egypt_voice
16-11-2003, 03:38 AM
هوامش على سفر البوح
مفتتح
( بعض المشيعين يحملون نعشا خشبيا مسرعين به
ناحيه الغرب واصوات خفيه تردد بهدوء
عاش ومات..
وطبيعى انه كان يموت
ما الموت هوه الحقيقه
و الحقيقه هيه موت )
هامش 1
زى شويه ميه ف كبايه
يتمنوا يرحعوا للنيل ..
والكبايه بتحكى حكايه
عن ميه اتحرمت م النيل.
انا زى الميه
سبت النيل
وكرهت الحبس
مع انى حابس جوايه
مليون
لأ ميت مليون كبايه
مليانه بميت مليون لون
يتمنوا يرجعوا للكون
تتلون بيهم احلامه
و أحلامى
و احلامها
و ايامها
و الرعشه الدايبه فى كلامها
و كلامى .
فاصل
مدينه كل الجراح الصغيره
الا تخمدين يدى
الا تبعثين غزالا الى
و عن جبهتى تنفضين الغبار
و ع رئتى
هامش 2
ايوه صحيح انا خايف
بس الخوف ملهوش جسم
ولا لون ولا رسم
طول ما الخوف متربى معايا
هاخاف من ايه
ماهو دايمن عايش جوايه
و هاخاف ليه
زى امبارح هيكون بكره
والبذره راح تطرح شجره
و الشجره الخضره هتسود
وتدبل و تموت
حتى لو كانت مش خايفه
لازم ف الاخر هتموت
هتموت خايفه
اذن الموت ملهوش طعم
مع ناس عشقت اكل الطعم
طعم الموت
يعنى سكوت ودمار جواها
جايز مش باين براها
بس المنجل يفضل يحصد ينحل
من اعلاها يجيب اوطاها
وانا م الناس دى
جايز بطل
و جايز يكون اكبر هبل
انك تموت ف اليوم الف مره
انك تخاف من شمس بكره
و اه ...... من امبارح وبكره
لو يصيروا زى بعض
كل يوم يندق مسمار جوه نعشك
تسأل عليك الارض
كله عارف انك لازم تموت
كله عارف الا انت
كله عارف الا انت .
فاصل
حنينى اليكى اغتراب
ولقياك منفى
ادق على كل باب
واسأل كيف
تصير النجوم تراب
هامش 3
( بعد دخول المحاور واعتقد انه ليس ملاكا او شيطانا بل هو بشر مثلى تماما قريب الشبه لى فى كل الاشياء الا انه قد يمتلك القدره على البوح )
يصيح بى قائلا
وانت مين
انت واحد كتب على نفسه الضياع
والسنين عجاف جياع
تندفن من غير وداع
ما نت كاره للسنين
وللزمن
وللخطيئه
انا :
بس انا كرهت الخطيئه
بعد ما عملت الخطيئه
هو:
مش مهم
المهم ان انت كاره للحياه
والحياه يادوب سنه
عدت عليك وانت هنا
وانت هنا ف نفس المكان
والزمان غير الزمان
عدت سنه
لساك تشوفها كل يوم
لساك عارفها
لساك بتسأل نفس السؤال
وانت عارف
انت عارف اد ايه صعب الجواب
الجواب مليون سؤال
حاولت تنسى
تنسى مين
تنسى نفسك ..... نفسها
تنسى اسمك...... اسمها
وحسها
وحلمها
للأ سف ده مستحيل
اصل حلمك للاسف كان حلمها
اصل كان نفسك
تبقى نفسك ... نفسها.
فاصل
اذا مت حبا فلا تدفنينى
وخلى ضريحى رموش الرياح
لازرع صوتك فى كل طينا
واشهر سيفك فى كل ساح.
هامش 4
فعملت ايه
غلطت تانى
ورجعت تانى للخطيئه
انا :
بس انا عملت الخطيئه
بعدما..........
هو بشده :
عملت كارثه
فكرت تانى
فكرت انك
تلقى نفسك ف نهر تانى
ها ها ها ها
غبى غبى
غبى
غبى
(ضحكات قصيره عاليه للغايه تكاد تحطم عقلى)
انا :
استنى بس
مين غبى
انا غبى ولا الزمن هوه الغبى
هو :
اكيد يا صاحبى انت الغبى
صدقنى انت مش نبى
يقدر الهه يفكه من ع الصليب
يقدر ينسيه الالم
والذل
و صراعه الرهيب
دول انبيا
اما احنا لسه اغبيا
والاغبيا .... لازم يموتوا بعقلهم
لا.... اقصد يموتوا بجهلهم.
فاصل
احبك كونى صليبى
وكونى كما شئتى برج حمام
احبكى كونى وكونى
كما شئت كونى
و كالشمس دوبى بقلبى ولا ترحمينى
هامش 5
انا :
ما هو كله مسيره ف يوم يموت
يطب ساكت
مفهيشى اى صوت
هو :
مش بقول انك غبى
بس النبى
عارف طريقه وسكته
اما انت تايه فى الطريق
عمال تعوم ناسى الغريق
هانت يا صاحبى الانا
الشط باين من بعيد
يا ترجعه و تموت هناك
او غبائك يغلبك وتموت هنا
او غبائك يغلبك وتموت هنا
او غبائك يغلبك وتموت هنا
خاتمه
( المشيعون ينطلقون بحناجرهم للسماء صارخين
الغبى لازم يموت
الجبان لازم يموت
الضعيف لازم يموت
اصل الغبى
زى الجبان
زى الضعيف
ملهمش صوت )
حاتم الوكيل
هوامش عل سفر البوح
3/11/2003
الفواصل للشاعر الفلسطينى
محمود درويش
مفتتح
( بعض المشيعين يحملون نعشا خشبيا مسرعين به
ناحيه الغرب واصوات خفيه تردد بهدوء
عاش ومات..
وطبيعى انه كان يموت
ما الموت هوه الحقيقه
و الحقيقه هيه موت )
هامش 1
زى شويه ميه ف كبايه
يتمنوا يرحعوا للنيل ..
والكبايه بتحكى حكايه
عن ميه اتحرمت م النيل.
انا زى الميه
سبت النيل
وكرهت الحبس
مع انى حابس جوايه
مليون
لأ ميت مليون كبايه
مليانه بميت مليون لون
يتمنوا يرجعوا للكون
تتلون بيهم احلامه
و أحلامى
و احلامها
و ايامها
و الرعشه الدايبه فى كلامها
و كلامى .
فاصل
مدينه كل الجراح الصغيره
الا تخمدين يدى
الا تبعثين غزالا الى
و عن جبهتى تنفضين الغبار
و ع رئتى
هامش 2
ايوه صحيح انا خايف
بس الخوف ملهوش جسم
ولا لون ولا رسم
طول ما الخوف متربى معايا
هاخاف من ايه
ماهو دايمن عايش جوايه
و هاخاف ليه
زى امبارح هيكون بكره
والبذره راح تطرح شجره
و الشجره الخضره هتسود
وتدبل و تموت
حتى لو كانت مش خايفه
لازم ف الاخر هتموت
هتموت خايفه
اذن الموت ملهوش طعم
مع ناس عشقت اكل الطعم
طعم الموت
يعنى سكوت ودمار جواها
جايز مش باين براها
بس المنجل يفضل يحصد ينحل
من اعلاها يجيب اوطاها
وانا م الناس دى
جايز بطل
و جايز يكون اكبر هبل
انك تموت ف اليوم الف مره
انك تخاف من شمس بكره
و اه ...... من امبارح وبكره
لو يصيروا زى بعض
كل يوم يندق مسمار جوه نعشك
تسأل عليك الارض
كله عارف انك لازم تموت
كله عارف الا انت
كله عارف الا انت .
فاصل
حنينى اليكى اغتراب
ولقياك منفى
ادق على كل باب
واسأل كيف
تصير النجوم تراب
هامش 3
( بعد دخول المحاور واعتقد انه ليس ملاكا او شيطانا بل هو بشر مثلى تماما قريب الشبه لى فى كل الاشياء الا انه قد يمتلك القدره على البوح )
يصيح بى قائلا
وانت مين
انت واحد كتب على نفسه الضياع
والسنين عجاف جياع
تندفن من غير وداع
ما نت كاره للسنين
وللزمن
وللخطيئه
انا :
بس انا كرهت الخطيئه
بعد ما عملت الخطيئه
هو:
مش مهم
المهم ان انت كاره للحياه
والحياه يادوب سنه
عدت عليك وانت هنا
وانت هنا ف نفس المكان
والزمان غير الزمان
عدت سنه
لساك تشوفها كل يوم
لساك عارفها
لساك بتسأل نفس السؤال
وانت عارف
انت عارف اد ايه صعب الجواب
الجواب مليون سؤال
حاولت تنسى
تنسى مين
تنسى نفسك ..... نفسها
تنسى اسمك...... اسمها
وحسها
وحلمها
للأ سف ده مستحيل
اصل حلمك للاسف كان حلمها
اصل كان نفسك
تبقى نفسك ... نفسها.
فاصل
اذا مت حبا فلا تدفنينى
وخلى ضريحى رموش الرياح
لازرع صوتك فى كل طينا
واشهر سيفك فى كل ساح.
هامش 4
فعملت ايه
غلطت تانى
ورجعت تانى للخطيئه
انا :
بس انا عملت الخطيئه
بعدما..........
هو بشده :
عملت كارثه
فكرت تانى
فكرت انك
تلقى نفسك ف نهر تانى
ها ها ها ها
غبى غبى
غبى
غبى
(ضحكات قصيره عاليه للغايه تكاد تحطم عقلى)
انا :
استنى بس
مين غبى
انا غبى ولا الزمن هوه الغبى
هو :
اكيد يا صاحبى انت الغبى
صدقنى انت مش نبى
يقدر الهه يفكه من ع الصليب
يقدر ينسيه الالم
والذل
و صراعه الرهيب
دول انبيا
اما احنا لسه اغبيا
والاغبيا .... لازم يموتوا بعقلهم
لا.... اقصد يموتوا بجهلهم.
فاصل
احبك كونى صليبى
وكونى كما شئتى برج حمام
احبكى كونى وكونى
كما شئت كونى
و كالشمس دوبى بقلبى ولا ترحمينى
هامش 5
انا :
ما هو كله مسيره ف يوم يموت
يطب ساكت
مفهيشى اى صوت
هو :
مش بقول انك غبى
بس النبى
عارف طريقه وسكته
اما انت تايه فى الطريق
عمال تعوم ناسى الغريق
هانت يا صاحبى الانا
الشط باين من بعيد
يا ترجعه و تموت هناك
او غبائك يغلبك وتموت هنا
او غبائك يغلبك وتموت هنا
او غبائك يغلبك وتموت هنا
خاتمه
( المشيعون ينطلقون بحناجرهم للسماء صارخين
الغبى لازم يموت
الجبان لازم يموت
الضعيف لازم يموت
اصل الغبى
زى الجبان
زى الضعيف
ملهمش صوت )
حاتم الوكيل
هوامش عل سفر البوح
3/11/2003
الفواصل للشاعر الفلسطينى
محمود درويش