المرأه... و... عمل المرأة... [الأرشيف] - قصر العيني

مشاهدة النسخة كاملة : المرأه... و... عمل المرأة...

Alasmar

16-11-2003, 04:43 PM

بدايةً من:

رسالة إلى فتاة تعمل أو تدرس بين الرجال (فيرون)..
بعد الاعتقال لمدة 8 سنين في كلية الطب (فيرون برده)..
مرحباً بالقاضية (مدنجى)..
لا يدخلن الجنة (مدنجى برده)..
منع الحجاب في الجامعة ! تخلف ديني وحضاري ! (عمرو2003)..
هبوط اسعار اللحم (الاسمر "منقول")..
مرحبا بالقاضية (2) (مدنجى تانى)..
المرأة والرجل! (د.سوكر)..

و غيرها وغيرها من المواضيع الكتير الى اتكلمت فى منتدانا هنا عن المرأة.. و عمل المرأة..

انا عاوز هنا نركز كل كلامنا و نجمعه و نقول رأينا فى الحكاية دى..
و ياريت نتصفح فى المنتدى و نقرا المواضيع دى قيل ما نتكلم, عشان يكون عندنا فكرة عن وجهات نظر بعض فى الموضوع دا , و نكون برده بنتكلم على نور..

مدنجي

18-11-2003, 03:17 PM

انا عاوز فى الاول قبل التوغل فى الموضوع اوضح لكو حاجة ان المرأة دى هى نص المجتمع يعنى زى ما قولت فى العنوان انه مافيش راجل مالوش ام و اغلبنا له اخوات بنات ومن المفترض ان احنا فى يوم من الايام هنتزوج انسانة وكل دول نساء و اكيد كل دول بنحبهم جداً و بنخاف عليهم وعلى مصلحتهم.و عمرنا ابداً ما غيرنا منهم ولا حقدنا عليهم عشان خدوا حقنا فى شغل ولا فى اى حاجة..يعنى انا قصدى انكو متخدوش الموضوع بحساسية..انا اما_بتكلم فى موضوع الشغل دا بيبقى فى دماغى امى واختى و المدام (ربنا يسهل ان شاء الله) او اى اخت تانية زميلة هتكون فى نفس المكان دا لاى اخ زميل ليا ان شاء الله..يعنى من غير عند و لا حساسيات هنبدأ نتكلم ان شاء الله..و للحديث بقية.............دى..

مصباح

18-11-2003, 10:00 PM

هناك ظاهرة تضايقني ....

أحياناً أرى أن بعض الفتيات ممن يعملن لمجرد رفضهن البقاء بلا عمل يحصلون على وظائف يستطيع أي شاب أن "يفتح بها بيتاً" ..

أشعر أن هذا يضيع على هذا الشاب - و المقصود هنا أي شاب كان ممكن يكون مكانها في هذه الوظيفة - فرصة الإسراع بالعمل من أجل تكوين أسرة .. فالمفترض أن الشاب هو المسؤول عن الانفاق و ليس الفتاة

دعوني أقول ما أريد بطريقة أخرى ..

أحزن لارتفاع معدل البطالة بين الشباب (الذكور) في زمن تجد المرأة فيه تعمل في كل مكان تقريباً ..

هل أنا متحيز لبني جنسي من الشباب ؟
أنا أعرض مجرد خاطرة ... على كل حال ... أنا في انتطار تعليقاتكم

و سامحوني على الاختصار الشديد في الكلام .. يبدو أنها صارت عادتي في الآونة الأخيرة

وشكراً للأسمر على مبادراته البناءة في المنتدى

Alasmar

21-11-2003, 05:32 PM

شكراً يا اخ مصباح و شكراً يا مدنجى على مشاركتكو معايا فى الموضوع دا وعلى الكلام الجميل الى قولتوه.لكن بصراحة انا يهمنى جداً كلام البنات ذات نفسهم فى الموضوع دا, لانه بيعتبر الى حد ما كلام قاطع,_و طبعا يهمى برده رأى الرجالة زمايلى.اهم حاجة نوصل لحاجة..

walaa

21-11-2003, 07:53 PM

أولا .... شكرا لآرائكم البناءه في هذا الموضوع .<a href="javascript:smilie(':smiley20:')"><img alt="smiley20" src="http://www.elaini.net/vb/images/smilies/smiley20.gif" border="0" /></a>ثانيا ..._كما سبق و قال الأخ مدنجي أن الرجل و المرأة كيان واحد و لا يمكن أن تستقيم الحياة دون أي منهما ,, و لهذا فلا يمكن أن نعتبر الكلام في هذا الموضوع هي قضية صراع بين الرجل و المرأة و المساواه و العدل و العبط اللي ماشي اليومين دول ..قضية عمل المرأرة مرتبطة ارتباط تام بقضية تعليم المرأة (من وجهة نظري ) يعني ما ينفعش واحدة تطلع عينيها في المذاكرة 6.25 سنوات في كلية الطب وبعدين تقعد في البيت !!!!يعني ما نجبش واحدة هتقدر بمهنتها انها تخدم ناس كثير و أولهم هي المرأة في حد ذاتها .. زي واحد هتقعد على مكتب لو جبنا أي شاب معاه أي شهادة و فهمنا الموضوع ,هيقدر يعمل اللي هي بتعمله و يمكن أحسن...لكن هناك ظاهرة (و هي فعلا تضايق) أن بعض النساء يعملن لنجرد الشعور بالذات ,, و كأن بقائها في بيتها معززة مكرمة بعيد عن البهدلة بيخليها كم مهمل ليس له أي أهمية ,,, في حين أن هناك آلاف الشباب ممن يعولون أسر و يحتاجون لتلك الوظائف ...بالإضافة الى البهدلة التي تواجهها .. ابتداء من المواصلات و الاختلاط بالرجال منهم اللي عنده أخلاق و نهم اللي ماسمعش عنها ,, و بعدين ترجع بيتها ميتة من التعب و تكون النتيجة اهمال في البيت والزوج و الأبناء ..يعني أنا عايزة أقول لازم نفرق بين امتى يكون عمل المرأة ضرورة لابد منها و امتى يكون عبط و انجراف وراء تيار التقدم و المدنية و العولمة و الكلام ده ...و المشكلة مش في العمل و بس ,, المشكلة أنها بعد كده ومع الوقت بتنسى دورها الرئيسي في تربية أبنائها و تكون النتيجة جيل ضعيف علميا و أخلاقيا و دينيا (يعني خربتها و قعدت على تلها )...لكن أنا شخصيا لو قالولي أنه تم إلغاء عمل المرأة في مصر (و لس الدراسة حتى لا نكون منبع للتخلف)هكون سعيدة جدا ,, و بمعنى أصح أنا و غيري من الفتيات في سباق مستمر (مع مين ,, معرفش )و يجب أن نكمل المسيرة لكم ماينفعش أرجع لوحدي ,, لكن لو السباق اتلغى أصلا يبقى مافيش مشكلة_ و ده مش كلامي لوحدي ,, ده كلام معظم الفتيات (كل واحدة بتقول اشمعنى أنا )..معلش طولت عليكم ,, و كل سنة و أنتم طيبين ..

مدنجي

22-11-2003, 05:38 PM

:smiley20::smiley20::smiley20::smiley20::smiley20: :smiley20::smiley20::smiley20:

فيرون

23-11-2003, 07:55 AM

أنا معاكي يا ولاء ......و أعتقد إن رأيي واضح في مقالاتي السابقة ..." ويلغو تعيين البنات .... البنت مش لازم تصرف على بيتها .... الراجل هو اللي لازم يصرف على البيت ..... مراتي لازم تقعد ملكة متوجة في بيتها و أنا أصرف عليها وعلى الولاد ..... ساعتها مش هنلاقي مشكلة في تعيين الشباب و المرتبات هاتزيد لأنها بتدفع لعدد أقل من الموظفين ...... بس نعمل أيه الحكومة خايفة أحسن يقولوا عليها حكومة رجعية متخلفة متحيزة إسلامية إرهابية ويحطوها ضمن القائمة الأمريكية للدول التي ترعى الإرهاب..... ويرمونا بالهامبورجر و القنابل إياها ويقولوا داحنا مخبيين " بن بلاستيك " زعيم تنظيم التواليت و زعيم حركة تو ستيودنتس "Two Students" ...... "" أما عن المرأة كطبيبة_فأنا أحبذ عملها في ذلك حتى لا تضطر النساء إلى الذهاب إلى أطباء رجال_ ذلك و ما يترتب عليه من انكشاف عوراتهن أمام غير المحارم ... ذلك وفي كل المهن التي تتم عن طريق احتكاك مباشر مع الحواس كالتدريس و التمريض (أي الفصل بين الجنسين في التعامل ... فيمرض الرجل الرجل و المرأة المرأة ) " أما تعيين الحكومة فهو يختلف ... فهو المصدر الوحيد الدائم الذي يقيم الأسرة .... "_إن فاتك الميري اتمرغ في ترابه_" فالبنات الي بيفوتها الميري ما بيسببش ده عندها أي مشكله ... لأنها بتتجوز و يبقى إسمها ربة منزل و بتربي أولادها بالعلم اللي اتعلمته طوال دراستها ....أما الشاب اللي بيفوته الميري .... و خصوصاً في_ القاهرة ... بيتعرض للتشرد ... مشكلة خريجي الجامعات ..._ و لو فيه مشروع جواز بيقف ... وبيصيع ... على عكس البنت ..نفس رأي أونكل_مصباح ... بس

مصراوى

27-11-2003, 04:21 AM

مثل سمعته من احد الممثلين الله يرحمه لانه توفي(الست زي الشمس اوقات نحبها و اوقات نكرهها و لكن عمرنا ما نقدر نستغنى عنها)انا مع تعليم المراةو اتفق مع ان هذا هو احد حقوقهاو لكن هناك بعض الأبعاد الأجتماعيةالتي يجب مراعاتها في قضية عمل المراةو التى استوفيتموها جيدا في مقالاتكم السابقةو شكرا لكم ........ده

القصرعينية

05-12-2003, 01:50 PM

ما هي دوافع العمل لدى الفرد ؟في رأيي هي كالآتي:1.مصدر دخل.2.تواصل مع المجتمع.3.الإحساس بالذات، وتفعيل سنوات الدراسة._طبعا يختلف ترتيب هذه الدوافع حسب الحالة المادية وشخصية كل فرد.عن نفسي: 3-1-2يا ريت كل واحد يكتب ترتيبه.1.مصدر دخل: طبعا أهمية هذا العامل أكبر للرجال، بس أنا حتكلم من وجهة نظر نسائية. في المرحلة الحالية قبل الزواج ..و.. الواحد بعد 7 سنين أهله دفعوا فيه دم قلبهم لازم يخف شويه بقى ويشيل نفسه على الأقل إن ماكانش يجيب حاجات في البيت، خاصة ان أهالينا بعد فترة دخلهم بيقل وبيبقوش قادرين يسدوا زي الأول.واذا افترضنا ان الزواج مجاش –محدش يفتكر حاجة كده ولا كده دول طوابير طوابير بس احنا نأشر- من اللي يضمنلي العيشة الكويسة بعد ما يرحل العائلين –بعد عمر طويل- ومتقولش معاش.. معاش ايه اللي يجيب مكان للعيشه.طب اتجوزنا: طبعا الزوج هوه اللي بيصرف. طب ليه أنا ما أساعدهوش.. خاصة ان معظم الراتب لما يكون الراجل كويس في شغله مأظنش انها تتعدى 500ج إلا إذا كان في شغل تاني وغالبا حيكون بعد الظهر يعني مراته متشفهوش إلا ع الغداء وع النوم –في رأيي مش عيشه-، مع مراعاة الغلاء المستمر واللي حيستمر لفترة مش قصيرة.طب اتطرد من الشغل-خاصة إذا كان يعمل في قطاع خاص أو المنتشر هذه الأيام عقد عمل مؤقت- مش ساعتها نقدر نتصرف.طب بعد الشر مات وليس له معاش-يعمل حر- شوفلي حل بقى ساعتها.طب بعد الشر اختلفنا: احتمال قائم.. يعني عناد على طول، مش ساعتها لو لي دخل حقدر أتصرف لحد متعدي الأزمة.. ياريت محدش يحس إني بحط العقدة في المنشار، لأن كل ده وارد وبيحصل وأنا شفته في ناس كتيير._2.تواصل مع المجتمع: طبعا الشغل بيخليك عايش في مشاكل المجتمع وأفراحه، الجرايد بتتكلم النهارده عن زيادة في المرتبات بكرة أجازة، صدى الأحداث بصفة عامة..ده غير اني حقدر أفيد كل من حولي سواء أبنائي أو أتواصل مع زوجي لأني أعتقد إن القعده في البيت بتخليك تبعد شويه عن الأفكار الموجودة في المجتمع..3.الاحساس بالذات: أن أشعر أنني فرد بناء في هذا المجتمع يقوم بخدمته ويشعر بأفراحه ومآسيه، وأن طموحي وآمالي تنمو مع الوقت.. الحاجات دي مش قليِلة يا جماعة.._ملاحظات:أحزن لارتفاع معدل البطالة بين الشباب (الذكور) في زمن تجد المرأة فيه تعمل في كل مكان تقريبا(مصباح).أظن أن هذه الجملة مبالغ فيها كل ما في الأمر إن المجالات لعمل المرأة بدأت تزيد مش أكتر ومازالت الأفضلية للرجال،ويمكن موضوع القاضية هو الذي أثار ذلك.وعامة هو توجه سياسي بحت يمكن أن ينقضي بعد وقت ليس بطويل.قضية عمل المرأة مرتبطة ارتباط تام بقضية تعليم المرأة (من وجهة نظري ) يعني ما ينفعش واحدة تطلع عينيها في المذاكرة 6.25 سنوات في كلية الطب وبعدين تقعد في البيت !!!!مش شرط يا ولاء ممكن واحدة واخده معهد سنتين ولاَ مش متعلمة بس محتاجة شغل.__و المشكلة مش في العمل و بس ,, المشكلة أنها بعد كده ومع الوقت بتنسى دورها الرئيسي في تربية أبنائها و تكون النتيجة جيل ضعيف علميا و أخلاقيا و دينيا (يعني خربتها و قعدت على تلها )..._ده يعتمد على شخصيتها أولا، ممكن تكون مبتشتغلش بس لو هي مش حاسة بأهمية الموضوع حتشغل نفسها بأي حاجة ومش حتقوم بواجبها. ولو فاضلنا بين اثنين لهم نفس الاهتمام بالأطفال صدقيني حتكون كل واحدة متميزة في جوانب معينة. وده يخليني أوضح نقطة مهمة جدا، انه طبعا لو شعرت أن عملي سيؤثر على الأولاد فالموضوع لا يحتاج إلى قولان، لأن هذه هي الرسالة الأسمى._في النهاية أعتقد أن أمهاتنا ومعظمهن من العاملات كن أكبر مثال على القدرة على الجمع بين تربية النشء والعمل._

admin

06-12-2003, 11:02 AM

تحليل ممتاز يا ( * ) .... وتفكير عملي

أما أنا فالعمل بالنسبة لي هو الحيـــاة التي تسري في أوصالي

walaa

06-12-2003, 05:06 PM

يا قصر عينية :كلامك فعلا صح و مش متعارض مع كلامي ,, لأن مش كل الناس زي بعضها ,,,, بمعنى أن في أوضاع زي اللي انتي قلتيها و في أوضاع تانية زي اللي أنا قلتها ,,,,و في حالات كتير أنا شفتها حياتها_فاشلة بسبب موضوع العمل و الحجة ايه ؟؟؟ شعور بالذات !!!!!!!!!يعني أنا عايزة أقول انه لو الموضوع مالهوش أهمية قصوى (زي بعض الأوضاع اللي انتي قولتيها) يبقى قلته أحسن ......_في النهاية الموضوع كله بيرجع لشخصية المرأة و أهمية العمل بالنسبة لها ,,,(و زي ما بيقولوا .. الإختلاف في الرأي لا يفسد للود قضية )<a href="javascript:smilie(':smiley4.:')"><img alt="smiley4." src="http://www.elaini.net/vb/images/smilies/smiley4.gif" border="0" /></a><a href="javascript:smilie(':smiley4.:')"><img alt="smiley4." src="http://www.elaini.net/vb/images/smilies/smiley4.gif" border="0" /></a><a href="javascript:smilie(':smiley4.:')"><img alt="smiley4." src="http://www.elaini.net/vb/images/smilies/smiley4.gif" border="0" /></a><a href="javascript:smilie(':smiley4.:')"><img alt="smiley4." src="http://www.elaini.net/vb/images/smilies/smiley4.gif" border="0" /></a>

Alasmar

07-12-2003, 02:26 PM

<a href="http://www.elaini.net/vb/showthread.php?s=&threadid=472" target="blank">لا يدخلن الجنة.. <a>
<a href="http://www.elaini.net/vb/showthread.php?s=&threadid=111" target="blank">مرحباً بالقاضية.... <a>
<a href="http://www.elaini.net/vb/showthread.php?s=&threadid=407" target="blank">هبــوط أســـعار اللحــــم‏..!! <a>
<a href="http://www.elaini.net/vb/showthread.php?s=&threadid=319" target="blank">مرحبا بالقاضية (2) <a>
<a href="http://www.elaini.net/vb/showthread.php?s=&threadid=196" target="blank">المرأة والرجل! <a>
<a href="http://www.elaini.net/vb/showthread.php?s=&threadid=40" target="blank">رسالة إلى فتاة تعمل أو تدرس بين الرجال <a>

القصرعينية

08-12-2003, 12:27 AM

كل واحد يكتب ترتيبه لاختياره العمل..

Alasmar

10-12-2003, 09:24 PM

اهلاً بكم (على طريقة حمدى قنديل)_((على طريقة مدنجى))كلمات مأثورة:-{ وقرن في بيوتكن ولا تبرجن تبرج الجاهلية الأولى}.. -حديث رواه البخارى وغيره "لن يفلح قوم ولوا أمرهم امرأة"- قال رسول الله: (المرأة عورة، فإذا خرجت استشرفها الشيطان، وأقرب ما تكون من وجه ربها وهي في قعر بيتها) رواه الترمذي وابن حبان. -يا جماعة متدفنوش المرأة و مواهبها فى البيوت .... سيبوها تخرج للنور.... سيبوها تظهر مواهبها وتساعد اخوانها من الشباب التعبان.... -لازم برده نساعد بعض مش كده ولا ايه... (مدنجى)-بكره الستات دول الى مش عاجبينك يمسحوكوا يا رجالة من على وجه الارض_ (مدنجى)-احنا موافقين انكوا تشتغلوا.. بس سيبونا نعيش..(مدنجى)-وأنا أعتقد أن المرأه أصبحت قاضيه لأن البنت أصبحت زى الولد فى الزمن الأغبر ده! (د. سوكر)-إن المرأة مهضومة مظلومة في أي اختلاط لها بالرجال من غير محارمها، (فيرون)-وإن أردت أن تقفي على حقيقة الاختلاط وآثاره فاقرئي مشاكل الاختلاط في الغرب، (فيرون)-أنت نصف المجتمع، وأنت تلدين الآخر.. أنت التي نرجو منك أن تخرجي لنا الأجيال التي تقود الأمة.. فكيف يمكن لك ذلك إذا تركت القرار في البيت، وتركت عمل البيت وتربية النشء والأمومة، وصرت تزاحمين الرجل في عمله؟.. (فيرون)-وإن كنت أختي الكريمة في حاجة إلى العمل فليكن بعيدا عن الرجال.. (فيرون)- اين هو الرجل الذى يستطيع ان ينفق على اسرة باكملها الان؟ اظن انهم قليلون...(ايمان سمير)- المشكلة مش في العمل و بس ,, المشكلة أنها بعد كده ومع الوقت بتنسى دورها الرئيسي في تربية أبنائها و تكون النتيجة جيل ضعيف علميا و أخلاقيا و دينيا (يعني خربتها و قعدت على تلها )...(ولاء)--------------------------------------------------------------------بالنسبة لموضوع تقسيم اسباب العمل الى اثارته الاخت القصر عينية فهو مفتوح فقط للآنسات زميلاتنا فى المنتدى لان احنا مش مسموحلنا اختيار اولويات من الحاجات الى ذكرتيها يا اخت قصر عينية لأن احنا كدا كدا لازم نشتغل (ان شاء الله) بصرف النظر عن الاسباب لكن بالنسبة للاخوات الزميلات فالاختيارات امامهم مفتوحة لأنها ممكن ان ترغب فى العمل او لا ترغب فى العمل..العمل فرض علينا كرجال,,و أختيار ليكو كنساء,,

Alasmar

10-12-2003, 09:37 PM

الموضوع (124) تعليم المرأة.المفتى : فضيلة الشيخ عطية صقر.&مايو 1997 المبدأ : القرآن والسنة.سئل : ما رأى الدين فى تعليم المرأة ؟ أجاب : التكاليف الشرعية موجهة للرجال والنساء جميعا ، وإن كان أكثر النصوص فى القرآن والسنة تتحدث عن الرجل ، لأنه الأصل وكل من بعده تبع له {يا أيها الناس اتقوا ربكم الذى خلقكم من نفس واحدة وخلق منها زوجها وبث منهما رجالا كثيرا ونساء} النساء : 1 وفى بعض الأحيان تنزل نصوص تتحدث عن الجنسين لوجود سبب يدعو إلى ذلك ، كما جاء فى رواية أحمد والنسائى أن أم سلمة قالت للرسول : ما لنا لا نذكر فى القرآن كما يذكر الرجال؟ فتلا قوله تعالى وهو على المنبر يا أيها الناس الله يقول {إن المسلمين والمسلمات والمؤمنين والمؤمنات } إلى آخر الآية الأحزاب : 35 ، وفى رواية الترمذى أنها سألته : لِمَ لم تذكر النساء فى الهجرة ؟ فنزل قوله تعالى{فاستجاب لهم ربهم أنى لا أضيع عمل عامل منكم من ذكر أو أنثى بعضكم من بعض... } إلى آخر الآية آل عمران :195 ،.&وذلك كله مع مراعاة التناسب فى التكليف بين طبيعة كل من الجنسين ، وطلب العلم واجب لمعرفة ما أمرنا الله باتباعه مما أنزله على رسله المبشرين والمنذرين ، وتلك حقيقة لا تحتاج إلى دليل ، وأكثر النصوص الواردة تبين فضل المتعلم على غيره بأساليب كثيرة والرجل والمرأة فى ذلك سواء، وإذا كان قد جاء فى حديث ضعيف "طلب العلم فريضة على كل مسلم " دون لفظ "ومسلمة" فهي مضافة حكما لا رواية والواقع يشهد لذلك ، فقد صح فى البخارى ومسلم طلب النساء من النبى تخصيص يوم لهن للتعلم ، وأن كثيرات منهن سألنه فى أمور دقيقة قالت فى شأنها السيدة عائشة : نعم النساء نساء الأنصار، لم يمنعهن الحياء أن يتفقهن فى الدين ، بل جاء فى رواية البخارى ومسلم "أيما رجل كانت عنده وليدة- أى أمة رقيقة-فعلَّمها فأحسن تعليمها، وأدَّبها فأحسن تأديبها ، ثم أعتقها وتزوجها فله أجران " وإذا كان هذا فى تعليم الأمة فكيف بالحرة؟ والنصوص عامة للجميع ، لقد قال الفقهاء - كما جاء فى إحياء علوم الدين للإمام الغزالى وغيره -يجب على الزوج أن يعلم زوجته القدر الضرورى الذى تصحح به عبادتها وتؤدى به واجبها المنوط بها ، وذلك إما بنفسه هو أو بمن يستعين به ، فإن لم يفعل كان لها أن تخرج لطلب العلم الواجب ولا يجوز أن يمنعها منه.&وقد صح فى الحديث نهى الرجال عن منع النساء من الذهاب إلى المسجد ، وذلك من أجل التعلم ، لأن صلاتهن فى بيتهن أفضل.فإذا كان للمرأة أن تخرج لطلب العلم فعليها أن تلتزم بكل الآداب الواجبة لكل خروج من بيتها ، من الحشمة والعفة والأدب وعدم المغريات من عطر نفاذ أو قول خاضع ، أو خلوة مريبة ، أو تزاحم متعمد، مع التأكد من الأمن عليها من الفتنة والفساد.&وعلى المجتمع كله أن يوفر الجو الآمن لتحقيق الغرض من التعليم ومنع الفساد بأى وجه يكون. وبالفهم الجيد لنصوص الدين وروح الشريعة يمكن الحكم على أى عمل حكما صحيحا ،بعيدا عن التخبط والانحراف._الموضوع (23) عمل المرأة.المفتى : فضيلة الشيخ عطية صقر.مايو 1997 المبدأ : القرآن والسنة.سئل : ما حكم الإسلام فى عمل المرأة ؟.أجاب : هذا الموضوع طويل وضحته فى كتبى : الأسرة تحت رعاية الإسلام ، الإسلام دين العمل ، الحجاب وعمل المرأة.ويكفى أن أقول : إن العمل حق لكل إنسان رجلا كان أو امرأة ، بل هو واجب لأنه وسيلة العيش وبقاء الحياء ، وتحقيق الخلافة فى الأرض ، ومجالاته كثيرة ، فى الحقل والمصنع والمتجر والبيت ، فى البر والبحر والجو ، قال تعالى { هو الذى جعل لكم الأرض ذلولا فامشوا فى مناكبها وكلوا من رزقه } الملك :15 ولكل من الرجل والمرأة أن يعمل فى المجال الذى يناسب استعداده ، والعمل يستقيم دائما إذا وضع الشخص المناسب فى المكان المناسب ، واللَّه سبحانه جعل لكل من الرجل والمرأة مواهب واستعدادات وطاقات تتناسب مع المهمة التى توكل إليه ، والطرفان شريكان فى جمعية تعاونية ، لا يمكن أن يستغنى أحدهما عن الآخر.والجزاء هو على قدر العمل المشروع أيَّاً كان حجمه ، قال تعالى { فاستجاب لهم ربهم أنى لا أضيع عمل عامل منكم من ذكر أو أنثى بعضكم من بعض } آل عمران 195 ، وقال تعالى { من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون } النحل : 97 ،.&ورسالة المرأة فى البيت لا تقل أهمية عن رسالة الرجل خارجه ، كما قال النبى صلى الله عليه وسلم لأسماء بنت يزيد بن السكن وافدة النساء ما معناه " حسن تبعل المرأة لزوجها وقيامها بواجبها نحوه يعدل ما يقوم به الرجل من جهاد وغيره " كما رواه البزار والطبرانى ، والشاعر المصرى يقول :فى بيتهن شؤونهن كثيرة * كشؤون رب السيف والمزراق ومع ذلك فللمرأة أن تزاول عملا خارج البيت ، وبخاصة إذا احتاجت إليه ، أو كان العمل محتاجا إليها ، بل يكون ذلك واجبا عليها لاحقًّا لها ، وقد قرر العلماء : أن خروجها للعمل مرهون بعدم التقصير فى الواجب الأساسى وهو المنزل الذى يوفر السكن والمودة ويربى النشء ويعده لاستمرار الحياة الاجتماعية والإنسانية ، وذلك مرهون بإذن الزوج لها ، فهو المشرف المسئول عنها فى النفقة والحماية ، كما يجب عليها أن تحافظ على كل الآداب الخاصة بالعلاقة بين الجنسين ، حتى لا يكون هناك انحراف يتنافى تماما مع المقصود من مزاولة النشاط خارج البيت ، وتفصيل هذه الآداب يرجع إليه فى الكتب السابقة.والتقصير فيها هو الذى أثار الجدل والنقاش حول عودة المرأة العاملة إلى بيتها ، فلابد من الموازنة بين الكسب والخسارة ، شأن التاجر الواعى البعيد النظر ، فالعمل للمرأة خارج المنزل - مع أن مجالات العمل والكسب داخله كثيرة - جائز مع كل التحفظات المشروعة ، ذلك أن الرسول صلى الله عليه وسلم قال كما رواه البخارى " إن اللَّه أذن لكنَ أن تخرجن لقضاء حوائجكن " والحوائج عامة غير مخصوصة بعمل معين ، وكان النساء يباشرن أعمالا خارج البيت ، كطلب العلم وكسب العيش ، أيام النبى صلى الله عليه وسلم ، وروى البخارى ومسلم أنه رأى أسماء بنت أبى بكر ، زوجة الزبير تحمل على رأسها النوى لتعلف به الناضح - الجمل أو الفرس -فلم ينكر عليها ، بل دعاها إلى الركوب خلفه شفقة عليها.وإذا كان اللَّه سبحانه قال لنساء النبى صلى الله عليه وسلم { وقرن فى بيوتكن ولا تبرجن تبرج الجاهلية الأولى } الأحزاب : 33 ، فالقرار فى البيت وسيلة عدم التبرج أى الظهور والبروز وهو الأمر المهم فى الموضوع ، ومع ذلك فهو خاص بنساء النبى صلى الله عليه وسلم ، ولم يمنعهن من الخروج من البيت للصلاة أو الاعتكاف فى المسجد أو حضور مهرجان العيد ، أو الحج إلى بيت اللّه.وللعلماء كلام طويل فى بيان المجالات المناسبة لعملها خارج البيت يرجع فيه إلى الكتب المذكورة آنفا.

فيرون

11-12-2003, 07:31 AM

إيه يابني....... انتى بترد على نفسك ..بس الرد الأولاني كويس:smiley32:

مدنجي

11-12-2003, 03:55 PM

و لعلمك دى مش اول مرة يرد فيها على نفسة..:smiley2:لكن على رأيه (الاسمر يعنى) الى يهمنا هنا ردود البنات..:smiley23:و كويس انه جاب لنا هنا رأى الدين عشان نعرف راسنا من رجلينا برده...:smiley32:

sara

12-12-2003, 01:14 PM

من الواضح ان معظمكم رافض فكره عمل المراة .ولكن كيف نفصل بين عمل المراة وتعليمها ولا يعنى هى تتعلم وتزاكر وتتعب وبعدين تقعد فى البيت_ ال ادا كان قصدك انها_ تتعلم القراه والكتابه من باب محو الاميه ولكن ليه مابصتوش لانها بتشتغل علشان هى محتاجة الشغل_ سواء كان ماديا اوادبيا .مع انى انا معاك انها لو عندها أولاد أولى انعا تقعد تربيهم بس لو معندهاش اومثلا مش متجوزه تقعد في البيت تستنى العريس الي هايشلها من الفراغ الي هى عايشه فيه الي ممكن مايجيش فبالعمل ممكن تنفع نفسه وتنفع بلادها_

Alasmar

12-12-2003, 09:00 PM

و الله انا مش هقولك زيادة على :ياريت تقرى الموضوع من الاول كويس..لأن دا مش مكلامنا بس..دا كلام الدين واهل الدين..و انت ليكى فى الآخر الاختيار..اما تفيدى بلدك و تنفعى نفسك..و اما تسمعى كلام ربك..انا عاوزك تلاحظى حاجة مهمة جداً:ربنا هو الى خلقنا و خلق كل واحد بسبب و خلق الرجل وخلق المرأة و لم يجعل الانسان جنساً واحداً بسبب..و كل جنس له وظيفته الى خُلق عشانها..و احنا(المخلوقين) منعرفش الخير والافادة فين ربنا لواحده هو الى يعلم لذلك لا بد من طاعة امر الله(الخالق) لأنه اكيد فيه الخير..مش هنيجى احنا على آخر الزمن نغير فى كلام وشريعة ربنا..ياريت تقرى الموضوع من الاول و ياريت تقتنعى بكلامى..و لو عاندك اى ملاحظة ياريت تقوليها احنا فاتحين ساحة الحوار هنا عشان كدا ..

مدنجي

13-12-2003, 05:09 AM

"و احنا(المخلوقين) منعرفش الخير والافادة فين ربنا لواحده هو الى يعلم لذلك لا بد من طاعة امر الله(الخالق) لأنه اكيد فيه الخير.."يا اخ اسمر:قاصدك ان لو الخير و افادة البلد و النفس فى عمل المرأة كان الدين رحب بيه..لكن الخير فى تعليم المرأة و فى وجودها فى المنزل جنب اولادها و لذلك الدين حثنا على كدا..و يا اخت سارة:_انا مش شايف تعارض مع تعليم المرأة و جلوسها فى المنزل لتربية الاولاد بل بالعكس دا ضرورى..دى..

walaa

14-12-2003, 05:40 AM

يا سارة ... كلامك صح لكن قوليلي المرأة ممكن تحتاج الشغل أدبيا إمتى و ليه ؟؟؟؟؟؟؟؟ ثم إننا لو فكرنا بطريقة عملية من واقع مجتمعنا و دولتنا بظروفها الحالية ,,, هنلاقي أن عمل المرأة (في معظم الحالات ) بيشكل عالة على المجتمع ,, لأنها ممكن تاخد مكان واحد محتاج الشغل فعلا ماديا قبل أدبيا ....و كمان في تخصصات بتحتاج لوجود المرأة فيها (زي الطب )لكن تقدري تقوليلي موظفة البنك (مثلا) بتعما ايه زيادة عن اللي هيعمله أي موظف راجل ....أما موضوع التعليم ... فهو واجب ديني و أدبي و إجتماعي لأن الأم علشان تكون أم صح لازم تكون متعلمة كويس جدا مش بس بتعرف تقرأ و تكتب_ !!!!!!!!و بعدين_للأسف ان بعض اانساء مش بيراعوا شروط الزي الإسلامي و عدم الإخطلاط_ ,,أنا عارفة كل واحدة هتقول أنا مالي أنا مش بعمل كده ,, لكن احنا بنفكر في مشكلة جماعية و مش ممكن تجزأتها لأنها بتعود على المجتمع كله ... و طالما أن الدين قال كلمته يبقى احنا مش من حقنا الإعتراض ..... (على فكرة يا سارة أنا مش بهاجمك أنا بس بناقشك )

sara

14-12-2003, 12:07 PM

مبدايا ليه شايف ان في تناقض بين نفع بلادها ونفسها وطاعة ربها(وعلى فكره لوخروجى من البيت أصلا هيغضب ربنا أنا مش هاخرج )وانا مقتنعه تماما ان لو_فى أولاد فدور المرأة انها تربيهم_ وعلشان كده هي بتتعلم أصلالكن تقدر تقولا ليه أدرس_6 سنين_طب علشان أربي أولادى او مثلا 5هندسة اوصيبدله_فبالطريقه دى تبقي بتفصل بين عمل المرأه وتعليمهاكمان انا رجعت لاول الموضوع تاني دى ما حضرتك قولتلي ففهمت ان لو في ضروره للعمل فممكن انها تشتغل والضرورات في_الزمن ده كتير مثلا الحاجه ولا رأيك انها تشحت_ مثلا_ مع العلم ان انا بتكلم عن المراه غير التزوجه او الى ماعندهاش عائل_او عائلها مش قادر

فيرون

14-12-2003, 03:30 PM

؟؟؟؟؟
:smiley13:

kalamntena

17-12-2003, 01:10 PM

بسم الله الرحمن الرحيم
من منطلق "كلكم اعلم بشؤون دنياكم" هاسأل سؤال و حد يرد عليا
لما واحدة تقعد تدرس على الاقل15 سنة و بعدين تتجوز واحد يطلع عنيها و بعد ما يوريها المر يطلقها هاتعيش منين لو هى ما بتشتغلش؟ و يا ريت محدش يقول مش كل الناس كدة لان معظم الرجالة بقوا كده ده حتى عمر بن الخطاب قال على ايام الرسول:"كان الزمان زمانا وكان الرجال رجالا" يعنى على ايام عمر ابتدا الغلط _و لاحظ ان ماكنش فيه اناث بيخرجوا_ طب دلوقتى البنات يعملو ايه؟
و يا ريت محدش يقول : ساعتها تبقى تشتغل لان الشغل مش مالى البلد و انتوا اسياد العارفين
كلامى غلط وللا ايه يا دكاترة يا بتوع المدارس؟
ده كان واحد
اثنين المرة الجاية
سلام

علي عثمان

22-12-2003, 02:00 AM

السلام عليكم

بصراحه انا شايف ان الموضوع محسوم اصلا

لقد تحول خروج المراه -سواءا للعلم او للعمل- الى باب او لنقل بوابه
كبيره لدخول

كل انواع الفتن التى لا يصلح وصفها الا انها قطع من الليل المظلم

لابد ان نكف عن التقليد الاعمى للغرب و ان نعود للشرع الحنيف

نقراه للتطبيق لا للتشدق

ما من انسان مسلم الا و يعرف امر الله للمؤمنات بأن يقرن فى بيوتهن

و يتركن التبرج-لغير الزوج- كما نرى هذه الايام.

بصراحه
انا مش عارف احنا بنضحك على مين.

طلب العلم فريضه..............لكن لطلب العلم اصول

لو لم نستطع ان نطبق هذه الاصول

فدفع الضرر مقدم على جلب المنفعه لان طلب العلم ببساطه لن يكون فريضه فى هنه الحاله

مازال لدي الكثير لاقوله

فانتظرونى.....................

walaa

22-12-2003, 10:27 AM

:smiley20::smiley20::smiley20::smiley20::smiley20: :smiley20::smiley20::smiley20::smiley20::smiley20:

مدنجي

25-12-2003, 01:25 AM

" مع العلم ان انا بتكلم عن المراه غير التزوجه او الى ماعندهاش عائل او عائلها مش قادر" سارة...للمرة التانية الجملة دى بتتكرر..و التساؤل دا بيتكرر..صحيح الست دى تعمل ايه؟؟تعمل ايه؟؟تعمل ايه؟؟تعمل ايه؟؟تعمل ايه؟؟طبعاً متعملش حاجة لأن الست دى مش هيبقالها وجود اصلاً لو كانت قعدت فى البيت من الأول و اعطت فرصة عمل لرجل بدل منها..اكيد هيكون الراجل دا فى يوم من الايام عائلها..هيكون ابوها_ او زوجها او.. او.. او..لكن احنا برده لازم نتنح ونقول الست تشتغل عشان تصرف على نفسها وعشان الظروف..ليه؟؟منخلى واحد من الرجالة الى مش لاقيين شغل يشتغل هو و يصرف عليها و يقعدها معززة مكرمة فى بيتها...يا جماعة لو مبتزاحموناش فى الشغل والله ربنا ما هينساكو..و الرجالة هيقعدوكو فى البيت تربولهم عيالهم اطباء وعلماء المستقبل....دى..

walaa

25-12-2003, 02:27 AM

_اده ؟؟؟؟؟_ قول كده من زمان ......:smiley23::smiley23::smiley23:انت خايف على نفسك بقى !!!!!!!!!!!<a href="javascript:smilie(':waaaaawaa')"><img alt="waaaaawaaaaa" src="http://www.elaini.net/vb/images/smilies/crybaby.gif" border="0" /></a><a href="javascript:smilie(':waaaaawaa')"><img alt="waaaaawaaaaa" src="http://www.elaini.net/vb/images/smilies/crybaby.gif" border="0" /></a><a href="javascript:smilie(':waaaaawaa')"><img alt="waaaaawaaaaa" src="http://www.elaini.net/vb/images/smilies/crybaby.gif" border="0" /></a>

القصرعينية

01-11-2004, 12:41 AM

هل الأم العاملة أفضل‏..‏ حقا؟‏!‏

<!heade><TABLE cellSpacing=0 cellPadding=15 width="100%" bgColor=#ffffec border=0><TBODY><TR><TD><TABLE cellSpacing=0 cellPadding=0 width="100%" border=0><TBODY><TR><TD colSpan=2></TD></TR><TR><TD dir=rtl align=right bgColor=#ffffec>
كتبت ـ سالي مباشر
</TD></TR><TR><TD dir=rtl align=right bgColor=#ffffec>
هل الأم التي لاتعمل أفضل من العاملة؟‏!..‏ هذا السؤال أجابت عليه احدي الدراسات البريطانية التي أجريت بجامعة كامبردج علي ستمائة أم عاملة وخمسمائة وخمسين أم متفرغة‏..‏ وكانت نتائج الدراسة مفاجأة للكل‏,‏ اذ تبين أن الأم العاملة هي الأفضل في تقسيم وقتها‏,‏ وتفيد طفلها في الوقت القصير الذي تخصصه له حيث يكون هو محور التركيز‏,‏ في حين تقضي الأم التي لاتعمل وقتا اطول بجوار طفلها ولكن الوقت لايكون مخصصا له‏,‏ أي أنها لاتستفيد من الوقت في التركيز علي الطفل بل تقضيه في انجاز المهام المنزلية أو التسوق أو مشاهدة التليفزيون أو التحدث في التليفون‏,‏

ويقول الدكتور السيد أحمد استاذ علم الاجتماع‏:‏ إن ما توصلت إليه الدراسة غير متوقع ولكنه منطقي‏,‏ فالوقت المثمر الذي يقضيه أولياء الأمور مع الأطفال لانستطيع قياسه بالمدة ولكن ما يتم انجازه في هذا الوقت‏,‏ وبالطبع هذا لاينطبق علي جميع الامهات فكثير من الامهات غير العاملات يخصصن وقتهن لرعاية طفلهن والتركيز عليه ولكن الخطأ الذي تقع فيه كثير من الامهات هو اعتقادهن ان الطفل له احتياجات خاصة بالنظافة والطعام فقط‏,‏ غافلات عن انه يحتاج ايضا لمن يتحدث معه ويستمع إليه ويجيب علي اسئلته ويشاركه نشاطاته‏.‏
</TD></TR></TBODY></TABLE></TD></TR></TBODY></TABLE>

القصرعينية

13-12-2006, 05:09 PM

كنت سامعه ان في ناس عايزة تتكلم في الموضوع ده..<?xml:namespace prefix = o ns = "urn:schemas-microsoft-com:office:office" /><o:p></o:p>

مش كده؟؟

HOSSAM ELDIEB

13-12-2006, 08:05 PM

عمل المراة حرام

تعليم البنات حرام
الخروج من البيت حرام

kalamntena

13-12-2006, 08:13 PM

لا تعليق ...

أبو المعاطى شمروخ

13-12-2006, 08:18 PM

مصر فيها 75 مليون مفتى

HOSSAM ELDIEB

13-12-2006, 09:48 PM

لا طبعا

مش 75 مليون مفتي
هما تلاتة
علي جمعة
وحسام الديب
وواحد كمان مش عارف اسمه

أبو المعاطى شمروخ

13-12-2006, 10:13 PM

ماشى يا مفتى الديار

*Love Phantom*

25-12-2006, 09:00 AM

اولا احب اشكركم جميعا على ردودكم الاكثر من رائعة

ثانيا كلكم اراءكم موضوعية ورائعة

ثالثا انا اهدافي من العمل مختلفة او نقدر نقول هي وجهة نظر

انا لما دخلت طب بصراحة مكنتش داخلاها حبا فيها ولا استخسار مجموع ولا الكلام الفاضي ده كله

انا دخلتها لهدف في نفسي وهو خدمة المجتمع وتقديم خدمات صحية مقابل اجر ضئيل نسبيا
خاصة وان الخدمات الطبية اصبحت باهظة الثمن والخدمات العامة دون المستوى ولا تلقى اهتمام من القائمين عليها

اما هدفي الثاني او الدافع كان حبي الشديد للأطفال ورغبتي في عمل يخصهم وعشان كده دخلت وانا ناوية اتخصص اطفال

اما ثالث دافع كان ان المرأة بتحتاج لطبيبة مسلمة

يعني انا شخصيا لما مبلاقيش طبيبة واكون تعبانة بصراحة مبحبش اروح لطبيب رجل

لان ده بيسبب لي احراج

ومش شرط تخصصص معين

يعني مثلا قشرة الشعر مش معقولة هروح اعرض شعري على طبيب رجل

ولاني قرأت الموضوعات اللي نبهتونا بالاول اننا نقراها فانا لاحظت شئ

سن الزواج بالنسبة للمرأة

وتعليمها

انا امامي مثال حي لاكثر من امرأة متزوجة وتدرس

منهم المصريين والغير مصريين

يعني الموضوع ده لايشكل ازمة

وكمان عندهم اطفال

وليا اصدقاء اوروبيين مسلمين كتير ولقيت معظمهم تزوجوا بسن مبكر في حدود السادسة عشرة

وانا ضد منع زواج المراة قبل سن 18 لانهم كده بيحرموا ما احله الله
وبعدين ده حرية شخصية

وربنا يوفقكم جميعا ويكرمكم

*Love Phantom*

25-12-2006, 09:04 AM

اه صحيح يا اخ حسام

انت ليه دايما ضدنا؟

انا مش فاهمة بصراحة انت عندك عقدة معقدة جدااااااااااااااااااااااااااا

وعموما يا دكتور حسام الدنيا مش هتقوم وتقعد عشان رايك

وحضرتك بقى مش هتتجوز واحدة متعلمة؟

ولا هتعلم بناتك؟

وياترى اخواتك متعلمين ولا قعدتهم في البيت؟

عاوزة بقى رد

HOSSAM ELDIEB

25-12-2006, 01:23 PM

بكرهكم لسبب بسيط

انكم السبب في فساد المجتمع
انعدام الديموقراطية بسبب دخولكم مجلس الشعب
كل المصايب اللي في البلد جاية من تحت راسكم

مصباح

25-12-2006, 02:52 PM

انعدام الديموقراطية بسبب دخولكم مجلس الشعب

شكراً لك على إثراء المنتدى
!!!!

miracle

25-12-2006, 06:34 PM

اممم
و مصاحبة البنات حلال!
و المشي معاهم حلال!
ازدواجية غريبة!!!!!

أبو المعاطى شمروخ

25-12-2006, 06:55 PM

عجب العجاب

brightgalaxy5

25-12-2006, 11:21 PM

رب اهدنا فيمن هديت

serialkisser

26-12-2006, 06:53 AM

الموضوع دة شائك فعلا
انا رايي فيه ان المراة لو حبت بيتها و قعدت فيه هيبقي احسن لان عندها مهمة كبيرة جدا و يمكن مهمة بناء المجتمع من الاساس و هي مهمة تربية الاطفال
انما بقيؤ تعالو ننقاش اوضاع مجتمعنا و علي اساسها نتكلم
اولا المرتبات هزيلة لا تكاد تكفي المعيشة حتي لو اشتغل الزوجين و دة طبعا بيحتاج ان المراة تشتغل
ثانيا جيبلي واحدة ست واحدة دلوقتي امنة علي نفسها من شر الزمان يعني من الاخر دايما بتبقي خايفة ان ممكن جوزها يقلب عليها في اي وقت
طب افرضو قلب عليها و طردها برة هتعمل ايه هتعيش منين و ازاي و انتم عارفين القانون عندنا اخباره ايه كويس
لذلك لما تسال المراة العاملة تقولك انا ماليش الا شغلي شغلي هو ضماني و الحاجة الوحيدة الي واثقة فيها
عارفين لما نبص لده كله
هنلاقي ان المراة هي الي مظلومة في الاخر
ليه
لانها بتشتغل و بتربي الاطفال و بتنضف البيت و بتغسل و و و و و
يعني الخصلكم كل الي قلته بقي في جملتين في النهاية
اولا للذين ينادو بعكس عمل المراة
وفر لزوجتك الحياة الرغدة بمفردك و قدم لها ما يكفي من الضمانات لتكفيها غدر الزمن و الا فاتركها تعمل
ثانيا للي مراته بتشتغل
القران يقول(الرجال قوامون علي النساء بما انفقوا و بما فضل الله بعضهم علي بعض
لو بصيت هتلاقي ان اول شرط للقوامة هو الانفاق
و المراة في هذه الحالة تشارك معك في الانفاق
اذن فلها حقوق عليك منها المشاركة معها و مساندتها في عمل المنزل
بس كدة دي خلاصة رايي
نيجي بقي للي انا مش موافق عليه تماما
هو تقليد المراة مناصب حساسة و قيادية
و مش موافق عليه لان في نص حديث للرسول فيما معناه(ان الله لن يوفق قوما وكلوا في امرهم امراة
و شكرا

*Love Phantom*

26-12-2006, 08:36 PM

يا دكتور حسام انا طلبت رد على اسئلتي فلا تتهرب

اما يادكاترة يامتعلمين يامثقفين انا مش هقولكم اكتر من قصة صغيرة جدا

قصة سيدة بسيطة تعمل في المنازل وهذه السيدة زوجها يساعدها ويؤازرها بشدة

لدرجة انها لما بتكون تعبانة من عملها او لما تتاخر بترجع تلاقي زوجها واولادها قاموا باعداد الطعام

ده بس قصة صغيرة لناس مش متعلمة

ولاتعليق على اراء المتعلمين امثالكم

Dr.heba

17-04-2007, 08:16 PM

السلام عليكم ورحمة الله وبركـاته ,,

اولا انا بحى كل الاخوة والاخوات و بحترم كل ارائكم ,,
:smiley13:لكن بصراحة اندهشت جدا من بعض الاراء ...

عايزة أسـأل الاطباء اللى بيقولو ان تعليم المراءة وعملها حرررررام

طيب انكشـاف المراءة على الرجل مش حرام ..
و لو حد بيقرأ فى كتب الفتاوى هيجد ان لايجوز انكشاف المراءة على رجل ولو طبيب الا فى حالة عدم وجود طبيبة مسلمة و
و على نفس المستوى من المعرفة ,, اما فى حالة عدم وجود الطبيبة او ان الطبيب أمهر فيجوز ولكن بشروط يكون طبيب مسلم ويجود محرم وغيرها ..

المهم بما ان نصف المجتمع مراءة
يبقى محتاجين نصف خريجى الطب نساء حتى نحقق فرض الكفاية ..

و الحمد لله مؤخرا مع ذيادة الوعى الدينىأصبحت السيدات يبحثن على طبيبات فى مختلف التخصصات للكشف..

يعنى مطــــــــــــــــــــــــلوب طبيبــــــــــــــــــــــــات

و على فكرة اول طبيبة فى الاسلام هى السيدة رفيدة بنت سعد و لو كانت المهنة حرام للنساء كما يدعى البعض كان اولى تحريمها فى عصر الرسول و الصحابة

السيده رفيده كانت اول ممرضه و طبيبه فى الاسلام وكانت تخرج مع المسلمين فى الغزوات لتمرض جرحاهم وامرها النبى ان تنصب خيمتها فى المسجد لعلاج سيدنا سعد بن معاذ عندما اصيب فى غزوة الخندق

و شكرا

مصباح

17-04-2007, 09:05 PM

يا دكتورة هبة متشغليش بالك بالآراء الغريبة
الأغلبية معدتش بتناقش مسألة تعليم المرأة و لا جدال في ضرورة وجود طبيبات كفء
متنزعجيش من المنكرين لهذا
كونك لا ترى الشمس لا يعني عدم وجودها
و الله أعلم

DR_ROLAAN

21-02-2008, 09:17 PM

السلام عليكم ورحمه الله وبركاته
اولا انا احب اقولكم انى فى طب اسكندريه
وجديده معاكم فى المنتدى هنا
وسعيده جدا بانضمامى اليكم:confused:
بالنسبه لعمل المرآه هو فيه جوانب كتير لازم تتناقش
لان تعددت الاسباب والهدف واحد
يعنى فيه اسباب كتير البنت او المرآه بتنويها قبل ما بتخرج للشغل
يعنى انا شوفت اسباب كتير من الاخوات فى المنتدى بتجعلها تخرج للعمل وكلامى علينا احنا اقصد الطبيبات يعنى
وانا بجد عايزه اتناقش فيها ولو فى تفكيرى حاجه غلط ممكن تصلحوهالى:aiaiai:
فى مرآه كالطبيبه بتخرج علشان زى ما معظمنا بيقول تخدم نساء المسلمين ولا تكشف عوراتها امام رجل اجنبى عنهاوبصراحه انا الحكايه دى غيظانى اوى لان اغلبيه ده لو مكنش كلهم بنات طب بيتخصصوا يا اطفال يااما نسا وتوليد طيب فين جميع التخصصات يا جماعه يعنى مفيش باطن مفيش عظام وكتير من التخصصات مفيش طبيبات فيها يعنى هى الست مبتتعبش ابدا طالما احنا نيتنا اننا نخدمهم يبقى لازم نكون فى جميع التخصصات يعنى مثلا المرآه الى بتحتاج دكتور باطن طيب مفيش طبيبات ماهى بتضطر تروح لدكتور رجل يعنى يبقى احنا عملنا ايه من عندنا
وفى مرآه بتخرج للعمل علشان صعبان عليها تعب السنين الى فاتت طيب انا مثلا واحده هدرس ست سنين ده غير سنه الامتياز ويقلولى بعد كده متشتغليش طيب مشتغلش ليه حرام اضيع تعبى والله العظيم كل البنات بتقول كده والى فى صيدله حرام اضيع تعبى وتروح تتبهدل فى شركات الادويه وتبقى مندوبه مبيعات وتلف على المستشفيات والعيادات زيها زى الرجل بالظبط وكلنا يا جماعه بنشوف الحاجات دى والمحاميه حرام تضيع تعبها والمحاسبه حرام تضيع تعبها والمهندسه وكلهم بيقولوا كده لكن فين تفكرنا فى دينا وفى الاسلام مفيش كله بينسى النقطه دى
مثال تانى لسبب عملها انها لازم تلاقى شغل ويبقى معاها فلوس افرض اتجوزت وزوجها طلع راجل مش كويس طلقها ولا بهدلها ولا عمل اى حاجه تبقى ليها مصروفها انا بقى ردى فى ده انه سوء اختيار منها لانها لو اختارت صح مكنش هيحصل كده ولو افترضنا اننا ان ده سبب لخروج المرآه للعمل طيب ما كده من حق جميع النساء تخرج للعمل ومحدش يضمن بقى الى جى فيه ايه وزوجى هيطلع شكله ايه؟؟؟؟؟واصلا الطبيبه لو جالها شغل بليل لو زوجك سابك تنزلى ده لو سابك يعنى يبقى انتى اكيد مش فى مصر
وده اخر سبب او اقدر اقول حجه علشان المرآه تخرج للعمل تقول ايه بعد ما اهلى صرفوا عليه ده كله انا لازم اساعدهم واردلهم ولو جزء بسيط يعنى هما كانوا اشتكوا ولا عيرونا بالمصاريف بتاعتنا والسبب ده برضه زى الى قبليه بالظبط هيضطر كده كل النساء تخرج للعمل
يعنى فى الاخر الى انا عايزه اوصله ان بجد احنا مش قادرين نوصل لحل
يعنى المجتمع محتاج طبيبه مسلمه طيب ما هى هتتعرض للاختلاط والطبيبه لازم تسافر وتتعلم وتعرف علشان تبقى بدرجه كفاءه الرجل الطبيب
طيب علشان تسافر لازم محرم معاها وده كلام رسولنا عليه افضل الصلاه والسلام لاتخرج المرآه لسفر لا بمحرم يعنى علشان تكمل بقيت مشوارها هتبهدل بقى المحرم ده سواء كان زوج او اخ او اب او خال او عم
وبجد يعنى هو مش احنا هنتحاسب زينا زى اى حد
لما ربنا يسـألنا واحنا بينا يديه محافظتوش على نفسكم من الاختلاط ليه
هنقول ايه كنا بنخدم نساء المسلمين
وقتها كل واحده خدمتيها هتقول نفسى نفسى
يبقى ايه الحل
مشكلتنا ان مصر دوله اسلاميه ولكن اسم فقط وللاسف الشديد
يعنى المستشفيات الاختلاط فيها حدث ولا حرج
ولو ربنا كرمكم وطبيبه فتحت عياده بعد عمر طويل كده او نفترض ان الوالد ربنا كرمه وفتحلك عياده (خلينا نحلم الحلم مش عيب انا يوم ما والدى ربنا كرمه جبلى موبيل n 73نحمد الله احسن من مفيش ):smiley2:
برضه الاختلاط فى العياده موجود لو مريضه جت بيكون معاها زوجها ولو تخصصك مش نساء بس من الطارق عليك ان ممكن يجيلك رجل وسعتها هتبقى الوقعه اكبر
ما هو الحل ؟؟؟؟؟؟؟
وطبعا الى انا وصلتله بعد تفكير عميق وكانت مصيبه بالنسبه ليه ان فعلا المرآه مش صح انها تشتغل حتى ولو كانت طبيبه اقولكم ليه بقى لان صفات الخروج للعمل الشرعيه والى >كرها احد الاخوه فى الموضوع غير متواجده فى مصر يعنى حتى الطبيبه لما بتخرج للعمل بتأثم وده للاسف الشديد يعنى يا خساره على السنين دى كلها والنظر الى راح
وياريت يا جماعه لو انا كلامى مش صح او فى حاجه مش بتحصل فى الواقع حد يناقشنى فيها
جزاكم الله خيرا

STROMA

21-02-2008, 09:32 PM

اهلا بيكى معانا يا رولان

بتكتب كده ولا ايه؟؟؟

نورتى المنتدى

نتمنى نشوفك كتييييييييييييير

:tamtam::tamtam:

STROMA

21-02-2008, 09:34 PM

ياريت تكبرلنا الخط يا رولان

عشان نعرف نقرا مشاركتك

نورتينا مرة تانيه :smiley1:

DR_ROLAAN

21-02-2008, 11:39 PM

اهلا بيكى معانا يا رولان

بتكتب كده ولا ايه؟؟؟

نورتى المنتدى

نتمنى نشوفك كتييييييييييييير

:tamtam::tamtam:

ايوه صح بيتكتب كده هو تقريبا غريب شويه الاسم لكن هعمل ايه اسمى ومش هعرف اغيره؟؟؟؟
المنتدى منور بيكى
جزاك الله خيرا على ترحيبك بيه
كده الخط معقول ولا ابقى اكبر تانى:smiley23:

dr kemo

26-02-2008, 11:27 AM

الستات لازم تقعد في البيت

و الشحط اللي هي متجوزاه هو اللي يشتغل و يصرف عليها

rbj_cortaze

26-02-2008, 02:52 PM

هقول وامري لله ال جوايه.........
بس مفيناش من ضرب....اوكي..........
--انا قولت قبل كده لما كنا فتحين مدونة عيزه اتجوز
البنات هما ال بيعملوا في نفسهم كده؟؟؟؟؟؟؟؟؟؟؟
مبيتجوزوش لان الرجاله امثالنا مبيلقوش شغل
الشغل ال هما محتلينه في كل مكان وزمان
--------ماهي لو البنات قعدت في البيت..الرجاله هتلاقي شغل
وبكده يبنوا مستقبلهم...ويرحوا يتجوزوا البنات دول..
--بس طالما هما عيزين يشتغلوا يبقوا بقا يدوروا علي عرسان
بنفسهم...لان العريس عمره ماهو جي لان معهوش ال يخليه
يتكلم ويقول انا جي اخطب بنتك يا حج(ابو العروسة)
---من الاخر لالالالالالالالالالالالالالالالا لعمل البنات....
الراي ده لمصلحتكم
.......قولت من غير ضرب!!!!!!!!!!!!:aiaiai:

DR_ROLAAN

26-02-2008, 03:24 PM

انا برضه معاكم فى حكايه اننا نقعد فى البيت
بيتنا اولى بينا بلا شغل بلا وجع قلب
انا عن نفسى مش هشتغل
وده برضايا
لان بجد جو الاختلاط ده سيء جدا
كفايه بجد الى شفناه فى الكليه دى

ekm86

26-02-2008, 03:29 PM

الأول (من أربع خمس سنين) كان رأيي من رأي rbj
لكن دلوقتي خلاص..
المشكلة مش في اللي بيشتغلوا .. المشكلة في وضع البلد ككل
يعني في الدول التانية عددهم أكتر مننا والستات والرجالة بيشتغلوا عادي (طبعا في نسبة بَطَالَة.. بس مش متضخمة زي عندنا)
تاني حاجة شغل الست أريح للراجل (لو كان يعني وقت الشغل محدد ومراعية بيتها كويس).. إزاي؟
الست اللي بتشتغل بتروح شغلها وتيجي تعمل الغدا وبعد كده تشوف هتعمل إيه.. إلخ
لكن اللي قاعدة في البيت تصحى تجهز ولادها للمدارس وترتب بيتها ، وتبقى فاضية بقى.. هتعمل إيه؟؟ مفيش غير الرغي مع فلانة.. والكلام مع علانة.. وعمل مشاكل مع دي ومع دي.. أو لو مالهاش في الرغي هتزهق من قعدة البيت وتبدأ الشكوى من الفراغ والملل

طبعا الكلام ده مش قاعدة عامة.. لكن ده اللي أنا شفته كتير قدامي

over_dose

26-02-2008, 05:45 PM

DR_ROLAAN

26-02-2008, 06:07 PM

الكلام اللي انتو قلتوه كلكم متوازن ومش هاعلق عليه بس الكلام اللي قالته الدكتورة رولان هو اللي فيه شوية مشاكل
انتي بتلعبي على نقطة ان المرأة مش من المظبوط انها تنكشف على الرجل الطبيب طيب بصرف النظر عن اختلاف الكفاءات هو مش فيه حكم شرعي في الموضوع ده واضح وصريح ومجمع عليه؟ايوه طبعا يا دكتور النساء طالما فيه طبيب وطبيبه مسلمه على نفس الكفاءه ونفس العلم يبقى تروح للطبيبه المسلمه لكن لو الطبيب افضل من الطبيبه فى علمه او مفيش طبيبات مسلمات فى المجال فيجوز انها تكشف عند رجل طيبيب مسلم انا مقولتش حاجه فى الموضوع ده حضرتك لانه حكمه واضح والكثير منا بيعرفه

وبعدين انتي قلبتي على ان الدين واحكامه يمنعوا الرأة انها تحصل على الكفاءة الطبية الموازية للرجل وده صحيح لكن مش لازم تبقى جراحة مخ وأعصاب انا مقولتش الدين بيمنع انا قولت انها علشان تبقى بنفس كفاءه الرجل لازم تسافر وتتعلم وتقرى يعنى بمعنى اصح تفرغ وقتها كله للدراسه والعلم زى الراجل وكان كل كلامى انها علشان تقدر تسافر وتروح وتيجى وتكمل مشوارها لازم فى سفرها يكون معاها محرم وانا ذكرت الحديث الا الرسول نهى فيه خروج المرأه بدون محرم فمش معقول ان الرجال المحرم ليها هيسيبوا شغلهم وهيفضوا ليه علشان يروحوا ويجوا معاها ده قصدى
فيه تخصصات تانية انسب واهدى انا برضه مستغربه النقطه دى ان كل البنات بتقولك انا هشتغل علشا النساء ميكشفوش عند طيبيب رجل فكنت بقول طيب طالما احنا نيتنا كده يبقى لازم نتخصص فى كل المجالات مش بس نسا وتوليد واطفال لان لما نساء المسلمين الى احنا نزلنا اشتغلنا علشانهم يمرضوا باى مرض بعيد عن تخصص النسا والتوليد مثلا باطن عظام اى تخصص تانى طيب ما بتتكشف على الطبيب برضه يبقى ملهوش لازمه نزولنا للشغل لاننا كده كده سبنه مجالات للرجال يكشفوا فيها على النساء مجتش على النسا والتوليد وهنقول نخدم بنات المسلمين ياريت اكون قادره اوضح لحضرتك وجهت نظرى
ومش قصدي الاطفال لان للاسف معظم البنات بياخدوه وهما الحقيقة مش كويسين فيه وبتكون النتيجة انهم تحولو الى خطر على الاطفال والكلام ده اناماقولتوش الا لما دخلت المستشفيات الملئى بنائبات الاطفال وشفت البلاوي اللي بيعملوها لكن هذا لا يمنع وجود كفاءات عالية منهم انا بحترمهم جدا اكيد فى طبيبات على كفاءه عاليه ولازم اى طبيب او طبيبه يكون على درجه كبيره من العلم قبل ما يمرض حد لانها ارواح واحنا هنتحاسب ونتسأل عليه
وعالعموم ياريت اللي عنده رأي في نقظة الطبيب الذكر اللي بيكشف على انثى يقولها علشان نحسم الموضوع نهائيا الاول انا شرحت لحضرتك ما كنت اقصده ووجهه نظرى وياريت حضرتك تكون تفهمت رأى

تقبلوا تحياتي

جزاك الله خيرا
سعيده جدا بمناقشت حضرتك ليه
ولو انا عندى برضه فكره غلط يبقى جزاك الله خيرا لو تصلاحالى

kalamntena

26-02-2008, 06:21 PM

معلش يا جماعة سؤال بهدوء
هو احنا امتى هنبدأ نفكر في المهم؟؟؟

لسه بنتكلم عن عمل المرأه
و لسه بنتكلم عن تأخر سن الزواج
ولسه بنتكلم عن ارتفاع الاسعار و قلة الاجور

هو احنا امتى هنبطل كلام ونبدأ نشتغل بجد
الناس بتجري واحنا واقفين نتكلم في حاجات .......

over_dose

26-02-2008, 10:48 PM

يا رولان -مش عارف اذا كنت كده كاتبه صح- انا فاهم انتي عايزة تقولي ايه وانما كنت بعقب على كلامك فقط

وبالنسبة لكلامك كلمنتينا انا معاكي
بس ازاي نخلي الناس دي تتكلم في المهم نقفل المواضيع الغير مهمة علشان العقلاء يرتفعوا للمهم واما غير العقلاء فخليهم يتكلموا فيما يريدون فهم مثبطين على كل حال

تقبلوا تحياتي

لذيذه

13-03-2008, 07:18 PM

السلام عليكم
اذكرو الله
لااله الا الله محمد رسول الله
انا مش فهمه يعنى ااية عمل المراه و خلافة ؟؟؟؟
الاهم من عمل المراه المشاكل البتوجهه اثناء العمل و الرجوع الى المنزل و دى سلسلة طويلة علشان نتناقش فيها
لااكن طبعا لو طبق خروج البنت او المراه من المنزل كما يجب مش هيكون فى مشاكل ال قليل
اما نوع العمل مش هنتكلم فية لاان كل و احد لية ظروفة
(ادام حلال )
اما الزواج:tamtam:
ده نصيب م شعملية البنات السبب
يعنى مثال شاب عايز يتزوج ومش معاه فلوس يعمل اية ؟؟؟؟؟
اوبنت متقدم لخطبتها عريس و عيزه تتجهز اهلها يعملو اية ؟؟
للاسف احنا ال بس بنسيب الاصل و نبص على الدنيا و ملهيتها
الموضوع مناقشتة حلو جدا لااكن المناقشة مش هتوصل لجزاء من حل و بنتكلم فى ثغرات غريبة
ونسينا مواضيع اهم بكثثثثثثثر :union: