ده انت مهول سبحان من صورك

[kalamntena]

امتى ممكن تقول "ده انت مهول سبحان من صورك"
-لو قابلت واحد بيتكلم 72 كلمة فى الدقيقة
-لو شفت صاروخ معدى و انت بتكلم صاحبك
-لو صاحبك ناوى يصالح مراته ويجيبلها عربية مع ان مفيش فى جيبه غير ربع جنيه تمن تدكرة الاوتوبيس
-لو واحد حب يقنعك بانه ممكن يكون رئيس امريكا
كل كده وارد بس انا بقى اتقالى كده عشان ………….
-يوم ما اتولدت قالولى انى كنت جميلة قوى _ كنت يا سيدى كنت_ عشان كده قالولى "ده انت مهولة سبحان من صورك"
-العيال كلها بتنزل تعيط وان ماعيطتش الدكتور بيخليها تعيط انا بقى و بلا فخر الوحيدة اللى خلت الدكتور و الممرضات و المستشفى كلها تعيط
-كل العيال برضه بتفضل ترضع 6 شهور انا بقى اكلت جوزين حمام وانا عندى 5 شهور
-انا من يومى مثقفة جدا كل العيال بتقول واء وانا كنت بقول ابو الدرداء
-اول كلمة قلتها كانت وانا عندى 6 شهور _لا يا ظريف مش جعانة_كانت (انتو تفأحو الملالة) واول واحدة قريتها كانت وانا عندى 3 سنين كنت لما اركب العربية اقعد اقرا نمر العربيات بس فيى كلمة مكنتش بعرف معناها (سلاكى القاهرة)
-لما كبرت شوية و رحت المدرسة عملت اول مظاهرة و انا فى تالتة ابتدائى اى نعم تم احتواء الانقلاب و تم نفيي الى جمهورية بيتنا الموقر بس ده ميمنعش انى عدت تانى بعد ما دفع اهلى الفدية
-كنت بلعب فى الشارع حارس مرمى بدمتك مش لازم يتقال عليا ده انت مهول …
-محسوبتك رياضية من الدرجة الاولى لعبت كل حاجة …. صلح ،سيكا على العالى ،بلى مسافات طويلة… و غيرها
-خلصت ثانوى ودخلت الكلية و فى اول يوم دبيت خناقة مع واحد عرفت بعد كده انه العميد و فضلت فى اولى 7 سنين لحد ما العميد ده اتشال
-بعد ما خلصت الكلية اكتشفت طريقة زراعة المكرونة فى طشت تحت السرير وده كان موضوع رسالة الدكتوراه بتاعتى اللى اخدت عليها جايزة تشيرنوبل
-اترقيت و بقيت عميدة كلية زراعة المريخ بعد 72 سنة بس من التخرج
-امبارح احتفلت بعيد ميلادى الشبعتاشر للمرة ال63
-ماما
-انت لسه صاحية ياللا بقى عندك حضانة بكرة ايه ده؟ انت اللى كتبت ده؟!!!!!
ده انت مهولة سبحان من صورك

[مصراوى]

<p>:smiley5.:</p><p>ده انت مهولة سبحان من صورك</p><p /><p /><p /><p /><p /><p /><p /><p /><p /><p /><p /><p /><p>ده</p>