طفل حامل بالسعودية بالصور [الأرشيف] - قصر العيني

مشاهدة النسخة كاملة : طفل حامل بالسعودية بالصور

sandy

01-10-2007, 12:36 AM

السلام عليكم ورحمة الله وبركاته

أغرب حاله بالعالم وبالمملكة العربية السعودية بالتحديد
وخاصة بمحافظة بقعاء أحد مدن منطقة حائل...
طفل يبلغ من العمر سنه يحمل داخل بطنه جنين (( سبحان الله ))

وقد اكد الدكتور (( محمد الصقر )) المسؤول عن حاله الطفل

أنها حاله نادره بالعالم كله ....

ولقد حضر للمستشفى أطباء من الرياض العاصمه من أجل متابعه هذه الحاله

http://up.l-7n.com/folder1/l-7n.com_Igx3qvmL42.gif (http://up.l-7n.com/)

http://up.l-7n.com/folder1/l-7n.com_8pV7B3oaAQ.gif (http://up.l-7n.com/)

شوفوا بطنه هنا مسكين

http://up.l-7n.com/folder1/l-7n.com_vbsC4TNpVy.gif (http://up.l-7n.com/)

صورة للجنين

http://up.l-7n.com/folder1/l-7n.com_scPOQ3uUjF.gif (http://up.l-7n.com/)

http://up.l-7n.com/folder1/l-7n.com_5N0j4ljwQg.gif (http://up.l-7n.com/)

http://up.l-7n.com/folder1/l-7n.com_jI3eyuaXTt.gif (http://up.l-7n.com/)
منقوووووووووول

broken nonna

01-10-2007, 03:49 AM

سبحان الله
الكلام ده حقيقي و لا ايه الموضوع
يعنى طفل وذكر كمان حامل و عندة uterus لا و كمان حامل فعلا

HOSSAM ELDIEB

01-10-2007, 03:53 AM

المفروض احنا اخر ناس نصدق
حد يقولي فين البلاسنتا والامبليكال كورد عشان الطفل يتغذي
ولا فين الهرمونز اللي بتفرزها النثي عشان ينمو
تلاقيهم كانو بيهسو
عالم فاضية
وبعدين ايه اللي دخل الجنين جواه
يكونش وهو في بطن امه سرق ovum من ال ovary وكلها كبرت في بطنه

dr_angel

01-10-2007, 03:54 AM

مش عارفة ليه مش قادرة اصدق الحكاية دى
عقلى مش قادرى يتقبلها

arownas

01-10-2007, 03:56 AM

sameh_ig

01-10-2007, 05:29 AM

وقد اكد الدكتور (( محمد الصقر )) المسؤول عن حاله الطفل

اقطع صوباعى اليمين و كتفى الشمال و كعوب رجليا اذا كان الدكتور محمد الصقر
دة عملها دعاية على شان نفسة

ابن الحصري

01-10-2007, 07:43 AM

إيه ؟؟

ماسمعتوش ان ممكن التوائم الملتصقة يكون واحد منهم completely داخل التاني؟!!!!!!!!!!!!!!!!:aiaiai:

على قدر فهمي
فالموضوع عادي
النادر في الموضوع أن التوأم الصغير عادة ما يمتصه التوأم الكبير وماحدش عاد يلاقيه تاني (Vanishing twin) ؛ وربما ماحدش يحس بيه أصلا ؛ أما هنا فالصغير لا يزال موجوداً

يعني حتى الحفظ
ماحناش فالحين فيه؟؟؟:akh::akh:
لا حول ولا قوة إلا بالله:smiley24.

ده فكرني بالموضوع بتاع الحكشة .. (الموضوع ده) (http://www.medicine.cu.edu.eg/english/students/forum/showthread.php?t=968)... ولا انتوا رأيكم إيه ؟

ملحوظة
أنا سايب الطب بقالي كذا سنة ومخلص النساء من كذا كذا سنة ولسة فاكر الكلام دة ؛
الحكشة من غير فهم
تضر أكتر ماتفيد

broken nonna

01-10-2007, 08:07 AM

معلش بس سؤال خارج الموضوع بس اصله لفت نظرى
دكتور ابن الحصري سايب الطب بقالك كذا سنة يعنى ايه؟!!

ابن الحصري

01-10-2007, 08:54 AM

يعني من وانا في نص الامتياز (أكتوبر 2004) وانا أدرس وأعمل في البرمجة

عملت لمدة سته ونصف في وزارة الصحة (تكليف) جنب عملي الأساسي (البرمجة)
يعني التكليف كان بالنسبة لي بارت تايم :smiley2:

وبعدين أخذت منه اجازة بدون مرتب

مصباح

01-10-2007, 09:02 AM

انا انطباعي الأول عن الموضوع انه حقيقي
بس مكنتش عارف التفسير

ابن الحصري

01-10-2007, 09:05 AM

انا انطباعي الأول عن الموضوع انه حقيقي
بس مكنتش عارف التفسير

أى خدمة

ومبروك الجواز إن شاء الله

kalamntena

01-10-2007, 04:53 PM

انا موافقة طبعا مع د. ابن الحصري

ايه محدش سمع عن التوأم البنات اللى كان في الاردن باين و كانت البنوتة الصغيرة جوا رحم الكبيرة منهم

ekm86

01-10-2007, 06:52 PM

أنا برضه كنت قريت في مجلة عن واحد مصري كان جواه بقايا طفل تاني والدكاترة قالوا كده برضه

brightgalaxy5

01-10-2007, 07:01 PM

http://www.mja.com.au/public/issues/177_11_021202/strahan_021202-1.jpg
Fetus in feto is a known phenomenon; could this be one? Or neural tissue in a dermoid cyst? Whatever, the patient appears well endowed, with the CT scan showing a spare brain and spinal cord in the thigh muscles.

→

sandy

01-10-2007, 10:29 PM

تلاقيهم كانو بيهسو
عالم فاضية

وبعدين بقي يا دكتور حسام هو فيه ايه انت مستقصدقني ولا ايه ؟:waaaaawaa:mmmm mmmm

شكرا يا جماعة علي التعليقات وانا فعلا مش عارفة الموضوع اذا كان حقيقي ولا لا بس مفيش حاجة بعيدة علي ربنا والله اعلم

:bye:

HOSSAM ELDIEB

01-10-2007, 10:30 PM

وبعدين بقي يا دكتور حسام هو فيه ايه انت مستقصدقني ولا ايه ؟:waaaaawaa:mmmm mmmm

معرفش والله انك كنتي معاهم
مش تقولي

sandy

01-10-2007, 10:35 PM

اولا اولا انا مش دكتورة
انا جبت الموضوع من علي ايميلي يعني ده لو الكلام عليا يعني وبعدين حقك عليا يا سيدي متزعلش نفسيتك :smiley29: يعني انا مشتركة معاهم يا دكتور
انا مش فاضية والله ولا بهيس بس ااكده :akh:

HOSSAM ELDIEB

01-10-2007, 10:37 PM

هههههههههههه
لا ده انتي روحتي بعيد خالص
انا كنت بتكلم علي اللي عملو الموضوع مش عليكي انتي
بالعكس انتي تشكري علي المعلومة دي

sandy

01-10-2007, 10:46 PM

واضح اني فهمتك غلط
علي العموم شكرا ودايما منور مواضيعي
تسلم :smiley20: وعيزة اقول ان انا قصدت اني احطه في المتندي عشان اعرف رايكم انتم يا احسن دكاترة ايا يكن مدي مصداقيته انا حبيت اعرف رايكم بس يا ريتني فهمت حاجة من اللي انتو قلتوه يا دكتور حسام و برايت جالاكسي عموما افادك الله

ابن الحصري

12-10-2007, 09:21 AM

حد يقولي فين البلاسنتا والامبليكال كورد عشان الطفل يتغذي
ولا فين الهرمونز اللي بتفرزها النثي عشان ينمو

يكونش وهو في بطن امه سرق ovum من ال ovary وكلها كبرت في بطنه

من الملاجظ انتشار مصطلحات مثل تلك الملونة على لساننا أهل الطب والعلم والثقافة والـ إلخ إلخ إلخ

طب ياجدعان ماتقولو المشيمة والحبل السري والهرمونات
الميبض وبويضات

ابن الحصري

12-10-2007, 09:28 AM

حد يعرف ان كثير من المصطلحات اللي بنتفشخر
سوري
بنتكلم بها بالانجليزية أصلها عربي

مثلا الretina
اسمها الرَّتـِيــنة

والcornea
اسمها القرنية (عارفينها دي)

والalcohol اللي بننطقه الكحول
اسمه الغـَوْل (مش الغـُول ماحدش يهزر)

وهلم جرا

Nettawy

12-10-2007, 04:57 PM

يعني ايه
هلم جرا !!!!

مدنجي

12-10-2007, 11:17 PM

ماسمعتوش ان ممكن التوائم الملتصقة يكون واحد منهم completely داخل التاني؟!!!!!!!!!!!!!!!!:aiaiai:

على قدر فهمي
فالموضوع عادي
النادر في الموضوع أن التوأم الصغير عادة ما يمتصه التوأم الكبير وماحدش عاد يلاقيه تاني (Vanishing twin) ؛ وربما ماحدش يحس بيه أصلا ؛ أما هنا فالصغير لا يزال موجوداً

انا برده بجد كنت هعوز ارد و اكتب كدا
و الله بجد
قبل ما اشوف كلام ابن الحصرى
بس بجد مكونتش هعرف اكتبه و لا اقوله زى كدا

جزاك الله خيرا يا ابن الحصرى

و كل سنة وانت طيب
و كل سنة وانتو كلكو طيبين

دى..

ابن الحصري

14-10-2007, 10:44 AM

يعني ايه
هلم جرا !!!!

لطيفة : أصل معنى ( هَلُمَّ جَرّا )

قال أبو بكر محمد بن القاسم الأنباري في كتابه : ( الزاهر فى معانى كلمات الناس ) 1/322 :

وقولهم هلم جرا

معناه : سيروا على هينتكم أي تثبتوا في سيركم ولا تجهدوا لأنفسكم ولا تشقوا عليها ، أخذ من الجر في السوق وهو أن تترك الإبل والغنم ترعى في السير ) .

*******
وقال صاحب لسان العرب :
وقولهم : " هلم جرا " معناه : على هينتك .

********
وقال المنذري في قولهم : " هلم جروا " أي تعالوا على هينتكم كما يسهل عليكم من غير شدة ولا صعوبة .
وأصل ذلك من الجر في السوق وهو أن يترك الإبل والغنم ترعى في مسيرها )أ.هـ
********
قال ابن الأثير في كتابه : ( النهاية في غريب الأثر ) :
والحديث الآخر [ أن رجلا كان يجر الجرير فأصاب صاعين من تمر فتصدق بأحدهما ] يريد أنه كان يستقي الماء بالحبل
- وفيه [ هلم جرا ] قد جاءت في غير موضع ومعناها استدامة الأمر واتصاله .
يقال كان ذلك عام كذا وهلم جرا إلى اليوم .
وأصله من الجر : السحب .
وانتصب جرا على المصدر أو الحال .

*******
قال الأزهري في تهذيب اللغة :
ويقال : كان عاما أول كذا وكذا فهلم جرا إلى اليوم أي امتد ذاك إلى اليوم .
وسمعت المنذري يقول : سمعت المفضل بن سلمة في قولهم : هلم جرا أي : تعالوا على هينتكم ، كما يسهل عليكم من غير شدة ولا صعوبة ، وأصل ذلك من الجر في السوق ، وهو أن تترك الإبل والغنم ترعى في مسيرها .

-ومن استخدامتها الصحيحة الاستخدام الشائع عند الناس اليوم بمعنى استدامة الأمر واتصاله، يقال كان ذلك عام كذا وهَلُمَّ جَرًّا إلى اليَوْم، أو بمعنى ما شابه ذلك .. إلى آخره تكرار لما بعده.

******
جاء في التعريفات:
وقولهم هلم جرا أي ممتدا إلى هذا الوقت الذي نحن فيه من أجررت الدين تركته على المديون.

******
وفي المصباح:
قولهم ( وَهَلُمَّ جَرًّا ) أي ممتدا إلى هذا الوقت الذي نحن فيه مأخوذ من أجررت الدين إذا تركته باقيا على المديون أو من أجررته الرمح إذا طعنته وتركت فيه الرمح يجره.

ومن لطيف ما يذكر قول بعضهم أن هلم مركبة في أصلها من هاء التنبيه وفعل الأمر لُمَّ.

********

وأول من قال تلك الكلمة وغدا قوله لها مثلا هو عائذ بن يزيد اليشكري
قال الميداني في مجمع الأمثال:
وأول من قال ذلك المستطعمُ عمرو بن حمران الجعدي زبداً وتامكاً حتى قال له عمرو : كلاهما وتمرا (أي كلاهما وأزيدك تمرا كما في شرح البكري على مجمع الأمثال) واسم ذلك الرجل عائذ وكان له أخ يسمى جندلة :وهما ابنا يزيد اليشكري ولما رجع عائذ قال له أخوه جندلة :
أعائذ ليت شـعــري أي أرض ... رمت بك بعدما قد غبت دهرا
فلم يـك يرتــجـى لـكــم إيـــاب ... ولم نعرف لدارك مــســـتـقرا
فقد كان الفراق أذاب جسمي ... وكان العيش بعد الصفو كدرا
وكم قاسيت عائذ من فــــظيع ... وكم جاوزت أملس مقــشـعرا
إذا جاوزتها استقبلت أخرى ... وأقود مشـمــخــر النيق وعرا

فأجابه عائذ فقال:
أجندل كم قطعت إليك أرضاً ... يموت بها أبو الأشـبـال ذعــرا
قطعت ولامعات الآل تــجـري ... وقد أوترت في الموماة كـدرا
وطامسة المنون ذعرت فيها ... خواضـب ذات أرآل وغــبــرا
وإن جاوزت مقفرة رمت بي ... إلى أخرى كــتـلك هـلــم جــرا
فلما لاح لي سغـــب ولـــوح ... وقد متع النهار لقـيـت عــمرا
فقلت: فهات زبدا أو سـناما ... فقال: كــلاهــمــا وتـزاد تــمرا
فقدم لـــلقرى شـطـبـاً وزبداً ... وظلت لديه عشراً ثم عــشــرا

فذهب قوله مثلاً.ا.هـ

********
وذكر السيوطي في المزهر نقلا عن ابن هشام في تصنيف له :
"عندي توقّف في كون هذا التركيب عرَبيّاً محضاً؛ لأنَّ أئمةَ اللغةِ المعتمَد عليهم لم يتعرَّضوا له، حتى صاحب المُحْكم مع كَثرة استيعابه وتتبّعه، وإنما ذكره صاحب الصحاح
وقال الشيخ تقي الدين بن الصلاح في شرح مشكلات الوسيط: إنه لا يقبل ما تفرَّد به، وكان علَّة ذلك ما ذكره في أوّل كتابه من أنه يَنْقُل من العرب الذين سمع منهم، فإنَّ زمانَه كانت اللغة فيه قد فسدت، وأما صاحب العُباب فإنه قلَّد صاحب الصحاح فنسَخ كلامه، وأما ابنُ الأنباريِّ فليس كتابُه (يعني الزاهر) موضوعاً لتفسير الألفاظ المسموعة من العرب؛ بل وضْعه أن يتكلم على ما يجري في محاورات الناس، ولم يصرّح بأنه عربي هو ولا غيره من النُّحاة. انتهى."
********

وفي التاج للزبيدي :قال شيخنا : وقد توقَّفَ فيه ابن هِشام هل هو من الأَلفاظ العربيَّة أو مولَّد وخَصَّه بالتَّضَيُّف وتَعَقَّبَه أبو عبدِ الله الرّاعِي في تأْليفه الذي وَضَعَه لرَدِّ كلامِه وَبَسَطَ الكلامَ عليها ابن الأنباريّ في الزّاهر وغير واحد . وأوْرَدَ الجَلاَل كلامَ ابن هشَام في كتابه : الأشْبَاه والنَّظَائر النحويَّة منقَّحاً تامّاً وقد أوْدَعْت هذا البحثَ كلَّه في رسالة مُستقلَّة أغْنَتْ عن أن نَجْلب أكثرَ ذلك أو أقلَّه ا.هـ

***************
أما إعرابها :
فـ (هلمّ) : اسم فعل أمر بمعنى "أقبل" كما في شرح المفصل
وأما تركيبها فعند البصريين أنها مركبة من "ها" التنبيه و"لم" محذوفة منها الألف من قولهم لمّ الله شعثه
وعند الكوفيين مركبة من "هل" مع "أم" محذوفة همزتها
وأما "جرّا"
فقد ذكر العلماء في نصب "جرّا" ثلاثة وجوه :
الأول : هو في قول الكوفيين منصوب على المصدر لأن في هَلُمّ معنى "جروا جرّا"
الثاني : وهو في قول البصريين مصدر وضع موضع الحال والتقدير عندهم هَلُمّ جارين أي مُتَثَبِّتينَ
وهذا قياس على قولهم في جاء عبد الله مشياً وأقبل ركضاً قال الكوفيون ننصب مشياً و ركضاً على المصدر والمعنى عندهم مشى عبد الله مشياً وركض ركضاً وقال البصريون ننصب المشي و الركض لأنهما جعلا موضع الحال والمعنى عندهم جاء عبد الله ماشياً وأقبل راكضاً
القول الثالث : قاله بعض النحويين أنصب "جرا" على التفسير ا.هـ أنظر الزاهر لابن الأنباري والأمالي للمرزوقي

أي خدمة
:icon_mrgr:icon_mrgr:icon_mrgr:icon_mrgr:icon_mrgr :icon_mrgr:icon_mrgr:icon_mrgr

http://www.freetalaba.com/board/index.php?showtopic=7400 (http://www.freetalaba.com/board/index.php?showtopic=7400)

الخلاصة
أن هلم جرا معناها "وهكذا"