المساعد الشخصي الرقمي

مشاهدة النسخة كاملة : ازاي الحال ..؟؟



الصفحات : [1] 2 3 4 5 6 7 8 9 10 11 12 13 14 15 16

winner
27-10-2007, 05:12 PM
ازاي احوالكو .. :bye:

يارب تكونو بتاكلو كويس .. :atshan:

فكرة الموضوع ده ببساطة ..

كل ما تدخل المنتدى اكتب حالتك المزاجية عاملة ازاي دلوقتي ..

قول انت دلوقتي مبسوط :tamtam:و لا مخنوق :smiley13:و لا قرفان :smiley5.:و لا حزين :smiley6:و لا ايه ..

و لو عاوز تحكي ايه اللي حصلك النهاردة احكي براحتك ..

لما نعرف حالتك عاملة ازاي ده يخلينا نعرف نتعامل معاك احسن .. لو زعلان ممكن نهون عليك .. و لو مخنوق ممكن نحاول نرفة عنك شوية .. و لو مبسوط نشاركك فرحتك ..

ببساطة نعرف حالتنا النفسية عاملة ازاي و احنا بنتكلم مع بعض ..

و كل ما تدخل المنتدى سجل حالتك علطول ..

arownas
27-10-2007, 05:13 PM
يلا اول القصيدة كفر

مخنوق مترقب مش عرف ايه اللي هايحصل

winner
27-10-2007, 05:14 PM
انا دلوقتي مش مرتاح ..


حاسس بالملل و مش مبسوط ..

مصري متعصب
27-10-2007, 05:15 PM
انا حاسس اني مسطول من امبارح
مش عارف افكر و لا اذاكر ولا حتى افتكر
حاسس كدا ان في سحابة سودا بتمطر في دماغي
اكيد متضايق لاني نمت من بعد الفجر الى اذان العصر
وضاع على الدرس
يللا معلش
ضيعنا الدرس بسبب السهر...بس كسبت ناس افضل

مصري متعصب
27-10-2007, 05:17 PM
يلا اول القصيدة كفر

مخنوق مترقب مش عرف ايه اللي هايحصل
بص انفذ بجلدك و تعال القاهرة قضي فيها الكام يوم اللي فاضلين ع الجيش
اكيد انت حتروح مكان جديد
ناس جديدة
مجتمه جديد
لازم بطنك حتوجعك و مغص
و حاسس انك حترجع
نفس الاحساس اللي هو بتاع بري امتحان
عادي عادي

مصري متعصب
27-10-2007, 05:17 PM
انا دلوقتي مش مرتاح ..


حاسس بالملل و مش مبسوط ..

انزل اشتري مجلة ميكي
حتنسى الملل
او العب بلاي استيشن

Nettawy
27-10-2007, 05:19 PM
أنا بقى مخنووووق زي أرو بالظبط بقالي 4 أيام

arownas
27-10-2007, 05:21 PM
ملحوظة

الجيش عامل بتاع 25 % من خنقتي دلوقتي
في حاجات تانية مش هاقولها

winner
27-10-2007, 05:23 PM
مخنوق مترقب مش عرف ايه اللي هايحصل

هيحصل كل خير ان شاء الله ..

حاسس كدا ان في سحابة سودا بتمطر في دماغي
اكيد متضايق لاني نمت من بعد الفجر الى اذان العصر
وضاع على الدرس

انا قولت انك متضايق عشان ضيعت الظهر مش الدرس .. اكيد انت متضايق برضه عشان كدة ..
ربنا يزيح عنك همومك يا ريس ..

Nettawy
27-10-2007, 05:23 PM
أنا بقى مش هقدر أقول أي حاجه لأنها كلها شخصيه
وللاسف مش بعرف اخرج من جو الخنقه اطلاقا إلا بعد اسبوع على الاقل

dr_esawy
27-10-2007, 05:25 PM
انا منتظر بلهفة الزمالك واحشنى
وطبعا مستنى نتيجة الاهلى

winner
27-10-2007, 05:25 PM
انزل اشتري مجلة ميكي
حتنسى الملل
او العب بلاي استيشن

ما بينفعش معايا الحاجات دي ..

Nettawy
27-10-2007, 05:28 PM
يا مصري وينر مخلص كليه حرام عليك

Nettawy
27-10-2007, 05:28 PM
تقولوا ميكي؟؟؟

مصري متعصب
27-10-2007, 05:30 PM
انا منتظر بلهفة الزمالك واحشنى
وطبعا مستنى نتيجة الاهلى
انا زيك منتظر
بس خااااااااااااااااااااااااااايف

مصري متعصب
27-10-2007, 05:32 PM
أنا بقى مخنووووق زي أرو بالظبط بقالي 4 أيام
ايه دا يا نتاوي
يعني من يوم الخميس
لما قابلتك
كدا بردو
مواشي

ملحوظة

الجيش عامل بتاع 25 % من خنقتي دلوقتي
في حاجات تانية مش هاقولها
بص يا ارو
خبط على الحج
و قلله اخطبهالي يابا
و ملكش دعوة للي حيحصل بعد كدا
ونا في الخدمة لو حصل اي حاجة

arownas
27-10-2007, 05:32 PM
يا مصري وينر مخلص كليه حرام عليك
ايه ده
هو وينر مخلص بجد؟

و لو
ميكي دي من اكتر الحاجات اللي بتخلي الواحد يفك
خصوصا بطوط
كارثة

مصري متعصب
27-10-2007, 05:34 PM
ما بينفعش معايا الحاجات دي ..
ايوا يا عم
ديوان ابراهيم حافظ و احمد شوقي و الحجات دي

يا مصري وينر مخلص كليه حرام عليك

تقولوا ميكي؟؟؟
ميكي يقرأها كل الطوائف و الفئات و زي ما ارو قال
بتفك جامد

arownas
27-10-2007, 05:36 PM
بص يا ارو
خبط على الحج
و قلله اخطبهالي يابا
و ملكش دعوة للي حيحصل بعد كدا
ونا في الخدمة لو حصل اي حاجة


هيهيهي
لأ مش كده خالص يا مصري

winner
27-10-2007, 05:38 PM
انا مش مخلص كلية و لا حاجة يا جماعة .. انا لسة زغنن ..

و الحقيقة انا بحس ان قصص الاطفال و ميكي و الكلام ده حاجات تافهة .. و مش بتملى دماغي ..

و عندك حق يا مصري .. ايام المدرسة كنت في الفسحة اروح المكتبة و اقرا في ديوان المتنبي او اي شعر ..

The end
27-10-2007, 05:41 PM
انا للاسف زعلانة
لان ليا ناس عزيزين عليا و زعلانين مني
بس انا زعلانة اكتر لانهم مش فهمني

dr_esawy
27-10-2007, 05:42 PM
انا زيك منتظر
بس خااااااااااااااااااااااااااايف


دونت وورى ماتقلقش
ان شاء الله هنكسب والزمالك يرجع زى الاول

مصري متعصب
27-10-2007, 05:43 PM
انا للاسف زعلانة
لان ليا ناس عزيزين عليا و زعلانين مني
بس انا زعلانة اكتر لانهم مش فهمني
من اول اسباب الزعل بين الاصدقاء سوء التفاهم
لذك حاولي توصلي وجهة نظرك بكل طريقة ممكنة

greyzone
27-10-2007, 05:46 PM
الحمد لله
حالتى زفت النهادة وكل سبت
لأنى ببساطة شايل هم ال3 أيام الجايين
باكون نوبتجى
الواحد بيبقى شايل هم النوبتجيات لأن كلها وجع قلب
وقلت قبل كده للمدير
احنا فى النوبتجيات بنبقى عاملين زى المنافقين فى رمضان:
لابيعرفوا ياكلوا بالنهار ولا يناموا بالليل
وفوق كدة مالهمش بيه حاجة عند ربنا

The end
27-10-2007, 05:48 PM
للاسف شكلهم كده قاسيين جدا
و مش راضيين نتكلم بس و الله ده سوء تفاهم
و انا بجد بحترمهم جدا و هما عارفين
انا حتي قولت لهم نتكلم و هما مش راضين
فيا ريت يفكروا مع نفسهم و يحاولوا يفهموني او يدوني فرصة للكلام معهم
انا بجد زعلانة لانهم زعلنين هما طبعا زي اخواتي
يا رب يفهموني!!!!!!!!

مصري متعصب
27-10-2007, 05:50 PM
للاسف شكلهم كده قاسيين جدا
و مش راضيين نتكلم بس و الله ده سوء تفاهم
و انا بجد بحترمهم جدا و هما عارفين
انا حتي قولت لهم نتكلم و هما مش راضين
فيا ريت يفكروا مع نفسهم و يحاولوا يفهموني او يدوني فرصة للكلام معهم
انا بجد زعلانة لانهم زعلنين هما طبعا زي اخواتي
يا رب يفهموني!!!!!!!!
سين سؤال
الناس دي موجودة في الفورم هنا
اصل لو موجودين قوليلي ونا اجبهملك علطول

The end
27-10-2007, 05:54 PM
مش هيفرق كتير هما هنا و لا لا
هما لو ما رجعوش من نفسهم يبقي الموضوع منتهي
بس و الله انا عندي امتحان و مش بزاكر علشان اصالحهم و هما مش رضين
علي العموم انا بعتذر لهم
و بقول لهم
(انا اسفة )
و ما اعرفش هما هيشوفوا اعتذاري و لا لا
بس بجد هما كانوا قاسيين جدا عليا

The end
27-10-2007, 05:54 PM
شكرا يا مصري علي اهتمامك

sameh_ig
27-10-2007, 05:55 PM
قاعد و مزاجى عنب و فل الفل الحمد للة

واكل سبانخ و رز و بط و بعمل كباية شاى و الدنيا حلوة

صاحى من 6 صباحا و خلصت شغل و كاشف على 140 حالة و لسانى و جعنى من كتر الكلام

ورايا gonorreha لازم تتاكل النهاردة اكل

mr_azygos
27-10-2007, 06:13 PM
كويس يا جماعه ان فيه حد مش مكتئب
انا بقي خايف علي الاهلي

Nettawy
27-10-2007, 07:04 PM
انا للاسف زعلانة
لان ليا ناس عزيزين عليا و زعلانين مني
بس انا زعلانة اكتر لانهم مش فهمني

والله يا END نفس اللي حصل معايا امبارح
البيت كله زعلان مني
ومافيش حد فاهمني
ومخنوق كتير كتير كتير


يظهر اني هكون من رواد الموضوع ده بجداره

Nettawy
27-10-2007, 07:08 PM
انا للاسف زعلانة
لان ليا ناس عزيزين عليا و زعلانين مني
بس انا زعلانة اكتر لانهم مش فهمني


مش هيفرق كتير هما هنا و لا لا
هما لو ما رجعوش من نفسهم يبقي الموضوع منتهي
بس و الله انا عندي امتحان و مش بزاكر علشان اصالحهم و هما مش رضين
علي العموم انا بعتذر لهم
و بقول لهم
(انا اسفة )
و ما اعرفش هما هيشوفوا اعتذاري و لا لا
بس بجد هما كانوا قاسيين جدا عليا

والله يا END
نفس اللي بيحصل بس عذراً ليهم مذاكرتك حالياً أهم
وأنا من مكاني هنا بقولهم حرام عليهم الشيطان هو اللى بيبعد مابينكوا
اسألي مجرب
وان شاء الله هيشوفوا اعتذارك وترجعوا أحسن من الأول
وأدعيلي ان ربنا يفك كربي :takh:

Rule Breaker
27-10-2007, 09:11 PM
انا حاليا مخنوووووووووووووووووووووووووووووووووووووووووووقة
ومعصبة ومتضايقة...و...و...
كفاية كدا!

dr_esawy
27-10-2007, 09:22 PM
الا بذكر الله تطمئن القلوب

kalamntena
27-10-2007, 10:10 PM
الحمد لله كويسة
:smiley14:

winner
27-10-2007, 10:53 PM
الحمد لله كويسة



يارب دايما ..

kalamntena
27-10-2007, 11:00 PM
دايما اكون كويسة
بس مش الظروف دي ابدا يا احمد
ربنا ميجعلهاش عند حد ابدا

أبو المعاطى شمروخ
27-10-2007, 11:23 PM
انا بقى مُرهق جدا جدا جدا جدا جدا
بس مزاجى حلو الحمد لله

The end
28-10-2007, 12:02 AM
ربنا يفك كربك يا نتاوي
و يوفقنا جميعا

ekm86
28-10-2007, 03:51 AM
ادعولي معاكوا يا جماعة

The end
28-10-2007, 10:34 PM
انا محتاجة تدعو لي جدا
لان عندي امتحان بكرة ان شاء الله
ادعو لي
و ربنا يوفق الجميع

مصري متعصب
28-10-2007, 11:26 PM
انا قرفان جدا جدا

arownas
29-10-2007, 12:19 AM
نعســــــــــــــــــــــــــــــــــان

cuty
29-10-2007, 11:04 AM
قاعد و مزاجى عنب و فل الفل الحمد للة

واكل سبانخ و رز و بط و بعمل كباية شاى و الدنيا حلوة

طب ممكن حتة00بليييييييييييييييز 00

أحسن أنا بموت في البط 00 بس محرمينه علينا في البيت من ساعة أنفلونزا الطيور 00



صاحى من 6 صباحا و خلصت شغل و كاشف على 140 حالة و لسانى و جعنى من كتر الكلام

ورايا gonorreha لازم تتاكل النهاردة اكل




أنا قولت أنا هأكون أول واحدة 00

بس سبقتي يا Boss

أصلي مزاجي عال العال 00


و محدش يحسد 00




مع أن الظروف دلوقتي لو كانت كده من شهر كنت بقيت قمة الإكتئاب 000



و حصل معايا حاجات 00 لو زمان كانت تزعلني و تأثر فيا جدا 00 بس دلوقتي مهما حصل دايما منشكحة 00

يا رب كده علي طول 00


يا ريت حد يقولوا ايه سبب ال Euphoria اللي أنا فيها دي 00 لأني فعلا مش عارفة مصدرها 00


و عايزاها تستمر 00



مع العلم 00 أنا مبضربش أي حاجة 00 دماغ من عند ربنا يعني 00 هههههههههه :icon_mrgr00


و ممنوع ممنوع القر :peace:00

broken nonna
29-10-2007, 12:15 PM
<TABLE id=HB_Mail_Container height="100%" cellSpacing=0 cellPadding=0 width="100%" border=0 UNSELECTABLE="on"><TBODY><TR height="100%" width="100%" UNSELECTABLE="on"><TD id=HB_Focus_Element vAlign=top width="100%" background="" height=250 UNSELECTABLE="off">نتاوى وارو وكلمنتينا وانجل و مصري و ekm طمنونا عليكم
ماااااااشي

</TD></TR><TR UNSELECTABLE="on" hb_tag="1"><TD style="FONT-SIZE: 1pt" height=1 UNSELECTABLE="on">
</TD></TR></TBODY></TABLE>

arownas
29-10-2007, 04:05 PM
ماتقلقيش علينا يا بروكن
احنا ردالة وبنجف وجفة ردالة

و وقت الازمات

بنهيسسسسسسسسسسسسسس

kalamntena
29-10-2007, 08:12 PM
الحمد لله
:smiley14:

dr_0nline
29-10-2007, 10:33 PM
فكرة جامد بتاعة الموضوع دا يا وينر
*
بالنسبة بقى للحالة المزاجية
ياااااااااااااااااه آآآآآآآآخر شهيصة:tamtam: بس نفسي انام بجد:sleepy:
*
بس ماحدش يقررررر نقو بس:icon_mrgr
*
سلاموز

مصري متعصب
29-10-2007, 10:38 PM
عادي مفيش مشاكل
بس حاسس ان دماغي مقفلة
مش عارف في ايه

winner
29-10-2007, 11:10 PM
حاسس ان فيه امل ..
و طموحي بينقح عليا ..

blue_oceanz
29-10-2007, 11:12 PM
حاسة بحالة فرح مش طبيعية.....
مش عارفة ليه......
يمكن الكوفى ميكس اللى شربته فيه حاجة....:peace:

kalamntena
29-10-2007, 11:46 PM
i have terrible cold
atshoooo
:smiley11:

مدنجي
29-10-2007, 11:53 PM
يرحمكم الله

انا مش حاسس بأى حاجة خاص
ولا زعلان و لا فرحان
و لا زهقان و لا ...... (مش عارف عكس زهقان)

المهم هقوم انا معشان اصحى الفجر
عشان اسافر منطقة التجنيد


دى..

winner
29-10-2007, 11:53 PM
i have terrible cold
atshoooo
:smiley11:



حمد الله ع السلامة ..
عشان تبطلي شرب ميه ساقعة و تخففي الهدوم و تقعدي تحت المروحة ...!!!

dr_0nline
29-10-2007, 11:55 PM
يرحمكم الله كلمنتينا
*
دلوقتي بقى انا جعاااااااااان جدا
*
ريحة الفطير في المحل بتفحفح
اااااااااااااااااه مش قادر اقاوم
*
سلاموز

kalamntena
30-10-2007, 12:00 AM
thank you all



عشان تبطلي شرب ميه ساقعة و تخففي الهدوم و تقعدي تحت المروحة ...!!!
my biggest problem is that i can't bear hot weather
above 23 celisious degree is a disaster 4 me
high metabolic rate
al 7amdullelah

مصري متعصب
30-10-2007, 12:06 AM
الحمدلله يا كلمنتينا
انا بقى منكشح
و حاسس اني دماغي بدأت ترجعلي
تعالى عندي يا اونلاين انا بتعشى فطير اهو

The end
30-10-2007, 01:52 AM
الحمد لله انا فرحانة جدا و حاسة اني في حالة ارتياح نفسي من حاجات كتير انهتها و منها الامتحان
مش لاني جاوبت كويس قي الامتحان(و طبعا ده ما حصلش اوي ي ي)بس علشان خلاص ارتحت من الروند ده و داخلة علي روند جديد
و ربنا يسهل
و اهلا بالمعارك

dr kemo
30-10-2007, 02:15 AM
حالة متوسطة بين الفرح و الاكتئاب

و النشاط و الكسل


و النعاس و الأرق


معرفش دي بصراحة نعمة و لا نقمة


بس الحمد لله على كل حال :bold:

a1man
30-10-2007, 11:18 AM
:tamtam:السلام عليكم :tamtam:
الف سلامة يادكتورة
..
حاليا انا تمام التمام , الحمد لله نعمة
الواحد كان بقاله كتير مش عارف يضحك

arownas
30-10-2007, 03:16 PM
مش حاسس بحاجة مخصوصة
تقريبا زي احساس مدنجي
عادي

مدنجي
عكس زهقان
مش زهقان:icon_mrgr

أبو المعاطى شمروخ
30-10-2007, 07:11 PM
انا مزاجى الحمد لله حلو عشان الواحد كل يوم بيخلص جزء من امتحانات الباطنة
انما فى حاجة منغصة عليا ومضيقانى
هو انا فى لجنة ام سي كيو الجلدية عندى تقريبا 5 اخطاء
4 منهم كنت مجاوبهم صح وغشيت الاجابات الغلط
وواحدة بقى كنت عاملها غلط وغشيت الصح ومرضتشى اصححها
تشبثت باجابتى الغلط
شوفتوا النحس:akh:

kalamntena
30-10-2007, 07:55 PM
شكرا يا مصري
شكرا يا ايه وان مان



ابو المعاطي
:smiley24.



انا بالي مشغول حبتين
عايزة افضي مخي
بس اجمالا باتحسن يوم عن يوم الحمد لله
جايز عشان هابدأ دراسة خلاص؟؟؟

مصري متعصب
30-10-2007, 07:57 PM
انا بقى انهردا راااااااااااااااااااااااااااااااايق اوي اوي
حاسس اني واخد دبوسين

dr_angel
30-10-2007, 09:54 PM
الف سلامة ليكى ياكلمنتينا
جميلة فكرة الموضوع جداااااااااا
انا بقى النهردة مخنوووووووقة جدااااااااااااا
ادعولى معاكم

winner
30-10-2007, 11:32 PM
حالة من الصمت ..
من الممكن ان تعقبها حالة من المذاكرة او النوم ..

kalamntena
30-10-2007, 11:56 PM
الله يسلمك يا انجل
:twins:

The end
31-10-2007, 12:18 AM
السلام عليكم و رحمة الله و بركاته
انا دماغي عالية جدا و مزاجي تمام التمام

cuty
01-11-2007, 09:38 AM
تقريبا حد قر 00

حالة الEuophoria قلت شوية 00


و بقيت normal

أبو المعاطى شمروخ
08-11-2007, 04:50 PM
مبدأيا مُرهق موووووووووووووووت
راجع من امتحان عملى الباطنة ب 210 درجة
انما المنحوس منحوس
الامتحان 6 حالات كل حالة ب 35 درجة
-حالة من الحالات لامؤاخذة مش تريقة أنا بقول الحقيقة
الدكتور كان أخنف مفهمتش منه ولا حرف وكاتم الضحك غصب عنى والله وبقيت اجاوب بالشبه وهو يقولى انت بتقول ايه يا ابنى
-حالة تانيةAF
حظى الدكربعد النبض(COUNTING PULSE)والله العظيم ده حصل النهاردة الساعة وقفت وشغالة بقالها كزا سنة جات النهاردة وعصلجت
_ حالة تانية بعمل مش عارف ايه الدكتور بيقولى انت بتعمل ايه يا حبيبى انسى وقاعد يضحك وقعد يلأح بكلام
فانا قمت فاتح فى الضحك وهو يضحك وانا اضحك وهو مش متخيل ان انا فى موقف زى ده اضحك
وشيفت اتعمل وشكلى اتظبط
_ حالة النيورو بقى
الواد شكلة مش متعلم المهم عكمته عكمة تمام الاقى بيقولى بالانجليزى وصاروخ لو دكتور متخصص مش هيعرف يقول زيه
وقعد يجاوب على اسئلة الدكتور
اقوله اعمل ايه فى السؤال ده يقولى مثلا اعمل Babiniski
الدكتور يقولى اخبار الريفليكس الفلانى ابص للولد يقولى absent
عجب العجاب
دى الحاجة اللى فتحت نفسى النهاردة

شفوى الكلينيكال عندنا دبح

rony
08-11-2007, 05:05 PM
انا دلوقتى خايفة ومتوترة جداااااااا.... لانى كمان ساعة هاروح للدكتور عشان يشوف الجرح اللى وشى خف ولا لسة ويحدد ان كان هايحتاج عملية تجميل ولا لأ..... ادعولى يا جماعة الموضوع يطلع بسيط لحسن الواحد مش ناقص والله

d.m.d
08-11-2007, 05:11 PM
مخنوق جدددددددددددددددا
زهقان جددددددددددددددددا
ومضايق جدددددددددددددا
كل حاجه
بس فعلا مش طايق حد خالص
ومخنوق من نفسى وكل حاجه

rony
08-11-2007, 05:18 PM
مخنوق جدددددددددددددددا
زهقان جددددددددددددددددا
ومضايق جدددددددددددددا
كل حاجه
بس فعلا مش طايق حد خالص
ومخنوق من نفسى وكل حاجه
والله نفس الاحساس اللى عندى بس انا قالبة معايا بعياط واكتئاب من كل حاجة

greyzone
08-11-2007, 05:28 PM
ألف سلامة يا رونى
وان شاء الله يكون خير

blue_oceanz
08-11-2007, 05:31 PM
ايه يا جماعة ايه الزعل اللى انتشر مرة واحدة كالوباء ده...
الف سلامة عليكى يا رانيا هتكونى بخير ان شاء الله...
ومتخافيش كده اجمدى دانتى دكتورة اد الدنيا...:smiley2:
واهديلك انتى ومحمود اغنية...
"الدنيا حلوة" :smiley2:
ويا جماعة بجد فكوا شوية مبحبش اشوف حد زعلان كده ولا متضايق كده....:mad:

أبو المعاطى شمروخ
08-11-2007, 05:51 PM
وحدوووووووووووووووووووووووووووه

كل بيروح فى الغسيل

كبروا هو يعنى هيحصلكوا زى اللى حصلنا النهاردة

greyzone
08-11-2007, 05:59 PM
ما احنا حصل لنا أكتر و لسة عايشين اهه

ekm86
08-11-2007, 07:39 PM
انا دلوقتى خايفة ومتوترة جداااااااا.... لانى كمان ساعة هاروح للدكتور عشان يشوف الجرح اللى وشى خف ولا لسة ويحدد ان كان هايحتاج عملية تجميل ولا لأ..... ادعولى يا جماعة الموضوع يطلع بسيط لحسن الواحد مش ناقص والله
ما تخافيش يا روني واتوكلي على الله
وإن شاء الله ربنا يكتبلك الشفاء
و"لعله خير"

emmy
08-11-2007, 07:54 PM
انا كنت حاسة مخنوقة و مضيقة اوي
بس دلوقتي خلاص حاسة اني قاعدة
وسط عيلتي والناس الي بحبها
و نسيت كل حاجة احسن شعور في الدنيا انك
تحس ان حد واقف جنبك و بيساندك بجد:smiley2:

:maaamaaa::maaamaaa:

:twins:

:smiley1:

kalamntena
08-11-2007, 09:14 PM
الف سلامة عليكي يا روووووووون
:twins:

winner
09-11-2007, 12:10 AM
ازاي الناس كلها ..

انا مش عارف احس بالراحة و لا القلق ..

اصل عندي امتحان نسا بعد اسبوع ..
انا مذاكر بس مش عارف اذا كانت ماكرتي تكفي اني اجيب تقدير كويس و لا لا .. انا معايا ناس مستويات في الروند .. و المنافسة صعبة لكنها مش مستحيلة ..
بس الاهم ان ربنا يكرمني بدكتور كويس يمتحني ..

ادعولي .. فليس بايدينا غير الدعاء ..

STROMA
09-11-2007, 12:14 AM
ربنا مع كل اللي بيمتحونوا

blue_oceanz
16-11-2007, 07:36 PM
انا مخنووووووووووووووووووووووقة اوى
بجد متضايقة وعايزة اتكلم......
والمشكلة ان اللى بتبقى محتاجهم مش موجودين وقت مبتكون عايزهم.........
ادعولى يا جماعة........بالله عليكم متبخلوش عليا بالدعاء....

HAYAH
16-11-2007, 07:47 PM
ربنا معاكي يا رنا

بس ازاي يعني مش موجودين؟؟

d.m.d
24-11-2007, 09:15 PM
بما ان كل اللى بيقولوا حالهم عامل ايه
انهم مخنوقين ومضايقين
انا النهارده هخالف القاعده شويه
انا النهارده مبسووووووووووووووووط جدا
الحمد لله
طبعا مش علشان الكليه
الكليه دى تجيب الهم
يارب بقى ما يحصلش حاجه بكره فى الكليه تضايقنى كالعاده
مش مشكله
انا دلوقتى فرحاااااااااااااااااان جدا
ياريت كل الناس تبقى سعيده كده

winner
24-11-2007, 09:22 PM
..
ربنا يسعدك دايما يا دي ام دي ..

انا فاضييييييييييييييييييييييي موووووووووووت ..
و بكره احساس الفراغ ..
انا لازم اكون بعمل حاجة ..
اصل انا لسة مخلص النسا ..
و عندي كام يوم راحة ..
نمت اول يومين .. و لعبت شوية ..
و بعدين زهقت .. و اشتقت للمذاكرة ..
لكن ان شاء الله بكرة نرجع للمذاكرة تاني ..

أبو المعاطى شمروخ
24-11-2007, 09:29 PM
و بعدين زهقت .. و اشتقت للمذاكرة



انت غريب يا هانى !!!!!!!!!!

d.m.d
24-11-2007, 09:30 PM
و بعدين زهقت .. و اشتقت للمذاكرة



انت غريب يا هانى !!!!!!!!!!
هانى مين يا دكتور
هى صدمه الكلام ده اثرت عليك ولا ايه

winner
24-11-2007, 09:32 PM
..
انا زهقت من الفراغ
و اشتقت للمذاكرة ..

وصلت يا رياض بيه البنطلوني ..!!!!!!!!!!!!

Dr.Medicine
24-11-2007, 09:32 PM
انا النهارده مبسووووووووووووووووط جدا
الحمد لله

ايوة مين بينده عليا؟؟؟؟؟؟؟مين بيجيب في سيرتي؟؟؟؟؟؟؟
الحمد لله:bye::smiley29::smiley29:
انا بقي مصدعة جدا و هيغمي عليا من التعب و العياء
و عندي شعور بالضياع لان امتحان الجراحة و مش عارفة اي حاجة في اي حاجة:smiley29:
ادعو لي :takh:

ekm86
24-11-2007, 09:35 PM
و بعدين زهقت .. و اشتقت للمذاكرة



انت غريب يا هانى !!!!!!!!!!
ربنا يخليك لينا يا اللي بالي بالك :smiley2:

blue_oceanz
25-11-2007, 06:23 PM
النهاردة يوم غريب....
وبينتهى نهاية أغرب بصراحة ...:mmmm mmmmاتخنقت اوى:aiaiai:
ما علينا......
انا مخنوقة ...احتمال اطق من حالة الخنقة دى اللى ملازمانى بقالها شوية كتار...:smiley18:
انا نفسى حد يدعيلى بذمة يدعيلى كده من قلبه ...ربنا يعدى الاسبوع ده على خير...

dr kemo
05-12-2007, 12:29 AM
أهو عدى



يا رب يكون على خير

Dr.Medicine
05-12-2007, 10:38 AM
حالتي بقت حالة :waaaaawaa<?xml:namespace prefix = o ns = "urn:schemas-microsoft-com:office:office" /><o:p></o:p>
بيجي لي نوبات من اللامبالاة يعقبها نوبات من الأمل:mmmm mmmm<o:p></o:p>
و خايفة جدا من امتحان الجراحة:smiley18:
<o:p></o:p>
أدعو لي يوم الأحد إن ربنا يوفقني أنا و زميلي كلهم :takh::takh::takh::takh::takh:<o:p></o:p>
<o:p></o:p>
و يجعل كلامي خفيف علي قلب الدكاترة:welcome: و تقيل و موزون في عقلهم<o:p></o:p>
<o:p></o:p>
و إلي لقاء آخر في يوم الأحد المقبل :bye:<o:p></o:p>

wgh_el2mr
05-12-2007, 12:14 PM
حالتى؟
والله مش عارفة بالظبط
امبارح كنت حاسة انى عاوزة اتكلم واضحك
وبعدها فى ناس ضايقتنى اوى اتخنقت وقمت نمت قبل ما انام قلبت عليا المواجع وقعدت اعيط واعيط
ولما قمت من النوم لقيت نفسى كويسة الحمد لله
يعنى احسن الحمد لله

واسمع اغنية كان فيه بنت اسمها تررم

أبو المعاطى شمروخ
05-12-2007, 01:50 PM
مين اللى زعلك دا يا مروة

وانا ادبحه

wgh_el2mr
05-12-2007, 02:26 PM
خلاص حصل خير
المسامح كريم يا سامح

blue_oceanz
05-12-2007, 04:34 PM
النهاردة انا حاسة انى من ده على ده....
مش عارفة يعنى ايه...
بس حاسة انى كويسة اينعم كنت مخنوقة شوية قبل مروح من الكلية وكانت رونى هترمينى قدام اى عربية معدية بس الحمد لله....
جت سليمة وتحسنت....:smiley20:

STROMA
05-12-2007, 07:34 PM
الحمـــــد لله

مصري متعصب
05-12-2007, 08:19 PM
الاسبوع القادم هو اسوأ اسبوع يعدي علي
ادعولي بكل قوتكو انه يعدي على خير
و ربنا يستر

wgh_el2mr
05-12-2007, 08:40 PM
=الاسبوع القادم هو اسوأ اسبوع يعدي علي
ادعولي بكل قوتكو انه يعدي على خير
و ربنا يستر

ليه التشاؤم دا؟
على كل ربنا معاك

winner
06-12-2007, 12:51 AM
..
انا حاليا في فترة بيات فكري و صيام عن المذاكرة ..
الحالة دي بتجيلي دايما من فترة للتانية ..
اتمنى ان الحالة دي تخلص بسرعة ..
و ارجع اذاكر تاني ..
حاسس اني تايه شوية في المذاكرة و ان الحاجات بتتكوم فوق دماغي ..
لكن عندي امل كبير ان شاء الله اني اشد اكتر و ربنا يسهل و يكرم ..

HAYAH
06-12-2007, 03:52 AM
اقلكوا على حاجة??
انا مش متفائلة:sleepy:

wgh_el2mr
06-12-2007, 07:22 PM
انا مش عارفة بالظبط انا حاسة بايه
متضايقة ..يمكن؟
تعبانة......... يمكن؟
محتارة........يمكن؟

بس اللى عارفاه انى حاسة انى قربت اخرج من الحالة اللى انا فيها دى
هى يمكن طولت معايا
بس يمكن ابقى احسن يمكن دا يكون بداية جديدة

اللى اعرفه انى كنت بمر بفترة من الفترات السيئة فى حياتى كلها
واتمنى انى اخرج منها بسرعة لانى مش قادرة استحمل اكتر من كدا

حاسة انى تايهة
غرقااااااااااااااااااااانة
ونفسى افوق لنفسى شوية
عاوزة ازاااااااااااااااااااااكر ومش قادرة ولا عارفة
لما امسك الكتاب الف فكرة والف الم بينطوا فى دماغى

ياااااااااااااااااارب ساعدنى واهدينى

d.m.d
07-12-2007, 10:11 PM
الحمدلله الحال النهارده كويس

emmy
14-12-2007, 11:09 PM
حاسة اني مخنوقة جدا و محبطة
ادعولي يا جماعة...
بس مش تدعو باسم ايمي
ادعو لكل من ضاقت به الدنيا....

rony
14-12-2007, 11:19 PM
حاسة اني مخنوقة جدا و محبطة
ادعولي يا جماعة...
بس مش تدعو باسم ايمي
ادعو لكل من ضاقت به الدنيا....
ربنا يزيل عنك الهم والكرب وعن كل مسلم على وجه الارض يا رب
بصى يا ايمى يا حبيبتى اقرأى قرآن وقومى صلى وادعى ربنا واكيد هاتبقى كويسة بعدها ان شاء الله
ربنا معاكى ...

rony
14-12-2007, 11:21 PM
النهاردة بقى انا حاسة بصفاء نفس رهيييييب
حاسة انى طايرة فوق السحاب ...فرحانة جدا مش عارفة ليه
يمكن عشان ذاكرت؟....جايز والله ماهو احساس غريب برضه
بس فعلا احساس الفرحة والسعادة ده حلو جداااا

ربنا يسعد كل اعضاء المنتدى ويسعد كل الناس....

بكاء_القمر
14-12-2007, 11:28 PM
ربنا يسعدك دائماااااااااااااا
وانا بقا احساسى لا يوصفة سنين ولا قرون
احساسى انهاردة كأنى انسانة بلا حياةةةةةةةةة
زى الشجرة الى اورقها ماتت
زى الارض الى جف الماء بداخلها
زى القمر الى نورة انطفىىىىىىىىىىىىىىىى
ما قدر اقول غير ادعولى كتيرررررررررررررررررررررررررررررررررررررررررر اوى
بكاء القمر

rony
14-12-2007, 11:42 PM
ربنا يسعدك دائماااااااااااااا
وانا بقا احساسى لا يوصفة سنين ولا قرون
احساسى انهاردة كأنى انسانة بلا حياةةةةةةةةة
زى الشجرة الى اورقها ماتت
زى الارض الى جف الماء بداخلها
زى القمر الى نورة انطفىىىىىىىىىىىىىىىى
ما قدر اقول غير ادعولى كتيرررررررررررررررررررررررررررررررررررررررررر اوى
بكاء القمر
ربنا معاكى...بس ليه كده يا جماعة ده احنا فى ايام حلوة وكلها نشوة والله ...
ده انا بستنى العشرة ايام دول من كل سنة....قربو من ربنا اكتر وان شاء الله هاتحسو براحة نفسية.......
وبعدين وحدووووووووه ...محدش واخد منها حاجة....

broken nonna
15-12-2007, 10:42 AM
لا جدعة يا ست رونى جدعة
بأمارة الحت اللى أكون فيها لوحدى
و اصرخ باللي جوايا من غغير ما حد يسمعنى


بكاء القمر و ايمي
الله لا اله الا انت سبحانك انى كنت من الظالمين
اتقالت ليه بس
لاحول ولا قوة الا بالله
اتعرفت ليه بس
فضل لا اله الا الله
موجود لمين غيرنا يا مسلمين بس

روقوا كدة امااااااااااال

dr / MIM
15-12-2007, 10:47 AM
جميل اوى الموضوع يا جماعة
ده علاج نفسى جماعى زى الدكاترة النفسيين بتوع اوروبا ...........؟؟

The end
15-12-2007, 12:08 PM
السلام عليكم و رحمة الله و بركاته:smiley1:

فعلا الموضوع فكرته جميلة جدا :smiley20:

انا دلوقتي عندي شعور بالضيق ، لاني نفسي ادافع بالكلام عن نفسي و مش عارفة
و في كلام كتير لازم اقوله لناس و هما مش مديني فرصة:drunky:

rony
15-12-2007, 06:39 PM
لا جدعة يا ست رونى جدعة
بأمارة الحت اللى أكون فيها لوحدى
و اصرخ باللي جوايا من غغير ما حد يسمعنى




ما هو انا عايزة اصرخ من فرحتى....هو انا لازم اصرخ لما اكون متضايقة؟
وبعدين انا نفسى اجرى واتنطط بس خايفى لحسن البيت يتهد
http://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gif

d.m.d
15-12-2007, 06:41 PM
الحمدلله
اخر انبساط النهارده
ومفيش نكد لسه
وان شاء الله مفيش
والحياه بمبى
والحال تمام

Nettawy
15-12-2007, 07:22 PM
انا بقى بقالي كام يوم ولله الحمد مش مغموم

بعد غم دام معايا سنين

ادعولي يدوم الشعور ده

kalamntena
15-12-2007, 07:23 PM
سنين ايه يا دكتور
هم كام سنة اصلا عشان يبقوا منهم كام سنة غم
لسه بدري

مصري متعصب
15-12-2007, 07:25 PM
انا بقى بقالي كام يوم ولله الحمد مش مغموم

بعد غم دام معايا سنين

ادعولي يدوم الشعور ده

اصبر الغم جاي كمان يومين
عارف ليه و للا أقول

kalamntena
15-12-2007, 07:26 PM
اصبر الغم جاي كمان يومين
عارف ليه و للا أقول


انت بالذات اهدأ شوية
مش الاسبوع اياه عدى على خير
اشكر ربنا بقى على نعمته و اهدا

Nettawy
15-12-2007, 07:27 PM
كلمنتينا :
أصلك ماتعرفيش اللى فيها -------- مافيش غير 5 بس اللى يعرفوا

مصري:
قول ياسيدي قول بس من غير صداع

مصري متعصب
15-12-2007, 07:27 PM
اصبر الغم جاي كمان يومين
عارف ليه و للا أقول


انت بالذات اهدأ شوية
مش الاسبوع اياه عدى على خير
اشكر ربنا بقى على نعمته و اهدا


لالالالالالا
انا حبدأ بكرا اسبوع جديد

Nettawy
15-12-2007, 07:30 PM
ماتقوووول يابني ايه اللى هيحصل؟؟؟

مصري متعصب
15-12-2007, 07:33 PM
ماتقوووول يابني ايه اللى هيحصل؟؟؟
لالالالالالا
مينفعش
ممكن ع الخاص او الياهو و لو مصر ممكن اقول

Nettawy
15-12-2007, 07:36 PM
لالالالالالالالالالالالالا

أنا مصر بضم الميم وكسر الصاد

ولو ماينفعش خالص قولي وانا افتحلك قلبي اقصد الياهو

kalamntena
15-12-2007, 07:37 PM
ولو ماينفعش خالص قولي وانا افتحلك قلبي اقصد الياهو



ياااااااااااااااااااااه دا انت قلبك كبير قوي يشيل حوالى 250 اكاونت

Nettawy
15-12-2007, 07:41 PM
أكتر والله يا كلمنتينا

بس اللى يقدره بقى

kalamntena
15-12-2007, 07:42 PM
مساء الخييييييييييييييييييييييييييييييييييييييييييييييي ر
:maaamaaa:

Nettawy
15-12-2007, 07:44 PM
مساااااااااااااااااء النووووووووووووووور

مصري متعصب
15-12-2007, 07:58 PM
لالالالالالالالالالالالالا

أنا مصر بضم الميم وكسر الصاد

ولو ماينفعش خالص قولي وانا افتحلك قلبي اقصد الياهو
بلاش اقول هنا

Nettawy
15-12-2007, 08:00 PM
خلالالالالالالالالاص عندك حق بلاش تقوووووووووووووووول

STROMA
15-12-2007, 11:36 PM
لا ازااااااااااااااااااااااااااى ماليش دعوه لازم تقولوا ايه هيا

ده انتوا دفعتى

اكيد حاجه فى الدراسه والامتحانات

قولوا بقى ماليش دعوه:mmmm mmmm

استرها يارب:takh:

winner
15-12-2007, 11:59 PM
مش عاوز اقول زفت و لا طين ..

لكن اكتفي اني اقول حسبي الله و نعم الوكيل ..

ينفع كدة ..!!

الواحد يقضي طول عمره مذاكرة و هم بالشكل ده ..

يادي الاطفال و سنينها ..
لازم الواحد يحفظ كمية حاجات !!!
و الكتب شكلها يسد النفس ..

و كل ما اذاكر شوية و احس اني عملت حاجة .. الاقي كميات اكبر من المذاكرة منتظراني ..

كفاية ..
حرام ..

rony
16-12-2007, 12:03 AM
مش عاوز اقول زفت و لا طين ..
الواحد يقضي طول عمره مذاكرة و هم بالشكل ده ..

و كل ما اذاكر شوية و احس اني عملت حاجة .. الاقي كميات اكبر من المذاكرة منتظراني ..

كفاية ..
حرام ..
هو انت من انصار حركة كفاية اللى مالية البلد اليومين دول؟

ارمى ورا ضهرك....ولا يهمك متخليش المذاكرة تهزمك زهقها انت ...
وبعدين دى الاطفال احباب الله متقولش عليهم كده...

wgh_el2mr
16-12-2007, 12:04 AM
يعنى
انا بقى بحاول اخرج من فترة ربنا وحده اللى اعلم بيها

winner
16-12-2007, 12:09 AM
ارمى ورا ضهرك....ولا يهمك متخليش المذاكرة تهزمك زهقها انت ...
وبعدين دى الاطفال احباب الله متقولش عليهم كده...

..
هههههههههههههه ..
الصوت ده انا سمعته فين قبل كدة ..؟؟
معلش ..
انتي لسة صغيرة و مش عارفة حاجة ..
بكرة لما تكبري و الطب يجيبلك صلع من كتر شد شعرك
و تخلف عقلي من كتر خبط راسك في الحيطة
و طرش من كتر لعبك بالقلم في ودنك
و انفصام في الشخصية من كتر البلاوي اللي بتتحدف عليكي ..

يلا .. عيشيلك يومين من نفسك .

و بكرة تقولي عمو احمد قال ..

winner
16-12-2007, 12:10 AM
يعنى
انا بقى بحاول اخرج من فترة ربنا وحده اللى اعلم بيها

..
ربنا يسهلك يارب ..


بس اوعي لما تخرجي تخرجي في الهوا كدة لا تاخدي برد ..!!!!!

rony
16-12-2007, 12:18 AM
..
هههههههههههههه ..
هههههههههههههه
الصوت ده انا سمعته فين قبل كدة ..؟؟
فين فين؟....مش فاكرة
معلش ..
انت بتقول معلش ....يبقى انت اللى قتلت بابايا ....
اااااااااااااااااااه يا بابايا
انتي لسة صغيرة و مش عارفة حاجة ..
:mmmm mmmm:mmmm mmmm:mmmm mmmmما انا بتكلم على اساس انى طفلة من الاطفال اللى انت متضايق منهم دول
و بكرة تقولي عمو احمد قال ..
قال ايه؟

انا عايزة مثاثة وبثكوت ...ماليث دعوة:smiley19::smiley19::smiley19:

winner
16-12-2007, 12:27 AM
انا عايزة مثاثة وبثكوت ...ماليث دعوة:smiley19::smiley19::smiley19:

..
مش عاوزة ( ثكاليتة )!!!

rony
16-12-2007, 12:46 AM
..
مش عاوزة ( ثكاليتة )!!!

ايوة انا عايزة لثلكليتة...انت اللى ثبطنى اهوه مث انا ...

winner
16-12-2007, 12:50 AM
..
طب روحي نامي بقى عشان انتي سهرتي كتير كدة ..

يلا يا ماما عشان وراكي مدرسة بكرة ..

يلا خليكي شطورة كدة ..

rony
16-12-2007, 12:55 AM
..
طب روحي نامي بقى عشان انتي سهرتي كتير كدة ..

يلا يا ماما عشان وراكي مدرسة بكرة ..

يلا خليكي شطورة كدة ..

حاضل يا عمو احمد
تثبح على خيل...هاملا الزمزمية وانام

winner
16-12-2007, 01:01 AM
حاضل يا عمو احمد
تثبح على خيل ( حصان يعني !!) ...هاملا الزمزمية وانام

..
و ما تنسيش تحطي المريلة و الكوتشي جنب السرير ..
و ترتبي شنطتك كويس و ما تنسيش الكراريس ..
و اوعى تنسي كتاب العربي زي المرة اللي فاتت ..

فاهمة ..!!

rony
16-12-2007, 01:09 AM
..
و ما تنسيش تحطي المريلة و الكوتشي جنب السرير ..
و ترتبي شنطتك كويس و ما تنسيش الكراريس ..
و اوعى تنسي كتاب العربي زي المرة اللي فاتت ..

فاهمة ..!!

:mmmm mmmm:mmmm mmmm:mmmm mmmm

بكاء_القمر
16-12-2007, 01:22 AM
هههههههههههههه ادة دة هو المدراس جت يا سلام
ومتنسش كمان تعملى الفوينكات ومتنسيش الزمزمية وتمليها
وكوبباية اللبن تشربيها قبل ما تمشى هههههههههههههه
متزعليش انا بهزر معاكى
بكاء

winner
16-12-2007, 08:21 PM
..
حالي زي امبارح ..

ماتغيرش كتير ..

!!!!!!!!!!!!!!!!!!!!!!!!!!!!

wgh_el2mr
16-12-2007, 08:31 PM
انا بقى حالى لسه متعكر حااااااااااااااااااااالا

عاااااااااااااااااااااااااااااااااااااا

والله كنت كويسة

rony
16-12-2007, 08:34 PM
..
حالي زي امبارح ..

ماتغيرش كتير ..

!!!!!!!!!!!!!!!!!!!!!!!!!!!!

احثن يا عمو تثتاهل......http://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gif

winner
16-12-2007, 08:35 PM
..
مين اللي عكر مزاجك يا قمر ؟؟؟؟؟؟

قوليلي و انا ..

و انا ..

اروح اسلم عليه ..!!!!!!!

winner
16-12-2007, 08:36 PM
احثن يا عمو تثتاهل......http://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gif

..
ها يا رانيا ..

عملتي ايه النهاردة في المدرسة ؟؟

اوعي يكون حد من العيال ضايقك او اخد سندوتشاتك !!!

wgh_el2mr
16-12-2007, 08:38 PM
مين اللي عكر مزاجك يا قمر ؟؟؟؟؟؟

قوليلي و انا ..

و انا ..

اروح اسلم عليه ..!!!!!!!




عاااااااااااااااااااااااااااااا
بقى كدا؟
ماشى ماشى

STROMA
16-12-2007, 08:38 PM
فيه ايه يا جماعه

ان شاء الله الحال يبقى احسن

ويا وينر سيبك من امتحانات بلا اطفال بلا طب

وحطلنا حلقه جديده من صدفه النهارده

:icon_mrgr:icon_mrgr:icon_mrgr

rony
16-12-2007, 08:48 PM
..
ها يا رانيا ..

عملتي ايه النهاردة في المدرسة ؟

اوعي يكون حد من العيال ضايقك او اخد سندوتشاتك !!!

لا كله الا الثندوشتات....
هما كانو عايزين الكتب بتاعتى فاديتهالهم من غير ضرب ..هما اللى جابوه لنفسهم
انما الثندوشتات كنت حاطاها فى جيب سرىhttp://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gif

winner
16-12-2007, 08:50 PM
ان شاء الله الحال يبقى احسن

ويا وينر سيبك من امتحانات بلا اطفال بلا طب

وحطلنا حلقه جديده من صدفه النهارده


..
انا تقريبا مش هطلع دكتور اساسا ..

و انا سايب الاطفال ..

قال يعني شايفاني مقطع الكتب من المذاكرة ..!!

winner
16-12-2007, 08:51 PM
لا كله الا الثندوشتات....
هما كانو عايزين الكتب بتاعتى فاديتهالهم من غير ضرب ..هما اللى جابوه لنفسهم
انما الثندوشتات كنت حاطاها فى جيب سرىhttp://www.medicine.cu.edu.eg/english/students/forum/images/icons/icon10.gifhttp://www.medicine.cu.edu.eg/english/students/forum/images/icons/icon10.gif


..
شطورة يا رانيا ..

تسيبيلهم الكتب و تعيني السندوتشات !!!!

اه يا مفجوعة ..

arownas
18-12-2007, 01:43 PM
السلام عليكم و رحمة الله و بركاته

انا حالي الحمد لله مبسوط
حد يقعد على المنتدى ده مع الناس دي و يزعل


بس بطني وجعاني
الحواوشي بتاع السحور بيتخانق جوا بطني

أبو المعاطى شمروخ
18-12-2007, 01:55 PM
حواوشى يا ريس

صلاة النبى احسن

حمدا لله على سلامتك
ونورت يا رجل

d.m.d
18-12-2007, 01:57 PM
السلام عليكم و رحمة الله و بركاته

انا حالي الحمد لله مبسوط
حد يقعد على المنتدى ده مع الناس دي و يزعل


بس بطني وجعاني
الحواوشي بتاع السحور بيتخانق جوا بطني
حمد لله على السلامه يا ارو
حواوشى
حقك ما انت كنت مقضيها عدس ولا شئ سوى العدس

Nettawy
18-12-2007, 02:00 PM
يا ريته عدس ده تلاقيه فول بحصاااااااااه

rony
18-12-2007, 04:18 PM
السلام عليكم و رحمة الله و بركاته

انا حالي الحمد لله مبسوط
حد يقعد على المنتدى ده مع الناس دي و يزعل


بس بطني وجعاني
الحواوشي بتاع السحور بيتخانق جوا بطني
حمد الله على السلامة يا دكتور.....
وربنا يديم انبساط حضرتك على طول ...
معلش بقى اللى يتعود على اكل الجيش يتعب من الحواوشى..

d.m.d
18-12-2007, 04:51 PM
..
انا تقريبا مش هطلع دكتور اساسا ..

و انا سايب الاطفال ..

قال يعني شايفاني مقطع الكتب من المذاكرة ..!!

يا دكتور عيب لما انت تقول كده
على الاقل انت خلصت 3 سنين
يعنى فاضل 4 سنين
امال اللى لسه ما خلصوش حاجه يقولوا ايه
فاضلهم 7 سنين
روق كده محدش واخد منها حاجه :bye::bye::bye::bye:

بكاء_القمر
18-12-2007, 06:31 PM
انا النهاردة سعيدةةةةةةةةةةةةةة اوى وفرحاناااااااااااااااااااااااااااااااااااااااااااا ااااا اوىىىىىىىىىىىىىىىىىىىىىى
يمنظر الحجاج بجد يخلى الواحد يعرف عظمة ربنا فى كل مكان
يارب يهدينا ويفرح الامة كلها يارب

kalamntena
18-12-2007, 07:10 PM
الف حمدا لله على السلامة يا اروناس
نورت المنتدى
:union:

انا نفسيا الحمد لله تمام
عضويا مدغدة

blue_oceanz
18-12-2007, 08:05 PM
أنا مبسووووووووووووووووطة...:smiley1:
الحمد لله...:smiley1:

Nettawy
18-12-2007, 08:28 PM
أنا فرحااااااااااااااان بس فرحه ممزوجه بخنقه تركيز 5 %

emmy
18-12-2007, 08:33 PM
ال 5في المية دي لية نقص لحمة ؟
و لا ايه

mr_azygos
18-12-2007, 08:36 PM
بيقول لسه واكل 1/2 فرخه

Nettawy
18-12-2007, 08:40 PM
اه بس مايمنعش اني مخنووووق ولا ايه؟؟؟

mr_azygos
18-12-2007, 08:42 PM
عادي ..بس مش نقص لحمه

emmy
18-12-2007, 08:46 PM
ايوا مانا عارفة دا لسا واكل الشوربة بتعتي و كان فيها حتت فراخخخخخخخخخخ
كتيرة
يمكن يا نتاوي حاسس بالذنب :smiley2:

Nettawy
18-12-2007, 09:06 PM
لالالالالالالالالالالالالالالالالالالالالالالا

ذنب ايه قولي كلام غير ده

d.m.d
18-12-2007, 10:19 PM
مبسوووووووووووووووط
والحمد لله

rony
18-12-2007, 10:38 PM
انا النهاردة الحمد لله....
مش فرحانة ولا حزينة......بس تقدرو تقولو عندى استقرار نفسى ممزوج بحالة من الرضا.....
بس انا بعيدة كل البعد عن احساس السعادة
بحاول اضغط على نفسى عشان مينفعش ابقى مكتئبة النهاردة
ادعولى ربنا يثبتنى وافضل كده لحد النهاردة ما يعدى.....

Nettawy
18-12-2007, 10:55 PM
الحمد لله انا عند نقطه ارتكاز بين ال +v و ال -v

dr / MIM
18-12-2007, 11:47 PM
ماشى دى اول مرة اكتب فى الموضوع ده
لكن ........................................... انـــــــــــــــــــــــــــــــــــــــــا ســـــــــــعــــــــــــــــيـــــــــــــــــــد

Nettawy
19-12-2007, 12:04 AM
أنا شهيتي مفتوووحه يا جدعااااااااااااان

rony
19-12-2007, 12:29 AM
أنا شهيتي مفتوووحه يا جدعااااااااااااان
اقولك كل حاجة مسكرة عشان نفسك تقفل شوية
كده الوضع غير مطمئن ...انت كده ممكن تبلع المنتدى
انا بقى مليش نفس ...ممكن نبدل؟

emmy
19-12-2007, 12:34 AM
بدلي معايا يا روني
اصل انا نفسي مفتوحة علي الاخررررررررررر:icon_mrgr

rony
19-12-2007, 12:37 AM
بدلي معايا يا روني
اصل انا نفسي مفتوحة علي الاخررررررررررر:icon_mrgr
انتو كده هاتستفزونى وتخلونى اقوم اكل ......
اللهم اغزيك يا شوشو....

d.m.d
19-12-2007, 12:38 AM
يا جماعه اهدوا شويه
انتم هتكلوا بعض ولا ايه
انا حاططلكم لحمه تحت اهه
اكلوها هى احسن

ekm86
19-12-2007, 02:21 AM
أنا النهاردة طول اليوم عايز أنام بشكل غبي
وكل ما آجي أنام يطلعلي حاجة من تحت الأرض

والمشكلة إن يوم الوقفة لا يمكن أتنازل عن السهرة على الكومبيوتر "ما دام مفيش بديل أقوى"
:)

winner
19-12-2007, 02:35 AM
..
الليلة عيد ..

النهاردة خرجت ان و صحابي اتفسحنا شوية و ضحكنا لحد ما كان هيجيلنا هارط اطاك ..

كانت فسحة حلوة ..

لكن النكد اللي جوا الواحد مش مخلية يتهنى كويس ..

Nettawy
19-12-2007, 04:56 AM
مخنووووووووووووووووووووووووووووووووووووووووووووووو ووووووووووووووووووق

مخنوووووووووووووووووووق مخنوووووووووووووووووق مخنووووووووووووووووووق

مخنووووووووووووووووووووووووووووووووووووووووووووووو ووووووووووووووووووق

HAYAH
19-12-2007, 10:25 AM
ايه يا كمااااااعة

ايه اللي حصل؟؟

كلكم كدة متضايقين

وانا اللي فاكرة نفسي الوحييييدة

طب استهدوا بالله يا خوانا

وكل واحد يبقى يقول اخد عيدية قد ايه:icon_mrgr:icon_mrgr

rony
19-12-2007, 11:54 AM
النهاردة بقى يوم جمييييييييييييييييييييييييييييييييييييييييييل
انا فعلا مبسوووووووووووووووووووووووووووووطة جدا

يااه نفسى افضل كده على طووووووووووووووول

blue_oceanz
19-12-2007, 12:32 PM
ايه ده وانا كمان يا دكتور اسلام.....
حاسة انى كل شوية انام...مش عارفة فيه ايه....
انا تعبت من كتر النوم.....
بس انا مبسوطة...
لكن...
كل مفكر فى تالت يوم العيد ببقى عايزة اولع فى نفسى.....:waaaaawaa

greyzone
19-12-2007, 12:59 PM
كل مفكر فى تالت يوم العيد ببقى عايزة اولع فى نفسى.....:waaaaawaa
هو إيه اللى هايحصل تالت يوم العيد ؟

blue_oceanz
19-12-2007, 01:21 PM
هو إيه اللى هايحصل تالت يوم العيد ؟

هابتدى المعسكر المغلق للمذاكرة......:waaaaawaa
وهسيب النت والكمبيوتر.....:waaaaawaa :waaaaawaa
فبصراحة مخنوووووووووووقة اوى كل مفكر فى فترة الامتحانات دى.....:waaaaawaa
عشان كده قاعدة عالنت صبح وليل اليومين دول عشان اشبع منه خاااااااالص..:waaaaawaa

HAYAH
19-12-2007, 01:36 PM
انا بقى سعادتي لا حدود لها

ولا وصف لشكلها

انا استحميت

الحقيقة احساس النظافة ده احساس جمييييييييييل

لا لا لا
بجد

انا متضايقة عشان مفيش حد اداني العيدية

ومفيش ناس كتير سألت عليا

عااااااااااااااااااااااااااااااااا

emmy
19-12-2007, 01:46 PM
حياة حبيبتي مش تزعلي خالص
خدي النص جنيه اللى اديته لبلو و روني عشان غضبانين عليه مش عاجبهم؟

HAYAH
19-12-2007, 01:48 PM
حياة حبيبتي مش تزعلي خالص
خدي النص جنيه اللى اديته لبلو و روني عشان غضبانين عليه مش عاجبهم؟

هاتيه

روضا

اي حاجة والسلام

احسن ده انا هنهار خلاص

عااااااااااااااااااااااااااااااااااااااااااااا:waa aaawaa:waaaaawaa:waaaaawaa

rony
19-12-2007, 01:51 PM
حياة حبيبتي مش تزعلي خالص
خدي النص جنيه اللى اديته لبلو و روني عشان غضبانين عليه مش عاجبهم؟
ومش مكسوفة وانتى بتقوليها؟
نص جنييييييييييييييييييه؟
وبعدين انا خلاص انا اشتريت بيه بمب وصواريخ...واللى هايقرب منى هافجر المنتدى
انا معايا اسلحة دمار شامل ......انا بقولكو اهه...
هافرتك الدنيا كلها..:health::health:

HAYAH
19-12-2007, 01:57 PM
http://blogs.venturacountystar.com/vcs/dennert/archives/money.jpg



دول لحياة و ابو المعاطي
و روني و بلو مش يخدوا حاجة عشان يعرفوا نتيجة الطمع:smiley2:

مرسيييييييييييييييي

بجد مرسييييييييييي
ده انا اروح اشتري بيهم مصاصة وبنبوني قاااد كدة

مرسي يا تانت

أبو المعاطى شمروخ
19-12-2007, 02:02 PM
مبروك يا حياه

انا بقى بطنى هتنفجر
مليانة من خيرات الله

HAYAH
19-12-2007, 02:05 PM
مبروك يا حياه

انا بقى بطنى هتنفجر
مليانة من خيرات الله
الله يبارك فيك يا باشا

عقبال ولادك يا رب

بطنك مليانة لحححححححححححححححححمة

صح؟؟

اللهم لا حسد يعني:smiley4.::smiley4.:

emmy
19-12-2007, 02:05 PM
علا فكرة انا مش هاهزر معاكم بعد كدة

HAYAH
19-12-2007, 02:18 PM
علا فكرة انا مش هاهزر معاكم بعد كدة


لييييييييه

مين اللي زعل ايمي؟

وانا اكطعه

Dr.ElFiky
19-12-2007, 02:23 PM
صبااااااااااااااااااااااااااااااااااااااااااااح الخييييييييييييييييييييييييييييييييييييييييييييييي ييير

أبو المعاطى شمروخ
19-12-2007, 02:26 PM
دى مياه غازية

قاعدة ترقص جوه

على شوية اكل
انما لحمة!!!!!!!!!!!!!!!!!!
انا فاكر الاسم ده





ابعت
ارزقها بالحلال يارب

HAYAH
19-12-2007, 02:32 PM
صبااااااااااااااااااااااااااااااااااااااااااااح الخييييييييييييييييييييييييييييييييييييييييييييييي ييير

صبااااااااااااااح الفول والجرجير

HAYAH
19-12-2007, 02:32 PM
دى مياه غازية

قاعدة ترقص جوه

على شوية اكل
انما لحمة!!!!!!!!!!!!!!!!!!
انا فاكر الاسم ده





ابعت
ارزقها بالحلال يارب

مش عارفة ارد من الضحك

لما القط نفسي هرد

بس يعني هو حضرتك هتسيب حقك بردك؟؟

مصدقش:icon_mrgr

rony
19-12-2007, 02:34 PM
علا فكرة انا مش هاهزر معاكم بعد كدة
قوليلى مين زعلك يا توتى وانا افجرهولك
لسة فاضل معايا شوية بمب ادافع بيهم عنك.....ولسة فاضل خمشتاشر قرش ونص اظبط بيهم شوية صواريخ...
بس قوليلى بس مين زعلك وسيبى الباقى عليا....:health::health:

أبو المعاطى شمروخ
19-12-2007, 02:42 PM
مش عارفة ارد من الضحك

لما القط نفسي هرد

بس يعني هو حضرتك هتسيب حقك بردك؟؟

مصدقش:icon_mrgr

انا اسيب حقى عادى
اهم حاجة سعادة الاخرون

مش كدة ولا ايه؟












آل اسيب حقى آل

emmy
19-12-2007, 02:55 PM
انا مش زعلانة و انا يا روني معايا بمب و صواريخ بعيدة المدي:icon_mrgr
انا كنت بهزر معاكم انتم الي زعلتم
دا انا لو حد اداني ربع جنيه هافرح جدا مع اني الحمد الله شبعانة جدا

HAYAH
19-12-2007, 02:59 PM
انا اسيب حقى عادى
اهم حاجة سعادة الاخرون

مش كدة ولا ايه؟












آل اسيب حقى آل



هاااااااااااااااااااااااااااااااااااااااااه

لقط نفسي اهه

منا قولت كدة برده

مش دكتور شمروخ اللي يسيب حقه

وخصوصا في اللحمة :icon_mrgr:icon_mrgr

امال ايه ؟؟

ده انت ابو الشماريخ

rony
19-12-2007, 03:10 PM
انا مش زعلانة و انا يا روني معايا بمب و صواريخ بعيدة المدي:icon_mrgr
انا كنت بهزر معاكم انتم الي زعلتم
دا انا لو حد اداني ربع جنيه هافرح جدا مع اني الحمد الله شبعانة جدا
خلاص تعالى نحط الصواريخ بتاعتك على بتاعتى ونعمل بيهم احلى مشروع.......:union::smiley17::smiley17:
ده احنا نكسب دهب .....العالم كله بقى فى حاجة الى مثل هذه الاسلحة
معكيش اتنين من عابرات القارات ؟...اصل دول المطلوبين اليومين دول:smiley17::smiley17:

emmy
19-12-2007, 03:16 PM
http://jeremylatham.com/images/vancouver-fireworks.jpg



http://www.messefrankfurtme.com/toys/images/Genisis%20Balloons-pic1.jpg



دي حاجات لايمي بسسسسسسسسسسسسسسسسسس
بناسبة العيد:smiley2:

broken nonna
19-12-2007, 07:38 PM
متوتررررررررررة جداااااااااا

:tamtam::tamtam:

Nettawy
19-12-2007, 07:39 PM
إحساااااااااااااااس متبلد

HAYAH
19-12-2007, 07:41 PM
الحاااااااااااااااااالة زفففففففففففففت

ربنا يستر ويعدي انهاردة على خير

greyzone
19-12-2007, 07:52 PM
ليه كدة؟؟؟

broken nonna
19-12-2007, 07:56 PM
فكرتيني بامتحان الاطفال يا حياة

خارجة من اللجنة
واحدة بتسالني ايه النظام؟
قلتلها النظااااااااام
ززفففففففففففت
:icon_mrgr

لقيتها بتضحك
و الله ضحكتنى
اضحكى يا بنتي و فكيييي

HAYAH
19-12-2007, 08:01 PM
اضحك اكتر من كدة يبقى عبط

rony
19-12-2007, 08:06 PM
انا دلوقتى فى اسوأ حالاتى النفسية.......عمرى ما كنت كده فى حياتى
ربنا يستر

greyzone
19-12-2007, 08:09 PM
هو إيه الحكاية؟
كل المنتدى مزاجه زفت ليه
أمال أنتا أعمل إيه
ما أنا زفت أنا كمان
اشتراك الdsl خلص و ما جددتوش
و الشركة قافلة
و هايقطعوه فى أى وقت

Nettawy
19-12-2007, 08:09 PM
ماتيجوا نعمل مؤسسه المكتؤبببون
Mokta2ebo0on Corporation

rony
19-12-2007, 08:14 PM
انا معاك يا نتتاوى ...واهو تبقى كل الناس اللى فيه مكتئبة وحالتها كرب يا اما يولعو فى بعض يا اما يولعو فى الدنيا...

broken nonna
19-12-2007, 08:15 PM
ياساتر ياااااااااااارب

ايه يا خلق

الحمد لله انا متوترة فقط

و ربنا يستر لا تقلب بغم



مالك يا ست روني كفى الله الشر؟


دكتور جراي
مش فى تليفون
قضيها Lan مؤقتا
ماتخافش مش هتيجي فواتير جامدة ا شاء الله


نتاوي الهي يكرمك اوعى تتعدي
خلينا ملصمينك

Nettawy
19-12-2007, 08:16 PM
نتاوي الهي يكرمك اوعى تتعدي
خلينا ملصمينك


والله أنا خايف من كده او اكون انا اللى عديتهم

broken nonna
19-12-2007, 08:19 PM
عارفين اللي هيقول انا متنكد
و لا مضايق
هاكله
انا مشبعتش لحمة النهاردة
فوقوا كدة امال
يالا توجهوا لباقي الموضوعات

greyzone
19-12-2007, 08:20 PM
ماعنديش موديم أصلا
و اللان هاجيبها منين؟

broken nonna
19-12-2007, 08:22 PM
سلكة التليفون يا دكتور اللي فى الحيطة
بس خلاص حضرتك بتقول ما فيش مودم


اقول لحضرتك
عيش اللحظة الحالية
مادام النت شغال
انسى انه ممكن يفصل
تعامل عاااادى
ما اعتقدش يفصلوه فى العيد يعنى

Nettawy
19-12-2007, 08:22 PM
ماعنديش موديم أصلا
و اللان هاجيبها منين؟

من عند عبد الرحيم عمر

أحتكم الأمر

وعتجوز

أبو المعاطى شمروخ
19-12-2007, 10:10 PM
انا بقى بطنى بجد هتنفجر
وبسمع اصوات غريبة
وحاسس ان الكولون راكبه عفريت

وابطنااااااااااااااااااااااااااااه

ekm86
19-12-2007, 10:35 PM
أنا الحمد لله تماااااااااااااااام


لأ..
زعلان..
ازاي ما يدوناش عيدية النهاردة؟

blue_oceanz
19-12-2007, 10:37 PM
انا عايزة العيدية منك يا دكتور اسلام....
مش انت الكبير...:look up:

STROMA
19-12-2007, 10:40 PM
الحمد لله

حالى عااااااااااادى

مفيش حاجه معينه

ekm86
19-12-2007, 10:59 PM
انا عايزة العيدية منك يا دكتور اسلام....
مش انت الكبير...:look up:
حد بينده؟ :look up:

rony
19-12-2007, 11:02 PM
انا الحمد لله الحمد لله
بقيت اسوأ من الاول لان الضيق اختلط بالتعب والارهاق
فحسيت بالزهق وانا لما بكون زهقانة ببقى وحشة اوى....

emmy
19-12-2007, 11:02 PM
ايوة كلنا بننده:icon_mrgr

greyzone
19-12-2007, 11:09 PM
انا الحمد لله الحمد لله
بقيت اسوأ من الاول لان الضيق اختلط بالتعب والارهاق
فحسيت بالزهق وانا لما بكون زهقانة ببقى وحشة اوى....
ألف سلامة ليكى
ماتحطيش فى دماغك

dr_angel
20-12-2007, 12:06 AM
ايه ياجماعة كله كده مخنوق ومضايق
وانا اللى قلت ادخل افك عن نفسى عشان اخرج من اللى انا فيه
استهدوا بالله كده دا النهردة عيد

arownas
20-12-2007, 12:32 AM
انا لا مخنوق و لا متضايق
بس بدأت اقلق و احس ان الاجازة بتخلص

winner
20-12-2007, 01:28 AM
..
انا فاضي و مش فاضي ..
و مش عارف اعمل ايه ..
و نفسي اقعد اذاكر ..
و كتابي ابص فيه ..

ekm86
20-12-2007, 02:00 AM
ايوة كلنا بننده:icon_mrgr
آآآآآه
طيب
:look up:

Nettawy
20-12-2007, 02:09 AM
انا كنت مخنووووق جدا جدا

قعدت أعمل باستييير :icon_mrgr:icon_mrgr:icon_mrgr:icon_mrgr

وكلته كده على طوووول :icon_mrgr نياهاهاهاهاها

والحال إلى حد ما تمام

broken nonna
20-12-2007, 10:46 AM
ماهو لو اعرف الباستير ده يطلع ايه
قولي عليه النهاارة يا نتاوي الله يكرمك
بس بسرعة قبل 5 كدة
قلبي بيقولي انه حاجة حلوة:icon_mrgr



دكتور ارو
حضرتك راجع الجيش يعنى راجع الجيش
ويوم السبت يعنى يوم السبت
خلااااااااااص
ده شئ مسلم بيه
فما اقعدش اشغل نفسي بمسلمات
و لا ايه
استمتع بالوقت الحاضر اللي فى ايد حضرتك
تجاهل الجيش ويوم السبت
كمل كوليكشن غيظ الجيش لو سمحت
والله لو تعرف كم اسعدنى_شفت كم اسعدني ده_
كم اسعدني ان البيادة جديدة:icon_mrgr:icon_mrgr


رونى وحياة ووجه القمر
للمرة المليون وحتة
هتشمتوهم فينا يا عيال
هيقولوا عاملين زى الباحثات عن التعاسة
و الكابة:icon_mrgr

ادعولي النهاردة لحسن غالبا
اذا غالبا
هحصلكم
و استحق فعلا لقب
كئيبة:icon_mrgr:icon_mrgr

arownas
20-12-2007, 10:52 AM
السلام عليكم

طبعا رجوع الجيش ده من المسلمات
عادي الواحد متأكد و مظبط نفسه على كده بس في لحظات كده الواحد بيقلق
حظكوا بقى اني لما دخلت كانت لحظة تجلي من دول


بالنسبة لحالي دلوقتي

مستني الفطار و عاوز اكل

و ايه حكاية الباستير يا نتتاوي و مبسوط قوي ليه كده لما اكلته علطول
هو المفروض تعمله و تاكله بعديها باسبوع

broken nonna
20-12-2007, 11:49 AM
بس و الله فعلا عشان لاحظت الموضوع ده كذا مرة
الغالبية بيتنكدوا علىى بالليل
و على فكرة ده فعلا صحيح
شغل عفروتو بعيد عن السامعين
هما كدة بيشتغلوا بالليل اكتر من النهار بيصحصحولنا
الحل ايه


10 مرات لا حول ولا قوة الا بالله مع حلول الليل
تقي من وساوس الشيطان
ده ابسط ححاجة مش هقولكم بقى اقروا سور و مش عارف ايه
10 مرات لاحول ولا قوة الا بالله


فى بقى دعاء كدة فى السريع قولوه مرة فى اى وقت بالذات بالليل

اللهم انك سلطت علينا عدوا يعلم عيوبنا ويرانا هو وقبيله من حيث لا نراهم
اللهم فآيسه منا كما آيسته من رحمتك و قنطه منا كما قنطته من عفوك و غفرانك
اللهم و باعد بيننا و بينه كما بباعدت بينه و بين جنتك و رحمتك
اللهم امين

dr / MIM
20-12-2007, 11:57 AM
ملحيقتش احس بحاجة لسة
استنوا هاحس و اقولكوا حاسس بأيه ............!!!!!!!

wgh_el2mr
20-12-2007, 12:36 PM
رونى وحياة ووجه القمر
للمرة المليون وحتة
هتشمتوهم فينا يا عيال
هيقولوا عاملين زى الباحثات عن التعاسة


انا؟؟؟؟؟؟؟؟؟؟؟؟؟؟؟
طب دا انا مش رديت عللى اموضوع بقالى كام يوم عشان محدش يقولى عليا كايبة
انا الحمد لله

انا زى ما بزعل بسرع بروووووووووووووووووووق بسرعة جدا

rony
20-12-2007, 12:44 PM
صبااااااااااح الخيييييييييييييير
تصورو انى نايمة من امبارح لحد دلوقتى؟
انا مش مصدقة نفسى
انا الحمد لله مية مية ولا شئ يعكر مزاجى وناوية اكمل كده مهما حصل
ده انا حققت اهم احلامى انى انااااااااام
اى حد نفسه يضايق اى حد انا فى الخدمة ...لانى مش هاتضايق مهما حصل
خلااااااااااااااااااااااص باى باى يا زعل .......:bye::bye:

Dr.Medicine
20-12-2007, 02:45 PM
ايه يا رنرون
مش بيجيلك نوم ليه؟؟؟؟؟؟؟؟؟؟؟:look up:

طبعا لازم يجي لك ارق

لان Winner مأثر معانا اليومين دول في حدوته قبل النوم (صدفه ):aiaiai:

emmy
20-12-2007, 02:51 PM
فرحتيني يا روني جدا بس بجد نمتي
لااااااااااااااااااااااا مش عاوزين خناقات يا روني اعملي معروف:takh:

Nettawy
20-12-2007, 03:13 PM
سقعااااااااااااااااااااااان جداااااااا
والدنيا بتمطر من الساعه 11 صباحاً
ورعد وحاجات من اللى قلبكوا يحيها

HAYAH
20-12-2007, 03:34 PM
سقعااااااااااااااااااااااان جداااااااا
والدنيا بتمطر من الساعه 11 صباحاً
ورعد وحاجات من اللى قلبكوا يحيها

الله

كان نفسي اكون عندكم دلوقت

يا رب تمطر عندنا

arownas
20-12-2007, 03:42 PM
سقعااااااااااااااااااااااان جداااااااا
والدنيا بتمطر من الساعه 11 صباحاً
ورعد وحاجات من اللى قلبكوا يحيها

يا بخت يا نتتاوي
بجد الجو ده بيبقى روعة

ماتنساش تقول دعاء المطر

دعاء اذا كثر المطر وخيف منه الضرر

اللهم حوالينا ولاعلينا ، اللهم على الآكامِ والظرابِ وبُطون الأودية ، ومنابت الشجر ". ( متفق عليه )

ekm86
20-12-2007, 03:47 PM
وابقى افتكرني في دعائك

Nettawy
20-12-2007, 04:04 PM
القاهره بالكتير قوي المطر الفعلي فيها مرتين في السنه كلها

rony
20-12-2007, 04:25 PM
مش عارفة ليه حاسة ان انا قلقانة
من ايه بقى مش عارفة

blue_oceanz
20-12-2007, 04:54 PM
أنا مبسوطة اوى بالمطر....
فى دعاء تانى ( اللهم صيبا نافعا)

ekm86
20-12-2007, 05:47 PM
القاهره بالكتير قوي المطر الفعلي فيها مرتين في السنه كلها
طيب يا عم
حلو قوي
هم مرتين بتخلص كل اللي عندها فيهم وخلاص..
بدل ما كل يومين تمطر بقى وتطين لنا الدنيا
:smiley1:

Nettawy
20-12-2007, 05:49 PM
المطر ده نعمه من الله عز وجل

rony
20-12-2007, 06:42 PM
عندى حالة لامبالاه استفجائية كده......
مش فاهمة حاجة ولا حاسة بحاجة ...ممكن يكون من ايه ده؟
منه لله اللى نصحنى ادخل الفيس بوك
يا عينى اااااااااااااه............يا ليلى اااااااااااااااااه
يا سيدى اااااااااااااااااااااااه

Nettawy
20-12-2007, 06:45 PM
الغريبه ان الدنيا بتمطر في القاهره وكفر الشيخ والمنصوره و وطنطا كمان
وكله بنفس التوقيت

Nettawy
20-12-2007, 06:46 PM
يا عينى اااااااااااااه............يا ليلى اااااااااااااااااه
يا سيدى اااااااااااااااااااااااه<!-- / message --><!-- sig -->


يا عينى اااااااااااااه............يا ليلى اااااااااااااااااه
يا سيدى لاااااااااااااااااااااااا<!-- / message --><!-- sig -->

هو ايه الحكايه؟؟!!!!!!!

rony
20-12-2007, 06:51 PM
هو ايه الحكايه؟؟!!!!!!!
مش عارفة........هو ايه اللى بيحصل؟
يا عينى اااااااااه........يا ليلى اااااااااااااااه
يا سيدى اااااااااااااااااااه

Nettawy
20-12-2007, 06:56 PM
غريبه
أنا قايم لحسن يصيبني مكروووه

rony
20-12-2007, 07:00 PM
غريبه
أنا قايم لحسن يصيبني مكروووه
اااااااااه فكرة بردك.......
يا عينى اااااااااه.........يا ليلى ااااااااااااه
يا سيدى اااااااااااااااه

rony
20-12-2007, 07:18 PM
اهئ اهئ اهئ
حالة الامبالاه بتستفحل فيا...
هو انا هاموت ولا ايه؟:smiley19::smiley19::smiley19:
انا مش فاهمة حاجة .....انا هاعيط:smiley19::smiley19::smiley19:

HAYAH
20-12-2007, 07:21 PM
ده تأثير المحشي يا روني

اكبسيها بكوباية شاي وكله يبقى تمام

Nettawy
20-12-2007, 07:25 PM
محشي...........انتوا بتقولوا...........محشي

مصري متعصب
20-12-2007, 07:28 PM
انا بقى في حالة ملل
دا غير اني مترقب
حدث مهم جدا جدا حيحصل كمان يومين و ربنا يسهل
ربنا يستر بجد

Nettawy
20-12-2007, 07:42 PM
ربنا يكرمك يا مصري وتعدي على خير

ekm86
20-12-2007, 07:43 PM
أرجووووووووووووووكوا يا جماعة بلاش حالة الإحباط الجماعي دي

ده حتى الحياة حلوة بس نفهمها
والورد جميل .. جميل الورد
والعنب العنب العنب

rony
20-12-2007, 10:52 PM
بصو يا جماعة انا محدش ياخد على كلامى النهاردة
مش عارفة ايه حالة البلاهة الازلية اللى انا فيها دى
محدش يزعل منى .انا قولت اهه
انا فعلا مش مستوعبة اللى بيحصل حواليا ومش فاهمة اى حاجة
انا ولا زعلانة ولا فرحانة...انا اساسا مش حاسة باى حاجة
:smiley3::smiley3::smiley3::smiley4.::smiley4.::sm iley4.:

Nettawy
21-12-2007, 12:29 AM
أنا مخنوووووووووووووووووق

الهارد اتحرق

بكاء_القمر
21-12-2007, 12:32 AM
معلشى يا رونى
ولا تتديقى نفسك
واحنا يا سيدى مش هنزعل
بس دة تتاثير اللحمة ولا اية هههههههههههههههههههههه:smiley29:
اشربى شاى يمكن تفوقى
وحكايا مش حاسة بحاجة دة تليقيها تأثير العيد ولا حاجة متتغديش فى بالك
المهم بس تكونى مبسوطة يا جميل:mmmm mmmm
سلاممممممممممممممممممممممممممم:bye::confused:

arownas
21-12-2007, 12:32 AM
أنا مخنوووووووووووووووووق

الهارد اتحرق


معلش يا نتتاوي
قدر الله و ما شاء فعل
و كمان انت شغال و اونلاين اهو
اكيد كان هارد احتياطي و لا حاجة

Nettawy
21-12-2007, 12:33 AM
لأ والله يا أرو ده من خنقتي نزلت في سايبر

بكاء_القمر
21-12-2007, 12:34 AM
<HR style="COLOR: #d1d1e1" SIZE=1> <!-- / icon and title --><!-- message -->
أنا مخنوووووووووووووووووق

الهارد اتحرق
ههههههههههههههههههههههههه معلش ولا تزعل نفسك
بمنسة عيد ميلادك نعملك تبرعات ونجيبلك هارد
ولا تزعل نفسك
ههههههههههههههههه بهزر طبعا
المهم مديقش نفسك

rony
21-12-2007, 12:42 AM
معلش يا نتتاوى مش تزعل نفسك
احمد ربنا نصيبه كده وعمره انتهى لحد كده...
امال انا اعمل ايه انا بوظت الجهاز كله وجيبت واحد جديد وبابا شكله هايخصم تمنه من مصروفى...:smiley19::smiley19::smiley19:
والله انا اللى عايزة تبرعات يا بكاء:waaaaawaa:waaaaawaa:waaaaawaa

Nettawy
21-12-2007, 12:45 AM
للأسف أنا كنت عامل حسابي على هدوووم ولاب توب

بس بالشكل ده مش هيبقى في حاجه

مخنووووووووووووووووووووووق ياجدعان محدش يقرب مني

arownas
21-12-2007, 12:52 AM
مخنووووووووووووووووووووووق ياجدعان محدش يقرب مني

يا بني كفاية الهارد
كده هاتتحرق انت كمان

rony
21-12-2007, 12:52 AM
للأسف أنا كنت عامل حسابي على هدوووم ولاب توب

بس بالشكل ده مش هيبقى في حاجه

مخنووووووووووووووووووووووق ياجدعان محدش يقرب مني
يامى...
انا كنت عايزة اقولك نكتة عشان تضحك
بس خلاص لحسن تضربنى .....هاتضربنى؟
اصلها بايخة:icon_mrgr:icon_mrgr
اضحك كركررررررررررررررررر:icon_mrgr:icon_mrgr

broken nonna
21-12-2007, 02:14 AM
وششششششششششششش
فى دماااااااغي





ربنا يستر

ekm86
21-12-2007, 02:26 AM
وششششششششششششش
فى دماااااااغي






يمكن عايزة تظبطي الإيريال
:smiley1:

broken nonna
21-12-2007, 02:33 AM
الظاهر فعلا يا لاااااام

مودي بيسوووووووء تدريجياااااااا


بس خير خير ان شاء الله

مجرد بس ما نرمي الاسباب هنبقى ميت فل و 14 ان شاء الله

winner
21-12-2007, 02:59 AM
..

انا فرحان لاسباب ..

و متضايق لاسباب ..

لا اسباب الفرح مخلياني فرحان ع الاخر ..

و لا اسباب الضيق مخلياني متضايق ع الاخر ..

و انما زي الكوسة لا هي مسكرة و لا هي حادقة !!!!

Nettawy
21-12-2007, 11:01 PM
مازلت مخنووووووووووووووووووووووووووووق
واوعى حد يقرب
أنا حذرتكوا اهه............سامعين
وااااااااااااااااه هاردااااااااااااااااااه

broken nonna
21-12-2007, 11:05 PM
روووووووق يا نتاوي
فداااك يا بني

Nettawy
21-12-2007, 11:16 PM
فدااااااااااااااااي ايه بس

يرضي مين ده اني اقعد من غير هااارد لحد يوم الأحد؟؟؟

Nettawy
21-12-2007, 11:16 PM
ده طبعا غير الداتا اللى كانت على الجهااااز وضاااعت

HAYAH
22-12-2007, 12:24 AM
ده طبعا غير الداتا اللى كانت على الجهااااز وضاااعت

ربناااااااااااااااا





عشان تذاكر:icon_mrgr:icon_mrgr

HAYAH
22-12-2007, 12:30 AM
انا بقى حاليا عندي حالة ذهوووووووووووووووووول

مش عارفة من ايه

متنحة ولا كأني واكلة فول

مش عارفة انا المفروض اضحك ولا اعيط

ربنا يستر عشان عندي حرارة

وبتسلم عليكوا:icon_mrgr:icon_mrgr

arownas
22-12-2007, 12:41 AM
انا عادي عادي عادي

هكذا الدنيا

اذا اخضرت ضرت و اذا حلت اوحلت

عادي خالص

Hamoksha
22-12-2007, 12:42 AM
خلاص ياعم نتاوي ...........
المهم رجليك عامله ايه ؟؟؟؟؟
وبعدين داتا ايه بس ياعم ..... المهم صحتك
لو صحتك باظت هتعمل ايه بالداتا .... بعدين الي بيجرالهم حاجه مش بياخدوا الداتا بتاعتهم معاهم :d:d:p:p:p

HAYAH
22-12-2007, 12:47 AM
انا عادي عادي عادي

هكذا الدنيا

اذا اخضرت ضرت و اذا حلت اوحلت

عادي خالص
والله يا دكتور انتم صاعبانين عليا جدا

بتفكروني بنفسي











وانا رايحة المدرسة

rony
23-12-2007, 06:33 AM
تصورو...انا قاعدة لوحدى دلوقتى على الفورم ومحدش تانى معايا....
حاسة بالوحدة مش عارفة ليه....اول مرة احس ان فعلا اعضاء المنتدى بقو بيمثلو جزء كبير من حياتى...
كل سنة وانتو طيبين واشوف وشكم بخير .....
ده كان اخر يوم ليا معاكو على الفورم ...مش عارفة هاشوفكم تانى ولا لأ..
ادعولنا بجد يا جماعة من قلوبكم ربنا يوفقنا ويعدى السنة دى على خير
ولو ربنا كتبلى انى اعيش يبقى هارجع للفورم اكيد
محدش يزعل منى وانا اسفة لو كنت غلطت فى حق حد فى يوم من الايام
بس اكيد مكنتش اقصد
اشوف وشكم بخير:bye::bye:

ekm86
23-12-2007, 03:06 PM
كل سنة وانتو طيبين واشوف وشكم بخير .....
ده كان اخر يوم ليا معاكو على الفورم ...مش عارفة هاشوفكم تانى ولا لأ..

أنا مش فاهم ليه كل شوية حد يقول ده آخر يوم ليا في الفورم
تقصدي يعني عشان الامتحانات؟
طيب ما كلنا أيام الامتحانات ما بندخلش كتير وفي مننا اللي ما بيدخلش خالص لحد ما الامتحانات تخلص
لكن ما بيبقاش آخر يوم لينا في المنتدى


بلاش حد يقول الكلام ده..
خلصي الامتحانات وادخلي تاني
وربنا يعدي الامتحانات على خير لكل اللي في المنتدى:takh:

:bye:

winner
23-12-2007, 09:10 PM
..
من كام يوم كنت في حالة تقوقع نفسي حاد ..

و بدأت دلوقتي ادخل مرحلة الاعداد و التنظيم و بحاول ارجع للمستوي الطبيعي من اللياقة الذهنية خلال فترة قريبة ..

فيه شوية تفاؤل زغننين خالص .. يارب ما يخلصوش بدري ..

Nettawy
23-12-2007, 10:50 PM
انا دلوقت مصدع من مشوار عوييييييييييييييل اقصد طويييييل

وكالعاده مخنوق بسبب الهارد والحاجات اللى ضاعت

مش ناويين تلمولي تبرعات؟؟؟؟

greyzone
23-12-2007, 11:50 PM
أنا هابتدى
واتبرع لك بنسخة ويندوز

Nettawy
24-12-2007, 12:41 AM
أنا هابتدى
واتبرع لك بنسخة ويندوز
<!-- / message -->
أهم حاجه تكون
Geniune

ekm86
24-12-2007, 01:10 AM
وأنا أتبرعلك بويندوز فيستا وأوفيس 2007

winner
24-12-2007, 01:17 AM
..
و انا يا سيدي مسئول الم التبرعات كلها عشانك ..

و بعدين .. هههه ..

اخدها و اخلع ..

ekm86
24-12-2007, 01:44 AM
لا يا حبيبي
أنا هاسلمهاله يدا بيد
هي الناس كلها دلوقتي بتلم وبعدين تخلع ليه؟؟
:)

emmy
24-12-2007, 02:06 AM
:maaamaaa::maaamaaa::maaamaaa:

:tamtam:

broken nonna
24-12-2007, 03:39 PM
طيب
يا نتاوي
قولي انا اقدر اساعدك ازاي
اصل انا ماليش فى الكمبيوتر ده خالص
انت عارف:smiley9.::smiley9.:

mr_azygos
24-12-2007, 04:54 PM
انا هاجبله internet explorer 7
اشمعنى دا؟
مش عارف
انا سمعت ان 8 نزل
حد جابه؟؟؟؟؟؟؟؟؟

Nettawy
24-12-2007, 08:23 PM
طيب
يا نتاوي
قولي انا اقدر اساعدك ازاي
اصل انا ماليش فى الكمبيوتر ده خالص
انت عارف:smiley9.::smiley9.:
<!-- / message --><!-- sig -->

ربنا يخليكي ليا يا نونا كفايه بس وقفتك جمبي ;)

broken nonna
24-12-2007, 10:13 PM
العفو يا نتاوي
بجد لو عزت اى حاجة قووووووووووول





انا بقى مودي كويس و الحمد لله
و الله اكبر و ماشاء الله ولا حول ولا قوة الا بالله


اه معلش الحاجات ده بتتحسد

اصدم بكرة بالنتيجة انا عارفة



ربنا يستررر

بس فى حالة ترقب

kalamntena
26-12-2007, 06:12 PM
عملت اختبار هل انت عصبي
طلع
عصبي المزاج
مش كل حاجه تتاخد قفش .. فكر مرتين قبل ما تقدم على أي تصرف .. و إهتم بالمحيطين بك شوية

HAYAH
29-12-2007, 09:21 PM
الحالة مستقرة

او انا بقنع نفسي بكدة

بس مواضيع الاستاذ الدكتور شمروخ افندي خففت شوية من توتري

broken nonna
30-12-2007, 12:08 AM
انا مبسوطة بعودة النت
ووجووووووودي في وسطكم

Nettawy
30-12-2007, 12:22 AM
هو احنا نسوى ايه من غير المشاكسه الكبيره بتاعتنا !!!!

p:

ekm86
30-12-2007, 12:23 AM
حمد الله على سلامة النت

أبو المعاطى شمروخ
30-12-2007, 12:27 AM
مرحب بنونا

اخبار النتيجة ايه؟

broken nonna
30-12-2007, 12:34 AM
نتاوي
ربنا يكرمك
انا سايبة مشاكس برده
خليفتي فى الملاعب

لاااام
شكرا شكرا

ابو المعاطي

مرحب بيك يا باشا

النتيجة فى علم ربها بقى
ربنا يستررررررر

STROMA
30-12-2007, 05:01 AM
نونا حمد الله على سلامتك

نورتينا يا جميل

وحمد الله على سلامه النت

وربنا معاكى فى النتيجه

بالنجاح والتوفيق ان شاء الله

broken nonna
30-12-2007, 04:43 PM
ربنا يكرمك يا سوو

النهاردة
نايمة نوم متقطع
قلقانة جدااااااا
معدتي قرصاني
_مش عارفة يعنى ايه بس ده الاحساس اللي كان موجود_
منقبضة كدة
بس الحمد لله
طلعت النتيجة مش النهاردة
تبقى بكرة
ربنا يستر
بكرة
يوم توتر تاااااااااااني
:waaaaawaa

Nettawy
30-12-2007, 04:47 PM
ربنا معاكي ويكرمك ان شاء الله

انا بقى عندي احساس بالحزن بس مش عارف ليه

ekm86
30-12-2007, 05:23 PM
إن شاء الله ربنا يكرمك بإذن الله يا broken nonna
------------
زعلان ليه يا عم نتاوي..
خليك فريش كده

Nettawy
30-12-2007, 06:45 PM
زعلان ليه يا عم نتاوي..
خليك فريش كده<!-- / message --><!-- sig -->
مش زعلان ولا حاجه
بس عندي إحساس بحزن داخلي
ينتابني بين الفينه والفينه

broken nonna
30-12-2007, 07:39 PM
يا نتاوي

بالله عليك


حد يقول الفينة و الفينة

و يبقى حزين


ده اسمه كلام


روق روق

kalamntena
30-12-2007, 07:41 PM
اهلا نونا
مبترديش على الموبايل ليه يا هانم
:smiley2:

نتاوي ربنا يكرمك
بطل بقى بتوترنى
:mmmm:








انا تعبانة جدسيا جدا بانهار الحقيقة عايزة اقرب سرير
بس في نفس الوقت سعيدة جدا
قابلت واحدة من اعز اصحابي النهاردة
و خضنا تجربة جديدة
متهيألى عمري ما كنت هاعملها لو ماكنتش لوحدي
بس اعملى حسابك يا سمسمة مرة ومش هتكرر
:icon_mrgr

أبو المعاطى شمروخ
30-12-2007, 07:49 PM
شيشة يا دكتورة ولا ايه؟

قولى الدار امان

kalamntena
30-12-2007, 08:14 PM
لا الشيشة دي للناس الفافي


جووووووووووووووووووووووووووووووووووووووووووووووووو وووووووووووووووووووووووووووووووووووووووووووز هند
:icon_mrgr

أبو المعاطى شمروخ
30-12-2007, 08:18 PM
فى الشارع؟!!!!!!!!!!!!!!!!

kalamntena
30-12-2007, 08:19 PM
نوووووووووووووووووو
في مكان ميخطرش على بالك
:icon_mrgr

winner
30-12-2007, 08:19 PM
..
هو فيه معسل جوز هند اليومين دول ..

اخر حاجة اعرفها كان الفواكه ..
تفاح و اناناس و موز ..

kalamntena
30-12-2007, 08:20 PM
والله اللى حصل النهاردة
جوز هند وفسدق وعين جمل
هيصة مكسرات
مش باقولكوا مكسرة
:icon_mrgr

Nettawy
30-12-2007, 09:29 PM
أوعدنا يا رب
بس انا لسه جايلي حوالي 3 كيلو بسبوسه وحاجات كده
ادعولى ارجع سليم:icon_mrgr

blue_oceanz
30-12-2007, 09:41 PM
الحمد لله كويسة....
بس....
عندى حالة من ال.............:what happ:what happ:what happ
اه هى كده مش عارفة اعبر عن الحالة دى بكلام....

ekm86
31-12-2007, 02:10 AM
جوز هند وفسدق وعين جمل
هيصة مكسرات
مش باقولكوا مكسرة
:icon_mrgr

هي المكسرات تخليكي تبقى مكسرة؟
يعني نتاوي دلوقتي مبسبس ولا إيه؟
:smiley1:

أوعدنا يا رب
بس انا لسه جايلي حوالي 3 كيلو بسبوسه وحاجات كده
ادعولى ارجع سليم:icon_mrgr

يا رب تبقى شايف قدامك وانت ماشي أساسا
:icon_mrgr

mr_azygos
31-12-2007, 09:48 AM
أوعدنا يا رب
بس انا لسه جايلي حوالي 3 كيلو بسبوسه وحاجات كده
ادعولى ارجع سليم:icon_mrgr

مفيش حتة مشبك
أصل روما سافر امبارح ومستنينا نروح نسرجنت معاه
طبعا انت فاهم يا نتاوي

Nettawy
31-12-2007, 04:09 PM
مفيش حتة مشبك
أصل روما سافر امبارح ومستنينا نروح نسرجنت معاه
طبعا انت فاهم يا نتاوي<!-- / message --><!-- sig -->
هههههههههههههههههههههههههههه
له صحيح انت هتسافر من امتى؟؟؟؟

kalamntena
31-12-2007, 04:16 PM
يعني نتاوي دلوقتي مبسبس ولا إيه؟


:icon_mrgr

Nettawy
31-12-2007, 04:24 PM
يعني نتاوي دلوقتي مبسبس ولا إيه؟


:icon_mrgr

<!-- / message --><!-- sig -->
انا مش عايز أقولكوا انا كلت قد ايه امبارح
كميه أكل عمري ماكلتها قبل كده

kalamntena
31-12-2007, 04:34 PM
يوووووووووووووووووووووووووووووووووووووه
:mmmm mmmm
يا دكتور انت مايحسد المال الا صحابه
اهدا بقى

Nettawy
31-12-2007, 04:52 PM
حاضر حاضر

انا ماعنديش مال اصلا

دانا غلبااااااااااااااااااان

kalamntena
31-12-2007, 04:58 PM
يبقى لا مال ولا اكل
اهدا بقى
كل اما ياكل لقمة يقعد يقول
:mmmm:

mr_azygos
31-12-2007, 06:00 PM
هههههههههههههههههههههههههههه
له صحيح انت هتسافر من امتى؟؟؟؟
السبت الصبح

Nettawy
31-12-2007, 06:03 PM
السبت الصبح؟؟؟

انا والرجاله هنيجي السبت بالليل

الامتحان الاحد على فكره مش السبت زي ماكنتوا اهمين

mr_azygos
31-12-2007, 06:06 PM
السبت الجاي يا خفيف

Nettawy
31-12-2007, 06:11 PM
يعني قبل المتحان بيوم؟

mr_azygos
31-12-2007, 06:13 PM
ااااااااااااااااه

arownas
03-01-2008, 12:24 AM
ازي الصحة


ازي الحال


طبعا حلو و عال العال

broken nonna
03-01-2008, 02:14 AM
بتعشى الساعة اتنين وربع صباحا
بعد منتصف الليل:tamtam:
شاورمااااااااااااااا:tamtam:

و قاعدة ع المنتدى:tamtam:

في أحسن من كدة:smiley20:

مصري متعصب
03-01-2008, 02:15 AM
بتعشى الساعة اتنين وربع صباحا
بعد منتصف الليل:tamtam:
شاورمااااااااااااااا:tamtam:

و قاعدة ع المنتدى:tamtam:

في أحسن من كدة:smiley20:

اديني حتة
انا اتعشيت فطير و جبنة
عادي
اشتقت اني اكل فطير

broken nonna
03-01-2008, 02:19 AM
بالهنا و الشفا يا مصري

اتفضل

http://www.chefosama.com/images/posted/cont_4_363_1.jpg



بس ما تتقلش:icon_mrgr

Nettawy
03-01-2008, 02:23 AM
الحال لا يسر عدو ولا حبيب
ادعولي يا جماعه في خبر هاااااااام جدا جدا منتظره بكره بجد
مسأله تحديد مصير ممكن على إثرها مادخلش الأمتحانات إلا بالعافيه

broken nonna
03-01-2008, 02:27 AM
ليه كدة يا نتاوي
يا اخي حرام عليك
وقفت هضم اللقمتين
هو المنتدى ماله
زى اللي جاتله فرة
ناس بتمتحن
وناس في مشاكل
وناس في جيش
مالكم بس
لاحول ولا قوة الا بالله

روق يا نتاوي
ربنا يفرج همك ان شاء الله
قول اللهم يسر لي الاسباب وهون على الصعااب
ولاحول ولا قوة الا بالله
في حاجة بصراحة انا مجرباها
سبحان ربي المغيث
قولها كتير
وسورة قريش و الكوثر

arownas
03-01-2008, 02:29 AM
ربنا يفك كربك و همك و يسرك الخير يا نتتاوي

و بما اتكم قلبتوها كلام عن العشا
فاحب اقول اني متعشي و متغدي في نفس واحد
كبده و رقاق و لحمة

باين المنتدى كله اتعشى حاجات غريبة

مصري متعصب
03-01-2008, 02:30 AM
انتو ليه عشاكو متأخر يا جماعة
وخصوصا نونا

broken nonna
03-01-2008, 02:31 AM
:akh::smiley4.::akh::smiley4.::akh::smiley4.::akh: :smiley4.::akh:



ربنا يستر:look up:

Nettawy
03-01-2008, 02:33 AM
للأسف أنا متعشي كادبوري

broken nonna
03-01-2008, 02:34 AM
لا اقولك يا مصري
عادة انا لا اتناول اى صورة من صور الطعام الصلبة بعد العاشرة مساءا
مش عادات صحية و لا الكلام ده

لان انا قولوني عصبي لا يتحمل الاكل بعد كدة معرفش ليه

انا بقى جوعت نفسي

لحد اخواتي ما يرجعوا
و جوعت نفسي اكتر لحد ما حد يتطوع و يعمل الاكل

اخويا قاللي انا هسارفيسلك
وانتى املي الساندوتش
لوما فهمنتهاش قولي طيب

بس

من 10 الى 12 و من 12 الى 2 لحد ما الاكل بقى جاهز

بنات اخر زمن:icon_mrgr:smiley9.:

arownas
03-01-2008, 02:35 AM
للأسف أنا متعشي كادبوري

هو ده عشا ؟
فينك يا عدس

مصري متعصب
03-01-2008, 02:35 AM
للأسف أنا متعشي كادبوري

ههههههههههههههههههههههههههههههههههه
احلى حاجة
حتديك كمية كالوري كبيرة
تدفيك في البرد

مصري متعصب
03-01-2008, 02:36 AM
طيب يا نونا

arownas
03-01-2008, 02:41 AM
اسمع الكلام و اغسل سنانك احسن تبقى زي اخينا


<object width="425" height="355"><param name="movie" value="http://www.youtube.com/v/o4NOkE5D_PE&rel=1"></param><param name="wmode" value="transparent"></param><embed src="http://www.youtube.com/v/o4NOkE5D_PE&rel=1" type="application/x-shockwave-flash" wmode="transparent" width="425" height="355"></embed></object>

Nettawy
03-01-2008, 02:46 AM
حاااااااااااااااااضر

STROMA
03-01-2008, 03:36 AM
نونا حبيبتى والله

انا برضه باكل

باكل ايه يا ترى

بطاطس محمره

وقاعده على المنتدى

حاجه جميله

broken nonna
03-01-2008, 04:19 AM
بالهنا و الشفا

بس قوليلي

لو هاكل صوابعك معاها ولا لأ؟!!:icon_mrgr

Nettawy
03-01-2008, 04:30 AM
بطاطس محمره


مفتقدها جداً جداً

broken nonna
03-01-2008, 04:36 AM
مفتقدها ليه يا نتاوي
قوم حالا
حمر بطاطساية مش صعبة
بس شغل شفاط المطبخ لو عندكم بس عشان ما تخنقش الناس وهي نايمة

Nettawy
03-01-2008, 04:42 AM
حمر بطاطساية مش صعبة

مش أي حد يعرف يعملها هيا واحده بس ومفتقدها جدا جدا
أختي

broken nonna
03-01-2008, 04:45 AM
ربنا يجمعك بيها على خير يا نتاوي ان شاء الله
نتاوي تخلص امتحاناتك امتى؟!!

Nettawy
03-01-2008, 04:48 AM
أنا عااادي يعني ممكن تعتبريني مخلص إمتحانات
بس فعليا وواقعيا هبقى مخلص يووم 32/1


بس شغل شفاط المطبخ لو عندكم بس عشان ما تخنقش الناس وهي نايمة
البيت كله صاحي ماتقلقيش من الكبير -أبويا- للصغير -اللى هو أنا-.

STROMA
03-01-2008, 04:49 AM
مفتقدها جداً جداً


احمرالك بطاطسيتين يا نتاوى

وابعتهملك :icon_mrgr

Nettawy
03-01-2008, 04:51 AM
احمرالك بطاطسيتين يا نتاوى

وابعتهملك :icon_mrgr<!-- / message --><!-- sig -->
صدقيني مش هتعرفي

broken nonna
03-01-2008, 04:54 AM
نتاوي
افتكر اللحظة ده يا نتاوي
افتكرها كويس


ان شاء الله

يوم ما ربنا يأذن وانزل الجامعة عندكم
و اقابلكم
لازم تكون موجود
انت فاااااااااااهم؟!!

Nettawy
03-01-2008, 05:15 AM
مأعتقدش يا نونااااااااا

broken nonna
03-01-2008, 05:23 AM
ياالهي ليه يا نتاوي
هاستشهد انا ولا ايه

ان شاء الله تيجي
عشان اجبلك بطاطس
ده وعد مني
افتكره
ليك عندى بطاطس محمرة

روق يا نتاوي
ربنا يفرج همك

Nettawy
03-01-2008, 05:26 AM
هههههههههههه
هابقى أكتبلك عنوان البريد بتاعي
وأبعتي البطاطس عليه

broken nonna
03-01-2008, 05:30 AM
تصدق انا غلطانة

بس عشان الوعد هبقى اديه لاي حد يوصلهولك

Nettawy
03-01-2008, 05:32 AM
تصدق انا غلطانة

بس عشان الوعد هبقى اديه لاي حد يوصلهولك

ليه بس أنا فعلا ماعتقدش اني هاكون موجود ساعتها لأني بالعافيه بحضر للكليه
ثانيا لو موجود ماعتقدش اني هقدر اجي
ثالثا ماتزعليش مسير الحي يتلاقى

أبو المعاطى شمروخ
03-01-2008, 08:27 PM
انا اللى هوصل البطاطس ليه

وهاتى اىحاجة معاها
بطاطس بس !!!!!!

Nettawy
03-01-2008, 08:47 PM
انا اللى هوصل البطاطس ليه

وهاتى اىحاجة معاها
بطاطس بس !!!!!!
تمام كده جو أهيد :)

broken nonna
03-01-2008, 10:10 PM
عاملة زى اللي ماقدرتش ع الحمار اتشطرت ع البردعة:icon_mrgr
عصبية جدا:mmmm mmmm
عكاكة
اه عكاكة:waaaaawaa

يوووووووووووووووم أحداثه سيئة بجميع المقاييس
يارب يخلص بقى:waaaaawaa

d.m.d
03-01-2008, 10:12 PM
الحال النهارده تشاؤم الى اقصى درجه
انا اول مره اوصل لحاله التشاؤم دى
كل حاجه النهارده كانت زفت من الاول لحد الاخر
يوم ما فهوش حاجه عدله خالص
بس لعله خير

Nettawy
03-01-2008, 10:16 PM
أنا لسه مرتقب للخبر إياه مش عارف اتأخر ليه!!!!!!!!!

greyzone
03-01-2008, 10:21 PM
إيه التشاؤم ده كله؟؟؟
هو مافيش حد يومه عدى بسلاسة غيرى واللا إيه؟؟؟
أنا عن نفسى عمال اكتب فى الرسالة لغاية إيدى ما قربت تقف
و كمان بكرة ما فيش ورايا حاجة لغاية المغرب
روقوا كدة
الدنيا لسة حلوة
:smiley17::smiley17:

ekm86
03-01-2008, 11:35 PM
أيوة كده يا جراي
أخيرا لقيت حد يشاركني في عدم الاكتئاب

لو على المشاكل .. فالـ "خير" كتير .. لكن الواحد هيعمل إيه يعني؟
أزعل؟
أتضايق؟

arownas
03-01-2008, 11:41 PM
قولوا الحمد لله

هي الدنيا كده
يوم حلو و يوم وحش
و واحد مبسوط و واحد زعلان



طبعت على كدر وانت ترومها … صفواً من الاقذار والاكدار
ومكلف الأيام ضد طباعها … متطلب في الماء جذوة نار

broken nonna
03-01-2008, 11:45 PM
الحمد لله
دلوقت
أنا أفضل من ساعة فاتت بكتير
الحمد لله
بس عارفين اللي أنا مكسورة تاني ليه
هقرقشه
الناس بقت حاجة تقرف في غااااااااااااااااية السوء
فعلا
ربنا يستر علينا

arownas
03-01-2008, 11:48 PM
الناس بقت حاجة تقرف في غااااااااااااااااية السوء
فعلا
ربنا يستر علينا

منزلق اجتماعي مش باينله مطلع
واحد من ضمن المنزلقات اللي بنتزحلق فيها

broken nonna
04-01-2008, 12:21 AM
لا اللي شفته النهاردة مش منزلق ابدا
ابدا
ده انحدار شديد الانحدارية:icon_mrgr_ماعرفش اصلها في اللغة العربية_
ده مهزلة والله
سبحان الله و المفروض اننا كائن فضله المولى عز وجل
النهاردة
انا شفت بني ادمين
بس
بلااااااا ادمية

greyzone
04-01-2008, 12:27 AM
ليه شفتى إيه ؟؟؟؟
و كوليكشن غيظ مااشتغلش لغاية دلوقت ليه ؟

broken nonna
04-01-2008, 12:31 AM
كاتمة وصرة في نفسي يا دكتور:icon_mrgr
لا بصراحة
النهاردة :mmmm mmmm
طلعت في ناس:mmmm:
دلدقت غضب و عصبية علىناس:tom&jery:
ربنا يسامحني بقى:look up:

و مين نبى النبي ماكان قصدي:icon_mrgr

بالنسبة لكوليكشن غيظ
للاسف اللي بشوفه على راي دكتور سامح اي جي
صعبنيات
نكد كله
نكد ما يغيظش
ربنا يعافينا

greyzone
04-01-2008, 12:35 AM
لأ ماتكتميش
طلعى اللى فى نفسك
لحسن يجرى لك حاجة
ساعتها حد هاينفعك ؟؟

ekm86
04-01-2008, 12:36 AM
عااااااااااادي يا دكتورة...
عاااااااااااااادي

greyzone
04-01-2008, 12:36 AM
اعملى موضوع جديد
سميه كوليكشن نكد

HAYAH
04-01-2008, 12:41 AM
مش عارفة ايه النظام
شوية تهيس وتقلب بغم فروح معيطة
ثم الاقي نفسي بضحك على عياطي
ماما مسمياها بضحك على خيبتي
في امل يا دكاترة??
ولا اروح ادفن نفسي?
هي العباسية مفيش غيرها
حتى الجو مساعد على المذاكرة
و هرجع واقول
الحياة حلوة بس نفهمها

broken nonna
04-01-2008, 12:43 AM
لا يا دكتور
تبقى ماسخة

كوليكشن غيظ
و كوليكشن جيش
و كمان كوليكشن نكد

لا
انا بفكر في حاجة جديدة

ك.ك.ك




لااام
عاادي يا خويا و من نبى النبي عاادي العاادي كمان
عاادي

broken nonna
04-01-2008, 12:45 AM
ايوووووووه اسكندراني متين

فكي يا حياة ربنا يكرمك

والله يا بتني ما حد واخد منها حاجة

النهاردة يوم مثااااااااااااااالي

انا النهاردة عملت تلات حاجات
بصي الجمال


حضرت طلاق
و خناقة على ميراث بين اخوات بعد وفاة باباهم و مامتهم
و اخيرا عزيت في وفاة والد صديقة ليا

ايه رايك
:icon_mrgr

greyzone
04-01-2008, 12:45 AM
مش مهم الإسم
المهم المحتوى
و كل واحد يحط اللى منكد عليه

broken nonna
04-01-2008, 12:46 AM
لا يا دكتور
بتتكلم جد والله؟!!

ده كدة ك.ك.ك
يبقى اسم على مسمى:smiley20:

greyzone
04-01-2008, 12:54 AM
ياللا ابتدى و احكى
أنا على قد ما شفت عمرى ما شفت واحدة بتتطلق
احكى لى الموقف كان شكله ايه

broken nonna
04-01-2008, 12:59 AM
احكي عن واحدة بتطلق!!!
:icon_mrgr
حضرتك ماشفتش واحدة بتتطلق
طيب شفت واحد بيطلق؟!!

عموما يا دكتور ما تشوفش وحش
ربنا مايوريك ولا يوريها لحد

الست كان شكلها عاادي
عاادي جدا:mmmm:


لاحول ولاقوة الا بالله


ربنا يعافينا
والهي انا ما كنت فاهمة يعني ايه أبغض الحلال
الا النهاردة فعلا
شئ بغيض جدا جدا جدا
اتمنى من الله انى ما اشوفوش في بيتي الحالي ولا المستقبلي
ولا اسمع عنه في اي بيت من بيوت المسلمين

HAYAH
04-01-2008, 01:08 AM
حلوة حضرتي طلاق دي
بتفكريني بواحدة اعرفها الروح بالروح

greyzone
04-01-2008, 01:10 AM
ربنا يبعدنا عن كل حاجة وحشة
و يبعد المسلمين عن كل أذى

greyzone
04-01-2008, 01:11 AM
افتكرت
شفت فريدة سيف النصر فى فيلم حسين فهمى وهى بتتطلق
لما كان جوزها بيقول لها والله لاطلقك
تقول له هئ

broken nonna
04-01-2008, 01:18 AM
ماشاء الله

ربنا يديم عليك روقان النهاردة يا دكتور جرااااي:icon_mrgr
سمعني امين

تقوليش ايه السبب؟!!



حياة
ادعيلها ربنا يسترها معاها:takh:

greyzone
04-01-2008, 01:23 AM
ماشاء الله

ربنا يديم عليك روقان النهاردة يا دكتور جرااااي:icon_mrgr
سمعني امين
امين
بس انا عارف انه مش هايدوم
أنا بكرة عندى نوبتجية من الجمعة للثلاثاء بيات
غير أن يوم 7 يناير هايبقى نهار وليل
حرام عليكى
فكرتينى بوجع القلب تانى لييييييييييه؟؟؟؟؟

تقوليش ايه السبب؟!!



حياة
ادعيلها ربنا يسترها معاها:takh:
امين
و احنا كمان

blue_oceanz
04-01-2008, 02:52 AM
سلام عليكم يا شباب......
وحشتوووووووووووووووووووووووووووونى اوى.......:confused:
ازى الحال؟؟؟؟...
ممممممممممم.....
الحمد لله كويسة الى حد ما....:smiley24.
عايزة دعواتكم معانا بقى مش تنسونا عشان بقالنا مدة مش بندخل...:smiley6:

greyzone
04-01-2008, 02:57 AM
يا رب تكونوا كويسين دايما
ربنا يوفقكم فى الامتحانات
ماحدش ناسيكم
حياة و محمود كانوا هنا من شوية
سلامى ليكى و لرونى عشان مش موجودين كتير

broken nonna
04-01-2008, 02:58 AM
بلو
دعواتي اليك:takh:
ايه:smiley20:
الله معك:takh:
اي نعم:smiley20:
قلبي لااااااااا:mmmm mmmm
ما بقدر:smiley9.:

















































اموت يا أختي:icon_mrgr

wgh_el2mr
04-01-2008, 03:06 AM
ازيكم يا دكاترة
بقالى كتير مش شفتكم
ولا اشتركت فى مواضيع
بس وحشتونى

انا دلوقتى الحمد لله احسن بكتييييييييييييير
كفاية شوية الضحك اللى جم من غير ميعاد دول

Nettawy
04-01-2008, 04:50 AM
بعيد عن البيت
تقريبا الخبر للى مستنيه جه بس للأسف ماعرفش عنه حاجه
مش عايز أذاكر
ومش عايز أنام
وخايف بكره يضيع

greyzone
04-01-2008, 04:55 AM
خبر ايه؟؟؟؟؟؟؟؟؟

Nettawy
04-01-2008, 05:11 AM
خبر لعله خير
بس انا لسه ماعرفوش

STROMA
04-01-2008, 05:14 AM
النت عمال يهبل مرة يجى ومره يفصل

يارب يثبت على كده

أبو المعاطى شمروخ
04-01-2008, 11:43 AM
امبارح كان مزاجى هباب وطين وزفت وقطران
حاجات كتير حصلت وكلها ورا بعض وفى وقت قصير
واتنرفزت وزعلت ناس كتير جدا مني امبارح كزا شخص والله
ونمت قرفان اللى زاد الطين بلة ان انا كل يوم بقوم من النوم تقريبا حولى 8-8.30 ففرصة انام النهاردة لقيت واحد صاحبى بيرن عليا 8.24 :aiaiai: حاجة تقرف (اليوم الوحيد اللى ماسيلنتش الموبايل فيه)

دلوقتى الحمد لله احسن كتير
دعواتكوا

kalamntena
04-01-2008, 12:45 PM
اصبحنا واصبح الملك لله
خييييييييييييييييييييييييييييييييييييير
عندي امتحان بكرة و اول مرة في حياتى مبقاش مستعدة ومش عايزة استعد اكتر من كده :icon_mrgr
و كان عندنا ظروف صعبة امبارح :smiley24.
و ان شاء الله النية موجودة انى هاروح لنينا النهاردة مواصلات لوحدي عشان ماما سبقتنى وبابا مشغول و المشوار بعيد :sleepy:
ومع كل ده
الحمد لله الدنيا ظريفة
و الامن مستتب
و خلصت سورة الكهف يا نتاوي :smiley2:
و الحمد لله
تماااااااااااااااااااااااااااااااااااااااااااااااا ااااااااااااام
الحمد لله كما ينبغى لجلال وجهك وعظيم سلطانك

HAYAH
04-01-2008, 02:06 PM
بدعيلها يا نونا
اكتر واحدة بدعيلها يا نونا
انتي بقى بتدعيلها زي ما وعدتيني?
الحال بقى عادي
مفتحتش اي مادة ومش عارفة افتح
ومقضياها رغي من الصبح
و عمالة اضحك عمال على بطال
بابا بيهزاني من الصبح وانا برده بضحك
وماما تقولي كنتي زينة بنات العيلة
اتهبلتي يا بنتي على اخر الزمن?

Nettawy
04-01-2008, 03:47 PM
وماما تقولي كنتي زينة بنات العيلة
اتهبلتي يا بنتي على اخر الزمن?<!-- / message -->
قوليلها ومازلت يا ماما
واثبتيلها شطارتك

broken nonna
04-01-2008, 03:50 PM
نشيييييييييييطة جدا
والحمد لله
ربنا يهديلها الحال يا حياة و يفرج هما و يفك كربها عن قريب بفضل يا رحمن يا رحيم ان شاء الله


شدي حيلك

كل ماماتنا مبهدلنا
عااااااااااااااااااااادي


عارفة ماما بتصحيني النهاردة تقولي ايه؟!!

greyzone
04-01-2008, 03:54 PM
خشى نامى لحسن تتهزقى تانى

broken nonna
04-01-2008, 03:57 PM
لا مانا نمتي
وصحيتي
و عملت حاجات كتير
بدأت وصلة النت:icon_mrgr


دكتور جراي
حضرتك مطبق من امبارح ولا ايه؟!!

greyzone
04-01-2008, 04:06 PM
أيوه انت كنتى فين من ساعتها:icon_mrgr:icon_mrgr:icon_mrgr

broken nonna
04-01-2008, 04:22 PM
نااااااااااااااائمة:icon_mrgr

greyzone
04-01-2008, 04:37 PM
حمد الله على السلامة

broken nonna
04-01-2008, 05:02 PM
الله يسلمك يا دكتور:icon_mrgr

broken nonna
04-01-2008, 05:06 PM
مو_تا_عا_صّي_ب



شكله

مي_تعا_صّا_ب



النهاردة ولا انا بيتهيألي؟!!:icon_mrgr

مصري متعصب
04-01-2008, 05:22 PM
مو_تا_عا_صّي_ب



شكله

مي_تعا_صّا_ب



النهاردة ولا انا بيتهيألي؟!!:icon_mrgr

بيتهيألك
انا بس مصدع حبتين
وماما تقللي خد بنادول
ونا اقلها مبخدش براشيم او ادوية و حستحمل

Nettawy
04-01-2008, 05:43 PM
راااااااااااااااادل (راجل) ياض يا مصري
استحمل أهو كله بثوابه

broken nonna
04-01-2008, 05:58 PM
لا بأس طهورا ان شاء الله يا مصري
شافاك الله و عافاك ان شاء الله

ekm86
04-01-2008, 07:56 PM
ألف سلامة يا مصري

شدي حيلك يا حياة

dr_angel
04-01-2008, 07:59 PM
الف سلامة ليك يامصرى
ده اللى اتفقنا عليه ياحياة؟؟؟؟؟؟؟؟؟:mmmm mmmm
انا الحمد لله النهردة كويسة خالص ومزاجى حلو جدااااا
يارب اليوم ينتهى على كده احسن بقالى كتير مش حسيت الاحساس ده

Dr.Medicine
04-01-2008, 08:10 PM
وماما تقللي خد بنادول
ونا اقلها مبخدش براشيم او ادوية و حستحمل
<!-- / message --><!-- sig -->
_

برافو عليك يا مصري:smiley20:
انا زيك كده :smiley1:
ممكن تبقي دماغي هتتفرتك :waaaaawaaبس ما اخدش اي دوا مهما حصل
العمر مش بعزقة :smiley2:

kalamntena
05-01-2008, 05:54 PM
زي ما كون عطشان وشربت
:icon_mrgr
الامتحانات دي وشششششششششششششششششششششششششششششششششششششش

broken nonna
05-01-2008, 06:06 PM
<HR style="COLOR: #d1d1e1" SIZE=1> <!-- / icon and title --><!-- message -->
زي ما كون عطشان وشربت
:icon_mrgr
هنيااااااااااااااااان
:icon_mrgr

broken nonna
05-01-2008, 07:19 PM
زي اللي ورايا حاجات كتير
بس هيا ايه
مش عارفة:icon_mrgr

HAYAH
06-01-2008, 12:41 PM
الحال ................

لا تعليق

بس كله تمام

Nettawy
06-01-2008, 02:42 PM
نفسي أعرف أصحى بدري
كرهت عيشة الخفافيش !!!!

winner
06-01-2008, 02:55 PM
ازي الناس الحلوة ..

ازاي الرجالة ..
و البنات لأ ..!!!

الحالة مش عنب .. لكنها مش بطيخ ..

ربك بيرزق و احنا معتمدين على كدة ..

دعواتكم ان متحان الاطفال يعدي على خير ..

و ربنا يهدي دكاترة الاطفال و ينجحوني بتقدير كويس او يموتو كلهم في حادثة واحدة .. آآآآآآآآآمين ..

HAYAH
06-01-2008, 03:10 PM
لو حضرتك دكتور اطفال و هتمتحن طالب هتوافق انه يدعي عليك
انت هتكون بتؤدي واجبك بس
ادعي ربنا يستر علينا ومنتفضحش
وانا هكون اول واحدة أامن على الدعوة

kalamntena
06-01-2008, 04:44 PM
لو حضرتك دكتور اطفال و هتمتحن طالب هتوافق انه يدعي عليك
انت هتكون بتؤدي واجبك بس
ادعي ربنا يستر علينا ومنتفضحش
وانا هكون اول واحدة أامن على الدعوة


وانا كمان
:smiley20:

أبو المعاطى شمروخ
06-01-2008, 06:14 PM
المزاج رجع تانى والحمد لله
قضينا يوم فى الجامعة ولا اروع
هيييييييييييييييييييييييييه
والله زمان

Nettawy
06-01-2008, 06:43 PM
قضينا يوم فى الجامعة ولا اروع

يا شديد
مش كنت تقولي تاخدني معاك في بدل اللى انا فيه

broken nonna
06-01-2008, 08:34 PM
اعملوا فيا معروف
ههههههههههههه

الهي يعمر بيوتكم ههههههه

خيطولي بقى
هههههههههههههههههه

بلاش
اعملوه بكباسين
هههههههههههه

سوستة بلااااش

هافكها يعني هافكها

ههههههههههههههههههه

والله ماعارفة مالي
ههههههههههههههههههههه

ربنا يستر
هههههههههههههه

broken nonna
06-01-2008, 08:56 PM
يا جماعة انا عمالة افتكر في حاجات قديمة
بتضحكني طول اليوم
وقايمة حاسة انه يوم جمعة مش عارفة ليه
قلت جايز ارواح شريرة
ههههههههههههههههه

شغلت سورة البقرة

ولسة زي مانا
بضحك فعلا ضحك مجانين


هو انا كدة هموت ولا ايه؟!!:smiley5.:

winner
06-01-2008, 09:02 PM
..
ممكن ما تموتيش ..

بس احتمنال تدخلي مستشفى المجانين ..

انتي كلتي لبان زغزغة ..

و لا اوعي تكوني بتتعاطي حاجة ..!!!

broken nonna
06-01-2008, 09:09 PM
لا والله يا وينر
هههههههههههه
عارف نظام الزوغوطة
هههههههههه
تقول كلمة و بعدين
هئ
ههههههههههههههه
انا ماشية كدة
هههههههههه
كلمة و بعدين
هههههههههههههههههه

اعمل ايه
بجد انا حاسة انها مشكلة
هههههههههههه
بس مش عارفة اعمل ايه والله
هههههههههههههههه

winner
06-01-2008, 09:19 PM
..
ما تكليش بيض و لا سمك ..

و اطحني حبة فلفل اسمر مع شوية ملح و حطيهم في برطمان ..

و بعدين قطعي طماطمايتين مكعبات صغيرة و عليهم حتة جبنة تلاجة و عليهم شوية زيت ..

و سخني رغيفين عيش ..

و هاتيهم ربنا يكرمك اصل انا جعان و مكسل اعمل اكل ..!!

broken nonna
06-01-2008, 09:43 PM
ههههههههههههههههههههه
يا نااااااااااااااااس
و الله بجد وضعي صعب
ههههههههههههههه

مش هنفع كدة
و الله هعيط
ههههههههههههههههههه
بجد هعيط
ههههههههههههههههههههه

دكتور ههههههههههههه
الحقني
ههههههههههههههههههه
المغص جوة عقلي
ههههههههههههههههههههههه
لا لا
دكتور
ههههههههههههه
الحقني
هههههههههههههههههه
المغص جوة بقي
ههههههههههههههههههههههههه

kalamntena
06-01-2008, 09:55 PM
استنوا بقى اما اسكتها

كثرة الضحك يا دكتوووووووووووووووووووووووووووووووووووورة تعمل ايه
:smiley2:

ekm86
06-01-2008, 10:01 PM
أيوة
هتسكت آهي

مصري متعصب
06-01-2008, 10:02 PM
قبل ما تسكت
خليها تفتكرلنا فرح

broken nonna
06-01-2008, 10:12 PM
و الله عارفة يا كوكو
مش انا بقولك
حاسة انى هموت
قلبي هيقف
بس مش عارفة اعمل ايه فعلا
ههههههه
اهه خلاص
خرست
ههههههه
يا كوكو مش عارفة
ههههههه
هو ده موضوع ايه؟
هههههه

مصري متعصب
06-01-2008, 10:13 PM
ممكن نعرف تعليقات اهل البيت عندك

broken nonna
06-01-2008, 10:17 PM
على ضحكي يعني

بص يا مصري في الاول
اخويا الصغير
قاللي غيري البيجاما
ههههههههه
جايز التيشيرت بيزغزغني
هههههههههههه


بعدين اخويا الكبير جه وقف جنبي ع الجهاز
يشوف ايه اللي بيضحكنى
و بعدين لقى عنوان الموضوع
جايلك عريس تعملي ايه
ههههههههههههههه

قعد يزعق ويقول مياصة و قلة ادب_طالع لبابا مش كدة_
هههههههههههههه
ههههههههههههههه
هههههههههههههه

ماما بقى بقت تبصلي بصات وحشة و تقولي اتلمي
بس مش يا مفضوحة
اتلمي كدة عيب
هههه

بابا بقى بيحب ضحكي ويقعد يضحك عليه
لو سكت انا هو يقول
ههههههه
فاضحك انا واقول هههههههههههههه


حاليا
اخواتى الولاد خرجوا وبابا وماما قاعدين يضحكوا
مش عارفة بيضحكوا على ايه
هههههههههه

STROMA
06-01-2008, 10:26 PM
بابا بقى بيحب ضحكي ويقعد يضحك عليه
لو سكت انا هو يقول
ههههههه
فاضحك انا واقول هههههههههههههه


حاليا


:icon_mrgr:icon_mrgr:icon_mrgr

winner
06-01-2008, 10:31 PM
..
ربنا يبسطكو كمان و كمان ..

انا بويا و امي دخلو نامو من بدري ..

و عند الاسعة اجد نفسي وحيدا في البيت ..

لا يؤنس وحدتي غير مج القهوة و صوت العربيات جنب البيت ..

و كنوع من التغيير بروح اكل ..

broken nonna
06-01-2008, 10:31 PM
انا بيتهيالي مش هتجوز خلاص
بقي بقى متر الا ربع
ههههههههههههههه

يا جماعة بجد
حد يعرف يشخص انا عندي ايه
مضايقة فعلا من نفسي بس مش عارفة اعمل حاجة

broken nonna
06-01-2008, 10:33 PM
مج قههههههههههوة بحاله يا وينر

هههههههههههه

اذن انت تحب الزواج وتفكر به كثيرا

مش كلامي
ده كلام الحمد لله
حتى اسالها
او اسال نتاوي
هههههههههههههههههههه

broken nonna
06-01-2008, 10:37 PM
وينر مقدما
مقدما
والله انا بهزر ماشي

مش عاوزين زعل
مااشي

حليت اختبار نفسي جديد؟
ياباشا انت كويس بس الواحد محتاج من وقت للتاني يطممن على نفسه
مكا يضرش حاجة ببلاش:icon_mrgr

winner
06-01-2008, 10:40 PM
..
فعلا انا افكر في الزواج ..

عندك عروسة ..؟؟

بس لما بشرب القهوة بكون بذاكر و مش بفكر في حاجة تانية ..

انا بشرب حوالي 3 او 4 مجاجيج قهوة في اليوم ..

الشرع محلل ربعة مش كدة !!!

broken nonna
06-01-2008, 10:48 PM
اربعة!!
اجيبهملك منين دول

واحدة واحدة طيب ينفع؟
بلاش كل ده يجي مرة واحدة
لا تتجنن كدة

هههههههههه

بص واحدة واحدة
الفرق بين واحدة والتانية نقول مثلا سنة
اهه اكون لفيت ولقيت بنات مناسبين:icon_mrgr

ekm86
06-01-2008, 10:49 PM
محلل أربعة قهوة؟
أول مرة أسمعها
:)

winner
06-01-2008, 11:09 PM
..
مش لازم يا نونا يكون الفرق سنة ..

هو انا هعمل منتخب اشبال !!

و لو جملة يبقى احسن .. اوفر ..


و يا عم اسلام قصدي اربعة ستات مش اربعة قهوة ..

broken nonna
07-01-2008, 12:16 AM
مجهدة جدا
مفرهدة بمعنى اخر
هههههههههه
زى اللي كنت بعزق
هههههههههههه
شغالة ف الفاعل
هههههههههههههههه

و الله بجد فرهضت خلاص
بس مافيش فايدة
ههههههههههههه

مصري متعصب
07-01-2008, 12:23 AM
انا بقى دمي محروق
محروق محروق محروق
من ساعت ما عملت شات

broken nonna
07-01-2008, 12:24 AM
ليه ها ليه؟!!

فضفض يا خويا فضفض

HAYAH
07-01-2008, 01:15 AM
انا بقى سعيييدة
متتصوروش سعادتي بنفسي
من صباحية ربنا مذاكرتش غير 10 صفحات

مصري متعصب
07-01-2008, 01:21 AM
انا بقى سعيييدة
متتصوروش سعادتي بنفسي
من صباحية ربنا مذاكرتش غير 10 صفحات
و زعلانة كمان

broken nonna
07-01-2008, 01:28 AM
بطلت ضحك:smiley13:

HAYAH
07-01-2008, 01:28 AM
و زعلانة كمان

انت مش واخد بالك من السعادة
ال زعلانة ال




انا هطق

أبو المعاطى شمروخ
07-01-2008, 01:31 AM
انا بقى كنت قاعد على قهوة بلدى
واليوم النهاردة كان تاريخي


هابي كريسماس

HAYAH
07-01-2008, 01:37 AM
دكتور سامح
هي دي اول مرة تقعد على قهوة بلدي??
ينهار ابيض!!!
هابي سنة
مش تبعي الكر...
البتاع ده
ده انجليزي ده?

أبو المعاطى شمروخ
07-01-2008, 01:42 AM
الكريصماص يا حياه


لا مش اول مرة
بس اليوم كله حلو ماشاء الله الا حاجة بسيطة بس

broken nonna
07-01-2008, 01:57 AM
بدأت أضحك تاني
هههههههههههههههههههههههه
هههههههههههههه

HAYAH
07-01-2008, 01:58 AM
لعله خير يا دكتور

انا كمان مرة قعدت في قهوة بلدي

ده كان يوم

مش بقولكوا الحياة حلوة بس نفهمها

broken nonna
07-01-2008, 01:59 AM
قعدتي في قهوة بلدي يا حياة

ههههههههههههههههههههه
ههههههههههههههههههههههههههههه
هههههههههههههههههههه
هههههههههههههههههه

صلاة النبي أحسن
أيا اه يا اااااااااه

أحسن م الشرف مافيشش
هههههههههههههههههههههههه

Nettawy
07-01-2008, 02:52 AM
او اسال نتاوي

هو الكلام فعلاً كده بس انا مش مقتنع

انا بشرب حوالي 3 او 4 مجاجيج قهوة في اليوم ..

الشرع محلل ربعة مش كدة !!!
<!-- / message --><!-- sig -->زيي تمام يا وينر

Nettawy
07-01-2008, 02:55 AM
انا بقى كنت قاعد على قهوة بلدى
واليوم النهاردة كان تاريخي


هابي كريسماس
<!-- / message --><!-- sig -->
هابي كريسماس
عقبالنا لما نقعد على قهوه بس تكون ع الريحه

broken nonna
07-01-2008, 03:44 AM
لسة بضحك
:icon_mrgr:mmmm mmmm:icon_mrgr

broken nonna
07-01-2008, 03:59 AM
الرابعة فجرا























لسة بضحك
ههههههههههههههههه

سلام عليكم

Nettawy
07-01-2008, 04:22 AM
الرابعه وا 22 دقيقه

لسه نونا بتضحك
ههههههههه

broken nonna
07-01-2008, 04:36 AM
4 و ستة وتلاتين دقيقة فجرا

لسة بضحك
ههههههههههههههههه
هعيط والله

هو الموضوع كدة سايكيك
ولا ايه
ههههههههههههههههههه

Nettawy
07-01-2008, 04:37 AM
ولا سايكيك ولا حاجه

سايكيك منه

broken nonna
07-01-2008, 04:39 AM
هههههههههههههههههه
سايكيك منه
هههههههههههههههههههه

Nettawy
07-01-2008, 04:41 AM
ههههههههههههههههههههههههه
شكلك مأفوره قوي قوي قوي قوي

broken nonna
07-01-2008, 04:43 AM
من 8 صباحا انت متخيل
ربنا يستر بقالي حوالي 4 دقايق بعد اللبن ماابتسمتش حتى

يا مسهل

broken nonna
07-01-2008, 04:46 AM
ههههههههههههههههههههه
يا بؤي اه

يا عيني اه

يا ليلي اه

هههههههههههههههه
فينك يا روني

Nettawy
07-01-2008, 05:16 AM
هههههههههههههههههههههههههه

خلى الوالد تحطلك سد الحنك

kalamntena
07-01-2008, 11:14 AM
قاعدة الساعة 4 الفجر على الكمبيوتر تضحكي
يا قلبك يا بنتى

:smiley24.
فعلا محتاجة

urgent este3aza



على العموم
انا النهاردة ورايا حاجات كتير
مذاكرة عملي
و حفظ في سورة يوسف يا نتاوي
:smiley2:
الاسبوعع قرب يخلص
و ترتيبات كتير
ربنا يسهل

ekm86
07-01-2008, 11:18 AM
انا بقى سعيييدة
متتصوروش سعادتي بنفسي
من صباحية ربنا مذاكرتش غير 10 صفحات


و زعلانة كمان
على فكرة الكلام ده أكتر كلام يقلل من قدرتكوا على المذاكرة
خصوصا لو دخل في دماغكوا من غير ما تحسوا : "ما انا مش لوحدي... الناس كلها كده.. زيي زي غيري"

broken nonna
07-01-2008, 03:01 PM
عندي الاستعداد أنطلق ضاحكة
بس ماسكة نفسي
مش هتهور
ربنا يستر:icon_mrgr

HAYAH
07-01-2008, 04:15 PM
على فكرة الكلام ده أكتر كلام يقلل من قدرتكوا على المذاكرة
خصوصا لو دخل في دماغكوا من غير ما تحسوا : "ما انا مش لوحدي... الناس كلها كده.. زيي زي غيري"
يا دكتور انا كل اللي اعرفهم مخلصين وكويسين

المشكلة اني فعلا مش عارفة اركز

مش لاقية سبب

بس تركيزي ضعيف جدا

وهتجنن

broken nonna
07-01-2008, 04:45 PM
ربنا معاكي يا حياة
انتى واللى زيك


انا بقى جالي تليفون قلب مودي خاااااااااااالص
الحمد لله

greyzone
07-01-2008, 04:47 PM
بطلى الhidden mode و احكى
وبعدين بطلت ضحك و اللا لسة

Nettawy
07-01-2008, 05:12 PM
بطلى الhidden mode و احكى
وبعدين بطلت ضحك و اللا لسة
<!-- / message -->
مش عارف ليه كان نفسي يسموه Save mode

broken nonna
07-01-2008, 06:24 PM
hidden mode ايه بس
و الله عمري ما استخدمته
أنا كتبت الجملة و خرجت و اسالوا حياة


الضحك بدأ يرجع على خفيف
ربنا يستر
انا مش ناقصة نكد
حاجة تفلق

greyzone
07-01-2008, 06:35 PM
بالنسبة لموضوع الضحك
و لا يهمك
أنا زمان كنت كده و قالوا بكرة يكبر و يعقل
كبرت الحمد لله
والضحك قل شوية بس ما راحش خالص
يمكن لما اكبر تانى :mad:

broken nonna
08-01-2008, 02:18 PM
هعمل مصيبة في أختي:mmmm mmmm:smiley7.::mmmm mmmm

ekm86
08-01-2008, 02:32 PM
لا لا
خليكي انتي الكبيرة

broken nonna
08-01-2008, 02:34 PM
المصيبة أنى الكبيرة
و مش كبيرة كبر طبيعي
أنا اكبر منها ب 13 سنة
13 سنة
تخيل

بس برده هعمل فيهم مصيبة:mmmm mmmm

Nettawy
08-01-2008, 08:52 PM
هعمل مصيبة في أختي:mmmm mmmm:smiley7.::mmmm mmmm
<!-- / message --><!-- sig -->
لألألألألألأ
ماتفقنااااش على كده اه

ekm86
08-01-2008, 08:59 PM
لألألألألألأ
ماتفقنااااش على كده اه
أيوة كده يا نتاوي
أنا أحب الحمشنة

broken nonna
08-01-2008, 09:01 PM
عندي صوودااااااااااع
:waaaaawaa

arownas
08-01-2008, 09:17 PM
عندي صوودااااااااااع
:waaaaawaa

جربي تشربي مج قهوة في بداية ال aura of migraine

broken nonna
08-01-2008, 09:21 PM
و الله يا دكتور أنا ما خدتش بالي انى داخلة فيها

اشغلت و ماخدتش بالي

بس خلاص انا فيها بالفعل

الحمد لله
هى طريقة القهوة ده متجربة يعنى
ومج مج
مش حاجة اصغر

arownas
08-01-2008, 09:34 PM
هي مش متجربة
بس نقلا عن طبيب احترمه و اثق فيه جدا
دكتور محمد الشافعي في القصر العيني

و ليها تفسير علمي ان الكافيين vasoconstrictor of brain vessels
فهايمنع ال vasodilatation اللي هي سبب الصداع

شفاكي الله و عافاكي

broken nonna
08-01-2008, 09:39 PM
جزاك الله خيرا يا دكتور

اللهم امين

Nettawy
08-01-2008, 11:04 PM
Feeling so cold
Its Too rainy here
Feel a little happY

broken nonna
08-01-2008, 11:08 PM
بتمطر بجد يا نتاوي
وقاعد ع النت يا أخي
رووح ادعي
وادعيلي معاك ربنا يكرمك
يا بختكم يا نتاوي:waaaaawaa

Nettawy
08-01-2008, 11:14 PM
Finished
but the weather is to classic here :)
just needs two candles
one match
and




and



and



the second half

ekm86
09-01-2008, 12:30 AM
يا سلام على الرومانسية النتاوية
:)