


:smiley6:


رحت مطلعة موتيليم الميكروباص كله شاركنى فية و الله


:akh:


لفيت بسرعة و اديتها كيس فاضى كان معايا فى الشنطة_على فكرة لنل بمشي معايا ابرة و خيط كمان !!!


:smiley18:




دي مش شنطة يا أمي ,, ده سوق العبور


ملاقيش معاكي باكو بسكويت نواعم


.................................


:smiley32::smiley32::smiley32::smiley32::smiley32:


:smiley32::smiley32::smiley32:


:smiley32:

broken nonna
01-10-2007, 05:46 AM
دكتور سامح اى جى عاادى جدا يحصل لحضرتك adaptaion ماهو كتر الهم يعلم البكا.
دكتور ارو على رأيك هى ولعت فعلا بس بالله عليك لما تبقى المطافى قصاد البيت المولع و يقولك محتاج اوامر عشان يروح ينفذها و طفل يموت بالله عليك ده مش تبقى حاجة تحزن و المصيبة عدم اللامبالاة و اللا احساس اللى عند الخلق تلاقى فرح اخر اليوم مش تبقى دى مسخرة ؟!!
دكتور ايه وان مااان و الله ضحكتنى على سوق العبور
عموما مش عاوز حاجة اجيبهالك معايا؟!!

broken nonna
01-10-2007, 07:00 AM
احمد اله انى ساكنة فى مكان استيراتيجى
قريب من محطة اتوبيس تودينى للتحرير و العتبة و روكسي
و موقف الميكروباصات اللى يوصلنى رمسيس و الكلية فى العباسية و مصر الجديدة ومدينة نصر و العاشر و العبور
و المترو....
مظهر الحضارة و الرقى فى اى بلد!!!
المترو انا ركبته فى حياتى تلات مرات
الاولى كنت لسه فىابتدائى مع خالتى اللى عدتنى من تحت الماكنة_معلش جايز وقتها كنت نكرة و لا ايه مش عارفة
و من ساعتها و انا كارهاه عمى
عادى فى حاجات كدة بتحز فى نفسية الاطفال اوقات.
المرة التانية و انا فى الجامعة
و لانى اقرب للميكروباص و الميكروباص عادة اكرم للادمية من المترو فانا ما بركبش المترو كتير
بس ركبته ركبته
اصحابى اصروا نتجمع فى محطة مترو...عند عربية السيدات
الساعة 7 الصبح لان المحاضرة 8 الصبح
و لانى كنت معتبرة ان المترو نزهة فأخدت تاكسي لحد المحطة اللى قالوا عليها
عادى!!!!
و دخلت استنيتهم عند المكان بتاع عربيه السيدات و صلوا واحدة ورا التانية كنا 5 بنات
وقفنا ربع ساعة فى انتظار عربية مترو واحدة ابدا!!!
المحطة بتتملى تدريجيا لدرجة اظن انهم وقفوا بيع التذاكر لحد ماالناس تمشي و يبقى فى حركة لان الركود ده مش حلو!!
بس تهيؤات الظاهر ما علينا
المكان بقى مكدس بالناس اللى جاية من غيار ريق!!!
فييييييييييييين جه المترو
مجرد رؤيته من بعيد كان شئ مفزع
باب عربيات الرجال و لا المختلطة مفتوح و الناس مدلدلة منه كما لو كان اتوبيس 58 !!
المترو مايل ميلة مهببة
وقف بعجزة المنظر غير مشجع بالمرة
تحاول تتراجع فى قرارك و فى مكانك كمان بلا فايدة
انت بتتزق و لا فرامل لورى ممكن توقفك مكانك ابدا
تركب تسمع مى بتنادي
يا.......
مروة ترد أنا خنا يا مى بس فين .............
و مروة تنادى دينا و دينا تجيب اسماء
المهم اكتشفنا اننا فى مواقع مختلفة بفضل ال pressure

و لا اخفى عليكم انا كنت عاملة زى اليس فى بلاد العجائب
_ما كانش فى مترو فى السعودية_
اتفرجوا بقى
الطبيعى لما تبقى راكب وسيلة متحركة فانت بتتحرك فى نفس اتجاهها
انا ما كنتش بتحرك متثبته متثبتة تمام بعماويد و لا عماويد الخرسانة
كرش المدام اللى قصادى و شنطة البنت اللى فى ثانوى اللى ورايا و حاجات من هذا النوع
و بما انى ناقص اعلق على نفسي يافته و اكتب لا للمس
فالوضع بالنسبالى غير مريح بالمرة
عادى عادى
مستحملة وصابرة
المصيبة بدأت امتى بقى؟!!
اول ما البكابورت اتفتح!!
ما اصله لا تشبيه اخر و ربنا يسامحنى بقى
بلا ادنى مراعاة الست اللى وشي فى وشها اتاوبت فندقت بؤها و لا نفق شبرا لدرجة شفت البلعوم
و لك ان تشم ما يحلو لك
ريحة الصحيان اللى على الصبح او الفول اللى معجون ببصل وزيت حار اجارك الله
تبدأ تترنح فى مكانك تبص حوليك فى الوشوش عاوز تنطق تقول الحقووووووووووووووونى
يصدمك منظر العيون المدعمسة و العماص ترجع بعينك تانى على الست اللى بدأت تنام على كتفى و مش قادرة تصدق انى بقيت حيطة مايلة
ارفع راسي بدور على هوا يا ناس هوا
تفاجأ بحقيقتين
الاولى ان فى حد اطول منى مادد ايده من بعيييييييد عشان يمسك العمود فما فيش فرصة الحقيقة الاسوأ ان ما فيش فوق هوا نهائى فوق كان فى عوادم بشرية من كل الانواع
تقدر ببساطة تعرف الناس دى واكلة ايه من تلات تيام فاتوا
قلت احود راسي الناحية التانية اشوف الدراع الطويل ده منين
اخبط فى ال biceps بتاعة انسة فاضلة
لاستنشق افضل عبير ممكن يشمه مخلوق
(حسبي الل و نعم الوكيل) سابوا ايه للولاد بس!!!
طبعا شئ يفوقك ثوانى يدوب عشان تلحق تقول الشهادة
وتروح فى عالم اللاوعى!!
عادى
اغمضت عينى و اسلمت امرى لله قلت وقت ما الامم ده يقرروا ينزلوا اكيد هياخدونى فى سكتهم.
بينى و بين الدمرداش 6 محطات لسة
بدأت افقد الاحساس بالزمن و كل شئ حتى رجلى من كتر الدفع مع ان الناس شايفة المترو جاى شكله ايه بس ماحدش بينزل و كله بيطلع!!!
عادى
اتشالت على كفوف الراحة و من بعد تبدأ تلاحظ وجود دور اتنى فى المترو!!!
فيـــــــــــــتن سمعت مى بتسأل فين يا عيااااال .....
بتسأل عليا
نطقت خفت يسيبونى بصراحة لانى فعلا ماكنتش هعرف الطريق بعد المترو
انا هو يا مى انا هو...
نبهونى ان المحطة اللى جايه هنزل
و لازم استعد بقيت اسال اقرب الناس للباب انتى نازلة
و الغريب ان الناس بتتحرك فعلا و سعل تتداخر و يجي حد مكان حد ازاى الله اعلم بال ميكانيزم
واول ما نزلت كانت الشنطة اختفت !!!
طبعا بقيت اصرخ الشنطة الشنطة
المترو اتحرك اصحابى اتجمعوا اوانا بعيط و اصرخ الشنطة
جاءتنى الاجابة
واحدة كتر خيرها رمتها من المترو و هو ماشي بس وقعت تحته
لما بعد خالص نزل العسكرى جابها
و بدأت اشوف اللى فيها و الحمد لله ان ما فيش حاجة راحت
المشكلة انى لما نزلت كان فى تلات زراير من التونيك مقطوعين!!!!
عااااااااااااااااااادى
المرة التالته بقى كنت انا اللى اغيظ
استنيت الميكروباص كتير و انا مروحة لوحدى و اخيرا قررت اجازف و اركب المترو مرة تانية
وانا بدفع بقول الراجل
واحدة الدمرداش
الراجل رفع راسه عن المكتب و بصلي
قاللى فين؟
قلتله الدمرداش
قاللى الدمرداش
رديت بعصبية ايوة الدمرداش فى ايه!!
قاللى و هو مبتسم يا انسه حضرتك فى الدمرداش هو انتى من الكلية اللى هنا دى؟!!
بيسألنى و هو بيعمل الحركة الى بنعملها على المجانين
مش عارفة كان يقصدنى انا باين و لا ايه؟!1

ekm86
01-10-2007, 12:47 PM
هههههههههههه
لأ.. أنا مغامراتي مع المترو قليلة جدا، وما بتوصلش لحد كده
مع إني باركبه كتيييييييييييييير
-----------------------------


بتاع الولد اللي بيحكي نكت....واصحابه مش بيستظرفوه
وبعدين جه الراجل الاصفر لبس النظارة و شافه على شكل.....
ينفع كدا
للأسف ده بقى العادي
شفت إنت الإعلان التاني بتاع ياسمين عبد العزيز والقرد؟ (الإعلان التاني مش الأولاني)

شفتوا البنت اللي معاه..يقال انها مطلقة ابراهيم سعيد
اعلان في غاية قلة الادب


بس على فكرة
كانت محترمة في الإعلان ده (بالنسبة يعني للاتنين اللي قبله):icon_mrgr

مصري متعصب
01-10-2007, 02:35 PM
[/size]
للأسف ده بقى العادي
شفت إنت الإعلان التاني بتاع ياسمين عبد العزيز والقرد؟ (الإعلان التاني مش الأولاني)

[SIZE=5]مش الاعلان بتاع رخصنا كل كروت الشحن ....وازاي ميتصلوش بيا...وبعدين القرد قللها انا بقالي سنتين محدش اتصل بيا
المهم
ايه الوحش فيه
انا شايف انه ظريف
بس اعترض على كلمة اعلان هابط.......في الاولاني
[SIZE=4]

مصري متعصب
01-10-2007, 02:36 PM
بس على فكرة
كانت محترمة في الإعلان ده (بالنسبة يعني للاتنين اللي قبله)




آآآآآه.....بتاع لازم تكمل الطريق....مترميش الهدوم في النيل ....ايه مالك ؟؟؟؟
معلش اصل سرحت حبتين

أبو المعاطى شمروخ
01-10-2007, 02:42 PM
انا ركبته بس عشان اتفرج ع الصلاة في الحرم
مصرى فكرتنى بكمال بيه الشاذلى ايام مجلس الشعب-كنت بتفرج عليه مخصوص عشان اسمع ردود كمال الشاذلى- كان واحد من الصعيد بيقول عايزين التليفزيون ينقل صلاة التراويح من الحرم مباشرة على القناة ال 7 و 8
رد كمال باشا وقال
الاخ اللى عايز التراويح ده ايه التقوى مقطعة بعضها اوى؟
ما تتفرج عليها ع الدش انت عارف دى تكلف الدولة اد ايه؟
يا كمال بيه؟
خلاص يا ابنى يبقوا يشوفوها على الدش وعلى السعودية اقعد اقعد

فيه واحد صاحبى بقى بيتفرج على ميلودى مخصوص علشان الاعلانات دى مُغرم هههههههه
فكيت الدش يا مصرى من اعلان اومال لو قلبت القنوات كلها هتعمل ايه
؟يوم خطوبتها برده معرفش ايه اللى زعل العريس منها المهم انه قالها انها لازم تصالحه
فتقوم مصالحاه ازاى
تبوسه من خده!!!!
اه مسلسل بتاع سماح اعور بيتفرجوا عليه عندنا كل يوم
(دكتور سامح مسعد ماتزعلش هبقى احوشهملك المرة الجاية
شكرا يا ماما نونا هههههههه
انا جات الفكرة دى فى بالى بجد قبل ما اقرا الجملة دى
قلت ايه الحلاوة دى ما احنا طول عمرنا بنركب مواصلات محدش ادانى ولا شوية لب
ولا اللى كانت فى ثورة 19

حسبي الل و نعم الوكيل) سابوا ايه للولاد بس!!!
كدة يا نونا
والله احنا كويسين مش للدرجة بتاعتكوا دى:smiley2:
مواضيعك جامدة يا ماما نونا
انا لو قعدت اعلق واخد مقتطفات من الكلام مش هخلص


هو انت من اليكس؟

broken nonna
01-10-2007, 04:10 PM
شكرا يا دكتور سامح.
لا يا فندم انا مش اليكساوية بيور تقدر تقول هاف اليكساوية (ماما بلطية سعادتك).

sameh_ig
01-10-2007, 05:32 PM
:smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20: :smiley20::smiley20::smiley20::smiley20:



كان فين الكلام دة من 10 سنين

مصري متعصب
01-10-2007, 07:38 PM
الاولى كنت لسه فىابتدائى مع خالتى اللى عدتنى من تحت الماكنة_معلش جايز وقتها كنت نكرة و لا ايه مش عارفة





هو المترو موجود من ساعت ما كنتي في ابتدائي
واااااااااااااااااااااااااااااو...انا كنت فاكر انه ابن يومين
انا مش عارف انت بتجيبي الكلام دا منين
انا عمري ما شفت عربة السيدات مليانة
طول عمرها فاضية....انا احيانا بتمنى اركب فيها
حتى لما تكون فاضية خالص
بردو في ستات بتركب في عربات الرجال

sameh_ig
02-10-2007, 02:42 AM
:smiley15::smiley15::smiley15::smiley15::smiley15: :smiley15::smiley15::smiley15::smiley15::smiley15: فييييييييييين ؟؟؟؟؟؟؟؟

انا هستنى هنا كتير عندى حلاقة دقن و عايز اجوى

كنا عايزين الجرعة انا بدات اهرش

broken nonna
02-10-2007, 02:59 AM
كنت نايمة احلام وردية الجو جميل ما فيش دبان و لا ناموس اخيرا
مافيش وش بتاع الراجل بتااع الروبابيكيا
و لا صوت رزع المفتاح الانجليزى على الانابيب اللى على الكرو
(فعلا كان الله فى عون الحمار )
و لا النور اللى كل شوية اختى تنوره و اضطر اقوم اديها الطريحة اللى هى عشان تتلم
كل ده لو حصل اكيد هيبقى عادى و عادى جدا كمان
ياااااااااااااااااااناااااااااااااس
يا ...............
يا................
فين اختكم كمان
يا.............
بابا بيفتح على الباب من غير ما يخبط هجوم يعنى
غير طبعا صوته العااااالى جدا
طبعا انا قمت كالمصعوقة لبست فى الدولاب بعد ما تكعبلت فى السجادة_مع ان ماما دايما تقولى اقلبى الطرف ده الناحية تانية عشان من كتر ماتنيناها
بقت بتكعبل بس انا اللى بكسل
عادى
طبعا مضيقة عينى اكتر ماهى ضيقة عشان اعرف اشوف والدى
(بينى و بينكم انا عندى قصر نظر)
ايه عادى واحدة وقايمة من النوم !!!
خير يا بابا فى ايه على الصبح
بابا باصلي و خرج برة الاوضة
طبعا كنت هتجن يعنى يا بابا مكلف نفسك وداخل على زى البوليس لما بيروح يقبض على حد فى تلبس
و انا مصدقت انام بعد ليله طويلة مؤرقة مع ملازم الاطفال
عشان تسيبنى و تمشي!!!
طبعا انتوا متخيلين انى كنت هقوم وراه
انا فعلا قمت وراه قفلت الباب ورجعت نمت!!!
عادى مش بيقولوا النوم سلطان
يدوب بشد الكوفرتة لقيت العدوان الثلاثى داخل
بابا اخويا الكبير اخويا الصغير
!!!
و فى نفس واحد الحقى امك!!
طبعا قمت و معايا الكوفيرته لحد الباب هى وقعت لوحدها اصلها
رحت لماما خير يا ماما لقيت ماما ماسكة المصحف و قاعدة على المصلية بتقرا قران!!!
الفت بضهرى الاقى ثلاث اضواء المدينة واقفين و عنيهم مبرقة على ماما
!!!
ربعت ايدي و قلتلهم فى ايه؟
بابا فاق بسرعه قفل الباب على ماما
اخويا الصغير ادانى الكوفيرته و قالى خشي يا بنتى نامى!!
اخويا الكبير قعد يضرب كف على كف و يقول سبحان الهادى!!
لانى ما كنتش في مزاج يسمح بانى افكر هو بيتكلم عن ايه سيبته و مشيت ودخلت اكمل نوم و برده قفلت الباب ورايا
!!
ما فيش عشر دقايق و سمعت صوت بره
قلت اتسحب و افتح الباب فجأة
الاقى اخواتى الاتنين واقفين على باب اوضة بابا و ماما و صوت بابا و ماما مسمع !!!
رحت بهدوء وقفت معاهم و هما ما ندهشوش و لا حاجة دول اداخروا وخدونى جنبهم
ليه؟!!
عشان نسمع بابا و ماما
مش فاهمة حاجة
دقيقتين و لقيت بابا بيصرخ منها و يقول
يااااااااانااااااااااااس
يا..........
_بينادينى_
طبعا انا فتحت الباب انا هو يا بابا
ماما قعدت على المصلية بسرعة و مسكت المصحف
بسم الله الرحمن الرحيم
قاطعتها
صدق الله العظيم
باصتلى ايه في ايه!!
قلتلها انا اللى فى ايه
الراجل ده بيصرخ منك و لا انا بيتهيألى
و انت يا عم بابا معاك اتنين كفرقى الطود يا والدي
و بتنادينى انا
يعنى انا اللى هحل المشكل !!
فيى ايه!!
لقيت بابا بيرد كدة بصوت حنين انا اخاف على احاسيسك ما اقدرش اقولك!!
الظاهر الكلمة جت على العصب النرفزاوى النقاح بتاع ماما
سا بت المصحف طبقت المصلية و بصتله
و انا يعنى اللى قلبى حجر و مش همى مصلحتها
باصيت لبابا يا بابا ما تقول فى ايه حرام عليكم!!
بابا اخدنى على الصالة ادام ماما و اخواتى اللى واقفين هيفطسوا من الضحك!!
بابا قاللى امك و سكتت
قلتله عارفاها امى اه عارفاها مالها
قالى امك
هاااااااه
امك عاوزانى اخطبلك!!!
طبعا جملة غريبة على اذنى و كمان مش نايمة عدل وش اطفال فى دماغى
قلتله تخطبلى مين !!
قاللى اه الواد المدرس جارنا اللى فوق اللى اشترى الشقة اللى فوق امك بقى عاوزانى بعد ما فسخ خطوبته على البنت اللى كان خاطبها اكلمه عليكي
!!!
بعيد عنكم وقع الكلام عليا كان وحش جدااا جدااااا
انفجرت ضحك طبعااااا
مسكينة يا ماما!!!
و الله و مسكين يا بابا
لا و الله مسكينة يا كل ماما و بابا فى مصر و عندهم بنااااااات!!1
قلتلهم يعنى انتوا من الصبح بتتخانقوا عشان الموضوع ده
و هاتك يا ضحك
ماما طبعا سا بتنا و دخلت مسكت المصحف و قعدت على المصلية
بابا بقى من كتر ما بضحك اتعصب و قاللى تصدقى بالله امك عندها حق انتى فاكرة نفسك نغة
ده بنت جارنا اللى قصادنا الدكتورة......
اتكتب كتابها و اتخطبت فى شهرين و بنتى انا لسه
بتغيظنى كل يوم و تركب مع خطيبها العربية
و انا بنتى لا
قلتله هى ده المشكلة
انا هبقى اقولها تاخدنى معاهم يا سلام!!!
الراجل اتغاظ زياده ووشه احمر
قلتله يا بابا اولا ما تقولش دكتورة انت كمان دى بكالوريوس علوم و يدوب شغالة فى معمل تحاليل
ثانيا ده اتخطبت و اتجوزت و هى عندها 27 سنة
يعنى فرق 6 سنين
لو مستعجل حطنى فى الردة
هههههههههههههه
و دخلت نمت
قمت الرابعة عصرا صليت ووقفت فى المطبخ مع ماما اللى ياعينى قعدت تبررلى ليه هى فالت كدة صحيح انا دكتورة و خسارة
فى اقل من مهندس او دكتور او كدة
بس برده لو استنيناهم يبقى مش هتجوز كلام من هذا النوع اللى ممكن يطمنك فى الاول و يغيظك فى الاخر
5 و ربع خرجت من المطبخ بقول
يااااااااااااناااااااااااس
و بابا بيضحك هو و اخواتى
فطرنا و غسلت اكوام مواعين
و عملنا الشاى
قاعدة مع بابا قعدة رومانسية بقى و اخواتى اللى بتوضا و اللى بيتكلم فى التليفون
المهم قلت افتح التلفيزيون
على لقطة الواد الصحفى بيقول للبنت بنت الدالى
_بنت رقيقة و لابريئة ماادرى زيك ماحدش يزعل منها ابدا_
بس حاسة ان فى حاجة بتبصلى من الجنب
التفت اذا ببابا باصصلي
بديهي سألته فى ايه يا بابا
؟
قاللى سؤال بس
هو لما اختك يبقى عندها 19 سنة هيبقى انتى عندك كام
قلتله 30 واحد و تلاتين كده يعنى ليه!!
قاللى افرضي بقى هى وقتها جالها عريس و انتى كنتى لسه مأنسانا اعمل ايه؟!!
فتحت عينى دايرة قطرها 3 سم
قمت بقول
الله اكبر الله اكبر
التراويح ده باين
قمت اتوضا واقفة على الحوض نطت الصورة فى دماغى
قعدت اهز راسي اعوذ بالله من الشيطان الرجيم قال 31 سنة قال
خرجت من الحمام جرى يا بااااااابااااااااااا
ما تعزم السيد المدرس على السحور معانا!!!!

sameh_ig
02-10-2007, 03:08 AM
وههههههههههههههههههههههههههههههههههههههههههههههههه ههههههههههههههههههههههمية



لامواخذة :smiley9.: بقى مش قادر امسك بقى

خسارة الدماغ دية فى انسة زيك العادى انك تكونى راجل


روعة روعة روعة روعة و متحطيش حاجة تانية النهاردة كفاية كدة متبسطهاش اكتر من كدة

ekm86
02-10-2007, 03:16 AM
ههههههههههههههههههههههههههههههههههههههههههههههههه

broken nonna
02-10-2007, 03:17 AM
:akh::akh::akh:
طيب انا هروح اضحك بعيد عن الجهاز شوية لحسن لو شافونى بضحك ادامه بعد الى حصل ده هيبقى وقعها مش مضبوط.:icon_mrgr

dr_angel
02-10-2007, 03:30 AM
رااااااااااااااااااااااائع يانونا
اسلوبك جميل جداااااا
قال 31 سنة قال
طيب هو كده الواحد المفروض يقلق
بس لالالالالالالالالا ان شاء الله متوصلش لكده
31 سنه يانهار ابيض

broken nonna
02-10-2007, 03:43 AM
شكرا يا انجل ربنا يعزك و لا يوريكيش اللى شفته ده ابدا.
بصي اوعى تحطى الكلام ده فى دماغك يا بنتى اللى يخاف من عفريت يطلعله .
و بعدين لو ربنا رايد انك تتجوزى هتتجوزى بدرى بقى متأخر كله بمعاده و لكلك اجل كتاب.:icon_mrgr:icon_mrgr
و بعدين صحيح يا دكتور سامح اى جى يعنى ايه خسارة مخى ده فى بنت؟!!
و يعنى ايه العادي اكون راجل؟!!
:smiley6::smiley6::smiley6:
يعنى اصدق بابا و لا ايه النظام؟!!

HOSSAM ELDIEB
02-10-2007, 03:48 AM
المسلسل اشتغل ولا لاء يا بروكن

broken nonna
02-10-2007, 03:50 AM
لا يا دكتور حسام و الله بس انا بنزله و هسيبه لاخويا لما يصحى يشغله
متشكرة جدا و الله
انت بقى مش عاوز اى حاجة اقدر اقوم بيها؟

HOSSAM ELDIEB
02-10-2007, 03:51 AM
انتي كده بتحرجيني
انا مش بعمل حاجة مقابل حاجة
انا بحب اسعد الناس بس
ههههههههههههههه

dr_angel
02-10-2007, 03:55 AM
بصي اوعى تحطى الكلام ده فى دماغك يا بنتى اللى يخاف من عفريت يطلعله .
و بعدين لو ربنا رايد انك تتجوزى هتتجوزى بدرى بقى متأخر كله بمعاده و لكلك اجل كتاب.:icon_mrgr:icon_mrgr
ههههههههههههههههههه
على رأيك
وبعدين نصيبنا هيصيبنا

broken nonna
02-10-2007, 03:55 AM
و الله ما كان قصدي احراج فعلا و طبعا فاهمة انها مش حاجة قصاد حاجة بس بجد اديك عرفت وقت ما تعوز حاجة و اقدر باذن الله اعملها اطلب بقلب جامد ماشي كدة.
و فعلا انت ما تعرفش انا مبسوطة جدا بالذات ب ER
لانى ما تفرجتش عليه بقالى سنين من اعدادى يمكن
اما ده لو اشتغل يا دكتور حسام
اللى تطلبه يا فندم و لا يغلى عليك!!

HOSSAM ELDIEB
02-10-2007, 03:57 AM
هههههههههههههههه
اما اقوم انام احسن بقي
شكلي مش هسد قصادك
انتي جاية فايقة وانا اسهر معاني هلكني
ان شاء الله هيشتغل مادام اتحمل من علي النت

أبو المعاطى شمروخ
02-10-2007, 05:05 AM
وانا اللى فاكرهم من الاول بيضحكوا على والدتك انها بتقرا قرآن
وقاعدة على السجادة يعنى فى ناس لو حصل كدة يهللوا ويقولوا رابعة العدوية معانا يا جدعان ويقضوها هزار

لو انتوا محروجين انا ممكن اجى اتكلم انا مع المدرس ده يا ماما نونا ومش همشى غير لما اقنعه
والعملية ان شاء الله مش هتوصل ل 30 سنة يعنى
استبشروا خير

she.
02-10-2007, 12:53 PM
wow really wow iam speechless
انتى هايله بجد موتتينى من الضحك ربنا يخليك خرجتنينى من مود سنه سته والامتحنات والجواز
صحيحي قعت ساعتين اقرا بس مبسوطه اخر حلجه
ربنا يكرمك ويعينك
اصل انت كده لازم تكونى بطله علشان تستحملى كل الى حصلك
يلا ربنا يوفقك

arownas
02-10-2007, 02:07 PM
:smiley8.:smiley8.:smiley8.
انتي كده ماشوفتيش حاجة من المترو مرة كان جاي و الناس لازقة في الازاز
اللي وشه مفعوص على الازاز و اللي رافع ايديه كانه متذنب اشكال لا يمكن تشوفيها الافي افلام الكرتون و يا ريتها تيجي على كده و تقف
من سنة تقريبا و انا راكب و بين محطة الاوبرا (اللي مش عارف عاملينها ليه عاملة زي محطة اشباح ماحدش بيركب و لا ينزل) و بين محطة الدقي فجاة وقف المترو تحت الارض
عادي
و المراوح وقفت برده
برده عادي
كام دقيقة كده و السواق قال على السادة الركاب عدم الانزعاج القطار سيتحرك بعد قليل
هنا بقى الفيران لعبت في عب كل الركاب الكل افتكر فيلم بين السما و لارض
عادي
كام دقيقة كده و الناس بدات تتضايق و اللي حاسس انه هايتخنق و لقنا السواق بيقول
على السادة الركاب فتح الابواب يدويا و النزول الى الممر
كله كسر حتة الازاز اللي جنب الباب و في ناس اتعورت و اتفتحت الابواب و الناي بقت امم في الممر الضيق اللي جنب المترو
عادي
لقينا السواق بيقول بعد ما مشينا شوية جميع الناس يركبوا القطر مرة اخرى
ناس ركبت و ناس لأ وناس تقول ده بيقول اركبوا و ناس بيقول لأ ده قال كملوا تاني و المترو اتحرك و لسة في ناس في الممر (هي المحطة كانت قربت قوي و شايفنها )
وصلنا بسلام و مع اني كنت نازل البحوث مش الدقي بس اتعقدت و طلعت كملتها علوي
عادي
بس اللي مش عادي ان تاني يوم في الجرايد يتقال ان حدث عطل في المترو و ان الركاب ماسمعوش كلام السائق و تسببوا في حالة الارتكاب يعني احنا طلعنا اولاد ستين في سبعين في الاخر

broken nonna
02-10-2007, 04:49 PM
دكتور سامح مسعد سعيكم مشكور يا فندم و لو عرضك بجد قولى بس الاول هتقوله ازاى من غير ما تمس احساساتى!!:smiley4.::smiley9.::smiley9.::smiley9.:
اه صحيح طلب اخير بلاش ماما دى لحسن بدأت احس انى بقى عندى ثلاثين سنة فعلا و بعدين كدة يقف حالى :smiley2::icon_mrgr
دكتورة she مش عارفة ليه عاجبنى النيك نيم بتاعك جدا
و متشكرة جدا على رايك .:smiley1:
دكتور ارو و الله ضحكتنى و عادى ان ده يبقى رد فعل الصحافة و الاخبار الغير صحيحة عاااااادى.:smiley1:

أبو المعاطى شمروخ
02-10-2007, 07:16 PM
دكتور سامح مسعد سعيكم مشكور يا فندم و لو عرضك بجد قولى بس الاول هتقوله ازاى من غير ما تمس احساساتى!!:smiley4.::smiley9.::smiley9.::smiley9.:

لا متخافيش دى لعبتى
مش هياخد فى ايدة غلوة

اه صحيح طلب اخير بلاش ماما دى لحسن بدأت احس انى بقى عندى ثلاثين سنة فعلا و بعدين كدة يقف حالى
انت مبتتفرجيش على حماده عزو؟ انا بس كنت بهزر
يا ماما نونا

broken nonna
02-10-2007, 08:30 PM
نظرا لان الموضوع السابق واضح انه هيتفهم غلط و دخل فى نظام اريد عريسا و لا ايه
فيا جماعة انا بجد كان كل هدفى اوصلكم ان موضوع الجواز ده مشكلة فى بيوت كتير فى مصر و فعلا
ملاحظ دلوقت اد ايه بنات و شهادات عليا كمان و من غير زواج و اكيد كل اب و كل ام هدفهم يستروا بناتهم
_مش بتتقال كدة برده_
و لانى كنت فاكرة ان الموضوع ده مش فى حسبان والدى وووالدتى لانهم عارفين اكتر من غيرهم ان بنتهم و الحمد لله
مش واقعة كدة عشان يحصل حاجة من دى
و برده ان حصل فدة عااادي
طبيعي خوف الاهل برده
و لا ايه؟!!
عموما كل اسرة عندهم بنت فى طب لازم يخافوا
انا اتذكر ان فى سنة من السنين كانت مذكرة الامتحانات بتاعت اسرة الشروق و لا اسرة كدة مش فاكرة كانت ايه صراحة
مكتوب عليها من بره
طبيبات فوق التلاتين بدون زواج!!!
شئ محبط جدااااا طبعا
طيب اقولكم حاجة كمان جارة كانت فى طب لما اتجرجت و ماتجوزتش و قعدت للتلاتين اتقدملها واحد دبلوم تجارة
و وافقت و تزوجته!!!
طبعا شئ محبط جداااا جداااااا
بس نقول ايه عادى و سمة العصر و زى ما دايما بقول كل ده لازم يحصل عشان تبقى علامات لقيام الساعة
و ربنا يستر!!

مصري متعصب
02-10-2007, 09:06 PM
علامات لقيام الساعة



ازاي يعني
هو من علامات الساعة ان دبلوم التجارة يتجوز دكتورة

sandy
02-10-2007, 09:11 PM
الموضوع قلب حاجات تانية يا جماعة وانت السبب ماما نونا يعني لو كدة ممكن اشترك :bye:
ممكن تفهموني قصدكم ولو عرفت متعصب ابقي قولي بليز انا عايزة اعرف ايه العلاقة ؟

broken nonna
02-10-2007, 09:43 PM
فى يوم من ايام الصيف الماضى
بالتحديد اوائل الصيف الماضى جه تليفون لوالدى شاور لماما من بعيد
دخلتله الاوضة و قفلت الباب وراها!!!
عاادى
عشر دقايق سمعت زغروطة لا هى زغروطة حقيقية و لا هى صويته برده
مصدرها اوضة ماما!!!!
ماما خرجت من الاوضة و عمالة تغنى بطريقة غريبة
يا خواتى بحبها دى حبيبة امها
!!!
عاادى
بابا خارج من الاوضة مبتسم قاللى اجهزى يوم الاربع جايلنا دكتور .... و عيلته!!
عملت مكسوفة و دخلت اوضتى
اسبوع و انا مش مسموحلى نهائى بمسك معلقة واحدة
اخواتى الولاد بينشروا و يركبوا الستاير و يمسحوا الشقة
عااادى
بابا مانع عنى اكل الرز نهائى؟_حاجة تفرس_ ماما طلعت الشامبوهات المستخبية بتاعت السعودية و ليا الحق استخدم
الكمية اللى عجبانى!!1
عجيييييييييييب
يووووووه قصدي عااادى
بدأت اقتراحات ان ليه نونا ما تروحش الكوافير (اخويا اصغير!!!)
عملت عروسة من الاخر
جه يوم الاربع جه الدكتور و اهله
فضلت فى الاوضة
اخويا الصغير معاهم فى الصاله بينا علامة ان اول ما يدينى ميسد افهم انى اخرج بقى
الواد ادانى 7 ميسدات و انا ما خرجتش
دخل يجيبنى لاقانى بعيط
الكحل سايح
يا واد الروج فاقع
طيب طيب التونيك ضيق و شكله و حش!!
مش هنسى ما حييت لما باس جبهتى_يا غاي عليا يا حبيب يا خويا_
خرجت و انا ماسكنى فى ايده
قعدت جنب طنط !!!
اصلها كانت حاجزالى الفوتيي
عااادى
الكلام كان محاط بكباري و متروات انفاق نظام تلميحات
عاادى
و اللى ما عملتوش طول الاسبوع طلع على عينى
قومى هاتى الشيكولاته
هاتى العصير فالعصير فالحلويات فال....
حاجات فى غير العادى غير موجودة فى بيتنا بالكميات دى!!!
بس اقول ايه عاااادى
عدت الليلة
اخواتى قعدوا يشغلوا اغنية اخونا الكبيييير قوي قوي
سعد الصغير
هتجوز هتجوز
!!!
يوم الجمعة كانوا عازمينا برة على الغدا
خرجنا و هنا بقى فعلا العااااادى اللى غاظنى!!
بعد لف ما يقرب من ساعة و نصف بالعربية
و مشورة ساعة و نص كمان على الاقدام قرروا يدخلونا حاجة زى مؤمن كدة
_يمهل و لا يهمل_
دخلنا جيش طبعا
وقف سي الدكتور قدام الكاشير يطلب
يطلب ازاى بقى و هو ما سألناش اصلا
عااادى
بعد طبعا ما اتفرض علينا شئ معين
طبعا انا كنت واقفة معاه انا و اخته
ما بقاش لها لازمة وقفتنا طبعا جيت راجعة لقيت اللى بيسألنى فى و سط حشد من البشر بصوت جهورى
يا دكتورة تشربى حاجة ساقعة!!!
فوجئت بانه طالب للكل الا انا
طيب اشمعنى انا اللى بتسألها و ادام البشر دى كلها
بصيت حواليا لقيت رجالة بتبحلق و ستات بتضحك من تحت لتحت
طبعا قلتله لا شكرا
امال هقوله اه هات فى و سط الناس دى كلها
عااادى
قعدنا على طربيزتين لان العدد كان كبير
انا و اخته و سعادته و اخويا الصغير على طربيزة واحدة و الكبار فى طربيزة عاادى
نص الوقت بيبص على طربيزتهم و كأن اللى هيكون عليها غير اللى هيكون على طربيزتنا!!!
عاادى
جه المطلوب
كان عبارة عن سندوتشات كايزر كل واحد وااااااااااااحد
لا و حق ربنا و بطاطس
!!
هو نفسه بص للسندوتش بصة وحشة قوى
اللى هو
هو ماله مسخوط كدة ليه؟!!
عاااادى
بدأنا ناكل اخويا الصغير و دانه بتحمر لما يكتم نفسه من الضحك
و عمالة ارزع فى رجلة من تحت الطربيزة عشان يتلم
ابدا
غير بقى تعليقاته و تريقته اللى اكيد الاخ لاحظها
بس عاادى جداا
اتفرجوا بقى
عارفين الكابوتشي؟
ايوة هو ده بالضبط
(خس افرنجى)
مرصوص فى طبقة لوحده كده تحت البانيه فى السندوتش
الدكتور بدأ يبدى اعتراضه ان الكابوتشي مش عاجبه
_لازم يعنى يسد نفس ابونا مش عارفة انا_
شويه كمان و بدأ يطلعه من السندوتش و يحطه ادامنا مننظر غريب و مقزز
البتاع الكابوتشي دخضر و عليه بتاع اصفر و مايونيز و كاتشب و حطه فى الصينيه
المصيبة انه حطه ادامى انا (قاصد و لا ايه بقى ده ؟!!)
كل شوية اشيل واحدة و حطه على جنب انه ياخد باله ابدا!!!
لا داعى طبعا لذكر شكله و هو بياكل
كله كوم بقى و هو بيشرب ال بيبسي
يا نهااااااااااااار نهااااااااااااااار
و بدأ يدينى محاضرة ان السفن ده بيعاج الانتفاخ و عسر الهضم و كمان فى علاج الجفاف!!!
عاادى
خلص ووقف و هيمشي خلاص
طبعا انا لسة و اخته لسه و الامهات لسة
!!
ماما خلصت بسرعة لما لاقيته وقف
الابهات بلهوا الحاجة الساقعة
اخته خلصت السندوتش بعد ما وقف فى ثانية
اخويا الصغير بقى عمال يبصلي هاتيه هاتيه!!!
لولا انى كنت ميته من الجوع و ماصدقت ان فى نوايه توقف معدتى شويه لحد ما اروح و ادبس بابا فى كيلو كبااب و كفته
كنت اديتهوله!!
عااادى عاادى
خرجت و فى ايدي السندوتش زلطته زلط على السلم
بابا قال نركب و نمشي ورا بعض لحد مانروح كافتيريا هو عارفها
فرض علينا فرض الاخ الدكتور اننا نتمشي لان المشي بعد الاكل مش عارف ايه!!
عااادى
مشينا مشي
_منه لله ما مطرح ماهو قاعد_
بس لحد كدة و حلو قوى
لقيت نفسي بقوله
بقول لحضرتك ايه؟
الكعب معلش ناقح عليا جدا ممكن نقف دقيقة اقلع الجزمة بس و نواصل المشي!!
باصلي و قاللى لال الا
يا نهار ابيض انا اسف طيب مش كنتى تعملى حسابك على حاجة فلات
طيب لابسة شراب يعنى و عادى تمشي من غيرها و لا ايه؟!!
بصيتله _يا مصبر الوحش على ال.... يا رب_
اخويا الصغير مديها ضحك
اخته كل تلات دقايق تطبطب على كتفى مرتين ورا بعض
(حاسة بيا باين)
و ده سبقنى و مشي
لقيته وقف قاللى ياااه انا افتكرت حاجة انتى بتحبيها قوى
ابص ورايا
بابا و ماما و بابابه و مامته ركنوا على سور كدة معرفش بتاع ايه
رجعت باصتله تانى قلتله
حاجة ايه؟
قاللى ثوانى بس و جاى
اخويا رجع لبابا و ماما
و قفت انا و اخته مستنين اللى راح و لا جاش
بس فهمت انه راح يجيب ورد من محل الورد اللى كان قصادنا
5 دقايق
10 دقايق
15 دقيقة
رع ساعة
تلت ساعة!!!
بقول لاخته هو بيعمل ايه؟!!
خلال الوقت اللى سعادته غايب فيهم
عربية بشابين واقفة و الولاد عمالين يقولولنا تعالوا و يبسبسوا
و انا فى سري بقول هيييجى اللى هينصفى يا....
هتشوفوا اللى هينصرنى....
و يا ريته ما جه
الا لقيته جاى و ايده ورا ضهرة
و بيوقلى تاتاتاتا
وراح مطلعها!!!
وردة !!!
وردة حمرا واحدة!!!
بقيت فى بالى بقول منك لله يا بعيد فى عيد ميلادى جالى بوكيه بوكيه
تقوم انت جايبلى وردة وردة و شبه دبلانه و بعد تلت ساعة!!
ابص على العربية الاقى الولا د بيضحكوا و مشيوا
طبعا رجعت لماما بقولها اتفرجى شفتى الاملة اللى انا فيها!!!
المهم فى رجعتنا بقى للعربية ده ماشي بيتكلم فى حاجتين الكورة و السياسة
و انا ما سكة الوردة
عمالة اقول ارميكى فين يا وردة(و الله يرحم اكلك منين يا بطة)
و فجأه بدأ الكلام فى الاسعار
و ان كل حاجة غليت
و فجأة اشد فجأة من اللى قبلها
الا هو الورد غلي ليه؟!!
طبعا لا تعليق
انا روحت البيت عياط و عويل
و لا يمكن ابدا يكون ده بنى ادم
استحااااااااااااله
و ماما تقولى كل ارجالة كدة
!!!
كل الرجالة كدة
عااادى عاادى
بحكى لواحدة صاحبتى قالتلى انا لو منك كنت مسكت تاوردة من غصنها و دبيتها فى عينيه و قلتله خد يا ابو ورده!!
عااااااااااااادى
مش بيقولوا ضرب الحبيب.....
عاااااااااااااااادي.

broken nonna
02-10-2007, 09:50 PM
يا دكتور مصري و يا ساندى انا اقصد ان من علامات يوم القامة ان البنات تكتر و الجواز يقل.
مش اكيد يعنى جواز طبيبة من دبلوم _و طبعا انا لا احقر من شأن اى شهاده_ الطبيبة اللى اتجووزت دى ده نصيبها و اختيارها و هى حرة.
لكن انا اقصد ان فعلا بقى شئ منتشر جدا ان البنات نسبة العنوسة_اللهم احفظنا_و ده شئ يغيظ و يقلق
كمان انا سمعت ان دلوقت سيدات كتير فى دول عربية بيضطروا يتجوزا من سواقينهم ولو حتى اجانب بس عشان لا تحمل لقب عانس
و حاليا اصبح لقب عانس شئ مزعج جدا اكتر من لقب مطلقة !!!و بالتالى فطبيعى ان اى اسرة تبقى خايفة و بتتمنى ان بناتها يتجوزوا .
طيب ايه رايكم انى اعرف ناس جابوا لبناتهم_طبيبات_شقق و فرشوها كلملة عشان يغروا شباب و يتجوزوا بناتهم و عندى بدل الحالة اتنين و تلاته.
و ربنا يستر!!!

مصري متعصب
02-10-2007, 10:10 PM
هههههههههههههههههههههههههههههههههههههههههههههههههه ههههههههههههههههههههههههههههههه
كان نفسي اكون في موقف اخوكي الصغير
دا انا كنت ضحكت ضحك

dr monmon
02-10-2007, 11:17 PM
بجد يانونا انتى استحملتيه اوى
انا لو منك مش كنت استحملت دا كله واكيد كنت لازم اهزأه او اعمل فيه اى حاجه
بس بجد اسلوبك جميل وضحكنى موت
وعااااااااااااادى

dr_0nline
02-10-2007, 11:21 PM
والله العظيم انا جالي الضغط والقلب وكل الباثولوجي اللي في الدنيا كلها من المواقف دي
*
انتو لو تعرفو شعري دا عامل ازاي دلوقتي دا انا كل يوم بحط عليه اربعة كيلو جيل وكريمات واسمنت
بتاع العبارة في الشكارة عشان يتكرم وينام شوية
دلوقي شعري عامل زي الشوك بتاع القنفد
حرررررررررررررراااااااااااام ايه اللي بيحصل معاكي ده
انا لو منك انا ممكن ارتكب جرائم مالهاش عدد
*
والله انا ماقدرتش اكمل المواقف انا تعبت جدا جدا جدا
اااااااااه تعبان يا دماغي يافرستي ياني ااااااااه
*
مش قادر اكمل
*
سلاموز

dr_angel
02-10-2007, 11:42 PM
ياعينى عليكى يانونا
سبحانه من صبرك عليه كل ده
دا لو انا كنت قمت ومشيت من ساعة موقف السندوتش والاكل(خلقى ضيق بصراحة مكنتش هستحمل )

arownas
03-10-2007, 12:52 AM
هيهيهيه
يا ستي ماتزعليش نفسك اديكي طلعتي من الموضوع بسندويتش و بطاطس و وردة دبلانه
دا حتى الورد غلي اليومين دول:smiley17:

broken nonna
03-10-2007, 07:45 AM
كنت دايما اسمع اى حد لما يحرج يقول ايه
اما كان موقف ده كنت فى نص هدومى؟!!
مع ان الطبيعى ان اصلا فى وسط هدومك ايه الجديد
!!
ما علينا
كنا خلاص هنمشي من اسكندرية لما والدتى افتكرت ان هى نسيت اننا نجيب هريسة من محلات محمد حسنين
طبعا عارفينها العلب الصفرا الشهيرة اياها
و ده عادى ان ماما تنسى
و عادى برده انها تفتكر و احنا مسافرين كمان ساعة مثلا
و عاادى برده انها تبقى طالبة بالعشر علب لطنط و عمو و تيتا و ....
عاااادى عاادى
تبص لبابا مش هتنزل تجيب بابا يقولى انا ضغطى عالى اخد لازيكس قرص كامل و لا نص!!
تبص لاخويا الكبير يقولها بقولك ايه انا هشيل الشنط على راسي !!
تبص للصغير
يبدأ شغل الحسوكة و صحابة عاوزين يوجبوا معاه قبل ما يمشي!!
حبكت اصلي!!
برده عااادى
العادى بقى اللى يغيظ انها تبصلي انا و تقولى
نونة!!!
اجر بعضي على الاوضة البس
اخد الفلوس و اجى نازلة تلاقى ماما بتوقفنى تانى
خدى ده كمان
ايه ده يا ماما؟!!
تطلع ليستة بحاجات تانية من خالد ابن الوليد!!!
يا امى ارحمينى ان كان حبيبك عسل...
تقعد تزعق و انا بجيب لنفسي ماهو ليكم و ارحمينى كمان طيب روحى....
لا بلاش تحسبنى عليا حبيبتتى انا نازلة لو عاوزة اى حاجة تانية هاتيها
انزل
بعد ما امشي 10 متر الاقى الموبايل مين
ماما
معلش تعالى تانى فى حاجة نسيتها
ارجع تانى
الاقى السبت منزلينه
مش طايلاه
اشب و ابقى فرجة الشارع برده مش عارفة
يطوع واحد محترم معدى عشان يجيب اللى فى السبت
و اول ما يجيبهولى يبصلي بصة اللى هى منك لله روحى اخس على اللى يبقى شهم تانى فى البلد دى
اتابي الست والدتى منزلالى الزبالة!!
ايه يعنى عادى كنت فى نص هدومى زى مانا دايما فى نص هدومى!!
ارفع راسي عشان اقولها كدة كدة يا ماما
الاقيها مختفية ورا السور و بتسحب حبل السبت!!
برده عادى
تقف تدور على باسكت الزبالة المخصص للعمارة ما تلاقيهوش
تبص على العمارة اللى جنبها تلاقى باسكت تبص حواليك
ماحدش شايفك خلاص اما ارميها فيها و هو يعنى هيفتشوا الزبالة ويقولوا ده زبالتنا و دى لا!!
و لسة بترفع الغطا تلاقى احد السكان نازل بيبصلك بقرف
هتقولى انا كنت فى حتة تانية غير نص هدومى
طبعا لا و انا هسيب هدومى و اروح فين!!
تفضل ماشي بالزبالة ماشي ماشي ماشي
لولا ستر ربنا و فضله تلاقى عربية اونيكس واقفة بتلم صناديق تقرب منها و تجرى!!
مش بتجرى قرفا من ريحة الزباله
دانتا بتجرى من الكلاب اللى بتجرى وراك و هتخليك من غير هدوم خالص!!
كنت فرجة فرجة بحق و حقيق
بجرى و الكلب بيجري ورايا
لولا ربنا بيوقفلى ولاد الحلال
اللى برده كانوا بيجروا معايا و الكلاب تجرى ورانا
ماهو كل واحد بيجري بيجيب كلب يجري وراه
عااااادي الارواح تتقابل!!
فييييييييييين تلاقى حارس عقار رجل امن يعنى بتاع عمارة ما
يشدك انت و اللى معاك ادخلوا جوة ادخلوا جوة
ندخل مدخل العمارة شبه هيأغم عليك طبعا
يطلع الحارس يمسك طوبة واحدة يحدفها على الكلاب يطيروا!!
تبدأ بقى تميز مين اللى كانوا بيجروا معاك
تلاقى مودموازيل ماسكة كعب الجزمة فى ايديها
شاب قميصه تحفة بيحاول جاهدا يمسح الطين اللى على دراعه وكوعه من اثر الدألجة
ست محترمة ماسكة الموبايل
طيب اعمل ايه يا حسن الكلب بيجرى ورايا
لحظات و تميز ان اللى بيكلمها ده قفل التليفون فى وشها اول ما تسمعها بتقول يا بن ال ....
عااااادى
نبص لبعض كل واحد هيموت من الخجل طبعا
الطريف انهم كانوا بيبصولى بصات مش تمام
بمجرد ما تكتشف ان لسة كيس الزبالة فى ايدك تفهم معنى البصات كويس!!
تخرج من العمارة كل ثانيتين بتبص وراك ليكون فى كلب تانى
يوقفك امة لا اله الا الله يسألوك فى حاجة
فى حد مضايقك
فى حد ماشي وراك
و للمرة التانية لولا فضل الله
كنت رجعت بالزبالة للبيت
لقيت عربية اونيكس تانية حدفت الزبالة فيها و طرت
!!!
رحت خالد بن الوليد جبت المطلوب
و انا راجعة خفت ارجع من نفس الطريق مش عشان الكلاب لا سمح الله
لا عشان الاخ حارس الامن و لا اى حد شافنى
قلت اخدها من الكورنيش
الساعة 10 صباحا
شمس مولعة بس اهون من الكلاب و بصات العيون اللى توجعك!!
قبل البيت بشارع تلاقى الاخ اللى كان بيمسح هدومه واقف بالزى العسكرى _ضابط بحرى_
فى الاول يبصلك بصة مش تمام اللى هو
يا بتاعت الزبالة!!
و البصة التانية للارض
(هو ماشافش نفسه وهو بيجرى و لا ايه)
امشي محبطة يعنى كان لازم ده بالذات الواحد يعرفه بالطريقة الزبالة دى
يالا ماليش فى الحلوين نصيب!!
اوصل البيت الاقى الانسة المحترمة اللى شغالة فى السنترال بتتخانق مع السيد المحترم اللى ماسك محل الموبايلات اللى جنبها
و الاتنين ماسكين صندوق الزبالة هو يقولها انتى حطيتيه ادام محلى
و هى تقوله لا ده كان ادام محلى انا
يحدفوه على بعض تدلق الزبالة اللى فيه
اسيبهم و اطلع
_عاااادي_ننزل كلنا الساعة 6 مساءا
الزبالة مبعترة ادام المحلين و مدخل العمارة!!!
حسبي الله و نعم الوكيل
انتهت....

cuty
03-10-2007, 01:03 PM
الصبر الصبر يا نونا 00000




وبعدين مش لازم اسكندرية تاني 0000




هي دايما ذكرياتها كده :smiley19:000



جربوا جمصة المرة الجاية 00:icon_mrgr

Nettawy
03-10-2007, 01:14 PM
!!
معلش تعالى تانى فى حاجة نسيتها
:smiley7.:
ارجع تانى
الاقى السبت منزلينه
مش طايلاه
اشب و ابقى فرجة الشارع برده مش عارفة:confused:
يطوع واحد محترم معدى عشان يجيب اللى فى السبت
و اول ما يجيبهولى يبصلي بصة اللى هى منك لله روحى اخس
:icon_mrgr:icon_mrgr:icon_mrgr:icon_mrgr:icon_mrgr :icon_mrgr:icon_mrgr:icon_mrgr:icon_mrgr:icon_mrgr :icon_mrgr:icon_mrgr:icon_mrgr:icon_mrgr:icon_mrgr :icon_mrgr:icon_mrgr:icon_mrgr:icon_mrgr:icon_mrgr :icon_mrgr:icon_mrgr:icon_mrgr:icon_mrgr:icon_mrgr :icon_mrgr
على اللى يبقى شهم تانى فى البلد دى
اتاري الست والدتى منزلالى الزبالة!!
:black::black::black::black:




ههههههههههههههههههههههههههههههههههههههههههههههههه

مصري متعصب
03-10-2007, 05:48 PM
الاقى السبت منزلينه
مش طايلاه
اشب و ابقى فرجة الشارع برده مش عارفة
يطوع واحد محترم معدى عشان يجيب اللى فى السبت





هههههههههههههههههههههههههههههههههههههههههههههههههه ههههههههههههههه

ekm86
03-10-2007, 05:50 PM
بصراحة آخر موضوعين تحفة
وطبعا ده العاااااااااااااادي بتاع مواضيعك:smiley20:

أبو المعاطى شمروخ
04-10-2007, 01:11 AM
قومى هاتى الشيكولاته
هاتى العصير فالعصير فالحلويات فال....
الله الله الله اللهم صلى على النبى حلاوتك
وقف سي الدكتور قدام الكاشير يطلب
يطلب ازاى بقى و هو ما سألناش اصلا
محضرلكم مفاجاة ولا حاجة
يا دكتورة تشربى حاجة ساقعة!!!
اصيل يا دكتور

طبعا قلتله لا شكرا
غلطانة والله
امال هقوله اه هات فى و سط الناس دى كلها
ايوا قولى حد ليه عندك حاجة
نص الوقت بيبص على طربيزتهم و كأن اللى هيكون عليها غير اللى هيكون على طربيزتنا!!!
مش دافع دم قلبع عند الكاشير
جه المطلوب
كان عبارة عن سندوتشات كايزر كل واحد وااااااااااااحد
لا و حق ربنا و بطاطس
!!دكتور وفاهم مش عايز يعمل تُخمة
هو نفسه بص للسندوتش بصة وحشة قوى
اللى هو
هو ماله مسخوط كدة ليه؟!!
هو فاكر هيجيبوله شوال بطاطس
الدكتور بدأ يبدى اعتراضه ان الكابوتشي مش عاجبه
حقه مش دافع فلوس
و حطه فى الصينيه
المصيبة انه حطه ادامى انا (قاصد و لا ايه بقى ده ؟!!)
يا شيخة بيهزر معاكى دايما بتظلموا الناس
لا داعى طبعا لذكر شكله و هو بياكل
براحته هو بياكل مع حد غريب
كله كوم بقى و هو بيشرب ال بيبسي
يا نهااااااااااااار نهااااااااااااااار
ميبلعشى يعنى ؟ يسيب الاكل يقف فى زوره
و بدأ يدينى محاضرة ان السفن ده بيعاج الانتفاخ و عسر الهضم و كمان فى علاج الجفاف!!!
يا سلام دكتور وفاهم ما شاء الله عليه
خلص ووقف و هيمشي خلاص
طبعا انا لسة و اخته لسه و الامهات لسة
انجزوا انتوا هتناموا ولا ايه
فرض علينا فرض الاخ الدكتور اننا نتمشي لان المشي بعد الاكل مش عارف ايه!!
دكتور وفاهم ياعينى يا عينى المشى رياضة
الكعب معلش ناقح عليا جدا ممكن نقف دقيقة اقلع الجزمة بس و نواصل المشي!!
باصلي و قاللى لال الا
يا نهار ابيض انا اسف طيب مش كنتى تعملى حسابك على حاجة فلات
غلطتك دى يا نونا هو ملوش ذنب
طيب لابسة شراب يعنى و عادى تمشي من غيرها و لا ايه؟!
اوعوا تكونوا كنتوا فى الصيف!
الا لقيته جاى و ايده ورا ضهرة
قاللك غمضى عنيكى؟
و بيوقلى تاتاتاتا
وراح مطلعها!!!
وردة !!!
وردة حبنا
وردة حمرا واحدة!!!
يا سلام عليه مش مختار اى لون احمر اهلاوى والوردا الحمرا والرومانسية كلها
بقيت فى بالى بقول منك لله يا بعيد فى عيد ميلادى جالى بوكيه بوكيه
تقوم انت جايبلى وردة وردة و شبه دبلانه
هو جابلك وردة واحدة علشان محدش منهم يخمس معاكى فى الورد ظلمتى الراجل!
المهم فى رجعتنا بقى للعربية ده ماشي بيتكلم فى حاجتين الكورة و السياسة
جميييييييل مش احسن مايسكت
)
و فجأه بدأ الكلام فى الاسعار
و ان كل حاجة غليت
دكتور وفاهم وخبرة بامور الحياة يا عينى عليه
و فجأة اشد فجأة من اللى قبلها
الا هو الورد غلي ليه؟!!
مش بقولك فاهم


كدة يا نونا طيرتى الدكتور من ايدك
انت اللى فهمتيه غلط

الموضوع اللى فات متفهمشى غلط بس قلب هزار مش اكتر

broken nonna
04-10-2007, 02:31 AM
دكتور ekm متشكرة جدا ده من ذوقك.:smiley1:
دكتور ساااااااااااااااامح مسعد كتر خيرك ده الموضوع نفسه ماكانش غايظنى زى ما عملت كده:takh::smiley1:
انسى بقى الورقة التانية بتاعة الباطنة:icon_mrgr:aiaiai:

broken nonna
05-10-2007, 05:30 AM
عاادى جدا على اى واحد فينا بيركب باصات كتير او مقطع الميكروباصات انه يشتغل تباع
يلم الاجرة من اللى وراه
و كمان ممكن يحسب الباقى للناس و يرجعلهم
عاادى جدا
عادى برده انك تبقى واقف فى مكتبة التصوير فى الكلية
اللى بيصور يقولك عندى ورق كذا عاوز
طيب اسأل زمايلك فتقعد تسألهم و تنادى يا فلان
فى ورق كذا للدكتور كذا و بكذا جنيه
عاوز؟!!
عااادى جدا و بيحصل
بس هل عمرك حسيت انك قايم بدور الدلالة؟!!
ايوة انا قلت دلالة!!
ما اعتقدش
بس ان حصل بالله عليكم بالله عليكم كمان مرة مش هيبقى عااادى من العوادى الى تغيظ؟!!
او ما تغيظش وراد برده
ركبت ميكروباص للكلية فى يوم ما قبل الاجازة طبعا
و هو ماشي لمحت زميلتين معايا فى الراوند لما شافونى اتكسفت قلت انزل و امرى لله
صحيح هضحى بربع جنيه من الاجرة بس مش مشكلة مادام شافونى
نزلت وقفت تانى معاهم فى انتظار ميكروباص
(طب نزلت ليه انا مادام هستنى تانى!!)
عااادى عاادى
انا واحدة من ابناء الشعب العادى اللى بيحب الونس و الصحبة فى الطريق
و قفنا فترة طبعا مش عشان تلاقى ميكروباص
لا عشان تعرف تركب من غير ما تتضرب بالشلوت_لامؤاخذة_ او تتسرق او غيره من مصايب الميكروباص
و ده بحكم انى متعوده عليه عااادى
من بعيد ظهر اتوبيس مكتوب عليه عباسية
الطريف انى اول مرة اشوف اتوبيس فاضي!!!
طبعا ده ايه
شئ غير عاادى بالمرة
الاغرب ان الناس شافته فاضى ماركبوش برده!!
لا لا عااادى عاادى
اللاتوبيس وقف الكمسري طلع ينادى على الناس
اللى رايح الف مسكن جسر السويس عباسية
كام بنت بس اللى طلعوا
اصحابى راحوا طالعين و انا بينى و بينكم ما ركبتش الاتوبيس بتاع هيئة التكفير العام
دايما ان ركبت يعنى اتوبيس بيبقى السي تى ايه
المهم لانه فاضى فكان مغري بالنسبالى انا و زميلاتى
ركبنا و قعدنا
تخيلوا قعدنا فى اتوبيس فى مصر
المهم عارفين طبعا الوصف العربي القديم اللى كان بيوصف المزة_قصدى الحلوة_لما تمشي تتدلع
مشية الهوينى
و لا اجدع طفطف فيكي يا معمورة!!
الاتوبيس ماشي يجيي تلات محطات شبه فاضي و الناس شايفاه فاضي و ما بتركبش
حكمتك يارب
و له فى خلقه شئون فعلا!!
المحطة الرابعة كان فى امم امم بتركب
كوسة بقى كوسة بحق و حقيق
عااادى جدا الواد يلزق فى البنت و الراجل يخبط كرشه ببطن المدام الحامل اللى ادامه!!
عااادى
نظام كلنا اخوات فى الاسلام!!
(هو انا سميته هيئة التكفير العام من شوية حقيقي اللى عاوزة او عاوز يخسر دينه يركب اتوبس من اتوبيسات هيئة النقل العام)
شوية و لاقيت الاخ اللى جنبي نازل عديته و دخلت مكانه واحد تانى حشر نفسه حشر بالشوال الاسود اللى شايله و كأن الاتوبيس ناقص
شوية كمان
الاخ اللى جنبى فتح الشوال و طلع مننه عروسة
!!!
قاللى تشتري
و لان شكل العروسة تحفة فعلا و انا من هواة تجميع الحاجات دى
مسكتها
قاللى ده ميد ان تايواااان
قلتله انا قلت دى راحت عليها بعد ما الصينين و الكوريان ما احتلوا البلد
قاللى لا صدقينى بصي حتى و قعد يتنى فى العروسة عشان يغرينى انها ممكن تاخد كذا وضع وكمان مش بتتقطع
قلتله بكام قاللى ب15 بس
العروسة كانت قد كف الايد
و لو رحت لاقيتها فى محلات 2 و نص مش هتبقى اكتر من 7 جنيه!!
طبعا قلتله لا 15 ايه
هى 7 حلوة قوى و هاخد 2
قاللى 13
قلتله 7
و هكذا من 13 لسبعة لحد ما تافقنا على 8 جنيه للواححدة
لقيته بيقولى طيب ممكن خدمة ممكن بس توريها للمدام اللى قاعدة الناحية التانية
بس ماتقوليلهاش انك واخداها ب 8 جنيه
طبعا مديت ايدي بين اشلاء البشر للناحية التانية
الناس و سعت
الست مسكت العروسة عجبتها خدتها ب 9 جنيه
وانا ساكته
قاللى طيب المدام اللى وراكى معلش انا اسف
قلت فى بالى اخد فيه ثواب
لفيت للست اللى ورايا وريتلها العروسة عجبتها اخدت يجى 5 لبناتها و هدايا
الواحدة ب 11 جنيه!!
زميلاتى شافونى
قالولى ايه ده
و ده ماصدق شاف واحدة فيهم بتسألنى راح قاللى وريها وريها الله يكرمك
و ريتهم
طبعا الاتوبيس كله كان بيتفرج لانى للاسف وقفت عشان اقعد ابعت لكل ست و لكل بنت عروسة كان لازم اقف
الكرسي اتاخد طبعا و نص الستات و قفوا و الرجالة هيا اللى بقت قاعدة!!
و اللى من بعيد تسألنى
قوليلي يا اختى بكام
طيب ورينى
و راجل يقولى يا ابله بكام
طيب ورينى و انا عمالة اوزع يمين و اوزع شمال
على العباسية لقيت صحباتى واخدين عروستين الواحدة ب 5 جنيه!!
اوعوا تفتكروا انى اتغاظت
ابدا
لانى اصلا كنت فى عالم تانى
كنت ماسكة البالطو ببصله بحسرة
اااااااااااااه يا بالطو مهدورة قيمتك فى دى البلد!!!

بالمناسبة الراجل بتاع العرايس ده كان معاه يجى 300 عروسة
اعتقد انه نزل من الاتوبيس و شواله فاضى!!

مصري متعصب
05-10-2007, 09:55 PM
سين سؤال
انتي ليه وافقتي انك توري العروسة للست من اصله
ونا لو منك حقول بالفم المليان العروسة ب8جنيه يا جدعان
خليكي في الس تس ايه احسن

broken nonna
05-10-2007, 10:10 PM
جيــــــــــــــــــــــــــــــم جواب
لانى ما بعرفش احرج حد ومدام طلب منى و انا ماكنتش متوقعة اللى حيحصل ده كله
و جه فى بالى انها مرة وخلاص يعنى اخد فى الجدع ثواب ورزق وجاله
حصل اللى حصل

مصري متعصب
05-10-2007, 10:34 PM
عارفة انا لو منك كنت قسمت معاه الاجرة بالنص
عاوزين نقرأ قصة تانية

arownas
06-10-2007, 12:54 AM
انتي الغلطانة في حكاية العروسة دي
كنتي وسعتيله و جبتيه مكانك و هو قام بشغله
يلا مش مهم اديكي اكتسبتي مهارات البيع ممكن تنفعك بعد كده

ekm86
07-10-2007, 12:58 AM
الميكروباصات انه يشتغل تباع



يلم الاجرة من اللى وراه
و كمان ممكن يحسب الباقى للناس و يرجعلهم
عاادى جدا
---------------
بس هل عمرك حسيت انك قايم بدور الدلالة؟!!
ايوة انا قلت دلالة!!


أنا شفت بقى أكتر من حكاية العروسة دي
أنا كمان قليل قوي لما أركب أتوبيسات
لكن في مرة كنت في مشوار ورجعت على رمسيس
ووقفت في المكان اللي بيعدي منه الميكروباص عشان أروح
وأنا واقف لقيت أوتوبيس رايح حلوان (من اللي لونهم أخضر)
قلت طيب ما أجرب أركب الأوتوبيس ده.. ده حتى الأوتوبيسات دي بتبقى نضيفة وتشرح القلب:smiley27.
وأخدت القرار إني أركب الأوتوبيس وطلعت
قعدت على الكرسي بسرعة.. وبعد ما قعدت لفت نظري إن الكرسي اللي قدامي لونه أسود
وخدت بالي إن الكراسي كلها زبالة في حالة من التعفن المزمن:smiley28:.. والقذارة اللي فيها لا يمكن تنضف ببرسيل بالحبيبات الزرقا، ولا بالجن الأزرق ذات نفسه (على رأي أشرف عبد الباقي)
والمصيبة إني كنت لابس تي شيرت أبيض طبعا على ما روّحت كان ضهره بقى اسود، وحطيته في الغسيل بعد ما كنت فكرت اني أحطه في الزبالة
------------
المهم.. الراجل السواق كل شوية يتخانق مع اللي طالعين على الأجرة .. "جنيه وبريزة.. مفيش فكة.. تتصرف وتجيب جنيه بريزة"
وفي الآخر قال للراجل اللي وراه (راكب عادي): "لو سمحت يا أستاذ.. معلش... خد دفتر التذاكر آهو، واللي طالع اديله تذكرة وخد منه جنيه وبريزة، واللي مامعاهوش فكة ماتاخدش منه"

الراجل بدأ يعمل كده فعلا.. لكن الركاب بدأت تزيد
الناس بتدخل وتقعد من غير ما تدفع
الراجل بكل شهامة (أو سذاجة... مش عارف) تطوع وقام من مكانه وبدأ يلف على الركاب يقطع لهم تذاكر، وطبعا مكانه اتاخد من أول الطريق وهو هينزل قرب حلوان
طبعا أي راكب ماكانش يتصور إنه مش كمساري
وبدأت الخناقات..
- جنيه وبريزة يا أستاذ
- خمسة جنيه آهى
- مامعاييش فكة.. هات جنيه وبريزة
- طيب ما تشوف فكة من أي حته
- أنا مش شغال عندكوا..
- أمال بتعمل هنا إيه؟

الراجل يا عيني قعد طول الطريق يقطع للي طالع ويفك من ده ويعمل مش عارف إيه لحد ما نزل




كتر خيره :look up:

arownas
07-10-2007, 01:11 AM
الراجل ده يا طيب زيادة عن اللزوم يا غاوي تعب
بكل بساطة لما الناس كترت كان يرجع الدفتر للسواق و هو يتصرف مش شغلته برده
تصدق انا ايه اكتر واحد غاظني
البني ادم اللي بياخد مكان الراجل ده (او مكان نونا في اتوبيس العباسية)
في نوعية من الناس كل همها مصلحتها و تولع الناس التانية
المهم انه مستريح و يحس فوق الراحة بنشوة النصر و الفهلوة انه اخد حاجة مش حقة

broken nonna
07-10-2007, 06:01 AM
دكتور ekm عاادى جدا ان ده يحصل فى اى اتوبيس فى بلدنا صدقنى و عادى جدا ان قميصك يبقى كوبيا فى بلد اللوبيا دى
و زى ماقالوا
كله بيطلع فى الغسيل
اما عن نوعية البشر اللى زى حالة الاخ ده _وانا اقصد كونه راجل خاصة و بنى ادم مصري عاااااااامة_فهى نوعية فى طريقها للانقراض.
دكتور ارو حضرتك مضايق ومتغاظ من اللى قمت اخد مكانك طيب تعمل ايه فى واحد شايف سيدة شايله طفلة و الطفلة نايمة و شنطة على دراعها التانى و سايبها واقفة؟!!
تعمل ايه كمان لو عرفت انها بتطلب منه بكل ذوق _متخيلة انها هتحرجه (ساااااااااااااذجة) انه معلش يقوم بس و يقعدها
يرد ببرود و اشمعنى انا يعنى ما فى كذا واحد قاعد مالقيتيش غيري؟!!
بلاش تعمل ايه بقى لو لقيت ان باقى الموجودين ما حركهمش لا منظر الست و بنتها و لا موقف الراجل ده و كا واحد عمل ودن من طين وودن من عجين!!!

بلد ماشية لورا!!!

ekm86
07-10-2007, 06:09 AM
طيب تعمل ايه فى واحد شايف سيدة شايله طفلة و الطفلة نايمة و شنطة على دراعها التانى و سايبها واقفة؟!!
تعمل ايه كمان لو عرفت انها بتطلب منه بكل ذوق _متخيلة انها هتحرجه (ساااااااااااااذجة) انه معلش يقوم بس و يقعدها
يرد ببرود و اشمعنى انا يعنى ما فى كذا واحد قاعد مالقيتيش غيري؟!!
بلاش تعمل ايه بقى لو لقيت ان باقى الموجودين ما حركهمش لا منظر الست و بنتها و لا موقف الراجل ده و كا واحد عمل ودن من طين وودن من عجين!!!

طيب تعملي إيه لو عرفتي إن ابن خالتي كان راكب المترو ولقى ست كبيرة واقفة، فنادى عليها عشان تيجي تقعد
أول ما جت وقفلها... راح واحد تاني قاعد مكانه؟؟؟

broken nonna
07-10-2007, 06:11 AM
سؤال سيل فو بليه
انا قلت قبل ما يجيلي نقطة او اتغاظ او يتحرق دمي
اتوكد برده
اصل ان بعض الظن اثم
هو بعد الشر بعد الشر خير اللهم اجعله خير و اللهم اخزيك يا شوشو ايه يعنى خير ان شاء الله خير خير
اكيد اوشاعة
و من نبى النبى انا متأكدة انا اوشاعة
و اوشاعة مغرضة
اكيد قصدهم يخلوا الشعب العاااادى اكثر عاااادية
لا لا لا
انا مصدقش بيني و بينكم
يعنى مثلا مثلا مين صدق ان مبارك مااااااات!!!
فى حاجات مسلم بيها يا جماعة
بلاش افترا
طيب مين صدق ان اليوم الاحد فى حوالى 23 جريدة مش هينزلوا فى الاسواق عشان نشروا خبر انه عيان _الف اسم الله عليه_و بيموووووت
_قلات ادب _
بلاش بلاش
مين صدق انه بيقاضى 4 رؤساء تحرير مش لا سمح الله نشروا الخبر او فولوا عليه
ده عشان نواتج نشر الخبر
قال ايه35 مليون دولار و لا يورو مش فاكرة بقى ضاعوا من استثمار البلد و المستثمرين بقوا يسحبوا فلوسهم اول ما عرفوا انه _النبى حارسه و صاينه_مات!!!

طيب اذا كان كل اللى فات ده مش اوشاعات مغرضة
و حقيقة بحق و حقيق

ممكن بس حد يأكدلى الاوشاعة اللى بتقول
ان مصر بتمد اسرائيل بغاااااااااز طبيعى لحد عام 2019
!!!!!
طيب صحيح يعنى الحكومة المصرية بتملك اراضي للاسرائليين فى سيناااااااااااااااااااااااء
!!!!!


انا قلت برده دى اوشاعات
و لا ايه
بلا كلام فااااااضي!!!

broken nonna
07-10-2007, 06:18 AM
هعمل ايه يعنى يا دكتور ekm
انا كاشفة راسي ساعة فجرية
و انا بحسب نفسي من ضمن و لايا هذه البلد
و هقول بعلو صوتى


يارب نجنى من العادى اللى زاد عن العااااادى لما طفح كيل عااادى و غرق العااادى اللى جنبى و العااادى اللى طلع ساكن جنب العااادى
هو انا يا ربي ليه بيضايقنى و يغيظنى لسه العادى
مع انى فرد من افراد الشعب العااادى
و العادى ان اللى يعاشر العادي 40 يوم صار منهم
يا ربي انا تعبت من كتر ما بقى الغير عادى فى نظر الناس عاادى
قصدى من كتر ما بقى العادى فى نظر الناس غير عااادى
لا لا
قصدى من كتر ما بقى العادى فى نظر الناس عاااادى
يييييييييييه
لخبطوا العادى بتاعى على العادي بتاعهم لما صبح كل شئ عااااادي
كفاية بقى عااااادى كفاااااااااااااااااااااااية!!!

Dr.ElFiky
07-10-2007, 12:21 PM
مش عايزين سياسه يا اخوانا
الشمس بعيده

:yadmaghy::yadmaghy::yadmaghy:

ههههههههه

ekm86
07-10-2007, 12:42 PM
يعنى مثلا مثلا مين صدق ان مبارك مااااااات!!!

فاكرين مسرحية الزعيم
لما مصطفى متولي بيقول عادل إمام إن الزعيم مات
فعادل إمام ضحك وقال له: "هي هي هييييييييي .. هو في زعيم بيموت؟!!"
نفس الاحساس ده جالي ساعة ما سمعت الخبر لأول وهلة
وهو ده اللي أنا بقيت مستغربله..


ممكن بس حد يأكدلى الاوشاعة اللى بتقول
ان مصر بتمد اسرائيل بغاااااااااز طبيعى لحد عام 2019
!!!!!

أنا بأكدلك إنها بتمده بس مش عارف لحد امتى

arownas
07-10-2007, 04:08 PM
[B][FONT=Arial][SIZE=4]أنا بأكدلك إنها بتمده بس مش عارف لحد امتى

مش عارف لحد امتى؟
لحد العادي بتاع اليومين دول لما يبقى مش عادي

Dr.ElFiky
07-10-2007, 05:38 PM
مش عايزين سياسه يا اخوانا
الشمس بعيده

:yadmaghy::yadmaghy::yadmaghy:

ههههههههه

<!-- / message -->

broken nonna
07-10-2007, 07:40 PM
دكتور الفقى انا اعرف فعلا ان الشمس بعيدة بس يا ترى يا هل ترى هى سخنة؟!!
و لا عادية يعنى لا هى سخنة و لا هى ساقعة
بس عشان اعمل حسابى انا واللى ردوا معايا على الموضوع ده
على هدوم صيفى شوية

Dr.ElFiky
07-10-2007, 08:00 PM
والله انا شايف انهم ممكن يختصروا و يبتعونا المريخ
:aiaiai::aiaiai::aiaiai:

arownas
07-10-2007, 09:22 PM
والله انا شايف انهم ممكن يختصروا و يبتعونا المريخ
:aiaiai::aiaiai::aiaiai:

المريخ قريب ممكن حد يشوفك هناك

فينك يا Roseangle كنا محضرين رحله زمان لورا الشمس بس ماتمتش
broken nona باين عليها هي اللي هاتكملها

الى الامام




اسف
الى فوق

broken nonna
07-10-2007, 09:59 PM
هو بينى و بينك دكتور ارو مش للامام خالص
و برده مش حلوة لفوق دى
ايه هو بياخد الروح الا اللى خالقها
فاعتقد انم هيعملونا كعب داير
يمين و شمال
بس الاغلب
لورااااااااااااااااتمام زى حال البلد


هو انا اللى بقول انا ماالى دول هما

broken nonna
08-10-2007, 07:29 AM
كان نفسي ما اضطرش فى يوم انى اتكلم وحش فى حق الستات
بس اعمل ايه
قالك ايش رماك ع المر
قلت اللى امر منه
!!!
الساعة سابعة ونص صباحا اختى راحت مدرستها
لسة بقول
اه يا نوم يا نوم يا نوم يا نوم
تدفن دماخك بين المخدات تحيط نفسك بالكتلة الخرسانية اللى اسمها اللحاف
لا هربا من البرد بل تحسبا للى مستخبي من بلاوي الصبحية
طبعا والدتى تعدى تلاقينى بالمنظر ده
ترمى كلمتين عن كيفية التخمر و التعفن و التكمكم و عواقب هذا التكفن_على حد قولها_
عااادى
ماما منى و عليا
تعدى نص ساعة كمان تكون فطرت و اتغديت و اتعشيت و الملايكة عملوا احلى واجب معااك
(ده كلام يا....... يعنى ده يصح ده حتى عيب و ما يرضيش ربنا)
بتحاول تتجاهل صوت فلانة الجارة اللى فوق اللى فوقنا مع الجارة اللى فوق فوق اللى فوقنا
لما الجارة اللى فوق فوق اللى فوقنا نشرت سجاجيد مغسولة و طنط اللى فوق اللى فوقنا كانت ناشرة ستاير
و الظاهر انهم حسوا انه عيب يتراشقوا بالطلام ده على الملأ كدة من البكونات
صمت لا يدوم الا قليل تمااااااااام زى السكون اللى بيسبق العاصفة
يدخلوا من البلكونات و على السلم يكملوا وصلة الردح
_لامؤاخذة_ دى تقول لدى عيب كدة النبى وصى على سابع جار
تعملوا فينا كدة
ترد التانية انا فى التاسع و بعدين ماكنتش شايفة الستاير
و بعدين انتى مش ناشراها من امبارح كل ده سايباها على الحبل
ترد الاولى
اللللاه ما انتى شفتيها هو من امبارح
و بعدين انتى مالك اسيبها و لا اشيلها و لا حتى اولع فيها بجااااااز
ترد التانية
طبعا و انتى يهمك ماتنى اصلا ست معفنة
الاولى تتغاظ اكتر
انا اللى معفنة يا قليلة الادب ده سجاجيدك منزلة بلاوى
تجرى ماما عليا
...... الحقى طنط فلانة بتتخانق مع طنط......
سامعاهم يا امى سامعاهم
طيب اطلع اصالحهم
افك اللحاف من حوليا
اشيل اطنان المخدات
الاقى ماما بتقولى
طيب خلاص خلاص
انتى هتقوميلي نااامى ناامى انا هدخل اصلى الضحى و انام انا كمان
احاول جاهدة اسد ودانى عن اصوات المدامات ابدا
10 دقايق و المولد ينفض
ده حاجة عادية بتحصل
اللى اكتر عااادية بقى
لما تصحى الساعة 11 من نفس اليوم على صوت السيدة اللى تحت اللى تحتينا بتتخانق مع السيدة اللى فوق اللى فوقينا و طنط بقى اللى فوق فوق اللى فوقينا
واقفة شمتانة
هتقولولى طيب لسه الجارة اللى تحتينا بتتخانق مع الجارة اللى فوق فوقينا
اصل طنط اللى فوق فوقينا و هى بتشيل الغسيل الستاير اياها بعد خناقتها مع طنط اللى فوق فوق اللى فوقينا
و قعت حاجة من الغسيل على طنط اللى تحت اللى تحتينا
و الظاهر انها كانت حاجة لا مؤاخذة ......تيت ....حريمي
احب بس احيط علمكم ان ده مش اول حاجة (تيت) تقع
و ان طنط اللى تحت اللى تحتينا كانت دايما تشتكى لماما وتقولها ان طنط اللى فوق فوقينا بتوقع حاجات ...تيت... على الحبل بتاعها
و انها بتنزل تخبط منقية معاد موجود فيه جوزها و طبعا بتحبط و ببجاحة تسأله
لامؤاخذة هى .... ما لقيتش حاجة بتاعتى ...تيت... على حبلها
مرة تلاقى.. تيييييييت..
و مرة تلاقى ..تييييييييييت.
لدرجة انى فى مرة سمعتها
فضحكت و رديت مع انى كنت فى المطبخ
قلتلها لو ..تييييييييت ... ده طلع جديد خديه و قليلها مالقيتش حاجة!!
طبعا بعد طنط ده ما مشيت انا اخدت قلم من والدى لما ماما قالتله رجنى بين ضرفتين الباب!!
عااادى بابا و منى و عليا
المهم ان طنط اللى فوق فوقينا كانت بتزعق لطنط اللى تحت اللى تحتينا
قال ايه
انتى ازاى ترمى ....تيت... كدة فى الشارع مادام لقيتيه شيليه
ايش حال انى قايله لجوزك امبارح لما كنتى فى الحمام
و انا استنيتك تبعتيه ابدا
عااادى عااادى
طبعا طنط اللى تحت تحتينا تشتم و تقولها انتى بذمتك مش مهزأة
تقولى لجوزى انتى بتستهبلي
بجاحة ايه دى يا اخواتى!!
مشكلة طنط اللى فوق قوقينا بقى ايه
ان طنط اللى تحت تحتيا هى اللى لقيت ال.... تيت
و هى اللى رميته
تبقى هى اللى تنزل تجيب ال... تيت .. من الشارع
عجاي...
يوووه قصدى
عاااااااااادى
طنط اللى تحتيناواضح انها قفلت باب شقتها ودخلت طنط اللى فوق فوقينا نازلة شتيمة
الساعة 3 ونص العصر
تسمع صوت زوج طنط اللى تحت تحتينا بيتخانق مع مراته اللى هى تصدقوا طلعت ساكنة فين
تحت تحتينا!!
قال ايه
انتى يا ست انتى هبلة
بقى انا انزل الصبح الشغل الاقى بواب العمارة اللى قصادنا بيقلى يا بيه
عاوز جنابك بس فى كلمة
افتكره عاوز فلوس
يقولي لا يا بيه اصل لامؤاخذة مراتى بس شافت ال ..... بتاع المدام بتاعتك علىالحبل و مكشوف كدة من غير يعنى ما يتغطى بحاجة
طبعا عم بقى عامل زى خيشة المطبخ_لامؤاخذة
قاله طيب طيب خلاص بتكشيرة وجدية كدة و ركب العربية و اتصل بطنط اللى تحت تحتينا و زعقلها و هى تقوله انها مش ناشرة حاجة
بس طبعا فهمت ان ال...تيت ..ده بتاع جارتنا اللى فوق فوقينا وواقع كالعادة
فمن غيظها تقوم عاملة ايه
ترميهولها فى الشارع
المشكلة بقى ماكانتش فى كدة
اصل عمو و هو راجع قابل البواب تانى
و البواب قاله
يا بيه معلش ممكن كلمة على جنب بس
طبعا عمو تشاءم بس وقف معاه
قال ايه
اصل مراته_مرات البواب يعنى_لقيت ال.... تيت فى الشارع فشليته بسرعة و قالت لما تطلع العمارة هتديه للمدام بس لما شفت سعادتك بتركن
قلت اديه لحضرتك
و بيمد ايده ب.... تيت ...
كدة لا كيسة سودا و لا كيسة بمبى مسخسخ حتى!!
عاادى
طبعا عمو طلع فى البوا و قاله اما انت راجل مهزأ و ...تيت... و تيت... و تييييييييييييييت
و طلع كمل باقى وصلة ال ....تيت مع طنط مراته اللى تحت تحتينا!!!
الساعة 5 و تلت قبل الفطار بدقايق
تسمع صوت البواب اللى فى العمارة اللى قصادييييييينا بيشتم مراته و يقولها
اه....يا تيت يا بنت ال.... تيييييييييت
ادى اخرة المشي ورا كلام ال.....
الراجل هزأنى و مسح بكرامتى الارض
مالنا احنا و مال ...تيت فلانة و لا .... تيت علانة
!!!
الساعة 7 مساءا صلاة التراويح شغالة يا بشر
تسمع عمو اللى فوق فوق فوقينا بيتخانق مع عمو اللى تحت تحت تحتيتنا
ايش كمن طنط اللى فوق فوق فوقينا بتحرك السجادة فالسجادة زقت الشنكل
فالشنكل كان على شعرة
هووووووووووب قام طار طار طار
وقع على ازاز العربية الادمانى بتاع عمو اللى تحت تحتينا
و الراجل يا عينى كان لسة هياخد مراته يتاويها
قصدى يبعدها
ييييه قصدى هيوديها لوالدتها و لسة بيركبوا العربية
لما الشنكل وقع و كسر الازاز!!!
عمو اللى تحت تحتينا وعمو اللى فوق فوق فوقينا زهقزا من الخناق بعد ساعة الا ربع و اتفقوا على ان عمو اللى فوق فوق فوقينا هيدفع تكاليف الازاز الجديد
اليوم اللى بعده
8 صباحا
طنط اللى تحت تحتينا ماسكة طنط اللى فوق فوق فوقينا على السلم بستفة و تنقيط
انتى يا بتاعة الشنكل ياللى ماعندكمش دم احنا فى رمضان و ....
و طنط اللى فوق فوق فوقينا مش ساكته
اسم الله عليكي يا اختى يا بتاعة.... تيت....
ترد طنط اللى تحت تحتينا
مش بتاعى يا حبيبتى ده بتاع الهانم المهزأة التانية اللى تحتك
و .... و ....
رورورورورورو

الساعة 9 صباحا
طنط اللى فوق فوق فوقينا و طنط اللى فوق فوقينا و طنط اللى تحت تحتينا
التلاته على السلم
!!!!
9 و نص صباحا
ماما داخلة عليا الاوضة
بتشيل اللحاف من عليا بعنف
فى ايه يا ماما
ما تسيبيهم احنا مالنا
ماما تقاطعنى
الهباب ده بيجيب نتيجة؟
انهوا هباب با امى؟
دة(تشير الى اللحاف)
قلتلها اه بيدفى!!!
بس فى الشتا اما فى الوقت الحالى تروحى فيها حبيبتى !!
تقاطعنى مرة تانية
بقولك لما بتتكفنى بيه بتسمعى الهم ده؟!!
باصيتلها بدهشة
رديت
تحبي احكيلك ؟!!
باصيتلى بصة و بصت على اللحاف بصة كمان
دورت وشها ناحية سرير اختى
كوفرته و بطانية خفيفة مخدتين
و رجعت بصت للحاف بتاعى تانى
10 الا ربع صباحا
ماما نايمة على سرير اختى
متغطية بلحافى و كوفرتة وباطنية اختى و حاطة مخدة على راسها كمان!!!

11 صباحا
طنط اللة تحت تحتينا و طنط اللى فوق فوق فوقينا و طنط الى فوق فوقينا
لسة بيتخانقوا!!!

ملحوظة:
1(انا ساكنة فى منطقة راقية و الحمد لله سبنا ايه بقى للعشوائيات ؟!!
2)طنط اللى فوق فوقينا خريجة مدارس الليسيه الفرنساوى و السن فرنساوى زوجها مستشار
3)طنط اللى فوق فوق فوقينا مدرسة ثانوى بس فى البيت زوجها استاذ فى هندسة جامعة الازهر!!
4)طنط اللى تحت تحتينا مدرسة ابتدائى زوجها مسئول امنى فى المتحف المصري!!!
!!!!!!!!!!!!!!!!!!!!!!!!!!!!!!!!!!!!!!!!!!!!!

Dr.ElFiky
08-10-2007, 10:03 AM
و انها بتنزل تخبط منقية معاد موجود فيه جوزها و طبعا بتحبط و ببجاحة تسأله
لامؤاخذة هى .... ما لقيتش حاجة بتاعتى ...تيت... على حبلها
مرة تلاقى.. تيييييييت..
و مرة تلاقى ..تييييييييييت.


هههههههههههههههههههههههههههههههههههه
يا تيييييييييييييييييييييييييييييييييييييييييت

مصري متعصب
08-10-2007, 10:15 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه
مش ممكن
اي العالم الهزؤ دي
آل تيت آل
مش ممكن
مش متخيل منظر ان البواب يقللي معلش يا باشا اصل مراتك وقعت التيت
دا انا كنت رزعته قلم سعتها
ممكن سؤال
هي الشقة اللي فوقيكم و اللي تحتكم مش مسكونة
اعتقد مش مسكونة لان المدرس اياه لسه مشتريها منكم
مش ممكن
انا بقرأ و نا مكسوف
مش ممكن
ايه دا
ايه كمية البرود دا
خلاص يعني التيت دا هو الاخير في البيت
لا اله الا الله
مش ممكن
هههههههههههههههههههههههههههههههههه
مش قادر بجد ابطل ضحك
ايه المسخرة دي
سين سؤال
معقولة ان كلام او زعيق الراجل مع مراته او عياله بيتسمع كدا
دا الواحد لازم ياخد باله
معلش على الالم اللي خدتيه من والدك
تستاهلي
مش ممكن
الست دي بعد كدا يتقاللها يا بتاعت التيت
وللا ايه
رايحة تسأل زوج المرأة
مش ممكن
خلاص متنشرش في البلكونة
حبكت يعني
انا اصلا اول مرة اعرف ان التيت بيتنشر في البلكونة
والله و الله والله
دي لو مراتي انا كنت طلقتها من زمان
قال ايه مراتك ناشرة التيت من غير ما تغطيه و من مين كمان ...البواب....لا الراجل عنده نخوة
طب ليه مرات البواب مطلعتش للست تقللها
ههههههههههههههههههههههههههههههههههههههه
اعتقد ان دا احسن موقف
كان الله في عونك
اكيد انت مش عارفة تذاكري
انا نفسي اسمع اي خناقة او ردح في عمارتنا
وحشني الردح جدا

broken nonna
09-10-2007, 06:09 AM
:akh::akh::akh::akh::akh::akh::akh:
مصري انت بتقرا و انت مكسوف
طيب انا كنت بكتب!!!!
لا و بسمع
وبعدين بقيت بشووووووووووف!!
و الله انت اللى كسفتنى!!:smiley9.::black:
و بعدين يا مصري انت فاكرلى المدرس اياه!!!:smiley14::smiley14::akh::smiley2::smiley9. ::smiley9.:
يادي الفضيحة يادى الفضيحة
انا اتصيت على صفحات النت!!!:takh:
و سؤالك فعلا فى محله الشقة اللى فوقنا على طول متباعة بس مش ساكنة الدور كامل
و اللى تحتنا على طول الدور كامل غير مسكون لسه
ازاى بنسمع الخناقات فى كل بيت بسيطة يا فندم اقولك
احنا واخدين دور كامل
مطل على مناور العمارة كلها
يعنى من هنا نسمع خناقة دول و من هنا نشوف البواب ومراته
و هكذا
السبب التاى التوقيت
ساعة صبحية يعنى المفروض الناس بتتصبح و تقول يا صبح مش يا شكل للبيع
يعنى هس هس و السوكتم بكتم!!
السبب التالت بقى المنطقة
انا ساكنة جنب مطار القاهرة حتة سكووووووووت جدا:tom&jery: _الا شارع كدة بس فى نصه الاول بيحاولوا يعملولوه حس_
المحلات بتقفل عندنا من 9 ونص عشرة مساءا بالكتير
زائد انها مافيهاش سكان كتير و اراضى فاضية بالهبل
يا اما لها اصحاب بس ما بنوش
يا اما مالهاش صاحب اصلا...:black:
اما من ناحية استاهل القلم فانا اقر يا فندم و اعترف استااهل فعلا
بس اصل الاستفزاز وحش :close fri

broken nonna
09-10-2007, 07:16 AM
ظهرت فى الاونه الاخيرة جمل عااادية كتير
و امثال كانت بتتقال زمان بس زاد استخدامها دلوقت بطريقة
عااااااااادية
يعنى مثلا تلاقى عربية الشرطة_اخويا قاللى اسمها اتاري و انا لازم ابقى مثقفة و بلاش جهل مصطلحات_
اه الاتاري بقى يبقى واقف و معدى تلات شباب و بنت مظبطة مفسها على الاخر
الشباب يعاكسوا البنت
قال ايه
جااااااااامدة
!!
يقوم راجل محترم ماشي و جنبه المدام و قدامه بنتينه
يسب فى الشباب و انتوا...تيت ... ايش حال ان الشرطة واقفة
جامدة يا سفلة يا......
تقوم المدام تشده احنا مالنا احنا مالنا
احنا معاك و معانا البنات مالناش دعوة ببنات حد!!!
احنا مالنا!!!
ماخافتش بنتها يتعملها حاجة هى كامن و الناس يبقى لسان حالها احنا مالنا!!!
يالا عااادى
اهى ده مثلا كلمه
و عندكم كمان مثل برده
قال ايه ما ناب المخلص الا تقطيع هدومه!!!
هو المخلص ده مش ممكن يبقى فى موقف محتاخ حد يخلصه
لو اللى مفروض يخلصه قال
ما ينوب المخلص الا تقطيع هدومه مين بقى هيخلصه!!!
و عيش ندل تموت مستور!!!!
اه انا مع المثل هتموت مستور بس منتن و معفن لامؤاخذة
عااادى عااادى
ده اللى انا عايشة فى وسطه و لازم اعدى و اقول عااادي
تصحى الصبح عشان رايح تدفع فاتورة التليفون
عاوز تطس وشك بشوية ميه على الاقل يعنى
هنقول انك بنى اده عندك كونيستيبيشن مزمن
او بتصرف نفسك مع البلادر اول باول فمش طالبه على الصبحية
كل ماهنالك حبة ميه تطس بيهم وشك بس
عااادى جدا حق مشروع
تفتح الحنفية
و لا نقطة ميه!!!
عاادى و بتحصل تبدأ تصوت يا .....
طيب يا ....
بلاش
يا ماما يا بابا
ازازة ميه انا فى الحمام
لا حياة لمن تنادى لان اصلا لو كان .... و .... فى البيت كنت اضطريت اصلا تصحى الساعة دية و لا تروح بنفسك المشوار ده
تيجى الست الوالدة بازازة ميه
تمشي بيها حولك
عاادي
تخرج من الحمام و انت بتقول استر يا رب بانت من اولها
تلبس هدومك و تاخد الفلوس و تفتح باب الشقة
تدوس نور السلم مش بينور
تبص فوق كله منور
تبص تحت كله ضلمة
تدخل تانى يا بابا السلم من اول دورنا ما فيهوش نور
يقولك طيب هبقى اشوف
تشوف ايه يا بابا هنزل فى الضلمة؟!!
يرد يقولى و مين يعنى هيفكر يخطفك انتى!!
و يدينى ضهري و يعاود نومه_نفسي اعرف مين اللى اخترع موضوع المعاشات المبكرة و الاستقالات و الخصخصة بس يا مين يليمنى عليه_
تنزل على ضوء الموبايل تفتح باب العمارة
تبص على الشارع ملاحات يا اخواتى
لا لا
رشاح يا اخواتى
الشارع كله و التقاطعات عايمة ميه!!!
تبص يمين مافيش مصدر للترشيح ده
تبص شمال تلاقى شبهة بلاعة و لا ايه عمالة تنفد!!!
قطعا قطعا مش هتعدى لان اساسا مش هتعرف تعدى
عااادى
تبص تلاقى جارك اللى فوق واقف جنبك
بيقف عل كلمة واحدة
صباح....
و اول ما يبص للوحلة اياها يسكت ووشه يقلب من المظر ناهيك طبعا عن الريحة
تتجمع الناس اللي نازلة اشغالها فى مداخل العمارات
كله مستنى حد يغامر و يعدى و لو نجح فى انه يعدى من غير ما تبل يبقوا يقلدوه!!!
ان حد يبدأ ابدا!!
عااادى
اللى بيروح ضحية دايما البوابين بيصحوا من النوم يشمروا الجلاليب
و يغوصوا فى البركة !!!
عاادى
فى وسط الناس اللى قرفانه و عمالة تسب فى الحى و رئيس الحى
_ده اللى فالحين فيه_
تعدى عربية دايو لانوس اوعى وشك
ايوة فعلا
دانت لازم توعى وشك و توعى جسمك كله
لانك هتبقى مسخرة كمان ثوانى بعد مروره
الطريف ان الناس تقوله انت اعمى مانت شايف الوحلة لازم تعدى
يقولهم و انا اعملكم ايه
انا مالى يعنى ما روحش بيتى عشان الشارع فى حبة ميه!!!
حبة ميه يا ابن ال....
و يبدأوا فى التطاول على بعض
و كله كوم بقى لو لقيت ستات فى الساعة دى بيبقوا فى وادى تانى اصلا مع بعض
عااادى
ترفع راسك تلاقى امم فى البلكونات بتابع الوضع من مراكز رؤيه اعلى
مرصد يا ناس!!!!
انزل خطوتين ارفع راسي الاقى بابا واقف فى البلكونة_يعنى صحيت يا عم الحاج_
اقوله اطلع
يقولى لا
لا!!!
هستنى ايه انا!!!
عاااادي
استنى ايه المشكل!!!
ناس تغامر وتعدى وهى بتسب وتلعن فى البلد و الحكومة!!
عادى
طبعا تلاقى مثلا واحد زى السيد المستشار جارنا بيقولهم ما بلاش الحكومة ياجماعة
هى الحكومة هتعملكم ايه
مش انتوا قلتوا للحى قبل كدة مشكلة انابيب و مواسير الصرف
و ان لما بتنفجر الشارع بيبقى طين ايشكمن فى ناس كل ماتبنى ترمى رمل على اسمنت فى اشارع
مش رحتوا و الحى قال اللى يبنى حاجة يعمل الاسفلت تانى على حسابه
يطلع فى واحد من البلكونة اللى هو اصلا صاحب العمارة اللى مجاريها ضربت
يقوله لا والله لما انا اللى اعمل الاسفلت الحكومة تعمل ايه
قاله الحكومة عملتها مرة تعملها تانى ليه؟
تبص للاخ اللى جنبك _طالب حقوق وهو بيتاوب و يقول_
الله يخرب بيوتكم على الصبح عدونا و ابقوا شوفوا الحكومة ال...تيت... المفروض تعمل ايه و لا ايه...
يبصوله الناس و بالاحرى الاخ السيد المستشار
ويبدأ يديله درس فى الاخلاق و انه ازاى يدخل فى كلام الكبار لا و يشتمهم و يشتم الحكومة
يقفله الواد و يبدأ يزعق هو كمان و صوته يعلى
بس ربكم و الحق
الواد كان بيقول درر
مثلا مثلا
كا بيقول ايه يا بت كان بيقول ايه اه
كان بيوجه كلامه للاخ صاحب البكابورت
قصدى العمارة اللى طفحت مجاريها
مش يتهبب ده يتصل و لا اى حد يتصل بالطوارئ يجيوا يلموا ......تيت..... بتاعكم
و لا يتصلوا بحد هيئة الصرف......تيت..... يشوف حل بدل ماناتوا قاعدين بتحدودا الحكومة ال...تيت.. تعمل ايه و ما تعملش ايه
لا و بتدونى درس
دنتوا الله يخرب بيوكم و ....تيت و تيت و تيييييييييييت
طبعا ستات بقوا يشتموا و ستات فى حالها
تبص بصة سريعة على بلكونة الاخ صاحب العمارة اللى منها المشكلة تلاقيه اتسحب هو و وولاده و البلكونة اتمسمرت و لا كأن الشقة مسكونة اصلا!!!
تزهق و تمل تطلع
باب يقولى ايه اللى طلعك؟!!
سؤاااااااال وجيه و عااااادي جداا يا والدي
!!!
الاكثر عااادية ان بابا يكرر السؤال عشرين مرة
و كأنى كان المفروض انى اخرج فعلا من بوابة العمارة
يبدأ بقى فانتوا جيل مستهتر
و ماعنكمش مسئولية
و ان جيلهم كانوا بينزلوا فى الطين بجزم مترقعة و يركبوا الاتوبيس اللى مايل و هيتفرتك من الناس عشان يروحوا اعمالهم
و ازاى ان تكنولوجيا العصر الحديث خليتنا تنابلة السلطان
دول ماكانش عنهم مكوة فكانوا بيحطوا الهدوم تحت المراتب
و لا مزيلات العرق
زمان كانت قشرة اللمونة !!!!
اقوله يا بابا احنا فى ايه و لا فى ايه!!!
يقولى ماهي دي المشكلة كله منفد على كله
الله يحرق دمكم على الصبح
و اذا رديت و قلتله يعنى يا بابا كان المفروض اعدى فى عك البني ادمين ده يابابا
يقولى ولسه بتجادلى
ايوة طبعا المسئولية مش انا قلتلك تعملى كذا يبقى لو هتعملىالكفت عشان تعملى اللى قلتلك عليه يبقى لازم تعمليه!!!
ماما تقوله خلاص خلاص صلي على النبي بكرة حد يروح يدفعها و اهو مشكلة الصرف تكون اتحلت
والدك ينسى انك المفروض تنزل بكرة تانى
بس الجيران ما بتنساش
يصحوك الساعة سابعة الصبح بخناقة ما بين فلان مع صاحب العمارة اياها
تسمع صاحب العمارة بيرد و يقول ايه
طيب ما تتصل انت مش انت معانا فى المشكلة اتصل انت!!
تبقى عمارته هى اللى زبالتها بترشح على الخلق و عاوز غيره يتصله!!
و الناس برده تنابلة سلطان فعلا طيب ما اى حد يتصل و يخلصنا من القرف ده!!!
لا ازااى
عااااااادي
المشكلة الاكبر ان السكان ما قللوش استخدامها السيفونات و لا الاحواض!!!
ممكن تلاقى بقايا جرجير على بقايا طماطم ممكن خيارتين
!!!!
طبعا الشوارع المجاورة اهلها بدأوا يتشكوا المية وصلتلهم
و لازال بعض الناس بتغامر وتعدى فى القرف ده منهم اخواتى و هما رايحين مصالحهم
عدى 5 ايام
الحرارة فى بيتنا اتقطعت و التليفون بقى استقبال بس
ماحدش اتصل بهيئة الصرف و لا شو اسمها
المية شربها الاسفلت
ان شاء الله ان شاء الله
هتقع عمارة عن قريب!!!!
حسبي الله ونعم الوكيل!!!

مصري متعصب
09-10-2007, 08:29 AM
لا اله الا الله
فعلا بلد تيت
على فكرة يا نونا....التيت بتاعك بقى كتيييييييييير
و الموضوع بقى يفقد حلاوته
يا ريت يعني
تنسي موضوع الرقابة دا خاااااااااااااااالص
و تكتبي بمطلق الحرية
على فكرة الموضوع اللي فات لو كان اتكتب بدون تيت
كنا كلنا قلبنا بطوننا في الحمام و الدنيا صيام

مصري متعصب
09-10-2007, 08:32 AM
و بعدين يا مصري انت فاكرلى المدرس اياه!!!:smiley14::smiley14::akh::smiley2::smiley9. ::smiley9.:
يادي الفضيحة يادى الفضيحة
انا اتصيت على صفحات النت!!!:takh:
أه بالمناسبة.....الوالد عزموا ع السحور و للا لأ

و ايه آخر الاخبار
انا ساكنة جنب مطار القاهرة حتة سكووووووووت جدا:tom&jery: _الا شارع كدة بس فى نصه الاول بيحاولوا يعملولوه حس_
المحلات بتقفل عندنا من 9 ونص عشرة مساءا بالكتير
زائد انها مافيهاش سكان كتير و اراضى فاضية بالهبل
يا اما لها اصحاب بس ما بنوش
يا اما مالهاش صاحب اصلا...:black:
اما من ناحية استاهل القلم فانا اقر يا فندم و اعترف استااهل فعلا
بس اصل الاستفزاز وحش :close fri



ازاي ساكنة جمب المطاااار و الدنيا هدوء......يعني مفيش طيارات
ما شاء الله
ساكنين جمب الريس
بينومكوا من 9ونص زي الفراخ
ويصيحيكو 7 الصبح
بس على فكرة......دا مشواااااااار لحد عين شمس
كان الله في عونك

broken nonna
09-10-2007, 09:00 AM
يا مصري
اولا انا مش من ارباب نقل الحكاوى بألفاظها الخارجة نهائيا
انا بسمعها ببقى عاوزة امسك اللى قالها اعجنه
و بتغااااااااااظ فوق ما تتصور من حد و هو بيحكى لحد تانى
و يقوله :mmmm mmmm:mmmm mmmm
ده فلان عمل وسوا و قال الفاظ خارجة بس انا اللى مش عارف اقولها ازاى
انت عارف انه قاااااال ..........تيييت....:smiley3:
معلش بقى يا متعصب القافية حبكت:smiley4.:
بس قلى انت بقى اعمل ايه و انا بحكى ومضطرة اقول اللى حصل بالضبط
(اه انا ما بحبش اتبلى على حد)
يعنى مش بحب اقول لفظ مش تماااااام و فى نفس الوقت لازم اقول انهم شتموا لفظ خارج:look up:
و بما انها حوسه و لخبطة
حلوها غيرنا فى التلفيزيونات من مسلسلات و برامج
بيقطعوا الحتة الوحشة و يعملوا...تييت..:smiley14:.
احتاس انا ليه؟!!
و بعدين انا لازم اطلع غيظى الشتايم المنيلة اللى من نوعية...تيت... بقى الناس بيرددوها عااادي جدا
و جميع الطبقات :smiley7.::smiley7.:
من اول البواب لحد المستشاار يا مصري:smiley7.::smiley7.:
حاجة تقرف فعلا و انت غصب عنك مضطر تسمع اصل هتسد ودنك
ويا سيدي سد ودنك مش هتسمع كلمة لكن عشرة هيعدوا سالكين واخر حلاوة!!!
طبعا يؤسفنى جدا ان الموضوع بدأ يفقد حلاوته و الله:smiley19::smiley19::smiley19::smiley19:
بس اعمل ايه ما باليد حيلة
برده هفضفض لانى لو ما فضفضتش هتجن:tom&jery:
ثانيا
لا يا فندم ماعزمنااش المدرس على السحور
لكن احنا اتعزمنا من ناااس تانية على الفطار برة:smiley16::smiley14::smiley9.::smiley9.::confus ed:
بس انا منحوسة بعيد عنك:smiley19::smiley19::smiley19::smiley28:
و بفكر جديا اروح للسيده الفاضلة ام جابر بعد الامتحان:black::black:
يعنى كمان عشر ايام ان شاء الله و ان شاء اله تقولى واقفلك فيل البوابة هدبحه يعنى هدبحه:mmmm mmmm:takh:
اه الحق نفسي قبل ما اعدى خط الفقر!!:smiley24.

ثالثا:
المطار ايوة طبعا فى طيارات بس انا فى الجزء الورانى من المطار من صلاح سالم لو عارف المنطقة:black:
يعنى الهناجر
يعنى الجمارك _مبنى الجمارك_ يعنى نادر لما تسمع صوت الزن بتاع الطيارات و المكن و الحاجات دى
و بلاش سيرة الريس و بيت الريس:twins:
هو قريب و مش قريب:smiley2:
و اقصد بيت الريس مش الريس نفسه
لانه حبيبي اللى مهنينا فى البلد ال........تيت....:union:

مصري متعصب
09-10-2007, 09:05 AM
متقوليش كدا يا نونا
الموضوع بدا يحلو اكتر و اكتر
واااااااااااصلي الكتابة
و خليني نشوف الدنيا فيها ايه
عاوزك في خدمة
ما دام انتو ساكنين ورا مبنى الجمارك
ينفع يعني اخبي حتة تييييييييييت عندكو
ههههههههههههه

HOSSAM ELDIEB
09-10-2007, 01:34 PM
:smiley32::smiley32::smiley32:
اجمل مافي الموضوع انك بتخلينا نتخيل اللحظة كاننا عايشينها
انا حسيت اني كنت هناك وعمال اشتم في الحكومة واقول تيييييييييييت

Dr.ElFiky
10-10-2007, 06:21 PM
فين؟؟؟؟؟؟؟؟؟؟؟؟؟؟؟؟؟؟؟؟؟

Nettawy
10-10-2007, 07:38 PM
فين يانونا
دانتى طلعتي موسوعه لسه هفكر في اسم لكتاب وانسخ الكلام ده فيه

وقال ايه بتقولي عليا مشاكس
عجبي!!!

Dr.ElFiky
11-10-2007, 08:32 PM
معلش يا nonna انا كمان عايز افضفض و إلا هتشل:mmmm mmmm:mmmm mmmm

النهارده كان يوم فوق العادى!!!!!!!!!!

الصبح حوالى الساعه 5 ...........
الاقى واحد بيجرنى من على السرير........
اتخضيت و قولت هو سفاح المعادى رجع تانى ولا ايه؟؟؟؟:bold::bold:

اتاريه بابا كان بيصحينى بقاله نص ساعه و انا منفضله...........
المهم
زقنى على الحمام و قالى اصحى فوق...........
وانا كنت مش شايف قدامى..........
تخيلوا عملت ايه.....
دخلت الحمام و نمت فى البانيو!!!!!!:sleepy::sleepy::sleepy:

و لما اتاخرت بابا فتح على الباب و لقانى نايم فى البانيو........
سمعت صوت فكرنى بفيلم الطريق الى ايلات ( معرفش ايه الرابط )
:close fri:close fri
المهم
زقنى تانى و فضل واقف على الباب و انا بغسل وشى علشان مدخلش انام فى البانيو تانى.....
خمسه كده و فوقت وحضرت الشنطه (هههههههههههههه) و كويت البالطو

و دخلت علشان اسرح شعرى....
لقيت علبه الجل اللى ب25 جنيه غرقانه فى الميه..........:smiley7.::smiley7.::smiley7.:
اكتشفت ان اخويا بوظها و هو بيزظبط تفسه و هو رايح المدرسه...........
انا عارفه نمس من يومه...........


ملحوظه....( اخويا فى رابعه ابتدائى)



المهم قولت النهارده اروح بالCTA بدل المترو
نزلت الشارع لقيته فااااااااااااااضى
و قفت فى المكان المعتاد.........
خمس دقايق.............
عشره.............
خمستاشر...........
عشرين.......
و ان بغلى :smiley7.::smiley7.::smiley7.:

المهم طلعت للموقف و انا حاسس انى عنتر شايل سيفه!!!!!!!!
:health::health::health:


و اكتشفت ان الباصات كلها بتمشى النهارده بذات من طريق تانى.........
يعنى حبكت النهارده:smiley7.::smiley7.::smiley7.:

عااااااااااااااااااااااااادى

ركبت الباص
و انا قاعد بسمع مزيكا
لقيت واحد صاحبى ما قبلتوش بقالى 3 شهور............
و كان واحشنى و الله.........



طالع مع واحده يقال عليها -م و ز ه-زى ما بيقول الكتاب..........:smiley20::smiley20::smiley20:
:akh::akh::akh:

و انا اقول فى سرى
استغفر الله العظيم
انت يا كريم
كريم القطه المغمضه تعمل كده...........تعمل كده............

عاااااااااااااااااااااااادى

المهم قعدت احكى معاه لحد ما وصلت و كنت مستعجل علشان الحق مكان فى محاضره رشيد
و روحت و قعدت.....
و كالعاد نمت........





و صحيت المدرج كله بيصقف!!!!!!!!


to bo continued

arownas
11-10-2007, 10:32 PM
عاااااااااادي يا نونا
دا انا سمعت حتى ان في ناس كبااار قوي في البلد كل كلامهم تييييييييييييييت

:maaamaaa:


و انت يا فقي متأكد انك كنت نايم في البانيو ؟

:confused:

broken nonna
11-10-2007, 10:44 PM
فعلا
متأكد كنت نايم فى البانيو يا فقى؟:sleepy:
بالنسبة لعلبة الجيل ام 25 جنيه و لا يهمك
انا اختى فى 5 ابتدائى بتقاسنى فى التسريحة و الزيت و الروايح و التوك:mmmm mmmm
و الفرق بينا 13 سنة
يالا ربنا يخليكم لبعض !!!
نتاوي انت مشاكس :smiley20: برده وانا مصرة
و انا كمان مشاكسة يا فندم بس على قدى
وكله بطريقته:smiley2:
دكتور ارو اقولك ايه
عااااادي.

صحيح يا جماعة كل سنة و انتو ا بألف خير يا رب
و عيد سعيد عليكم
و يبلغكم رمضان اعواما كثيرة ان شاء الله.

broken nonna
12-10-2007, 04:42 AM
فى احدى الزيارات الرمضانية الشهيرة
اللى طبعا لابد و تكون على الفطار
و لو اصحاب البيت_اللى عازمين_ كرماء شوية
او الضيوف غتتة شوية
بتوصل للسحور كمان
عااادى طبعا
بعد الفطار ادبس فى 4 حلل و 53 طبق كبير و متوسط الحجم
و 13 طبق صغير
و 13 كوباية عصير
على 3 كوبايات حجم كبير للمية
على قول 20 30 40 ملعقة كبيرة و شوكة و ملعقة صغيرة
عادي جدا برده
تقعد تحلف عليك بنت عمتك
والله ابدا ده زى بيتنا لازم اغسل انا المواعين انتى بتعملى ايه انا الاكبر
و لو قلت لا لا و الله ما يصير
انتى بس حطى الشاى على النار
تلاقى الاكمام نزلت تانى
و الشاي اتنسى
و الناااس كلها فى الصاله و هئ و مئ
و انا بغسل المواعين
!!!
عااادي عاادي
اخلص المواعين الاقى مام بتقولى انتى ماحطيتيش الشاي على النار
؟!!
سؤاااال وجيه فعلا !!!
احط الشاى على النار
دقيقتين و تلاقى بابا داخل فين الشاي
انتى بتسخنيه بنفسك!!!
يا بابا انا لسة حطاه
طيب يالا بسرعة!!1
لا تعليق لانه عاادى
ترجع ترص كوبيات انت عااارف و متأكد مية المية انك هتدبس فى غسيلها
!!!
هما يعزموا وا نا اغسل!!
عااادي
لسة بتقول يا هادى فى القعدة تلاقى احد اقاربك
شااااب قول 27 سنة 28 سنة
اهو حاجة كدة و السلام
بيتكلم بثقة عن السياسة و البلد و احوال البلد و الدمااار اللى بيعملوه ساسة البلد
تحس كدة انك جنبه هوااااا
هواا بحق و حقيق و اللى خلقكم
تهون عليك وقفتك فى المطبخ
و يهون عليك فكرة انك هتقوم كمان دقيقتين تحط اطباق كنافة و جلاش و قطايف
و تغسل كوبايات الشاى
يهون عليك اى هم ممكن تشيله
تبتسم بجد و تقول ياه الدنيا لسة بخير
فى شباب لسة مثقفة و بتعرف بتتكلم فى ايه و عن ايه!!!
ايه ايه ايه!!
بيل جتيس يبقى مين يا دالعااااادى!!
شوفوا حتى الردح فى عاااادى
!!!!
لامؤاخذة يا جماعة اصله صحانى من حلم على كابوس
قال ايه بيل جيتس ده يطلع سياسي شهير فى بريطانيا
و من مناهضين الحرب على العراق ووووووو
قلت يمكن الجدع سها عليه
المحله طيب
قلتله
هو مش بيل جيتس ده باين له علاقة بالكمبيوتر باين
انا اسمع انه غنى؟
اخويا الكبير يضحك!!!
الجدع يقولى لا لا يا بنتى انتى بس تلاقيكى اتلخبطى بينه و بين اى حد تانى
ما اصل كلهم اساميهم قريبة من بعض!!!!
قلت عاادى بلاش احرجة
اتلم احسن
ايه ايه ايه!!!
مايكل دوجلاس كان ايه؟!!
قال ايه كان باين كدة رئيس امريكى!!!!!
لا و قبل نيكسون يا بعد روزفلت اهو حاجة من الناس القديمة دوول؟!!
يا لهوي بالي امال جوز الوليه اللى اسمها كاترين زيتا جونز و ابو ابنها مين؟!!
اللى مثل بيرفكت ميردير مين؟!!
قلت مش مشكلة
مالوش فى اخبار السينما
شوية كمان
دخلوا فىالكورة
قلت و انا ماليش اصلا فى الكورة
قمت احط الكنافة و خلافة
لقيت اخويا داخل بيضحك(الصغير)
ايه فى ايه؟
قالى ما شفتيش
قلتله ايه؟
قاللى نادر السيد من اللاهلى
و محمد عبد المنصف زملكاوى!!!
و لانى لا افقه شئ فى عالم الساحرة المستديرة
بس فهمت ان اخينا عك فى الكورة كمان
خرجت برة قعدت تانى
قاللى يااه انتى اللى عاملة الكنافة دى
قلتله لا ماما
ايه حلوة
قاللى طبعا
يا بنتى انتى ما تعرفيش ان اللى بنى مصر كان فى الاصل حلوانى
يبقى لازم كل المصريين يبقوا اجدع ناس فى عمل الحلويات
قلتله ايوة انا كنت سمعت ان الفاطميين هما اللى طلعوا العادات دى فعلا
يرد بكل ثقة
لا يا بنتى دول الفارسيين ايام الاحتلال الفارسي لمصر!!!
احتلال فااارسي
بابا طبعا انفجر ضحك
و ما شفتوش بابا و هو بيضحك
يا اختى عليه و هو بطنه بتتهز كدة و كميل
_الله اكبر الله اكبر_
باصيت لبابا رحت ناطقة بقى قلتله ايوه فعلا عندك حق
باصلي الجدع اياه و قاللى فى ايه؟!!
قلتله ايوه فعلا
ما هو على راى الجبرتى
تعرفه
قاللى بتاع الرياضيات
ايوة!!
قلتله لا
ده الجبرتى بتاع الجبيرة!!
باصلي ووشه احمر
قاللى و الله؟
بابا بيضحك اكتر!!
و انا هطق
قلتله اماااااال
امال سموها جبيرة ليه!!!
قاللى ايوه و الله تصدقى طول عمرى نفسي اعرف مصدر الكلمة ده!!
اخواتى الاتنين بقوا بيضحكوا
قلتله بس اكيد تعرف الاخ ابن رشد
قاللى ايوة
بتاع التاريخ؟!!
قلتله لا انت ما دريتش!!
مش ابن رشد ده طلع راجل كويتى غنى قوى وهو اللى محتكر البترول فى العالم العربي
قاللى ايوة ايوة تصدقى فعلا سمعت عنه بعد حرب امريكا و العراق
ابرق يا نااااااااس هطق
بس مش عارفة اسكت
قلتله لا امريكا و عراق ايه
يا اخى ده من ايام ابن سينا
قاللى بتاع الطب ايوة ايوة
قلتله طب ايه لا
بقولك سينا تقولى طب
ده صاحب اشهر شركات مياه معدنية
و يملك شركة ابن سينا
ده غير ابار المياه الجوفية اللى فين
قاللى اللى في سينا!!!
قمت و انا فى بااااالى عادى
هى جت عليك يا اسمك ايه
ما كل حاجة فى البلد دى عااادي
!!!!!!

عليه العوض و منه العوض فى الثقافة يا اهل الثقافة
العزا فى اى وقت تحبوووووووووووه!!!

أبو المعاطى شمروخ
12-10-2007, 05:25 AM
اعذريه يا نونا
هو كان متقدم لك؟ ولا حاجة؟

مش كل الشباب مثقف
انا مثلا التقافة عندى سب زيرو
بس الفكرة لما اكون مش عارف حاجة بهوس يعنى بخرس
خالص طوبة قاعدة علشان مفضحشى نفسى
فكرتينى بواحد كان بيقول والله
ان اللى قتل كليبر اسمه أحمد العوضى
مش هو سليمان الحلبى برضه:smiley1:

arownas
12-10-2007, 01:50 PM
سامح
مالك يا اخويا كفى الله الشر
هي المذاكرة تعمل كده؟
يا لهوي

من سامح لابو المعاطي شمروخ
دنييييييييييييييييييييييييييييييا


فكرتني بفلم الانسة حنفي

broken nonna
12-10-2007, 02:44 PM
تصدق بالله يا دكتور سامح
انا كنت هتخانق معاك و اقولك انت واخد اللوجو بتاع دكتور سامح مسعد!!!
لولا الله يكرمه دكتور ارو نورنى كان هيبقى شكلى وحش خااااااااااالص.
لا حول و لا قوة الا بالله
عليه العوض و منه العوض فعلا الامتحانات تعمل اكنر من كدة
انا عن نفسي بطلت اسرح شعرى من يجي 3 ايام و لا حاجة:confused:

عامل ايه فى المذاكرة انى ويي؟
صحيح, لا يا فندم ما كانش متقدم و لا متأخر :smiley28:
ده واحد قريبنا.
معلش عشان ان بقى ثقافتى ساب ساب زيرو
مين ابو المعااااااااااطى شمرووووووووووووخ؟!!:smiley8.

HOSSAM ELDIEB
12-10-2007, 02:48 PM
انتو كنتو عازمين 40 واحد يا بروكن؟
دي تبقي حفلة بقي مش عزومة

broken nonna
12-10-2007, 03:20 PM
40 ايه يا دكتور حسام بس
انت متفائل
بس متخافش الاكل كتير يا فندم :smiley2:

broken nonna
12-10-2007, 03:21 PM
الواضح ان مافيش حد مش متغاظ من اللى بيحصل حواليه
كله متغاااظ
بس بعض من هذا الكل بدأ يتأقلم مع الوضع
و يعتبر اللى يغيظ شئ عااااادي و من المسلمات
و البعض التانى لازال متغاظ زى حالاتى و غيري كتير
و البعض الاكتر تواجدا
اصبح لسان حاله
ايكش تولع!!
(انا مش بلمح على حد خاااااااااالص,الا هو فين صحيح)
المهم المهم
قررت اسرتي انها تطلع يوم لاسكندرية اهو نغير جو و نتناول طعام الافطار هناك
فكرة كويسة و كتير بيعملوها مش احنا بس
عاادى
كان يوم جمعة
رحنا قبل صلاة الجمعة بشوية
تسمع الشيخ فى المسجد بيقول الخطبة و عن فضل رمضان و ليلة القدر
و يا بخت من ناااال رضا ربه فى هذا الشهر الكريم
و الراجل ماشي تمااام
عادى
فجأة
_ده ايه الفجور ده
ده ايه السفالة ده
الناس بقت فى قمة اللامبالاة و عدم الخوف من ربنا
يا اخى تروح مارينا كان عندى هناك شغل
تلاقى البنات عرايا
و رب العباد عرايا
مسخرة و فجوووووور
لا اعتبار لا لرمضان و لا لصيام
و الا الشيشة و السجاير
و الا الشباب كلهم مع بعض ايزى
مسخرة و فسق و فجووووووووور
لا حول و لا قوة الا بالله
فين اهاليهم سايبينهم للانحلال و الضياع و المسخرة و الفجوووور ده ليه!!!
ده كان جزء لزق لزق فى تلافيف جمجمتى من كتر ما كرر كلمة الفلجور دى فيها!!!!
طيب يا اخى انت فى خطبة صلاة الجمعة
و الناس جوة و برة المسجد بيسمعوك
يعنى خف شوية
بس قلت عاادي
اخويا طلع (الصغير)بيقولى اسكتى
مش الشيح بتاع الشريف اتمسك!!!
قلت اكيد اكيد من اهل البنات بتوع مارينا
اكيد رفعوا قضية سب وقذف علنى!!!
اخويا قاللى لا يا ماما
دول امن الدولة
قلتله كل ده عشان قال فى فجور فى مارينا ساعة الفطار!!!
قاللى باين كدة!!!
باين كدة!!!(باستهزاء من اخويا)
يا ابنى انت ما تعرفش مين مارينا؟!!
قاللى يا سلام
قلتله شكلك ما تعرفش
قاللى عرافينى يا فلحوسة
قلتله
مارينا دى
حبيبة الريس
منتجع الوزرا كل واحد واخدله هناك يجيي فليتين تلاته ما يضرش
يا بنى ده بقت المدينة التى لا تنام على ارض مصر!!!
بعد ده كله يسبها سب علنى السيد الشيخ فى الخطبة
و يعدوهالوه
جامييييييييييييه
!!!!!
له الامر من قبل و من بعد
حتى الشيوخ اللى عارفين ان كاظمين الغيظ ثوابهم عظيم
طفح كيله
و دلدقه على الناس فى خطبة الجمعة
قاموا المتغاظين التانيين
يجعل كلامنا خفيف عليهم
يقبضوا عليه!!!
عااادى عاادى

broken nonna
13-10-2007, 09:28 PM
معكم محدثتكم من تحت خط النار
اتحدث اليكم فى السريع السريع قبل ان يهجموا على الجهاز
و يقرأوا ماذا اكتب اليكم
معى الان
لا عندى الان ضيوف و ده شئ لا يخفى عليكم طبعا انه عاااادى فى العيد
صحيح غلاسة ان يبقىى عندك امتحان و الناس مصرة تيجيلك فى العيد
و تقولك لحقتكم يا هرابين قبل ما تزوغوا
عااادى عااادى
والدي جايب كحك زى معظم الناس اللى ما بيحبوش يتعكوا فى العجين و الخبيز و خلافه
بنستسهل يعنى من الاخر
برده عاادى
العادى اللى يغيظ بقى
ان السيدة الفاضلة الضيفة طول الوقت عمالة تقول
انا جبت 5 كبلو كحك من العبد
و 2 كيلو غريبة و كيلو بوتيفور من لابوار
البسكوت بقى جابته من مخبز افرنجى جنب البيت
كل ده عاادى برده
باعتبار ان ده تأسي باما بنعمة ربك فحدث!!!
المشكلة العاااااااااادية انها عمالة تقول جبت كحك من العبد ب 45 جنيه و هى فى ايديها كحكة من بتاعتنا و فى بقها بوتفورة من بتاعتنا
طيب سيبلنا حانا ابو 25 جنيه يا اختى!!!
حاجة.....
يا باااااااااااااااي
برده عااادى
الاخ الفاضل ابنها نازل مسح فى الغريبة و انا بحبها جدا جداا
الطبق هيخلص
و كأن ما فيش عندهم غريبة من لابوار
!!!!!!
و كل شوية يقول ما حدش يكتر فى العيد يا جماعة من الكحك والحاجات دى
اصلها بتجيب اسهال
الطريف ان ده خامس مرة من ساعة و نص تقريبا يدخل فيها الحمام
انا هطق
هطق من الناااااااااس العااادى ده
الاكثر تشويق المية
كل شوية اطلع ازازة ميه لكل فرد
لدرجة ان عشان الحق اسقع المية لانى برجع املى الازازيز تانى و مش هتلحق تسقع فى التلاجة
بحطها فى الفريز
و هما شارطين ان لازم المية تكون ساقعة
ليـــــــــــه؟
عشان الحمو اللى على صدرهم
و طبعا واضح من الهبو اللى بيطلعوه اثناء الضحك او الكلام او غيره
انهم واكلين رنجة غير عاااااااااادية بالمرة لكيعانهم النهاردة قبل ما ييجوا
عااادى عاادى
يالا يالا ماما بتنادينى الظاهر عاوزين مناديل او فوطة تانية فى الحمام
او جايز برده احط كحك تانى
او جايز جايز اجيبلهم مية تانى
انا قايمة اشوفكم بعدين
ادعولى ربنا يصبرنى
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>

Nettawy
13-10-2007, 09:48 PM
ههههههههههههههههههههههههههههه والله عال ومن لابوار كمان

المهم سيبك انتي قوليلي على شعورك بعد مايمشوا

أصلي لمابأتخنق من الناس اللى زي كده بسيبلهم البيت :)

عااااااااااادي عاااااااادي

dr_0nline
13-10-2007, 10:06 PM
يالهوووووووووووووووووووووي
كفاية حرام علكي
دا نا اللي هاطق والله
*
دا نا شعري دلوقتي بقى عامل زي هيثم الدبور
يع يع يع يع
خليك كوووووول
*
تصدقو فكرة بردو
خليكي كول يا نونا وكبري ماغك ووسعي الجمجمة
*
سلاموز

broken nonna
14-10-2007, 09:46 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
دكتور اونلاين
انا تشرفت بمعرفة هيثم
و تشرفت برده بمعرفة الدبور
بس هيثم الدبور على بعضه؟
لا!!!
عموما لا اوقعكم الله فيما وقعت فيه بالامس ابدا ابدا ابدا من هنا لسمنود!!
بابا جاب كحك تانى بالمناسبة امبارح
بس ما جبش غريبة!!
عادى بالذات انه عمال يقول فلوس فلوس كل حاجة عاوزة فلوس انتوا مش بتاكلوا كحك انتوا بتاكلوا فلوس!!
(ايه عاااااادى كل الابهات كدة!!)
البسكوت خلص _وماما بتقول فدانا فدانا_عاادي بالذات ان ماما دلوقت بقت مؤمنه بالحسد و السحر و الكلام اياه ده.!!!!
الحمام عاوز جاز من النوع التقيل
او بنزين بنزين
اعتقد هو ده اللى هيجيب مفعول
انا مش عارفة هى الناس ما بتاخدش بالها من السيفون ليه ماهو راشق فى الكومبينيشن_مش اسمه كدة؟!!_


ادعولى النهارده جايلنا ناااااااااس تانى
يا رب يكونوا جايبين كحكهم معاهم
و يا ريت كمان لو يكونوا جايبين ديتول او البطة
و يا سلااااام يا سلااام
يبقوا نااس ذوق ذوق ذوق و الله لو جابوا حمامهم معاهم!!!

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
14-10-2007, 02:41 PM
ههههههههههههههههه
اللى بطلعيه علينا بط بط
الضيوف بيطلعوه عليكي وز وز
وخليكي كووووول

dr_esawy
16-10-2007, 11:06 AM
هما دول موظفين عين شمس
اسالينى انا ياما اتخانقت معاهم
والله الظاهر ان دى سياسه ونهج الجامعه بتاعتنا

broken nonna
16-10-2007, 05:31 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
dr esawy هو حضرتك عين شمساوى؟
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
17-10-2007, 06:06 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
الظاهر بعد فترة ركود رجعت اتغااااااااااظ تانى
النهاردة الدنيا مطرت ورعد وبرق
و عشان اللى هيسألأ هرد زى ردى على دكتور ارو
ايوة انا فى الاسكا اللبلد!!!
المهم طلعت وقفت فى البلكونة قلت اشوف البرق و اسمع الرعد لايف و المس المطرة بايدية
الاقى ناس جيراننا فى البلكونة اللى قصادنا واقفين
و مادين ايديهم قوى و عمالين يدعوا
قلت جايز لما يشوفونى يعنى يخافوا من شبهة الرياء
ابدا
بل زادوا كمان وبدأوا يرفعوا ايديهم لدرجة ان اللى ما يشفش هيشوف
قلت عادى انا مالى
لو فى رياء مش هيعرفه غير ربنا وحده
عااادى
شوية اتنين تلاتة
الفجر بيدن
عمو جارنا_فاكرين عمو اللى المجاري بتاعة عمارته طفحت على الشارع هو ده_
نازل يصلي الفجر
ماسك كيس اسود تتنبأ على طول عن محتواه
يبدأ يمرجح دراعه فى الهوا زى الكاو بويز لما يطوحوا الانشوطة_وماحدش يسألنى يعنى ايه انا قريتها كده_
وهوبااااااااااااا
حدف الكيس فى الارض الفاضية اللى ادامنا
المهم انه رفع راصه وشافنى واقفة و عرف انى بصاله
يعنى لا انكسف من ربه اللى رايح يصلي فى بيته
و لا من الناس اللى شايفينه
عجبي
لا لا لا انا نسيت و لا ايه
اللهم اجعله عاااااااااااااااااادى
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
17-10-2007, 07:11 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
بما ان على راى دكتور ارو للمرة التانية انا فعلا بقع فى نااااااس غريبة
يييييييييييييييييييه
انا بقيت انسى
قصدى ناااااااااااااس عادية
عااادية
فى العيد جالنا ضيوف كتيرة و الحمد لله
صحيح الكحك خلص و البوتيفور بقى سراب بس نحمد ربنا على اشباح البسكوت
انا بعد زيارة كام ناس لينا كدة
قعدت افكر انهوا اسوأ ضيف
؟
يييييييييييه
انا فعلا بقيت انسي جامد
قصدي انهوا اكثر ضيف عااااااادي بس بيغيظنى؟
البخيل اللى مش جايب معاه حاجة
لا ده حتى عااادى
يبقى الرخم اللى منقى مواعيد نومى او امتحانى
لا برده ده عادى العادى
طيب الطفس اللى ينزل على الاكل حتتك بتتك و كانه اخر زاده
يا ستلا لا عاادى ثواب عااادى
و لا جايز اللى عمال يقول انا سويت و عملت و جبت ورحت
ما فلنا قبل كده عااادى و ماسمهمومش محدثين نعمة دول حتى بحدثوا عن نعمة ربنا
اومال مين بس مين
ايوة هو ده
توب العاااااادية
اللى يجادل دون دراية فى الفاضية و المليانة
السفسطائى
_وعشان ببرده انا اخويا اللى فى تجارة سألته يعنى ايه سفسطائي:قاللى اللى ساكن جنب حديقة الفسطاااااط_حبيبي يا خويا_
طبعا انتوا عارفين و لو مش عارفين برده عاااادى
المهم انى العيد ده قبلت تشكيلة
اكترهم اللى بيجادلوا فى اللا شئ
وده موقف جديد
اتصلوا
الو احنا جايين الساعة 6 مساءا
كويس يعنى 8 تسعة يمشوا الواحد ينام يصحى 12 يذاكر
نستنى 6و نص ابدا
8 و لا حاجة
9 بابا قال و بعدين
ماما لبست وقلعت مرتين
كل ما اجى اقول لبابا اتصل
ماما تقولى عيب
هما لو ماكانوش جايين كانوا اتصلوا قالوا
10 الا ربع لقينا الباب بيخبط!!
من 6 الى 10!!!
4 سااعات
يمهل و لا يهمل!!!
دخلوا اخدوا اول واجب تانى واجب
تالت واجب
لا بقى دول راسمين على عشا !!
ماشي اكرام الضيف واجب
بس بقى ايه تقعد تسمع هم وغم من النوع العدى
طلعت قعدت
راجل محترم من دول والدي
كل كلامه انه بيدي ابنه عشرين جنيه و بنته عشرة
اذا جابلهم هدوم يجيب لابنه حاجتين و البنت حاجة
!!
بدأت احس ان فيه تحيز و لا ايه
و لان زى ماانتوا عرفتوا سابقا امى و جدتى بيقولوا على ايه كان صعب احط لسانى فى بقى
طلعته و قد كان ما كان
بقوله يعنى يا اونكل ليه كده؟!!
قاللي ليه يعنى بدى الولد ضعف البنت
قلتله ايوه
رد قاللى مش الدين قال للذكر مثل حظ اللانثيين!!!
عيني بظت _اى طلعت للخارج تمااااااام زى لسانى_
بصيت لبابا
بابا باصلي بصة
من نظام ابوس رجلك لا تمشيى
اخويا فهم العبارة وو قام
انا لزقت فى الكرسي
و بصيت لعمو
تانى يا عمو؟
الظاهر انه اضايق زى الللى نزل مرتبة او درجة من اونكل لعمو!!
قاللى تانى ايه؟
قلتله ايه للذكر مثل حظ الانثيين؟!!
قاللى يا نهار ابيض انتى مالكيش فى الشرع بقى
ده حتى مذكور فى القران
ان الولد ياخد ضعف البنت
قلتله ده فى الميراث يا عمو
قاللى اهو ده كلام اللى لا يفقهوا شئ
ده فى كل حاجة
فى حياتى ومماتى
لعله
قلتله خير ان شاء الله؟
قاللى عشان لما يتوزع الورث بعد عمر طويل_بيدعى لنفسه!!_
يكونوا اتعودوا فالبنت ما تزعلش!!
بابا قال يلايمها
قاله وجهة نظر برده
بينى و بينكم انا كنت قررت انى اسمت اصل هقعد افهم فى مين
فى واحد المفروض انه اونكل ستين سنة يعنى!!
يعنى ستين سنة عايش كدة هوا !!
عاااااادي عااااادي
بس بعد كلمة بابا خفت يكون الراجل ده اثر على طريقة تفكيره تبقى مصيبة!!
رحت ناطقة و كان الاتى
طيب يا عمو
حضرتك لما بتجيب كيلو موز
..._البنت_ بتديها واحدة و ..._الولد_بتيدله اتنين
سكت!!
قاللى لا
قلتله طيب
لما بتشتم ..... مرة بتشتم ......... مرتين؟!!
قاللى لا
قلتله طيب بتضرب ...مرة و تضرب...مرتين؟!!
قاللى لا
قلتله طيب فين العدل اللى حضرتك بتقول عليه فى الشرع مش برده للذكر مثل حظ الانثيين
!!!
باصلي وضحك وقاللى
قاللى برده انتى بعقلك الضيق و افقك المحدود و خبرتك الضئيلة مش هتفهمى
بصي هى الفكرة فى انى لازم اعود البنت انها بنت
و الولد انه ولد
لازم افخم فى الولد و اعمله قيمه!!!
قلتله يا عمو
النبي عليه الصلاة و السلام قال ختى اعدلوا بين الزوجات و الاولاد فى القبل
ده حتى عليه افضل الصلاة و اتم التسليم كان بيعدل فى النظرات لما يكون فى مجلس بيبص لده زى ما بيبص لده عشان ما يبقاش فلا تفضيل و حقد احد على احد ان النبي فضله عن غيره و اختصه بالنظر
تقولى عشان افخم ....!!
ده كلام
قاللى طبعا الولد ده مصيره يبقى راجل و مسئول عن بيت
قلتله اهوه يا عمو حضرتك اللى قلت
يعنى كلمة للذكر مثل حظ االانثيين كانت فى الميراث عشان الولد ده راجل ومسئول وعائل اسرة
و حاجته للمال اكتر من المرأة اللى اصلا لها زوج بيصرف عليها
و بعدين جايز برده فى علل تانية لا يعلمها الا الله
قاللى
بصي برده بتجادلى ازاى؟
لازم زى ما الرجل مفضل فى الاخرة يفضل فى الدنيا!!
مفضل فى الاخرة ازاى؟!!
قاللى شفتى انك مش عارفة و بتجادلى و بس!!
قلتله طبعا يا اونكل منكم نستفيد
انتفخت اوداجه و طلع درر
!!
قال ايه الراجل يوم القيامة ربنا بيديله فى الجنة الحور العين لكن الست مالهاش
!!!!
يا نهارك....
اخويا الكبير كان رجع وقعد يضحك و قاللى بس اتثبتى يا قمر
!!!
بينى و بين نفسي قلت و الله عليا و على اونكل
عنى بس يا رب!!
قلتله لا يا عمو صحيح اللى حضرتك بتقوله بس
ده عشان المرأة بطبعها عفيفة
فقط زوج واحد مش 4 فى وقت واحد
قاللى شفتلا شفتى انتى اللى قلتى اهو
ده غير لبقوامة عليكم
يبقى تفضيل و لا لا
قلتله لا يا عمو
مش تفضيل
بس نحل قضية ونمسك التانية بس ما تكركبليش الدنيا يا عمو عشان اتلخبط وماعرفش ارد عليك
عمو بص لبابا و قاله غلاباوية بنتك ده و يا ريت بفايدة الا على الفاضي
طيب قولى يا ام قضيةة انتى!!
بتهزأ انا واخدين بالكم
و بابا ايه سااااااااااااكت
عاااااادي
بس و مين نبى النبي ما هاخرجك من البيت ده غير و انت مدخن
اتعدلت فى القعدة
قلتله يا عمو موضوع الحور العين ياعمو
اولا المفروض ان الواحد لا يسأل ربنا عما يفعل
و لكن مع ذلك ففى تفسيرات
ربنا لما قال للرجال فى الجنة حور عين كان بيشوقكم عشان تعملوا للجنة لان شهوة الرجال للنساء
اقوى من شهوة المرأة للرجال تمام زى فى الدنيا الراجل ممكن يتزوج اتنين و تلاته و اربعه
لكن المرأة لأا
انتوا بتحبوا الستات اكتر ما الستات بيحبوا الرجالة.
و بعدين زى ما ربنا طمعكم بالنساء فىى الجنة
طمع المرأة فى الحلى و الملابس و الاكل و الشرب و غيره
يعنى المرأة اللى يغريها الزينة اكتر من الشهوة
و حتى لو
ما اغريهاش بالشئ اللى تستحى منه و لا ايه
لانها بطبعها عفيفة و جمالها فى حيائها
و بعدين اذا دخل الزوجين مع بعض الجنة فهو لها زوج و هى تبقى كبيرة الحور العين و اجملهم
اما لو ما دخلش و العياذ بالله
فلها ان تخير عاوزة تتجوز حد معين او لا
و لانها برده زى ماكانت عفيفة فى الدنيا هتبقى عفيفة فى الاخرة
هتزهد فىالرجال و ممكن لا تتزوج فى الاخرة
و اللى حتى ماتجوزتش فى الدنيا اللى صبرها فى الدنيا على عدم الزواج هيصبرها فى الاخرة برده
و لا ايه
و بعدين ده اللى باين
بس لله الغيب طبعا
جايز فى اسباب تانية و مالناش اننا نسأل عنها
و بعدين النبي عليه الصلاة و السلام قال ان ما فيش فرق بين مخلوق ومخلوق الا بالتقوى
هو ده سر التفضيل
مسألة القوامة يا عمو ده بقى مش تفضيل ده تكليف
يعنى كل على حسب طاقته وقدرته
هى فى البيت تطبخ تمسح و تذاكر للولاد وغيره
وهو بره لامؤاخذة شايل الطين عشان المم
ولو حسنباها بوجهة نظر حضرتك من التفضيل
يبقى هنا المرأة اللى فضلت مش الراجل
قاللى كمان؟
قلتله ايوة
هى اترحمت من الحر و قرفه ومضايقات الناس و اتحفظت فى البيت و اتصانت
وهو اتبهدل واتهان من اللى خبطه فى الشارع و من رئيسه و من ...
اترحمت من البرد و المطرة و المعاكسات
وهو خد ذنوب للركب من بصه على اللى رايحة و اللى جاية و شال وحط و اتشال و اتحط
و بعدين زى ما كان فى صحابة برده كان فى صحابيات
سكتت
صمت رهيب
فجأة
مش يالا يا جماعة
عمو بينادي طنط وكانت مع ماما فى المطبخ
بابا
ايه على فين مالسة بدرى محنا قاعدين شوية
ابص للساعة
2ونص صباحا
بدري قال!!!
عمو ماكلمنيش و لا كلمة لحد ما وصل بابا الاصتصير
راح رازعنى كلمة فى العضم
قاللى ايه
على فكرة يا بت_انا بيتقالى يا بت_
انتى هطولى فى بيت ابوكى و ان سبتيه هترجعيله تانى
بطلى تجادلى و اتعودى على كدة من دلوقت
لانك لو جادلتى جوزك هيقول لابوكى
_اونكل_
بنتك طااااااالق_
وبسرعة قفل بابا الاصنصير قبل ما ارد عليه
دخلنا الشقة
بابا قاللى مبسوطة
انتى فاكرة ان انتى اللى اتشتمتى
ده بيقولنا بالمحسوس
ماعرفتوش تربوا
مش اسكت انا واتلم
برده نطقت
قلتله
و الله ده لو كان وقف بس لحظة كنت قلتله
انا لو جوزى فتى كدة زى اللى بيفتى فى شاي بلبن
كنت قلت لامه
طنط
_ابنك مخلوووووع_
مش عاوزة اقولكم باب عمل فيا ايه!!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
22-10-2007, 12:28 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
كنا رايحين السوق انا ووالدتى
انتوا عارفين طبعا بيبقى يوم مشكلة
بالذات لما يحبك للبواب و مراته ياخدوا بعض سرانسيه على البلد
!!!
طبعا البسي اعفن تونيك و ياريت لو غامق عشان مية الطماطم
و بركة الطين اللى هتوحل فيها
او بحيرة السمك اللى هتغوص فيها
و ياريت بقى و بنطلون تحت التونيك او العباية
احتياطى عشان الصراصير السفاريت اللى بيحبوا يتفسحوا و يروحوا عن نفسهم من كبت السوق
حقهم و حق مشروع
عااادى و عااادى جداا
الاكثر عااادى
ان ماما تنقى الساعة 11 الصبح عشان تجيب الخضار
و الطريف ان الظاهر ان كل الستاات بيبقوا متفقين على نفس الميعاد و لا ايه
بيقلب السوق على زنقة الستات كدة
عااادى برده
و الاكثر اكثر عادى
ان 11 الصبح ده فى عز الحر و انت لابس غامق و ضارب بنضلون و تونيك
يعنى ربنا يرحمنا برحمته الواسعة
عااااااادى
فالحين بس الرجالة ياكلوا على الجاهز
يالا
ماما بقى فى اليوم ده قالتلى تعالى ناخدها مشي
_بينى و بين السوق 4 محطات اتوبيس_
!!!
مشي يا ماما
اه مشي
عشان الهشاشة!!
يا مام برده عشان الهشاشة
لا برده عشان نعدى على اتنين و نص
نجيب ورد للصالون
و نبص كدة يمكن فى حاجات حلوة!!
اتنين و نص الساعة 11 الصبح
عااااادي
خدناها مشي فى الشمس
و اللبس اياه
شايله همى
و اقول امى!!
رحنا السوق
صعيدة من كل لون و من كل ملة
فصال ابن فصال يطلع عينك و عينى و عين اللى يتشددلك
تقولها يا امى جبتي للراجل الضغط
تقولى وهو يضحك عليا فى 75 قرش ليه؟!!
عينى و سعت
و بعدين ضاقت قلتلها عندك حق
هو يعنى مرتب بابا فى كام 75 قرش!!
و الظاهر ان صوتى كان عالى و لا ايه
فترد واحدة ست واقفة بتنقى الخيار:
انتى عارفة محمد السريع كان هيضحك عليا و يدينى البطاطس اغغلى من كل مرة
رديت عليها:
اغلى بقد ايه يعنى يا طنط؟
ترد بكل عااااادي
15 قرش!!!
15 قرش!!!
اه يا....
طبعا قلتلها لا مالوش حق
و الظاهر ان لكنة التريقة كانت واضحة لانها استفزت ماما قبل ما تستفز الست حتى
قالتلى طبعا
هو مرتب جوزها فى كام 15 قرش!!!
ترد طنط على ماما:
اه و شوفي بقى كام 15 قرش سارقهم
ده يعمل الوف من ورانا
!!!!!
عااااادى
خلصنا الخيار و ماما و طنط تبادلوا ارقام الموبايلات
فى بالى بقول استر يا رب من معارف السوق!!!
نروح على بتاع الطماطم
اللي كان واقف وشه مخضر
لا كان مزرق
لا برده كان محمر
بصوا
هو لون زى اللى يكون حابس دمه
او مزنوق و ماسك نفسه
اهى اى حاجة كدة
دقيقتين و تاتة و الررابعه
بدات امسك فى كم ماما
مش كفايه كدة
بقوا 5 كيلو
تقولى مانتوا اللى بتكلوه!!1
ثبتتنى على راى الواد اخويا الصغير
خرست
انا خرست من هنا
و الراجل بتاع الطماطم طلع انفجرمن هنا
قصدى من بقه من بقه
طلع درر
يا نهااااااار يا نهااااااااااار
انتى يا ست انتى_بيكلم واحدة واقفة جنبنا_
بقالك ربع ساعة
نازلة تفعيص فى الاوطة
تفعيص تفعيص
مش عاجبة بروح....تيت....
سيبيها و روحى فى .........تيت...
دانتوا ....تيت...
و الله يخرب بيت...تيت...
وهوب
راحت الست رامية الطماطم
و قالتله عشان ....تيت ... و تيت....
و تيت
و دينى و ديني اللى سبتهم
ما ان شارية منك
طبعا الراجل بعد ما حط طماطم فى كياس و مش عارف ايه
كان استحالة يسيبها
نط على الطماطم
و فط ع الست
والرجالة البياعين و الله انا ما عارفة كانوا بيحوشوا الست عن الراجل
و لا كانوا بيفعصوا
حسبي الله ونعم الوكيل
طبعا انا و ماما كنا طيرنا
قطعا مش ع البيت ما تبقوش سذج زيي كدة
ما ان افتكرت ان بعد اللى ماما شافته هتخاف و تقول حلو قوى كدة نروح سلام و جامدين مش مفعصين احسن
اتاري لسه فى بطاطس و بدنجان
و.....
عدينا بقى على واحد حاطط طماطم و بدنجان و كل حاجة
قالت ماما كويس
اهو عنده كل حاجة
نخلص منه بقى
واحنا واقفين الواد البياع شاكله نضيف كدة
و قميص و بنطلون
و لانى عندى عقدة الجزم و الكوتشيهات
ضربت بعينى تحت الطاولة
الاقيه لابس اديداس من ابو 200 جنيه!!
قلت يالا سبحان العاطى الوهاب
ماما قعدت تفاصل طبعا
و الظاهر انه مضايق من وضعه و لا ايه
راح بيوقلهاايه:
يا مدام حضرتك فاكرانى اى بياع
انا معايا بكالوريوس تربية رياضية
!!!
صدمة
لا لا
عااادى
مام قررت نروح و انا عمالة اقولها صعبا ن عليا اسمه ايه
مسكين اسمه ايه
اديتنى كوع و قالتلى
خفى يا اسمك ايه و شوفيلنا تاكسي
و قفنا تاكسي
ركبنا
السواق معترض ازاى نحط كيس الطماطم على الكرسي
و الكيس بيسرب ميه طماطم
ماما تقوله صلي ع النبي يا اسطى
يعنى نحطها على رجلنا يعنى
يقولها:
لا بس اصل it sucks

ماما باصتلى
و انا بعيد عنكم كنت فى غيبوبة
السوااااااااااااق بيقول

it

و sucks
!!!!!

قلت اسأل بجملتى الشهيرة:
معلش لو سمحت بس اصل الفضول يقتلنى
هو حضرتك بكالوريوس تربية رياضية؟!!
قاللى لا
انا بكالوريوس تجارة خارجية!!!
قلت فى سري عاااااادى و الف عااادى
استر يا رب على اخواتى
و شباب المسلمين فى بلد العادى ده
</TD></TR><TR hb_tag="1" UNSELECTABLE="on"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
22-10-2007, 03:24 AM
هي ايه حكاية الطماطم مع الستات
بيبقوا مسترحيين نفسيا جدا و التلاجة مليانة طماطم


سيبك من تلابية رياضية و تجارة
دا في واحد شغال في مطعم فول و طعمية
جنب محطة مترو السيدة زينب معاه بكاليريوس هندسة

عااااااادي

broken nonna
23-10-2007, 04:52 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">دكتور ارو يا رافع معنويااتى و الوحيد اللى بيعبرني
بالنسبة للطماطم و علاقتها بالراحة النفسية للسيدات
انا سألتلك جدتى
قالتلى ايه بقى
ان و جود طمطماااية فى البيت يدي اي حد احسا بالامان
ليه برده
-معلش هى تيتا كدة لازم تفصل و بعدين توجز و انا طالعالها بالوراثة _
عشان الواحد فى وجود الطماطم
ممكن يضرب صلصلة مع اى بطاطسيتين مرميين كدة تعمل حلة بطاطس
و لا بدنجانه اوشكت على العطنة فى التلاجة تعمل مسقعة عجب
او حتى بصلة تعمل سلطة و تنفخ المعدة
يعنى بتحل العقد لانها داخلة فى كل حاجة

السبب التي اسمها
مش بيقولوا مجنونة يا اوطة:
النهارة الكيلو بخمسين قرش بكرة بجنيه
يعنى اللى اشيله منها النهارده ينفعنى تانى يوم ما تغلى


موضوع بقى الاخ صاحب بكالوريوس الهندسة!!
الله يطمنك اخويا بكالوريوس هندسة طازة لسه
ربنا يستر
هلاقيها من اللى فى تجارة ولا اللى ف هندسة
الخوف بقى يوم ما اتخرج انا
هشتغل مع عسكري المرور و لا ايه ان شاء الله؟!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
24-10-2007, 08:22 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">عااادي جدا تخاف
و عااادى خدا انك تحتاط للى بيخوفك
العااادى اللى يغيظ بقى
انك تبقى فى بلدك و تخاف
مافيش امان
امال فى الغربة الواحد بيعمل ايه؟!!
يالا عاااااااااادي
الامان من عند الله
طيب اخاف من ايه و احتاطله ازاى؟
يعنى مثلا
تخاف من مسماااااااااار غلس فى كرسي فى المدرج الاغلس
يقطع بنطلونك ابو 100 جنيه
تحتاط ازاى
بسيطة
ادامك حاجة من 3
يا تقعد قبلك حد لو بنطلونة اتنتش ماتعقدش
ما تنتش اقعد
الاحسن اصلا انك ماتشتريش بنطلون بمية جنية
الاكثر احسن بقى اذا يعنى قفلت و هتموت على البنطلون
هاته بس ما تقعدش برة البيت نهائي
واذا سألك حد
عااادي
قول لهم اللى عليا واقف
يا سلااااام
عااادي
طيب فى ايه تانى يتخاف منه
امممم
الحديدة اللى بتبقى طالعة من كرسي قلاب ابن قلاب فى الميكروباص
مجرد ماتعدى جنبه
تسمع الاخ هنيدي عمال يقول
تشيـــــــــــــــــــك
وده برده عاادى
الحل ايه؟
ماتركبش ميكروباصات خالص
و لا اتوبيسات لما الميكروباص كدة الاتوبيس هيبقى حاله ايه!!!
طيب تاكسي!!
اه تاكسي ليه لأ
اللى خلاك تشتري بنطلون بمية يركبك تاكسي
حتى عيب على هيئة و شياكة البنطلون فى الميكروباص و لا ايه!!
عاااادي
طيب ممكن تخاف من ايه تانى
ايه يا بت يا نونا
اه
من الحرامية
ماهو خلاص ماعدش فى امان
حرامي يسرق محفظة
حرامي يسرق شنطة
حرامى يسرق عربية
اه عربية!!
3 ونص فجرا
تصحى من النوم قبل ما المنبه يرن اصلا تقوم على صوت انذار
انذار عربية
طيب حرامى و جه هيسرق العربية و الانذار ضرب يسرع الميت مش الحرامي بس
انزل بقى يا صاحب العربية اطفيه
ابدا
تسأل بابا يقولك ده من 12بالليل وهو شغال
طيب يا بابا ماحدش كلم صاحب العربية عشان الازعاج ده؟
نكلم مين احنا قلنا هيطلع عنده دم من نفسه هيطفيه
عنده دم يا بابا
نصبر نص ساعة
ساعة يا سيدي
لكن دلوقت تلات ساعات و نص عيب قوى
يقولى ايه
عااااااااااااادي
حتى بابابيقولي عاادي
اربعه فجرا
الفجر بيدن
صلينا الفجر
الناس بدأت تنزل تروح اشغالها
العربية صاحبة السرينة بقت مزار سياحى
الناس تعدي من جنبها تبص بصة باشمئزاز
و ترفع راسها تبص على بلكونة صاحب العربية بصة اكثر اشمئزازا
و يكملوا طريقهم
ده كل اللى بيعملوه
السرينة تقف الساعة 7 صباحا بعد 7 سااعات
و يطلع السبب فى انها اشتغلت ايه؟!!
عرسة عجبها تبات فى الشكمااان
قطة قالت تعاكس العرسة
كلب ما عجبتوش قلة ادب القطة و العرسة تحت العربية
وقفلهم على سقفها يقولهم انا شايفكوا يا قلات الادب
كلبة عجبتها شهامة و رجولة واخلاق الكلب راحت تترجاه من عند باب السواق
الكلبة عجبت الكلب
خد بايدها طلعها سقف العربية
15 كلب يتجمعوا يزفوا الكلب ع الكلبة
مش محتاجين موسيقى و لا دي جي اساسا
تخلص الحفلة صبااااحي
يمشوا فى زفة وزغاريد هوهوية تحفة
يصحى السايس بتاع الجراج
يلاقي بقايا الوليمة على العربية يبدأ ينضفها
هى السرينة ده اصلا معموله لكدة؟!!
حسبي الله ونعم الوكيل


بالمناسبة اخويا الصغير لسة صاحي حالا
بقوله على موضوع البنطلون اللى بيتقطع و كدة
قاللى و على ايه الهم ده كله
قولتله على رايك اي حاجة قديمة تسد
يقولى وهو بيتاوب_عااادي اللهم اجعله عاااادي_
يا سلااااااااااام
بلاها بنطلون اصلا!!!!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

emmy
24-10-2007, 10:54 AM
هلاقيها من اللى فى تجارة ولا اللى ف هندسة
الخوف بقى يوم ما اتخرج انا
هشتغل مع عسكري المرور و لا ايه ان شاء الله؟!!

هو حضرتك بكالوريوس تربية رياضية؟!!





???بدون تعليق!

sameh_ig
24-10-2007, 05:02 PM
لية سؤال مهم

جيبتى كلمة broken دية منين ؟؟؟

على اساس بروكين ؟؟؟

قولى مصيبة كارثة عفريت ازرق

انما بروكين دى مش واكلة ولا شاربة و لا حتى متكرعة جنب اسم nonna



keep the topic on:smiley20::smiley20::smiley20::smiley20::smiley2 0::smiley20::smiley20::smiley20::smiley20::smiley2 0::smiley20::smiley20::smiley20::smiley20:

broken nonna
24-10-2007, 05:15 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">كدة يا دكتور الله يسامحك :smiley19:
اخدت قفا محترم :twins:_لامؤاخذة _من اخويا الصغير عشان بضحك ادام الجهاز:akh:
كويس انها جت على اد كدة:look up:
ليه بس يا دكتور و الله انا طيبة و بنت ناس
فينك من زمان و الله الموضوع كان ناقصك فعلا:smiley1:
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

sameh_ig
24-10-2007, 05:19 PM
انا متابع الموضوع يوميا
بس اللى بداء يغيظنى موضوع broken دة

يا هانم انتى مفترية :smiley14:

broken nonna
24-10-2007, 05:25 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">و على ايه يا هانم بقى؟!!:smiley1:
سين سؤال
مفترية دى ذم و لا مدح بس من باب العلم بالشئ؟!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

sameh_ig
24-10-2007, 05:29 PM
فى 3425 نوع من الرجال

كلهم اتفقوا على شىء واحد فقط و هو


البنت المفترية :smiley20:

المثل بيقولك اية القط بيحب خناقة و دية فعلا حقيقة

kalamntena
24-10-2007, 10:03 PM
هايل
انا مستمتعة جدا جدا جدا
:icon_mrgr

موضوع فيه بروكن نونا ود. سامح
توقعوا هيكون عامل ازاي
قنبلة طبعا

broken nonna
24-10-2007, 10:05 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يعزك يا كلمنتينا يا بنت طنط....
ع الخاص بقى ماشي
عشان تستجاب يا كوكو

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
24-10-2007, 10:30 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">الثالثة عصرا
يدوب صليت العصر
نداانى سريري و بطانيتي
قلت لازم البي
غصت بين طيات البطانية
تمنيت ان احلم احلام سعيدة
و لانى من النوع اللى النوم بيجيله بع ربع ساعة و لا حاجة
بدأت اضايق عاوزة الحق انام قبل المغرب
بالغصب فعلا دخلت فى ال phase الاولانى من النوم
يعنى لسة حتى مافتحتش فى الاول
الاقي اختى الصغيرة راجعة من المدرسة
بتنور النور
غطيت وشي بسرعة من النور
عملت فتحة على اد عين واحدة عشان ابصلها بعيني الحمرا
و يدوب كلمتين قلتهم
اقفلى يا ولية ال...
و الكلام وقف فى حلقى
نطرت البطانية من على
ايه يا بت اللى انتى عملاه فى نفسك ده؟!!
و بتنيلي ايه ادام المرايه كده؟!!
طبعا البت اتسرعت
مش بس منظرى اللى طالع من تحت بطانية و لا عينى الحمرا
لا هى كانت متخييلة انى نايمة
!!!!
الهانم كانت جاية من المدرسة زى المدرسة بنطلون كحلى و تيشرت فى الشتا بكم لبني
لقيتها خير اللهم اجعله خير
قالعة التيشرت
و واقفة بالبادى اللى تحته
حاجة كدة الواحد يتكسف يلبسها ادام نفسه
و لفة التيشرت من دراعاته على وسطها!!
عاااادي عااادي
عيلة و فى البيت تلبسه تلبسه
اللى يغيظ بقى انها بترد عليا
وتقولي:عاادى ايه المشكلة
باصيتلها قلتلها انك واقفة كدة ادام المراية
تتهبلي يا بت
قلتلي ايه؟
اماال المراية معمولة ليه؟
قلتلها ماما شافتك كدة؟
لا
لا؟!!
ايوة اصل انا جيت من برة على هنا على طول قلت اشوف شكلي الاول
لو طلع حلو ابقى اوريهولها
ها انتى ايه رايك؟!!
طبعا ما حطيتش منطق
انت جاية كدة من المدرسة يا.....؟
ايوة ايه؟!!
ايه؟!!
جاية كدة من المدرسة فى الشارع يعنى
ايوة ايوة اللاه
و بعدين ماتخافيش ماكنتش لوحدى
انا كنت مع احمد و محمد و كريم اخوات فلانة صاحبتى
وفلانة صاحبتك فين يا و لية؟!!
لا ما هى سبقتنا اصلها ماكانش عندها مجموعة بعد المدرسة؟!!
يا بت
يعنى انتى جاية كدة من المدرسة
و الولاد بس اللى موصلينك
ايوة ايه يا بنتى عااادى
انا مفهماهم احنا اخوات؟!!!
يالهوي بالى
و مفهماهم
صوتى على طبعا
و دي بترد
جريت ناديت ماما
ماما جت
لقينا البت واقفة ادام المراية لسه
ماما طبعا ذوهلت
انتى بتعملى ايه ادام المراية يا ....؟
قالتلها
ابدا يا ماما
بص اصلي اتهيألى حاجة
فقلت اطمن
ماما انفجرت من الضحك
و انا اتغاظت اكتر
قلتلها و لقيتي ايه يا اختى؟
قالتلى لاااااااااااااا
انا لسة صغااااار الحمد لله
حد يقولى هوا انا ماليش حق اتغاظ
اختى لسة ما تمتش العلشر سنين
هى كبرت و لا انا اللى شايفاها صغيرة
و لا باين مش عاوزاها تكبر
تعملوا ايه اذا قلتلكم ان صاحبتها فى نفس اليوم بتتصل
تكلم اخويا الكبير
تقوله :
الو
...موجودة؟
انا منى صاحبتها فى ال كلاس
كنت بس عاوزة اسألها مسيو الفرنسيه ادانا ايه النهاردة
اصل انا كنت ابسن و مش قدرت احضر
بقالي ساعة بقول لاخويا مين مين
و الواد متنح زى اللى ضارب فول بزيت حار
و بصل اخضر
يا بنى مين
فجأة انفجر ضحك
لما قالها لا يا حبيبتى ده نامت
فهمت انه لاختى
قفل معاها
بقوله قالتلك ايه ضحكك
قاللى البت مش عيلة صغيره ابدا
تخيلي بتقولي ايه
حكالى الحوار اللى فات
و فى الاخر الانسة بتسأله؟
هو حضرتك ... اخو ....؟
قالها ايوة
قالتله الكبير و لا الصغير؟
قاللها لا الكبير
ترد تقوله ايه؟
انا قلت كدة برده صوتك راجل كده مشزى اخوك الصغير
_اخوه الصغير ده فى نهائى تجارة_
قاللها طيب يا ستى شكرا
تقوله ايه
دو ريان
انا هاجى لبسو_دلع اختى_ عشان اشوفك
هيا بتقول عليك كلام واااااااااااو
انت اسمر بجد؟!!
طبعا اخويا انفجر من الضحك
عيلة ما تمتش 10 سنين بتكلمه كدة؟!!
هزعل هزعل لو قلتوا عااادى</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

ekm86
24-10-2007, 11:41 PM
بصراحة




مش عادي أبدا

STROMA
25-10-2007, 04:49 AM
ايه العيال دي
ده احنا كنا هبل بقي
لاحول ولا قوه الا بالله

Nettawy
25-10-2007, 02:42 PM
ايه ده اقطع دراعي من هنا ان ماكانتش البت دي سننوها غلط وعندها نقص في هرمونات النمو بس انما العقل شغال
ربنا يكون في عون أخوكي
دانا لو مكانه كان ممكن يغمن عليا :)

arownas
25-10-2007, 03:12 PM
عيال ايه دي
عيال ايه دي

و انتي بتقولي لاختك اللي مكملتش عشر سنين يا وليه

بجد عندك حق
عيال ايه دي


ابقي سلميلي على صاحبة اختك

Nettawy
25-10-2007, 03:18 PM
بقولك ايه يا نونا مش يمكن تلاقي طلبي في دفعة أختك

لو ينفع قوليلي وأنا أكتب المواصفات :))

STROMA
25-10-2007, 03:26 PM
هههههههههههههههههههههه
والله عندك حق
يادوبك
بس ايه ده خلاص نونا اتعينت خاطبه رسمي ‎:d‎

Nettawy
25-10-2007, 03:28 PM
أنا بقول كده بردوا يا ستروما :)

broken nonna
25-10-2007, 04:10 PM
نتاوي نتاوي
و لو ان كدة هتحقق نبؤة والدي
بس مش مشكلة
فدائي فدائي فدائي _اضفتاااااء مربوطة لكل كلمة_
بص يا سيدي
اختى امورة ما شاء الله
طالعة فرعة
و مهتمية بنفسها
ناوية على صيدلة او اعلام
طب لا هندسة لا
بلاش اقولك من 5 سنين كانت عاوزة تشتغل ايه
شقرا يا نتاوي شقرا
و شعرها الله اكبر عليها بسو حبيبتى
عند ركبتها من ورا
اللى اسمها ال poplilteal fossa
لا و دمها خفيف
هاااااااااا
؟؟
اكلملك بابا
هى عندها استعداد عشان تبقى عارف
و الله هتعجبك


على فكرة يا جماعة نفسي فعلا اقوم بدور الخاطبة و اجوز كل بنات المسلمين
بس اعمل ايه باب النجااااار مخلع

<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 04:35 PM
طيب من نحية فرع أنا فرع جداً
192 سم
وكنت أشقر أنا كمان بس منها لله الشمس
بس حاليا شعري بني
الوزن كبير نسبياً بس ماتقلقيش في الطريق إلى المجد مره أخرى
لو على الصيدله أنا موافق بس إعلام لأ :)
وهيا ناوية تشتغل ولا ايه؟؟؟


شوفي دول كده لو في نتيجه إيجابيه
قوليلي ولو عايزه استفسار قوليلي :)

ربنا يبعد عننا الحساد P:

arownas
25-10-2007, 04:42 PM
انا مستعد اكون شاهد على الكتابة
بس بدري بدري اصل فاضلي اسبوع على الجيش
يا اما تستنوا لما انزل اجازة


نتتاوي........و.........بسو

الى الابد

الله يرحمك يا نتتاوي

Nettawy
25-10-2007, 04:47 PM
لا لا
مش تستني اما استمتع بشبابي الأول

انت تاخد ال 3 سنين جيش سريع سريع كده وتكون حسن السير والسلوك يمكن يطلعوك بدري

وبعد كده تيجي تشهد براحتك علينا :)

broken nonna
25-10-2007, 05:13 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">192 سم يا نتاوي:smiley3:
!!!!!!
قصدي يا ابيه نتاوي
لا برده
انكل نتاوي
ما تنفعش ما تنفعش
طيب يا اخي و سايبنى اقولك يا مشاكس
الله اكبر الله اكبر طبعا
مش متخيلة بصراحة
نتاوي اصله اسم ما يديش على الطول ده كله
المهم الحق اتصرف
دكتور ارو مية حاجة و سبعين و خد تلات سنين
انت هيدوك مؤبد و لا اعدام بالشكل ده يا نتاوي؟!!

الله اكبر الله اكبر

انا هروح العب بعيد

و بعدين كدة البت اتشردت على صفحات النت
نتاوي و بسو!!
طب استنوا لما افاتحها
و لا اكلم بابا
كدة وقفتوا حالها
ما تخافش يا نتاوي هخلى ماما تحطهالك فى الردة تلات مرات فى اليوم
تلاتة ايه
اربعه خمسة

دكتور ارو
لا استلم جيشك
و خلص التلات سنين
تكون البنية عملت حاجة فى طولها

و اكون انا اتصرفت
و صلحت باب النجار بتاعي

و بعدين ما يمشيش عندنا الا الشرعي يا اخ نتاوي
!!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 05:16 PM
مش فاهم أخر جمله تقصدي ايه؟؟؟؟

الشرعي ؟؟؟!!!

broken nonna
25-10-2007, 05:19 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">دكتور ارو بيقول شاهد على الكتابة
كتابة ايه؟!!
لو هو بيتكلم على كتابة ورقة
انا بتكلم على كتابة كتاب بحاله شرعي يا باشا
_بح مشاكس خلاااااااااااص_
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 05:19 PM
وانا على فكره على حسب فهمي ماقبلش غير الشرعي يا أخت بسو قصدي نونا P:

Nettawy
25-10-2007, 05:22 PM
مشاكس ايه بس (ارحمني يا رب)
طيب بس ماتقوليلهاش اني مشاكس لاترفض ولا حاجه
وبعدين مش تسأليها الاول مش يمكن يطلع مقلب ويكون حد في العيله حاطط عينه عليها؟؟؟

arownas
25-10-2007, 05:22 PM
STOOOOOOOOOOOOOOOOOOOOOOOOOOOOOOOOOOOOOOOOOOOOOOOO OOOPمعندناش بنات تتجوز قبل الابتدائية

فضنا سيرة بقى

مافيش حاجة غاظتك تاني النهاردة و لا ايه

Nettawy
25-10-2007, 05:24 PM
خلاص يا أرو خليها كمان 3 سنين عشان تبقى بعد الاعداديه

واهو كمان تكون انت موجود ;)

broken nonna
25-10-2007, 05:29 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">و الله يا دكتور ارو
و لا فى الكلية!!!
كله قااااااااعد بيونس اهله
هههههههههههه
نتاوي انا بس لمحتلها
البت دخلت الاوضة و قفلت على روحها الباب
دقيقتين و طلعت تقولي ممكن استخدم الفرشة بتاعتك

بابا دخل عليها مسح بكرامتها الارض دلوقت
استنى بقى لما اعصابها تهدى و اعرف افاتحها تانى

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
25-10-2007, 05:31 PM
فى يا دكتور ارو عااااوز
انا بس بحاول اعقد هدنة مع نفساويتى
بس مدام طلبت
عينى يا فندم حضرتك تؤمر الا قبل سفركم او ترحيلكم ايا كان المسمى
فلازم نفرحكم
مسموحلى ب 5 دقايق اشرب نسكافيه
و اكتب على طول؟

arownas
25-10-2007, 05:35 PM
اتفضلي طبعا
اوزني الطاسة زي ما انتي عاوزة
و كملي

Nettawy
25-10-2007, 05:38 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off">هههههههههههه
نتاوي انا بس لمحتلها
البت دخلت الاوضة و قفلت على روحها الباب
دقيقتين و طلعت تقولي ممكن استخدم الفرشة بتاعتك مش فاهم دي

بابا دخل عليها مسح بكرامتها الارض دلوقت (ياحرام زعلتيني) :confused::smiley28:
استنى بقى لما اعصابها تهدى و اعرف افاتحها تانى
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>

طيب الحق أذاكر كلمتين قبل ماسمع الزغاريد

أبو المعاطى شمروخ
25-10-2007, 05:53 PM
انتى بتعملى ايه ادام المراية يا ....

أكيد يا مفضوحة


تخاف من مسماااااااااار غلس فى كرسي فى المدرج الاغلس

كان فى واحد لما يركب نوع معين من عربيات الميكروباص لازم يتقطع شرابه الجديد وكل ما يشترى واحد يتقطع فى نفس النوع من العربيات دونا عن غيرها لحد ما اتعقد



سلامى لأختك وأصحابها وصحباتها
هو دا التجديد

broken nonna
25-10-2007, 06:00 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">علم و ينفذ يا يا بشمهندس
معلش على الامتحان
فى كازينو حلو على النيل فى دكرنس
روح روق بالك
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 06:05 PM
أنا بذاكر اهه يا نونا اوعي تنسيني

STROMA
25-10-2007, 06:06 PM
نونا انتي بجد مشكله
الف مبروك يا نتاوي‎‏
‏:)
بس احنا اول ناس تتعزم علي الفرح
علي فكره اسم نتاوي ده فعلا يخلي الواحد يتخيل صاحبه حد سفروت رفيع وقصير مش عارفه ايه السبب‎

أبو المعاطى شمروخ
25-10-2007, 06:10 PM
فى كازينو حلو على النيل فى دكرنس


انت تعرفى دكرنس؟؟؟؟؟؟؟؟؟؟؟؟؟

Nettawy
25-10-2007, 06:11 PM
نونا انتي بجد مشكله
الف مبروك يا نتاوي‎‏
‏:)
بس احنا اول ناس تتعزم علي الفرح
علي فكره اسم نتاوي ده فعلا يخلي الواحد يتخيل صاحبه حد سفروت رفيع وقصير مش عارفه ايه السبب‎

الله يبارك فيكي يا ستروما
لو حصل نصيب هتكوني أول المدعوين :) ان شاء الله

بالنسبه لنتاوي كتير قالولي الحكايه دي

على فكره انا طلعت 189 سم مش 192
عشان العروسه ماتقولش عليا غشاش ولا حاجه :)

STROMA
25-10-2007, 06:16 PM
فرقت ال 3 سم يعني ياسلام علي الامانه
اعتقد مش هتلاقي احسن من كده لاختك يا نونا‎:d‎

Nettawy
25-10-2007, 06:18 PM
شوفتي يا نونا وأدي كمان تزكيه من الأخت ستروما

قوليلي بس ايه اللى ناقص غير مفاتحه صاحبة الشأن في الموضوع ( وده دورك طبعاً ) D:

STROMA
25-10-2007, 06:20 PM
اي خدعه يا نتاوي‎:d‎

Nettawy
25-10-2007, 06:23 PM
ربنا يكرمك يا ستروما ياختي ياللى واقفه جمبي على طووول ;)

broken nonna
25-10-2007, 06:24 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">عاااااااااادي تفتح علبة شاي لبتون تلاقى كيسين صغيرين هدية
عااااادي تفتح علبة لافاش كي ري تلاقى ورقة اكحت تلاقى لسان بيقولك عليك واحد حظ افضل المرة الجاية
عااااااااااااادي تفتح كيس شيبسي تلاقى ربع جنيه مخروم
او مبروك استبدل الكارت بكيس تانى فئة ربع جنيه
او حتى جمع و العب مع ابطال الاهلى
يا سيدي بوكيمن يالا هيصي ياللي مانتيش غرمانة
كل ده عااااادي تمام زى ماهو
عااادى تنام
عاادي تصحى
عااادي تجوع
عااادي تعطش
كل عاادى من العوادي اللي فوق مش محتاج اكتر
من انك تتاوب تتمطع سرير مخدة_لحاف في اوقات قليلة من السنة ده اذا استعملته_
مية
تانج يا سيدي وروق نفسك
لكن تجوع
لااااااااااازم و لااااااااااااااااابد من رغيف العيش
معاه بقى حتة جبنة
مش فارقة
دبوس فرخة
ماشي
لحسيتين فوووووووووووول
مايضرش
مشبك غسيل
ايه؟
عاااااااااااااااااااادي
اه عادي
الظاهر انه اتجاه من الحكومة ناس بتقدر صح
اصل اكيد اللى محتاجين الرغيف المعدوم
قصدى الرغيف المدعوم
محتاجين حاجات تانية
مسامير
برشام
رمل زلط
بكرة هيبعتوا اسمنت فى العيش
ورق سادة على كروهات على ورق جرانين
و اخيرا مشاااااااااااااااابك غسيل
عاااااااادي
زمان كانت تيتا تقولي مثل
وانا اقولها مش فاهمة
تقولي طول عمرك
عااااااااااااادى تيتا منى و عليا
كانت تقولي قليل البخت يطلعله العضم فى الكرشة
!!!
المشكلة ان قليل البخت ده دايما مصري
الرغيف صغر و قلنا حقكم يا حكومة يعنى هو يببقى بخمس قروش عمي
و لسه مدور و بخيره
شئ طبيعى جدا و عااااااااادي
الرغيف بقى تلات ارباعه درة و يدوب شمة دقيق
قلنا مش مشكلة
المهم نسد الابقاق المفتوحة و اللى على رأي بابا
ما بتشبعش
لكن مسااااااااااااااااااااامير
مشاااااااااابك غسيل
عااادي اللهم اجعله عااادي
بقول لبابا يا بابا رغيفي شكله غريب ووزنه تقيل
قاللى من يومك مرزقة
افتح الرغيف الاقى رزقى شابك فى صباعى
مشبك غسيل محترم
علما بان العيش ده الرغيف بتاعه اقسم بالله
بريال بحاله
20 قرش لا ينقصوا ميلم
وده رابع مرة اكسب
تصدقوا
مرة مسمار
مرة دبوس ابرة
مرة بريزة مصدية عجب من ايام تحتمس
و اخيرا مشبك
مرزقة مرزقة
عاااادي
بحكى لصاحبة ليا متجوزة حديثا
تقولي ايه؟
عاااادي يا بنتى
انا فتحت رغيف عيش لقيت عضمة فرخة!!
قفلت بحكى لاخويا الصغير
قاللي
هههههههههههههه
انتى ما دريتيش
عارفة مطعم و كافتيريا الاعتماد الشعيرة
فى ميدان العباسية
قلتله ايوة
قاللي جبت واحد بانيه
وواحد فول
البانيه طعمه عثل
_قال عثل وطلع لسانه فعلا_
بس بيقرمش
بقيت بقول للولا بو نازي
_دلع صاحبه_
ياد الهباب ده بيقرمش
قاله :
اكيد بكريستال
اخويا عداها بس ضميره تاعبه مش مرتاح
فتح الفينو و بص لقى ايه
بانيه طبعا
و خيار و طماطم
بس عااادي اللهم اجعله عااادي فى ثمة حاجة بتتحرك فى الطماطم
حشرة قول
سميها دودة جايز
قلتله :...اكلت دودة
!!!
قاللى مانا برده كنت قرفان كدة
لما سمعنى كوستا
_صاحبه التانى_
قاللى: يا جدع كل الدود قبل ما ياكلك
قلتله و عملت ايه؟
قاللى
كلت الدود قبل ما ياكلنى
طبعا قرفت
و قمت بس رجعتله عاوزة اتأكد انه رمى الفول
قاللى لا
ده حكاية تانية
قلتله ايه لقيت ايه المرة دى؟
قاللى صرصااااااااااااار ما تفريقهوش عن اجعها فولاية سليمة
قلتله اكيد رميته
و لا كلت الصرصار قبل ما ياكلك
؟!!
قاللي لا
افتكرتك!!!
تنحت
قلتله انا؟!!
قاللى اه
مش و انتى بتذاكري امبارح قلتى
يا ليفري يا حمال القسية
يا مقزقز العدس و التقلية
يا مخلص التوكسينز
يا منجى معدتى و معاوية
يا هاضم الدهنة و النتنة
و جاعلهم احماض امينية
اهو الصرصار ده احماض امينية!!!

ههههههههههههههههههه
عاااااادي
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 06:29 PM
هههههههههههههههههههههههه

جامدة منك يا نونا
والله نفس اللى حصل معانا بس والدتي حلفت مانعملش اي حاجه غير في البيت بايديها هيا

STROMA
25-10-2007, 06:34 PM
مره وانا صغيره اشتريت كيس ترمس عادي زي اي طفل وعماله اكل و مندمجه مع حكاوي صاحبتي وفجاه حسيت بحاجه غريبه في ايدي بابص وانتوا بقي عارفين الباقي‎:d‎

broken nonna
25-10-2007, 06:35 PM
بتخبزوا العيش فى البيت يا نتاوي؟!!

انت فى المنوفية ؟








فاصل مع صلاة المغرب و اواصل ان شاء الله
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
25-10-2007, 06:57 PM
انا مرة كنت جعان جدا واشتريت فول
لقيت فى الفول معرفشى ان كان سوسة ولا دبانة ولا ايه
حصلتلى كزا مرة على فكرة
المهم قمت شايل الكائن ده وكملت اكل عادى هتفرق يعنى؟

broken nonna
25-10-2007, 07:00 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">لا يا باشا مش هتفرق عندك كمية اسيدس تسيح حيطة

هى بس تفرق من الناحية النفسية لا اكتر

ثوانى بقى ده عااادى بقى على كدة و لا ايه؟!!
يعنى مش بيغيظ؟!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
25-10-2007, 07:01 PM
جيتي على الجرح
انا بالذات من وسط كل العائلة الكريمة مرزق زيك كده تمام
وخدها وراثة من اخويا الكبير بس هو مسافر دلوقتي
دا انا حتى اتشهرت وسط العيلة
بس في حاجات بتبقى غلطات منزلية

نوايه بلح في وسط الخشاف تتفضل و تنزل تحت درس سعادتي انا بالذات
حبة ملح مكلكعة في وسط الاكل تتشرف اني ادشدشها باسناني و انا مش واخد بالي

حتة عظمة في وسط اللحمة -الله أعلم جت منين اللحمة بتبقى كلها نسيرة- تبقى هاتكسرلي درسي
لو فول مدمس مشترينه من بره اكيد لو في سوسة واحدة هاتقع من نصيبي حتى لو كل البيت بياكل
دود في الجبنة طبعا من نصيبي دا لو صفيحة الجبنة كلها مافيهاش الا دودة واحدة يتيمة هاتستخبى في ساندويتشي

عادي

Nettawy
25-10-2007, 07:08 PM
هههههههههههههههههههههههه

لا يانونا انا من كفر الشيخ من عائله متوسطه المستوي بس مش احنا اللى بنخبز في قرايبنا بيخبزوا لينا

broken nonna
25-10-2007, 07:08 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مرحبا بك دكتور ارو فى عالم المرزقين
مرحبا ايه
حضرتك مش ضيف بقى ده انت صاحب المخل
معلش يا دكتور لينا اكل احسن فى الجنة ان شاء الله

دكتور لو عاوز غيظ تانى قول
احنا مش عاوزين نحرمكم من حاجة






</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
25-10-2007, 07:12 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">نجيت يا نتاااااوي نجيت
كفر الشيخ اجع نااااس
بلطيم حلوة بس غريق
عندكم الرز كتير صح؟!!
و ايه كمان
ايه التقسيم الرابع ده؟
واحدة زميلتي من هناك .


و بعدين ايه من عائلة متوسطة ده؟!!
كلنا من عائلات فى النص يا باشا
وبعدين انا اعرف ان اهل الشرقية و كفر الشيخ كرما
و احنا ما نكرهوووووووووووش اد البخل يا دكتور:smiley2:
انت بخيل؟!!


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 07:14 PM
لا بس لما يتم الموضوع بتاعنا هتعرفي اني مش بخيل D:

أنا بقى في التقسيم التاني
district 2

أبو المعاطى شمروخ
25-10-2007, 07:17 PM
نتاوى ونونا يعملوا حسابهم على عشوة ليا يوم الخطوبة

ربنا يتمم بخير
بارك الله لكما وبارك عليكما وجمع بينكما فى خير

Nettawy
25-10-2007, 07:19 PM
على فكره يانونا بيني وبين صاحبتك 20 ساعة مشي بالكتير

Nettawy
25-10-2007, 07:19 PM
لسه يابو الشماريخ لما ارو والاسمر والدفعه دي تخلص جيش على خير
هو احنا نسوى حاجه من غيرهم ;)

broken nonna
25-10-2007, 07:28 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يا نهاااااار يا نهااااااااااار
موضوع بتاعنا؟!!
نتاااااااااوي يا مشاااااااااكس
موضوع ايه اللى بتاعنا؟!!
جدو مسعد ابو المعاطى
بارك على مين و جمع مين بمين
!!!!!!
يالهوى بالي
و لما يتم الموضوع بتاعنا هاعرف
!!!!!
نتاااااااااااااوي يا مشااااااكس
طب داري على شمعتك تقيد
استعينوا على قضاااااااء حوائجكم بالكتمان
موضوع بتاعنا!!!:smiley3:
موضوع بتاعنا!!!!:smiley3:



</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

STROMA
25-10-2007, 07:32 PM
هوا دكتور سامح فهم اية بالظبط؟؟

أبو المعاطى شمروخ
25-10-2007, 07:32 PM
كتمان ايه بس

نتاوى ابن الحاج ابو نتاوى هيخطب يا مينز
وهيخطب مين
ولا بلاش
اللى عايز يعرف يقرا شوية فى الموضوع د

Nettawy
25-10-2007, 07:35 PM
موضوع بتاعنا !!!!!

يبقى المفعوصه الصغيره هيا اللى كتبت كده

اعذروني

broken nonna
25-10-2007, 07:36 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">سترومااااااااااااااااااااااااااا
دو سمسينج
نتااااااااااااااااوي
وينك؟

الالللللاه
لا الموضوع كبر
جدو مسعد ابو المعاطي
هو انت ترمى الشرارة وتقول اقروا
يا ناااااااااااااااااااااس
يا نتااااااااااااااااوى
ادى اخرة اللى يهزر :smiley4.:
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 07:37 PM
وبعدين يا سامح انت ما بتصدق؟؟؟؟

اعمل ايه بقى انا دلوقت

اهي نونا زمانها زعلت

Nettawy
25-10-2007, 07:38 PM
مش عاؤف اودي وشي منك فين يا نونا

بس والله لبهدل المفعوصه دي انا مش عارف كتبت الكلام ده ازاي

broken nonna
25-10-2007, 07:39 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يا مينز و يا بنتنز
و يا كل البشرز
المين الجدو مسعد باشا
هيبوظ الدينا
هيقلب فرحك ضلمة يا نتاوي
موضوعك باااااااااظ مقدما يا نتاوي
انا شبكت البت خلاص للواد ابن البواب

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
25-10-2007, 07:42 PM
ابن البواب !!!!
مش ده اللي امه اتجوزت الراجل اللي في العمارة اللي قدامكم

Nettawy
25-10-2007, 07:42 PM
قلبي قلبي (نوبه قلبيه )

ياللعار يال المهزله الاسريه

تبيعيني عشان غلطه من سامح ولمين لابن البواب

طيب انا هارفع قضيه على اتحاد بوابين مصر العربيه واخليهم يشردوه

Nettawy
25-10-2007, 07:43 PM
هي دي الصدمه يا ارو

STROMA
25-10-2007, 07:43 PM
هيا مين المفعوصه دي؟

broken nonna
25-10-2007, 07:44 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">هههههههههههههههههههههههههههههههههههههههههههههههههه ه
هههههههههههههههههههههههههههههههههههههههه
ههههههههههههههههههه
ما كانتش فى العمارة اللى ادامنا ده واحدة صاحبتى بتحكيلي

بس و الله يا دكتور ارو انا فى قمة السعادة
حضرتك متابع
لاااااااااااااا النهاردة المفاجئات كتيرة لدرجة و الله ما عارفة استوعب

لا يا سيدي انا خطبت اختى لابن ابواب اللى كلم جارنا عشان ....
ماعلينا راجع موضوع جارتنا اللى فوق فوقينا و اللى تحت تحت تحتينا
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
25-10-2007, 07:45 PM
قرص نيتروجلسرين لنتتاوي بسرعة
هواااااااااا وسعوا هاتول هوااااااااا


متهيالي في حاجة ناقصة في وسط الكلام ده
مشاركة اتمسحت او حاجة اصلي مش فاهم صراحة

broken nonna
25-10-2007, 07:47 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">اختى يا ستروما احتى
كنا لسة بنفكر نعرفها على نتاوي
بحكم انى بقيت خطبة المنتدى
بس الله يجازيه ابو المعااطى
ضرب كرسي فى الكلوب
بوظ الليلة
بص يا نتاوي ارفع قضية على الشمارخة هتكسبها ان شاء الله
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

STROMA
25-10-2007, 07:49 PM
يبقي انا فهمت صح
بوظت الحكايه يا دكتور سامح
ذنبهم في رقبتك

Nettawy
25-10-2007, 07:49 PM
الشمارخه دووول ماحدش بيعرف ياكل عيش معاهم
ده تحذير الناس دول شعارهم في الحياه نو مرسي No Mercy :)

المفعوصه دي يا ستروما الكيبورد بتاعتي

Nettawy
25-10-2007, 07:50 PM
أنا نازل أصلي واجي عشان أكمل مفاوضات ده هي مره في العمر لو ضاعت هقتلك يا سامح
وكمان قبل يوم السبت عشان ولا تروح الكازينو ولا الامتحان حتى

broken nonna
25-10-2007, 07:52 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مااااااااااااااشي الكلام كله يروح يصلي
فااااااااااااااصل و نواااااااااااااصل بعد صلاة العشاااااااااااااااء
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 08:22 PM
أنا جيت

arownas
25-10-2007, 08:39 PM
أنا جيت



يا راجل اوعى تقول لحد

broken nonna
25-10-2007, 08:41 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ههههههههههههههههههههههههههههههههههههههه
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 08:50 PM
مش فاهم وضحوا أكتر

arownas
25-10-2007, 08:54 PM
ماتخدش في بالك يا نتتاوي
انا بدأت اهيس بجد

يا ريت يا دكتورة بروكن تدخلي بمقطوعة غيظ
احسن اهيس منكم جامد
بسرررررررررررررررعة

Nettawy
25-10-2007, 08:59 PM
قرص نيتروجلسرين لأرو بسرعة
هواااااااااا وسعوا هاتول هوااااااااا الراجل هيهيس

Nettawy
25-10-2007, 08:59 PM
هههههههههههههههههههههههههههههههههههههههههههههههههه ههه

أبو المعاطى شمروخ
25-10-2007, 08:59 PM
هي الحنة امتا يا نتاوى؟

عايزين نفرح بيك بقى

يا حبيب والديك يا يا يا يا نتاوي

broken nonna
25-10-2007, 09:02 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">هيس يا دكتور ارو هيس

حالا هعمل كاب اوف تى واجى
اعزف المقطوعة المش عارف كام؟
الا هما بقوا كام؟!!


ابو المعاااااطي
مش تعبان طول اليوم و لا ايه؟!!:smiley2:

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 09:03 PM
هي الحنة امتا يا نتاوى؟

عايزين نفرح بيك بقى

يا حبيب والديك يا يا يا يا نتاوي

يابو الشماريخ انت كده هتوديني ورا الشمس

اسكت بس و ابقى اقولك بعدين
على الله الموضوع يتفشكل
لو ده حصل هخترق الداتا بيز بتاعتك واقدمك للعداله انت وأي شمروخ يقف في طريقي :icon_mrgr

broken nonna
25-10-2007, 09:45 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">انا فعلا ما كانش فى بالي اى حاجة اكتبها
كنت عمالة افتكر ايه اللى غاظنى قبل كدة ايه اللى غاظنى قبل كدة
قلت امخمخ و انا بعمل الشاي
حطيت المية ع النار
اخويا الكبير جه _وهو خارح من البيت من الساعة 8 صباحا
كالمعتاد
داخل بقوله اهلا يا ريس
يا قولى ازيك يا نفسفس
_ماحدش يتريق الوضوع غير محتمل_
المرة دى بقوله ازيك يا ريس
باصلي بصة وحشة قوى و ماعبرنيش
!!!
عااادى انا اصلا كنت متوقعة حاجة افظع من كدة
يضربنى قلم
يشوطنى ماشي يتف فى خلقتى اتس اوك
_لامؤاخذة_
عااادي مش عشان اخويا و منى و عليا
لا عشان جى من مشوار سئ جدا
قميصه كازل بيه بيج
راجع بيه بنى محروق!!
عااادي
سيبته دخل خد دش
وطلع
قلتله ازيك؟
قاللي زفت
قلتله الحمد لله
باصلي
قلتله ايه؟
الحمد لله فى السراء و الضراااااااء
قاللى فعلا ضراااااااااء
انا اتبهدلت النهاردة
من البكري العام للدمرداش
و من الدمرداش ل زايد
و من زايد للبكري تانى
ايه ده ايه ده
و اسمكم دكاترة دنتوا اللي ممشينكم الموظفين اللى بدبلومات
كل ده عشان شكة و شريحة ازاز و لون ازرق ولو ن احمر
وكله كوم و ختم النسر كوووووووووم
قلتله روقو صلي ع النبي عاادي هى اول مرة
بلدنا بلد روتين
قاللى روتين
ده حاجة تقرف
قلتله :طيب روق كدة وقولى حاجة تغيظ
يرد يقولى:بسيطة
شاب 24 سنة
بكالوريوس هندسة
مش عارف يشتغل عشان موقفه من التجنيد
وموقفه من التجنيد غالبا هيبقى فى شهر 9 الجاى
و الاجمل بقى
انى محتمل البس فى 3 سنين
يعنى لا عارف اشتغل دلوقت و لا هعرف اجوز و لا هلحق اخلف
عاوزة حاجة تانى تغيظ
قلتله:ده احباط مش غيظ
قاللى لا غيظ
ماهو لما نبقى 75 واحد من مختلف الكليات
رايحين جايين مع بعض
من المستشفى ده للمستشقى ده
و موظفة هى اللى ممشية امورنا واقفة حالنا
تتغاظى و لا لأ
قلتله لأ
قاللى :طيب ولو قلتلك ان كل ده عشان المستخرج بتاع الكلية مكتوب على ورق كرتون
شهادة مؤقتة
و الهانم تقولى:
وانت مععاك ايه؟
يقولها الشهادة اهي
بكالوريوس هندسة
شعبة كذا كذا
تقوله هئ هئ هئ
مهندس بكرتونة
!!!
مش حاجة تغيظ
قلتله لأ
قاللى لأ؟!!
قلتله ايوه
انت مادريتش
كل ده عاااادي
افتكرت المية اللى على النار
رحت لقيتها بتغلي
جيت احط الشاي لقيت العلبة فاضية
قلت طيب اقلبها قهوة
مالقيتش بن
قلت خلاص نسكافيه
مافيش لبن
قلت رضا نسكافيه سيك ماشي
ادور على علبة النسكافيه
مش لقياها
قلبت المطبخ
لقيتها فوق التلاجو وفاضية!!!!
اتغاااااااااظ و الا ماتغااااااااااااااااااااظش؟!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
25-10-2007, 09:53 PM
لأ ماتتغاظيش
مشيها نعناع و لا زنجيبل بيروق الزور

موقف تجنيد ايه اللي محتاجين فيه فصيلة الدم ده؟؟
هو اخوكي ناوي يروح المارينز و لا حاجة

broken nonna
25-10-2007, 10:01 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">و الله ما اعرف
بس ده مطلعش لوحده
75 واحد اهو معاه
مش عارفة انا ايه البلد دي
ما كان فى بطاقة فيها فصيلة الدم
عملوا الرقم القومي و قطعوا القديمة
و رجعوا يطلبوا فصايل دم
بلد غريبة و الله
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

roseangle
25-10-2007, 10:20 PM
الموضوع ده تحفه يا نونا

و انا بجد بطل انه يتثبت


موضوع زي ده مش سهل يتعوض


حاجه تغيظظظظظظظظظ فعلا:confused:

Nettawy
25-10-2007, 10:25 PM
مرحبا روزا كتي فين من كام ساعة كنا عايزينك بس ياللا تتعوض :)

broken nonna
25-10-2007, 10:28 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مش بقولك مشاااااااااكس
مافيش فايدة:smiley4.:

روزا ازيك واحشانى
ربنا يكرمك على رايك
شرفنى وجودك هنا يا قمر
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

mr_azygos
25-10-2007, 10:32 PM
nettawy da taieb w 3ala neiato es2alenne ana

broken nonna
25-10-2007, 10:44 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">انت هتقولي
اي نو هيم فيرى ويللللللللللللللللللل
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

roseangle
25-10-2007, 10:45 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مش بقولك مشاااااااااكس
مافيش فايدة:smiley4.:

روزا ازيك واحشانى
ربنا يكرمك على رايك
شرفنى وجودك هنا يا قمر

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>




انتي اكتر يا قمر والله

انتو كلكوا وحشتوني

زعلك في ايه الولد الخلبوص نتاوي
كان بيقولك ايه من كام ساعه


قولي قولي متخافيش.......


بس بجد
انا بطلب الموضوع ده يتثبت
:health:

broken nonna
25-10-2007, 10:48 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ابو المعااااااااطى:mmmm mmmm
بلاااااااااااااااااش:takh:
بلااااااااااااش:takh:

مصدقنا الموضوع هبط:look up:
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
25-10-2007, 10:50 PM
كلاكيت تاني مرة



أطالب بمسمرة الموضوع ب 100 مسمار قلاوظ في المنتدى

ثبتوا الموضوع ده


:smiley20:


فعلا الموضوع ده لازم يتثبت
ده كفاية اهتمام بروكن بيه


بجد يانونا اسلوبك حلو جداااااااااااااااا وطريقة عرضك للموضوع جميلة وشيقة جداااااااااااااا
انا مع دكتور اروناس ان الموضوع المفروض يتثبت

roseangle
25-10-2007, 10:54 PM
الله الله الله

اول مره نجتمه علي حاجه كده


يبقي اتفقنا


يلا مين هيشتري المسامير
و مين هيدق؟

broken nonna
25-10-2007, 10:54 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ربنا يكرمكم و الله
الموضوع متثبت يا جماعة انتوا مش واخدين بالكم
هوا لولا و الله انى بلاقي حد ياخد ويدي معايا فى الغيظ
كان هيبقى مستمر كدة


دكتور ارو
طلب معلش
شوف دكتور ابو المعاطى لحسن شكله خد على خاطره وو اتقمص ولا ايه؟!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
25-10-2007, 10:56 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مش هتحتاجى تشتري مسامير يا روزا
هاتى بجنيه عيش من اى حته
و جمعى زى ماتنى عاوزة
او ممكن تسيبي موضوع المسامير علي انا و دكتور ارو
انا مجمعة حبة حلوين

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
25-10-2007, 10:59 PM
ماله ابو المعاطي بس
على فكرة سامح مش من النوع اللي بيزعل بسرعة
راجل جدع
اتلاقية انشغل في المذاكرة و لا موضوع تاني

حد يجيب سلم علشان نطلع نثبت الموضوع فوق المكتب

roseangle
25-10-2007, 11:06 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مش هتحتاجى تشتري مسامير يا روزا
هاتى بجنيه عيش من اى حته
و جمعى زى ماتنى عاوزة
او ممكن تسيبي موضوع المسامير علي انا و دكتور ارو
انا مجمعة حبة حلوين


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>




يا بنتي اتأكدي تاني
يمكن يكون اللي عندك...مسامير ضغط

متنفعش


لازم

الاوززززززززززز

arownas
25-10-2007, 11:08 PM
يا روز ضغط ايه
انتي عارفة المسامير دي جايه ازاي
من العييييييش
هو في عيش فيه مسامير ضغط برده
ده كلام ناس عاقلين

:smiley23:

kalamntena
25-10-2007, 11:09 PM
مش عايزة افشي السر

بس ايه وان مان قاللى من كام يوم انه عايز يثبت الموضوع ده

لا مؤاخذة يا مان
:look up:

arownas
25-10-2007, 11:10 PM
لا عادي يا كلمنتينا

اكيد لقى مسمارين تلاته في العيش
فقال اثبت بيهم حاجة
بتحصل

roseangle
25-10-2007, 11:12 PM
لا عادي يا كلمنتينا

اكيد لقى مسمارين تلاته في العيش
فقال اثبت بيهم حاجة
بتحصل






جامده يا مان:close fri

broken nonna
25-10-2007, 11:13 PM
كوكو اوعى حرام هتفتنى ع السر
ده امانة:smiley2::smiley1:

ايه بقى الفرق بين الضغط و القلاوووووووووووووظ؟!!
اللى معايا ما اظنش حاجة منهم
انا معايا المفرود دة الليبيدق بالكاكوش

طيب نستنى دكتور مصباح الله يكرمك
كان مان المفروض هيكلمه الاول


<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
25-10-2007, 11:16 PM
ابو المعاطى
مزاجه حلو الحمد لله
ومش زعلان يا نونا
فى ايه يا جماعة حد قالكوا ان انا زعلت
والله ما فى اى حاجة

مساء الفل

roseangle
25-10-2007, 11:18 PM
ابو المعاطى
مزاجه حلو الحمد لله
ومش زعلان يا نونا
فى ايه يا جماعة حد قالكوا ان انا زعلت
والله ما فى اى حاجة

مساء الفل



عايزين يزعلوك بالعافيه يا عاشور



اسكتوا احنا ما بنصدق الاخ يروق:smiley2:

broken nonna
25-10-2007, 11:26 PM
هييييييييييييييييييييييييييييييييييييييه
نتاوي هنا يا ردالة
اثبت بقى يا دكتور سامح
انت سامح و لا عاشور و لاابو المعاطى
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
25-10-2007, 11:28 PM
المفروض المشرفين يوفروا جولة

علشان نلزق اى موضوع حلو زى ده

Nettawy
25-10-2007, 11:29 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off">مش بقولك مشاااااااااكس
مافيش فايدة:smiley4.:

روزا ازيك واحشانى
ربنا يكرمك على رايك
شرفنى وجودك هنا يا قمر

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>







زعلك في ايه الولد الخلبوص نتاوي
كان بيقولك ايه من كام ساعه



قولي قولي متخافيش.......



بس بجد
انا بطلب الموضوع ده يتثبت

:health:


الله الله
خلبووووص ومشاااااااااااااااكس

لالالالالالالالالالالالالالا

يا كلمنتيييييييييينا هاتيلي حقى من الاتنين دول
هو انتوا عشان يعني اتنين؟؟؟؟:mmmm mmmm

طيب انا مش هستعرض عضلاتي:smiley20: ولا حاجه أنا هاخد حقى بالذوق الرفيع ( لبتون ):smiley1:

broken nonna
25-10-2007, 11:29 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ايه؟
يوفروا ايه؟
و يعنى ايه نلزق موضوع زى ده؟
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 11:38 PM
ماتقول حاجه يابو الشماريخ

أبو المعاطى شمروخ
25-10-2007, 11:38 PM
الجولة

مادة لاصقة

وتستخدم فى الشم وبالاخص الاطفال

فعل يلزق هو المناسب مع الجولة

Nettawy
25-10-2007, 11:40 PM
اسمها الكوللا

الجوله دي اللي بشرب منها

broken nonna
25-10-2007, 11:40 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يانهااااااااااااار يا نهاااااااااااااااااااااار
من كلة الى جولة!!

عوض علي عوض الصابرين يااااااارب

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
25-10-2007, 11:43 PM
لالالالالالالالالا

يا جماعة كولة دى بتاع الخنافس


جولة دى مشهورة
دا انت لو قلت لواحد عادى كولة هيضحك عليك

ماشفتوش فيلم اللى باللى بالك؟

Nettawy
25-10-2007, 11:43 PM
كنتي عايزه شمروخنا يقول ايه يانونا بما اني موجود هنا قبل مامشي؟؟؟

Nettawy
25-10-2007, 11:44 PM
لالالالالالالالالا

يا جماعة كولة دى بتاع الخنافس


جولة دى مشهورة
دا انت لو قلت لواحد عادى كولة هيضحك عليك

ماشفتوش فيلم اللى باللى بالك؟

ولا حتى اللي بالك بالي :maaamaaa:

broken nonna
25-10-2007, 11:48 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">لا مش فهمت يا نتاوي
ماله ابو المعاطى
و انت هتمشي
لا مش فاهمة حاجة؟
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
25-10-2007, 11:53 PM
هييييييييييييييييييييييييييييييييييييييه
نتاوي هنا يا ردالة
اثبت بقى يا دكتور سامح
انت سامح و لا عاشور و لاابو المعاطى
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" UNSELECTABLE="on" width="100%"><TD id=HB_Focus_Element vAlign=top width="100%" background="" height=250 UNSELECTABLE="off">

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>

يثبت ايه بقى؟؟؟
موش فاهيم هاجه خاليس سعادتيك (عن لسان عثمان)

broken nonna
25-10-2007, 11:58 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">لا يثبت اي يثبت
يعنى يرساله على اسم
فاهمنى
انت رحت فين؟!!
هههههههههههههههههههههههههههه
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
26-10-2007, 12:01 AM
أنا هنا بس كنت قاعد مع الحاج أبو نتّاوي أصله لسه راجع من السفر وبيحبني مووووووووووووووووووووت P:

broken nonna
26-10-2007, 12:06 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">حمد الله على السلامة يا فندم

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
26-10-2007, 12:07 AM
شكله بيضربك وقاعد يهزأك

هنمثل

استحمل يا نتاوى الراجل بيكُع دم قلبه وتحويشة العمر برده وبلا فائدة

Nettawy
26-10-2007, 12:09 AM
هههههههههههههههههههه

دانتا ماتعرفوش بقى
ده طيب خالص

حتى شوف

عارف أقصى يوم اتخنق مني فيه عمل ايه؟؟؟؟
والله راجل طيب ربنا يرزقه الجنه

broken nonna
26-10-2007, 12:09 AM
سبب التعديل انا حر!!!!<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
26-10-2007, 12:11 AM
أكيد طبعا احنا هنا في بلد ديموقراتيك
يبقى هو حر
عاااااادي ولا لا؟؟؟

قولوا عااااااادي

broken nonna
26-10-2007, 12:12 AM
عمل ايه يا نتاوي؟
ها عمل ايه؟
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
26-10-2007, 12:18 AM
رماني بكرسي السفره (خشب زان أصيل من بتوع زمان )
يعني يوزن يجي 20 كيلو بس

broken nonna
26-10-2007, 12:22 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">عااااااااااااااادي


يالا الا الاخين حسن و حسين
ييييييه قصدي
ابو المعاطى النوم وجب
عشان المذاكرة مش فى اتنين امتحان يوم السبت؟!!
يستحسن تقوم لحسن تقلب بمهزلة بحق وحقيق

نتاااااااوي
يا نتااااااوي
و الله شكرا جزيلا كان يوم جميل جدا و الله
بدأ بمساعدة معنوية
مادية لا ما شفتش حاجة البتة
بس المعنوية مهمة برده
شكرا يا فندم و سلامنا للحاج ابو نتاوي

دكتور ارو و الله كان حاجة تانية لما بدأ يهيس
خسارة و الله اللى ما سيبناهوش
شرب معنا من نفس جلة دكتور سامح
و كلمنتينا و روزا _يا غاليين عليا_ مسمرونى و قلووظوونى و راحوا
مش كانوا استنوا لزقوا معانا هما كمان
اهو يبقى تمسمير و جلة

انجل و نووووووونا الطيبين حتى اساميهم بتنطق طيبة و الله.

ستروما برده ما حضرتش الحفلة
بس الجيات اكتر من الرايحات ان شاء الله

امممم مين تاني
دكتور سامح اى جى
خسارة كان نفسي يكون موجود فعلا كان هيبقى يوووووووم
و يتعمل بقى ايه
زى ما فى الف ليلة و ليلة
يبقى يوم بالف يوم و يوم

دكتور برايت
يعمر بيتك روووووووح ماكان ما ترووووووووووح
هو اللى دلنى على المنتدى
ربنا يكرمه
دكتور الاسمر
دكتور الاسمر
دكتور الاسمر
شكرا لابقائي فى المنتدى الغالي
تمااااااااااام انا كدة
لساااااااني فى بقي
الحق اقوم بقى

يالا قولوا ورايا



</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

kalamntena
26-10-2007, 12:25 AM
انا هنا
ومن موقعى هذا باقول لنتاوي كرسي ورنة 20 كيلو
يادوب يوجع
دول ما شاء الله 192 سم
:icon_mrgr

Nettawy
26-10-2007, 12:26 AM
نقووول ايه؟؟؟

Nettawy
26-10-2007, 12:27 AM
استحملنا كتير والله يا كلمنتينا بس ضربي من الحديد قصدي الحبيب - أبويا يعني - زي أكل الزبيب

broken nonna
26-10-2007, 12:28 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">اتصيت يا نتاوي
مبرووك

يالا
سبحانك الله و بحمدك اشهد الا اله الا انت استغفرك و اتوب اليك
رب اغفر لي وتب علي انك انت التواب الغفور
ابقوا اقروا سورة العصر



</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>

Nettawy
26-10-2007, 12:32 AM
كفاية كده النهارده
انتظرونا - وموضوعي خصوصا - غدا في نفس الموعد

سبحانك اللهم وبحمدك أشهد ان لا إله إلا أنت أستغفرك وأتوب إليك

أبو المعاطى شمروخ
26-10-2007, 02:26 PM
ابو المعاطى النوم وجب
عشان المذاكرة مش فى اتنين امتحان يوم السبت؟!!
يستحسن تقوم لحسن تقلب بمهزلة بحق وحقيق


كدة يا نونا بتفولى علينا
ربنا يستر بكرة
هو يوم الام سى كيو مبيعتمدش على المزاكرة اكتر منه توفيق وحظ
بس بصراحة انا امبارح كان مزاجى زفت الزفت
قلب العكس تماما والحمد لله
وكانت سهرة جميلة
ربنا يديم المعروف

broken nonna
27-10-2007, 03:55 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">سيدي شمروخ
انا اقدر برده افول و لا اطعمج _افلفل على حسب حضرتك بتاكلها ايه_ اصلا مع حضرتك
يا مبروك
تصيبنى براكاتك يا مولانا فى امتحاناتى
و بعدين اللى فيكم يبقى فينا
و على راي المثل
حطوا فولكم على فولنا
لا فى الريتن نكتب و لا فى الشفوى قلنا


انا هفوتك قايدة شموع _جايز الكهربا تقطع_


فوتك بعافية

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
27-10-2007, 04:07 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يرضيكم
يرضيكم
يعنى الكلام ده يرضيكم
اصلا الكلام ده مضبوط
حقيقة يعنى
طيب ازاى تيجي ازاى
لا لا لا
ده دعوة للاحباط
و اليأس
وفقد الثقة بالنفس
لا لا لا لايمكن
معقولة
!!!
مش ممكن طبعا
استحاالة
يا نهاار يا نهااااااااااااااار
لا يمكن طبعا انا اصدق الكلام ده ابدا
وانا هبلة
اصدق ايه المشكلة لما اصدق
عااادي
و ايه المشكلة اصلا لو طلع الكلام ده صحيح
عااادي برده
ده انا اللي جمعت بدع العادي
و نشرت بدع العادى
فى الاخر ابقى مضطرة اقول عااادي
و اتمنى يطلع عاادي
ياعاااااادي يا نا يا ما
اما
اه ياااانى منك يا اما
انا انا
لا لا ابدا
اصل مش معقول
انا انا
يالهوي بالي
مش قادرة اقووووول
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

ekm86
27-10-2007, 04:14 AM
:bold::bold::bold::bold:

arownas
27-10-2007, 04:19 AM
خيييييييييييييييييييييير

broken nonna
27-10-2007, 04:29 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يا جماعة انا مصابة
مصابة بمرض خطير
خطير جدا و قاتل
مرض اسمه الاحباط
خايفة اتكلم
خايفة اقول عن السبب تأكدوه
تأكدوه يالهوي باااااااااالي
ده تبقى مصيبة
و لا هتبقى مصيبة و لا حاجة عاااااااااادي


انا قررت حتى لا ننعت انا و بنات جنسي بالجبانات
_الخوافات يعنى واخدنلى بالكم_
انا هحكيلكم
ياامرك يا مهجة
الحكاية بدأت امبارح
ماما شافتنى طول اليوم ادام الكمبيوتر
و فعلا كان يوم من اجمل ايام حياتى
كنت مبسوطة فعلا
و ده الظاهر من كتر دعاااائى وطلبى من ربنا انى افرح
الحمد لله حمدا يكون عليه تمام الشكر بم انعمت على و قضيت لى
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

مصري متعصب
27-10-2007, 04:35 AM
اصل ملهاش معنى غير كدا
يا اما انا عبيط
يا الناس دي بتشتغلني
طب هم يعملو كدا ليه
انا عملت ايه
مش عارف
بشر غريبة و الله
آآآآآآآآآآآآآآآآآآآآآآآآآآه
مرارتي مفجوعة
مش جادر
خلاااااااااااااااااااااص
ابطحهم بحجر يعني
طب ليه
عادي يعني.....عادي
ولاد ملهاش ضمير
طب ليه
انا آخر الزمن يحصلي كدا
اه يا دنيا العبر
موقف محرج للغاية
خلاني بجد ابقى في وسط هدومي
مش عارف انا عملت ايه في حياتي
الدنيا بتلف
واحنا زي ما احنا
احنا زي ما احنا
لسه بنستحمى بالنيل
الغرب كله بطل حموم
و احنا لسه بنستحمى بالنيل
مش دي حاجة تعل
انا خلاص جاني شلل
آل انا زعلان عشان هو قاعد 25 سنة
امال لو انا لو كنت ليبي كان حصلي ايه
المهم
انا جالي الضغط و السكر و كل الحجات
مش عارف ليه
و للا العمانيز
ايه بقى النشيد الوطني بتعهم
يا ربنا احفظ لنا جلالة السلطان
و بتاع العراق
موطني موطني الجلال و البهاء و مش عارف ايه و ايه و ايه
و احنا بقى
لينا نشيد خاص فينا
اللي هو بتاع
حماتي حماتي حماااااااااااااتي
المهم
ححكيلكو قصة
مرة كنت انا و الواد بهاء
كنا مشين بالليل
ورا الجبل
سمعنا صوت غريب
و فجأة النور نور من بعيد
قلنا نجري
ونا بجري .رحت واقع
و اغمى عليا
بعدين حسيت ان في حد بيشيلني
بعدين صحيت من النوم

broken nonna
27-10-2007, 04:44 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">بقى يا اخوانا
ماما اخيرا بعد ساعة اتنين تلاتة اربعة
سته و انا لسه على الجهاز
ايه عااادي
يوم من عمرى على راى حلم
عمرى ماعملتها و الله اول مرة
الست قالت ايه لا مبدهااش
البت شوية تضحك للشاشة
و شوية توطى على البتاع اللي بيتكتك
لا لازم اعرف بتعمل ايه
لبست النضارة
سحبت كرسي
هوب قعدت
باصيتلها قلتلها اهلا ماما
قالتلى ازيك يا حبيبة ماما
و بدأت الحوار بطريقة مريبة
فاكرة يا نونا و انتى صغيرة
كنت اغنيلك ايه؟
قلتلها ايوة يا حبيبتى
و فتحنا انا و هى
يا اخواتى بحبها ده حبيبة امها
امورتى بكرة تكبر
وهووووووووووش
ايه
ايييييييييييييه
عااادي عااادي
هوا بابا كدة لما يبقى قصاده حاجة من 3
يا الماتش
يا الاخبار
يانا وماما مع بعض
عاادي عااااااااااااادي
المهم سكتنا طبعا
ماما قالتلى يااااه
ده امورتى كبرت و هتبقى دكتورة
امتى اشوفك فى بيت العريس و تاخدى بقية امتيازات الاطباء
قلتلها انهى امتيازات يا تواتون
_انا بدلعها كدة لما نبقى مهيسين انا و هى_
قالتلى باقى العيون
قلتلها ااااااااااااه
اسكتى مش اتجمركت
و النص الباقى اتخصخص
ضحكت و قالتلى طيب خلينا فى النص اللى يهمنى بعد لقب دكتورة
قلتلها اه بعد دكتورة عيادة ان شاء الله
قالتلى لا طبعا بلا زفت_قالت كدة_
انت اخرك برده بيت يا هانم
و انا زهقت من لقب انسة اللى ماسكة فيه ده
عاادي
اى ماما بتخااااف على اى بنت
قلتلها ربنا يبعت يا ماما
مش عاوزة اشيل هم الموضوع ده
عشان ده نصيب
قالتلى لا طبعا مش كل حاجة نصيب نصيب
قلتلها اعمل ايه
قالتلى خفى ام الكمبيوتر ده
اقولك نخرج
تقوليلي انا هدخل النت
اقولك نروح لتيتا
تقوليلي النت
لما عينيك بقت خلاص
ماحدش بيتجوز عامشة يا هانم و بعدين تعالى هنا
فى ايه النت ها
فى ايه؟
قلتلها اولا عامشة ده اساسي بعد 5 سنين طب و2 ثانوية عامة
يعنى مش الجهاز السبب
و بعدين النضارة ده شئ عاادي
عاادي
اما بقى النت فانا بدخل على المنتدى
طبي و الله
قالتلى ايهظ
برده طب برده طب؟
قلتلها
يا ماما ده موقع كويس و فى ناس بتتكلم عن كل حاجة ماانتى عارفاه
_اصلها ليها موقف كدة معين معاه مش مهم مش مهم_
المهم قالتلى اه بتاع.......
قلتلها ايوة هوا ده
قالتلى يعنى فيه دكاترة
قلتلها طبعا معظمه ان ما كانش كله
قالتلى عااااااااااال
و تنهيدة ارتياح
طيب و بتكلميهم فى ايه؟
قلتلها فى كل حاجة
ده انا حتى عاملة موضوع اسمه كوليكشن غيظ
و كلمنتينا و ايه وان مان و دكتور ارو و روزا عاوزينه يتثبت
شرحت يعنى ايه يتثبت
قالتلى دول كلهم دكتورات؟
قلتلها لا
روزا و كلمنتينا بنانيت
و ارو و ايه وان مان ولاليد_معلش يا دكاترة ماحدش يزعل ها_
قالتلى عال عال
في تانى؟
قلتلها تانى ايه؟!!
قالتلى دكاترة
قلتلها طبعا
قالتلى طيب و رينى طيب
فتحت الموضوع و قعدنا ساااعة و نص نقرا فى الموضوع و هى ساكتة
نقرا وهو ساكته
بابا يعدي يبصلها و يوشوشنى
قال ايه؟
ماما ساكتة
مش غريبة ده؟!!
فى الاول ماكنتش مستغربة قلت جايز مندمجة
بس على الصفحة 18 و لا 19 بدأت اقلق
بالذات انها كانت بترمى تعليقات مش مريحة فى النص
عااااادي
عدوينكم مع نهاية الموضوع
و بقفل الجهاز
الاقيلكم ماما نازلة شخيط
و زعيق
وانا مش فااااااهمة
قلتلها يا ماما فى ايه
هو وحش طيب
و لا ايه؟
تفاجئنى بالرد

وحش وهو كويس وكلام صيغته دمها يقلب عى خفيف
بس اللي يقوله
واااااااد
وواااااااااد صايع كمان
يا باشا و يا ريس
و تيت
و الاسلوب
واااااااااااااد صايع
هتتجوزى ازاى انتى كده
يا ماما ....
مافيش فرصة انطق
يا ماما...........
حتى ابن عمك بيقولى
ادينى البت نونو اسلم عليها
البت
واول ما تردى اهلا ازيك يابن عمى
و اؤمر يا بابشا
ايه ده
ايه ده
واااااد صايع
ماكدبش اخوكى لما قال
مخلفة تلات و لاد
وهوووووووووووووووووووش
ايه ايه فى ايه
الساعة تلاتة ونص الفجر الناس نايمة
ماما سكتت و بابا اخدتها
ونااااموا
وانا قعدت اغنى
ظلموووووووووووووه
ظلمووووووووووووووووه
الواااد الصايع ظلمووووووووووه
انا واد صايع؟!!!
مش مشكلة صاااااااايع
عااادي
لكن واااااااااد
ههههههههههههههههههه
وااااااااااد واااااااااااااد
المهم اعيش
واحد عاااادي و صلحه
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
27-10-2007, 04:45 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">مصري اهو ده التطويل بعينه اوعى تقرا :smiley1:

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

مصري متعصب
27-10-2007, 04:56 AM
<table id="HB_Mail_Container" unselectable="on" border="0" cellpadding="0" cellspacing="0" height="100%" width="100%"><tbody><tr width="100%" unselectable="on" height="100%"><td id="HB_Focus_Element" unselectable="off" background="" height="250" valign="top" width="100%">مصري اهو ده التطويل بعينه اوعى تقرا :smiley1:

</td></tr><tr unselectable="on" hb_tag="1"><td style="font-size: 1pt;" unselectable="on" height="1">
</td></tr></tbody></table>
ههههههههههههههههههههههههه
حتى انت يا نونا
انا بقى ماما فاهمة كل حاجة
مرة كنت قاعد ع الفورم
راحت بردو سحبت كرسي وقعدت جمبي
قالتلي افتحلي البرايفت مسج اقراها
بصيت باستغراب
المهم قعدت تقراه رسالة رسالة
بعد كدا افتحلي الياهو
وقعدت تشوف انا في سنة اولى ضفت كام واحد عندي
بس حلوة واد صايع دي
بس احمدي ربك ان مكنش في شبشب او قلم
بصي
ابعدي عن الفورم لمدة ايام
عشان اعتقد ان الوالد بكرا حيقرأ موضوع كوليكشن غيظ
و حيقلك ايه اللي انت كاتباه دا
فاذا كانت مامتك قالت واد صايع
امال باباكي حيقول ايه
اعتقد ان العائلة كلها حتقرأ الموضوع دا مع بعضها

arownas
27-10-2007, 04:56 AM
هي مامتك وصلت لمواضوع جيرانكم
اللي فوق فوق اللي فوقيكم و لا ايه؟

مصري متعصب
27-10-2007, 04:58 AM
هي مامتك وصلت لمواضوع جيرانكم
اللي فوق فوق اللي فوقيكم و لا ايه؟
ايوا صحيح
هي قالت ايه لما وصلت لموضوع التيت
و خناقة الجيران اللي فوق فوقيكو مع اللي تحت تحتيكو

arownas
27-10-2007, 04:59 AM
لمصلحتك زي ما مصري قال
و الاحسن بلا تثبيت بلا دياولو
امسحي الموضوع

احسن النت يتفصل ن عنكم اصلا

مصري متعصب
27-10-2007, 05:01 AM
لمصلحتك زي ما مصري قال
و الاحسن بلا تثبيت بلا دياولو
امسحي الموضوع

احسن النت يتفصل ن عنكم اصلا
ايه تمسح الموضوع دا
الموضوع دا مش بتعها
دا بتاع الفورم
اوعي تسمعي كلامه
اياكي تحذفيه
دا بجد ثروة للفورم

broken nonna
27-10-2007, 05:04 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">طيب كويس ماما ما تعرفش يا مصري ان فى برايفت مسجس
ابعد فترة عن المنتدى لا يمكن
برده ما قلتش باين عليا انى واد و صايع كمان؟
هو الاسلوب زى ماقالتلي يعنى اسلوب مش اسلوب بنت بجد؟

يا دكتور ارو
ماما قرت كله
كله كله
حتى انا كنت بقرألها
كانت بتسكتنى و تقرا هي
حتى اللى كنت بعديه يعنى
كانت تقولى ارجعى فى سطر وقعتيه
طب والله فكرتنى
عارف كلمة
اتلمي يا مفضوحة اللى ذكرتها فى موضوع قبل كدة
قالتلى حتى ده
فاضحة نفسك بنفسك يا مفضوحة
على فكرة هى دلوقتى بتكلمنى عادى
و بالعكس بتقولى اكتبي و جمعيهم عشان مايضيعوش
مش عارفة ده هيبقى زى الهدوء اللى يسبق العاصفة
و تباغتنى بحاجة و لا ايه

ماله موضوع جيرانا هو كان فى حاااااجة تيت و لا ايه؟

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
27-10-2007, 05:07 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">سبتوا الراااااااااس و مسكتوا الديل
لا طبعا انا لو قلتلها امسح الموضوع تقتلنى
هى بس الظاهر حد قالها حد من بناته اتجوز وانا
ههههههههههههه
كملت عليها باسلوبي الساخر يمكن
مش عارفة
طيب اقولكم عدت عليا دلوقت
و بتسلم عليكم نفر نفر

المهم شوفوا الرااااس سيبوا الديل
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
27-10-2007, 05:11 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ايمي ايمي
صلي على النبي مالك
مالنا بس قلنا ايه غلط
لا على فكرة انتى ماتعرفينيش
انا من اكتر الناس المناهضين و بيعارضوا اى كلام مش مضبوط او مش كويس
و بعترض و فعلا كنت هخسر عضوة فى المنتدى عشان كلمة كانت قالتها بدون قصد
وهى قالت انها هزار
و من اول الناس اللى عارفة ان الهزار له حدود ما ينفعش نتعداها ابدا
والدتى جنبي حالا يا ايمي
بس طلب لانها صدقت فعلا ان جايز فى حاجة ممكن يكون لها معنى عيب
انا قلتله او حد من الاعضاء الافاضل قاله
ممكن تطلعيلي العيب من كلامي او من كلام غيري من فضلك؟
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
27-10-2007, 05:14 AM
اللي بيحصل ده

عاااااااااااااااااااااااادي

اختلاف اجيال

عااااادي عاااااادي

broken nonna
27-10-2007, 05:16 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">الراس:سبب كتابتى الموضوع
الاحباط
علما بان الاحباط ده فكاهى وساخر
لان الموضوع من اوله سااااااااخر
و سبب الاحباط الساخر طبعا
هل انا يبان من كتاباتى انى وااد صايع ؟!!
بلاااش واد صايع لحسن عيب
انى مش بنت
افقدت نفسي عنصر الانوثة لما هزرت
لما اتريقت على اخلاقيات و سلوكيات؟
ده الرااااااااااس
الديل
رد فعل والدتى اللى طبعا طبعا
انا نوهت انه اتقلب الى بعد كدة بالعكس ده بتقولى جمعى الموضوع عشان مايضيعش
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

مصري متعصب
27-10-2007, 05:19 AM
<table id="HB_Mail_Container" unselectable="on" border="0" cellpadding="0" cellspacing="0" height="100%" width="100%"><tbody><tr width="100%" unselectable="on" height="100%"><td id="HB_Focus_Element" unselectable="off" background="" height="250" valign="top" width="100%">
والدتى جنبي حالا يا ايمي

</td></tr><tr unselectable="on" hb_tag="1"><td style="font-size: 1pt;" unselectable="on" height="1">
</td></tr></tbody></table>
ازيك يا طنط
الواد نونّا عامل ايه في البيت
هههههههههههههههههههههههههههههه

arownas
27-10-2007, 05:34 AM
انا مش فاهم مستوى ايه اللي بتتكلم عليه ايمي
بصي يا بروكن
اكتر الاوقات اللي الواحد بيبقى مهيس فيها
بيبقى بسبب انه مخنوق مخنوق بجد
الواحد لو قعد يقول اللي مضايقة و اللي خنقة و اللي بيفكر فيه
و اللي تاعبه من الناس اللي حواليه
بدل مايطلع كلام هايطلع صديد
النهارده مثلا من اكتر الايام اللي قعدتها على المنتدى
و ربنا يعلم انا قد ايه مخنوق (مش علشان الجيش بس ده يهون بجنب الخبر اللي عرفته النهارده)

متهيالي مافيهاش حاجة لما الواحد يفضض
باسلوب ساخر احسن ما يطق
احنا مخنوقين و الدنيا مخبطا فينا و في اللي بنحبهم
و مش قادرين نعمل حاجة متكتفين

ده رايي و الله اعلم
بلغي رد السلام لوالدتك و قوليلها تدعيلي
و اكيد هي حسيت بحاجة زي كده لما قالتلك كملي

broken nonna
27-10-2007, 05:35 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ooooooops
جت فيك يا دكتور ارو معلش
مش هينفع اقولك امسحها فيّ
بس ممكن اسلفك كايلانكس
بس يرجعلى تانى:akh:



هوديه لام جاااااااااااااااااابر:baloo::tamtam:
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
27-10-2007, 05:38 AM
و الله العظيم مخنوق و حاسس ان الدنيا دي
تعبان عمر الواحد مايقدر يامنها
كل ما تيجي تفك من حاجة تلاقي حاجة العن ميت مرة مسكت فيك او في حد تعرفه

قلبتوا عليا المواجع
ابقو ادعولي

broken nonna
27-10-2007, 05:39 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">انتوا ما تعرفوش والدتي
اقسم بالله
انا ليا صاحبات يتمنوا والدتى ام ليهم
بنت خالتى قالت ان ماما ده امها الروحية

فاكيد يعنى مش هزعل منها
انا بس كنت عاوزة اعرف انطباعكم عنى من الموضوعات كلها بصفة عامة
دكتور ارو فرج الله همك
ياريت بس اصل فضولي يقتلنى
ممكن اعرف ايه السبب الى زعل حضرتك النهاردة

صلاة الفجر
كله يروح يصلي
صلاة المسجد وجبت يا رداله


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
27-10-2007, 05:41 AM
اهه مصيبة من مصايب الدنيا بس مش فيا
ا

broken nonna
27-10-2007, 05:41 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">دكتور ارو الهدف من الموضوع تتغاظ وتقول عااادي مش تتنشن و نقلب عليك المواجع
شكلك كدة ما دخلتش مدرستى
اتفضل انزل صلي فى المسسجد و ادعى يالا يا مصري
خد اخوك ارو
انا هدعي لحضرتك طبعا
اتفضلhttp://www.medicine.cu.edu.eg/english/students/forum/showthread.php?t=5674
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
27-10-2007, 05:42 AM
مش جامد على ربها ان شاء الله
بس يلا ماتضيعووووش صلاة الحماعة فى المسجد
لو اخو حضرتك عندك صحيه و خده و انزل

ekm86
27-10-2007, 06:03 AM
و الله العظيم مخنوق و حاسس ان الدنيا دي
تعبان عمر الواحد مايقدر يامنها
كل ما تيجي تفك من حاجة تلاقي حاجة العن ميت مرة مسكت فيك او في حد تعرفه

قلبتوا عليا المواجع
ابقو ادعولي

ربنا يكرمك يا أرو
ويفك أزمتك

على فكرة أنا لما باقع في مشكلة.. بابقى عارف إنها هتتفك قريب.. ولو اتفكت ولقيت مشكلة تانية... باعرف إن ربنا بيحبني

Nettawy
27-10-2007, 02:18 PM
أنا مش فاهم ايمي؟؟؟؟

Nettawy
27-10-2007, 02:19 PM
ربنا يفك كرب أخوك يا أرو
وأشوفك بعد الجيش يا رب
3 سنين وافتكرني

arownas
27-10-2007, 02:38 PM
مش معني ان الواحد مخنوق انه يجرح الناس الواحد
يفضفض و هيلاقي ناس كتير يسمعوا
وغلط اتهام الناس بدون وجه حق

كله يوسع لو سمحت
محدش يدخل

في ايه يا دكتورة ايمي؟
ممكن تهدي نفسك كده
و تقري الموضوع من الاول
و تقوليلي اتهام مين؟ و اتهام ايه؟ و فين؟
وجرح مين؟ و ازاي ؟
ومين صاحب الحق علشان يزعل؟
انا مش فاهم حاجة
وضحي لو سمحت

Nettawy
27-10-2007, 03:25 PM
ياجماعه هو ده مش موضوع كوليكشن غيظ بردوا؟؟؟؟

ولا انتوا دمجتوه مع حاجه تانيه ولا انا اللى فاهم غلط

يا بروكن انتي فين يا نونااااااااااااا

بالله عليكي فهميني اللي بيحصل

mr_azygos
27-10-2007, 03:30 PM
اقرا اللي فات وانتا تفهم

Nettawy
27-10-2007, 03:45 PM
قريته يا ناصح بس مشلاقي أي علاقه بينهم :)

mr_azygos
27-10-2007, 03:57 PM
اصل انتا .............

Nettawy
27-10-2007, 05:11 PM
كده يا أزيجوس دي أخرتها؟؟؟؟

طيب لما أشوفك بقى أنا وشلة الانس

مصري متعصب
27-10-2007, 05:12 PM
كده يا أزيجوس دي أخرتها؟؟؟؟

طيب لما أشوفك بقى أنا وشلة الانس
انس!!!!!!!!!!!!!!!
و أي أنس
هع هع هع هع هع

Nettawy
27-10-2007, 05:22 PM
تقصد ايه يا مصري؟؟؟؟

broken nonna
27-10-2007, 06:45 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">لاحول و لا قوة الا بالله
دكتور ارو بما ان الموضوع موضوعى
و المشادة الكلامية قامت على ارضي
و بما ان برده باين كدة ان المفروض ان لو كان فى اساءة لي او لوالدتى انا اول واحدة
كنت هعمل و اسوي
لذاااااااا
فالوحيد الوحيد الوحيد
اللى له حق الثورة و الغضب و الزعل منك او عدمه
broken nonna

و الاخت broken nonna
تسقط عنك او عن غيرك اى اتهامات
واذا حصل واى احد ضايق اى حد فى موضوعى
مستعدة اديله كايلانكس يمسحها فيه
بس يرجعلهولى تانى_شرط واجب النفاذ مع الموافقة_





دكتور ارو
دور بقى جايز فى خلاف شخصي او فى موضوع اخر بينك و بين ايمي:smiley2:
نتاوتو باشا
بالله عليك انت
امسك الرااااااااااس
و اترك الذيل
اقرا المضوع و سيبك من الخلاف
مصري يا مصري
بابا عارف انى محترمة و متربية و اني يعنى مش قاعدة على النت بعمل حلجة وحشة
لا سمح الله
ماشي يا دوك وعادة الامهات هما اللى بيتابعوا و لادهم اكتر بلاس ان بابا مالوش خلق للقراية
و اصلا اصلا
ماما بتحكيله كل حاجة
تماام كدة

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

Nettawy
27-10-2007, 07:00 PM
ههههههههههههههههههه

عارف اللى عجبني في ردك ايه؟؟؟؟؟









بلاس

مصري متعصب
27-10-2007, 07:06 PM
نونا بتكتب كتييييييييييييييييييييييييييييييييييير

broken nonna
27-10-2007, 10:16 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">عااادي جدا
انك تستقبل رسايل على الموبايل
عااااااااادي جدا تبقى من اصحاااابك قرايبك
عادي جدا حتى تبقى من groups غريبة لا عمرك سمعت عنها و لا شفتها
مابالك باشتراكك فيها
_بيني و بينكم هادفة_
احم احم
عااادي جدا برده مثلا يعنى
يجيلك رسالة من جروب حب فى حب
تقولك:
بتحب هات حبيبك وعدي
لسة ما لقيتش الحب
تعالى بقولك هتلاقيه
عندي
!!!!!!
يقعد البيت كله يمسح بكرامك الارض ازاى حد يبعتلك رسالة زى ده
هتقولولى عرفوا منين
عااادي
اساسا الموبيل قبل ما بيرن بتلاقى اربع ايادي ماسكاااااه
بابا و اخوايا الكبير و اخويا الصغير
و انااااااااااااا
و اكتر الاوقات ما بلحقش زرار واحد المسه اصلا
عاااااادي
تلات ساعات كمان
و تلاقى اخوك اكبير منتفخ الاوداج و مبسوط
جاتله نفس الرسااااااالة
عااادي
و عااادي برده ان يجيلك رسالة من الشركة موبينيل اوو فودافون
رصيدك زاد
و الحق مش عارف ايه
ناس فاضية
لا طبعاااااااااا
عااااادي
و من العواااااااااادى الكتير التانية
انك تبقى قاعد بتذاكر فى امان الله
تلاقى نغمة الرسالة القادمة
تفتح
تلاقى تم تحويل مبلغ 5 جنيه رصيد من هاتف رقم....
تدور على الرقم ماعرفوش
تفتكر جايز طلبت من حد
لا برده!!!
عااادي
تسأل البيت كله حد حولى حاجة ؟
تسمع رد واحد
هئ هئ هئ هئ هئ
هى الحداية بتحدف كتاكيت
اخوك الصغير لانه طول عمره مختلف
يوقل رد تانى:
فاقد الشئ لا يعطيــــــــــــــــــــــــه
و يقولها بطريقة عاااادية
يعنى مع قليل من التحبيشات
_قلم بس خفيف_قفا ابن ناس ماشي_
ايه اخويا
و الصغير
منى و عليا عااادي
ترجع تنى للموبايل
بتذاكر كارديو هارت فيلير
و تيجى تسمع
يا تر يحصل ايه اللى جاله hypertension و قلبه بقى overloaded و مع الوقت
بقى hypertrophied
و فضل يحصله dilatation
و stretch
و كل ده و لسه ايه كل شئ compensated
و فجأة يبعت رصيد لحد غلط
و الحد ده ممكن زى ما ابيه تبارك
_انا مسمية اخويا الكبير كدة_
يفتكر انى هسقعهم عليه
فيبقى ده بقى ايه stress
و بقى leading factor
ولو بيدخن يرزعله سوجارة متينة
مع الهارت اللى تعبان اصلا
هوب يدخل فى
low cardiac tissue perfusion
و cronary insufficiency
هوبااااااااااااا
يمسك قلبه
الم فى كتفه الشمال طبعا
ويبقى دخل فى angina متينة
تتوقف عن التسميع
تبص على الموباليل
تمسكه بسرعة اصل الفكر ة وحشة
ترجع الرصيد لصاحب النمرة
و تكمل تسميع
نعاجه ازاى بقى
بلاش ستريس
اقلل الملح و المخللات
ضبط ضغطك
خد nitroglycerin قرص تحت اللسان لما تحس بالالم
يااااااه
انقذت حياة بنى ادم
تنام مرتااح
يصيحك التليفون الساعة 8 صباحا
نمرة غريبة
الو؟ السلام عليكم
ايوة معلش انا جالى رصيد من النمرة دة امبارح؟!!
نعم ع الصبح
تفوق و تصحصح
هوا ان بعتها لنمرة غلط و لا ايه
قلتله يا فندم النمرة اللى حضرتك بتكلمنى من عليها
بعتتلى الرصيد ده امبارح
قاللى اه فعلا
انا بعت لاخويا امبارح رصيد
قلتله باين حضرتك كتبت رقم غلط
حصل خير
قاللى
شكرا و الله
بس هو حضرتك هنا فى مصر؟
قلتله ايوة يا فندم النمرة فى مصر ايوة
قاللى متاأكدة اصل حد تانى كان سقعهم
قلتله لا يا فندم
سلام عليكم
وسكيت الخط
عادي
رحت لماما بحكيلها قالتلى
يعنى خلص ال 5 جنيه فى الاتصال ده
قعدت اضحك انا و هى
عاااادي
تانى يوم بقى
قاعد بتذاكر migraine
تلاقى نغمة الرسايل
تفتح
تلاقى مبلغ 20 جنيه رصيد
يلعب عفرتو فى دماغك
ابوكي لغى البيزنيس
ابوكىقلبك خط و بعدين قلبك كارت
كارت
ابوكي هياخد الموبايل
و هيتقالك ياللى من غير موبايل
اعوذ بالله منك يا لئيم
ارجع الفلوس للنمرة
النمرة ترجعلى ال 20 جنيه تانى
اتأكد نمرة ماعرفهااااااااش
ايو ماعرفهااااااش
ايه التناحة دى
ترجع الفلوس تانى
ترجعلك
طول اليوم
6 مرات تجيلك الفلوس و ترجها ترجعلك
اخيرا تعمل الموبايل سايلنت
كفاية اصلا انت بتذاكر مايجرين خلقة
تلاقى رسالة
يا انسة
مصرية
مسلمة و بترجعيلي الرصيد
تتجوزينى؟!!
ههههههههههههههههههههههه
عاااااااادي
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>

مصري متعصب
27-10-2007, 10:25 PM
مش فاهم حاجة يا نرمين

mr_azygos
27-10-2007, 10:28 PM
ولا انا........

greyzone
27-10-2007, 10:31 PM
طيب و بعدين

mr_azygos
27-10-2007, 10:37 PM
انتا فاهم؟

arownas
27-10-2007, 10:38 PM
الراجل ده باين عليه مجايب ام جابر

broken nonna
27-10-2007, 10:43 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">و اشمعنى دكتور ارو اللى فاهم؟!!:icon_mrgr:smiley4.:
بس خليني اصحح
هو فعلا ممكن تكون ده نتايج عمايل ام جابر:smiley20:
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

mr_azygos
27-10-2007, 10:51 PM
ام جابر ميين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

broken nonna
27-10-2007, 11:47 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">طيب انا هطق انا من الغيظ انا دلوقت اعمل ايه؟!!
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
27-10-2007, 11:53 PM
عاااااااااااااااااااااااااااادي
خدي نفس عميييييييييق






و ماطلعيهوش
:peace:

broken nonna
28-10-2007, 12:24 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يا نهاركم ابيض
للدرجة دى انا وصلت شخصيتى لكم غلط
يعنى بجد انطباعكم عنى انى اروبة؟!!
انا خرجت من المنتدى قلت اهدى و ارجع تانى
بس الظاهر انى لسه متغاظة
مع ان يعنى المفروض ماتغاظش
دكتور سامح يعنى راجل محترم جدا
و بعدين ردوده حلوة وذوق بالذات فى كوليكشن غيظ
بس فعلا معنى انه يبقى فاهم انى اروبة ده مضايقنى
ومش عارفة الحل يبقى ايه عشان الواحد يصلح الفكرة ده عنده!!!
ولو هو ده انطباعه عنى
يبقى انطباعكم الباقيين عنى ايه؟!!
يالا ما علينا

دكتور ارو حضرتك حذفت رد كان ليك امبارح
يارب يكون النهاردة الموضوع ده احسن

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

sameh_ig
28-10-2007, 03:17 AM
بس فعلا معنى انه يبقى فاهم انى اروبة ده مضايقنى


مش لاقى رد ارد بية ؟ طب افهمهمك ازاى لما قلت الكلام دة ؟

مقصدتش خالص المعنى اللى ممكن يجى فى بالك واللة بل عكس

أبو المعاطى شمروخ
28-10-2007, 07:02 AM
قالتلى لا طبعا بلا زفت_قالت كدة_
انت اخرك برده بيت يا هانم

والله 10على 10
هى دى الامهات ولا بلاش
آل عيادة آل


قالتلى لا طبعا مش كل حاجة نصيب نصيب
قلتلها اعمل ايه
قالتلى خفى ام الكمبيوتر ده
اقولك نخرج
تقوليلي انا هدخل النت
اقولك نروح لتيتا
تقوليلي النت
عيب المدن فى كدة ان مكنشى حد يعرف البنت او حد يجيبلها عريس تفضل منسية
بس ده لا يدعوا الى كثرة الخروج وكدة علشان ميبقاش ملفت للنظر وييجى بنتايج معاكسة

راحت بردو سحبت كرسي وقعدت جمبي
قالتلي افتحلي البرايفت مسج اقراها
بصيت باستغراب
المهم قعدت تقراه رسالة رسالة
انت بتتكلم جد يا مصرى؟د ى غلطتك انت اللى مأخدهم عليك كرسى فى الكلوب بس وكله هيعملك 1000 حساب دا انا لو قاعد محدش يجرؤ انه يبص على الشاشة مش خوف انها الديموقراطية يا اخى
طيب اقولكم عدت عليا دلوقت
و بتسلم عليكم نفر نفر
الله يسلمها
سلام مخصوص ليها علشان رايها فى موضوع الجواز
وحاسس انها مش فى دماغها أنتكة الامهات:smiley1:





الواااد الصايع ظلمووووووووووه
بلاش الجملة دى
فى ناس فاهمة ليه وفي ناس مش هتفهم فياريت متسالشى


يا انسة
مصرية
مسلمة و بترجعيلي الرصيد
تتجوزينى؟!!
ههههههههههههههههههههههه
عاااااااادي

تصدقى بالله هو دا الصح
انا لو حصلت معايا هعمل كدة
بس انت غلطانة يا ماما نونا انا لما يجيلى رصيد من رقم معرفوش اقعد اقول
يا سلاااااااااااااااااااااااااااااام ارزاق ورزقك بيجيلك حتى لو فى بيتك
هو اللى غلط ويتحمل نتيجة غلطه
سقاعة مش كدة؟

broken nonna
28-10-2007, 07:31 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يعنى ايه ده؟
وحاسس انها مش فى دماغها أنتكة الامهات

الواااد الصايع ظلمووووووووووه
بلاش الجملة دى
فى ناس فاهمة ليه وفي ناس مش هتفهم فياريت متسالشى

مش واصلنى قصدك معلش؟

سقاعة مش كدة؟
لا يا باشا عيب تقول كدة

مكنشى حد يعرف البنت او حد يجيبلها عريس تفضل منسية
لا يا دكتور معلش
الحمد لله انا مش منسيةو الله بيجوا من الهوا
فرح ماشي
ميكروباص بيحصل
فى الكلية حدث و لا حرج
و الله و فى الشارع
بس المسألة نصيب فعلا
بس والدتى عندها اعتقاد ان حد عاملى حاجة
او انا عديت على عمل مش بتاعى
فانصابت!!!
وده اللى معطل اى موضوع و ما بيتمش

بس ده لا يدعوا الى كثرة الخروج
الحمد لله ان بيتوتية اصلا و مابحبش الخروج من غير لازمة
بلاس ان حياتى لفترة طويلة فى الرياض اخدت الواحد على القعدة فى البيت و علمته ان خروج البنت
او المرأة بصفة عامة للضرورات فقط و لازم مع محرم
_حلوة محرم دة؟!1_


يا ماما نونا
طيب اعمل فيك ايه؟!!




</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
28-10-2007, 08:00 AM
بصى يا ما ما نونا
قصدى ان انا حاسس انها ست عادية من طريقة الرد بتاعها
مش متكبرة بسيطة كدة يعنى
مش انتوكة:smiley1:
مش واصلنى قصدك معلش؟
ابقى اسالى الدكتورة كلمنتينا


انا اتكلمت بوجه عام على البنات فى المدن عموما
وبتختلف من منطقة للتانية جوا المدينة نفسها
تفرق من حى شعبى كل الناس معروفة
وبين منطقة تانية يادوب سكان العمارة عارفين بعض بالعافية
وانت بتاخدى الكلام على نفسك ليه يا نونا
انا عارف ان العرسان كتير وتوابير زى بتاعة العيش واكتر:smiley1:
هي فعلا نصيب والله
اصل كل واحد مكتوبله هيتجوز مين من قبل الخلق وهيعمل ايه وايه وايه واللى مكتوبله انه مش هيتجوز وكدة
كله مكتوووووووووووووووووووب

انما حتة العمل دى
نبهيها ان كده حرام وسيبك من اسمها ام جابر ولا ام فاروق دى
الحاجات دى ممكن توصل الواحد للشرك بالله من غير ما يحس
ومسيره بكره يطب ان شاء الله من غير فك عمل ولا حاجة
فكرتينى كنا عند واحد صاحبى سهرانين عندهم لحد الفجر
واحنا مروحين لقينا مياه قدام الباب مكنتشى موجودة واحنا داخلين
قالنا اوعى حد يعدى عليها دى اكيد سحر ومعمولة عمل للى يعدى من عليها
فانا طبعا الفتك وسطيهم قعدت اتطنت عليها رايح جاى زى البلياتشو
عارفة طلعت ايه فى الاخر بعد كام يوم
ان ماسورة المياه الرئيسية ضربت و كانت بتنزل كل يوم شوية مياه
بس يا عم نونا

broken nonna
28-10-2007, 08:17 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">الحمد لله ماما كدة فعلا بسيطة و عادية جدا

عيني هسأل الدكتورة كلمنتينا وان كان ده عاوز صبر و كبح فضول
صعب مع البنات بصفة عامة و معيا بصفة خاصة
ما تعمل معروف و تقولى حضرتك؟

باخد الكلام عليا لان الكلام كان رد على كلام انا قلته قبل كدة و بالتالي فهو
موجه ليا
و مش توابير و لا حاجة الحمد لله على كل حااااال
_وعلى فكرة ردى ما كانش للتفاخر او اى سبب اخر بس للعلم بالشئ لحسن دانتوا هتخلوا الواحد يمشي يشم بطن رجليه بعد كدة_

والحمد لله انا فاهمة انه نصيب فى الاول و الاخر
فكرة ان حد يعمل عمل لحد واردة مية فى المية
بس مش معناه انها تتوقف عليها حياة اى شخص
وانا _ووالدتى طبعا_فاهمين ان
_وماهم بضارين به من احد الا باذن الله_
موضوع ام عباس بقى
فلا ماتخافش ما وصانااش للدرجة ده
انا بهزر فيها طبعا
ولو رحت هقولكم ما تخافش
احنا هنبقى عاوزين سنيدة_ههههههه_


يا عم نونا
_ماشي كتر خيرك_
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

a1man
28-10-2007, 12:53 PM
:tamtam:السلام عليكم :tamtam:
بجد انا مبهور من قوة الموضوع ده واسف جدا علي اني مش قادر اشارك بأنتظام في الفترة دي لظروف ما
علي العموم تم تثبيت الموضوع
استمري ياماما نوننا:icon_mrgr
:smiley32::smiley20::smiley32:

arownas
28-10-2007, 04:53 PM
مبروك على التثبيت

:baloo:
:baloo:
:baloo:
:baloo:

broken nonna
28-10-2007, 08:17 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يا نهااااااااااااار ابيض
و الله مش عارفة اقولك ايه يا دكتور a1man
صحيح حمد الله على السلامة يا دكتور من علقة العيد اللى فات

ربنا يحسن ظروفك ان شاء الله

دكتور ارو
الله يكرمك و يبارك فيك
موضوعك و موضوع باقى الاعضاء برده و لا ايه
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
28-10-2007, 08:23 PM
احنا هنبقى عاوزين سنيدة_ههههههه_


بحاول افهم سنيدة دى من زمان لسة الالهام جاى دلوقتى
مش تحطى شدة

broken nonna
28-10-2007, 08:27 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off"><TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
المهم وصلت فى الاخر
اصلك ماشفتش ام جابر بتعمل ايه

</TD></TR></TBODY></TABLE></TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">

</TD></TR></TBODY></TABLE>
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">




</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">



</TD></TR></TBODY></TABLE>

dr_0nline
28-10-2007, 09:48 PM
لا حول ولا قوة الا بالله
*
هييييييييييييييييييه دنيا
فعلا والله الواحد بيبقى في قمة الغيظ وفي الاخر تطلع كملة عادي
*
تركب ترماي تلاقي واحدة تستأذن واحد ممكن لو سمحت اقعد على رجلك!!!
وفي الاخر عاااااااااااادي عادي
*
تروح تحلق تلاقي الحلاق بيحيلك عن البت العيلة الصغيرة اللي لسه في اولى او تانية ابتدائي
بيقول في مرة لاقيتها بتقابل واد صغير وهما الاتنين مش محصلين ركبتي
وهيا تقوله::: مش هاكلمك الا لما تعاكسني
::: وهوا يقولها::: انا بحببببببببببببك يا حييييااااااااااتي
*
ومسخرررررررة
وفي الا خر عادي عادي
*
هيييييييييييييه تنيا
*
سلاموز

broken nonna
29-10-2007, 12:08 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">بم ان شعبنا شعب العاادي
شعب جميل و ذكى
يعرف يعمل من الفسيخ شربات
و يغزلوا برجل حمار
و يتقال عليهم شطااااااار
بيني و بينكم
شعب يستحق التقدير و الاعجااااب
عايش رغم كل البلاوي
و عااايش رغم قلة الفلوووووووووس
عاااااادي
حتى استهلاك الاشياااااااء
بقينا فى محترفين
بنستهلك الحاجة مرة و اتنين و تلاتة
و الظاهر ببرده ان الحاجة ده اتعودت فبقى عمرها الافتراضي اطول
وبقت بتستحمل ياما
برده عاادي
تعزمك صديقة فى بيتها اللى مش عارف يتركبله مترو و بعد المترو ميكرو و بعد الميكرو عربية بوكس
روعة روعة
تمشي بيك فى وسط محمية طبيعية من برك و مستنقعات يرقد فيها مجموعة حمير
سبحان من خلقها
توصل البيت اخيرا
تيجي ماشي يحلفواميت يمين انك تتغدى معاهم
و لا صايمة ابدا
تفطرى
افطر وامرى لله عشان ما يتقالش انعورة
غدا اكتر من ممتاز و الله
تقول عيب اتطوع واغسل المواعين
تدور على سلكة
مصدية و حالتها كرب
تسألها تقولك مطلعين عين اللى خلفوني بقالي ست شهور
تبص لليفة
تسمع استغاثتها برب العزة انه يبقيها حية كمان
سنة عشان تحتفل باليوبيل الفضى لتواجدها فى هذا الحوض
عاااادي

تخلص المواعين وتطلع تشرب كباية الشاي
تسمع ست امهم _يعنى ام ام طنط صاحبة البيت_ ايوة لسة عايشة
بتتكلم كلااااام مش ممكن
و ان ده ايام ربنا يعدينا منها على خير
انت اصلا مش هتبقى مركز فى كلامها انت مزكز فى اللى بتعمله
طيب يا ترى بتعمل ايه؟!!
ماسكة كبايات الشاي اللى احنا شربناها خلااااص
و عاملة تجمع التفل اللى بيتبقى فىالكبايات فى الاخر
التفل
يا اخوانا التفل البتاع ده اللى اصلا هتشربه ازاى
ما بيتشربش اصلا هو
عاملة بقى تجمعه من كل الكبايات فى كباية واحدة
عااادي
تفوق على كلمة طنط بتقولى ايه يا نونا مالك؟
اقولها لا ابدا
تقولى لا اصل تيتا متعودة تجمع التفل
ضحكت و قلتلها لا يا طنط عااادي طبعا كل واحد وله هواية
ناس تجمع طوابع
اسطوانت اغانى قديمة
جراااايد قديمة
وناس تجمع تقل
عااادي
قالتلى ايوة هو كدة بالضبط
طبعا اتغاظت
و من غيظى قلت اسأل :
بس يعنى هى تيتا بتعمل بيه ايه
هنا نطقت تيتا بتاعت طنط _كانت بتعدى كلامكتير بمزاجها _
بدعك بيه الفناجيل بيلمعها
اوقات بحطه على جزمتى بيديها لمعة حلوة
وو ممكن اعمل عليه شاى تانى
تسكت وتقول فى بالك
ست كبيرة
عااادي
تروح البيت
ماما تسألنى ها و عملتى ايه و سويتي ايه
و شوفتى مين
ومادرك و ما ابصر
عادي
تتعشى و ماما تحلف ميت يمين ان لازم انا اللى غاسل المواعين
اغسلها
ادور على سلكة
الاقى واحدة فى ال كافر بتاعها لسة
اجى افتحها
وعينك ما تشوف الا النووووووووور
العلبة مكتوب عليهاصالحة لمدة ست شهور
!!!!
يعنى السلكة تستخدمها فعلا ست شهور
!!!!!!
جريت على ماما قلتلها السلكةده بتقعد اد ايه
قالتلى انا ايه عرفنى انابجيب
واحدة كل شهر مثلا
قلتلها :
ليه وانا ابويا حرامي
كل شهر جنية وربع
سلكة
السلكة بتقعد ست شهور يا ست ماما
ماما تبصلي متعجبة
تانى يوم يشربوا الشاي ماما تيجي تحط الكبايات فىالحوض اقولها عنك
اجمع التفل فى كباية لوحدة و تجرى على اقرب حوض تفوميت
طيب تيتت طنط ده استحملت ازاى؟!
عمري ما عرفت معنى كلمة استهلاااك الا دلوقت
استهلاك من هلااااااااااك
يعنى لازم اهلك ام الحاجة لحد اما يبانلها صحااااااااب
و استحق عن جدااااااااارة وصف
عاااااااااااادي
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

dr_0nline
29-10-2007, 12:23 AM
لا حول ولا قوة الا بالله
*
والله انتي مذكراتك دي تكتب في اساطير والله
*
مش قادر والله انتي بتستحملي ازاي
ياخراااااااااااااااااشي
*
دا انا طقيت وانا قاعد
*
الحمد لله اني حلقت شعري
*
انا ماشي سلاموز

arownas
29-10-2007, 12:29 AM
عاااااااااااااادي
انتي ماشوفتيش شاي الارياف و لا ايه
اول دور بيتحط كيس الشاي كله في البراد
اللي شكله اصلا يعملك nausea then vomiting
ده غير النمل اللي بيبق معدي عليه
المهم
بعد الشاي يتحط السكر يجي ربع كيلو و يسيبوهم يستوا على النار
تطلع كباية شاي حبر كحل قولي اي حاجة
و بعدين الدور التاني
نفس تفل الشاي و معاه النعناع المرة دي و باقي كيس السكر

مصري متعصب
29-10-2007, 12:36 AM
ههههههههههههههههههه
حلوة يا نونا بجد
مرة ماما كانت بتتعرف على واحدة جديدة لسه جاية من مصر
اتعرفت عليها في فرح
فسألتها انتي منين قالت دمياط
و عادي كانو بيكلموا بعض و هي طلعت ست ظريفة
فكان في بطيخ
فالست بتقول لماما و صحبات ماما انه كان نفسها تلك قشر البطيخ دا
سألوها كلهم باستغراب في نفس واحد ليييييييييييييييه؟
قالت عشان دا قشر تخين حبتين
قالولها بردو ليه
قالت عشان اعمل بيه مربى بطيخ
و فضلت تشرح بيعملوها ازاي
و بتقول ان المربى دي مشهورة جدا في دمياط
طبعا القعدة كان فيها ستات دمايطة بردو بس رفضو الكلام
حاجة غريبة
مربى قشر البطيخ
من يومها و نا بحب الدمايطة جدا جدا:aiaiai:

أبو المعاطى شمروخ
29-10-2007, 01:00 AM
بعد الشاي يتحط السكر يجي ربع كيلو و يسيبوهم يستوا على النار
تطلع كباية شاي حبر كحل قولي اي حاجة


هههههههههههههههههه
واحد صاحبى كل يوم يتخانق مع ابوه بسبب الشاى
ابوه بيغلى الشاى لحد ما يسود يفعد يغلى فيه ويغلى
لحد ما يبقى كوبيا او كوبية المهم
صاحبى يقعد يقوله حرام عليك يا عم الحاج كدة غلط
يقوله بس يله انت بتفهم الشاى ميتشربشى غير كدة
وسسسسسسسسسسسسو وسسسسسسسسسو
وبلع يا جدع

broken nonna
29-10-2007, 02:30 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">بم ان سيرة الدمايطة جت هقولكم على موقف بس
اوعى اى حد من دمياط او راس البر يزعل
اكيد هناك فى ناس كويسة جدا

بقى يا جماعة صيف سنة رابعة يعنى من يجي سنة و نص مثلا
طلبت من بابا اروح مصيف مع اصحابي فى الكلية
رفض و فضل مدة و المواعيد بتخلص واصحابي يكلموه
فين وافق
وايه وصلنى لحد الباص و كان ناقص على راى واحدة زميلتي يركب معانا
المهم رحت
و كانت رحلة الى راس البر جميلة جدا
صحيح من يوم ما لمست ارضها و انا صوتى رايح_عادي انا كدة لما بتحط فى ستريس_اول حاجة بتبوظ صوتى وادخل فى dysphonis
و الستريس هنا كان ابتعادي عن اهلى
لاول مرة فى حياتى
الحاجة التانية اننا 4 بتات فى اوضة واحدة
ولما كنت اقول كدة لصحباتى يضحكوا
_نفسي اعرف ليه_اول يوم الحمامات كانت نضيفة جدا
تاني يوم
اجاركم الله
استحالة دول يكونوا بنات
طبعا الحمام اتحرم علينا من تانى يوم وانا لسة ادامى 3 ايام ونص
بس و لا يهمنى
ايه يعنى امتنع عن الحمام 4 ايام
عاادي
والله بقى لما كله يخرج و تلقى الرجالة العمال هما اللي بينضفوا الحمامات
اكره نفسي
لا
اكره كونى بنت
ابدا
عاااادي
انا شخص اؤمن بالتخصص
عااادي
حمدت ربنا ان لو حد من العمال دول جراله حاجة مش هكون سبب
عاااادي
تانى يوم تلقى الباب بيخبط
نعم ممكن المكوة الللى عندكم
_بنت فىتربية عرفت ان فى اوضتنا مكوة اللى هى بتاعتي _
بقت تاخدها
هى لفة و اصحابها لفة تانية
بيني و بينكم انا نسيت انى كنت واجدة مكوة
افتكرتها وانا ماشية من هناك لقيت دادة المعسكر بتجيبهالي و تقولى دكتورة ....
مكوة حضرتك
انا شفت المكوة
قلتلها يااااااااااااااااااه
كانت فين ده
قالتلى عند استاذ .....
_مدير المعسكر!!!_
عااادي عااادي
ناهيكم طبعا عن الدبابيس اللى كانت بتتنقى
عااادي
و لا الشامبو و الكريمات
واللله بقى اول ما واحدة عرفت ان فى فى المعسكر sunscreen
عاوزة اقولكم انه ب 150 جنيه
كنت شارياه قبل المصيف ب 3 اسابيع
اتشرب شرب
معايا الازازة للذكرى لسه
عااااادي
كله كوم وساعة الفطار كوم
اللى تستسمحك فى مثلث الجبنة و ممكن تبدله معايا بالفول
طبعا لانى اصلا عندى irritable bowel ما كنتش باكله كتير الا لما نفسي تهف عليه
كنت بديها الجبنة وخلاص
عااادي
فى الغدا تلاقى واحدة تانية تطلب منك صدر الفرخة
اصل معاها دبوس و هى مش بتحبه
_طيب فين الدبوس مقابل الصدر(فى بالي طبعا)_
اديهولها واخلص
علما بان انت اصلا بتقول للشيف انت عاوز ايه بالضبط
و لو اخدت حاجة انت مش عاوزها بتبدلها
عااادي
شئ عااادي فى كل معسكر
كله كوووووووووووم و يوم ما جينا مسافرين بقى
تلاقى مثلثات الجبنة ظهرت
و البتاعة دة بتاعت حلاوة الرشيد
و ممكن تلاقى صدور و دبابيس الفراخ كمان
كله فى كياس ما تظهرش الا فى الباص واحنا ماشيين
طيب كانوا شايلنها فين الكام اليوم اللى فاتوا ده تلاقيها عفنت
!!!
عفنت قال عفنت قاااااااال
ولو عفنت
تسمع اننا ناس بتاكل الظلط
و تفشفش الطوب و كلام كدة
يالا عاااااادي
ده كان الجزء الاول من اللى غاظنى فى الرحلة العادية ده
نواصل مع الجزء التاني قريبا ان شاء الله</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
29-10-2007, 03:22 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ربنا يعزك يا دكتورة ايمي
و يعافيكي من الفشل
مشكورة على تعبك ومرورك
و انك كلفتى خاطرك تعلقي على موضوع
فاااااااااااااشل و لا يستحق التعليق


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
29-10-2007, 09:19 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">استكمالا للهلاااااك
قصدي للاستهلااااك
و تعدد الاستخدامات لشئ واحد
وجدت الاتى
رغيف العيش
انا و انت بناكله
و ممكن كمان الحمار لا مؤاخذة و الخرفان بتاكله
ممكن بنفس حالته و انت بتاكله
وممكن لما يعفن او يقدد
مع قليل من الاضافات و حبة مية
يبقى وجبة مية مية
عاادي
الفول
وما ادراك ما الفول
ممكن الفراخ تخمس معاك فى طبق واحد
و يبقى فول وملح يا راجل
عاااادي برده
حتى الجرانين
وااااااااااه يا عينى على الجلاانين و تعدد استخدامات الجرانين
فى ناس تمسك ورقى الجرنال و هاتك يا مسح فى المرايات والازاز
و حق ربنا انضف مراية تبقى ممسوحة بورقة جرنان
ممكن كمان يبعتك الجماعة فى البيت مشوار بسيط
لحد مطعم الفول و الفلافل
تبقى رايح عليك غضب الله
و قرفان و طهقان وشعرك واقف على راى دكتور اونلاين
زى شعر هيثم الدبور
_نفسي اشوفه_
و ياسلام بقى على واحد شبشب مشحف
و بصبع
تقف ادام محل الطعمية
وانت تراجع تتسلى فى اللى مكتوب على ورقة الجرنان
و الى غالبا ما بتكون يا صفحة من صفحات الحوادث
يا اخبار الفن
عادي
ممكن حتى نفرشه و احنا بناكل
سمك ماشي
خضار ماشي
و برده تتسلى و انت بتاكل بالاخبار
و اللى غالبا ما بتكون اخبار كورة او صفحة الاذاعة و التلفيزيون
عادي
و من اكتر الصفحاااااات انتشارا دلوقت بين ايدي معددى
الاستخدامات للجرانين
صفحة السياسة
ده بقى منتشرة اكتر فى المصايف او المناطق الشعبية قوى قوى
و الاكتر بقى جنب اسوار المدارس
ممكن تلاقي عليها اثار الاستخداااام فيبقوا وصلولك الخبر بالرؤية
او تشمه برده
فى الحالتين بتبقى النتيجة واحدة سواء قريت اخبار السياسة او شفتها بجوار الاسوار
او حتى شمتها
بتسب فى ام البلد و ناسها و تلعن
!!!
عااادي
و ممكن بقى صفحات المحليات
زى اللى حصل فى مصر النهاردة
و الرئيس عمل و سوى النهاردة
ده برده لا يختلف استخدامها كثيرا عن استخدام صفحات السياسة
اللهم بس فى انك بتشوف طريقة التنفيذ
يعنى مثلا
كنت فى مصيف و عاادي جدا تروح مصيف
و قاعد على الرملة
بين اكوام اكياس الزبالة و البامبرز وورق السندوتشات
و اكيااااااااس جاااااااااد اللى بالهبل
ووورق الجرانين طبعا
تلاقي سيدة فاضلة
ابنها كان فى المية_عيل قول 4 5 سنين مثلا_
طالع يقولها ماما عاوز اعمل حمام
تقوله طيب فى البحر يالا اجرى
ايه عااادي
يرجع الواد مبسوط
ماما انا عملت فى المية
تقوله خلاص يا حبيب يالا اجرى العب
_فى نفس المية اللى عمل فيها_
بس اقول ايه عااادي
ده حتى يورين الاطفال بركة و مش نجاااااسة خالص
وحتى لو نجاااسة
المالح بحاله يطهرها
عااادي
شوية كمان تلاقى الواد_نفسه_
ماما عاوز ادخل الحمام
تقوله تعالى هنا؟
مش قلنا فى البحر مش كل شوية تطلع من المية
الواد يقولها يا ماما المرة ده تقيلة
تقوله ايه؟
تقوم و هى عمالة
الله يخرب بيت خلفتكم
الله يخرب بيت قعدتكم
الواحد ما يعرف يتهنى بام ده قعده
الله يخرب بيت ابوكم
و ...............
_جت على دماغه فى الاخر اراجل_
تاخده على جنب سور من الاسوار اللى الناس بتقعد عليها على الكورنيش
او حتى اقرب نقطة على المية التقاء المية بالرملة
و تحفرله حفرة
عااادي
و تقعده
الطريف انها بتنقى الموقع
تبقى ادامك او ادام اتنين عرسان جداد
!!!!
و استنشق يود البحر على ميثان ال stool
يعنى استنشق و خلاص
طيب بحكم انها تقيلة لامؤاخذة
يعنى لازم تنضيف
فادامك حل من اتنين
يا تشطفه بمية المالح
ادامك برده
عاااادي
يا تدور على اقرب جرنان على الرملة
و غالبا ما بيطلع جرنان المحليات
حظى ان الجرنان اللى لمحته كان عليه صورة لواحد غالى علينا
كلنا
وهو رافع ايده
زى يا و لداه اللى كان حاسس باللي هيحصل لصورته
و بيستنجد ممكن
او حتى بيقولها لااااااااا
ارجوكى لاااااااااا
وهى قادرة
مسحت للواد بالجرنان
و ماكفاهاش العقاب ده
لا و راحت حادفة الورقة فى المية
يعنى موتته مسموم و مخنوق و غرقان
عاااااااادي
ويرجع الواد ينزل المية
و امه تقعد تقزقز اللب
و لا من شااف و لا من دري
ولو شاف او دري
هتقدر تبق معاها
هتنبش الحفرة اياها و تطفحك اللى فيها و تبلعك وراه بقين مية من المالح
و يبقى ده نوع اخر من استخدمااااات _اللى فالحفرة_
و مية المالح
عااااااادي
يا بلد............
عاااااادي</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

a1man
29-10-2007, 10:25 AM
:tamtam:السلام عليكم :tamtam:
دكتورة ايمي , متهيألي ان ده كلامك في موضوع بعنوان النصيحة وتقبلها
<!-- / icon and title --><!-- message -->


النصيحة تكون من الصديقة ومن الأشخاص الذين يهتمون بأمرنا
تري هل تتقبلها أم لا
أتقبل النصيحة بصدر رحب خصوصا أنها تجعلني أفضل
علي أن تكون بطريقة ملائمة وموجهة من الشخص نفسه وليس عن طريق أحد آخر



برضه متهيألي ان ده كلامك في الموضوع ده


موضوع فاشل بكل المقاييس و لا يستحق التعليق

معلش ارجو التوضيح
انا مش بصادر رأيك لا سمح الله
من حقك ان الموضوع مش يعجبك وتشوفيه فاشل زي ما انا من حقي اشوفه موضوع رائع
بس المشكلة الطريقة اللي انا اقول بيها انه عاجبني والطريقة اللي انتي تقولي بيها انه مش عاجبك
اتمني انك تكوني فهمتيني وتتصرفي
انا لو مكانك اعتذر لنونا علي الطريقة اللي كلمتها بيها مع الاحتفاظ برأيي ان الموضوع وحش

broken nonna
29-10-2007, 11:43 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">اولا منورة الموضوع يا دكتورة ايمي
ثانيا بالنسبة للجملة اللى قلتها
حضرتك دخلتى هاجمتى فى اللى موجودين و بالاخص
دكتور ارو
مع ان انا مش شايفة انه قال حاجة غلط
و على الاقل يعنى اذا كان فى شبهة تريقة مش محترمة حتى على والدتى انا كنت اولى منك او من غيرك
انى ارد وانا كفياة بانى اعرف ارد كويس واحرج اللى قصادي بذوق و من غير ما اخسره

ثالثا: بأكد للمرة المش عارفة كام ان اسلوب الحوار كان محترم على الرغممن كونه هزار و انا ماكنتش هقبل تهريج فى اى حاجة تخص والدتي
ولا ايه؟
رابعا:حضرتك زعلانة عشان قلت جملة واحدة بانت فى نظرك انها وحشة
يؤسفنى انى اطلع من ردودك الاتى:
علما بانى مش من النوع اللى بيتصيد هفوات الناس

حضرتك قلتى انا مش مصدقة المستوى اللى وصله اسلوب حوارنا
وقلتى كتر خيرك ورأيك مقبول طبعا و يحترم
ان الموضوع فاشل و لا يستحق حتى التعليق
ناهيكي عن جمل اخرى حتى مش عاوزة انقيها من وسط الكلام

خامسا: مين الى حضرتك كنتى بتدافعى عنه؟
والدتى
وليه؟
عشان كنا بنقول كلام وحش فى حقها_ده اللى هى والتي برده!!!_وهى غايبة
!!!!
مع انى ذكرت ان والدتى كانت جنبي فى الحوار
و قلت انها بتسلم عليكم نفر نفر
حصل و لا؟

سادسا: شكرا على كل حال
نيتك كانت طيبة و غرضك نبيل
الله يكرمك
اخيرا: رأيك انا اتقبله سواء الموضوع عجبك او لا اكيد هيبقى له وقع ايجابي عليا
احمد الله على نعمة انى متفتحة نوعا ما و ممكن اتقبل الهجوم بصدر رحب

ولكن: يا ريت رجاء خاص من حضرتك
و عااام من كل الاعضاء
ردود تانية ف الجزء ده من الحوار منتهى تماما
بلاش نذكر سيرة الامهات بالطريقة ده و كأن فى شتايم اتحدفت

بكرر_طلبي _للمرة التانية
انتهى التعليق على الجزء ده من الموضوع اذا سمحتوا


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

a1man
29-10-2007, 11:45 AM
:tamtam:السلام عليكم :tamtam:
انا مكنتش قرأت الكلام اللي قبل كدة بتاع والدة نونة ,بس دلوقت قرأته
انا مش شايف ان الحكاية فيها اي تجريح ولا حاجة ,الموضوع مخرجش برة حدود الادب خالص
ممكن انتي م تعرفي نونا كويس او طريقتها جديدة عليكي بس انا عن نفسي عاجبني جدا الموضوع بكل ما فيه
لتاني مرة ,انا مش بصادر رأيك ,بس انا كل اعتراضي علي طريقة ابدائك للرأي ده
اتمني تكوني فهمتيني ,نونا يعني عمرها ما هتجرح في والدتها
ملحوظة : ايه وان مان a1-man مش ايمن

أبو المعاطى شمروخ
29-10-2007, 01:58 PM
كله كوم وساعة الفطار كوم
اللى تستسمحك فى مثلث الجبنة و ممكن تبدله معايا بالفول
طبعا لانى اصلا عندى irritable bowel ما كنتش باكله كتير الا لما نفسي تهف عليه
كنت بديها الجبنة وخلاص
عااادي
فى الغدا تلاقى واحدة تانية تطلب منك صدر الفرخة
اصل معاها دبوس و هى مش بتحبه
_طيب فين الدبوس مقابل الصدر(فى بالي طبعا)_
اديهولها واخلص


فكرتينى بايام الاكل بتاع المعسكرات لما كنت بروح معسكرات
العبد لله كان معلم
فى ناس مبتحبش الفراخ طبيعتها كدة اقوم اقعد جنب منهم يوم الفراخ ويقوم عاطيلك الجزء بتاعه مقابل شوية سلطة مثلا
يوم السمك فى ناس مبتحبش السمك الزق لهم يوم السمك
واديله شوية سلطة شوية رز هو ونصيبه
وبكدة تلاقى خيرات الله متلتلة قدامك وتوكل على الله




تقوله طيب فى البحر يالا اجرى
ايه عااادي
يرجع الواد مبسوط
ماما انا عملت فى المية
تقوله خلاص يا حبيب يالا اجرى العب
_فى نفس المية اللى عمل فيها


انتوا عارفين انا بعرف المياه ازا كان فيها بول ولا لا ازاى؟
المياه تبقى باردة الى حد ما تقريبا
فى معظم البحر وانت ماشى فى البحر مثلا لقيت حتة من المياه سخنة اعرف ان دى مليانة بول امشى خطوتين تلاتة تلاقى برودة المياة رجعت



الدكتور ايمن بقى استشهد برد 10 /10
ايه يا دكتورة ايمى
هو الموضوع وحش حلو المفروض تعترضى بطريقة كويسة
الموضوع حلو تشكرى صاحبه
وحش ما تقطميش فى اللى كاتبه-اللهم ان كان بينك وبينه هزار وبتحب ترخم زى حالاتى-

ويا سلام يا نونا ع الدبلوماسية

وموضوعك اى كلام فى اى كلام
دى مواضيع دى

broken nonna
29-10-2007, 07:30 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">يا دكتور سامح موضوعى اى كلام فى اى كلام
ما نا عارفة
انا عملاه بس عشان اتباها فى يوم واوقول عملت موضوع دكتور ابو المعاااااطى شمروخ
دخله و رد فيه
يعنى ال أى كلاام بقى احسن كلااام
بص كدة مين اللى مر فى الموضوع
دكتورة كلمنتينا
و دكتورة ستروما
و انجل و روزا
و دكتور ارو
و نتاوي و انلاين
و دكتور سااااااااااامح اى جى
و mr azygos
ودكتور a1man
حتى دكتور حسام الديب الله يمسيه بالخير
ويكون كويس يارب
قال فى كلاام ممتاز جدا
و دكتور الاسمر بنفسه هنانى
و مدنجى كمان وعدنى
يكفى انه بقى فكرة لموضوع جديد
و عارفة ان فى كتير هيعدوا مش هيعجبهم
و مش بيردوا
و فى نااااااس مش عجبهم وردوا

كل الناس اللى ذكرتهم او لم اذكرهم
على راسي من فوق
احترمهم جدا و اتقبل رأيهم
و عشان ما حدش يتهمنى بانى لا اتقبل النقد
انا طلعت مااري منيب و كنت بهزر
ههههههههههه_مش عاوزة افتكر مش عاوزة افتكر_

و عااادي ان الموضوع ما يعجبش حد بس هى الفكرة فى الجملة الاتية
_ولو كنت فظا غليظ القلب لأنفضوا من حولك_
و كمان
_فلتقل خيرا او لتصمت_
ولو ما قلتش انت خيرا انا هصمت لان الجدل مش هيجيب غير جدل
و بعدين مش صح ابدا اتعامل زى ما المثل الغبي ده قال_انا اقول للاعور انت اعور فى عينه_
لا اخلاق ديننا و لا حتى الاداب العامة_حلوة الاداب العامة ده_
قالت كدة
ديننا دين لين و رفق

وعلى فكرة فكرة الموضوع كانت مناقشة حاجات غريبة فعلا و بتضايق فى مجتمعنا
عيوب كتيرة_حصلت بقى او ما حصلتش معايا_
هى عيوب وموجودة و لو ناقشتها بصورتها المجردة من اى فكاهة او سخرية
ما فرقتش معاكم
جايز كمان تبقى مصدر نكد
لكن انا اخدت حقايق فعلا موجودة بحبة تصريف و لعب
بقت شئ نوعا من ساخر

نورت يا دكتور ابو المعاطى




</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
29-10-2007, 07:39 PM
انا لسه ماقريتش الحاجات العادية اللي فاتت
بس لازم اعلق على كلام ايمي" انه موضوع فاشل بكل المقاييس"

الفونتات و اسلوب الكلام
فكرني بحسام الديب

بس خلاص

مصري متعصب
29-10-2007, 07:41 PM
هههههههههههههههههههههههههههههههه
حلوة قصة المعسكر بتاع دمياط
احلى حاجة في كتابات نونا انها بتمس حياة الشعب المصري فعلا
انا طول عمري بتمنى اكتب كلام يمس شغاف و حياة الشارع المصري
سبحان الله
بلغتها البسيطة القريبة الى لغة الناس استطاعت ان تكتب قصص جميلة جدا
و الاحلى من كدا انها قصص حقيقية
لدرجة ان الوصف اختلف
احيانا تكتب كأنثى حقيقية و احيانا واد صايع و احيانا تحس انها ام و احيانا زوج
والاحلى من كدا.....الجمل الاعتراضية و الحجات الصغيرة اللي بتحلي الموضوع
و طبعا مننساش الكلمة اللي اتبنى عليها الموضوع كله
كلمة عاااااااااااااااااااااااادي
فعلا اجدتي يا نونا

broken nonna
29-10-2007, 07:51 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">و الله عيطت يا مصري:waaaaawaa
متشكرة جدا:confused:
مش عارفة اقولك ايه بجد :akh:
ربنا يكرمك

ممكن خدمة
ابقى هاتلى من طنط طريقة مربى قشر البطيخ:icon_mrgr



</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
29-10-2007, 08:15 PM
فهمتى الكلام غلط يا نونااااااااااااااااااااااااااااااااااااااااا


اللهم ان كان بينك وبينه هزار وبتحب ترخم زى حالاتى


هزاااااااااااااااااااااااااااااااااااااااااااااااا اار

broken nonna
29-10-2007, 08:34 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">هو يعنى عشان مش حاطة emoticons
تفتكرنى زعلت
يا باشا ده حضرتك لسة عامل معايا واجب
_هنا ردي رد واد صايع صح؟!!_
عيب عليا حتى
والله ما زعلت
انا ما بزعلش بسرعة على فكرة و الله
_هنا تقلب على أم يا مصري صح؟_
لا تقلق
تحب ارش emoticons على الرد اللى فات
عشان تطمن انى مش مقموووص
_امشي هنا زوج؟!!_

فين بقى الانثى الحقيقية!!!!






</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

dr_0nline
29-10-2007, 11:07 PM
انا بقى احب اقول رايي بصراحة ودبلوماسية وديمقراطية واشتراكية وراسمالية....... الخ الخ الخ
*
هاقول بصراحة
ايوا هاتكلم اهه
ايوا لحظظظظظظظة احم احم
*
*
حاضرحاضر حاضر
*
الموضوع دا رااااااااااااااااائع واكتر من رائع كمان
والله بجد الموضوع دا تحفة ويتحط في تصنيف في العشرة موضوعات التوب
ويحتل المرتبة الاولى كمان
*
وبالنسبة لايمى ممكن نكون احنا فهمنا غلط
مش كدة ولا ايه
كل الحكاية
عااااااااااااااااادي
يعني في حد رد راي في مووضك مش لطيف في نظرك
انتي تبقى في قمة الغيييييظ وفي لاخر normal بتقولي... عاااااااااادي
مش الموضوع بيتكلم عن كولكيشن غيظ بردو
وايمي حبت توضح وجهة النظر دي بس كدة
شوفتو ازاي عااااااااااادي
*
go ahead nonna
*
waiting more and more
*
N.B.
أنا حلقت شعري عااااااااااااادي يعني
*
salamooz

broken nonna
30-10-2007, 09:47 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">
كلك ذوق يا اونلاين ربنا يخليك

هاااا
حصة الرمد الجاية امتى؟
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
30-10-2007, 09:48 AM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off"></TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">نك تلف حوالين نفسك فى الكلية
مكان الراوند فين
او ورق دكتور فلان تجيبه منين وارد
تدوخ عشان تعرف تخرج من مكتبة التصوير
و تبدأ تدوخ من تانى و انت بتراجع الورق و تشوف ايه اللى ناقص
عشان ترجع تتحشر تانى فى وسط الطلبة بنات بقى ولاد ما يضرش
كلنا اخوات فى الاسلاااام
امال
عااادى عاادى
انك برده تسأل انت فى لجنة كام
و عند دكتور مين
طيب الدكتور ده كويس
ولا هاف كويس
برده عااادى
حقك تطقس برده
انك تبقى ماشي فى منطقة ما تعرفش فيها حد
تسأل البياعين
و الماشيين
القاعدين و الواقفين
و تبقى فرجة
بالذات لو لابس نضيف
او ماشي فى منطقة شعبية
عااادي برده
تركب ميكروباص
مش عارف الاجرة تسأل اللي جنبك يا يرد عليك يا يتاوب فى
وشك عااادي برده
تلف للى جنبك الناحية اتانية
يا يجاوبك يا يزعق
فى الحالتين
ما كانش المفروض تسأل انت استنى لما السواق يا قول:
فى حد بيستهبل و لسه ما دفعش
ابقى قوله الاجرة كام يا اسطى؟!!
عااادي

و من ضمن العاااادي
انك لما تنوى بعد 30 35 سنة فى الدنيا انكك تتأهل و تفك
كرب بنت مسلمة
تسأل اهلك تعرفوش بنية بنت حلاااال
او حتى تسأل زمايلك
و ممكن كمان ترخم عليه و تزوره فى بيته لو عرفت بالصدفة انه له اخت
اهه تلقي نظرة برده
لعل وعسى
او بقى تروح فرح و ترمي عينك هنا او هنا


ويا ريت بس شغلانة فى التدوير عن البنت المناسبة
ده شغلانة تانية كمان بعد ما تلاقيها
تقعد تسأل اكتر من الاول
تلف المنطقة تدف كل الابواب
تعرفوا فلانة
بنت فلان اخت فلان
عااادي عاادي
ايه يعنى ما حصلش نصيب بعد كده
ماسمهاااش شنعت ع البت
تعالى كدة نسميها الصيت و لا الغنى
يعنى اهى حاة البنت فى يوم تقولها انا جالي و لف عليا يسأل
عااادي برده
عاادي برده انك تقعد معاها
فى بيت اهلها ربع ساعة فى صالون على جنب
تسألها بتحبي ايه
ايه هواياتك
و عااادي جدا تسأل السؤااااااااااااال العااااااااااااادي
ايه صفات زوجك اللى تتمنيه؟
ترد عليك هى برده بالاسطمبة
اياها متدين و اخلاق و ابن ناااااس
و يراعي ربنا فيا و المستوى الاجتماعى
ووووو
عااادي
فى بنات بقى ليها طلباااات عااادية برده حقها
يعنى مثلا
عندى واحدة صاحبتى اول حاجة بتسأل عليها
عنده عربية؟
ايه هتقولوا مادية
لا معلش اسمحلى
مش عااادي برده انك تطلب واحدة طول بعرض_تنفع ده يا ابو المعاطي؟!! هما الاتنين نفس المعنى و لا تختلف انا اصلي يهمنى احافظ على المعنى:icon_mrgr:icon_mrgr:icon_mrgr:icon_mrgr _ ولا ايه؟!!
هى حرة فى طلبها و انت حر فى طلبك عااادي
و واحدة تانية
مثلا تقولى ده راسه عند كتفى
طيب مين فينا اللى يلبس جزمة بكعب يوم الفرح!!
برده عااادي
ولانى اؤمن بالعادي
لما اتسألت فى مرة السؤال ده انا كمان
قلت الاسطمبةاياها
و اضفت تلات طلبات
عاااديين و الله
مثلا ريحة الرجلين و ريحة العرق و الصوت اثناء الاكل
!!!
غلطتش انا
عااادي
ماعرفش هو برق ليه
بصراحة ساعتها_الظاهر كده مالوش فى اعااادي_
و ما عرفش ليه بابا مسح بكرامتى الارض تانى يوم لما ماما
فتنت عليا وقاالتله و فضلوا متغااااظين مني ييجي اسبوع واكتر
مع ان انا شايفة انه عااادي
كل ده و برده لسة عااادي
بعد ما خلاص البنت تعجبك تاااني
ترجع تسأل عليها
و لو كانت ساكنة فى بيت قديم
تروح وتسأل
بس هى الفكرة انت بتسأل مين؟!!
جالي تليفون من واحدة قابلتها فى الكلية فى مرة
دفعة اصغر منى
طلبت حاجة وحاولت اتصرف له بس للاسف ما عرفتش
وطبعا كان لازم تعرفلي نمرة عشان تتصل
و لانها ما كانش معاها موبيل
وواضح انها على قدها ماديا
من نفسي والله اديتها نمرة البيت
شئ عااادي اى حد ممكن يتصرف كدة
اتصلت بيا
_ويعلم الله قد ايه انا حزينة _
بتبكي زى العيال
لانى مش فاهمة منها حاجة
غير انها فى مشكلة
اخدت نمرة بيتها وقلتلها تتوضا وتصلي واناهكلمها
فعلا ربع ساعة واتصلت
لسة بتعيط و بتتشحتف طبعا
بس اهدى عن الاول
خير؟
كان فى واحد عاوز يتقدم لها
حدد معاد مع اهلها عشان يزورهم مع اهله
وقبل المعاد ب 8 ساعات
يتصل _منه لله_يقولها معلش
اعتبري الموضوع منتهى
!!!!!!
هنقول نصيب ببرده عاااادي
بس السبب
السبب ايه
؟!!
تخيلوا
انه سأل عليهم لقى ان باباها معرفش كان
شغال فى ادارة توزيع البريد و لا ايه
موزع بريد
سااااااااعي!!
عشان باباها ساعي
طيب شوف اخواتها
مهندس و هى طبيبة و السن
!!!
طيب ناس كويسةو لا لأ
؟!!
لكن ترفضها عشان باباها ساعي
ليه اسم الله ابن بارم ديله
و الله لوحتى ناتفه
ما تعمل كدة!!
البنت قعدت تتكلم
تتكلم
والله ما عرفت ارد عليها غير بكلمة واحدة
عاااااادي
حاولت اروق عنها على قد ما قدرت
واللى كان طالع عليا
قااااال ما لقوش فى الورد عيب قالوا يا احمر الخدين!!!
خيبة بعيد عنكم
عااادي
اما صدمتى التانية
اتصل بينا واحدة معرفة_ضابط شرطة_
لاقانى صوتى مش تمااام
فرغت فيه الشحنة بصراحة اهه راجل الواحد يطلع غيظه من الرجالة فيه
يقولي ايه وهو بيضحك_ناااس ما عند....._
عاااادي
طيب ده انا مرة واحد زميلي قاللي خد العنوان ده
اسأل على البنت ده
عاز اخطبها
البنت فى فنون تطبيقية
راحوا ويلفوا ويدوروا
فين طلعت ساكنة فى حتة مستخبية من اللى جوا فى رمسيس
عاااادي
يسألوا مين بواب البيت
البقالة اللى جنبه
محل الهدوم و الخردوااات ماشي
_الجيران لا عشان ممكن يحابوا للبنت واهلها!!!!_
قلتله ده باعتبار ان صاحب البقالة يعرف البنت و معاشرها
و لا محل الخردوات ده بايت فى حضن اهلها طول اليوم؟!!
قاللي امال اسأل اللى ممكن يضحكوا علينا
المهم انهم فضلوا يسألوا يسألوا لحد ما وصلوا
لاول الشارع وهناك كان فى محل موبيليات
سألوا الراجل صاحبة_وهما ايه بيحركوا المسدس اللى فى الجراب بتاع الحزام بتاع الوسط
ايشكمن عشان الراجل يقول الحقيقة لازم يهااابه_
الراجل قال كلاااام سو نايس
و فجأة قاله بس هى فى حاجة يا باشا
ام البنت جت فى العيد اللى فات
_العيد اللى فات بس كانت اول واخر مرة صلا_
وقفت تبيع ملايتين فى حوش العماااااارة
!!!!
وقفت الجوازة عشان امها وقفت مع جارتين لها فى الحوش و باعت ملايتين
لا حول ولا قوة الا بالله
الله ياخد العااادي اللى من النوع العاااادي ده


</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">


</TD></TR></TBODY></TABLE>

mr_azygos
30-10-2007, 10:28 AM
N.B.
أنا حلقت شعري عااااااااااااادي يعني

me tooooooo:waaaaawaa

a1man
30-10-2007, 11:27 AM
:tamtam:السلام عليكم :tamtam:




وقبل المعاد ب 8 ساعات


يتصل _منه لله_يقولها معلش


اعتبري الموضوع منتهى


!!!!!!




الواحد بيتخنق جدا من الشخصيات دي وللاسف ,دول بقوا كتير اوي ربنا يعافينا


بجد ربنا يكون في عون البنت


بس خلينا نبص للنص المليان من الكباية علي رأي مدنجي , كويس انه اتصل واعتذر


بس صحيح هو بيعتذر علي ايه


اصل دي مش خروجة مع اصحابه هيعتذر عنها لانه عنده مغص


ولا هو درس هيعتذر عنه ويأجله لميعاد تاني


احنا هنا بنتكلم عن بنت نفسيتها هتتدمر


وشكلها في وسط عيلتها ( مع انها ملهاش اي ذنب )


وووو


بس برضه كويس انه اعتذر:mmmm mmmm

مصري متعصب
30-10-2007, 12:18 PM
مش عااادي برده انك تطلب واحدة فرسة ولا ايهيااااااااااااااااااه
انتي قديمة اوي
المصطلح دا بطلناه من زمااااااااااان
try to be updated


<table id="HB_Mail_Container" unselectable="on" border="0" cellpadding="0" cellspacing="0" height="100%" width="100%"><tbody><tr width="100%" unselectable="on" height="100%"><td id="HB_Focus_Element" unselectable="off" background="" height="250" valign="top" width="100%">
هى حرة فى طلبها و انت حر فى طلبك عااادي

لما اتسألت فى مرة السؤال ده انا كمان
قلت الاسطمبةاياها
و اضفت تلات طلبات
عاااديين و الله
مثلا ريحة الرجلين و ريحة العرق و الصوت اثناء الاكل
!!!
غلطتش انا
عااادي
ماعرفش هو برق ليه
بصراحة ساعتها_الظاهر كده مالوش فى اعااادي_
و ما عرفش ليه بابا مسح بكرامتى الارض تانى يوم لما ماما
فتنت عليا وقاالتله و فضلوا متغااااظين مني ييجي اسبوع واكتر
مع ان انا شايفة انه عااادي
كل ده و برده لسة عااادي

</td></tr><tr unselectable="on" hb_tag="1"><td style="font-size: 1pt;" unselectable="on" height="1">
</td></tr></tbody></table>


انا حعلق على اكتر من حاجة
رقم واحد....كلمة مثلا....هو انتي قلتي حجات اكتر من كدا كمان
رقم اتنين...ازاي جالك قلب تسألي عن التلات حجات دول..يعني سألتيه قولتيله ايه....اغسل رجلك مثلا...وللا لازم تستحمى كل يوم....وللا ايه بالظبط؟
اكيد الواد دا سيطلك حتت تسييطة
استني بقى الجيل الجديد
رقم تلاتة....انك لسه حاسة ان اللي عملتيه دا عادي؟
رقم اربعة.....كان نفسي اكون موجود في الصالون دا عشان اشوف كمية الغيظ اللي حتكون على وش الراجل دا؟
رقم خمسة.....كان الله في عون والدك...دا اكيد اتغاظ غيظة رهيبة؟
انا عاوزك تكتبي قصة كاملة تكون فقط عن الطلبات الغريبة اللي بتطلبها البنات في الصالونات وكل حاجة بتخطر على بالهم
عشان كل واحد يعمل حسابه


وقفت الجوازة عشان امها وقفت مع جارتين لها فى الحوش و باعت ملايتين
لا حول ولا قوة الا بالله
الله ياخد العااادي اللى من النوع العاااادي دهاحلى حاجة في الشعب المصري انه لا يرحم و لا يسيب رحمة ربنا تنزل
هو سأل بتاع موبيليا....رد عليه رد حلو تحت تأثير هز المسدس
ليه يقول في الاخر امها باعت ملايتين
ليه يعمل كدا
خلاص يعني حبكت يصدق معاه
صادق هو اصله في كل حياته و كلامه
يا بلد تيييييييييت
يا بلد تيييييييييييت

broken nonna
30-10-2007, 07:31 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">لا يا مصري لا
انا ما طلبتش بالاسم:icon_mrgr
انا قلتله ايه
انا عاوزة واحد متدين ابن نااس
بيصلي فى المسجد
مابيدخنش_اسكت ده كان ليها حكاية بس استحالة اقولها صراحة_:icon_mrgr:icon_mrgr:icon_mrgr
يحترمنى _مهمة قوى النقطة ده_
و بعدين قلت بس انا ليا طلبات خااااصة :icon_mrgr:icon_mrgr
قاللي اتفضلي
قلتله
كذا وكذا وكذا
مش فاكرة فعلا كان فى حاجات تانيةو لا لأ:tamtam:
انا مش عارفة يعنى ايه سيططتنى ده يا مصري
بس عموما هو برق جامد وقعد كام دقيقة لا يتكلم
و بعدين ضحك ضحك:icon_mrgr
و الله انا بقيت اضحك زى الهبلة على ضحكه
بابا طبعا لازم يتغااااظ
بس بص بقى من الاخر الصرااااحة راااااحة
و التكلف و التصنع مش ميزة
اتلقائية فى البنت بالذات حاجة لذيذة
وبعدين الحاجات التلاتة دول بالنسبالي irritating جدا
يعنى ممكن اقوم من على سفرة بذوق كدة لو اللى عليها عمال يشحتف فى الاكل
اعمل ايه طيب؟!!
_هى حاجة وحشة يا مصري؟_:waaaaawaa


من عينى حاضر نعمل موضوع موازى لموضوع دكتور برايت
جايلك عريس هتقوليله ايه؟
بس نستأذنه الاول

ايه تااااني
اه مش بلد تيييييييت
هى بلد _ معظم ناسهاااااااا_ تيت_معلش يعنى.

بالنسبة لل updating لا كدة حلو قوي
يا مصري انا اخويا الصغير بيقولى انا بنسى نفسي ساعاات
و انسى انك اختى و اتكلم معاكي كما لو كنتى واحد صاحبى!!!

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
30-10-2007, 07:33 PM
انا مقرأتش الموضوع بس تعليقا على كلمة فرسة-يخرب عقلك يا نونا-


انا أتحرج اقول الكلمة دى لو انا واقف مع ناس معرفهومشى
دا انت بتجيبى كلام
فرسة !!!!!!!!!!!!!! ههههههههههههههههههه
عااااااااااااااااااااااااااااادى

broken nonna
30-10-2007, 07:41 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">ooooops
يعنى ايه يا ابو المعااااطي
معنديش دم مثلااا
و لا ما بتكسفش انى كتبت الكلمة و لا ايه النظااااااااااام؟!!
والله انا بنت نااااس
و مش طبعي على فكرة اقول الكلام ده مع اى حد فعلا
بس يعنى ميزة المنتدى انه بيخلى الواحد تلقاااائي كدة
و بعدين ماهو من غيظى
ده دي...
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
30-10-2007, 08:38 PM
نونا

انا عايز تلقائية بس من غير كلمة فرسة

ومين قال ان معندكيش دم
انت عندك 5.6 لتر تقريبا


هتزعلينى منك كدة

broken nonna
30-10-2007, 08:55 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off"><?xml:namespace prefix = o ns = "urn:schemas-microsoft-com:office:office" /><o:p></o:p>
عااادي ع الصبح مش مفوق لسة<o:p></o:p>
تضرب ماج نسكافيه متين<o:p></o:p>
او حتى فنجان قهوة ابن ناس <o:p></o:p>
بلااااااااش<o:p></o:p>
كباية شاي مغلية حبر طالع عين اللى جابوها واللى يعرفوها<o:p></o:p>
و اكيد اكيد عين الل هيشربوها برده<o:p></o:p>
عااادي برده<o:p></o:p>
عاادي برده تبلبع اتنين موتيفال قبل ما تنزل من البيت <o:p></o:p>
يعنى احتياطى لاكتئاب اليوم وعوامل الاحباط<o:p></o:p>
و استحضاااارا لأرواح <o:p></o:p>
العااااااااااااااااادى<o:p></o:p>
<o:p></o:p>
<o:p></o:p>
فى ناس تضرب تلات اربع حبات <o:p></o:p>
نعناااااع<o:p></o:p>
جايز تصادفه عبير وسهام ع المحطة <o:p></o:p>
واااجب برده<o:p></o:p>
<o:p></o:p>
عااادي اول ما توصل الكلية <o:p></o:p>
لو انت واد كلااااس بقى و شايف نفسك<o:p></o:p>
تجري ع الكافتيريا _اذا اصلا لقيت كافتيريا_<o:p></o:p>
تجيب كباية نسكاااافيه <o:p></o:p>
لمجرد المنظرة مش اكتر<o:p></o:p>
_بلاش اقولكم احنا بناخد النسكافيه منين فى طب عين شمس<o:p></o:p>
اسألوا اى حد بلاااش انا لحسن لساني اطول منى_<o:p></o:p>
<o:p></o:p>
حتى لو مكان مش عاااادي<o:p></o:p>
<o:p></o:p>
نمشيها احنا عادي<o:p></o:p>
<o:p></o:p>
تلبس الكوتشي الجينز<o:p></o:p>
والبنطلون الجينز<o:p></o:p>
تضرب عليهم واحد تونيك كحلي مهبب<o:p></o:p>
و ايشارب تيتا اللى كانت متعصبة بيه و نايمة<o:p></o:p>
تسحبه من راسها و تاخده <o:p></o:p>
عااادي عاادي<o:p></o:p>
اقلب نفسك اى قلبة و انزل و خلاااااص<o:p></o:p>
<o:p></o:p>
تقف على المحطة <o:p></o:p>
لعل وعسى ربنا يكرم بميكروباص عدل ع الصبح<o:p></o:p>
فيييين ميكروباص جه ورايح العباسية<o:p></o:p>
طبعا يعنى مش هتركبه<o:p></o:p>
مش هتلحق اساسا تفكر تركبه<o:p></o:p>
تستنى تااني ما يضرش<o:p></o:p>
عاادي<o:p></o:p>
ثلاث شباب زى الفل واقفين<o:p></o:p>
شايفينك كل يوم متبهدل فى الركوب<o:p></o:p>
اول ما ييجي ميكروباص عباسية اللى ينط من الشباك و اللى يحشر نفسه فى وسط الناااس<o:p></o:p>
المهم ركبوا وانت واقف تتفرج<o:p></o:p>
تسمع صوت:<o:p></o:p>
يا انسة يا نسة<o:p></o:p>
ابص<o:p></o:p>
واحد من الولاد التلاته حجزلى ورا<o:p></o:p>
طبعا انت هتقول شهامة:smiley20: وعادي:icon_mrgr<o:p></o:p>
انا قلت كدة برده:icon_mrgr:icon_mrgr<o:p></o:p>
ركبت قعدت على الطرف اللى ورا الكرسي القلاب ده<o:p></o:p>
على ايديكم اليمين يا شباب<o:p></o:p>
فاهمنى<o:p></o:p>
؟!!<o:p></o:p>
تخيلوا بقى <o:p></o:p>
كله يدفع الاخرة الا التلات ولاد دول<o:p></o:p>
اللى على فكرة فى منهم اتنين جنبي<o:p></o:p>
<o:p></o:p>
الراجل يقول باقي تلاته ما دفعوش ودول ابدا<o:p></o:p>
الراجل بدأ يشتم و ناس بتستهبل<o:p></o:p>
و دول ابدا<o:p></o:p>
راجل من الركاب قالهم<o:p></o:p>
فقال ايه معلش يا اسطى ماخدنااش بالنا<o:p></o:p>
دفعوا اخيرا<o:p></o:p>
هما دفعوا من هنا <o:p></o:p>
و عدوينكم<o:p></o:p>
<o:p></o:p>
<o:p></o:p>
العيال انفجرت ضحك<o:p></o:p>
و كلام غريب<o:p></o:p>
عن الجنة <o:p></o:p>
لا بصوا انا هحكيلكم بالضبط<o:p></o:p>
واحد فيهم بيقول للتانى ايه<o:p></o:p>
هو السواق طاير بسرعة؟!!<o:p></o:p>
التاني قاله باين كدة<o:p></o:p>
يرد التالت :<o:p></o:p>
طب لو متنا؟!!<o:p></o:p>
واحد فيهم يقوله رايحين الجنة<o:p></o:p>
ليه يا معلم:<o:p></o:p>
عشان احنا رايحين الجامعة<o:p></o:p>
ده قااال كدة <o:p></o:p>
و التلاتة انفجروا ضحك<o:p></o:p>
يرد واحد فيهم يااااه الجامعة جهنم حمرااا<o:p></o:p>
والميكروباص ده الموصلااااتى<o:p></o:p>
و هااااتك يا ضحك <o:p></o:p>
طبعا الكلام غريب والاسلوب اغرب<o:p></o:p>
<o:p></o:p>
لا اقصد عااادي<o:p></o:p>
الصوت كان عااالى جدا جدا<o:p></o:p>
واحد راح بيوقل للتاني<o:p></o:p>
الحق يااااه<o:p></o:p>
الحق<o:p></o:p>
ايه اللى ماشي على التيشرت ده<o:p></o:p>
الواحد راح بص على تيشرته <o:p></o:p>
ايه يا بنى بس ايه؟<o:p></o:p>
بطريقة اللى نعسان مغم عليه<o:p></o:p>
قاله فى وساخة ع التي شيرت<o:p></o:p>
قاله وساخة وساخة <o:p></o:p>
ولا وساخة وساخة؟!!<o:p></o:p>
_لامؤاخذة يا جماعة_<o:p></o:p>
قاله لا وساخة وساخة<o:p></o:p>
التانى راح قاله وريني يا بنى<o:p></o:p>
مسك التيشرت <o:p></o:p>
قاله فين يابنى<o:p></o:p>
قاله ده ده<o:p></o:p>
ده اه ده<o:p></o:p>
تصدق فعلا وساخة<o:p></o:p>
تلاقى الواد بيسأل السؤال العااادي تاني<o:p></o:p>

طبعا انا انكمشت فى الكرسي<o:p></o:p>
و هاتك يا ايه الكرسي <o:p></o:p>
عااادي<o:p></o:p>
الناس تلف تبص على <o:p></o:p>
اقول ايه <o:p></o:p>
ماعلينا<o:p></o:p>
المهم واد منهم قالهم بص ياه بص<o:p></o:p>
ايه اللى خرج من ال...._مش هينفع اقولها اكتر من كدة_<o:p></o:p>
الواد صاحب التيشرت قاله ايه؟<o:p></o:p>
قاله صرصار ده و لا<o:p></o:p>
الواد ما كملش الجملة<o:p></o:p>
التانى قعدت يتنفض صرصاااار<o:p></o:p>
صرصصصار<o:p></o:p>
و قلع التيشرت<o:p></o:p>
و حدفه من الشباااك<o:p></o:p>
و قعد ينفض نفسه_حدف التي شيرت من الشباااك_<o:p></o:p>
صاحبه التاني قاله<o:p></o:p>
يا اهبل انت رميت التي شيرت ليه<o:p></o:p>
كنت رميت الصرصاار بس<o:p></o:p>
التالت <o:p></o:p>
دلدل راسه من الشباك عشان يلحق التي شيرت<o:p></o:p>
عااادي!!!<o:p></o:p>
طبعا السواق بقى عمال يشتم و العربيات اللي جنب الميكروباص بقى اصحابها يشتموا<o:p></o:p>
السواق وقف و قعد يجر الاخ الملط اللى ورا عشان ينزل<o:p></o:p>
نزلوا فعلا<o:p></o:p>
وقعدوا يجروا فى وسط العربات عشان يجيبوا ال تي شيرت<o:p></o:p>
هو الواضح انهم ضاربين حاجة هباب ع الصبح <o:p></o:p>
يا حاجة طين بالليل<o:p></o:p>
<o:p></o:p>
عااادي<o:p></o:p>
ما قولتلكمش الصرصار اللى خلى الود قلع التي شرت ده ايه؟!!<o:p></o:p>
<o:p></o:p>
بادج بنى كدة زى بادجات الماركات <o:p></o:p>
طباعة او تطريز خفيف<o:p></o:p>
عااادي جدا عااادي<o:p></o:p>

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

broken nonna
30-10-2007, 08:58 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">شكرا دكتور ابو المعاااطي
نصيحة مقبولة :icon_mrgr:icon_mrgr
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

مصري متعصب
30-10-2007, 09:13 PM
كان نفسي اشوف شكلك و انت قاعدة جمبهم و كل الحجات دي بتحصل
هههههههههههههههههههههههههههههههه

broken nonna
30-10-2007, 09:21 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off"><?xml:namespace prefix = o ns = "urn:schemas-microsoft-com:office:office" /><o:p> </o:p>
راكبين ميكروباص فى اسكندرية اتجاه المنتزة <o:p></o:p>
مروحة بيتنا و معايا ناس قرايبى<o:p></o:p>
فى حاجة عااادي<o:p></o:p>
<o:p></o:p>
وقف الميكروباص طلع ناس<o:p></o:p>
قعد ورايا واحد شكله محترم وماسك كتب <o:p></o:p>
غالبا يا طالب ثانوي وجاي من كورس<o:p></o:p>
يا حد بيحضر حاجة يعنى المهم انه بيدرس<o:p></o:p>
عااادي برده<o:p></o:p>
<o:p></o:p>
الولد من ساعة ما ركب وهو نازل هبد فى ضهر الكرسي<o:p></o:p>
شوية و بقى طبل على مسند الكرسي<o:p></o:p>
شوية كمان<o:p></o:p>
و بقى غنى <o:p></o:p>
شوية كمااااااان<o:p></o:p>
و هوب لقيت الاخ مطلع راسه من الشبااااك<o:p></o:p>
و اى حد يعدي بعربية تويوتا <o:p></o:p>
يقوله <o:p></o:p>
يا حراااامي<o:p></o:p>
عااادي عااادي<o:p></o:p>
<o:p></o:p>
واحد بقى <o:p></o:p>
راكب عربية مرسيدس E200<o:p></o:p>
وقاعد ورا بيقرا جرنان عقبال املتكم<o:p></o:p>
عنده سواق<o:p></o:p>
ضهر الجرنان عليه صورة للسيد رئيس الوزرا احمد نظيف<o:p></o:p>
و الرئيس<o:p></o:p>
ده بعيد عنكم شاف الصور<o:p></o:p>
و هااااتك يا سب و لعن ويا حرامية و يا كلاب<o:p></o:p>
و يا تيييييييييييييت<o:p></o:p>
عاادي جداا<o:p></o:p>
طبعا كل اللي راكبين فهموا اللى فيها<o:p></o:p>
يا اتهبل يا ولدااااه يا اتسطل<o:p></o:p>
عااادي<o:p></o:p>
نزل فى سيدي بشر <o:p></o:p>
ركب ناس تانية من ميامي<o:p></o:p>
بالتحديد من بير مسعود<o:p></o:p>
خدوا الكنبى اللى ورا السواق ادامى على طول<o:p></o:p>
دخلتهم دخلة تماااااام <o:p></o:p>
ريحة سندوتشات الكبدة الاسكندرااانى تجوعك لسنة قداااام<o:p></o:p>
و طبعا شوية تسمع صوتهم عااادي _بقهم فاضي_<o:p></o:p>
وشوية الصوت يتخن_بياكلوا _<o:p></o:p>
عااادي<o:p></o:p>
<o:p></o:p>
على ماوصلناالعصافرة <o:p></o:p>
كا ن الميكروباص صفصف على 3 انا و ال2 قرايبى<o:p></o:p>
و التلاتة اللى قصادنا<o:p></o:p>
<o:p></o:p>
و الظاهر ان اللى قصادنا دول افتكروا ان الناس كلها نزلت <o:p></o:p>
و احتسبوا ان السواق متوفى و لا ايه<o:p></o:p>
<o:p></o:p>
وواحدة فيهم راحت<o:p></o:p>
مصدرة صوت <o:p></o:p>
عاادي اللهم اجعله عااادي<o:p></o:p>
بيني و بينكم انا كنت بشبه على انها ممككن تكون<o:p></o:p>
و الله اعلم كدة<o:p></o:p>
كرعت_معلش بقى مالهاش معنى قريب_<o:p></o:p>
اتأكدت امتى انها كرعت <o:p></o:p>
لما السواق لف يبص على مصدر الهبو السخن<o:p></o:p>
او القبر اللى اتفتح <o:p></o:p>
بيني و بينكم انا انفجرت ضحك <o:p></o:p>
ما بقيتش عارفة الم روحى<o:p></o:p>
لدرجة ان قرايبى بقوا بيقولولى هنتطقطع يا نونا <o:p></o:p>
اقولهم <o:p></o:p>
وهنتشوح <o:p></o:p>
و اضحك<o:p></o:p>
التانية تقولي با بت اتلمى عيب<o:p></o:p>
اقولها و هنترص فى سندويتش<o:p></o:p>
واضحك<o:p></o:p>
اللى يضحكك اكتر لما تلاقى الست اياها بتتاسف للسواق <o:p></o:p>
و التانية تبرر قال ايه<o:p></o:p>
التوم كله من التوم <o:p></o:p>
التوم كبس على معدتها لا مؤاخذة يا اسطى<o:p></o:p>
و الله انا قعدت اضحك ضحك واول ما نزلوا السواق قعد يمسح قفاه<o:p></o:p>
و الى طالع عليا الله يكون فى عونه قفاااااااه اتحرق<o:p></o:p>
<o:p></o:p>
<o:p></o:p>
عاااادي
</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

مصري متعصب
30-10-2007, 09:26 PM
هههههههههههههههههههههههههههههههههههههههههههههههههه هههههه
مش ممكن
دي فظيعة اوي
انت علطول كدا فضحية
هههههههههههههههههههههههههه

broken nonna
30-10-2007, 09:31 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">و الله يا مصري انا افتكرت اموقف دلوقت ومن ساعتها مش قادرة ابطل ضحك

اصلمك مش متخيل
الست افتكرت ان ما فيش حد فى الميكوباص قالت تاخد راحتها
الظاهر
انا بعيد عنك سمعت الصوت اصلا
تنحت
وهى اصلا قبلها بتعمل مقدمات زى مثلا بتتحرك كتير فى الكرسي زى اللى فى حاجة مؤرقه قعدتها
توطى لادام مرة و مرة ترجع بضهرها فى الكرسي
جايز ده يضيع الانتفاخ او الاحساس بال reflux
بس ابدا
ما قدرتش تمسك نفسها اكتر من كدة
وضاع قفا الراجل

ههههههههههههههههههههههه
لا و التانية بتقوله معلش يا اسطى

ههههههههههههههههههههه
عااادي

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

أبو المعاطى شمروخ
30-10-2007, 11:24 PM
دا السواقين دول بيشوفوا حاجات
يا نهااااااااااااااااااااااار

broken nonna
01-11-2007, 12:39 AM
فى عادات لكل بنى ادم صعب يغيرها
خلاااص بقت فى دمه
زى مثلا
يقرا قبل ما ينام _بعيد الشر عنكم_
ينام على موسيقى_مش عارفة ايه الحكمة _
يشرب كوباية لبن دافى و يغسل رجليه برده قبل ما ينام
كل ده عاادي
فى ناس تانية قبل ماتنام لازم تضرب كام حادثة شيك من مجلة الحوادث
عااادي
بيتفاءلوا كدة جايز
فة ناس برده ما يحللهااااش تقرا جرنان غير مع كباية شاي او قهوة و سيجارة
عااادي
انا بقى من الناس اللى تتجن لو حد مسك الجرنانا قبلها
ما حبش حد يقرا الجرنان قبلي و من غير سبب
بتغاااظ جدا وممكن اعمل خناقة لو اكتشفت ان الجرنان ده اتفتح
ايه عاااادي
اللى حصل بقى ان من كام يوم بالتحديد
يوم 28
بابا جاب الجرنان و انا ما بحبش الجرنان ده
_الجمهورية_
المهم انا شفت انه الجوهورية اتغميت شوية و نفسي
زى ما تقولوا كدة عفت عنه
عااادي
يبقى نفسك فى حاجة معينة و يجيبولك حاجة تشبهها
فما تعجبكش قوي تتضايق
عااادى
انا اصلي ما تعرفش بحس انى هتنكد لو حد فتح الجرنان قبلي
اكتر من النكد اللى هيقوله الجرنان
عااادي
ده حتى حالتى بسيطة
انا اعرف ناااس لو اللبن فار تتجن
و ممكن تعمل مصيبة و تكسر
عااادي
طبعا سيبت الجرنان ما مسكتوش
ودخلت نمت
ساعة اتنين تلاتة
بابا ماقدرش بقى
مسك الجرنان و قرااااه
قمت من النوم
على الجرنان _مش عفن منى والله احنا ناس بتقوم من النوم احلى من صحيانها_
عااادي عااادي
امسك الجرنان اول حاجة صورة السيد الرئيس
_اول القصيدة....._
قلت عااادي فى جرنال قومي فى مصر يقدر اصلا ما يحطش صورته على اول
صفحة
ده كان اتشمع من زماااان
عااادي
تلقاه عمل ايه
هنى مش عارفة فريق ايه العسكري ايشكمنه فاااز
عااادي
هو يعنى الراجل هيقطع بعضه
امبارح يسلم على فلان و يكلمه فى التليفون
و اول امبارح يبارك للاخوة المش عارف مين على ايه
و اول اول يحضر حفل ايه
فعااااادي جدا انه يوم 28 يهنى فريق الكورة ده العسكرى
عااادي
كلام عااادي بقى بعد كده
مش عارفة رسوم ايه هتتأجل
و مش عارف ايه
هوب تلااااقى كام خبر سقع
سقع سقع
من النوع العااااااادي
الاولانى
قال ايه
شاب عجز عن استكمال فرش شقته
فانتحر_خاطب و جايب شبكة و فارشها
بس ناقصه مثلا اوضة نوم سجادة تلاجة بوتاجاز_
مش عارف يعمل ايه
راح رايح شقة الزوجية و شنق نفسه!!!!
شغال ايه الجدع
محاسب
شقة الزوجية ده فين؟
قى القلج
_عند السيدة العزيزة الغالية ام جاااااااااابر_
يالا لا حول و لا قوة الا بالله
ايه يعنى كبيرنا يهنى
و فى ناس بتنتحر عشان مش لاقية تتجوز
عاااادي
عااااادي
الخبر اللي بعده
قال ايه عااادي اللهم اجعله عااااادي
مصر هتتكرم فى اليابان لفوزها و اللي رايح السيد وزير الزراعة لتسلم الجائوة الدولية فى الارز
و اللى بتقدمها اليابان للعلماء المتميزين فى القمح؟!!
و الله الخبر كاتب كدة!؟!!
هما رايحين يتكرموا عشان الارز و ياخدوا جايزة المتفوقين فى القمح؟!!
عاااااااااااااااااااادي
الخبر التالت
قال ايه برده عااادي اللهم اجعله عاااادي
مسئول ولا مدير امن فى شرم الشيخ
جاتله عدة شكاوي من المقيمين و السواح
بعدم فعالية و كفاءة اقراااص الفياجرا
!!!!!
و الخبر بيؤكد ان السيد اللواء اتخذ كافة الاجراءات و اسرع
فى تشكيل لجنة لتتأكد من صحة الشكاااااوى؟!!
قلت عااادي برده الراجل لازم يحرص على على
على
ما علينا نقول راحة المواطنين و السياح فى بلده
مسئولية برده
و اكيد برده ده مشكلة مؤرقة هنااااك
عااادي
بس بالله عليكم اله يعزكم حد يقولي
هتتأكد ازاى اللجنة اللى شكلها السيد اللواء من صحة البلاغ
و الشكاااوى
علما بان الخبر يؤكد جدا ان السيد اللواء
هيرأس بنفسه اللجنة
!!!!!
عاااادي
عااااادي
الخبر العاااادي بقى
عاااادي بالقوي
قال ايه
فى بلدنا _اللى هي مصر_33 مليون مصري فقير
مااااشي عااادي
مش جديد
الجديد بقى
ان السيد الدكتور مصيلحي
علي مصيلحي وزير التضامن الاجتماعي
بيحل مشكلتهم اهه
ازاااااى
مسافر بلغاريا
يبحث عن الحل البلغااااااري
لحل ازمة الفقراااء فى مصر
بصوا انتوا العنوان ازاى

33 مليون فقير فى مصر يبحث لهم مصيلحي عن الحل البلغاااااري!!!!
رايح يستورد لنا حلول بلغااارية
لحل ازمة الفقرااااء فى مصر
لا و يؤكد الخبر انه متحمس جدا جدا لتجربتها فينا؟!!!!
عاااادي
قفلت الجرنان على تالت صفحة
بابا على صوت التلفيزيون
ماما دخلت المطبخ
اختى الصغيرة قعدت تضحك
قلت لبابا
ايه؟
قاللي ايه؟
قلتله مين؟
قاللى امتى؟
قلتله :
امتى انت؟
قاللى من ساعة
قلتله امممم
مين؟
قاللى امتى؟
قلتله امتى ماما؟
قاللى :من نص ساعة
ما دريتش بنفسي غير وانا
بصرخ

عاااااادي

winner
01-11-2007, 12:47 AM
لو فضلتي على كدة هيحصلك حاجة ..
اشربي العصير و روقي كدة ..

greyzone
01-11-2007, 08:14 AM
الجمهورية !!!
الحمد لله انى لقيت حد تانى لسة بيقراهاغير والدى بس هو ليه ظروف خاصة شوية
أنه دايما ينزل متأخر ميلاقيش غيرها
لكن لو لقى الأخبار واللا الأهرام مابيقولش لأ
وبعدين هو مابيقراش غير العناوين وكمان مابيصدقش اللى فيها
ولما اقول له يا بابا اعمل زيى وهات الدستور يقول لى
يا ابنى كفاية أمك و اخواتك عليا .. أنا ناقص هم ؟

ما علينا
جريدة الجمهورية معروفة طبعا أنها من أكتر الجرائد اللى ليها مصداقية فى مصر وافتكر مرة خدت نسخة من واحد و فضلت محتفظ بيها كل ما اشوف واحد أوريها له علشان يصدق
و محدش برضه بيقتنع
العنوان الرئيس كان "حزمة سياسات متكاملة لخفض مستوى الأسعار
اجراءات عاجلة للسيطرة على الأسواق "
وتحتها طبعا السيد الرئيس بالألوان وشويه تحتيها سمير رجب بالألوان برضه
المهم فى النص اللى تحت بقى مربع صغير كدة مكتوب فيه جريدة الجمهورية تستأذن قارئها العزيز فى رفع سعرالعدد الأسبوعى الى جنيه بدءا من الغد بسبب الارتفاع الشديد فى أسعار ....
طيب المفروض القارىء العزيز يصدق مين؟
يا أخى اتكلم النهاردة براحتك عن الحزمة وارفع السعر الأسبوع اللى بعده و اهو الناس هاتكون نسيت
أما بقى موضوع التهنئة ده اسمحيلى لأقول لك أنك مش فاهمة حاجة مهمة: كلنا لها
فيه ايه يعنى لما حد يموت
ما كلنا ميتين فى الأخر
لكن كاس المشعارف ايه مش كلنا بناخده
يبقى مين أولى نهتم بيه؟
وبعدين ( مش باقولك مش فاهمة ) مهو من 3 سنين برضه لما خدنا بطولة المعرفش ايه ويومها أكتر من ألف واحد غرقوا فى العبارة حصل ايه؟
كل شوية يقطعوا الارسال عشان الرئيس يهنىء أبنائه
شوية الرئيس يهنىء فاروق جعفر
شوية جمال مبارك يهنىء
شوية علاء
بعد كدة رئيس الوزراء
ووزير الشباب بعت برقية
ووزير البترول عمل لهم عمرة
خلوها فرح واللا ليه
عرس قومى (على رأى صفوت الشريف)
فين و فين تالت يوم السيد الرئيس اتصل بالمحافظ علشان يطمئن على المصابين
الناس اتريقت و مكانش عاجبها
تعالى شوفى النهاردة الناس اللى ماتوا دول عيالهم بيباتوا من غير عشاء ؟ أبدا
الدنيا وقفت عشانهم ؟ أبدا
ده حتى جيرانهم وزمايلهم اللى ما سافروش أساسا زمان شوية منهم ماتوا على سرايرهم
ايه يعنى ان دول ماتوا بدرى شوية؟
هما يعنى ماتوا قبل أجل ربنا؟؟

لكن روحى الاتحاد الأفريقى و اسألى مين اللى خد البطولة سنتها هايقولك مصر
يبقى مين أولى يهتموا بيه؟
مش باقول لسة صغيرة....

ekm86
01-11-2007, 12:28 PM
الحمد لله
أنا حطيت لنفسي نظام معين في قرائة الجرانين عشان ما يجيليش ضغط

الأول كنت أقرأ الأهرام.. طبعا ألاقي نظام النفاق والمجاملات الزيادة ومسح الجوخ
وتحسي إن مصر فاضلها حوالي سبع شهور وستاشر يوم وأربع ساعات وتدخل ضمن دول العالم الأول
جبت جرنان النبأ (ماكنتش أعرفه ساعتها للأسف) وعرفته بقى... جرنان من الجرايد اللي تحسسك إن "ما الدنيا إلا بيت مشبوه كبيييييير"
رحت جايب جرنان الدستور (يا سيادي)
جابلي حالة اكتئاب حادة (الحمد لله مش مزمنة)... طبعا.. مانا فضلت أسبووووووووووع أقرأ بلاوي كل يوم.. وبأسلوب مستفز ومحبط... خلاص حسيت إن مصر انتهت.. وإن أحسن حاجة نعملها إننا نبوسها ونحطها جنب الحيط ونشوفلنا بلد تانية تلمنا
جبت المصري اليوم.. جرنان معقول.. حسيت إنه معارض بس من تحت لتحت.. يشبه الأهرام شوية في الأخبار غير المحلية.. ويشبه الدستور في الأخبار المعارضه (بس بيتكلم بأدب)
قلت خلااااااص.. هو الأهرام.. آخد منه الأخبار اللي مش عن مصر.. وأستفيد بمقالات الناس الكبيرة اللي بتكتب فيه... وأبعد عن صفحة المحليات وصفحة المال والاقتصاد
وباقي الأخبار من مصراوي ... حلو قوي

أبو المعاطى شمروخ
01-11-2007, 03:18 PM
_مش عفن منى والله احنا ناس بتقوم من النوم احلى من صحيانها

وبتحلفى ليه يا نونا
سادقة يا أُوختىىىىىىىى:smiley1:

جاتله عدة شكاوي من المقيمين و السواح
بعدم فعالية و كفاءة اقراااص الفياجرا
!!!!!
المصريين لازم يعلموا على كل الجنسيات
طبعا دى دقيق وكلام من دة وفيه منها اللى فيه بعض المنشطات الحيوانية مش موضوعنا
انا كان واحد عرض عليا اشتغل فى الفياجرا ههههههههه اه والله بجد بجد مربحة جدا جدا جدا
بس قلت لا مينفعشى يا عم الحج والواحد هيبقى سُمعته فى الحضيض وتلاقى واحد شنيب بيخبط عليك نص الليل
عايزين المعلوم يا دكترة
قلت لا الله الغنى

اما الجرايد انا معتش بقرا جرايد
انا ناقص هم وغم
والواحد عينيه بتوجعه من الجرايد يبقى بلاش منها

مصري متعصب
01-11-2007, 06:24 PM
لازم الحكومة تشوف الحل في موضوع الفياجرا دا
الفياجرا دلوأتي بجنيه ونص للحبة
فياجرا ايه دي
حاطين فيها ايه
فيه في الدنيا فياجرا بجنيه ونص
لييييييييييييييييييييييييييييييييييييييييييييييييي ييييه؟
واللي يضحك بقى
ان طلبة صيدلة بيشتروا الشريط الكامل بحنيه ونص
حاجة غريبة
انا اعرف واحد شغال في الخليج
بيجيب معاه فياجرا....بس من ابو الغالي
ويواجب بيه ع الناس
عشان تعرفوا ان بلدنا دي تيييييييييييت

Nettawy
01-11-2007, 07:11 PM
يااااااااه دانا فاتني نص عمري باين في مواضيع الاسبوع اللى فاااات

قول للزمان ارجع يا زمان :)

مش كنتوا تستنوني طيب !!

أنا كده زعلت يس مش قوي برده P:

broken nonna
01-11-2007, 09:06 PM
مش باقول لسة صغيرة....
ميزة يا دكتور grey ربنا يديمها

_مش عفن منى والله احنا ناس بتقوم من النوم احلى من صحيانها

وبتحلفى ليه يا نونا
سادقة يا أُوختىىىىىىىى


طيب ارد اقول ايه؟!!:look up::mmmm mmmm:akh:


يا ابو المعاطى اللي يقوم من النوم حلوو اكيد اصله اصله برده حلو
انا بس قلت كدة انفى عن نفسي الغرور مش اكتر:smiley16:

dr_angel
01-11-2007, 11:30 PM
انا برده زيك يانتاوى فاتنى كتيييييييير
بس ابدا قرأت كل اللى فاتنى لما عنيا خلاااااص راحت بس مقدرش مقرأش حكاوى نونا
مبروووووك يانونا على التثبيت معلش متأخرة
كل حكاياتك يانونا بجد بتلمسنا كلنا وبنشوفها بس انتى طبعا باسلوبك الجميل بتقدرى تسريديها
استمرى
مصرى عاوزة طريقة عمل مربى قشر البطيخ (اول مرة اسمع عن مربى قشر البطيخ دى اللى يعيش ياما يشوف)

dr_0nline
02-11-2007, 12:23 AM
والله مواقفك د يا نونا فظييييييييييييييييعة
*
ولا الموقف بتاع ميكرو باص اسكندرية ده فظيييييييع
فكرني بموقف حصلي
*
لظروف السنة اللي فاتت المهببة اضطرتني الظروف للبقاء في كوكب المدينة الجامعية
عشان اذاكر فيها ايام الامتحانات على غير العادة
قعدت انا وواحد صاحبي في البلكونة وعندنا البلكونات كلها مشتركة
وفي المبنى المقابل الطلبة كلهم بيذاكرو واللى واقف في بلكونته بيشم شوية هوا
المهم صاحبي دا مش عاوز احكيلكو عليه لما يعطس
لما يعطس يطلع صوت اضخم من صوت القنبلة
بس انا حصلي تكيف على العطسة بتعاتة اللي كانت بتشيب شعر راسي
*
واحنا قاعدين في امانة الله في سكون المذاكرة الهادئة
هوووووووب انطلقت واحدة مدفعية مدوية (عطسة فظيييييييييييعة)
ببص على الطلبة في المبنى المقابل
الاقي اللي اتنفض من الكرسي مفزووووووووووووع وااللي كان ماسك كباية الشاي ووقعت منه على الارض
واللي طلع يجري من مكانه واللي طلع شاخص البصر يبص على مصدر الصرخة المرعبة
وانا في هيستريا الضحك ووقعت من الكرسي ورميت الكتب وفضلت ربع ساعة على الارض مش قادر اقوم من الضحك
هههههههههههههههههههه
*
بس للامانة هوا اعتذرلهم وبعدها كل اللي موجود قفلو البلكونات والشبابيك واخدو حذرهم
*
سلاموز

STROMA
02-11-2007, 12:40 AM
والله مواقفك د يا نونا فظييييييييييييييييعة
*
ولا الموقف بتاع ميكرو باص اسكندرية ده فظيييييييع
فكرني بموقف حصلي
*
لظروف السنة اللي فاتت المهببة اضطرتني الظروف للبقاء في كوكب المدينة الجامعية
عشان اذاكر فيها ايام الامتحانات على غير العادة
قعدت انا وواحد صاحبي في البلكونة وعندنا البلكونات كلها مشتركة
وفي المبنى المقابل الطلبة كلهم بيذاكرو واللى واقف في بلكونته بيشم شوية هوا
المهم صاحبي دا مش عاوز احكيلكو عليه لما يعطس
لما يعطس يطلع صوت اضخم من صوت القنبلة
بس انا حصلي تكيف على العطسة بتعاتة اللي كانت بتشيب شعر راسي
*
واحنا قاعدين في امانة الله في سكون المذاكرة الهادئة
هوووووووب انطلقت واحدة مدفعية مدوية (عطسة فظيييييييييييعة)
ببص على الطلبة في المبنى المقابل
الاقي اللي اتنفض من الكرسي مفزووووووووووووع وااللي كان ماسك كباية الشاي ووقعت منه على الارض
واللي طلع يجري من مكانه واللي طلع شاخص البصر يبص على مصدر الصرخة المرعبة
وانا في هيستريا الضحك ووقعت من الكرسي ورميت الكتب وفضلت ربع ساعة على الارض مش قادر اقوم من الضحك
هههههههههههههههههههه
*
بس للامانة هوا اعتذرلهم وبعدها كل اللي موجود قفلو البلكونات والشبابيك واخدو حذرهم
*
سلاموز


حرااااااااااااااااااااااااااااااااااااااااااااام عليك يا اون لاين

هتفطسنى من كتر الضحك

اقول ايه بس

هههههههههههههههههههههههههههههههههههههههههههههههههه هههه

broken nonna
02-11-2007, 04:50 AM
الله يكرمك يا اونلاين
فعلا ضحكتنى
و احمد ربنا انها عطسة
مجرد عطسة مش اكتر:icon_mrgr:icon_mrgr



انجل الله يبارك فيكي
و ربنا يعزك
بس انا لو منك ما اقراااش حرف
نظري يا امي
هزود عدسات النضارة ايه تانى

kalamntena
02-11-2007, 02:11 PM
جمييييييييييييييييل
ابقى قول لصاحبك يا اون لاين يرحمكم الله ويغفر لكم

greyzone
02-11-2007, 02:39 PM
طبعا بمناسبة اللى اتكلم عن الفياجرا ووصل لان دى بلد تيييت
أحب أقول له دى بلد تييت من يوم ما طلعت (الفياجرا طبعا مش البلد)
كنت اعرف واحد أكبر منى و اتخرج و ملحقش النيابة و استلم تكليف فى محافظة مش بعيدة قوى
الكلام دة طبعا من حوالى 10 سنين كنا بنسمع عن الفياجرا أكتر ما بنشوفها
المهم الراجل بعد ما استلم و اشتغل جت له نيابة مع الدور التانى فجاب جواب و راح يخلى طرفه وكيل الوزارة رفض
قال له أنا عندى عجز لما أسده ابقى امشيك
يقول له طيب النيابة ليها ميعاد و هاتروح عليا بعد كده يقول له هات لى موافقة من المحافظ يقول له واوصل له ازاى يقول له مش شغلى
صاحبنا قعد يلف و يدور و يجيب وسايط مش نافع حاجة لغاية ما واحد معرفة قال له ولا يهمك
ادى له 3 حبات فياجرا و قال له روح اديهم له و مالكش دعوة
راح فعلا تانى يوم و الكيل لما شافه قال له خير انت كل يوم هاتجى لى و اللا ايه
الراجل راح قاعد و قال له يا افندم أنا مقدر طبعا واللى حضرتك شايفه هايمشى
بس اتفضل يا افندم وادى له الحاجة الوكيل بص كدة وقال له على فكرة يا ابنى احنا مش هانقف فى طريق مستقبل حد
أنا هاخلى لك طرفك بس عشان نيابة الجامعة ربنا يوفقك يا ابنى
رررررن جا له السكرتير قال له خد الدكتور اعمل له الجواب بتاعه و هاته امضيه دلوقت .

أبو المعاطى شمروخ
02-11-2007, 02:46 PM
جميل
المستقبل فى الفياجرا
ايه رايكوا لو اخد معايا شريط يوم الشفوى؟ يمكن تنفع

greyzone
02-11-2007, 03:19 PM
لا طبعا
دلوقت فيه سياليس cialis و موجودة فى الصيدليات بسهولة

broken nonna
02-11-2007, 09:22 PM
عظيمة يا مصر يا أرض النعم!!!!!!!!!

dr kemo
03-11-2007, 04:24 PM
و الله كنت هاكتب نفس الرد بتاع نونا

سبحان الله

بصرة يا دكتورة:smiley29:

broken nonna
03-11-2007, 07:56 PM
منور يا دكتور كيمو
طيب نقلبها الشايب و اللعب باحكاااام
مااااشي

مصري متعصب
03-11-2007, 09:47 PM
لا طبعا
دلوقت فيه سياليس cialis و موجودة فى الصيدليات بسهولة
عفوا بس الاصلي اصلي
وللا ايه

greyzone
03-11-2007, 10:00 PM
يا راجل عيب عليك
ده السياليس دى أحدث حاجة و لسة نازلة السوق قريب
اسأل على ده و على ده و انت تعرف

broken nonna
03-11-2007, 10:53 PM
معلش عشان متوقفة
باين كدة انا مصابة بحالة فتور
لا بغيظ و لا بتغاااظ
الحمد لله

يا رب تدوم بس

مصري متعصب
03-11-2007, 11:02 PM
معلش عشان متوقفة
باين كدة انا مصابة بحالة فتور
لا بغيظ و لا بتغاااظ
الحمد لله

يا رب تدوم بس
عارفها الحالة دي
جتلي امبارح بالليل
بس صبحت بحتت وش انهردا
قلبلي يومي....للأسوأ طبعا
خلي بالك من الحتة دي

kalamntena
03-11-2007, 11:08 PM
قلبلي يومي....للأسوأ طبعا


:mmmm mmmm
اهي دي حاجة تغيظ
يبقى عيد ميلاد الواحد
و ييجي واحد تاني يقول اتقلب يومي للاسوأ
عاااااااااااااااااااااااااااااادي

broken nonna
03-11-2007, 11:13 PM
معلش يا كلمنتينا
برج العقرب دايما منصاب يا اختى
اه والله لقيت ان غالبية اللى برجهم العقرب
ما بيلحقوش يتهنوا
يالا ما علينا
معلش


مصري
خير ان شاء الله
احكي احكي
غيظنى يا اخى
مستكترها عليا

broken nonna
04-11-2007, 03:53 PM
انا متغاظة و محروق دمي ع الاخر
غالبا هادخل ادفن نفسي بين اطنان البطانية
هاردم فوق منى اكوام المخدات
ايه ده؟
ايه ده
ليه كدة
حاجة تسد النفس


اشوفكم بالليل ان شاء الله

أبو المعاطى شمروخ
04-11-2007, 03:58 PM
أعصابك يا نونا
خليكى ريلاكس زى حالاتى
انت هتشيلى هم البلد كلها ولا ايه؟

broken nonna
04-11-2007, 04:00 PM
انا بجد هطق
مخنوقة فعلا و هنفجر من العياط
معلش فعلا يا جماعة لو اتكلمت دلوقت هيبقى نكد
اكلمكم بعدين ان شاء

مصري متعصب
04-11-2007, 04:19 PM
انا بجد هطق
مخنوقة فعلا و هنفجر من العياط
معلش فعلا يا جماعة لو اتكلمت دلوقت هيبقى نكد
اكلمكم بعدين ان شاء
مش قلتلك حالة الفتور بتاعت امبارح مش دايمة
اعتقد ان دا تاثير اصطباحتك على وشي
ربنا يستر

broken nonna
04-11-2007, 07:43 PM
لا طبعا يا مصري باشا
اللى انت كاتبه عااادي و بيحصل
لا طبعا انا ما بعتقدش فى الاصطباحات و الكلام ده
ده رزق يا فندم
هبط عليك
هتعترض
هتقول لأ
لا طبعا الحمد لله

broken nonna
04-11-2007, 08:13 PM
حد عمل رخصة عربية قبل كدة؟!!



حد فى عيلته حد فى الاذاعة و التليفيزيون؟

حد فى عيلته حد كل ما يشوفه يتعمد يسلم عليه كتير؟

ekm86
04-11-2007, 09:11 PM
حد عمل رخصة عربية قبل كدة؟!!





ليه؟؟:smiley1:

مصري متعصب
04-11-2007, 09:18 PM
حد عمل رخصة عربية قبل كدة؟!!

في الصيف ان شاء الله

حد فى عيلته حد فى الاذاعة و التليفيزيون؟
لا طبعا
بس ليه؟
حد فى عيلته حد كل ما يشوفه يتعمد يسلم عليه كتير؟
مش فاكر.....بس بردو ليه

wgh_el2mr
04-11-2007, 09:22 PM
بصى يا ستى
انا اول مرة اشترك فى الموضوع دا
بس اجابتى كلها لا
على الاسئلة اللى فاتت
بس صحيح ليه؟

dr_0nline
04-11-2007, 09:24 PM
هوا ايه اللي بيحصل بالظبط
*

مالك يانونا زعلانة ليه وقرفانة ومضايقة كدة ليه
مش عوايدك!!!!!!!!!!!!
*
وبعدين ايه الاسئلة الغريبة دي!!!!!!!!
*
في اييييييييييييه انتي دخلتي في دور fever و halucination ولا ايييييييه
*
يارب سترك ولطفك ويارب جيب العوقاب سليمة
*
سلاموز

kalamntena
04-11-2007, 09:26 PM
حد عمل رخصة عربية قبل كدة؟!!

سواقة اه عربية لسه

حد فى عيلته حد فى الاذاعة و التليفيزيون؟

معارف اه قرايب لسه

حد فى عيلته حد كل ما يشوفه يتعمد يسلم عليه كتير؟
انا اللى باسلم كتير وللا الحد هو اللى بيسلم كتير؟

sameh_ig
04-11-2007, 09:30 PM
حد عمل رخصة عربية قبل كدة؟!!
نعم


حد فى عيلته حد فى الاذاعة و التليفيزيون؟

نعم


حد فى عيلته حد كل ما يشوفه يتعمد يسلم عليه كتير؟


نعم بس كان زمان ست قريبتى كانت كل متشوفنى تقعد تبوس فيا و تملى وشى جبنة قريش من اللى بتكون وكلاها على الصبح

بس الحمد للة دلوقتى اول ما تيجى بستخبى تحت السرير انا مش هنا

broken nonna
04-11-2007, 09:37 PM
عشااااااااااااااااااااان
النهاردة جيت اعمل الرخصة
حدفونى من قسم لقسم لقسم
لادارة مرور
واخيرا رحت اعملها فى زايد
مدينة الشيخ زايد
شغلانة بقى
رخصة قيادة و لا رخصة سيارة
تخلص من ده
تقولك الموظفة و هى بتفت القرقاشة فى اللبن
بس كدة عيني
و ابتسامة غريبة على وشها
و تفضل بصالك
لدرجة انك تتمنى تستخبى جوة جلدك
اقولها المطلوب ايه؟
تقولي و لا حاجة احنا هنا تحت امرك
و كمان ابتسامة غريبة
طلعت الحاجات اللى اخويا كان قايلي عليها
مسكتهم و قلبت فيهم و بعدين
قالتلىايه ده؟
قلتلها مش ده اللى مطلوب للرخصة؟
ضحكت ضحكة
غريبة برده
و حطت الورق و الصور
على طرف الطربيزة قصادي
زى اللى بتقولى
خدى خدى
!!!!!
ورجعت تفت القرقاشة فى اللبن بطريقة مستفزة
فهمت ان فى حاجة غلط
قلتها:ناقص حاجة؟
لا رفعت راسها عن الكوباية و لا ردت
خرجت لاخويا
قاللي ايه؟
قلتله
معاملة كانت كويسة
وبعدين بقت زفت
مش فاهمة
قاللي اه
انت مش معاكى فلوس
قلتله ايوة
قاللي طيب ابرزيها
قلتله ايهظ
قاللي ابرزيها
هي شكلها كدة عاوزة فلوس
قلتله كام يعنى ؟
مش ستين جنيه باين
_اعتمدت على ان واحدة صاحبتى عملاها قريب ب 60 جنيه_
قالي
ادخلى قوليلها كدة تانى
قلتله تعالى معايا
ما رضيش
دخلت
بقولها معلش انا نسيا الرسوم
رفعت راسها و ابتسامة مرتاحة
بتمد ايديها تاخد الورق و الفلوس
لقت 60 جنيه!!!
بتقلب فيهم بطريقة معفنة
وراحت رامياهملى بالورق
وقالتلي
صبحنا وصبح الملك لله
ورفعتلى حاحبينها اليي اكيد اكيد tattooing
_استغفر الله العظيم ربنا يسامحنى بقى_
!!!!
مشيت
حلفت ما ان عملاها
فاهماها انا عارفة
وانا ماشية قابلنا واحدة جارتنا
وقفنا سلمنا
بقولها قالتلى لا
ده انتى بتدي للست فىايدها 150 جنيه ليها
!!!
قلتلها
هو مش برده لعن الله الراشي و المرتشي
و الراشي و الملاتشي فى النااار
هو مش لعن الله الراشي و المرتشي


ضحكت و انتهى الحوار
ومشينا


لما رجعنا البيت و احنا بنركن واحد جارنا كان نازل
شافنى عاملةال مية و حداشر
فبيقولي مالك يا دوك؟
قلتله مالى
ده حاجة تقرف
اخويا فهمه
قاللي بسيطة
انا ممكن اعملهالك
من غير ما تتمشورى و لا واحدة تعاملك معاملة وحشة
قلتله
_بربك؟
قاللي
و الله
وضحك ضحكة غريبة
و عمل بايده حاجة غريبة
باصيتله و كنت هتجن بس واطول رقبته

اخويا ضحك قاله ما هى ده المشكلة
الست كانت طالبة 150 جنيه
هو قل كدة
و الراجل كان هيؤغم عليه من الضحك
و لما فاق
قاللي لا روحى اعمليها عندها بقى احسن
قلتله ليه
قاللي
اصل انا كنت هاخد 500 جنيه!!
قالها وهو مش مكسوف
!!!!
و مش عاااادي
مش عاااادي
مش عاااااااااااااااااااادي


و مش عاملة الرخصة

wgh_el2mr
04-11-2007, 09:40 PM
هههههههههههههههههههههه

والله عال
سبحااااااااااااااااااااان الله
وعجبى

مصري متعصب
04-11-2007, 09:42 PM
انا جعملها في اسوان ببلاش
اه و الله
بلاااااااااااش
تعاملي يا نونا نعملها مع بعض هناك

STROMA
04-11-2007, 09:45 PM
احصائيه حديثه اثبتت

ان مصر -ربنا يحرسها- اكبر دوله فى العالم تلقيا للرشاوى لتمرير المصالح الحكوميه

نقلا عن جريدة المصري اليوم

sameh_ig
04-11-2007, 09:46 PM
نفس الكلام حصل معايا مع اختلاف ان الموظف لما عرف انى دكتور رمى الورق على جنب

فا بقولة خير

قالى : خلية يا دكتور على شان نشوفك تانى و تجبيلنا معاك حبيبتن فياجرا


قلتلة و لية اجى تانى معايا يا باشا فى جيبى بس هديهوملك قدام المامور


انا عايز المامور و تعالى معايا يا باشاااااااا

الموضوع خلص و خد الورق فى ساعتها

dr_0nline
04-11-2007, 09:47 PM
لا حول ولا قوة الا بالله
*
في طرق تانية لعمل الرخصة ب 150 جنيه تبع وزارة التعليم باين
*
وبعدين في فن للثبيت يا جدعان المفروض كنتي انتي الل ثبتيها في الاول
*
على العموز تيك ات ايزي
خيرها في غيرها
*
سلاموز

wgh_el2mr
04-11-2007, 09:47 PM
كدا تمام يا دكتور سامح

broken nonna
04-11-2007, 09:50 PM
معارف فى الاذاعة و التلفيزيون
مش مشكلة يا كلمنتينا

بالمناسبة منورة يا قمر الموضوع والله
بس معاكي قطع غيار للمرارة و لا تحبي اجيبلك


المشكلة بتبقى فى القرايب اللى هناك
واللى هتضطري تقابليهم كتير

النهاردة لاننا ما كناش قاصدين اننا نروح ده اخويا قاللي تعالي نلف باللعربية
و بما انى اصلا ساكنة قريب من الدائري
بقت هيصة و دخلنا على المحور
ورحنا زايد
و حصل اللي حصل
بعد كدة _وعلى فكرة ماما السبب هى كمان كانت معانا_
ماما قالت تعدى علىتيتا فى اكتوبر
عااادي
عدينا طلعنا
الست فرحت بيما جدا على الرغم من انى كنت متنكدة الا ان مقابلته نست الواحد همه

و احنا راجعين عدينا بقى على قريبتنا التانية
و مش هقول مدى الصلة
هى قريبتنا و قريبتنا قوى كمان
واخدنلى بالكم
طلعنا فتحت الباب
و من ساعة ما دخلنا
ايه يا دوكتورة
هتفضلي بالكوتشي علي طول
ارد
لا اصل انا يا طنط...
تقاطعنى
و بعدين ايه التونيك الطويل ده يا ست الشيخة!!

قلتلها ده عشان اصلا....
تقاطعنى
و جينز
جينز
بنت تلبس جينز!!!
اول مرة الكلام يقف فى حلقى و ما اعرفش انطق

ولونى احمر و يبهت و يرجع عادي
و بعدين ترمى كلمة
وشي يحمر و يبهت
و للاسف ما بقاش يرجع عااادي
المشكلة انى كنت قايلة لماما بلاش نطلعلها
ماما تقولي عيب مادام قريبين منها

طنط ده
لسة لابسة الحجاب قريب علما بان بنتها من دورى و اكبر
و لابسة الحجاب على جيبة على الركبة_ساااااامحنى يا رب_

ززاحنا نازلين رزعتنى
الجملة التالتة

هو لسة يا نونا
؟
قلتلها ايه اللى لسة؟
السؤال ده على السلم_
قالتلى يعنى ما فيش اى حاجة؟
فهمتها
قلتلها بيجوا و يروحوا يا طنط
و حاليا انا بمتحن
مش فاضية
بس ربنا يكرم
تقولي لا عيب
عيب قوي
ايه دكتورة و لسة ما تخطبتيش
_اقسم باله انا لو مستعجلة على الموضوع ده كان زمانى على راى كلمنتينا معايا سمية و يوسف_
الا اشمعنى اللاسمين دول يا كوكو؟!!

قلتلها لا مش عيب يا طنط
ده نصيب فى الاول و الاخر

يلا سلام عليكم
قالتلى و عليكم
ابقي سلمي على ام جاابر!!!
و ضحكت
ابتسمت بالعافية
و نزلت اتخانقت مع ماما فى العربية
مين عرفها ام جابر ده؟!!

kalamntena
04-11-2007, 09:51 PM
يا نهار ابيض
:what happ
معقول الكلام الفارغ ده
:mmmm mmmm
ليكوا حق

انا عملتها لوحدي و محدش كان معايا ومدفعتش حاجة

broken nonna
04-11-2007, 09:53 PM
عملتيها فين يا كوكو
؟!!

مصري مصري
لو ما نفعش فى مكان كلمنتينا
و شكله مش هينفع
عشان البطاقة و العنوان

هبقى اجى معاك
مش هعملها برده
بس اكون زرت اسوان
ياسلاااااااام

kalamntena
04-11-2007, 09:55 PM
3 اسئلة لحد دلوقتى

الاول لا دا اسدال الضيوف


التاني اسامي العيال ايه وحشين


التالت امتحنت في مرور العجوزة وسقطت مرة والتانية برضه سقطت بس الظابط عدانى :icon_mrgr و خلصت الورق من مرور فيصل

مصري متعصب
04-11-2007, 09:57 PM
و خلصت الورق من مرور فيصل


مش دي بردو اللي تحت الكوبري و للا ايه