اعلان حركة تكليف دفعة 2006

[co0o0L]

الاعلان نزل في الوزاره و دي صورته


http://www.dvd4arab.com/attachment.php?attachmentid=233568&d=1196233281





http://www.dvd4arab.com/attachment.php?attachmentid=233569&d=1196233333



بس اللي انا مش فاهمه موضوع التوزيع جغرافيا ده؟؟؟؟؟؟ مكنش موجود السنه اللي فاتت

[smile]

فين الاعلان يا دكتور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ظ

[kalamntena]

نصيحة
محدش يستعجل ويكتب الرغبات بتاءا على شكل المنطقة
يعنى مثلا محافظة الفيوم فيها كذا مركز
منهم يوسف الصديق وسنورس و طمية
هل تتخيلوا ان افضلهم هي طمية وابعد مكان هو مركز يوسف الصديق

فياريت تسألوا الاول قبل ما تكتبوا الرغبات

ومحدش يقول دي مش هتجيلي فمش هكتبها
اكتبوا الرغبات كانكوا اوائل الدفعة
لان العملية بالنسبة ليكو فيها تنظيم اكتر من دفعتنا

[dr_mostafa]

اييه يا دكتورة كلمنتينا ماشاء الله ايه المعلومات دى عن الفييوم

[dr_mostafa]

طامية مش طمية

[goldenmind]

طب يا حبذا يا شباب دفعة 2005 تنقلوا لنا خبرتكم عن مزايا وعيوب كل محافظة.
وبعدين ...على أي أساس بيكون التوزيع داخل المحافظة ؟

[kalamntena]

طامية مش طمية
احم
ربنا ستار حليم يا دكتور
مابلاش فضايح على الملأ كده





طب يا حبذا يا شباب دفعة 2005 تنقلوا لنا خبرتكم عن مزايا وعيوب كل محافظة.
وبعدين ...على أي أساس بيكون التوزيع داخل المحافظة ؟

متهيألى د. سامح اي جي ومصباح اكتر ناس ممكن يفيدوا في الحتة دي


فبلاش انا اتكلم والخبطكوا لحد ماهم يردوا الاول

[مصباح]

طب يا حبذا يا شباب دفعة 2005 تنقلوا لنا خبرتكم عن مزايا وعيوب كل محافظة.
وبعدين ...على أي أساس بيكون التوزيع داخل المحافظة ؟

أولاً بأيد كلام كلمنتينا

ثانياً : اختيارك للمحافظة أو الادارة الأصل فيها :
بُعد المسافة عنك (زي ما قالت كلمنتينا متبصش للمحافظة ككل لأن الدنيا بقت ادارات دلوقتي)
و سمعة المدير الحالي للادارة - مثلاً : سنورس (اللي انا فيها) ادارة مديرها شديد ..إلخ
و حالة الادارة من حيث الفائض و العجز



التوزيع داخل الادارة بيكون على حسب رؤية مدير الادارة - لو شايف يبعتك المكان الفلاني هيبعتك ... لو ليك دلال عليه هيديلك المكان اللي انت عايزه(و دا مش شائع) أو لو الدنيا مزنقة معاه و عنده عجز هيرميك في وحدة كل اللي قبلك مكانوش عايزينها ..هوه كل اللي هامه يملا خانات - عشان الناس اللي بتشرف عليه متلومش عليه انه سايب وحدات فاضية

الادارات المريحة - زي طامية في الفيوم - العدد فيها فائض و اللي بيروح زيادة بيمسكوه يوم في الأسبوع في المستشفى العام .. أو بيخلوه طبيب تاني في وحدة
بس دا وضعها عشان هيا مفيهاش عجز
============

دا اللي حاضرني دلوقتي في الموضوع

[brightgalaxy5]

الاعلان مش باين عندي
ممكن تفصيل اكتر عن كيفية اختيار المنطقة

[dr_mostafa]

الاعلان موجود انا صورته وحطيته ف هنعمل ايه 2006 الاعلان والتفاصيل

[dr_manosh2010]

انا مش شايفه الاعلان هنا وبرده مش موجود فى هنعمل ايه 2006

[zahraatoty]

مش شايفه حاجه

[sameh_ig]

حاليا وضع التكليف شىء استغفر اللة العظيم يا رب و منة للة الى كان السبب

المهم لا تراجع ولا اسستلام

محافظات نائية :5

البحر الاحمر و شمال وجنوب سيناء و مرسى مطروح و الوادى الجديد

لو جالك حاجة فى شمال سيناء اوعى تروح اعمل تظلم و تقارير طبيبة لان الوضع هناك اداريا و معيشيا ازفت من الزفت شويتين


فى محافظات زى اسماعلية و بورسعيد و السويس دول ظاهريا بس كويسين بس هما فى الحقيقة روتيييييييييييييييييييين وملل و اداريا متخلفين عقليا و الافضل انك تروح بى واسطة محترمة لانك مش هتاخد حقك غير كدة و متقولشى الواسطة و مش الواسطة لو راضى البس يا حلو وحدة فى القنطرة ولا فى اى صحراء و عيش وورينى نفسك


مديرية الصحة بل قاهرة و الجيزة صعبين جدا مع وجود الدكتورة نيبال اللى مبهدلة الدنيا


لو تقدر تروح مستشفيات فى التكليف يبقى احسن ملييييييييييييون مرة

انا مش عارف انا هشرح اية

فا اللى عايز يستفسر عن محافظة بعنها يقولى

[mgabr]

يعنى احنا اخر وقت لنكتب رغباتنا امتى ومعهد ناصر ومستشفيات التامين الكويسه دى نظامها ايه ياريت حد يفهمنا النظام احنا مش فاهمين حاجه

[kalamntena]

كده يا دكتور سامح نص دفعة 2006 هتقدم استقالتها ويمكن ميكملوش امتياز
:icon_mrgr


في حدود اختصاصي
خلينى اتكلم على قد ماعرف


يا ريت الناس تكتب اللى هي عايزاه وتنسى موضوع بيدي لا بيد عمرو دي
يعنى فيه ناس بيحبوا يتنبأوا و يقولوا مجموعي ما يودنيش هناك
لا وضعكوا احسن كتير من وضعنا
وده لان التكليف بتاعكوا نزل من دلوقتى والمعاهد برضه نزلت من دلوقنى
و برضه الجامعة بعتت عدد النيابات اللى عايزاها من دلوقتى _ بس في الخباثة _
و ده عشان محدش يشغل اكتر من مكان


طيب

سؤال د. محمد او محمود جبر
يعنى احنا اخر وقت لنكتب رغباتنا امتى ومعهد ناصر ومستشفيات التامين الكويسه دى نظامها ايه ياريت حد يفهمنا النظام احنا مش فاهمين حاجه

هي اساسا لسه رغاباتكوا مانزلتش
لكن وقت ماتنزل هيقولوا اخر يوم كذا
مستشفيات التأمين كويسة طبعا مقارنة بوحدات وزارة الصحة
مبدئيا الجهات الخارجية اللي هي اي حاجة غير الوحدات افضل منها
طيب
الحاجات دي هتعرفوها منين
بتبقى نازلة مع الطوابع

بصوا اقولكوا على حل كويس
كل واحد يعرف اي حاجة عن الوحدات في المحافظات يكتبها
و من هنا لحد ما تنزل رغباتكو
نكون عملنا حاجة كويسة ان شاء الله
انا ممكن اسألكوا على الفيوم والسويس

[zahraatoty]

يا شباب ممكن حد يفهمني هي النيابات الإستثنائبة معتمده على أيه بالظبط ؟؟ ولو حد أتكلف في مكان تاني غير القاهرة والجيزه ممكن يقدم فيها؟؟

[kalamntena]

بتعتمد على المجموع يا توتي
و اي حد ممكن يقدم فيها ان شاء الله حتى لو تكليفه في شمال سيناء

[أبو المعاطى شمروخ]

ليا سؤال نفسى افهمه

انا مثلا خلصت سنة 6 اهوه
وناوى اقدم فى اى حاجة ساي شرطة جيش اى حاجة او اى وزارة تانية

هقدم يا جماعة وانا فى امتياز ولا بعد ما اخلص امتياز ولا فى نص الامتياز
التقديم فى اى حاجة غير الصحة بيبقى امتى؟؟؟؟؟؟؟؟؟

[sameh_ig]

فى اخر 3 شهور من امتياز و بعدين لا شرطة ولا جيش يا عم اوعى بلاش وجع دماغ هتفضل طول عمرك تحت رحمتهم و ملهاش لازمة و مش حلوة زى منتا فاكر


انتا يا جدع انتا مستعجل ية متعيش اليوم الاول و لما تبقى تيجى لو كنا عايشين نقول و نتكلم

[أبو المعاطى شمروخ]

والله دا للعلم بالشىء بس

يعنى بشوف الناس بتفوتهم حاجات اتاخروا فى التقديم فيها
دى النقطة اللى شدتنى