Alasmar
08-12-2002, 12:23 AM
هل كلنا قبل ما ندخل الكلية كنا عاوزين-بالفعل-نبقى دكاترة ؟ و لا هو استخسار مجموع ؟ و لا بابا و ماما كانوا عاوزين الناس تقول "ابو الدكتور راح.ابو الدكتور جه"؟ و لا دخلناها عشان مستقبلها مضمون(5ع!!)؟ و لا...و لا...و لا...؟؟؟
مهما كان السبب دخلناها والى كان كان! فرضناها على نفسنا. و بقت علينا مسؤولية كبيرة فى المحافظة على نفسنا وعلى اللى حولينا . وبقى على اللى بيدرسولنا مسؤولية اكبر فى كيفية تعليمنا و جعلنا قادرين على اكمال رسالتهم..
لكن,,,,
هل انتو شايفين ان احنا بنتعلم صح؟؟:confused: :confused: ؟؟ نقعد طول السنة نصم و نحفظ فى حاجات فاهمينها او مش فاهمينها..مش مهم!! المهم تدخل تدلقها فى الامتحان اللى كله اسئلة اصغرها يتجاوب عليه فى صفحتين!! طبعا...لازم تبقى حافظ كتاب القسم و مبتذاكرش من مزكرات دروس و الا مش هتعرف تحل الاسئلة اللى رئيس القسم اخترها من الكتاب و مش موجوده فى المزكرات-بصرف النظر عن اهميتها-هدية للى ذاكر من الكتاب ابو 60 او70 او حتى100 جنيه اللى مليان دش و مش عارف تجمع منه نقطتين على بعض,ودا عشانه متقصقص من مراجع مختلفة,او عشان كل نص صفحة كاتبها دكتور, و وارد جدا ان دكتور يختلف مع التانى فى نقطة واحدة,و نضيع احنا بين افكار ناس كبار جدا محناش قدها..
ليه امتحاناتنا متبقاش كلها بالنظام الامريكى-بالرغم من المقاطعة-عشان نفرز اللى فاهم و مذاكر من اللى مش فاهم و صامم..و بالطريقة دى هيبقالنا حرية الاختيار من بين المصادر اللى عاوزين نذاكر منها-كل واحد حسب امكانياته فى المذاكر-,و نحارب الدروس اللى مابتعلمش الطالب الا ازاى يجيب درجات بصرف النظر فاهم ولا مش فاهم-و لو كانت بتعلم طب بجد فاهلا بها......
دا رايى بصراحة عن حاجات بنلمسها كلنا طول السنة وكل سنة ومع كل امتحان وكل لحظة مذاكرة.
ارجوا منكم مشاركتى فى التفكير فى ذلك الموضوع. و ابداء آراءكم بصراحة فيه. انا عارف ان عاندكوا افكار كتير. ياريت ما تبخلوش علينا بيها..
و ربنا يستر فى الشفوى :( :(
مهما كان السبب دخلناها والى كان كان! فرضناها على نفسنا. و بقت علينا مسؤولية كبيرة فى المحافظة على نفسنا وعلى اللى حولينا . وبقى على اللى بيدرسولنا مسؤولية اكبر فى كيفية تعليمنا و جعلنا قادرين على اكمال رسالتهم..
لكن,,,,
هل انتو شايفين ان احنا بنتعلم صح؟؟:confused: :confused: ؟؟ نقعد طول السنة نصم و نحفظ فى حاجات فاهمينها او مش فاهمينها..مش مهم!! المهم تدخل تدلقها فى الامتحان اللى كله اسئلة اصغرها يتجاوب عليه فى صفحتين!! طبعا...لازم تبقى حافظ كتاب القسم و مبتذاكرش من مزكرات دروس و الا مش هتعرف تحل الاسئلة اللى رئيس القسم اخترها من الكتاب و مش موجوده فى المزكرات-بصرف النظر عن اهميتها-هدية للى ذاكر من الكتاب ابو 60 او70 او حتى100 جنيه اللى مليان دش و مش عارف تجمع منه نقطتين على بعض,ودا عشانه متقصقص من مراجع مختلفة,او عشان كل نص صفحة كاتبها دكتور, و وارد جدا ان دكتور يختلف مع التانى فى نقطة واحدة,و نضيع احنا بين افكار ناس كبار جدا محناش قدها..
ليه امتحاناتنا متبقاش كلها بالنظام الامريكى-بالرغم من المقاطعة-عشان نفرز اللى فاهم و مذاكر من اللى مش فاهم و صامم..و بالطريقة دى هيبقالنا حرية الاختيار من بين المصادر اللى عاوزين نذاكر منها-كل واحد حسب امكانياته فى المذاكر-,و نحارب الدروس اللى مابتعلمش الطالب الا ازاى يجيب درجات بصرف النظر فاهم ولا مش فاهم-و لو كانت بتعلم طب بجد فاهلا بها......
دا رايى بصراحة عن حاجات بنلمسها كلنا طول السنة وكل سنة ومع كل امتحان وكل لحظة مذاكرة.
ارجوا منكم مشاركتى فى التفكير فى ذلك الموضوع. و ابداء آراءكم بصراحة فيه. انا عارف ان عاندكوا افكار كتير. ياريت ما تبخلوش علينا بيها..
و ربنا يستر فى الشفوى :( :(