المساعد الشخصي الرقمي

مشاهدة النسخة كاملة : فى اوضة العمليات


kalamntena
30-12-2003, 07:54 PM
في حاجات ما تحبش تسمعها وأنت في اوضة العمليات خصوصا لو كنت أنت المريض!!!!!!!!!
1-يا جماعة حد يلحق القطة اللي جريت بعضمة الراجل خلينا نركبها ونخلص
2- لما اللي أنا طلعته الأول كان الطحال أمال ده يبقى إيه؟
3-يا مس عايز مشرط ،موسكيتو، مفك عاده…
4-تاخيرلى العيان ده أريح جنبه شويه ضهرى وجعنى
5- فك يا عم دول 17 فوطة بس المفروض يبقوا 22
6-هوه القلب يمين ولا شمال يا جماعة؟ ساعات كده وساعات كده
7- إيه يا دكتورة هبه ده مجرد فار مفيش داعي للذعر اللي انت فيه ده
8- الحمد لله شيلنا الأمعاء كلها دلوقتى نشتغل على نضيف
9-النور قطع … معلش يا دكتور محمد مانا اهوه قدامك ربنا واخد منى البصر بس مديني البصيرة وأديني جراح قد الدنيا
10-أنا شامم ريحة شياط مين سايب الدياثيرمى على العيان كده
11-(هاوم) يا دكتور احمد … يا ابنى روح نادى د. احمد بتاع التخدير وقوله الأنبوبة فكت و الدكاترة (هاوم) بينامو
12- خخخخخخخخ بششششششش تييت تييت خخخخخخخخخ بششششششش تييت تييت
وعجبى
مدنجي
30-12-2003, 11:41 PM
<p>تررن..تان..تا..تررن..تان..تا..(اخاصمك آه بالبولى فونيكس)</p><p>اهلاً معلم قرنى.</p><p>ايه؟؟</p><p>تانى كدا..</p><p>هاتى يا سعاد(الممرضة) ورقة وقلم..</p><p>لحظة يا معلم..</p><p>لحظة..</p><p>ايوا..</p><p>قول كدا تانى يا معلم عاوز ايه؟؟</p><p>مم..</p><p>4 كيلو كبدة..</p><p>و 5 فشة..</p><p>و 2 طحال..</p><p>و 4 امخاخ..</p><p>تمام ..</p><p>حاضر..</p><p>ايه؟؟ </p><p>جنون البقر..</p><p>لا متخافش احنا امخاخنا نضيفة..</p><p>كن مطمئن..</p><p>ساعة بالكتير و البضاعة تبقى عندك..</p><p>.</p><p>.</p><p>.</p><p>دى..</p>
yasser salim
02-01-2004, 02:48 PM
ماحدِّش يلومني***********ولا يعتب عليا
kalamntena
02-01-2004, 03:32 PM
بما انك يا اخ مدنجى الوحيد اللى بيرفع معنوياتى (انت ولولو و الاسمر والقصرعينية ومصباح و.....)
و بما ان كتير جدا بلاحظ ان القراء الاعزاء بيعجبهم كلامى اويييييييي
عشان خاطر اطفال المجاعات قولى
هوه انا غلسة اوي كده؟!!!!!!!!!!!
مدنجي
03-01-2004, 01:50 PM
لا ابداً مش قوى كدا..
kalamntena
03-01-2004, 08:28 PM
يعنى انا غلسة ؟!!!!!!!!
ماشى ماشى
طب مش قدام الناس كده
مصراوى
04-01-2004, 02:43 PM
<p>مش مهم انت غلسة ولا_ لا</p><p>المخم(على راى صاخب المخل) الروح الحلوة</p><p>و النفس اللى تقرا</p><p>بس قولى يارب</p><p>شيع</p>
kalamntena
04-01-2004, 08:10 PM
يا رب يخدنى ؟!!!!!!!!!
مصراوى
07-01-2004, 09:46 PM
<p>ياخد عدوينك</p><p>قولى ان شاء الله</p><p>لا و الله على فكرة انا اعتز جدا </p><p>بالاستماع الى كل الآراء الجديدة حتي و ان كانت على حد وصف البعض بالغلسة </p><p>و ع العموم كلنا سمعنا الكلمة دى من قبلك</p><p>الظاهر انها نوع من الترحيب بالاعضاء الجدد</p><p>شيع</p>
kalamntena
07-01-2004, 09:51 PM
يا عم مصراوى مكنتش كلمة
و بعدين انا من اول المشاركين فى المنتدى بس انا سافرت قردستان الاجازة اللى فاتت و مسيييييرك فى يوم هتعرف
مصراوى
07-01-2004, 09:55 PM
<p>حمد الله ع السلامة مقدما</p><p>و انا في انتظار اليوم اللى مسيري فيه حاعرف</p><p>شيع</p>
roseangle
20-05-2007, 08:42 AM
حلوه اوي و لما قرأتها كلها و الردود اللي عليها ..موضوع حلو و وانسانه احلي


و روح رياضيه اتمني اوصلها مع كل اعضاء المنتدي
kalamntena
20-05-2007, 11:55 PM
يا حبيبتي ربنا يكرمك
عادي عادي
في بيتها
roseangle
21-05-2007, 12:18 AM
يا حبيبتي ربنا يكرمك
عادي عادي
في بيتها



حلوه في بيتها ديه ...اشطه يا كوكو:twins:
noona
02-09-2007, 01:52 AM
على فكر ة بقى يا كلمنتينا
انا بحبك جدا جدا
وما بصدق الاقى توبيك مكتوب باسمك او رديتى عليه عشان ادخل واشوفه

ما بقيتيش تدخلى كتير يا قمر
انتى مشغولة بقى ربنا معاكى

:smiley27.
قال غلسة قال!!!!!!!!
kalamntena
02-09-2007, 07:01 PM
و انا بمووووووووووووت فيكي يا نونو يا سكرة

دا انتى كده هتخلينى ارجع لايام زمان
broken nonna
27-09-2007, 01:20 PM
دكتورة كلمنتينا حلوة قوى العبارات دى ما شاء الله.
و على ذكر اوضة العمليات افتكرت تلات مواقف:
مرة اصحابى صمموا يحضروا ولادة طبيعية فى كشك النسا فى الدمرداش
(وطبعا القطط كانت بالهبل,الا هى صحيح بتبقى موجودة عشان يدوها البلاسنتا تاكلها؟!!!)
دخلنا و الدكتور قال دى تجيبولها كرسي!!(دى كانت انا!!)
معرفش الظاهر شم ادرينالينى و لا ايه!!
انا بعد ما قال دى و انا بالذات بالعنية كدة رفضت الكرسي(قاللى انتى بالذات لازم نجيبلك كرسي,شكلك كدة مش هيعمر معايا فى الاوضة دى!!)
المعنى فى بطن الست_قصدى_الجملة يعنى يا اسمع الكلام بدون مقاوحة يا انطرد
جابوا الكرسي
انا بس شفت المودام نايمة ازاى و لا الصويت بقيت ادور على الكرسي!!!
الطريف ان الدكتور قاعد يضحك عليا و هو بيولد الست!!
و دى كانت اول مرة اشوف دكتور شغال فى الدمرداش و بيضحك!!

الموقف التانى :
صاحبتى بتعمل منظار و انا رحت معاها بنجوها و هى طلبت انى ادخل معاها الاوضة الدكتور وافق و قاللى بس ممكن بس طلب صغير
قلتله اتفضل؟
قاللى اسندى التلاجة!!
قلتله نعم!!
قاللى اسندى التلاجة!!
دكتور التخدير ضحك لما لاقانى بسند التلاجة فعلا!!
لقيت دكتور المنظار بيبتسم ويقوله يا اخى الواحد له نظرة!!
و باصلي قاالى يا دكتورة :هيأغم عليكى و انا شغال هسيبك مش هفوق حد معلش
رديت :لا انا مابيأغمش عليا!
قاللى واضح يا دكتورة دانتى مرعوبة لدرجة مش مركزة فى اللي بقوله
ضيعتى دعابتى يا شيخة!!
10 دقايق بس و فهمت لانى سندت التلاجة!!:smiley2::smiley2:

الموقف التالت:
اصريت احضر incision chalazion
الدكتور دخلنى انا و اصحابى كالعادة
كله بقى مركز مع الدكتور الا انا!!
طيب اركز ازاى و انا كل شوية اسمع اممممممممممممم تاااك!!
قال ايه ال كومبرسيور!!
المشكلة ما كانتش فى كدة
كانت فى ريحة الشيبسي اللى شماها!!
و لما سألت اصحابي ضحكوا
الدكتور رفع راسه اخيرا عن الراجل و ابتسم :
ده الاوتو كلاف!!!
ekm86
09-10-2007, 02:09 PM
موضوع جامد
أنا تخيلت لو أنا العيان وسمعت الكلام ده:bold:

أكيد هاقف وأفك الأجهزة وأشد على برة
لأن أكيد مش هيحصل لي أكتر من اللي حصل لي:smiley24.


:smiley1:
kalamntena
26-07-2009, 11:53 PM
فين الجملة اللى انت زودتها يا اسمر


دبانة في اوضة العمليات؟
مش مهم عقموها بس ولبسوها ماسك
ماسك ام الدنيا
brightgalaxy5
27-07-2009, 02:05 AM
هههه
جامدة
:)